* ظاهره غريبه فى المنبر هذه الايام *

عدد كبير لايستهان به كما وكيفا من الزملاء كتاب المنبر من الذين
كانوا يناصرون النظام او كانوا من المتعاطفين معه او حتى اولئك
الذين كانوا يمسكون العصا من النصف - نجدهم هذه الايام قد سنوا
اقلامهم هجوما وانتقادا على النظام -
ياربى ده من شنو - ولى شنو -
الى هؤلاء اقول ان ذاكرة المنبر حيه ولن تموت وكل ما خطته اياديكم
هنا فى مناصرة هذا النظام المتهالك موجود موجود -

هذا البوست عباره عن سهم طائش ويبدو انه اصاب الكثيرين -

ارجو من الاذكياء الذين التقطوا او انتبهوا مثلى لهذه الظاهره
ان يؤكدوا حدسى وياتوا بنماذج -

Quote: عدد كبير لايستهان به كما وكيفا من الزملاء كتاب المنبر من الذين كانوا يناصرون النظام او كانوا من المتعاطفين معه او حتى اولئك الذين كانوا يمسكون العصا من النصف - نجدهم هذه الايام قد سنوا اقلامهم هجوما وانتقادا على النظام - ياربى ده من شنو - ولى شنو - الى هؤلاء اقول ان ذاكرة المنبر حيه ولن تموت وكل ما خطته اياديكم هنا فى مناصرة هذا النظام المتهالك موجود موجود -

يا كمال هل ترنحت الباخره التى كانت تحمل هولاء القوم ؟؟؟؟؟

مش باب التوبة مفتوح

عادي ممكن زول كان في ضلال وربنا يهدي

Quote: ã مش باب التوبة مفتوح عادي ممكن زول كان في ضلال وربنا يهدي

نعم ياخالد فباب التوبه مفتوح - فليعلنوا توبتهم اولا - عشان مايخموا
الناس - وياكلوا فى كل الموائد كما قال ود الموج -

دى العينة الدايرة تاكل فى كل الموائد يا حبيب
ماتخاف ذاكرة التاريخ بالف جفن لاتنام ابداً،،،

Quote: يا كمال هل ترنحت الباخره التى كانت تحمل هولاء القوم ؟؟؟؟؟

يبدو ذلك ياشيخ العرب - فانى اراهم يقفزون الواحد تلو الاخر -
تحياتى - ومبروك مقدما للاولاد -

Quote: دى العينة الدايرة تاكل فى كل الموائد يا حبيب

وتتبول في كل المراحيض
وتمارس الاستمناء الفكري
.
.
سلام يا كمال سالم

Quote: [Q دى العينة الدايرة تاكل فى كل الموائد يا حبيب ماتخاف ذاكرة التاريخ بالف جفن لاتنام ابداً،،،

الحبيب ود الموج مشتاقين والله -

ياصديق كونوا الواحد ياكل فى كل الموائد بدون اختشاء
ما مشكله - المشكله فى محاولة التذاكى والتملص الناعم
الذى يمارسونه وهم يعتقدون بان الناس بلهاء -

Quote: [Q وتتبول في كل المراحيض وتمارس الاستمناء الفكري

تماما ياعبد الله ود البوش انهم تبولون ويتبرزون فى كل مرحاض
لكنى اعتقد انهم لايعلمون بما يفعلون او انهم جاهلون -

Quote: [وتمارس الاستمناء الفكري

والله توريني دي بعملوها كيف الا اعملها
عشان يقولو
محمد حسن استمنى فكريا

ود البوش بالغت

Quote: محمد حسن استمنى فكريا

لن تستطيع
.
.
كان تفكيرك جهرا
وفكرتك نزلت صحة وعافية على الكباد الرطبة من الماشية ونلت اجرها
ومافي شئ بلم الجن على سرحة السعية كلو كلو

ممتاز شديد


تحياتي

سلام يااستاذ
تبقي دي ظاهره صحيه
أكيد شافوا الوطن وألشعب البتمزق في كل صباح وعشيه
شافو الجوع والمرض والفقر
فمرحب بي كل من يصو ضميره من اجل الوطن
وكلمة الحق

ملاحظة ذكية

يا كمال ورطة النظام وإنسداد أفقه السياسي والإقتصادي أصبحت لا تحتاج لزرقاء يمامة. أنا شخصيا أري إن عام 2013 هو عام التغيير الكبير والكلي في السودان

فهذا هو الوقت المناسب لمن يريد أن يخارج نفسو

الوطنيون الاصليون "من تخاطبهم هنا" لا يرون الخط الفاصل الوهمي بين تأييد/معارضة الحكومة يا كمال
---------------------

Quote: وياتوا بنماذج

وكت ما داير تسوق، ماسك الدركسون اي شنو؟

هذا بوست فية بعض غرابة، أنا ما عارف كيف ينصب بني ادم نفسة كراعي للقوم،
هل العمل ضد النظام او معارضتة يعطي لهؤلاء الحكم علي الاخرين إيجابيا او سلبيا ، انت تعارض من اجل قضية وليس من اجل ان يمدحك غيرك بانك مناضل،
من انت لتتوج نفسك وتحكم علي الاخرين بانهم عملو مع النظام وتدعو لمحاكمتهم حتي ولو ارتدوا من ذلك، لقد كان هناك وردي الذي غني لمايو، وقد كان هناك محجوب شريف الذي قال شعرا في مايو ما لم يقلة عنترة في عبلة، ولم ينقص الرجلين شئيا في معارضتهم او وطنيتهم ، وقال صلي الله علية وسلم من كان يعمل عمل اهل الجنة وبينه وبين الجنة ذراع فيعمل عمل اهل النار فيدخلها، والعكس صحيح، فاين انت من رسول الله،
يا اخي عارض ما شئت ولكن لا تحتكر النضال وتتكسب منة،

فتأمل ....



ولا كيف؟

الاخ كمال سالم

مرحب بيهم!
تحول الولاءات ظاهرة سياسية مرتبطة بعمق ازمة الانظمة.
كلما فقد النظام حليف, كسبت المعارضة حليف,
و المعارضة المؤخرة تجب ما قبلها!
و قد قال سيدنا النبي (ص) و حتى بعد النصر المبين لأهل مكة الذين ناصبوه العداء و طردوه "من دخل دار اب سفيان فهو آمن"!

هلموا يا هولاء اخوة كرام!

السيد عبدالرحمن القرشي سلامي........
أنا اتفق معك في الكثير مما جئت وجدت به ........ولكن في نفس الوقت هناك من اعضاء هذا المنتدى "مكان معرفة مواقفهم " من وظف نفسه وجهده وقلمه ، لمناضرة السلطة وهي تسرق من الشعب اغلي من رفع الدعم عن المحروقات ، والذي هو لم ياتي الا ضمن قائمة طويلة تم سرقتها من المواطن ، الغاء مجانية التعليم والعلاج وفصل وتعذيب وقتل واغتصاب ، وتخريب لكل مؤسسات الدولة واضطهاد المواطن ، وكل تلك الجرائم مرت دون اي مقاومة ولا وجهة نظر مخالفة ،بل العكس يمكن ان نقول ان النظام استفاد من دعمهم المباشر لهذه الجرائم ليوصل البلاد الي هذه الدرجة من الانهاك ، ولما لم يعد من الممكن التلاعب والتذاكي علي الوعي الجمعي والحادث الان، جاءت معارضتهم الاخيرة ، ورغم اني ارحب بها ، واعدها في مصلحة الشعب ، ولكن باعتقادي ان تلك المواقف يجب ان يدفعون ثمنها السياسي علي الاقل ، ولو ان الاخ كمال فتح هذه الصفحة الان ، لا اعتقد انها من باب الوصايا ، فالناس احرار في اتخاذ مواقفهم السياسية ولكن يجب ان يكون للاطراف الاخري راي ايضاً في ماضي هؤلاء الناس .........الذين كانو يقفون ضد مصالح الشعب طيلة هذه المدة لنقول لهم كنت وين وين انتو كنتو؟

الاخ ابراهيم الود كله لك،

لم اكن يوما من مريدي هذا النظام الجاير وسوف لن اكون أبدا ، نقطة خلافي مع صاحب البوست في شكل ومضمون رسالته،
لقد انضم الي هذا النظام كثر، فيهما من يدري وفيهما من لا يدري علي حسب أجندة وبرامج تلك الشلة آنذاك وطرحها لحل معضلة السودان، فحصل التوافق او الاختلاف علي النية، والخطاب نمرة واحد ليس ببعيد من الذاكرة، بعدها انضمت مجموعات لديها أيدلوجيات مختلفة فيها المصلحة واخري لديها القناعة بي المشروع الحضاري آنذاك ، انسلخ البعض وواصل الاخر وكل عند قناعتة،

الاخ صاحب البوست يتوعد البعض بما كتبو ويذكرهم بذلك حتي ولو انسخلو، لقد كان خال بن الوليد من اكثر من قتل من جنود المسلمين قي بدر واصبح بقدرة قادر سيف الله المسلول عند رسول الله صلي الله علية وسلم، لم اسمع في تاريخ الاسلام محاكمة لخالد بن الوليد لقتلة المسلمين يوم بدر، بل كان اضافة لقوة الاسلام آنذاك ، خروج تلكم الأخوة مكسب لنا اكثر ممن كتبو وقالو،

شكرا حبيب نورا -






وبعدين كفاره ياخ والجاتك فى مالك سامحتك -

قولو فلان و فلان علشان إجو إقولو رأيهم يا طلعتو كذابين يا صادقين

اللف و الدوران لزومو شنو ....؟؟؟

ذكرتنا بالقذافي عندما قاد بنفسه مظاهره في طرالبس 14 فبراير لاسقاط الحكومه ..


الكيمان ظاهره ياكمال مع التحيه ...

سلام يااستاذ
تبقي دي ظاهره صحيه
أكيد شافوا الوطن وألشعب البتمزق في كل صباح وعشيه
شافو الجوع والمرض والفقر
فمرحب بي كل من يصو ضميره من اجل الوطن
وكلمة الحق




شكرا يا ستاذه محاسن على المشاركه -
واكيد السودان الجديد فى حوجه لتضافر جهود كل ابنائه
من اجل النهوض مرة اخرى -
ولكن تبقى الشفافيه مهمه - فالتحول من موالى للنظام الى
الوقوف مع الحق يتطلب الاعلان عن ذلك والتطهر من الخطا
اذا كان هؤلاء يعتقدون فعلا ان مناصرتهم للنظام فى السابق كانت
خطا - وانهم الان ولو مؤخرا ارادو ان يصححوا مواقفهم -
لكن ان تدخل مثل الضل هكذا وانت تتبرا من النظام فهذا مايسمى بالانتهازيه -

يا جماعة قول الناس ديل منو ....؟؟؟؟

لأنو شايفكم قلتو مراحيض و بول و إستمناء و حاجات كتيرة ....

