العبارة الصحيحة زيادة سعر المحروقات وليس رفع الدعم عنها

فليعلم كل الاخوة الصفيون ان العبارة الصحيحة هي زيادة سعر المحروقات وليس رفع الدعم عن المحروقات ، لان رفع الدعم عنه معناها ان الوضع قد تحسن ولكن ما نشاهده ان الوضع يزداد سوءاً يوما بعد يوم ومعاناة المواطن المسكين تزداد يوما بعد يوم ومعايير العدالة في الاجور مختلة ،، فقس على ذلك واسأل هذا السؤال ما ذا سيحدث لو زاد سعر شراء جالون البنزين هل ستنخفض الاسعار ام تزيد ؟؟؟
ارجو الاجابة

المكاشفي ! شن جدا على المخدة ؟ مي ياها دي حكومة السجم الواحد الكنتا بتحوش عنها بي إيديك وكرعيك ؟ طرف السوط هبشك أخيراً . طيب الحمد لله ياخ إن شاء الله عقبال كل الما هبشم طرف السوط لسع ، عشان يعرفو الشعب دا كان مالو من زمان بيرطن يقول في شنو ، الناس تقول ليك الجوع كافر وإنتا شابكم السلم المورنق والبدخشي والرز باللبن .

Quote: المكاشفي ! شن جدا على المخدة ؟

زمان قلنا الناس ديل من
المياعه بمكان عند الشده
واحد بركز علي قناعاتو مافي

Quote: المكاشفي ! شن جدا على المخدة ؟ مي ياها دي حكومة السجم الواحد الكنتا بتحوش عنها بي إيديك وكرعيك ؟ طرف السوط هبشك أخيراً . طيب الحمد لله ياخ إن شاء الله عقبال كل الما هبشم طرف السوط لسع ، عشان يعرفو الشعب دا كان مالو من زمان بيرطن يقول في شنو ، الناس تقول ليك الجوع كافر وإنتا شابكم السلم المورنق والبدخشي والرز باللبن

ود شاموق اسي كلامك دا نفهم منو شنو يا اخوي قول كلام واقعي ، وخليك مع المنطق وما تشيلك اوهام العاطفة وتضرب احجار جبل الداير بأحجار جبال كرري ، اما تأييد هذا الكلام او تنفيهو اسلوب التهاتر دا ما بيحل مشكلةى وهو اسلوب من لا اسلوب له



________
تخريمة : ود شاموق اي نائب في البرلمان ما قرأ البدخشي شيل فيهو الفاتحة من اللحظة دي ،، دا حسب زعمي انا الزول البسيط دا وبرضو رأي اعوج لكن في النهاية رأي يقبل الصحة بنسبة جزء من الواحد في المية ،،، موش يا ود شاموق يا اخونا زمان