Post: #1
Title: تحري الصدق في نقل اخبار المظاهرات ؟ يو كيدنق ؟ :)
Author: خدر
Date: 06-19-2012, 09:28 AM
Parent: #0
شنو قصة تحروا الصدق في نقل اخبار المظاهرات الحايمة في المنابر اليومين ديل دي ؟
ليه نتحري الصدق !!
دي معركة ما ختة صندوق و المعركة مباح فيها اي شي .. الامن بفتك بالطلاب في الجامعات و منسوبي الامن في منابر الحوار بقيدوا في الشرفاء بي كلام فارغ من نوع مصدرك شنو ؟ مصدر في عينك , دي حرب و الحرب خدعة و كذبة ثم اخيرا انتصار و كذبة المصداقية البلغاء ده ما مكانها .. لا مصداقية في الحرب ولا في المفاوضات , المصداقية اختبارها الحقيقي في الوعد و عدم الوفاء به طيلة 23 عام . وين المصداقية كانت من زمن " اذهب الي السجن حبيسا و سأذهب الي القصر رئيسا " حتي " قلعنا هجليج عنوة و إقتدار" ؟
يحكمك و يكذب فاقد المصداقية 23 سنة و يرسل ليك وليداتو في المنابر ينعقوا في اضانك اليوم كلو , "مصداقيتك في المحك" .. و انت لانو شكلك مهم في المنابر دي كمثقف عضوي و كسياسي حصيف تنطلي عليك الخدعة و تجتهد في انك تحافظ علي مصداقيتك . اصلو مصداقيتك دي ولا لباسك ؟
الانصياع لخدعة المصداقية هو تعطيل لاحد الاسلحة الهامة الفي يدنا .. و هو اول هدف يحرزوا الامنجية فينا حتي قبل بدء المباراة
يا شرفاء السودان .. العين بالعين و السن بالسن و الكذبة بمثلها
اكذبوا حتي تسقط حكومة القتلة فالكذب احد اسلحتكم النفسية المزلزلة لعروشهم
|
Post: #2
Title: Re: تحري الصدق في نقل اخبار المظاهرات ؟ يو كيدنق ؟ :)
Author: خدر
Date: 06-19-2012, 09:59 AM
Parent: #1
رصاص مطاطى .. اشرف ..هندسة الخرطوم
____
منقول عن الفيسبوك
يلا علينا جاي .. الامنجية يجوني و يغالطوني في انو كيف الرصاصة ما قدت وش اشرف و انو البوزويشن الكان فيهو اشرف شنو لانو الزاوية دي صعبة في التنشين .
الغالاطين يجي يقول انو الصورة دي فوتوشوب . ناس تحري المصداقية يجوا يقولوا عاوزين زول بعرف اشرف لتأكيد المعلومة و ما بنصدقك يا خدر الا تجيب لينا اشرف ده زاتو هنا في المنبر , ويابكري امنح اشرف عضوية الخ الخ
|
Post: #3
Title: Re: تحري الصدق في نقل اخبار المظاهرات ؟ يو كيدنق ؟ :)
Author: Hussein Mallasi
Date: 06-19-2012, 10:05 AM
Parent: #2
| Quote: ليه نتحري الصدق !! |
عشان تكون عندكم مصداقية.
|
Post: #4
Title: Re: تحري الصدق في نقل اخبار المظاهرات ؟ يو كيدنق ؟ :)
Author: Hadeer Alzain
Date: 06-19-2012, 10:06 AM
Parent: #1
Quote:
يا شرفاء السودان .. العين بالعين و السن بالسن و الكذبة بمثلها
اكذبوا حتي تسقط حكومة القتلة فالكذب احد اسلحتكم النفسية المزلزلة لعروشهم |
يا خدر عمرك أطول من عمري ..!
الحيرني شديييد الزرزرة لأماني العجب في صورة قالوا نزلت غلط
وطالبين فيها إعتذار وراجين بوشي بالنجيضة !!! .... آر زي كيدنق ؟ :)
دي يا ربي يسموها شنو  ؟
سياسة تشتيت للكورة ولا حرفنة كيزانية ولا إستغباء لينا؟؟
ونحنا البعتذر لينا منو عن الكم وعشرين سنة كضب دي؟؟؟؟؟؟!!!!!
شوف البراءة الممثلنها دي عليك الله ..أجيي يخواني!!!!!!!!!!!!!!
