محمد المسلمي يعلن انسلاخه من الطريقة الكباشية.

تحياتي يا د.سيف النصر
ومشتاقين يا اخي...وكدي قول حمد سلامة الباس ورد.
عمك المنافق المسلمي ده اظن هذه الخطوة تندرج تحت بند القفز من مركب الانقاذ الغارقه
ومحاولة الشعبطه بمركب انصار السنه علهم يجدوا له مخارجه ببلاد الوهابيه!
وهذا ردي عليه ببوستك اياهو.....

ويا محمد المسلمي تتبرأ من المكاشفيه ولا الكباشيه ما بهمنا
الحساب ولد باثر رجعي لما كنت عامل فيها سيد الحوليات من
اجل التكسب السياسي و التلصق في اهل الانقاذ وللمنبر ذاكره لا تنسى!

Quote: حقيقة الاختشوا ماتوا يا محمد المسلمي اولا وبعيدا عن البرهانيه....انت جبته كلام كبير عن التصوف.... Quote: وهذه سلسلة رسائل تحت شعار "أحذروا التصوف " واياك ان ترد علي بانه منقول.... طالما نقلته فانت تؤمن به. طيب كويس انه المنبر ده كله عضويه وقراء يعرفون تماما انك ايها المنافق عامل فيها ود احد شيوخ الصوفيه وهم اسرة الكباشي..... وشغال تجاره ونفاق وتلصق في المسؤلين باسم الصوفيه (طالعنا كلنا دعمكم للبشير السفاح باسم الطريقه المعارفه اسمها شنو (لانها ما بتهمني ولكن انتم احد اتباعها آل الكباشي) وتابعنا لياليكم لدعم المرشح صلاح قوش باسم نفس الطريقه!! اي سيادتك المنافق معروف...تتاجر باعداد الغبش من انصاركم الدراويش الذين تستغلونهم باسم الطريقه وتآتي الآن لتحدثنا......عن احذروا الصوفيه؟! فعلا علينا ان نحذر انتهازية الصوفيه من امثالك و المنافقين و المباركين لجرائم السفاحين باسم الدين وارشيفك يشهد! قال....برهانيه قال؟! يحمدوا ربهم لا تاجروا لا بايعوا امثال سفاحك ولا استغلوا انصارهم!

ويا د.سيف ينوبك ثواب فينا
لو عندك زمن قوقل هذا الانتهازي وجيب لينا كل الروابط الكان بينافق فيها ويستغل اهل الكباشي
وزيارة البشير لهم وصوره مع صلاح قوش ايام الانتخابات الاآخيره و الآن عامل فيها يتبرأ منهم!
بعد مولد الانقاذ انفض!

وبعد ان حصد ثمار تلك الموالد رخص تجاريه وتسهيلات واستيراد
عربات كوريه مستعمله وغير مستعمله
و اعفاءات من الجمارك....الآن فاكرنا ناسين البرطعه اياها
باسم الصوفيه التي تمت!!


لعنة الله على الانتهازيه.

اهلا ام حازم
انت الباس ورد ده طالع من الفرن هسه وللا شنو كتابتك مسخنة كده ههههه.
فعلا هناك كثير من الحقيقة في الذي ذكرتيه عن عمل محمد المسلمي على استجلاب الدعم
للحكومة عن طريق حشد شيوخ و مريدي الطريقة الكباشية و صور الزيارة الشهيرة لصلاح قوش
في الكباشي بمعية المسلمي موجودة في ارشيف هذا البورد.

تحياتي دكتور سيف، لا أظن أنه انتمى إلى هذه الطريقة لأنه لو فعل لعرف من هم طليعة المسيخ الدجال وابتعد عنهم، لكن بما أن اسمه محمد فلنظن ان نهايته ستكون خيرا وأن بركة سيدي الكباشي ووارثي بركته ستدركه لذلك أرجو منك أخي دكتور سيف ايقاف هذه المشاجرة الاسفيرية ولك شكري.

نحذر اهلنا يعنى والا شنو؟؟؟

Quote: اهلا ام حازم انت الباس ورد ده طالع من الفرن هسه وللا شنو كتابتك مسخنة كده ههههه. فعلا هناك كثير من الحقيقة في الذي ذكرتيه عن عمل محمد المسلمي على استجلاب الدعم للحكومة عن طريق حشد شيوخ و مريدي الطريقة الكباشية و صور الزيارة الشهيرة لصلاح قوش في الكباشي بمعية المسلمي موجودة في ارشيف هذا البورد

