(ضرورات) رفع الدعم عن المحروقات تبيح (محظوراته)

من المعروف انو الثالوث المستفيد من الدعم الحكومي على المحروقات بنفس الدرجة
هم الشركات والميسورين والاغنياء وغير المواطنين (بفعل التهريب لدول الجوار)

*** في اي دولة في الدنيا لا توجد ميزانية مطلقة

وفي حالة (السودان)
الدولة الان تمر بظرف استثنائي بخروج البترول من حساب الميزانية بعد انفصال الجنوب
وبغض النظر عن وجود فائض مالي في الميزانية أو لم يوجد ذلك لا يعني أن يتم توزيع الموارد بشكل مجاني
وتقول النظرية الاقتصادية بأنه إذا كان الدعم يشكل عبئاً على الدولة فإن أمام الدولة خياران هما، إما أن تواصل الدعم(وهذا يستحيل والظرف الحالي لموارد وميزانية الدولة) أو إيجاد حل وسياسة بديلة للدعم


***إن من أهم الأسباب لإعادة هيكلة الدعم هو العمل على الترشيد في الاستهلاك
وعدم الاستهلاك في مواقعه غير الطبيعية ووقف تهريب المحروقات (البنزين والجازولين) لدول الجوار
التي يكون فيها أسعاره مرتفعة وهو أمر يخالف مفهوم الدعم

*** ومع الاقراربأن يسهم رفع الدعم عن المحروقات في رفع أسعار خدمات النقل وكل السلع المعتمدة على النقل في توصيلها سواء في الوقت الحالي أو لاحقا وهذا ( أمر حتمي)
على سلطات الاقتصادية ومسؤولي القطاع الاقتصادي ومن قبلهم( الامن الاقتصادي)
ضمان ومراعاة عدم وقوع الظلم على الفئات والمواطن العادي المستفيد والموجه اليه هذه السياسة
وذلك باطلاق يد (الامن الاقتصادي) لضبط السوق ولمنع التلاعب في الاسعار من قبل التجار وجشعهم
حتى تضمن ذهاب الاجراء او السياسة تلك الى وجهتها المقصودة وهو خدمة المواطن السوداني الحقيقي
لا دول الجوار والاغنياء فقط



تخريمة:
*** ليتنا نصير مثل الماليزين والصينيين ومواطني شرق اسيا عموما
باللجوء للدراجات البخارية كوسيلة مواصلات وتنقل اساسية
تخريمة 2
**** غدا او بعد غد الدول مقبلة على اعادة هيكلة الحكومة
ليت احزاب حكومة القاعدة العريضة المشاركة مع المؤتمر الوطني في الحكومة
تسجل موقف تاريخي لها
بانها تتصرف بوعي وتكون قدر المسؤولية
فمثلما كانو مع المؤتمر الوطني على (الحلوة) ليتهم يكونون ايضا جنبا الى جنب معه على (المرة)
شنو يعني لو اعفو ممثليها من وزارات اتحادية!!!!!!!!
لماذا لا يبادر بعض الوزراء ويتطوعوا بالعمل للحكومة لوجه الله حتى تزول الغمة
وفي تقديري لو مشاركتهم السياسية حقيقية في الحكومة والسلطة
فلن تتاثر باي اجراء تتخذه الحكومة مناسبا
اللهم الا لو كانت مشاركة الاحزاب هذه من اجل الكراسي والمناصب
فهنا نحمد الله انو الازمة الحالية ستكشف لنا معادن الاحزاب الاصلية من عدمها

الضرب على الميت حرام زاتو

خليناكي

قدر ما شفتا في حياتي ورأيت
زي تخانة جلد الكيزان ما شفتا!!!!!!!!!!

سمعنا ناس بيتجرسوا ويقولوا الروب ...

لكن روب ممتع زي ده ما شفنا.