أعيد وأكرر معك : 
يا شرفاء السودان .. العين بالعين و السن بالسن و الكذبة بمثلها
اكذبوا حتي تسقط حكومة القتلة فالكذب احد اسلحتكم النفسية المزلزلة لعروشهم
.
|
Post: #5
Title: Re: تحري الصدق في نقل اخبار المظاهرات ؟ يو كيدنق ؟ :)
Author: ناصر احمد الامين
Date: 06-19-2012, 10:11 AM
Parent: #4
كذب عن كذب يفرق يا جماعة
و ليست قصة (هجم النمر) عنا ببعيد.
|
Post: #6
Title: Re: تحري الصدق في نقل اخبار المظاهرات ؟ يو كيدنق ؟ :)
Author: خدر
Date: 06-19-2012, 10:17 AM
Parent: #5
قصة هجم النمر بتاع كتاب المطالعة داك كان ود عبيط و بتراشق و بخفف في دمو
ما عندها علاقة بالمصداقية في العمل السياسي يا ناصر
|
Post: #9
Title: Re: تحري الصدق في نقل اخبار المظاهرات ؟ يو كيدنق ؟ :)
Author: بدر الدين اسحاق احمد
Date: 06-19-2012, 10:26 AM
Parent: #6
Quote: شنو قصة تحروا الصدق في نقل اخبار المظاهرات الحايمة في المنابر اليومين ديل دي ؟
ليه نتحري الصدق !!
دي معركة ما ختة صندوق و المعركة مباح فيها اي شي .. الامن بفتك بالطلاب في الجامعات و منسوبي الامن في منابر الحوار بقيدوا في الشرفاء بي كلام فارغ من نوع مصدرك شنو ؟ مصدر في عينك , دي حرب و الحرب خدعة و كذبة ثم اخيرا انتصار و كذبة المصداقية البلغاء ده ما مكانها .. لا مصداقية في الحرب ولا في المفاوضات , المصداقية اختبارها الحقيقي في الوعد و عدم الوفاء به طيلة 23 عام . وين المصداقية كانت من زمن " اذهب الي السجن حبيسا و سأذهب الي القصر رئيسا " حتي " قلعنا هجليج عنوة و إقتدار" ؟
يحكمك و يكذب فاقد المصداقية 23 سنة و يرسل ليك وليداتو في المنابر ينعقوا في اضانك اليوم كلو , "مصداقيتك في المحك" .. و انت لانو شكلك مهم في المنابر دي كمثقف عضوي و كسياسي حصيف تنطلي عليك الخدعة و تجتهد في انك تحافظ علي مصداقيتك . اصلو مصداقيتك دي ولا لباسك ؟
الانصياع لخدعة المصداقية هو تعطيل لاحد الاسلحة الهامة الفي يدنا .. و هو اول هدف يحرزوا الامنجية فينا حتي قبل بدء المباراة
يا شرفاء السودان .. العين بالعين و السن بالسن و الكذبة بمثلها
اكذبوا حتي تسقط حكومة القتلة فالكذب احد اسلحتكم النفسية المزلزلة لعروشهم |
يا شرفاء السودان .. العين بالعين و السن بالسن و الكذبة بمثلها اكذبوا حتي تسقط حكومة القتلة فالكذب احد اسلحتكم النفسية المزلزلة لعروشهم
ميكافيلى سيد الاسم لم يكن ينتهج هذا النهج ( على الاقل ) لم يكن ينحو الى التبرير الاخلاقى لما يؤمن به .
|
Post: #12
Title: Re: تحري الصدق في نقل اخبار المظاهرات ؟ يو كيدنق ؟ :)
Author: Siham Elmugammar
Date: 06-19-2012, 10:36 AM
Parent: #6
يا خدر يو ميد ماى داى
You have a point but I don't agree with you
الناس تتحرى الصدق
آن اوان الناس تتبنى موقف محمد حيدر المشرف
لا رد ...لا تداخل...و لا كحه ساااى مع الكيزان
والامنجية نهااااائى
خلو بوستاتهم يطبلو فيها هم و يرفعوها هم
لمن زيتهم يطلع...
و لو شككوا فى خبر برضو مافى زول يهبب ليهم
ياخ فترنا
الناس ديل مكانهم القاع اسفيريا وواقعيا
لا تجعلوهم يقتاتوا على مداخلاتكم فمن غيرها
لا يسوى و لا يقرأ ما يكتبون
|
Post: #7
Title: Re: تحري الصدق في نقل اخبار المظاهرات ؟ يو كيدنق ؟ :)
Author: Hadeer Alzain
Date: 06-19-2012, 10:22 AM
Parent: #5
يا ناصر ألم تسمع بالحرب النفسية في الثورات وفي هكذا حالات؟؟؟!!!
.
|
Post: #8
Title: Re: تحري الصدق في نقل اخبار المظاهرات ؟ يو كيدنق ؟ :)
Author: خدر
Date: 06-19-2012, 10:24 AM
Parent: #4
Quote: ونحنا البعتذر لينا منو عن الكم وعشرين سنة كضب دي؟؟؟؟؟؟!!!!!
