Post: #1
Title: مظاهرات في جامعة الخرطوم .. لتخرج كل المدن هذا المساء
Author: فتحي البحيري
Date: 06-16-2012, 06:57 PM
...... فالثورة انطلقت
|
Post: #2
Title: Re: مظاهرات في جامعة الخرطوم .. لتخرج كل المدن هذا المساء
Author: محمد قرشي عباس
Date: 06-16-2012, 09:00 PM
Parent: #1
الأخ / فتحي البحيري
قبل ساعة تقريبا مر قريبي من قرب الجامعة و هذه شهادته
خرج الطلاب من الداخلية و الطالبات من داخلياتهن
يفصل بينهم العديد من عربات الشرطة مع تواجد لعناصر أمنية
هدد أحدهم الطالبات قائلا : المرة فيكم تجي بيجاي على الأولاد !!
للأسف لم يعرف سير الأحداث بعدها نسبة لقفل الشارع و تحويل مسار العربات
هناك أنباء عن مظاهرات بالكلاكلة أيضا منتشرة بالفيس بوك مع صورة لشاب مصاب بوجهه
اليوم بدأت زيادة أسعار المواصلات و لربما كان هذا هو ما قدح زناد الإحتجاج
رغم أنني كنت غير متفائل بردة فعل قوية من الشارع من واقع معايشتي اليومية
لكن هذه الأحداث اليوم تحيي الأمل في إمكانية تغيير الأوضاع
مع التحية
|
Post: #3
Title: Re: مظاهرات في جامعة الخرطوم .. لتخرج كل المدن هذا المساء
Author: ombadda
Date: 06-16-2012, 09:16 PM
Parent: #2
انتشار مكثف للشرطة اليوم بالقرب من مواقف المواصلات الرئيسية.
|
Post: #4
Title: Re: مظاهرات في جامعة الخرطوم .. لتخرج كل المدن هذا المساء
Author: صلاح غريبة
Date: 06-16-2012, 09:32 PM
Parent: #3
طلعت اشاعات ساي
شوية طالبات وبس
|
Post: #7
Title: Re: مظاهرات في جامعة الخرطوم .. لتخرج كل المدن هذا المساء
Author: محمد عادل
Date: 06-16-2012, 09:57 PM
Parent: #4
صلاح غريبه يامنافق اتلم
شوية طالبات
شوية الطالبات ديل مسهرين كلاب الامن والشرطه حسه
سهر الدجاج نوم مافى تانى
اقعد فى مصر السودان دا حقنا نحنا لاتفتى فى ماليس لك فيه
قال اشاعه زى اشاعة اولادك فى مصر
ناس عين شمس كيف
|
Post: #5
Title: Re: مظاهرات في جامعة الخرطوم .. لتخرج كل المدن هذا المساء
Author: علاء الدين يوسف علي محمد
Date: 06-16-2012, 09:37 PM
Parent: #3
في بوست مُجاور
أماني سلامات
ياخ ما عايز أحبِطِك ساي
لكن يعلم الله جيت مارِّي أمام الدّاخليّات بتاعت البنات
وهو شارع إتِّجاه واحِد طبعاً
وكانت معاي الأُسرة
الكلام دة بالظّبط حوالي تمانية إلا رُبع مساءاً
كان في إنتشار شُرطي حوالي ثلاثة بكاسي وعدد محدود من أفراد الشُّرطة
لكن لا في ثورة لا بِتاع
حتّى مرّينا بصورة طبيعيّة جِدّاً جِدّاً
وحتّى لم تستدعي فيني روح التّوثيق أو حتّى السُّؤال
هدوء شديد
ويعلم الله جيت بالشّارِع صُدفة و معاي الأُسرة
مشينا سوق الخُرطوم (العربي) وتسوّقنا
و رجعنا بي شارع الجمهوريّة المُوازي والمُلاصق لشارع الجّامعة اللي بتقع داخليّات البمات في نهايتو الشّرقيّة المُلاصقة لحدائق السّلام
ومن شارع الجُمهوريّة أمام وزارة التّربية أخدّتا شمال بمنتصف حدائق السّلام
على شارع النّيل
رجوعنا كان حوالي السّاعة العاشرة تماماً
ومافي أي حاجة حاصلة
بل حدائق السّلام مُكتظّة بالسيّارات و الأُسر اللي جوا بغرض التّرفيه و التّرويح عن النّفس
|
Post: #6
Title: Re: مظاهرات في جامعة الخرطوم .. لتخرج كل المدن هذا المساء
Author: Elbagir Osman
Date: 06-16-2012, 09:48 PM
Parent: #3
محمد قرشي
لا تستهن مطلقا بهذا الشعب
فله عاداته
وله شفرته
لم يكن أحد يراهن قبل أسبوع من انتفاضة أبريل أن الشعب السوداني سيتحرك
و..