إنتي يا مياده، شنو حكاية تأثير إنفصال الجنوب القايمين فيهو ده. مش ياها دي (الترلة) والا (عربية الفرملة) الكنتو منتظرين تفصلوها عشان (نكســـح)؟

شوف ليك جنس تناقضات

Quote: من المعروف انو الثالثوث المستفيد من الدعم الحكومي على المحروقات بنفس الدرجة هم الشركات والميسورين والاغنياء وغير المواطنين (بفعل التهريب لدول الجوار)

ما مستفيدين من الدعم لكن حيحصل ليهم شنو؟؟؟

Quote: ومع الاقراربأن يسهم رفع الدعم عن المحروقات في رفع أسعار خدمات النقل وكل السلع المعتمدة على النقل في توصيلها سواء في الوقت الحالي أو لاحقا وهذا ( أمر حتمي)

المواطنين ما مستفيدين من الدعم
لكن برضو أسعار خدمات النقل (للمواطنين) حترتفع
يكون من شنو دا يا ربي؟؟؟؟؟؟؟؟؟

حال (سعبة)

واسعار السلع كلها حترتفع وندخل غي سوق اسود في كل شئ

خيبة الله تغشاكي الليلة دي

تاني

هلا يا ميادة

لاعادت الورجغة تجدي فتيلا
وكلامك ده بالله ما تقولي لشعب عندو حديدة

ازيك يا ميادة


وين ليك مدة ما بنت


غايتو قدر ما حاولت اني ما ارد
بحكم "السداقة" القديمة وانه ما في داعي للرش
غايتو غلبني كلو كلو


الاقتصاد دة علم بعرفوا ليه ناسو

كلامك الفوق دة كلو كلو لا يمت للتحليل الاقتصادي او الاقتصاد السياسي باي صلة


المهم



الازمة خانقة شدييد
والحلول عاليه ستزيدها تفاقما
ما في غير حل سياسي
حل الحكومة والتنازل عن السلطة واجراء انتخابات وووو العاوز يجازف يحكم ليه بلد جنازة بحر وعنده حلول انية واستراتيجية اللي يجي
دة لو عاوزين حل سلمي
والا فالثورة بكل اشكالها (السلمي/ العسكري) هي المتاح

بس الحال
لا بسر عدو ولا حبيب


يلا فتك بعافية

رش ناعم غايتو

صفية

Quote: من المعروف انو الثالوث المستفيد من الدعم الحكومي على المحروقات بنفس الدرجة هم الشركات والميسورين والاغنياء وغير المواطنين (بفعل التهريب لدول الجوار)

يا ميادة حا أتكلم معاكي علي اساس علمي ومنطقي
اولا عنوان البوست دة مضلل وغير حقيقي لان السودان ينتج بعد الانفصال نصف استهلاكه وهو يمنح للحكومة شبه مجانا اي ان المواطن السوداني نصف استهلاكه ملك حر له يجب حسب الشرع والقانون والحساب ما دام جئتونا نتحاسب فلنتحاسب. بالورقة والقلم والآلة الحاسبة الا يدفع قيمته والنصف الثاني تشترية الحكومة بالسعر العالمي ولنقل انه مائة دولار للبرميل وهنا يكون قيمة استهلاك الوطن بإكملة يجب تسعيرة علي اساس خمسون دولارا للبرميل والحكومة تبيع البرميل المصافي بقيمة تسعة وأربعون دولارا فأين الدعم هنا
الاقتباس أعلاة غير صحيح او انا ما فمهمت الذي تقصدينة بالضبط او ان العبارة صيغت بتفخيخ فالدعم يستفيد منه الفقراء أسوة بالاغنياء لانه يؤثر علي طعامهم وشرابهم وتعليم أبنائهم
فالاجانب وهم احدي أضلاع المثلث الذي ذكرتيه لا يساوي شيئا يذكر بعدد المواطنين وهنا أتحدث عن المقيمين أقامه شرعية من دبلوماسيين وموظفين رسميين يملكون إقامات نظامية اما الأجانب
الغير شرعيين فهؤلاء لا يجب ان نعاقب المواطنيين بوجودهم لانها مسئولية الحكومة ضبط وجودهم فتقاعس السلطات عن طردهم او عجزها عن ذلك لا يجب ان نتحمل جريرته او سلبياته
اما الشركات الضلع الثاني فالوقود المدعوم ان رفع سيؤدي لزيادة أسعار منتجهم النهائي لان التكلفة هنا سترتفع فليس من المنطقي والعملي ان تتحمل الشركات زيادة سعر الوقود خصما علي أرباحها وهو بهذا يؤثرا تمت علي المواطن محدود او مهلوك الدخل
اما التهريب فنقول لكي ما قاله الفاتح جبرا أنتو حدودنا دي اكبر من حدود الصين ولا كيف
الحكومة لم تدعم المحروقات لكي ترفعه وانما هو لعب بالألفاظ ليس الا