شوف البراءة الممثلنها دي عليك الله .أجيي يخواني  .!!!!!!!!!!!!!! |
|
Post: #10
Title: Re: تحري الصدق في نقل اخبار المظاهرات ؟ يو كيدنق ؟ :)
Author: خدر
Date: 06-19-2012, 10:28 AM
Parent: #8
| Quote: ميكافيلى سيد الاسم لم يكن ينتهج هذا النهج ( على الاقل ) لم يكن ينحو الى التبرير الاخلاقى لما يؤمن به . |
وصل الامنجي الغالاط .. حد يرد عليهو بلاهي
|
Post: #11
Title: Re: تحري الصدق في نقل اخبار المظاهرات ؟ يو كيدنق ؟ :)
Author: مريم بنت الحسين
Date: 06-19-2012, 10:36 AM
Parent: #10
أشرف أصلا ساكن الرياض... واتشاكل مع تامر في ايسكريم فراولة... تامر لزاه، قام وقع، كان في الواطه في حجر قام ضربه كده... !
|
Post: #13
Title: Re: تحري الصدق في نقل اخبار المظاهرات ؟ يو كيدنق ؟ :)
Author: Hussein Mallasi
Date: 06-19-2012, 10:53 AM
Parent: #11
| Quote: ما عندها علاقة بالمصداقية في العمل السياسي يا ناصر |
يدعو لعدم تحري الصدق ثم يتكئ على المصداقية في العمل السياسي .. فتأمل!
|
Post: #16
Title: Re: تحري الصدق في نقل اخبار المظاهرات ؟ يو كيدنق ؟ :)
Author: Dr.Elsadig Abdalla
Date: 06-19-2012, 11:00 AM
Parent: #13
| Quote: عشان تكون عندكم مصداقية. |
أين مصداقية المجلس العسكري في يونيو 1989 عندما قالوا أنهم لاعلاقة لهم باي تنظيم سياسي واتضح بعد ذلك أن الجبهه الاسلاميه القوميه كانت المدبر ...؟
|
Post: #18
Title: Re: تحري الصدق في نقل اخبار المظاهرات ؟ يو كيدنق ؟ :)
Author: زياد جعفر عبدالله
Date: 06-19-2012, 11:10 AM
Parent: #13
غايتو اهم فائدة لأخبار المظاهرات الكاذبة إنها بتجهجه باكات الامنجية و ترهقم.
لاكنها ممكن برضو ترهق جهود من يود المشاركة في مظاهرة و يذهب فلا يجدها
..
غير ذلك فالحرب خدعة كما قال خدر
|
Post: #20
Title: Re: تحري الصدق في نقل اخبار المظاهرات ؟ يو كيدنق ؟ :)
Author: خدر
Date: 06-19-2012, 01:15 PM
Parent: #13
| Quote: يدعو لعدم تحري الصدق ثم يتكئ على المصداقية في العمل السياسي .. فتأمل! |
اتفضل عزيزي المشاهد , ولا حوجني اجيب امثلة
____
شكرا يا حسين
|
Post: #14
Title: Re: تحري الصدق في نقل اخبار المظاهرات ؟ يو كيدنق ؟ :)
Author: محمد البشرى الخضر
Date: 06-19-2012, 10:56 AM
Parent: #11
يا مولانا خدر
الكذب واحد من الحاجات المقومة الناس على الحكومة بالاضافة للظلم و الفساد و الفشل ... إلخ
ثم الحكومة لا بسقطها لا بجهجها خير مظاهرة كاذبة أو شهيد اسفيري بقدر ما تفعل المظاهرة الحقيقية على الأرض
|
Post: #22
Title: Re: تحري الصدق في نقل اخبار المظاهرات ؟ يو كيدنق ؟ :)
Author: خدر
Date: 06-19-2012, 01:38 PM
Parent: #14
| Quote: ثم الحكومة لا بسقطها لا بجهجها خير مظاهرة كاذبة أو شهيد اسفيري بقدر ما تفعل المظاهرة الحقيقية على الأرض |
هو ناس سودانيزاونلاين "تقرأ الاسافير" مديين ناس الارض فرصة يتظاهروا بي راحتهم , بدون ما يغالطوهم يا باشمهندس
|
Post: #17
Title: Re: تحري الصدق في نقل اخبار المظاهرات ؟ يو كيدنق ؟ :)
Author: محمد إبراهيم علي
Date: 06-19-2012, 11:01 AM
Parent: #11
انتو دحين الصور الاتنشرت دي مش من السودان ولاحداث حدثت في اطار مسيرة الشعب السوداني للانعتاق من الانقاذ دي
وتيييب
ما الموجب للاعتذار عنها
الواحد انهار الدم السايلة دي ما عايز يعتذر عنها وداير اعتذار عن صورة حقيقية
هؤلاء لم يهمهم دم الحسين ويخشون ان يفسد دم البعوضة وضوءهم
رشوهم رشاهم بلا
|
Post: #15
Title: Re: تحري الصدق في نقل اخبار المظاهرات ؟ يو كيدنق ؟ :)
Author: Hadeer Alzain
Date: 06-19-2012, 10:58 AM
Parent: #10
يا خدر ما ترد .. بس
التجاهل
التجاهل
التجاهل
لكل ما يمت للكيزان بصلة
وأيضآ كما أوصت بت المجمر على لسان ود المشرف !
.
|
Post: #19
Title: Re: تحري الصدق في نقل اخبار المظاهرات ؟ يو كيدنق ؟ :)
Author: أحمد أمين
Date: 06-19-2012, 01:02 PM
Parent: #15
شكرا ياخدر
اتحروا الصدق قال!!!! بالله ديل عندهم وش
اكذبوا علبهم هؤلاء المنافقين
استخدموا اقذر الوسائل ضدهم انها حرب. اما هم وخراب السودان ام اما نتم وحرية السودان
لأن نظامهم اصلا قائم علي كذبة ومن عاش بكذبة سوف يموت بها.....