Quote: جاءت معارضتهم الاخيرة

ابراهومة سلام
طالما كمال لم يأتينا بالنماذج بعد، فمن حقي افترض انه يقصد المواقف الاخيرة التي تعارض رفع الدعم عن المحروقات
وده موقف تتباين فيهو الاراء، فقد نجد الصوت (المعارض) العاقل الذي (يؤيدها) و(المؤيد) الذي (يعارضها)
واكررما قلته سابقاً ان لا تحتكروا تحديد مكان الخط الوهمي بين معارض/مؤيد فهذا الخط سيظل (فضفاض) طالما 80% من الشعب فلوترز، ومنذ وقت قريب رأينا مواقف (مضيئة) "مؤيدة" لكثير من المعارضين عندما تم الاعتداء ال######## على هجليج، والان قد يحدث العكس، فدعوا الخلق للخالق

تحياتي للكل

Quote: طالما 80% من الشعب فلوترز

فلوتر مين يالشفيع ........نسيتو كلامكم عن ملاين المؤتمر الوطني؟

Quote: [Q ملاحظة ذكية يا كمال ورطة النظام وإنسداد أفقه السياسي والإقتصادي أصبحت لا تحتاج لزرقاء يمامة. أنا شخصيا أري إن عام 2013 هو عام التغيير الكبير والكلي في السودان فهذا هو الوقت المناسب لمن يريد أن يخارج نفسو

اسامه البلال تحياتى -

ياخ عايزنا نصبر تانى لحدى 2013 - النظام الان وصل لمرحله صار هو نفسه يمهد لقيام
الثوره - بل اننى اراه يفتعل الاسباب لذلك - لان النفق الذى دخلوا فيه خطير - وهم الان يريدون
ان يهربوا بجلدهم تاركين هذه الجثه الهامده لمن يواريها الثرى -
فلذا يجب على الذين صحيت ضمائرهم الان ان يكونوا شجعانا ويعتذروا على الاقل عن اى حرف
خطته ايديهم هنا فى يوم من الايام لدعم ومناصرة هذه العصابه التى حرقت الاخضر واليابس -

Quote: [Q الوطنيون الاصليون "من تخاطبهم هنا" لا يرون الخط الفاصل الوهمي بين تأييد/معارضة الحكومة يا كمال --------------------- Quote: وياتوا بنماذج وكت ما داير تسوق، ماسك الدركسون اي شنو؟

الشفيع وراق - تحياتى -

طبعا انا احترم امثالك لانهم ولاخر لحظه سوف يظلوا متمسكون بمبادئهم الظالمه
للشعب السودانى وبمناصرتهم لهذا النظام الذى قسم السودان ونهبه وجوع اهله ومزق
اطرافه وقصف وقتل مواطنين ابرياء فى الغرب وفى جبال النوبه والنيل الازرق وترك
السودان كله ارض لمعارك وحروب من اجل ان يبقى -
احترمك والله لوقوفك وحتى الرمق الاخير على مساندة الظلم والظالمين -
ولكن هذا البوست انا افترعته لاولئك الذين يريدون ان يركبوا فى السرجين دون ان يقعوا -
اما انتم ياوراق فنحن الان بصدد البحث عن اسم لنطلقه عليكم بعد الثوره - وطبعا لن يكون
فلول ولا سدنه فقد سبقنا المصريين على هذه التسميه وسبقنا ثوار انتفاضة 6 ابريل على التسميه
الاخرى - فياترى اى اسم سوف يطلق عليكم -

الحق يا كيمو .....

احمد شفيق علي مشارف رئاسة مصر وهو من ( الفلول )

وبدعم من المحكمة الدستوربة !!!!!

اتفق معك
ذاكرة المنبر تحفظ الكثير
سنكشفهم بالبوستات
تحياتى

Quote: الشفيع وراق - تحياتى - طبعا انا احترم امثالك لانهم ولاخر لحظه سوف يظلوا متمسكون بمبادئهم الظالمه للشعب السودانى وبمناصرتهم لهذا النظام الذى قسم السودان ونهبه وجوع اهله ومزق اطرافه وقصف وقتل مواطنين ابرياء فى الغرب وفى جبال النوبه والنيل الازرق وترك السودان كله ارض لمعارك وحروب من اجل ان يبقى - احترمك والله لوقوفك وحتى الرمق الاخير على مساندة الظلم والظالمين -

من انت ؟؟؟؟؟

Quote: Çá هذا بوست فية بعض غرابة، أنا ما عارف كيف ينصب بني ادم نفسة كراعي للقوم، هل العمل ضد النظام او معارضتة يعطي لهؤلاء الحكم علي الاخرين إيجابيا او سلبيا ، انت تعارض من اجل قضية وليس من اجل ان يمدحك غيرك بانك مناضل، من انت لتتوج نفسك وتحكم علي الاخرين بانهم عملو مع النظام وتدعو لمحاكمتهم حتي ولو ارتدوا من ذلك، لقد كان هناك وردي الذي غني لمايو، وقد كان هناك محجوب شريف الذي قال شعرا في مايو ما لم يقلة عنترة في عبلة، ولم ينقص الرجلين شئيا في معارضتهم او وطنيتهم ، وقال صلي الله علية وسلم من كان يعمل عمل اهل الجنة وبينه وبين الجنة ذراع فيعمل عمل اهل النار فيدخلها، والعكس صحيح، فاين انت من رسول الله، يا اخي عارض ما شئت ولكن لا تحتكر النضال وتتكسب منة،

الاخ عبد الرحمن - تحياتى - فى الاول انا قلت ياربى الزول ده راس السوط لحقو ولا شنو -
لكن بعد مداخلتك التانيه تاكدت انك لست من اولئك - ولكن ربما تكون قد قراتنى على عجل ودون ان
تركز على ما اقصده -
عموما يا اخى انا لم ولن انصب نفسى راعيا للقوم - ولكنى هنا اخاطب اولئك الذين يعتقدون ان ذاكرة
الناس خربه - فقد كانوا فى يوم من الايام يقفون هنا بشراسه وقوه فى الدفاع عن هذا النظام - واليوم وبعد
تبينوا ان النظام ائل للسقوط وانهم كانوا قد سودوا صحايفهم بمساندته - نجدهم اليوم يستبقوا سقوط النظام
ويحاولوا ان يظلوا موجودين بكل سلاسه وقبول فى المنبر بثوب جديد دون ان يشعر بهم احد - هذا ماقصدته
ياعزيزى عبد الرحمن -
اما حديثك عن وردى وغيره حينما غيروا مواقفهم من مايو فقد كانوا واضحين وصريحين واعلنوا ذلك ولم يسغفلوا
احد - بل لو تذكر ان وردى غنى حينها لاك حارسنا ولاك فارسنا -
واخيرا بالله من هو الذى يحتكر ومن هو الذى يتكسب -

مع تحياتى -

Quote: [Q فتأمل .... ولا كيف؟

والله ياساره لقيتك لقاطه جنس لقط -

حقيقة ومازال الباب مفتوحا

Quote: وياتوا بنماذج -

لم يأتو حتى الآن بنماذج ...... الحل شنو ....

Quote: [Q لاخ كمال سالم مرحب بيهم! تحول الولاءات ظاهرة سياسية مرتبطة بعمق ازمة الانظمة. كلما فقد النظام حليف, كسبت المعارضة حليف, و المعارضة المؤخرة تجب ما قبلها! و قد قال سيدنا النبي (ص) و حتى بعد النصر المبين لأهل مكة الذين ناصبوه العداء و طردوه "من دخل دار اب سفيان فهو آمن"! هلموا يا هولاء اخوة كرام!

كلامك سليم تماما يابدر الدين - لكن كل الذين نعرفهم من الذين حولوا ولاءاتهم
اعلنوا ذلك رسميا بكل وضوح - ولكن الذين اعنيهم هنا فقد دخلوا دار ابو سفيان
من فتحه ضيقه خلف الدار -

تحياتى يابدر -

الاستاذ كمال سالم

انا بتفق مع الكثير مما قاله عبد الرحمن القرشي.. واذا اعدت قراءة كلامه ستعرف السبب..
فأنا مثال لما كتبته انت.. فقد كنت أؤيد بعض السياسات التي يتبعها هذا النظام وكنت اؤيد الرئيس عمر البشير بالذات لوطنيته وتواضعه والتصاقه بعامة الناس وهو الذي كان يزور الفقراء في بيوتهم وبدون حرس ويحل مشاكلهم .. وكنت اعارض في نفس الوقت الملتفين من حوله من لصوص قوت الشعب وهم معروفين بالإسم.. ولكني غيرت رأي بعد ان شاهدت وسمعت وقرأت ما يفعله زبانية النظام من رجال الأمن من تعذيب وانتهاك شرف النساء والفتيات اللاتي لا حول ولا قوة لهن.. واصبحت انتقد النظام... يعني يا كمال هل هذا يعني انني كنت اقتات من موائد النظام وفجأة قررت ان انط من القارب قبل ان يغرق؟ ... والسبب بسيط لأن قارب هذا النظام سوف لن يغرق بهذه السهولة.. ولأن غرق قارب النظام يحتاج لعمل مكثف وجهود جبارة.. من مختلف قوى المعارضة وتوعية الشباب بما يحدث في الخفاء والاتصال بهم عبر وسائل الاعلام لتهب ثورة الربيع العربي.. وترديد ما يقوله نافع على نافع وآخرون بان من يريد اسقاط نظامهم ان يستخدم القوة.. وبدون هذا فإن النظام سيحكم للأبد
لأن المعارضة الحالية لا تجدي ولا تفيد... فالمعارضة الجادة تريد كلمات قوية تنطلق مثل الرصاص لتغزو قلوب وعقول الشعب السوداني الذي يعاني الأمرين ..
والله يديك العافية

ظاهره سودانيه ميه الميه عااااااااادي بكره نقول عفا الله عما سلف
فنحن شعب طيب مسكين مسامح جداً الى حد السذاجه

المهم كيف يجب ان نفكر فى كيف يمكن ان نتعايش مع بعض ونستعد لمرحلة ما بعد حقبة الانقاذ
فقد سقطت سقطت يا كيزان

Quote: انا بتفق مع الكثير مما قاله عبد الرحمن القرشي.. واذا اعدت قراءة كلامه ستعرف السبب.. فأنا مثال لما كتبته انت.. فقد كنت أؤيد بعض السياسات التي يتبعها هذا النظام وكنت اؤيد الرئيس عمر البشير بالذات لوطنيته وتواضعه والتصاقه بعامة الناس وهو الذي كان يزور الفقراء في بيوتهم وبدون حرس ويحل مشاكلهم .. وكنت اعارض في نفس الوقت الملتفين من حوله من لصوص قوت الشعب وهم معروفين بالإسم.. ولكني غيرت رأي بعد ان شاهدت وسمعت وقرأت ما يفعله زبانية النظام من رجال الأمن من تعذيب وانتهاك شرف النساء والفتيات اللاتي لا حول ولا قوة لهن.. واصبحت انتقد النظام... يعني يا كمال هل هذا يعني انني كنت اقتات من موائد النظام وفجأة قررت ان انط من القارب قبل ان يغرق؟ ... والسبب بسيط لأن قارب هذا النظام سوف لن يغرق بهذه السهولة.. ولأن غرق قارب النظام يحتاج لعمل مكثف وجهود جبارة.. من مختلف قوى المعارضة وتوعية الشباب بما يحدث في الخفاء والاتصال بهم عبر وسائل الاعلام لتهب ثورة الربيع العربي.. وترديد ما يقوله نافع على نافع وآخرون بان من يريد اسقاط نظامهم ان يستخدم القوة.. وبدون هذا فإن النظام سيحكم للأبد لأن المعارضة الحالية لا تجدي ولا تفيد... فالمعارضة الجادة تريد كلمات قوية تنطلق مثل الرصاص لتغزو قلوب وعقول الشعب السوداني الذي يعاني الأمرين .. والله يديك العافية

كدا حا إقولو ليك إنتي ما معاهم... لأنهم نبذوا الناس ديل نبذ شديد علشان كدا حا إقولو ليك إنتي ما معاهم

و صدقيني ما حا إقدروا إقولو فلان و فلان لأنهم وصفوهم بي أوصاف غير كريمة
يعني البوست بقى ورطة لكل اللي إتداخلو فيه مؤيدين

تحياتي و إحترامي

Quote: ظاهره سودانيه ميه الميه عااااااااادي بكره نقول عفا الله عما سلف

سواءاً كان صاحب البوست قصد أم لم يقصد.

