Post: #1
Title: خلااااص ضحكت سما الخرطوم حبيبتنا...و حاجز السجن إنكسر
Author: ناصر البطل
Date: 06-20-2012, 12:23 PM
يبدو أن الشعب قرر ما يريد
و المسأله مسألة زمن
ستملؤون المعتقلات
يا كيزان و سيسقط الشهداء
و الأرض تنبت ألف ثائر
و عندمايقول الشعب كلمته
لا نحتاج لأجوبه شاكلة من سيحكم و البديل
ولا نحتاج لدعم المعارضه البائس
الشعب و فقط الشعب
علي المعارضه أن تحذر من إخماد بدايات الثوره
ببث أخبار كاذبه
و تصريحات آل المهدى و المرغني السمجه
و على الجنوبيون أن لا يلعبوا دورهم المعهود كغواصات للنظام بفعل
كارثه تجعل الشعب يلتف حول النظام غصبا عنه
و على الحركات المسلحه توخى الحذر فى التصريحات تجاه الشعب بمختلف طوائفه
و عدم التوغل فى التصنيفات مخاطبة العرق ليلتف أكبر عدد من الشعب حول الإنتفاضه
فما عجزت عنه الحركة الشعبيه و الحركات المسلحه
يستطيع الشعب فعله فى سته أيام و دونكم نميري
فقط أعطوا الشعب فرصه
و الحكومة تسقط من الخرطوم
و ليتركوا الشعب يواجه الحكومه وفق ما يهوى الحياة و يبتكر
|
Post: #2
Title: Re: خلااااص ضحكت سما الخرطوم حبيبتنا...و حاجز السجن إنكسر
Author: محمد حيدر المشرف
Date: 06-20-2012, 01:37 PM
Parent: #1
انطلقت الشرارة يا ناصر ..
والاجواء معبأة بالهتاف الوطنى ..
وستضحك كل السموات ..
الخرطوم
امدرمان
بحرى
مدنى
نيالا
الفاشر
الابيض
كسلا
عطبره
وبورتسودان ..
|
Post: #3
Title: Re: خلااااص ضحكت سما الخرطوم حبيبتنا...و حاجز السجن إنكسر
Author: ناصر البطل
Date: 06-20-2012, 02:00 PM
Parent: #2
سلامات يا محمد
الطغاة لا يعون الدرس أبدا
لو كان للبشير ذرة عقل عليه أن ينفذ بجلده اليوم قبل غدا
و لكن نفس ساقية جحا ستدور
أملا فى البقاء و حبا فى اللسطه بمختلف المسميات
ستخرج الجماهير الشوارع
و سيحاول الأمن قمع الشعب
و مع سقوط أول شهيد
سيستحيل إعادة الزمن للوراء
و سيرحل النظام شاء أم أبي
هذه القصه محفورة فى عقول البشريه منذ الأزل
و ما أستغرب له
كيف أن أجهزة الأمن و الطغاة لا يستوعبونها
|
Post: #4
Title: Re: خلااااص ضحكت سما الخرطوم حبيبتنا...و حاجز السجن إنكسر
Author: هشام عباس
Date: 06-20-2012, 02:28 PM
Parent: #3
غنى ياخرطوم غنى
شدى أوتار المغنى
ضوى من جبهة شهيدك
أمسياتك واطمئنى
نحنا منك ريح وهبت
نار وشبت
فى وجوه الخانو اسمك ياجميلة
ونحن ياست الحبايب من ثمارك
فى دروب الليل نهارك
وقبل مايطول انتظارك
نحن جينا
وديل أنحنا القالو متنا
وقالوا للناس انتهينا
جينا زى ما كنا حضنك... يحتوينا
لما فارسك فينا هبَّ
وعبَّ حجرك بالمحبة وبالأماني
صحى نار الثورة تاني وجانا داخل
زي شعاع الشمس من كل المداخل
وهز بالمنشور وبشر
ياما فرهد فى عيونك غصن أخضر
وفرحة أكبر من شجونك
والسلاسل يا جميلة
يوم ما كان ميلاد شهيدك
يلا غني ولاقي عيدك
ولى ثمارك لقي ايديك
جيل مكافح حلَّ قيدك
فى غضبنا الحر ولافح
وياما باكر وفى زنازين العساكر
نبني مجدك ومهرجانك
وكل قطرة دم عشانك
ولى جديدك يا جميلة
|
Post: #5
Title: Re: خلااااص ضحكت سما الخرطوم حبيبتنا...و حاجز السجن إنكسر
Author: ناصر البطل
Date: 06-20-2012, 02:52 PM
Parent: #4
Quote: فى وجوه الخانو اسمك ياجميلة
ونحن ياست الحبايب من ثمارك |
جميلة رائحة البمبان و النيم
و الجري فى أزقة الأحياء حفاة
نساء يحملن جرادل بها مشروبات تطفى عطش المتظاهرين
و شابات يرششن الماء علي الطرح
يا الللللللااااااااااه
جميله المظاهرات بكل مأسيها
و متين جرح البلد يشفى
|
|