Post: #1
Title: سودانير .. مكتب جدة/ طيارتكم بتجى متين؟
Author: حسين يوسف مكى
Date: 06-17-2012, 12:09 PM
الاخوة فى الناقل الوطنى,تحية واحترام
اختلط على الاخوة المسافرون تضارب الزمان عند الولوج الى مكتبكم
لم ندر هل تغير الزمن داخل المبنى الفخيم؟
ام كان فهمنا للتوقيت مغلوطا؟
افتونا وفهمونا
|
Post: #2
Title: Re: سودانير .. مكتب جدة/ طيارتكم بتجى متين؟
Author: فايزودالقاضي
Date: 06-17-2012, 12:33 PM
Parent: #1
حسين ..سلامات ...
| Quote: سودانير .. مكتب جدة/ طيارتكم بتجى متين؟ |
قول طيارتم تقوم متين وماترك عشان نرتاح منها ..
امس ياحسين مشيت اشوف حجز لقريبتي اختها توفت والخطوط السعودةي اقرب حجز يوم 25/6 قلت اشوف طيارتنا فمشيت سوق الخيمة حيث مكتب سودانير ..تصدق قالوا لي الطيارة الوحيدة عطلانة ...تخيل هي واحدة وكمان عطلانة ...!!!!
عييب لي الباخرة ؟!!!
تحياتي ،،
|
Post: #3
Title: Re: سودانير .. مكتب جدة/ طيارتكم بتجى متين؟
Author: عزالدين محمد عثمان
Date: 06-17-2012, 12:52 PM
Parent: #1
الاخ الاكرم حسين تحيات نواضر
انا لي اخت في جدة لم اراها منذ 18 سنه وانا مسافر اليوم الى كندا
وكان من المفترض ان تحضر مع ابنائها الذين ولدتهم ولم اقابلهم
كان الحجز يوم الخميس الماضي 14 يونيو والى اليوم 17 يونيو لم تحضر
الطائرة ولا احد في سودانير عارف طيارة جده بتجي متين وللاسف اضاعوا علي
فرحة العمر لانه صعب تاني نتلاقى قريب..
مافي غير نقول حسبنا الله ونعم الوكيل فيهم
ولك مودتي
|
Post: #4
Title: Re: سودانير .. مكتب جدة/ طيارتكم بتجى متين؟
Author: الزبير صالح الزبير
Date: 06-17-2012, 12:52 PM
Parent: #1
Quote: الاخوة فى الناقل الوطنى,تحية واحترام
اختلط على الاخوة المسافرون تضارب الزمان عند الولوج الى مكتبكم
لم ندر هل تغير الزمن داخل المبنى الفخيم؟
ام كان فهمنا للتوقيت مغلوطا؟
افتونا وفهمونا |
والله انت فايق جنس فياقه
في زول عاقل بيسال ليه جثه ميته وعاوز منها تجاوبه
انت ما بتقرا نت.... ولا جرائد ولا حصل قعدت ليك في بيت بكاء وسمعت فضائح سودانير
ما عندك قرايب سافروا قبل كدة علي الناقل الوطني وكلموك كيف وروهم نجوم الظهر عز الليل
وكيف استخفوا بيهم ومرمطوهم دة اذا ما حابت ليها شتيمه او حدرة عين
أنا والله بسالك أسئلة جادة فأرجو ان تجاوب عليها
لماذا تسافر علي سودانير؟
هل بسبب سعرها الرخيص؟
هل تمتاز بانتظام سفرياتها ؟
هل تحترم زبائنها وتتعذر لهم ان حصل اي طارئ بخصوص المواعيد؟
هل تعتذر سودانير ان أخطأت بحق زبائنها وهي دائماً مخطئة ؟
هل مقابله موظفي سودانير داخل مكاتبها معامله كريمه تجاه عملائها؟
زمان كنا بن سافر عليها بسبب عدم وجود منافس والآن السما مليانه شي طيران اقتصادي وشي طيران فاخر
فابرك لك واسلم تكسب زمنك وتبعد منك أمراض السكري والضغط وهلما جرا
|
|