البوست ماشي في اتجاه كلام محمد زكريا.

.
.
.
كمال سالم يقف في مذبح كنسية الديمقراطية
وبيدية خبز الغفران ليوزعه على الشعب السوداني كيف يشاء






ـ
عجبي

سلام يا كمال وسلام للجميع
هسه شفت لى بوست والله ما عرفت هل الكاتب هو الكاتب
ولا مهكر ...بالجد دى ظاهرة تستحق التساؤل
ابدا مافى زول بقول ممنوع على الناس ان تغير مواقفها
وخصوصا اذا كنا نؤمن بانه لا يصح الا الصحيح

لكن من حقنا ان نتسأل هل يا ترى الموقف ده فى اطار الحق ابلج
والا القصة ملعوبة وكلها محاولة لامتصاص الغضب؟؟
والا هى محاولة وقائية؟؟
بالجد مخولونا
غايتو انا رائيى انها ما حاجة عفوية
وكونها لفتت النظر معناها حاجة مرتبة و منظمة
وهدفها شغل اهل سودانيز و امتصاص الغضب
الاتى...
يعنى بعد ما يترفع الدعم الناس بتكون مهيئة و متوقعة
وح يقعدوا فى محنتهم ويختوا الخمسة فى الاتنين

Quote: وكونها لفتت النظر معناها حاجة مرتبة و منظمة وهدفها شغل اهل سودانيز و امتصاص الغضب الاتى...

يعني يا سهام الناس ديل لسه على رأيهم و دا برضو مساعدة للحكومة ...؟؟؟

الاخ الكريم ابوخالد و ضيوفه الكرام سلام من الله ورحمة

بداية ليك مدة ما بنته لعل المانع خير ، هذه واحــده

يا اخى الكريم دعنى اعود بك الى بوستات كثيرة فتحتها

و التزامات عاهدتنا بها هاتفيا ، وهى ان هذه الحكومةتبقى لها

اسبوع او اسبوعان ، ولكن ذلك لم يحدث ، و اقول لـــــك

ان الانقاذ سوف تتعدى ازمة رفع الدعم التى نعيشها لســبب

بسيط ان الشعب رغم ما لحقة من اذى وممرطة ، فانه يعرف لو ان

معارضة السجم و الرماد وصلت لكال الرماد حماد.

يا كمال يا اخوى مشكلتكم انكم تقيمون الناس المش معاى ضـــــدى

و لا تميزون بين من يقول للمحسن احسنت او للمخطىء اخطئت

يا كمال على المستوى الشخص قلت لى يا هجو انت مش مؤتمر وطنى

لكن متعنصر لاهلك الجعليين فقط .

يا كمال يا خوى ، سوف اكلمك فى امر جلل صدر من جالية لحم الرأس

فترقب هاتفى و خليك قريب .


سوف تظل الانقاذ اعوام مديدة بل و عديدة لان البديل قبيح و كريه

ثم قولى بالله من تبقى من المعارضة السيد الصادق و الزعيم الميرغنى

ناسبا الحكومة و اصبحا قرايب .

أبو حسين.. عساك بخير

Quote: لم يأتو حتى الآن بنماذج ...... الحل شنو ....

العموميات تتيح دخول لاعبين أكثر يا أبو حسين :)

أما التشخيص.. فهو نذير للبلع والتنازل

ومن ذا الذي يجروء على وضع نفسه في كماشة كهذه :)

أنا موقن: ممكن الزول يكون مؤتمر وطني منظم، ويعرب عن عدم رضاه عن بعض تصرفات الحكومة

والحتة دي بيكون فيها رسالة قوية للحكومة، مفادها:

لو أننا أنصارك تململنا، إذن أعملي حسابك يا حكومة، فتململ البقية سيكون من باب أولى.

فلا غرابة في هذه القضية.. إلا مع وجود حركة انسلاخ ظاهرة وموثقة

ومع تقديري للأخ كمال، لكن طرح القضية بهذه الصورة فيه تعسف

ليه؟!!

لأننا لا نوقن أن منطلقات "هذه النماذج" ستكون واحدة..

ولا نوقن إلى أي مدى سيسيرون في الإعراب عن آرائهم المضادة للوضع القائم،

ولا نعلم عن المحصلة: هل هو انسلاخ أم نقمة عابرة؟!!


تحياتي

ديل منو يا ربي ؟؟؟
والمكان ده وين ؟؟؟
وفعلا للبورد ذاكرة لا تنسي

Quote: بسيط ان الشعب رغم ما لحقة من اذى وممرطة ، فانه يعرف لو ان معارضة السجم و الرماد وصلت لكال الرماد حماد.

السيد هجو الاقرع سلام واحترام :
تعرف ياهجو انا لا مانع لدي البتة من ان يرفض الشعب "معارضة السجم والرماد" كما اسميتها ولكن دع الشعب يرفضها بطريقة سليمة ........واقصد بالطريقة السليمة الديمقراطية ......وان يترك للشعب حرية الاختيار ، مش تقولو ان الشعب امي ولا يمكن ان يختار في ظل الامية دي غير ناس المعارضة " السجمانة " ودي وصايا انا اعتبرها تاتي ممن هم اميين اكثر ممن يوصفونه هكذا .........ولو كنت ترغب فيمن وصف الشعب بالامية واستكتار الحرية فيه ، فتحول بذاكرتك قليلاً او ان شئت الدقة كثيراً لايام الانقاذ الاولي ........ياهجو ارفض المعارضة وارفض ووالي من واليت ولكن قل الحق ........نحن لسنا ضد هذا النظام بسبب المحروقات وسرقة قوت الشعب وخراب مؤسسات الدولة ، والتلاعب بالقانون والحقوق فحسب، نحن في المقام الاول ضد مصادرة الحريات . وحتي رفض المعارضة في هذا المناخ ، لك الحق ان ترفض اي حزب ولكن ممارسة هذا الحق تكون في صناديق الاقتراع والصحافة والندوات وكل مظاهر الحرية ........وعليه فان قولك الشعب يرفض المعارضة هي مقولات انقاذية ليست جديدة ، وانا شخصياً لا امانع البتة بان يلقن الشعب درساً للمعارضة ولو كان قاسياً ولكن ذلك يتم بصناديق الاقتراع .........كما حدث لجاليتكم التي تعارضها ........فانا لن اقول لك المغتربين في المغرب رفضو المؤتمر الوطني ؟ فهل هذا اثر علي عضوية المؤتمر الوطني؟ فان كان هناك من اثر فانه سيكون في مصلحة المغتربين السودانين بقطر ، اذ ان المؤتمر الوطني سيدخل الجولة القادمة ببرنامج مختلف ويعدل من طريقته في ادارة الجالية ، مش مصادرة الحق الانساني في الاختيار اليس كذلك؟
شكراً لك وللاخ كمال

Quote: أبو حسين.. عساك بخير Quote: لم يأتو حتى الآن بنماذج ...... الحل شنو .... العموميات تتيح دخول لاعبين أكثر يا أبو حسين :) أما التشخيص.. فهو نذير للبلع والتنازل ومن ذا الذي يجروء على وضع نفسه في كماشة كهذه :)

بخير و الحمد لله يا أبو همام أخبارك شنو ..؟؟

البوست بقى ورطة لأنو تحديد أي إسم معناها الإساءات و الكلام الشين دا كلو ليه هو ....

لكن برضو منتظرين ..... نسوي شنو...!!!!

Quote: بخير و الحمد لله يا أبو همام أخبارك شنو ..؟؟

تسلم يا أبو حسين

Quote: البوست بقى ورطة لأنو تحديد أي إسم معناها الإساءات و الكلام الشين دا كلو ليه هو .... لكن برضو منتظرين ..... نسوي شنو...!!!!

يعني على قولك: الواحد ما ينوم ولّ شنو :)

أهــا، ننتظر معاك.. غايتو أنا ما بنتظر كتير..

حدي صلاة الجمعة بس :)

لو ما جابوا نموذج للوكت داك، معناها البوست مبلوع، ومن هسع نجهز الموية أو [أم دلدوم] :)

Quote: عشان مايخموا الناس - وياكلوا فى كل الموائد كما قال ود الموج -

Quote: دى العينة الدايرة تاكل فى كل الموائد يا حبيب

Quote: وتتبول في كل المراحيض وتمارس الاستمناء الفكري

Quote: - المشكله فى محاولة التذاكى والتملص الناعم الذى يمارسونه وهم يعتقدون بان الناس بلهاء -

Quote: انهم تبولون ويتبرزون فى كل مرحاض لكنى اعتقد انهم لايعلمون بما يفعلون او انهم جاهلون -

Quote: الذين كانو يقفون ضد مصالح الشعب

Quote: لكن ان تدخل مثل الضل هكذا وانت تتبرا من النظام فهذا مايسمى بالانتهازيه

Quote: ويعتذروا على الاقل عن اى حرف خطته ايديهم هنا فى يوم من الايام لدعم ومناصرة هذه العصابه التى حرقت الاخضر واليابس -

Quote: وانهم كانوا قد سودوا صحايفهم بمساندته

Quote: ولكن الذين اعنيهم هنا فقد دخلوا دار ابو سفيان من فتحه ضيقه خلف الدار -

ديل منو من ناس المنبر .......؟؟؟؟

حليل زمن الرجال البكسرو العناقريب.....

Quote: ارجو من الاذكياء الذين التقطوا او انتبهوا مثلى لهذه الظاهره ان يؤكدوا حدسى وياتوا بنماذج -

الأذكياء مثلي

Quote: نعم ياخالد فباب التوبه مفتوح - فليعلنوا توبتهم اولا - عشان مايخموا الناس - وياكلوا فى كل الموائد كما قال ود الموج -

حدد أسماء علشان إجو إتوبو ليك هنا ......