اللهم لا نسألك رد القضاء ولكنا نسألك اللطف فيه

Quote: ليتنا نصير مثل الماليزين والصينيين ومواطني شرق اسيا عموما باللجوء للدراجات البخارية كوسيلة مواصلات وتنقل اساسية

والله فكرة برضو لكن كدي ابدي لينا انتي ونحن بنلحقك

Quote: لماذا لا يبادر بعض الوزراء ويتطوعوا بالعمل للحكومة لوجه الله حتى تزول الغمة

والله فكرة برضو لكن كدي اليبدأ لينا الرئيس بي نفسو وبقية وزراء المؤتمر الوطني والباقين بلحقوهم

مطلوب عدد عشرة كيزان من الذين حضروا معارك الميل اربعين و دخول كبويتا لعمل وكالات استيراد
الدرجات البخارية اعلاه.
ملحوظة: لا يقبل غير الملتحين.

ميادة، هل يمكنك فقط أن تسألي أقرب المقربين إليك عن المعاناة التي وصل إليها المواطن؟ المسألة ليست مسألة محروقات فقط؟ هي دائرة كاملة تضيق حول رقبة كل مواطن. هل تحسين بها أو هل تدركين خطرها؟

رفع الدعم عن المحروقات حا يزيد الطين بلة
رفع الدعم عن المحروقات حا يزيد ارتفاع الاسعار


بعدين ان لا اقول عليه رفع الدعم من المحروقات بل اسميه زيادة سعر المحروقات ، ففيه زيادة لمعاناة المواطن الذي اتت الدولة للوقوف معه واصلاح شأنه الدنيوي لذلك لا ارى اي فائدة مرجو او اي فائدة تذكر من زيادة سعر المحروقات

Quote: مطلوب عدد عشرة كيزان من الذين حضروا معارك الميل اربعين و دخول كبويتا لعمل وكالات استيراد الدرجات البخارية اعلاه.

سيف ما تتصلح معانا شوية ياخ !!!!

المواتر بتاعتك دي كلها ستاتية ...... مافي حاجات خشنة شوية؟

____________
يا جماعة عندي سؤال حارقني ...
إنتو البلد دي مش طول عمرها عايشة بدون ما تكون منتجة للبترول؟
وكمان كانت مليون ميل !!!

Quote: مثلما كانو مع المؤتمر الوطني على (الحلوة) ليتهم يكونون ايضا جنبا الى جنب معه على (المرة) شنو يعني لو اعفو ممثليها من وزارات اتحادية!!!!!!!!

حلاة دقدق

يعني هم جايبهم المحنة ليكم ولا بحبوكم

ياها الوزارات دي شلتوها بركبوا المعارضة

غايتو بقت عليكم دا حار ودا ما بنكوي بيهو

Quote: المواطنين ما مستفيدين من الدعم لكن برضو أسعار خدمات النقل (للمواطنين) حترتفع يكون من شنو دا يا ربي؟؟؟؟؟؟؟؟؟

ما عارفة ليه اتذكرت بوست التشوهات الخلقية للاطفال الشاركت بيه صاحبة البوست في ايام اشتراكها الاولي في سودانيزاونلاين...سبحان الله...الحقونا بالرابط يا جماعة

الكوزة ميادة.

أختشي.

الكوزة ميادة.

أختشي.