تخلصوا من الطيبة السودانية لو لحين، هم بالذات استغلوا طيبة واريحية هذا الشعب
الذي من دون كل الشعوب من حولنا اتاح لهم حرية التعبير والتنظيم والعمل السياسي
ولم يسحلهم كالاسد في سوريا
او دق اعناقهم كصدام العراق
او ضيق عليهم الخناق وعلقهم في المشانق كما في مصر
هذه الطيبة السودانية التي احيان تصل الي درجة السذاجة
هي التي استغلها هذا التنظيم الحربائي الكاذب الفاجر
واهان واذل الشعب السوداني، هذا هو جزاء سمنار
الان يتصرفون في هذه البلاد في كل انحائها كأنهم قوة استعمارية غازية واجنبية
انظروا الي سياراتهم المدججة بالسلاح وهي تجوب الشوارع في الخرطوم وغيرها هؤلاء ليس سودانيين هؤلاء مستعمرين جدد
للتخلص من قهرهم افعلوا ما بدي لكم هذا نظام فاشي الطيبة والسذاجة لا تنفع معه.
استخدموا شعاراتهم حتي يظنوا انكم منهم، وانقلبوا عليهم...............
(هذا ما فعلته الحركة الشعبيىة اثناء حرب الجنوب ياتي مقاتليها يهتفون الله اكبر ويصدقهم سذج الجهاد بعد ان يدخلوا معسكرهم يقضون عليهم..)
دعوا قواهم تنهار فهم مصاقرين النت 24 ساعة
اي خبر مظاهرة جارين وراها
افعلوا معهم كما يفعل مصارعي الثيران
لتسديد الطعنة المميتة
|
Post: #21
Title: Re: تحري الصدق في نقل اخبار المظاهرات ؟ يو كيدنق ؟ :)
Author: محمد أبوالعزائم أبوالريش
Date: 06-19-2012, 01:33 PM
Parent: #19
ده ردي على بوشي في بوست صاحبك تبارك:
|
Post: #23
Title: Re: تحري الصدق في نقل اخبار المظاهرات ؟ يو كيدنق ؟ :)
Author: سعد مدني
Date: 06-19-2012, 01:40 PM
Parent: #21
|
Post: #25
Title: Re: تحري الصدق في نقل اخبار المظاهرات ؟ يو كيدنق ؟ :)
Author: وليد محمد المبارك
Date: 06-19-2012, 03:03 PM
Parent: #24
هاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاها
هاهاهاهاهاهاهاهاهاهاهاهاهاهاهاهاهاهاهاهاهاهاهاهاها
|
Post: #26
Title: Re: تحري الصدق في نقل اخبار المظاهرات ؟ يو كيدنق ؟ :)
Author: وليد محمد المبارك
Date: 06-19-2012, 03:15 PM
Parent: #25
احمد وحاج احمد
نشوف منو الكضاب فيكم اكتر
بعد شوية عرجو لينا على الحاجات التانير وابيحوها
الدنيا ما حرب
_________
والله كان اكذبوا يا شرفاء ما عارف
|
Post: #27
Title: Re: تحري الصدق في نقل اخبار المظاهرات ؟ يو كيدنق ؟ :)
Author: Balla Musa
Date: 06-19-2012, 03:26 PM
Parent: #26
أربعة طلاب فى مصر
كانوا مزنوقين واﻹمتحان على الشبابيك
قاعدين بذاكروا
تلاتة منهم بدخنوا.
يعملوا الشاى ويشربوا ثم يدخنوا ويرموا عقب السيجارة فى الكباية
الرابع مابيدخن
وشاف حكاية الناس بترمى باقى السيجارة فى الكباية,
قام كسبا للزمن كزملائه بقى يبصق فى الكباية القدامو
التلاتة استنكروا بصقه فى الكباية وعبروا عن عظيم استيائهم واشمئزازهم..
رد عليهم:
وانتو بتدخنوا وبترموا باقى السيجارة فى كباية الشاى
الفرق شنو يعنى؟
|
Post: #28
Title: Re: تحري الصدق في نقل اخبار المظاهرات ؟ يو كيدنق ؟ :)
Author: Amani Al Ajab
Date: 06-19-2012, 05:02 PM
Parent: #27
الأخ خدر والمتداخلون الكرام ..
المصداقية مهمة والصدق قيمة إن
ضاعت فماذا تبقى لنا ؟!
والميكافيلية مرفوضة وإن كنا نستعمل
أساليب الإنقاذ فماهي مشكلتنا معها ..
نتحرى الصدق والدقة فيما ننشر وإن
حدث خطأ نعتذر عنه ونصححه في حينه ،
ولتبقى عيوننا وعيون من نختلف ونتفق
معهم مفتوحة..