Quote: - فانى اراهم يقفزون الواحد تلو الاخر -

إتكسرت فيهم يد و ل كراع ....؟؟؟

Quote: وتتبول في كل المراحيض وتمارس الاستمناء الفكري

ديل منو ديل ...؟؟؟؟

Quote: - المشكله فى محاولة التذاكى والتملص الناعم الذى يمارسونه وهم يعتقدون بان الناس بلهاء -

فعلاً بلهاء فالمعارضة الحالية يجلس فيها من جاء بالإنقاذ مهندساً و منفذاً و آخر متواطئاً حتى أتت الإنقاذ

Quote: انهم تبولون ويتبرزون فى كل مرحاض لكنى اعتقد انهم لايعلمون بما يفعلون او انهم جاهلون -

لا يعلمون و أنت تعلم و جاهلون و أنت الذكاء بعينه...

سلامات يا ابوحسين وتحياتى

Quote: يعني يا سهام الناس ديل لسه على رأيهم و دا برضو مساعدة للحكومة ...؟؟؟

ارجح هذا

وهذا مع وضع الاعتبار لمجمل مداخلتى

الناس برضها عنده حقوق ما بناباها ليهم وليس لنا الحق
و التغيير وتبديل المواقف ليس حجر على احد
بس عندو متطلباته
فليوفوها حقها

احتراماتى

Quote: سلامات يا ابوحسين وتحياتى Quote: يعني يا سهام الناس ديل لسه على رأيهم و دا برضو مساعدة للحكومة ...؟؟؟ ارجح هذا وهذا مع وضع الاعتبار لمجمل مداخلتى الناس برضها عنده حقوق ما بناباها ليهم وليس لنا الحق و التغيير وتبديل المواقف ليس حجر على احد بس عندو متطلباته فليوفوها حقها احتراماتى

الأخت سهام سلام
معليش إنتو بتتكلمو عن ناس معانا هنا في المنبر و ل مع أشباح....
و طالما إنكم بتاعين حقوق و عايزين كل واحد ياخد حقو إبقى قولو هم منو تحديداً علشان إجو إدافعوا عن نفسهم
و إقولو رأيهم مُش إمكن إكون ليهم رأي مخالف لي رأيكم و إكونو مقنعين ليكم..؟؟؟؟

تحياتي و إحترامي

Quote: فمرحب بي كل من يصو ضميره

Quote: هلموا يا هولاء اخوة كرام!

Quote: فالتحول من موالى للنظام الى الوقوف مع الحق يتطلب

Quote: ومازال الباب مفتوحا

غايتو حكاية ما زال الباب مفتوحاً دي قوية شديد..... و مفاتيح الباب دي عندكم إنتو ...؟؟؟؟
بالله لم إجوا الناس الخايفين تسموهم ديل أقفل الباب دا في وشهم ...

Quote: و مفاتيح الباب دي عندكم إنتو ...؟؟؟؟

ابو حسين

اذا كان مفاتيح الابواب عندهم خليهم

يقفلوا من هس كسبا للزمن

نحن على حق ونراكم انتم على باطل

انتهى

اي زول يمشي يشوف شغلو وين


انتهى

الله ... جادات عوقك يا بوكمال ههههههههه


ويا ود البوش وقت كلهن مراحيض اضلو عملوهن لشنو ما للبول والذي منويبقى محل يلاقيك مرحاض تفك حصرتك ولا عليك من اي زول

Quote: وتمارس الاستمناء الفكري

Quote: يتطلب الاعلان عن ذلك والتطهر من الخطا

معنى كدا إغتسلو غسل الجنابة و إجوكم ...!!!!

استاذ كمال سلام
ذكرتنى واحد قريبنا كنا بنلعب الكتشينة ( الحريق ) وكنا شلة حريفة

وكان هنالك بعض الاخوة الكيش فكانوا عندما ياتو للعب ويطلبو تسجيلم للعب شمال الفاتح

كان يقول لهم الورقة ضيقة يعنى ما بتشيل اسماءكم يعنى بالواضح كده ما بنسجلكم معانا

واصبحت مثلا فى قريتنا فى بربر عندما لاتحب ان تصطحب البعض معك فى امر ما تقول لهم الورقة ضيقة وهم يفهمون على طول

لكن الوضع هنا يختلفق على ما اعتقد لان التائب من الذنب كمن لا ذنب له واذا كان الله يغفر لمن يعصونه ويشركون به وهو خالقهم فلماذا لا نتسامح نحن البشؤ فيما بيننا فى امر يحتمل الراى والراى الاخر

كل العيب فى انهم ياتون بعد الثورة لكن من ياتى الان فانا لا ارى غضاضة فى ان يغير موقفه وينحاز الى الصواب

وشكرا

يا ابو حسين ياخ ماتحكها كده - خلى اى واحد بيفتكر انو مقصود بهذا البوست
ان يات ويقول وجهة نظروا -
او اجتهد انت شويه وابحث فى العناوين والاسماء وسوف تلفت انتباهك هذه الظاهره -
انا لا اريد ان احاسب احد بقدرما اننى عايز الفت النظر لهذه الظاهره التى سميتها بالغريبه
واعتبرت ان من مارسوا ذلك الفعل كالذى غير رقم هاتفه او عنوانه دون ان يخطر اصدقائه
ومعارفه بالعنوان الجديد او رقم الهاتف الجديد -
من عنيتهم يا اخى ليسوا من كوكب اخر ولا هم فى موقع الراكوبه - انهم معنا هنا وصاروا جزءا منا
بل ربما يكونوا اصدقاء - ومواقفهم يعرفها الكل هنا - منهم من هو موالى للنظام بحسب مايكتبه ومنهم
من هو متعاطف مع النظام ولا يرضى انتقاده -ومنهم من صبغ نفسه باللون الرمادى وكان موقفه غير
واضح -
كل اولئك نجدهم اليوم يحاولوا ان يكونوا فى الصف الاول من معاداة النظام بطريقه تدعو للدهشه
والتساؤل خيث لم نقرا لهم اى مقدمات او اسباب فى سر هذا التحول المفاجئ -
يا ابوحسين سكك للبوست بهذه الطريقه لايخدم احد - ولن يحقق ما تصبو اليه - الموضوع ببساطه
فهمه الكل وادلو برايهم - فاذا كان لك راى فى هذه الظاهره الغريبه فقله او امتنع عن محاولة جر البوست
وتشتيته لدروب اخرى -
مع تحياتى

قولو واحد

الكرة فى ملعب الشعب

Quote: ان يؤكدوا حدسى وياتوا بنماذج

ثم

Quote: خلى اى واحد بيفتكر انو مقصود بهذا البوست ان يات ويقول وجهة نظروا - او اجتهد انت شويه وابحث فى العناوين والاسماء وسوف تلفت انتباهك هذه الظاهره

ـــــــــ

Quote: لكن ان تدخل مثل الضل هكذا وانت تتبرا من النظام فهذا مايسمى بالانتهازيه -

ثم

Quote: انا لا اريد ان احاسب احد

ــــــــ

Quote: فاذا كان لك راى فى هذه الظاهره الغريبه فقله

لم أعرف الناس منو..؟؟؟ علشان أعرفهم كانو شنو و بقو شنو و بعدين أحكم ..

Quote: او امتنع عن محاولة جر البوست وتشتيته لدروب اخرى

كلامي الكتبتو كلو عن موضوع البوست لا جرجت البوست و لا يحزنون
و إنت بتتهرب من ذكر أسماء زملاء بالبورد أسأت ليهم و إتسببت في جعل آخرين يسبوهم

Quote: يا ابوحسين سكك للبوست بهذه الطريقه لايخدم احد

بل يخدم زملاء في البورد لكي ينالو حقهم في الدفاع عن أنفسهم و إنت مُصر تسلبهم هذا الحق

مع تحياتي

Quote: قولو واحد الكرة فى ملعب الشعب

أها دا واحد واضح قال:-

1- محمد حامد جمعة
2-
3-

Quote: [Q أها دا واحد واضح قال:- 1- محمد حامد جمعة 2- 3-

نعم يا ابوحسين ناصر المحسى واضح لانه التقط مغزى البوست
ووجد ان الظاهره الغريبه التى عنيتها موجوده واتى منها بمثال -
انت الماعايز يخليك واضح شنو -
وللمره الاخيره بقوليك انا ما حاجيب امثله - الامثله موجوده وواضحه
الا للذين فى عيونهم رمد -

تحياتى -

Quote: [Q الحق يا كيمو ..... احمد شفيق علي مشارف رئاسة مصر وهو من ( الفلول ) وبدعم من المحكمة الدستوربة !!!!!

للاسف ياعماد الشبلى احمد شفيق برضو ما عايز
يقول والله انا مافلول - وعايز الناس كده ببساطه
تقبلوا كرئيس -

Quote: انت الماعايز يخليك واضح شنو

و إنت فتحت البوست لي شنو ...؟؟؟؟
علشان غيرك إكونو واضحين و إنت تضارى بيهم...؟؟؟

Quote: وللمره الاخيره بقوليك انا ما حاجيب امثله

يا زول إنت حر...

Quote: لاعضاء المنبر ، وخصومنا فيه شخصيا وبكل امانة اعتقد ان لحكومتنا وحزبنا اخطاء ، واخفاقات واعتقد ان توجيه النصح والنقد ممارسة حكيمة فى كل الظروف ولكن فقد لاحظت ان البعض هنا يشير الى ان اى دعوة منا للاصلاح والمعالجة او مناداة بالتصويب انما هو مسارعة بالقفز من سفينة غارقة ، مما يعد عندى سوء خلق وجبن ، ويشير الى اعراض انتهازية لا نتشرف بها فاعلن ( فى هذا الظرف ) انا محمد حامد جمعه التزامى بالمؤتمر الوطنى والحكومة واتحمل بكل شجاعة كامل عاقبة الذى يحدث ، فطالما ان حزبنا حكم هذه البلاد لعقدين او يزيد دافعت فيه عن مواقفه وتبنيت ارائه فلست منخذلا اليوم لانكر سوء منقلبه ان قدر الله عليه جريان سنة الاستخلاف لاخرين . وليثبت هذا البوست ويحفظ ليكون شاهدا على

بيان هام

اها يا ابوحسين - بوست محمد حامد جمعه ده دليل واضح الى ما اشرت اليه
ولولا الضغط الذى مورس عليه نتيجة نقده للنظام لما فتح هذا البوست ليبرر
الاسباب التى جعلته ينتقد النظام الذى كان لايرضى فيه -
بنفس المستوى نحن نريد من الذين تغيرت مواقفهم فجاه ضد هذا النظام ان ياتوا
ويبرروا سبب هذا التغيير -
والف مرحب بكل من صحى ضميره واعلن ذلك وانخرط مع الحق معريا نظام
المؤتمر الوطنى ولاعنا له -

Quote: Ç ذكرتنا بالقذافي عندما قاد بنفسه مظاهره في طرالبس 14 فبراير لاسقاط الحكومه .. الكيمان ظاهره ياكمال مع التحيه .