على الحكومة احترام حق المواطنين والمواطنات الدستوري في التظاهر السلمي
والإمتناع عن استخدام العنف ضدهم
و
مشاركون .. لا متفرجون
الباقر موسى
|
Post: #8
Title: Re: مظاهرات في جامعة الخرطوم .. لتخرج كل المدن هذا المساء
Author: صلاح غريبة
Date: 06-16-2012, 10:22 PM
Parent: #6
"يازول معجون بالطيبه قليبك
ما مشتاق لى موية النيل ؟؟
ما مشتاق يازول يا نيل ؟؟
ما مشتاق لى قعدة جبنه ؟؟ وريحة
كسره
وحفلة حنه هوايد الليل ؟؟
ما مشتاق لى صوت اصحابك وضل
الشجره الحاضن بابك
وشاطى النيل ؟؟
ما مشتاق لى شيلة سفره فى عرس
اخوانك ومرقة فاتحه على جيرانك
وصرة زول زعﻼن وجميل ؟؟
ما مشتاق لى رشة مطره وصوت
حوليه ودقة نوبه وصدى تهليل ؟؟
ما مشتاق لى زوله حنينه مستفه ريده
تريدك جد جد
وشوقا يتاورك نص الليل ؟؟
لو ما مشتاق الناس وحياتك ليك
مشتاقه
وصورتك لسه فى اعماقهم فنجرى ..
راكز اخو اخوان" على
|
Post: #10
Title: Re: مظاهرات في جامعة الخرطوم .. لتخرج كل المدن هذا المساء
Author: محمد قرشي عباس
Date: 06-16-2012, 10:41 PM
Parent: #8
Quote:
محمد قرشي
لا تستهن مطلقا بهذا الشعب
|
الباقر عثمان
بطبيعة الحال لا أستهين بنفسي
و أنا في العمق من الواقع هنا
و لكن الشعب يستهين بأوضاعه
و الإحباط بلغ شأوا كبيرا ..
لا تستغرب إن لم تقم الثورة
و لا تقنط من الشعب حينها
فهناك معادلة مفقودة في مكان ما
و لربما يتجاوزها غباء الحاكمين
فيخرج الناس رغما عما أراه من توجس
و لكل ثورة ظرفها الخاص بالطبع
و لكنني مع ذلك أتفائل بحذر !!
لأن هذا ببساطة هو إنطباعي عن الإمور
و لكم أتمنى أن أكون مخطئا ..
مع الود
|
Post: #9
Title: Re: مظاهرات في جامعة الخرطوم .. لتخرج كل المدن هذا المساء
Author: Amani Al Ajab
Date: 06-16-2012, 10:25 PM
Parent: #6
Quote: طلعت اشاعات ساي
شوية طالبات وبس |
الأخ صلاح غريبة ..
لقد خجلت لك أيها الإعلامي!!!
بعد أن اطلقت عليها إشاعة معارضة
في البوست أدناه أصبحت الآن شوية طالبات!
إشتعال جامعة الخرطوم .. إطلاق بمبان كثيف داخل داخلية الطالبات
|
Post: #11
Title: Re: مظاهرات في جامعة الخرطوم .. لتخرج كل المدن هذا المساء
Author: Elbagir Osman
Date: 06-16-2012, 11:15 PM
Parent: #9
والبزدريك.. يا ويلو
يا ويلو
يا ويلو من غضبك عليهو..
ومن مشيك
يا ويلو
يا ويلو من أجَلُو الوشيك
يوم ينكسر قيد الحديد
السونكى..