سيف النصر
كيف حالك
الاخ ود المسلمي رجل متعلم
ومثقف ، وذو معرفة وخبرة في الحياة-نحسبه-
لاحرج عليه، بل فخر له
أن ينتسب للحق، وأن يترك الخطأ
والباطل بعد قراءة أو مطالعة أو تقصّي..وهو شرف لكل عاقل..
وكونه من آل الكباشي ويترك طريقتهم
ليس معنا ذلك أنه صار كانه مقطوعا من شجرة
بل هو بوعيه وحُسن خلقه يمشي بينهم بالحسنى
والعلم والفقه والرفق والرحمة..
يعني أحرامٌ على بلبله الدوح***حلال على الطير من كل جنس
مافي ناس في المنبر دا قالوا رب العالمين مافي عدييييييييييل
وناس قالوا الفواحش المعروفىة دي حاجة عااادية..وحرية شخصية
وناس قالوا مافي شيطان ولاجنة ولانار..
بس بقت على ود المسلمي عشان قال في حاجة صاح وحاجة غلط؟

بعدين "الطير المن كل جنس دا"فيهم ناسوا طاروا للخرابة اللي اسمها"إسرائيل" دي
وعملوا قبلها جمعيات صداقةسودانية إسرائيلة-ولو في الخيال-!!،وبقوا سمن على عسل
مع جزّاري صبرا وشاتيلا وغزة وخان يونس..إلخ
محمد "جريمتو" !!..إنو خالف السائد الخطأ!! ولكن هناك ناس خليهم مع"الخطأ السائد!!
بعدين ماعلاقة كلام محمد مصطفى باختيار محمد المسلمي؟
أنا مستغرب صراحة
شكري

ارجو أن يمر الأخ محمد المسلمي على هذا البوست ليوضح لنا المخالفات العقدية و السلوكية-إن وجدت- التي
دفعته للتحول و اتخاذ هذا القرار ، التجربة الشخصية قد تكون ذات فائدة تعليمية للآخرين و فرصة للنقاش و الحوار.

الحبيب د.سيف تحياتي
ويا اخي الما بخلي الباس ورد مارقه من الفرن شنو؟!(هههههههههههههههه)

Quote: اهلا ام حازم انت الباس ورد ده طالع من الفرن هسه وللا شنو كتابتك مسخنة كده ههههه. فعلا هناك كثير من الحقيقة في الذي ذكرتيه عن عمل محمد المسلمي على استجلاب الدعم للحكومة عن طريق حشد شيوخ و مريدي الطريقة الكباشية و صور الزيارة الشهيرة لصلاح قوش في الكباشي بمعية المسلمي موجودة في ارشيف هذا البورد

في جنس الحاله دي؟! شيء اساسي بقى معارض ومحمد المسلمي الملا لينا المنبر
بصور استقبال صلاح قوش وما تنسى عمر البشير ذات نفسه من قبل آل الكباشي
يعمل فيها ناطي من المركب وعايز يعمل انصار سنه؟! وتقولي شنو؟! يا الحبيب؟!


ولاحظ لماضة وقلة ادب عماد موسى العامل فيها انصار سنه
ومفروض يتحدث ويكتب باخلاقهم؟!

Quote: بعدين "الطير المن كل جنس دا"فيهم ناسوا طاروا للخرابة اللي اسمها"إسرائيل" دي وعملوا قبلها جمعيات صداقةسودانية إسرائيلة-ولو في الخيال-!!،وبقوا سمن على عسل مع جزّاري صبرا وشاتيلا وغزة وخان يونس..إلخ محمد "جريمتو" !!..إنو خالف السائد الخطأ!! ولكن هناك ناس خليهم مع"الخطأ السائد!! بعدين ماعلاقة كلام محمد مصطفى باختيار محمد المسلمي؟ أنا مستغرب صراحة شكري

شوف يا عوقه انت.....ممكن تشرح لينا حسب عقيدتك
ايه البخليك تصف ابن آدم له عين وشفتين ومن الهديناهم النجدين بكلمة طير؟!

ثانيا:
ايها العنصري القميء اياك تتوهم للحظه باني نسايه لكتاباتك العنصريه
صامت عن قتل اهل النيل الازرق اللحم ا ك ت ا ف ا ك من خير اقليمهم
لانك عنصري وجاي تتفاصح؟!



واها يا القرشي النقيء الدماء
ما قلت لي من كل جنس دي المقصود بيها شنو؟!
اها يا ايها الهتلري....قلت لي دمائك نقيه؟!
ما انت مخلوط بالعبيد الناكرهم ديل؟!
كل الشمال السوداني هو مخلوط بمدماء العبيد دي الناكرنهم!
وجمجمتك بعد عمر طويل لما تتكل على الله حنلقاها جمجمة زنوج!



اها منتظراك.....يا الما بتاع اسرائيل انت!!
اسرائيل دي منطقة وعي لا يحلم امثالك بالوصول اليها!
يا متخلف يا سلفي!

الفاضل محمد عثمان الحاج
يا رفيقنا ببلاد الصقيع هذه عساك بخير.