عشان كده يا اسامه انا ماعايز الناس تنحو منحى القذافى -
انا بعتبر كل من ينسلخ من هذا النظام فى هذا الوقت هو
انسان عاقل - فقط عليه ان يعلن ذلك -

سلامات يا كيمو

كل الحصل إنو البتاعة كلها إتلهطت وعدمت الخميرة!!
والزنقة حاصلة اليومين ديل...
ودايرين ليهم طريقة مَخَارَاجَة.....

بعدين ما غريب إلا الشيطان
وديل الشيطان ذاتو مخلوع وبتفرج فيهم عشان يتعلم...

Quote: Ó اتفق معك ذاكرة المنبر تحفظ الكثير سنكشفهم بالبوستات تحياتى

بلدى ياحبوب - تحياتى -

بالتاكيد ذاكرة المنبر موجوده وتحفظ الكثير مما كتبوه
ولكنى اتمنى ان لا يدعونا نلجا لذاكرة المنبر - فسطر او سطرين
من التبرير كفيله بقبول كل من صحى ضميره -

تحياتى

Quote: [ من انت ؟؟؟؟؟

انا واحد بالع حبوب هلوسه ياود الباوقه -

Quote: [Q حقيقة ومازال الباب مفتوحا

يا ابا يزيد الباب ابدا لم يوصد فى يوم من الايام فقد ظل مفتوحا وسيظل
كذلك - فقط على من يريد ان يدخله ان يستاذن ويطرق الباب قبل الدخول -

Quote: [Q أنا اتفق معك في الكثير مما جئت وجدت به ........ولكن في نفس الوقت هناك من اعضاء هذا المنتدى "مكان معرفة مواقفهم " من وظف نفسه وجهده وقلمه ، لمناضرة السلطة وهي تسرق من الشعب اغلي من رفع الدعم عن المحروقات ، والذي هو لم ياتي الا ضمن قائمة طويلة تم سرقتها من المواطن ، الغاء مجانية التعليم والعلاج وفصل وتعذيب وقتل واغتصاب ، وتخريب لكل مؤسسات الدولة واضطهاد المواطن ، وكل تلك الجرائم مرت دون اي مقاومة ولا وجهة نظر مخالفة ،بل العكس يمكن ان نقول ان النظام استفاد من دعمهم المباشر لهذه الجرائم ليوصل البلاد الي هذه الدرجة من الانهاك ، ولما لم يعد من الممكن التلاعب والتذاكي علي الوعي الجمعي والحادث الان، جاءت معارضتهم الاخيرة ، ورغم اني ارحب بها ، واعدها في مصلحة الشعب ، ولكن باعتقادي ان تلك المواقف يجب ان يدفعون ثمنها السياسي علي الاقل ، ولو ان الاخ كمال فتح هذه الصفحة الان ، لا اعتقد انها من باب الوصايا ، فالناس احرار في اتخاذ مواقفهم السياسية ولكن يجب ان يكون للاطراف الاخري راي ايضاً في ماضي هؤلاء الناس .........الذين كانو يقفون ضد مصالح الشعب طيلة هذه المدة لنقول لهم كنت وين وين انتو كنتو؟

ابراهيم النعمه - تحياتى يارجل -

وخضر الله ضراعك فقد اوفيت وكفيت -

Quote: [Q الاستاذ كمال سالم انا بتفق مع الكثير مما قاله عبد الرحمن القرشي.. واذا اعدت قراءة كلامه ستعرف السبب.. فأنا مثال لما كتبته انت.. فقد كنت أؤيد بعض السياسات التي يتبعها هذا النظام وكنت اؤيد الرئيس عمر البشير بالذات لوطنيته وتواضعه والتصاقه بعامة الناس وهو الذي كان يزور الفقراء في بيوتهم وبدون حرس ويحل مشاكلهم .. وكنت اعارض في نفس الوقت الملتفين من حوله من لصوص قوت الشعب وهم معروفين بالإسم.. ولكني غيرت رأي بعد ان شاهدت وسمعت وقرأت ما يفعله زبانية النظام من رجال الأمن من تعذيب وانتهاك شرف النساء والفتيات اللاتي لا حول ولا قوة لهن.. واصبحت انتقد النظام... يعني يا كمال هل هذا يعني انني كنت اقتات من موائد النظام وفجأة قررت ان انط من القارب قبل ان يغرق؟ ... والسبب بسيط لأن قارب هذا النظام سوف لن يغرق بهذه السهولة.. ولأن غرق قارب النظام يحتاج لعمل مكثف وجهود جبارة.. من مختلف قوى المعارضة وتوعية الشباب بما يحدث في الخفاء والاتصال بهم عبر وسائل الاعلام لتهب ثورة الربيع العربي.. وترديد ما يقوله نافع على نافع وآخرون بان من يريد اسقاط نظامهم ان يستخدم القوة.. وبدون هذا فإن النظام سيحكم للأبد لأن المعارضة الحالية لا تجدي ولا تفيد... فالمعارضة الجادة تريد كلمات قوية تنطلق مثل الرصاص لتغزو قلوب وعقول الشعب السوداني الذي يعاني الأمرين .. والله يديك العافية

شكرا يا اميره السيد فقد كنت واضحه وشفافه عندما ايدت النظام وعندما تخليتى عن تاييده
لقد ذكرت سبب التاييد وسبب الانسلاخ ولكن مارائك فى اولئك الذين يتوارون خجلا من مواقفهم -

Quote: [Q ظاهره سودانيه ميه الميه عااااااااادي بكره نقول عفا الله عما سلف فنحن شعب طيب مسكين مسامح جداً الى حد السذاجه المهم كيف يجب ان نفكر فى كيف يمكن ان نتعايش مع بعض ونستعد لمرحلة ما بعد حقبة الانقاذ فقد سقطت سقطت يا كيزان

محمد زكريا - تحياتى -

عشان ننهى الظاهره السودانيه دى انا فتحت هذا البوست
وحتى لا نوصف بالمسكنه والسذاجه -

تحياتى -

Quote: [Q سواءاً كان صاحب البوست قصد أم لم يقصد. البوست ماشي في اتجاه كلام محمد زكريا.

محمد ابو العزائم - مشتاقين والله -

بالتاكيد انا اقصد عكس ذلك - فعفا الله عما سلف لن تكون
مع الانتهازيين - والمندسين -

Quote: لأخت سهام سلام معليش إنتو بتتكلمو عن ناس معانا هنا في المنبر و ل مع أشباح.... و طالما إنكم بتاعين حقوق و عايزين كل واحد ياخد حقو إبقى قولو هم منو تحديداً علشان إجو إدافعوا عن نفسهم و إقولو رأيهم مُش إمكن إكون ليهم رأي مخالف لي رأيكم و إكونو مقنعين ليكم..؟؟؟؟ تحياتي و إحترامي

يا أبو حسين والله ده
المديدة حرقتنى ساااااى

انا رأئيى اصلوا مافى زول يذكر اى إسم ورسالة البوست تصل
للفى راسه ريشة
عشان الناس ما تطلع من الموضوع و تبقى نبذ وشتائم
ونتملى سخف يا عملات هيثم ساى

اى زول او زوله موالى للحكومة و مطبل ليها وهسه بينتقد فى الحكومة
هو /هى مقصود/ة بالرسالة الهنا دى
وبس
ما لم يأتى من نفسه او نفسها ويدفع متطلبات اعلان تغيير الموقف!!!!!
حتى ذلك الوقت كل من قرأت لهم انما هم عندى جزء من لعبة منظمة ومرتبة

Quote: [Q كمال سالم يقف في مذبح كنسية الديمقراطية وبيدية خبز الغفران ليوزعه على الشعب السوداني كيف يشاء ـ عجبي

ابوعبيده البصاص -- لا تعليق -






ياخ انتو فضلتوا فيها خبز -

Quote: [Q سلام يا كمال وسلام للجميع هسه شفت لى بوست والله ما عرفت هل الكاتب هو الكاتب ولا مهكر ...بالجد دى ظاهرة تستحق التساؤل ابدا مافى زول بقول ممنوع على الناس ان تغير مواقفها وخصوصا اذا كنا نؤمن بانه لا يصح الا الصحيح لكن من حقنا ان نتسأل هل يا ترى الموقف ده فى اطار الحق ابلج والا القصة ملعوبة وكلها محاولة لامتصاص الغضب؟؟ والا هى محاولة وقائية؟؟ بالجد مخولونا غايتو انا رائيى انها ما حاجة عفوية وكونها لفتت النظر معناها حاجة مرتبة و منظمة وهدفها شغل اهل سودانيز و امتصاص الغضب الاتى... يعنى بعد ما يترفع الدعم الناس بتكون مهيئة و متوقعة وح يقعدوا فى محنتهم ويختوا الخمسة فى الاتنين

شكرا ياسهام على كل المداخلات القويه
فقد فهمتى ما اعنيه بالظبط وجاء حديثك متسق
تماما مع فكرة البوست ولم تعيرى بلطجية وشبيحة
المنبر اهتماما وقارعتيهم بالحجه فى كل مداخلاتك
وانا لو فى مكان ابوحسين لكنت انسحبت من هنا نهائيا بعد مداخلتك الاخيره -
شكرا ياسهام - وتحياتى للعيال وابوهم -

Quote: وانا لو فى مكان ابوحسين لكنت انسحبت من هنا نهائيا بعد مداخلتك الاخيره

و الله كنت فعلاً ناوي ما أدخل هنا تاني عارف ليه ..؟؟؟ علشان لقيتك زول فارغ و ما عندك موضوع

لكن بعد مداخلتك دي ياني القاعد كان شهر و كان شهرين بإذن الله ...

لأنو في بوستك دا عندك مليون راي

Quote: [Q و الله كنت فعلاً ناوي ما أدخل هنا تاني عارف ليه ..؟؟؟ علشان لقيتك زول فارغ و ما عندك موضوع

يا ابوحسين ياخ والله انا فارغ وما عندى موضوع
ممكن تكون زول مليان وعندك موضوع وتتحاشى
التحرش بى -

Quote: وتتحاشى التحرش بى -

جابت ليها تحرش كمان ....؟؟؟

Quote: [Q اقول لـــــك ان الانقاذ سوف تتعدى ازمة رفع الدعم التى نعيشها لســبب بسيط ان الشعب رغم ما لحقة من اذى وممرطة ، فانه يعرف لو ان معارضة السجم و الرماد وصلت لكال الرماد حماد.

