Post: #1
Title: الأســتاذ شــرفي يقود تشريعي وحكومة الولاية الشمالية الي المسار الصحيح
Author: مبارك عثمان
Date: 06-18-2012, 11:42 AM
دنقلا:
مجلس تشريعي الولاية الشمالية في جلسة عاصفة أمس الاول الثقة عن وزراء المالية والزراعة والتخطيط العمراني بالإجماع، فيما تقدم العضو عبد الله عبد العزيز شرفي بطلب لسحب الثقة عن والي الولاية فتحي خليل ووقع على الطلب (34) نائباً من جملة (48) وسيناقشة الطلب في جلسة الجلسة القادمة في 9 يوليو القادم.
وجاء قرار سحب الثقة عن وزير المالية صلاح عمسيب، والزراعة عبد الفتاح نوري، والتخطيط العمراني عمر محمد نور للفشل في إنجاز مشروع كهرباء المشاريع الزراعية الذي رصد له مبلغ (50) مليون دولار، وبرر العضو شرفي طلبه بسحب الثقة عن الوالي لفشل حكومة الولاية في إنجاز أي مشروع تنموي يحقق نقلة لإنسان الولاية، مشيراً إلى أن نواب المجلس أصبحوا محاصرين من جماهير دوائرهم الانتخابية بسبب فشل الحكومة في تحقيق أي نقلة تنموية بالولاية الشمالية.
السوداني
الأستاذ عبدالله عبدالعزيز شرفي من مواليد قرية كوية شمال دنقلا خريج (معهد المعلمين العالي)
كلية التربية جامعة الخرطوم ومدرس بيولوجي بثانويات القضارف وحلفا ج وكسلا واليمن
رجل لا يكفيه هذا الموجز لمن يعرفونه وكان محل ثقتنا كعضو في تشريعي الشمالية
وهاهو ينضال من أجل أبناء الولاية بالتمتع بحكم رشيد وهو كما عهدناه يفعل ما يقول
أدعموا هذا الرجل بغض النظر عن أحزابكم ومللكم من أجل خدمات يمكن توفيرها بالامكانات الموجودة
لك الدعم والسند يااستاذنا ومربيناعلى قول الحق ولو على أنفسنا
|
Post: #2
Title: Re: الأســتاذ شــرفي يقود تشريعي وحكومة الولاية الشمالية الي المسار ال
Author: adil amin
Date: 06-18-2012, 12:06 PM
Parent: #1
| Quote: الأســتاذ شــرفي يقود تشريعي وحكومة الولاية الشمالية الي المسار |
شكرا يا مبارك على هذا الخبر المهم
وعفارم عليه والله...هذه بداية النهاية لهؤلاء المنافقين...
وهكذا يكون الصراع والتخلص من الانقاذيين في الهامش الثاني الاقاليم بدون اي تشويش من ناس المركز سواء في الحكومة او المعارضة
نحن ابناء اشمال نريد ان يعود الاقليم الشمالي ذى ما كان زمن نميري..ما عايزين ولايات ذاتو..ونتحدى الجميع بانتخابات حرة ونزيهة وتحت اشراف دولي للبطاقات 9و10و11و12...ونطالب بتنظيم العلاقة بين الاقليم والمركز وفقا لدستور نيفاشا..وحرفيا ونريد تفعيل المحكمة الدستورية العليا
ونرى نيفاشا الحلت مشكلة الجنب هي الحل ذى اخواننا الجنوبيين الاذكياء
وما عايزين واحد يحسب علينا المركز او الكيزان ابدا
ولدينا من المشاريع والافكار الجيدة ما ينهض باهلنا في الشمال من النقعة والمصورات الى كرمة
|
Post: #3
Title: Re: الأســتاذ شــرفي يقود تشريعي وحكومة الولاية الشمالية الي المسار ال
Author: تبارك شيخ الدين جبريل
Date: 06-18-2012, 03:15 PM
Parent: #2
حلاقة نضيفة ...
حبابا الديموقراطية ...
(انشالله جاهزين لى انتخابات الوالي؟)
... المهم ....
|
Post: #4
Title: Re: الأســتاذ شــرفي يقود تشريعي وحكومة الولاية الشمالية الي المسار ال
Author: adil amin
Date: 06-19-2012, 11:55 AM
Parent: #3
Quote: حلاقة نضيفة ...
حبابا الديموقراطية ...