نشرت عدداً كبيراً من الصور والفيديوهات
منذ إندلاع المظاهرات الأخيرة ..وقد نبهني
الأخ عماد حسين مشكوراً في بوست أن
هناك صورة واحدة مما نشرت لا علاقة
لها بالاحداث الأخيرة فشكرته على ذلك
وسحبت الصورة ..
كتبت لمصدرها المناضل بوشي منبهة له ..
ارسلت رسائل في مواقع ألفيس بوك منبهة
لتحري الدقة والصدق في نشر المواد حول
المظاهرات الجارية كمبدأ ، وتحسباً لمواد
يسربها جهاز أمن الإنقاذ كطعم يستخدمه
هتيفة الإنقاذ لنصب المشانق لمن يقع فيه
وتحويل الانظار من الحراك في الشارع
السوداني
دمتم جميعاً بالف خير ..
-----------------------------------------
ملحوظة : في مواقع ألفيس بوك منذ بداية
المظاهرات إنتشرت العديد من الصور
القديمة والاخبار الكاذبة !
|
Post: #29
Title: Re: تحري الصدق في نقل اخبار المظاهرات ؟ يو كيدنق ؟ :)
Author: وليد محمد المبارك
Date: 06-19-2012, 05:49 PM
Parent: #28
Quote: وإن كنا نستعمل
أساليب الإنقاذ فماهي مشكلتنا معها .. |
الله عليك
ده الكلام
|
Post: #30
Title: Re: تحري الصدق في نقل اخبار المظاهرات ؟ يو كيدنق ؟ :)
Author: الصادق اسماعيل
Date: 06-19-2012, 07:26 PM
Parent: #29
عزيزنا خدر
أحياناً تبالغوووووووون عدييييل كده.
وسؤال تاني حتكضب تقول شنو؟ عارف الكضبة الوحيدة المقبولة حالياًإنك تقول:
والله الإنقاذ دي احسن نظام مرّ على السودان.
|
Post: #33
Title: Re: تحري الصدق في نقل اخبار المظاهرات ؟ يو كيدنق ؟ :)
Author: الشفيع وراق عبد الرحمن
Date: 06-19-2012, 09:09 PM
Parent: #29
100% يا خدر
قررررط على كدهـ
|
Post: #34
Title: Re: تحري الصدق في نقل اخبار المظاهرات ؟ يو كيدنق ؟ :)
Author: خدر
Date: 06-20-2012, 09:48 AM
Parent: #28
(1)
اماني العجب سلامات ..
كتر خيرك علي النصح و خليني ابادلك نصح بنصح ...
ياستنا اي ثوري او ناشط ضد ظلم او منتمي لفصيل ثوري يجب انو يكون مبدع , مافي ابداع و عقل متقد طوالي يبقي مافي نتيجة طبيعية مبنية علي تراكم إبتداع الثوري ده لي افكار في صراعو . و ده معناهو انو ده عنصر خامل و تقليدي في صراعو و ده السائد بصراحة في صراعنا مع نظام الانقاذ او ممارسة السياسة في العموم .. معظمنا خاملون نجتر تاريخ طويل من السرية و النضال و الصبر علي المكاره حتي احتجنا الي 16 عاما مع جعفر نميري و 23 عاما مع الانقاذ و الفورة مليون . طيب اذا قررنا اننا نكون مبدعين في صراعنا مع الانقاذ يجب انو في الاول نراجع كل الافكار التي ورثناها عن التاريخ المعرفي او السياسي . يجب انو نراجع افكار الدعايةى المضاضة لنا. الميكافيلية القاطعين قلبكم بيها الكيزان و عرابي الثورات دي بإعتبارها مقولة نرجسية هي في الاصل تيار او مدرسة نشأت ضد سلطة الكنيسة و النظام الاقطاعي قبل عصر النهضة و كان للكنيسة الدور الاكبر في تشوية سمعة المدرسة الميكافيلية لانها ناصبتها العداء و اعتبرتها ضد النتطور الطبيعي للمجتمعات الاوربية . " زيها زي تجربة الاسلامويين في السودان في استهدافهم للحزب الشيوعي بالدعاية الدينية " طيب ميكافيلي كانت ملامح برنامجو السياسي شنو ؟ برنامجو كان معتمد علي محورين اساسيين
- { القوى المحركة للتاريخ هي المصلحة المادية و السلطة لا الكنيسية و الاقطاع و من خلفهم اللاهوت }
- { المطالبة بدولة وطنية حرة من الصراعات الاقطاعية }
تعالي نتفق انو توجيهات المدرسة الميكافيلة في سياقها التاريخي كانت عادلة في ظل اقطاع و نبلاء محميين بسلطة الكنيسة و اللاهوت ضد فقراء أجراء في مزارع النبلاء دون اجر .. طيب معقول يا اماني بعد التاريخ ده كلو الانا متأكد انو ما بتكوني غافله عنو تجي تقشطي لي جملة " والميكافيلية مرفوضة " بالهدوء ده زيك و زي فكي بدرالدين اسحق دون قراية و دون تبصر و انت من المبدعين سياسيا او هكذا نحسبك ؟ و ليه سميتيها ميكافيلية بالبساطة دي و ما سميتيها اسلحة في يدك في صراعك مع العدو الباطش ؟ و ليه بتقبلي انك تتخلي عن سلاح مهم في صراعك لمجرد انو عدوك البحاربك نهي عنو ؟ يا ااماني اتئدي .