والله ياصديقى هجو انا مشفق عليك - ياخ والله انت مابتشبه هذه العصابه التى
تحكم السودان - لفد عرفتك رجلا صلدقا ونظيفا وعفيفا - ولا ترضى بالظلم
والظالمين ولك مواقف كثيره هنا تشهد لك بذلك-
واذا كان تبريرك هو بانه لابديل للانقاذ الا الانقاذ فهذه كذبه اطلقوها ليوهموا بها
البسطاء من الناس بان بديل الموتمر الوطنى هو الطوفان -
ياهجو الشعب السودانى اوعى من ذلك وحواء السودان لم تعقم بعد والمعارضه
التى وصفتها بالسجم والرماد هى فعلا كذلك والشعب السودانى لن يعول عليها كثيرا
فالصادق المهدى والميرغنى والترابى كلهم فى نظره مجرمون مثلهم مثل البشير ويبقى
الامل فى قواعد تلك الاحزاب وشبابها ليلتحموا مع الشعب الذى سينتفض باذن الله قريبا
ويزيح هذا الكابوس الجاثم على صدره سنينا عددا - وحينها ومن رحم المعاناه سيولد قاده
من غمار هذا الشعب سوف يقودون السفينه لبر الامان - فلتركب معنا ياصديقى -

تحياتى وسلامى للعيال وامهم -

دي أول مداخلة ليك الساعة 12:12 pm

و بعدها بي دقيقة أو أقل من دقيقة (لأنو الساعة فيها دقائق فقط و الثواني ما موجودة)

كيف عرفت

Quote: انه اصاب الكثيرين

Quote: Ïí ولا نعلم عن المحصلة: هل هو انسلاخ أم نقمة عابرة؟!!

الاخ عماد حسين - تحياتى -

عشان ماندخل فى مثل هذه الحيره جاء هذا البوست -
فكل من بدا يصب جام غضبه على الانقاذ هذه الايام
بعد ان كان احد جنودها عليه ان يوضح لنا هل هو انسلاخ
اما انها مجرد غضبه قد تزول مع زوال الاسباب -
تماما كما فعل محمد حامد جمعه بعد ان كثر عليه الهجوم
والتساؤل - اراحنا واراح نفسه - وفتح بوست بعنوان - بيان هام -
وضح فيه اسباب هجومه على النظام واكد موقفه الموالى للنظام
وبرر اسباب الهجوم -

كمال سالم..
مساء الخير عليك يا حنين ..
شايفك عملت غمران من تعليق صلاح جادات
هههههههههههههه

بيني و بينك يا حبيبنا بدل الورجقة بتاعت المناتلين الما جايبها حقها
أخير بشه ده ......ولا شنو

كمال سالم
خلينا من ابو الحسين الساكن في هذا البوست
بس لو سمحت حلل لينا صورك التى اوردها صلاح جادات
مع السفير الحالى والقنصل السابق .....
والرقيص والتكريم سمن على عسل

هههههههههههه ناس الدوحة لعبن خشن يا كمال
__________________________________

اها نجي للموضوع
زي ماقلت و قالت بت المجمر لاداعي لذكر امثلة واسماء وكدا
طيب على الأقل حددوا لينا - انت وبت المجمر- الكاتيقوريز ديل

Quote: كانوا يناصرون النظام او كانوا من المتعاطفين معه او حتى اولئك الذين كانوا يمسكون العصا من النصف

مناصرة النظام او التعاطف معه او حتى مسك العصاية من النص ديل بتعرفوا كيف اقصد البعملوا او البكتبو شنو؟
زي كتابة ود الباوقة سيدي الرئيس و ألكع وأردم و هييييع على طول الخط في المنشط و المكره
أم المقصود من يهاجم المعارضة أو جزء منها
ودا الاجابة على السؤال دا بتقود لأسئلة تانية وحوار حول الموضوع اتمنى ان يتلقي ليه وقت ومزاج معتدل

Quote: بس لو سمحت حلل لينا صورك التى اوردها صلاح جادات مع السفير الحالى والقنصل السابق ..... والرقيص والتكريم سمن على عسل

Quote: [Q الله ... جادات عوقك يا بوكمال ههههههههه ويا ود البوش وقت كلهن مراحيض اضلو عملوهن لشنو ما للبول والذي منويبقى محل يلاقيك مرحاض تفك حصرتك ولا عليك من اي زول

ود البشرى سلام ومشتاقين والله


هو جادات براهو العايز يعوقنى -
شوف الرهط الذى جاء من خلفه -
يمكن جادات يكون معذور - لكن تقول شنو فى امير طمبل وبدر الدين الامير ووليد الشفت -
ياربى عايزين يقولوا انى مؤتمر وطنى ولا غواصه -
معليش بدر الدين وامير طمبل حاعتبرهم زيهم وزى صلاح جادات لانهم فى الدوحه دى هم بره الشبكه -
لكن ليك وللباقين بقول ان هذه الصور كانت فى وداع اجدع وارجل قنصل مر على سفارة
السودان بالدوحه - قنصل قال للمؤتمر الوطنى NO - منذ اول يوم لقدومه للدوحه وكانت له
مواقف قويه ومشهوده فى كثير من امور الجاليه فى الدوحه كادت ان تتسبب فى نقله مبكرا
بل ربما فصله - فقد خبر هذا القنصل الاعيب منسوبى المؤتمر الوطنى هنا ووقف ضدها بشده
وكانت اخرها قبل سفره حينما حاول المؤتمر الوطنى بالدوحه ان يزور انتخابات الجاليه مره
ومره عندما حاول ان يلغيها فقد كان لهم بالمرصاد فى كل تصرفاتهم بحكم رئاسته للجنة الانتخابات -
وكذلك فعلوا فى انتخابات رابطة المراه عندما حاولوا ان يتبلطجوا ويفوزوا لستتهم بالارهاب كان القنصل
عماد حجازى متيقظا لهم مما جعلهم يدبجون فيه الخطابات والشكاوى لوزارة الخارجيه ولكل مسئولى
المؤتمر الوطنى الذين يزورون الدوحه من حين لاخر - ولكنه كان كالجبل الشامخ لم ينكسر لهم ولم يلين
حتى انهم فى اخر ايامه وصلوا معه لحد الضرب والتشابك بالايدى - وعندما انتهت مدة فترة عمله بدولة قطر
لم يهتموا لحفل وداعه كما يفعلون عادة مع كل الدبلوماسيين فى السفاره - واذاء ذلك الحال كان واجبا علينا
نحن كقوى ديمقراطيه فى قطر ان نقوم بذلك الواجب تقديرا وعرفانا له - وفعلا اقمنا له وداعا يليق وما قدمه
من تجرد وعدم انتماء - وقد افتقدناه فعلا لانه كان من طراز الدبلوماسيين الذين يندر ان تجدهم فى ظل هذا
النظام - ومثله لن يعمر طويلا فى الخارجيه فقريبا سوف يحال للصالح العام اذا كتب لهذا النظام ان يستمر -

تحياتى ياود البشرى وما تنقطع ياخ -

بالاكتر يا كمال
اها شفت تعليقك على موضوع السفير اختصر لي كلام كتير كنت ح اقولو لقدام بس راجي كنت ردك - او سهام - على مداخلتي التانية
ما ذكرتو عن السفير انا مثلا ما عارفو و احتمال لا جادات او باقي ناس الدوحة ما عارفينه
لكن يكفي كونو سفير في عهد الانقاذ ليصبح التصوير معه و الاحتفاء بمغادرته مسبة تكفي لتصنيفك كان ما مناصر للحكومة على الاقل ماسك العصاية من النص
اها دا نفس النهج المتبع هنا لتصنيف الناس دا مناصر نظام ودا متعاطف معاه وداك ماسك العصاية من النص
مجرد انطباعات مبنية على قراية المصنف
عشان كدا سؤالي كان عن ضرورة تعريف ما المعني بـ:
مناصرة الحكومة
التعاطف معها
مسك العصا من المنتصف
كما كتبت في المداخلة الرئيسة يا كمال

كيمو يا حبة
يعلم الله مشتاقين الشوق الواحد دا
مالك قطعت كراعك من البلد ياخ ؟


_______________
بالمناسبة المدعو ابو حسين دا كوز وقيل امنجي عديل
قبل يومين كدا بدا يرتد عمل بوست عن شح الموية وواحد عن البنزين
حتى انا استنكرت البوست ودخلت اديتو كلام زي السم حار حار ما قدر يقول اي حاجة خخخخخ
فبوستك دا بكون هبشو في الريشة بالظبط كدا عشان كدا مجقلب عليك الله بالحتة الفيها الحديدة ...
اما صديقنا ود البشرى دا ذاتو شايفو ليك اليومين دي
مايل لجهة الكيزان ... أما المدعو جادات ما تشتغل بيهو كتير مداخلته تفتقر للحكمة
سلام يا حبيب

Quote: ابالمناسبة المدعو ابو حسين دا كوز وقيل امنجي عديلا قبل يومين كدا بدا يرتد عمل بوست عن شح الموية وواحد عن البنزين حتى انا استنكرت البوست ودخلت اديتو كلام زي السم حار حار ما قدر يقول اي حاجة خخخخخ فبوستك دا بكون هبشو في الريشة بالظبط كدا عشان كدا مجقلب عليك الله بالحتة الفيها الحديدة ... اما صديقنا ود البشرى دا ذاتو شايفو ليك اليومين دي مايل لجهة الكيزان ... أما المدعو جادات ما تشتغل بيهو كتير مداخلته تفتقر للحكمة سلام يا حبيب

اتنين

Quote: ß كمال سالم خلينا من ابو الحسين الساكن في هذا البوست بس لو سمحت حلل لينا صورك التى اوردها صلاح جادات مع السفير الحالى والقنصل السابق ..... والرقيص والتكريم سمن على عسل

طبعا يابدر الدين انا صلاح جادات وامير طمبل مابلومهم
لانو فيهم واحد مجنون والتانى مؤتمر وطنى -
لكن انت اقول عليك شنو - غايتو لو كتبت كلامك ده بعد العاشره
مساء يمكن اعذرك -

Quote: [Q استاذ كمال سلام ذكرتنى واحد قريبنا كنا بنلعب الكتشينة ( الحريق ) وكنا شلة حريفة وكان هنالك بعض الاخوة الكيش فكانوا عندما ياتو للعب ويطلبو تسجيلم للعب شمال الفاتح كان يقول لهم الورقة ضيقة يعنى ما بتشيل اسماءكم يعنى بالواضح كده ما بنسجلكم معانا واصبحت مثلا فى قريتنا فى بربر عندما لاتحب ان تصطحب البعض معك فى امر ما تقول لهم الورقة ضيقة وهم يفهمون على طول لكن الوضع هنا يختلفق على ما اعتقد لان التائب من الذنب كمن لا ذنب له واذا كان الله يغفر لمن يعصونه ويشركون به وهو خالقهم فلماذا لا نتسامح نحن البشؤ فيما بيننا فى امر يحتمل الراى والراى الاخر كل العيب فى انهم ياتون بعد الثورة لكن من ياتى الان فانا لا ارى غضاضة فى ان يغير موقفه وينحاز الى الصواب

الاخ عادل عبد العزيز - تحياتى -

والله لكن ناسك حلوين - بس ياخ انحنا ناسنا البنقصدهم هنا ما بقولوا ليك سجلنا شمال الفاتح - ديل دايرين يدخلوا توش
وعلى اعلى بنط كمان -
والمساله ماعايزه تسامح ولا نحن البنسامح - كل المطلوب من الذى كان يمتدح النظام فى السابق وبدا يلعنه اليوم ان
يعلن عن ذلك ولو فى سطرين حتى لا نفاجا بموقف غريب لا نعرف هل هو غضب مؤقت ام انسلاخ عديل - عشان نعرف
نتعامل معاهو بالنيو لوك بتاعو الجديد -

تحياتى -

Quote: [ قولو واحد الكرة فى ملعب الشعب

ناصر المحسى -- ياخ انت كده - واشاربابهامه للاعلى -

Quote: [Q سلامات يا كيمو كل الحصل إنو البتاعة كلها إتلهطت وعدمت الخميرة!! والزنقة حاصلة اليومين ديل... ودايرين ليهم طريقة مَخَارَاجَة..... بعدين ما غريب إلا الشيطان وديل الشيطان ذاتو مخلوع وبتفرج فيهم عشان يتعلم...

