نجلاء .. نجلاء ... نجلاء

ماذا نقول ؟ وماذا نفعل ؟

والله خجلانين من نفسنا .. يا بت امي ..

نجلاء يا ياسيدة النبل
يا رفيقة البلد والروح
لن يمسك شر
فتمسكى بالخير الذى هو نسيجك
وابقى على عهدك
لن نفرط فيك
لك ننحنى ولك نقف مشرعا ضد طوفان الذين يحاولون النيل منك
لك تنحنى النخلات
فانت تفوقينها طولا
ولك يقف النيل احتراما فانتى بعدد ذرات مائه نقاءا
تحياتى اختى عفاف

نسال الله الا تصاب باذي او مكروه
ونطالب باطلاق سراحها فورا
سلام يا عفاف

Quote: نسال الله الا تصاب باذي او مكروه ونطالب باطلاق سراحها فورا

ان شاءالله يا العوض يا اخوي نجلاء لا تشوف اذي ولا تتهان ولا تتنضام بحق لا اله إلا الله محمد رسول الله ..

ربنا مع المظلوم .... نجلاء لا ظلمة ولا سرقت ولا نهبت ... يعلم الله ..

الله في ....



تسلم يا العوض يا اخوي

Quote: نجلاء يا ياسيدة النبل يا رفيقة البلد والروح لن يمسك شر فتمسكى بالخير الذى هو نسيجك وابقى على عهدك لن نفرط فيك لك ننحنى ولك نقف مشرعا ضد طوفان الذين يحاولون النيل منك لك تنحنى النخلات فانت تفوقينها طولا ولك يقف النيل احتراما فانتى بعدد ذرات مائه نقاءا

سلمى يا بت امى نشوف فى العوجه وقلوبنا موجوعه بالحاصل .....

بس ... الله في ..


يا نجلاء دعواتنا ليك إن شاءالله تصلك اينما كنتى ...

Quote: نجلاء يا ياسيدة النبل يا رفيقة البلد والروح لن يمسك شر فتمسكى بالخير الذى هو نسيجك وابقى على عهدك لن نفرط فيك لك ننحنى ولك نقف مشرعا ضد طوفان الذين يحاولون النيل منك لك تنحنى النخلات فانت تفوقينها طولا ولك يقف النيل احتراما فانتى بعدد ذرات مائه نقاءا تحياتى اختى عفاف

لقد عبرتي عني الحبيبة سلمي ..
تسلمي الحبيبة عفاف ..
ودمتم بالف خير ..

Quote: لقد عبرتي عني الحبيبة سلمي ..

امانى .... تسلم سلمى وتسلم نجلاء ويسلمو كل الحبيبات من شرور الدنيا ...

يا مهمومة بحال الناس شر ما يجيك
يا انسانة
يا فنانة
يا حارسانا
يحرسك الله
يا شايفانا يشوفك الله
يا حاسانا
نحبك نحنا
ننده ليك البلا ما يجيكى
ويغتيكى حب والديك
وحب الناس يا انسانة
تفيضى كنيل
وتدى النيل ملامح موجو
وتدى الليل ملامح شوفو
يا شمسنا طلى
يا قمرنا البضوى مكان العتمة
يا نجمتنا
يا صباح العيد الجانا بشوفتك
يا انسانة

Quote: يا مهمومة بحال الناس شر ما يجيك يا انسانة يا فنانة يا حارسانا يحرسك الله يا شايفانا يشوفك الله يا حاسانا نحبك نحنا ننده ليك البلا ما يجيكى ويغتيكى حب والديك وحب الناس يا انسانة تفيضى كنيل وتدى النيل ملامح موجو وتدى الليل ملامح شوفو يا شمسنا طلى يا قمرنا البضوى مكان العتمة يا نجمتنا يا صباح العيد الجانا بشوفتك يا انسانة

قولي ... قولي ... قولي يا سلمى الما قادرين نحن نقولوا ...

صح لسانك يا الحبيبة ...

نجلاء يا نخله ... لك الله ولي سيد بيتك وعيالك ..

عند الله حقك ما بروح ....

الله في ...

يا بنية من شتل الجروف
ما يجيك شر
يا بنية من لون العشم
مكحولة بيك عيون وطنك كحل
مجدولة بيك كل الضفاير
يا امل بنوت تساسق للامل
يا رمز لينا
يا ضل يقينا
يا امنا
يا همنا يا عزنا يا بتنا
فخورة بيك كل ام فى الوطن
يا وطن
خلى بالك منها
دى العيون التتاوق فى القلوب وتطمنا
دى البسيمة التضوى فى كل الشفاه وتامنا
يا ستنا يا حجوتنا فى ليل الضنى
نسمة ما تشيل من لون وشيك الا وتضيف ليك البرق فى ضحكتك
يا ضحكنا
يا عيون الناس بتشوف فى وشيك امل
املى المكان بالصورة والضو والامل
يا بت يا امل يا سعد ياوعد
يا اجمل البنوت "نجيلا"
ونجيك وتجينا شايلة امل
يا امل

Quote: يا بنية من شتل الجروف ما يجيك شر يا بنية من لون العشم مكحولة بيك عيون وطنك كحل مجدولة بيك كل الضفاير يا امل بنوت تساسق للامل يا رمز لينا يا ضل يقينا يا امنا يا همنا يا عزنا يا بتنا فخورة بيك كل ام فى الوطن يا وطن خلى بالك منها دى العيون التتاوق فى القلوب وتطمنا دى البسيمة التضوى فى كل الشفاه وتامنا يا ستنا يا حجوتنا فى ليل الضنى نسمة ما تشيل من لون وشيك الا وتضيف ليك البرق فى ضحكتك يا ضحكنا يا عيون الناس بتشوف فى وشيك امل املى المكان بالصورة والضو والامل يا بت يا امل يا سعد ياوعد يا اجمل البنوت "نجيلا" ونجيك وتجينا شايلة امل يا امل

سلمي لا فض فوكي

الحرية لأم الضعفاء نجلاء السودان

التحية للمناضلة الشريفة العفيفة نجلاء والخزى والعار للانقاذ من لدن عمر البشير القاتل المجرم الى زبانيته من عصابات الامن اطلقوا سراح المناضلة نجلاء

الاخت عفاف سلام
والله يابت امي غلبنا النقولوا
الجماعه ديل عينهم في الفيل وبطعنو في ضلو
نجلاء لاتملك الا لسانها وقلما
ذي ماقالت اختي سلمه لا سرقت ولا ظلمت
بالعكس عايزه تصلح وبدون عنف

هنا عند الحكومه بتستفيد من النقد والمظاهرات
لكن الجماعه طشوا وبقي ينطبق عليهم
الشكر والحمد مابنفع السجمان
الليل والنهار واحد علي العميان
فربنا يحفظها من كل شر ويرجعها الي اسرتها ولينا بالسلامه
ويخسى على دي انقاذ

الحرية للجسورة نجلاء

Quote: الجماعه ديل عينهم في الفيل وبطعنو في ضلو

منى يا حبيبة


الله في .... الله مع المظلوم

عفاف يا حبيبة سلام بقلدة محنة
نجلاء تحفها العناية الإلآهية من فوق إن شاء الله
ياها هي عشم الليلة وباكر
وشمعتنا الضوايا في عتمة المخاطر

الحرية للجسورة نجلاء
والخزي والعار لهؤلاء الأوباش عديمي الإنسانية والضمير

ياسلام عليكم

عفاف وسلمى واسماء الجنيد وامانى وكل الناس الحلوين شكرا على جميل التضامن

الحمد لله على السلامة .. العظيمة نجلاء