حول المصداقية و الصدق ..
الصدق مع منو يا اماني يا ستنا و في شنو ؟ الصدق مع منسوبي التيار الديمقراطي و الانساني ولا مع عصابة الانقاذ ؟ الصدق مع انفسنا ولا الصدق مع الاخرين؟ الصدق في حربنا مع الانقاذ !! ار يو كيدنق ؟ يروي يا اماني ان رجلا من غطفان جاء الي اشرف الخلق محمد بن عبدالله و قال لقد اسلمت يا رسول الله فمرني بما شئت , فقال له الرسول الكريم " انما انت رجل واحد فخذل عنا ما استطعت فان الحرب خدعة " و نحن يا اماني يا ستنا رجل واحد امام دبابات و رصاص مطاطي و جيش جرار من الامنجية و معتقلات فاغره فاهها لنا تستقبل اولادنا بشوق كل يوم لتلهب ظهورهم السياط و السكاكين . و نحن يا ألبي لا تحزن "مافي ابداع في تطوير اساليب عملنا" حريصيين علي تكرار المشهد ده منذ ان نلنا استقلالنا في مازوخية يحسدنا عليها الشهيد مازوخ شخصيا. يروي ابن شهاب انه لم يسمع عن الرسول الكريم انه رخص في شيئ مما يقول الناس كذب الا في ثلاث { الحرب - الاصلاح بين الناس - حديث الرجل لزوجه و المرأة لزوجها} يبقي كيف عاوزاني بكسل احسد عليه انو اجاريك في اتباع قيمة الصدق و نبذ ما اسميتيه ميكافيلية بالبساطة دي ؟ و لمتين يا اماني نقبل انو الانقاذ تحكمنا و تضع لينا كمان شروط مقاومتها ؟ يجب ان نتبصر يا اماني و نتدبر امور مقارعتنا لها من جديد بتطوير اساليب عملنا و التركيز علي نقاط قوتنا لاستخدامها - الواجب الرئيس في تقديري حاليا هو ارهاق جموعهم في الاسافير بالاخبار و علي الارض بالتظاهر و خذيها عني و بلغي بها عني فوالله يا اماني العجب لن ترضي عنك جحافل الامن الالكتروني بسودانيزاولاين حتي تتبعي ملتهم .
سأواصل
|
Post: #31
Title: Re: تحري الصدق في نقل اخبار المظاهرات ؟ يو كيدنق ؟ :)
Author: Nasir Ahmed Elmustafa
Date: 06-19-2012, 08:03 PM
Parent: #19
Quote:
دعوا قواهم تنهار فهم مصاقرين النت 24 ساعة
اي خبر مظاهرة جارين وراها
افعلوا معهم كما يفعل مصارعي الثيران
لتسديد الطعنة المميتة
|
. هاهاها
معارضة حنكوشه خالص
|
Post: #32
Title: Re: تحري الصدق في نقل اخبار المظاهرات ؟ يو كيدنق ؟ :)
Author: طه إبراهيم عبد الله
Date: 06-19-2012, 08:24 PM
Parent: #31
Quote: Quote: ليه نتحري الصدق !!
عشان تكون عندكم مصداقية. |
والمصداقية نعمل بيها شنو ؟
هم رفعوا الدعم المزعوم عن المحروقات والسلع الأساسية - بفقه الزنقة
ونحن نرفع الدعم عن المصداقية بفقه الثورة
يا للمتنبي حين قال:
.... والصدق شرٌ إذا ألقاكَ في الكُرب العظامِ
..
هل هناك كربة أعظم مما نحن فيه ؟
|
Post: #35
Title: Re: تحري الصدق في نقل اخبار المظاهرات ؟ يو كيدنق ؟ :)
Author: محمد عبد الماجد الصايم
Date: 06-20-2012, 10:02 AM
Parent: #32
خدر .. آر يو كيدنق؟
|
Post: #36
Title: Re: تحري الصدق في نقل اخبار المظاهرات ؟ يو كيدنق ؟ :)
Author: tmbis
Date: 06-20-2012, 10:10 AM
Parent: #32
Quote: الكذب واحد من الحاجات المقومة الناس على الحكومة بالاضافة للظلم و الفساد و الفشل ... إلخ
ثم الحكومة لا بسقطها لا بجهجها خير مظاهرة كاذبة أو شهيد اسفيري بقدر ما تفعل المظاهرة الحقيقية على الأرض |
كلام ود البشرى دا يتقاس بميزان الدهـب ..
..