ابو الزهور مشتاقين ياخ -

معقوله يا ابو الزهور يكون معانا فى المنبر ده ناس من النوع ده -
ياخ ما اظن - كل المساله بتكون حبة انتهازيه -

العزيز كمال
هنا بوست ذو صلة بالموضوع عمره حوالي عشرة سنوات

الجنس الثالث فى البورد

فعلا للبورد ذاكرة
ز ذاكرة البورد سجلت أن كمال سالم دان دوما في الصف المعارض للنظام الفاسد في الخرطوم
و دون من يقول غير ذلك الارشيف فالبينة على من أدعى كما تعلمون.

كمال سالم غواصة القش
هسع المجنون منو ؟
كدي شوف كلامك ده طفل بصدقوا ؟
اولا : القوي الديمقراطية الفي قطر منو ؟
ثانيا : اذا افترضنا صحة كلامك معقولة القوي الديمقراطية ما لقت مكان تكرم فيهو القنصل غير السفارة ؟ يا اخ طخ .. خلاص الناس بقي ماعندها عقول للدرجة دي ؟ وبرضو جادات مجنون واتفرج يا سلام
ثالثا : معقولة زول وصل درجة قنصل ويكون محايد ؟ وقنصل وين في الدوحة وكر الكيزان المنيع
رابعا : طيب اذا كلامك جزء بس منو صاح ليه السفير شارك في التكريم طالما انو القنصل مسبب ليهم مشاكل وماعايزين يكرموا . ومن اساسوا ليه السفير وافق انو القوي المعارضة تكرم قنصل مشاكس للنظام في السفارة ؟
خامسا : معقولة قنصل يقول للمؤتمر الوطني من اول يوم NO وبعد ده يستمر في منصبو حتي المدة القانونية ؟ يا اخ ارحم عقلك يا اخ لو الكيزان بعملوا كده ما كان عارضناهم
ديل المعارضة البرة المناصب عاملين فيها الويل يجي واحد قنصل ومنهم يقول لا ؟ ( كمال في مرحلة الطفولة الثانية )
سادسا : انتخابات وتشابك بالايدي ده كلو فبركة كيزان وغواصات لانو الدوحة اساسا ما فيها معارضة
سابعا : وهل يعني ان كل زول بجي السفارة ويقضي مدتو من غير تجديد انو عارض ممارسات النظام او شاكس ( تبيدي )
ثامنا : سؤال اجابتو سوف تفضح كل كلامك الاصلو مفضوح اين يعمل القنصل الان ؟؟؟
هسع ده كلام زول عندو ذرة من عقل ؟

Quote: ود البشرى سلام ومشتاقين والله هو جادات براهو العايز يعوقنى - شوف الرهط الذى جاء من خلفه - يمكن جادات يكون معذور - لكن تقول شنو فى امير طمبل وبدر الدين الامير ووليد الشفت - ياربى عايزين يقولوا انى مؤتمر وطنى ولا غواصه - معليش بدر الدين وامير طمبل حاعتبرهم زيهم وزى صلاح جادات لانهم فى الدوحه دى هم بره الشبكه - لكن ليك وللباقين بقول ان هذه الصور كانت فى وداع اجدع وارجل قنصل مر على سفارة السودان بالدوحه - قنصل قال للمؤتمر الوطنى NO - منذ اول يوم لقدومه للدوحه وكانت له مواقف قويه ومشهوده فى كثير من امور الجاليه فى الدوحه كادت ان تتسبب فى نقله مبكرا بل ربما فصله - فقد خبر هذا القنصل الاعيب منسوبى المؤتمر الوطنى هنا ووقف ضدها بشده وكانت اخرها قبل سفره حينما حاول المؤتمر الوطنى بالدوحه ان يزور انتخابات الجاليه مره ومره عندما حاول ان يلغيها فقد كان لهم بالمرصاد فى كل تصرفاتهم بحكم رئاسته للجنة الانتخابات - وكذلك فعلوا فى انتخابات رابطة المراه عندما حاولوا ان يتبلطجوا ويفوزوا لستتهم بالارهاب كان القنصل عماد حجازى متيقظا لهم مما جعلهم يدبجون فيه الخطابات والشكاوى لوزارة الخارجيه ولكل مسئولى المؤتمر الوطنى الذين يزورون الدوحه من حين لاخر - ولكنه كان كالجبل الشامخ لم ينكسر لهم ولم يلين حتى انهم فى اخر ايامه وصلوا معه لحد الضرب والتشابك بالايدى - وعندما انتهت مدة فترة عمله بدولة قطر لم يهتموا لحفل وداعه كما يفعلون عادة مع كل الدبلوماسيين فى السفاره - واذاء ذلك الحال كان واجبا علينا نحن كقوى ديمقراطيه فى قطر ان نقوم بذلك الواجب تقديرا وعرفانا له - وفعلا اقمنا له وداعا يليق وما قدمه من تجرد وعدم انتماء - وقد افتقدناه فعلا لانه كان من طراز الدبلوماسيين الذين يندر ان تجدهم فى ظل هذا النظام - ومثله لن يعمر طويلا فى الخارجيه فقريبا سوف يحال للصالح العام اذا كتب لهذا النظام ان يستمر - تحياتى ياود البشرى وما تنقطع ياخ -

Quote: طبعا يابدر الدين انا صلاح جادات وامير طمبل مابلومهم لانو فيهم واحد مجنون والتانى مؤتمر وطنى - لكن انت اقول عليك شنو - غايتو لو كتبت كلامك ده بعد العاشره مساء يمكن اعذرك -

مش كان أخير ليك أبو حسين ....؟؟؟؟؟

قلت لي قال ليهم NO .....؟؟؟؟

و الحفل كان تكريم مُش تأبين علشان نقول حاجة مهمة شديد.....

براااااااااااااااااااااااااااااااك جبتو لي نفسك ...

Quote: ناس الدوحة لعبن خشن يا كمال

شـدييييييييييييييييييييييييييد

Quote: بالمناسبة المدعو ابو حسين دا كوز

من 2002 يعني كوز مُـعـتـق

الاستاذ الفاضل كمال سالم

لك التحية و التقدير

بوست اصاب كبد الحقيقة 100%

عشان كده حضر اليه رواد الحق لمناصرته و الوقوف معه

و حضر اليه كذلك المتابطون شرا للمناقرة و المناقزة ..

كمال سالم
تحية طيبة ..وبعد
المباديء ثابتة والمواقف متبدلة في نواميس الحياة ...مثلاً أرى أن الديموقراطية ودولة المؤسسات هي الحل وافضل النظام الإسلامي أن يكون سائدا في الوطن فهذا مبدأ .
أو أرى أن النظام الديموقراطي ودولة المؤسسات هو الحل وأفضل النظام العلماني سائدا في الوطن فهذا مبدأ .
لكن أن أفضل نظام شمولي يصادر حرية الجميع حتى المؤيد له بدعوى أن هذا النظام إسلامي وأناصره لأني مسلم ..فهذا نشاز ليس بعده ..حسب رأي .
الذين أيدوا النظام الشمولي - ألا يعلمون أن الشمولية أداة فساد وفيها مخالفة صريحة للدين وإنقاص أهلية الرعية والضحك عليهم بشعارات تعبر عن أشواقهم فعلاً ..لكن أدوات الحكم فاسدة فكيف يستقيم الأمر عقلا...كيف يستقيم أمر الرعية وأداوات الحكم فاسدة ..
هنا أتساءل ألا يعلم هؤلا ء المؤيدين ذلك ...هل تغاضوا ذلك ظناً منهم أنهم يخدمون الإسلام ؟؟ وهل هذه مقاصد الشريعة والتي تدعو لتكريم الإنسان بغض النظر عن دينه أو عرقه أو لونه ..وحتى لو كان كافراً لا تنقصه من إنسانيته ..وهل فشل الإسلاميين يخصم من الإسلام في شيء!!
في اعتقادي المتواضع يجب على مؤيدي التيار الاسلامي ألا يركنوا للأدوات الفاسدة فهي لن تحقق لهم أشواقهم في سيادة الاسلام كنظام دولة وحياة ..عليهم ان يعترفوا بأن الاسلام يأتي عبر صناديق الاختراع وبرضا الرعية وتوافقها على ذلك ..ولن يستطيع كائن من كان على إكراه أمة من الناس على قبول قيم الإسلام عبر فوهة البندقية .
فيا أخ كمال ..هناك خلل كبير في الفهم لهذه الفئة التي أيدت ولا زالت تؤيد نظام شمولي فاسد رغم شعاراته الرنانة التي ألهت الشعب زمناً لكنها لم تحقق له الأمن أو الرخاء أو العيش الكريم أو المحافظة على مكونه وتعدده الرائع ..بل غرقت في شبر ماء وهي الآن في حال يرثى لها .
على المعارضة بكافة أطيافها أن تعي دورها الوطني في هذه المرحلة وأن تعول على الأساليب الصحيحة وقضايا الشعب الملحة فالشعب الآن في محنة ليس بعدها محنة كبيرة ..يتطلع لحريته رغم علمه بالبطش الذي ينتظره من جلاديه والأوباش الجدد.
تحياتي

Quote: واذاء ذلك الحال كان واجبا علينا نحن كقوى ديمقراطيه فى قطر

والله يا كيمو كلامك أغلبيتو نجرتو من راسك أنا برجع ليك فيهو بالمهلة
الحيرتني القوي الديمقراطية بتاعتكم دي ياخي بالغت ....
انت خلي بالك ما سمعت بالاسم الجديد (جعزاب الدوحة) ههههههههههههههههه
قال قوي ديمقراطية قال هو نحن قاعدين وين مثلا

طوالي جايبين لينا الكلام ....
قبل إسبوع عملنا برضو حفل وداع و تكريم للمستشار تبيدي
في واحد من العاملين فيها مناتلين كحلتو ليك قاعد في الطاولة الاخيرة
لما اشهرت عدستي الشهيرة عليه عمل ساتر (ما قلتو نوبة) لكن برضو صورتو ليك
اخوك اصلو عندو مستودع بتاع صور هههههههههههههه

ههههههههههههههههههههههههههههههههه
ههههههههههههههههههههههههههههههههههه
بالغت والله يا أمير!!

Quote: بالغت والله يا أمير!!