(انشالله جاهزين لى انتخابات الوالي؟)
|
والي شنو تاني يا تبارك
يرجعو لينا اقليمنا بتاع نميري ويختونا
ولايات دي بقت ما جايبة حقها
|
Post: #5
Title: Re: الأســتاذ شــرفي يقود تشريعي وحكومة الولاية الشمالية الي المسار ال
Author: مبارك عثمان
Date: 06-19-2012, 07:35 PM
Parent: #4
يا عادل
الولادة دائما متعثرة عند التغيير وأي انسان بيرمي حجر
في هذه المياه الراكده بيفيدنا على الأقل بيعمل خطوة في الأتجاه
الصحيح ونحن جهازيين لهيكلة الدولة ذي ما بتقول دراسة بالخبراء
الدوليين بكل التفاصيل من الانفاق الي الانتخاب ولاستفادة من الحكم الاقليمي
بس عاوزيين ثلاث بطاقات ذي امريكا واحدة للرئيس والثانية للبرلمان والثالثة
لحاكم الأقليم بدع الشيوعيين والكيزان والسبع الأيام والسبع البطاقات
ما بتنفع معاناعملوهازيادة مصاريف وزيادة فرصة التزوير والنسبية تحسب بعدد
الأصوات لكل حزب وما عندنا في السودان فرق بين مرة وراجل من 1956م والانتخابات
فهمتو العالم كأننا نعمل انتخابات لأول مرة لأن الاستعمارسلمنا البلد بالانتخابات
|
Post: #7
Title: Re: الأســتاذ شــرفي يقود تشريعي وحكومة الولاية الشمالية الي المسار ال
Author: تبارك شيخ الدين جبريل
Date: 06-19-2012, 07:53 PM
Parent: #5
Quote: يا عادل
الولادة دائما متعثرة عند التغيير وأي انسان بيرمي حجر
في هذه المياه الراكده بيفيدنا على الأقل بيعمل خطوة في الأتجاه
الصحيح ونحن جهازيين لهيكلة الدولة ذي ما بتقول دراسة بالخبراء
الدوليين بكل التفاصيل من الانفاق الي الانتخاب ولاستفادة من الحكم الاقليمي
بس عاوزيين ثلاث بطاقات ذي امريكا واحدة للرئيس والثانية للبرلمان والثالثة
لحاكم الأقليم بدع الشيوعيين والكيزان والسبع الأيام والسبع البطاقات
ما بتنفع معاناعملوهازيادة مصاريف وزيادة فرصة التزوير والنسبية تحسب بعدد
الأصوات لكل حزب وما عندنا في السودان فرق بين مرة وراجل من 1956م والانتخابات
فهمتو العالم كأننا نعمل انتخابات لأول مرة لأن الاستعمارسلمنا البلد بالانتخابات |
الامريكان بيصوتوا على البطاقة الحزبية في Primaries ما عندنا في السودان ... وبيصوتوا على البرلمانات الولائية وانت ما جبت سيرتهم هنا ... ونحن متفوقين عليهم بقوائم المرأة ... يعني انتخاباتنا انتخابات امريكية محسنة ...
المشكلة في بتاعين "اقليم نميري" ديل ... بعدين انتو وكت ما عندكم مشكلة مع الديموقراطية ومشكلتكم مع الوالي ... اسحبوا منو الثقة وانتخبوا غيرو ... المافي شنو؟
لازم تصوت للرئيس قول واحد
ولازم تصوت للوالي قول اتنين
ولازم تصوت لمرشح الدايرة في المجلس الوطني قول تلاتة
ولازم تصوت لمرشح الدايرة في مجلس الولاية قول اربعة
ولازم تصوت لى قائمة جاية بى اجندا حزبية قول خمسة
ولازم تصوت لى قائمة نساء قول ستة
وهكذا ...
الما داير تصوت ليهو ... ودايرو يعينوهو ليك منو؟ والتعيين يقوم بيهو منو؟
تفتكر القروش البتتصرف عشان تحافظ على حقك في اختيار من يحكمك خسارة؟
... المهم ...
|
Post: #6
Title: Re: الأســتاذ شــرفي يقود تشريعي وحكومة الولاية الشمالية الي المسار ال
Author: مبارك عثمان
Date: 06-19-2012, 07:45 PM
Parent: #3
تبارك التحية ليك
وانشاء الله لأكبر من الوالي المهم يكون عندنا المقدرة على
الوقوف في وجه الفاسديين في كل زمان وأن شاء الله نسن هذه السنة
من الشمالية حتي يصبح جزء من ثقافة الشعب السوداني لامجامله لا فساد
مدى الحياة
وشـــكــــــــــــــرا تــــــبــــــــــــــــــارك
|
Post: #8
Title: Re: الأســتاذ شــرفي يقود تشريعي وحكومة الولاية الشمالية الي المسار ال
Author: adil amin
Date: 06-21-2012, 09:11 AM
Parent: #6
اقليم واحد ويس
وانتخابات للطباقات 9و10و11و12
امشو ذاكرو كويس
ما عايزين ولاياات
|
|