وبعدين يا خدر انت عايز تكضب علينا عشان شنو يعني .. ؟؟
انت لسة ماكلة معاك الحتة بتاعت محمد عبد الرحمن الشهيد وقلت تديها جكتة بي بوست زي دا ..؟
الحكومة لو كضبت .. ما بضرها شي .. اهو كضبة تضاف لي كضبها القديم .. لكن الجهات المفروض تطلع الناس من الزنقة كان بقوده ناس كضابين زيك يا خدر .. شن الفايدة فيك وفي البشير ..؟
يعني بي صورة اوضح:
امسك اماني العجب دي .. وانت وشوف معاك واحد حريف كدا .. اظبطو لي سيناريو بتاع كضبة وتعالو اقنعوني بيهو .. في الحالة دي احسن لي يكضب علي صلاح جادات واسمع قصيدة من الزول بتاع امريكا داك نسيت اسمو حسع دي ما متذكرو ..
..
تم الاستعانة بي اماني العجب كمناضلة من هيئة المحلفين ..أو لانها عجيبة جدا ولا شي غير ذلك .. جات قبل كدا حلفت ليها واحد بي نظرو وعافيتو .. ولما جيت احلفه انا .. حلفت ما تحلف ..
يعجبني جدا ان يدردق ليكم .. اي من صغار عساكر الأمن كضبة محكمة .. ويعجني شديد انكم .. تاكلوها من ناره قبال ما تبرد .. ليفطص بها كل الثورات المحتملة ..
والبغيظ اكتر .. الواحد يجي يكضب .. عينك ليهو يكضب تقوليهو يا زول انت بتكضب .. يقوليك لالا انا بكضب بي فهم وبكضب لي فوق راي .. بينما نفس الكضاب يجي هنا بي كل قوة وحقارة شديدة جدا يطلب من الكوز انو .. يعتذر عن كضبتو .. ويدعمو في ذلك .. ذاك الشيوعي اللذج الذي حدثنا عنه اساسي وحسين ملاسي .
|
Post: #37
Title: Re: تحري الصدق في نقل اخبار المظاهرات ؟ يو كيدنق ؟ :)
Author: عبدالعزيز حسين عبدالرحيم
Date: 06-20-2012, 10:45 AM
Parent: #36
تمبس سلامات
Quote: ذاك الشيوعي اللذج الذي حدثنا عنه اساسي وحسين ملاسي .
|
ياخ الشيوعي اللزج دا زاته كان قبضته حا يكضب يقول أنا ما شيوعي وشغلته كلها جري يرفع ويجابر في الشيوعين ويبكي ويمجد الحزب الشيوعي في الشيوعيين
اللزاجة مقدور عليها عنده قوة عين تحير هسع قال كضبو لكن أملو جيوبكم استيكرات اعتذار كان قبضوكم اعملو رايحين وكان زنقوكم اصرفوا بطاقة اعتذار واتخارجو
يا خدر
كويس بس ياخ أنصح لينا الضكابين ديل يكضبو ليهم كضب محترم ويخش العقل عافين ليهم (قبل أيام دقسني بنغالي لمن عرفت أتكيفت منه وعجبني)
الناس ديل قاعدين يضكبو كضب يقرف عديل ويستزفنا وفيه استخفاف بينا وكأننا شفع كدا عيب وما مقبول
صحي الشيوعيين زمان كان بدخلو كودارهم كورسات مسرح عشان يدقسوا الناس صاح
|
Post: #38
Title: Re: تحري الصدق في نقل اخبار المظاهرات ؟ يو كيدنق ؟ :)
Author: tmbis
Date: 06-20-2012, 11:11 AM
Parent: #37
| Quote: ياخ الشيوعي اللزج دا زاته كان قبضته حا يكضب يقول أنا ما شيوعي وشغلته كلها جري يرفع ويجابر في الشيوعين ويبكي ويمجد الحزب الشيوعي في الشيوعيين اللزاجة مقدور عليها عنده قوة عين تحير هسع قال كضبو لكن أملو جيوبكم استيكرات اعتذار كان قبضوكم اعملو رايحين وكان زنقوكم اصرفوا بطاقة اعتذار واتخارجو |
..
ايوة بالضبط .. ح يقول ما شيوعي .. ودا الفرق بين الشيوعي والكوز .. الكوز بيموت مووت من اجل انو (ينفي) .. و (يثبت) وتاني ينفي .. اصلو ما عندو مشكلة .. ولو اتعصر في زقاق ضيق .. مخارجتو بيعرف ليها براهو وبياكل نارو .. يا كمان يتلاشى لي فترة ويظهر
امـــا ..
اللزجين .. الواحد يتلايق فيك كدا .. وينكر لمن يفقد سوائل .. يللا يجو بقيت اللزجين الـ .. اللزج منو .. يعملو ليهو الشيل بنظام ضب العصب .. بوستات تتفتح خلال دقائق ..
ناس تجي تحلف ..
واحدات يزغردن
واحدين يهتفوا .. وآخرين يحملوا لوحات ..