والزنزانه
والسجن السميك
وخطى الشهيد
من حولو تهدر
والنشيد
وانت الشمس من بين ايديك
تطلع عليك
من كل باب
مليون سلام يا شعبنا
ومليون حباب
|
Post: #12
Title: Re: مظاهرات في جامعة الخرطوم .. لتخرج كل المدن هذا المساء
Author: Nasr
Date: 06-17-2012, 01:13 AM
Parent: #11
المجد لطلاب وطالبات جامعة الخرطوم
المجد لشعب السودان
|
Post: #13
Title: Re: مظاهرات في جامعة الخرطوم .. لتخرج كل المدن هذا المساء
Author: خالد العبيد
Date: 06-17-2012, 01:16 AM
Parent: #12
المجد لطلاب وطالبات جامعة الخرطوم
المجد لشعب السودان
|
Post: #14
Title: Re: مظاهرات في جامعة الخرطوم .. لتخرج كل المدن هذا المساء
Author: صلاح غريبة
Date: 06-17-2012, 01:25 AM
Parent: #13
علشان الليل راح
خلهو مساء بكرة
مش احسن برضو
|
Post: #15
Title: Re: مظاهرات في جامعة الخرطوم .. لتخرج كل المدن هذا المساء
Author: Amani Al Ajab
Date: 06-17-2012, 01:59 AM
Parent: #14
|
Post: #16
Title: Re: مظاهرات في جامعة الخرطوم .. لتخرج كل المدن هذا المساء
Author: عبدالكريم الامين احمد
Date: 06-17-2012, 03:15 AM
Parent: #15
المجد والخلود لطالبات جامعة الخرطوم
ولسسع بنقسم يا اكتوبر لم يطل في فجرنا ظالم
نحمي الثورة ونقاوم
وعاش كفاح الشعب السوداني
|
Post: #17
Title: Re: مظاهرات في جامعة الخرطوم .. لتخرج كل المدن هذا المساء
Author: صديق الموج
Date: 06-17-2012, 03:44 AM
Parent: #16
التحية لطالبت جامعة الخرطوم
المطر نقطت..
ابشروا بلحيل
|
Post: #18
Title: Re: مظاهرات في جامعة الخرطوم .. لتخرج كل المدن هذا المساء
Author: عبدالله ود البوش
Date: 06-17-2012, 07:10 AM
Parent: #17
جامعة الخرطوم صانعة الثورات والامجاد
|
Post: #19
Title: Re: مظاهرات في جامعة الخرطوم .. لتخرج كل المدن هذا المساء
Author: ismeil abbas
Date: 06-17-2012, 09:15 AM
Parent: #18
Quote: طلعت اشاعات ساي
شوية طالبات وبس |
والله شىء مؤسف جداً......أخى صلاح..إنت بتنفى وبعيد عن واقع الحال...وكان شوية ده تأكيد بأنو فى مظاهرات..
الله يزيل الظلم على العباد.
إحترامى للجميع.
|
Post: #20
Title: Re: مظاهرات في جامعة الخرطوم .. لتخرج كل المدن هذا المساء
Author: عبدالأله زمراوي
Date: 06-17-2012, 10:28 AM
Parent: #19
النار من مستصغر الشرر وقد بدأت إنتفاضة أبريل ببضع مئات من طلاب جامعة أمدرمان الإسلامية وانتصرت إرادة الجماهير...
وَيلٌ لَكمْ...
يا أيُّها الأشرَارُ؛
إذ ما هبَّ هذا
الشعبُ كالإعصَارِ؛
يهتِفُ ثائِرا:
قََسماً بإسمِكَ يا وطنْ
قَسماً بإسمِك يا قَضيةْ!
ويلٌ لكُل الضالعين؛
تَرَبَصوا بالشعبِ،
أَثْروا من
دمِ الأطفال،
خانوا اللهَ،
بَاعوا الدِّينَ
في الطُرُقاتِ
واخْتَطفوا الهَويّةْ!
وَيلٌ لَكمْ...
إذْ ما تمَايزتِ الصفوفُ؛
وأينَعَتْ تلك الرؤوسُ،
وَبَانَ في الليلِ القمَرْ؛
وأنْطَقَ الحَقُ الحَجرْ،
هَتفَ الشَجَرْ؛
هذا عدوُ الشعبِ
رُبَّانُ الأذيةْ!
قَسماَ بعِزِكَ
لنْ نُذَل وَلنْ نُهان
ولن نُطيعَ قوافِلَ
الشَرِ الدنيةْ!
سيطِلُ هذا الفجر
يَشرِقُ باسما
من خلفِ نيرَانِ القَضيةْ!
قَسماً بإسمِك يا وَطنْ
ستَصونُ أعوادُ المشَانقِ
غضبةَ الشَعبِ الأبيةْ!
|
|