رغم انه طلبك موجه لدكتور سيف
الا انه المنافقين امثال المسلمي دي كشفهم امر يهم كل الانسانيه وليس من تصدى بفتح بوست:

Quote: تحياتي دكتور سيف، لا أظن أنه انتمى إلى هذه الطريقة لأنه لو فعل لعرف من هم طليعة المسيخ الدجال وابتعد عنهم، لكن بما أن اسمه محمد فلنظن ان نهايته ستكون خيرا وأن بركة سيدي الكباشي ووارثي بركته ستدركه لذلك أرجو منك أخي دكتور سيف ايقاف هذه المشاجرة الاسفيرية ولك شكري.

لذا ارجوك ان تدعنا نواصل فضحهم....فالمنافقين لا انصار السنه
بحوجه لهم ولا الصوفيه بحوجه لهم.


واهو ظاهر انه عمل حمد لبد لانه بيكون اخذ قرصه في آذنه من اقربائه
وبكونوا قالوا ليه جبت لينا الهواء!

عشان نحن نأدب اي زول جاي يستهتر باهمية كتابة كلام مسؤل.

كل البطبطه دي يا ود المسلمي عشان قبضناك بالثابته؟!

الوصايا العشرة لتراشي مصطفي ابوغالب بعد ترحيل اسرائيل السودانيين

ادبناهوا في تطاوله على الصوفيه عمل فيها بيهمه امر اللاجئين باسرائيل!

صحيح الاختشوا ماتوا.....يا منافق يا انتهازي!

الوهابية ديل عقيدتهم عقيدة التجسيم والتشبيه هم حشوية هذا الزمان وعقيدة سيدي الشيخ الكباشي هي عقيدة أهل السنة والجماعة التى ارتضاها علماء المشرق والمغرب


والله صحي

د. سيف النصر

تحياتي

يعني شنو لو انسلخ من الطريقة الكباشية ؟

وهل هذا اسلوب تشهير للضغط عليه للتراجع عن رايه في الطرق الصوفية عموما وفي الطريقة البرهانية على وجه الخصوص ؟

ذي ما قال اخونا عماد هنا في ناس جات قالت مافي الله عديل كدا وما فتح الله لكثير من مريدي الطرق الصوفية انه يجوا يردوا عليهم .

انا هنا ليست في معرض الدفاع عن المسملي فهو قادر على ذلك ولكني مستغرب عن الحملة الكبيرة ضده لمجرد ان قال رايه

وهذا ليس رايه وحده

بل رأي جميع الذين فتح الله ابصارهم وابعدهم عن خطر المتصوفة على العقيدة السليمة

ولدي استفسار صغير

ليه كل المريدين بيرثوا التصوف عن ابائهم والذين يرثوه عن اجدادهم بدون ان يكون لهم حق ان يخالفوا ؟ ولماذا لان نجد استقطاب للمتصوفة من خارج منظومة الاتباع ؟

وفي الاتجاه المقابل ليه بنلقى ان معظم اتباع او مؤيدي الجماعات الاخرى من الشباب وهم في الاصل من اسر متصوفة ولكنهم رفضوا مسألة الانقياد الاعمى وبحثوا عن الحق فوجدوا في غير ما اتبع ابائهم ؟

كسره

بالمناسبة انا متصوف سابق ، وقد هداني الله ان اتبع منهجه وسنة نبيه محمد صلى الله عليه وسلم الصحيحة . وما عندي شيخ غير الكتاب والسنة . وكتبت قبل ذلك جزء من تجربتي في التصوف ، وما ذكره اخي المسلمي صحيح حتى وان لم يوفق في تقدير بعضه القليل .

دكتور سيف ..سلامات ...

من مشيت بلد الكفار بقيت تتجرأ تتكلم في ناس المسلمي الايدهم واصلة في المملكة ..

بعدين زول اكل شية مطعم البحر الاحمر ونكر حطب مااكلها ماينكر ليكم شيخ الكباشي ؟!!

وزي ماقالت قريبتي الحبيبة تراجي ذاكرة البورد مابتنسى
وباب التوبة قفل والكوز المتنطط ده لن نغفر له انا وتراجي وامنة مختار ودينق ..

ياتراجي انصار السنة ديل عقيدتهم احسن عقيدة في نظري حتى لو كانت بعض اساليب دعوة منتسبيها ليست فيها لين لكن اسلوب الدعوة لايبقى حكماً منصفاً على منهج الدعوة الصحيح ...

Quote: بالمناسبة انا متصوف سابق ، وقد هداني الله ان اتبع منهجه وسنة نبيه محمد صلى الله عليه وسلم الصحيحة

حبيبنا امير .. يعني كنت ضال وربنا هداك ولا تقصد شنو بـ(هداني الله ) ؟!!



تحياتي ..