بعداك يللا تلقاهو في اقرب ملف .. في اقرب بوست .. في ندوة يتحدث عن الحزب الشيوعي .. وكيف تتعلم تدفن ليك محضر في الواااطـة .. وكل ذلك بعد ان تم فك الضغط عنو ..
|
Post: #39
Title: Re: تحري الصدق في نقل اخبار المظاهرات ؟ يو كيدنق ؟ :)
Author: مازن فيصل هلال
Date: 06-20-2012, 11:11 AM
Parent: #37
| Quote: قصة هجم النمر بتاع كتاب المطالعة داك كان ود عبيط و بتراشق و بخفف في دمو |
ياخي ال(ثورات) دي بتجيب حاجات!(:
|
Post: #40
Title: Re: تحري الصدق في نقل اخبار المظاهرات ؟ يو كيدنق ؟ :)
Author: عبدالعزيز حسين عبدالرحيم
Date: 06-20-2012, 11:34 AM
Parent: #39
بالضبط يا تمبس
عارف الشغلانات دي كترت شديد وأصبحت مكشوفة ومن تلقى الواحد فيهم لزاجته كترت جب تاخد ليك غطس صغيرة تنقل ليه كوتات وصور ولينكات وما بتتعب تمشي الارشيف وتعمل سيرش تقلب صحفة صحفين تلقى البلاوي
أصبحو يستخدموا نظرية أبوالعفين الواحد تعصرو يبدأ يتلازج تجيب الصور والكوتات يفكها فيك عفنة من غير أيتها خجلة
رغم أنه عندنا نزله مزمنة وما بنشم حاجة لكن بنتخارج خجلة ساي
هسع جات نظرية جديدة الواحد يفتح البوست أو يكتب رده وعارفه فطير يفك ليه طاقية لو رديت يكوتها ويلبسك ليها مثلا يكتب (أنا ما بتكلم ما مع الجبناء البطاردوني ولن ارد عليهم وأتجاهلهم ) ويلبس رواحه ويحوص منك
|
Post: #41
Title: Re: تحري الصدق في نقل اخبار المظاهرات ؟ يو كيدنق ؟ :)
Author: tmbis
Date: 06-20-2012, 01:06 PM
Parent: #40
فوق ..
مزيدا من المتعة .. ومحاولات فك الضغط الجارية ..
|
Post: #42
Title: Re: تحري الصدق في نقل اخبار المظاهرات ؟ يو كيدنق ؟ :)
Author: أيمن الطيب
Date: 06-20-2012, 01:16 PM
Parent: #41
يا خدروف يا فنان,,
شوف الفوتو شوب دا كيف,,
المصادر سرية 
|
Post: #43
Title: Re: تحري الصدق في نقل اخبار المظاهرات ؟ يو كيدنق ؟ :)
Author: خدر
Date: 06-20-2012, 01:55 PM
Parent: #42
Quote: يا خدروف يا فنان,,
شوف الفوتو شوب دا كيف,,
المصادر سرية |
يا ايمن الصورة دي لمظاهرات احتجاجية في جزر المالديف عشية اجتماع مجموعة اليورو
ما تكذب ياخ
|
Post: #44
Title: Re: تحري الصدق في نقل اخبار المظاهرات ؟ يو كيدنق ؟ :)
Author: أبو ساندرا
Date: 06-20-2012, 02:13 PM
Parent: #43
لمن ينزل خبر هنا ويتم تكذيبه فإنه مكسب للسلطة الفاشية
وخسارة كبيرة لقوى التغيير
ومن حق أي معارض زي وزي أي واحد في الخارج أن يتردد مليون مرة في البناء على اساس خبر مضروب
هذا غير ان مناضلي الداخل الذين سوف يزيد من اصرارهم الأخبار المؤكدة التي تنقل النهوض الجماهيري في كل مكان لكل مكان
ديل ح يؤذيهم جدآ الخبر المضروب
تجربة حقيقية
--------------
أمس في شات ساخن مع ناشطة في نهاية العشرينات علقت على دعوتي بتحري الصدق
والبعد عن التمنيات ، قالت ح تكذب وتألف وتستخدم أي سلاح ضد السلطة
عارف ، بعد داك ماقدرت أبلع أي خبر نزلته
|
Post: #45
Title: Re: تحري الصدق في نقل اخبار المظاهرات ؟ يو كيدنق ؟ :)
Author: خدر
Date: 06-20-2012, 02:32 PM
Parent: #44
Quote: لمن ينزل خبر هنا ويتم تكذيبه فإنه مكسب للسلطة الفاشية
وخسارة كبيرة لقوى التغيير |
الخسارة لقوي التغيير مع امن المؤتمر الوطني ؟ ار يو كيدنق ؟ 
بالعكس يا كبير .. راجع مسلسل الشهيد محمد عبدالرحمن - الحلقة الاخيرة - و حا تلقي اننا كسبانين كتير و كتير جدا .
Quote: أمس في شات ساخن مع ناشطة في نهاية العشرينات علقت على دعوتي بتحري الصدق
والبعد عن التمنيات ، قالت ح تكذب وتألف وتستخدم أي سلاح ضد السلطة
عارف ، بعد داك ماقدرت أبلع أي خبر نزلته |
ايدها في النار يا كبير .. ايدها في النار
التحية ليها و لي رفاقتا 
|
|