Post: #1
Title: خواطر فيل : تلفــــــون العضــــــو الجنن البـورداب ..
Author: humida
Date: 06-17-2012, 06:30 PM
نحن في عصر المعلومة ..
و أهم عنصر لوجيستي هو كيفية نقل المعلومة ..
الاسرع الاضمن الاوثق ..
اختار مقدمي خدمات نقل المعلومات عدة طرق احدثها الفايبر لنقل الداتا الصرفة او VoIP لنقل الصوت مثلا ..
..
..
اختار العضو المتأثر بثورة المعلومات حديثا تلفون شركته ( الملح ) لتمرير تغريداته للبورداب ..
مع إضفاء بُعد اجتماعي لتنويع المادة المبثوثة .. من باب الزاكى مات وعليهو دين ... امونة قالو ادوها عين .. عثمان اخوى جابولو بت ..
..
..
يتبع العضو سياسة امنية في استخدام صوته ..
اهلا .. مرحب .. بتشديد جميع الحروف مع الايحاء للطرف الاخر انه مستعجل و عنده شغل .. و ما يلبث ان ينتقل الي متصل آخر ..
آلو معانا منو .. ممكن توطي صوت التلفزيون .. !!
..
..
ما يصرح به العضو للاخرين نابع من مكانة و امانة و استقامة ..
ينسجها في خياله .. و يزينها له صديقه الاقليمي ( بتاع ريفي سانت بطرسبرغ ) ذلك الشيوعي العتيد ..
مما يوحي له ان التيتا في الننا و الننا في التيتا ..
..
..
قال لي صديق ( ود راحات ) كدا .. بعد ان اداها ابتسامة ..
ياخي ديل ناس طيبين .. كما يبدو لي يا حميده ان احلامهم لا تتجاوز طرف بوستك هذا .. و ضحكنا .. ضحكنا ضحك شديد ..
ما اولاد راحات و كدا .. و بحقنا ..
|
Post: #2
Title: Re: خواطر فيل : تلفــــــون العضــــــو الجنن البـورداب ..
Author: عبدالوهاب علي الحاج
Date: 06-17-2012, 06:48 PM
Parent: #1
| Quote: ما اولاد راحات و كدا .. و بحقنا .. |
حميضة عليك الله قوم لف
الدنيا مكركبة والثورتو انطلغت تجي تقول لي ضحكنا ؟
دي ايام ضحك دي ؟
________
شنو يا عمك من ما بقيت محمول فتحت لينا
مرة مرة شد لينا سلك، مش عامل فيها ود راحات ؟
|
Post: #3
Title: Re: خواطر فيل : تلفــــــون العضــــــو الجنن البـورداب ..
Author: وليد محمد المبارك
Date: 06-17-2012, 06:53 PM
Parent: #2
او حميده
اخبارك ياخ
والله كان كده معناتا الامر صعب شوية وكت عملوا ليك استدعى بالصورة العاجلة دي عشان تفتل البورد
|
Post: #4
Title: Re: خواطر فيل : تلفــــــون العضــــــو الجنن البـورداب ..
Author: ABUHUSSEIN
Date: 06-17-2012, 07:05 PM
Parent: #3
يا جماعة براحة على أبو ماريا (بكسر الراء)
الزول بقى محمول و قال إتحرك شويه إطلع ليه شوية قريشات من سودانيز أون لاين .....
|
Post: #5
Title: Re: خواطر فيل : تلفــــــون العضــــــو الجنن البـورداب ..
Author: فايزودالقاضي
Date: 06-17-2012, 09:45 PM
Parent: #4
| Quote: اختار العضو المتأثر بثورة المعلومات حديثا تلفون شركته ( الملح ) لتمرير تغريداته للبورداب .. |
انت ياابوحسين مش تلفونك تابع لشركة الاتصالات الشغال فيها وبتتصل ملح ؟!!!
|
Post: #6
Title: Re: خواطر فيل : تلفــــــون العضــــــو الجنن البـورداب ..
Author: ABUHUSSEIN
Date: 06-17-2012, 09:59 PM
Parent: #5
| Quote: انت ياابوحسين مش تلفونك تابع لشركة الاتصالات الشغال فيها وبتتصل ملح ؟!!! |
الزول دا بتكلم عن نفسو .... لأنو برسل تغريدات كتيرة جداً
|
Post: #7
Title: Re: خواطر فيل : تلفــــــون العضــــــو الجنن البـورداب ..
Author: humida
Date: 06-18-2012, 12:37 PM
Parent: #6
البوســت الجاي .. كتاب كيف يركب العضو الاقليمي ( بتاع ريفي سان بطرسبيرغ ) حصان النضال في 21 يوما ..
من سلسلة علمك نفسك بنفسك .. ( بالفرنسي ازعـط نفسك ) ..
..
..
وهبة .. داعمين الثورة بغطاء آخر .. تابعونا علي twitter ..
و من هسع كان البلد جاطت .. انت دورك تأمن لينا ( عوضية سمك ) ..
و للعوض المسلمي رب يحميه .. ما تشتغل بيهو كتير ..
..
..
وليد .. ياخي ازيك عديل كدا .. ما عندكم عضـو عندو تلفون مجاني تضرب لي منه ..
اقول ليك حاجة .. اعمل مس كول في موبايل عمر الفاروق يوم الخميس المسا ..
اساسا هو كهربتو زايدة الايام دي و برجع لأي رقم من السودان ..
بس قول ليهو داير حميده ..
..
..
ود القاضي ..
شوف هم احتمالين .. يا اما انك معجب بي و داير تصاحبني .. يا اما انك بتأهل في نفسك عشان تبقى مـشــاطة كبيرة ..
اقشــــع الضباب يا فردة ..
..
..
ابو حسين ..
لو مصدق الحدثك مصدق قول الناس ..
أضربني بي مسدسك أملاني أنا رصاص ..
|
|