حبيبنا ودالصايم
أطنان من الأشواق يا صديقي
و بالجمبه كده لسة الصور جاية في الطريق
ههههههههههههههههههه (خليك قريب)

.....

ياخ ناس الدوحة طلعوا ناس حاسدين خلاص ...

البوست قلنا نكمل بيه الربع جو ردمو ليك الراجل ما فضل فيه حاجة ذاته الواحد إقزقز بيها..

Quote: يا أبو حسين والله ده المديدة حرقتنى ساااااى

فضلة خيرك ....

أنا المديدة حرقتني حقتي مداخلة ... إنت عندك بوست كااااااامل المديدة حرقتني

و شايف الدم وصل فيه للركب ....

أها نقيتي فيني البوست طلع من يدي

أخونا أمير طمبل سلام

بالله شويه شويه نظام قزقزة و كدا

النار الهادئة بتظبط الحلة و البصات القصيرة أجمل كورة

و بعدين ياخ مشتاقين

تحياتي و إحترامي

Quote: قنصل قال للمؤتمر الوطنى NO

طيب ما ديل برضو قالو للمؤتمر الوطني NO ( ياها ذاتها ناس تعرسوهم و ناس تدوهم كشك؟؟)

الزول الجميل أبوحسين
نهارات السعادة يا صديقي
ويشهد الله شوقنا كميات و ما تزال زكراكم في القلب
حبيبنا كمال سالم شايفو الأيام دي متفائل جدا
قبل كم يوك كده كمان شايفو في الجزيرة
المره الجاية شكلو راح يستضيفو في شاهد علي العصر
انا غايتو منتظرو يجي راجع عشان نقزقز معاهو شوية شوية
تحياتي و تقديري و احترامي

Quote: ß اكتر يا كمال اها شفت تعليقك على موضوع السفير اختصر لي كلام كتير كنت ح اقولو لقدام بس راجي كنت ردك - او سهام - على مداخلتي التانية ما ذكرتو عن السفير انا مثلا ما عارفو و احتمال لا جادات او باقي ناس الدوحة ما عارفينه لكن يكفي كونو سفير في عهد الانقاذ ليصبح التصوير معه و الاحتفاء بمغادرته مسبة تكفي لتصنيفك كان ما مناصر للحكومة على الاقل ماسك العصاية من النص اها دا نفس النهج المتبع هنا لتصنيف الناس دا مناصر نظام ودا متعاطف معاه وداك ماسك العصاية من النص مجرد انطباعات مبنية على قراية المصنف عشان كدا سؤالي كان عن ضرورة تعريف ما المعني بـ: مناصرة الحكومة التعاطف معها مسك العصا من المنتصف كما كتبت في المداخلة الرئيسة يا كمال

الاخ ود البشرى - تحياتى -

واشكرك على الاسلوب الراقى والمتحضر فى النقاش - وطبعا زى ما شايف البوست
جذب اليه عدد قليل من الذين اسميتهم ببلطجية البورد تجدهم يجولون من بوست الى بوست
بحثا عن المعارك والفتن وتشتيت المواضيع لشئ فى انفسهم - او مع سبق الاصرار والترصد -
وبالطبع فان وجودهم فى المنبر ياتى خصما على احترام الموقع ورصانته بحكم ان سودانيز
اون لاين يعتبر شيخ للمواقع السودانيه ورائدا لها مما جعل كثيرين من الكتاب المحترمين والجادين
يفدون اليه - لكن للاسف فان الكثيرين منهم قد هجروه بسبب قله من الفاقد التربوى تسربت اليه واستطاعت
للاسف ان تنزل بمستواه وتخفض من تصنيفه بسبب السطحيه والفوضى والانحطاط الذى يمارسونه هنا -
لذلك وابتداءا من هذه المداخله انا لن اعيرهم اهتماما ولن اقوم بالرد عليهم حتى لا اكون قد شاركت بطريقه مباشره
او غير مباشره فى ذلك الانحطاط وتلك الهرجله -
وناتى لموضوعنا - اولا حفل الوداع لم يكن للسفير بل كان للقنصل عماد حجازى وهو شاب حديث التعيين كانت
الدوحه هى اول محطه من محطاته - اما بالنسبه لموضوع التصوير فانا هنا فى الدوحه اعتبر السفاره هى بيت
لكل السودانيين ادخلها رغم انف ايا من يعتقد غير ذلك - ادخلها وانتقد كل ماهو اعوج واقول للسفير او غيره
من اعضاء السفاره كلمة الحق فى وجهه - وانا بالذات ياود البشرى لست معارضا من منازلهم وكل الدبلوماسيين الذين
مروا على الدوحه يعرفوننى معارضا لا ارضى ان تحتكر السفاره من قبل المؤتمر الوطنى ومن اجل ذلك كثيرا ماتجدنى
قريبا من كل حدث فى السفاره حتى اسمعهم الراى الاخر بعكس مايفعل العديد من المعارضين الذين يعتبرون ان
الذهاب الى السفاره شئ مخجل ويجب على الناس ان لا يفعلوه وهذا من الاسباب التى ادت الى التمكين وجعلت السفارات
ضيعه من ضيعات المؤتمر الوطنى ومنسوبيه - وهذه نظريه خاطئه بالطبع - يجب على كل السودانين
فى بلاد المهجر ان لايتركوا السفارات لتكون حكرا على منسوبى المؤتمر الوطنى لابد من الوصول اليها واسماع من بها
صوتنا وعدم رضانا بسياساتهم - وانتقادنا لهم يجب ان يكون فى وجوههم وليس من خلف ستار طالما هم بشر مثلى
وموجودين معى فى حيز جغرافى واحد -
اما بالنسبه للتصنيفات الثلاث التى ذكرتها فهى واضحه كالشمش ولا لبس فيها فالشخص الذى يناصر الحكومه هو ذلك الموالى
الاعمى وقد يكون ولاءه ايدولوجيا او وراثيا او لمصلحه ما او انه انسان بسيط خدعته بعض الشعارات او الانجازات الوهميه -
اما المتعاطف فهو قد يكون قد فقد الامل فى التغيير وليس لديه ثقه فى المعارضه وقد يكون مشفقا من ان ينزلق السودان لللهاويه
فى حالة ذهاب هذا النظام وهذا طبعا ما غرسته الانقاذ فى اذهان الكثيرين من افراد الشعب السودانى -
اما الذى يمسك العصا من النصف فهو ذلك الشخص الذى لا رؤيه محدده له فهو لاسباب معينه يؤيد الحكومه ولاسباب اخرى
يرفضها ومابين تلك وهذه فهو قد صار رماديا لا تعرف له موقف واضح ومحدد -
وكل النماذج الثلاثه ياود البشرى اذا اراد الله ان يفتح بصيرتهم فانهم قطعا سيفيقون - فالذى يحدث فى السودان لا يحتاج لكثير اجتهاد
لمعرفته - يكفى فثقط ان تنظر الان لخريطة السودان وترى شكلها القبيح من بين خرط الدول الاخرى - هذا غير الحال المزرى الذى
وصل اليه حال المواطن المسكين من جوع ومرض وياس وخنوع وذله - حال ما كان يمكن ان نصل اليها حتى لو كانت تحكم السودان
حنان بلوبلو - ودونك الفساد والنهب المقنن الذى يمارسونه والان وبعد 23 سنه من الحكم نجدهم يتحدثون اليوم عن اصلاح اقتصادى
اى اصلاح اقتصادى هذا الى يقصدونه بعد ان دمروه - بدراسة جدوى - ودمروا معه اعز مانملك وهى الاخلاق السودانيه التى لا
ادرى كيف ستعود حتى اذا ماعاد الاقتصاد -

تحياتى ياود البشرى

Quote: وطبعا زى ما شايف البوست جذب اليه عدد قليل من الذين اسميتهم ببلطجية البورد تجدهم يجولون من بوست الى بوست بحثا عن المعارك والفتن وتشتيت المواضيع لشئ فى انفسهم - او مع سبق الاصرار والترصد - وبالطبع فان وجودهم فى المنبر ياتى خصما على احترام الموقع ورصانته بحكم ان سودانيز اون لاين يعتبر شيخ للمواقع السودانيه ورائدا لها مما جعل كثيرين من الكتاب المحترمين والجادين يفدون اليه - لكن للاسف فان الكثيرين منهم قد هجروه بسبب قله من الفاقد التربوى تسربت اليه واستطاعت للاسف ان تنزل بمستواه وتخفض من تصنيفه بسبب السطحيه والفوضى والانحطاط الذى يمارسونه هنا - لذلك وابتداءا من هذه المداخله انا لن اعيرهم اهتماما ولن اقوم بالرد عليهم حتى لا اكون قد شاركت بطريقه مباشره او غير مباشره فى ذلك الانحطاط وتلك الهرجله -

كان تختصر الكلام دا كلو بي : يا بكري ألحقني ...!!!!

Quote: وطبعا زى ما شايف البوست جذب اليه عدد قليل من الذين اسميتهم ببلطجية البورد تجدهم يجولون من بوست الى بوست

براحة علينا شوية يا كيمو ياخي
انا غايتو بدخل البورد ده مره مره
اول مره أعرف البورد به بطلجية
هههههههههههههههههههههههههههههه

Quote: [Q هو جادات براهو العايز يعوقنى - شوف الرهط الذى جاء من خلفه - يمكن جادات يكون معذور - لكن تقول شنو فى امير طمبل وبدر الدين الامير ووليد الشفت - ياربى عايزين يقولوا انى مؤتمر وطنى ولا غواصه - معليش بدر الدين وامير طمبل حاعتبرهم زيهم وزى صلاح جادات لانهم فى الدوحه دى هم بره الشبكه - لكن ليك وللباقين بقول ان هذه الصور كانت فى وداع اجدع وارجل قنصل مر على سفارة السودان بالدوحه - قنصل قال للمؤتمر الوطنى NO - منذ اول يوم لقدومه للدوحه وكانت له مواقف قويه ومشهوده فى كثير من امور الجاليه فى الدوحه كادت ان تتسبب فى نقله مبكرا بل ربما فصله - فقد خبر هذا القنصل الاعيب منسوبى المؤتمر الوطنى هنا ووقف ضدها بشده وكانت اخرها قبل سفره حينما حاول المؤتمر الوطنى بالدوحه ان يزور انتخابات الجاليه مره ومره عندما حاول ان يلغيها فقد كان لهم بالمرصاد فى كل تصرفاتهم بحكم رئاسته للجنة الانتخابات - وكذلك فعلوا فى انتخابات رابطة المراه عندما حاولوا ان يتبلطجوا ويفوزوا لستتهم بالارهاب كان القنصل عماد حجازى متيقظا لهم مما جعلهم يدبجون فيه الخطابات والشكاوى لوزارة الخارجيه ولكل مسئولى المؤتمر الوطنى الذين يزورون الدوحه من حين لاخر - ولكنه كان كالجبل الشامخ لم ينكسر لهم ولم يلين حتى انهم فى اخر ايامه وصلوا معه لحد الضرب والتشابك بالايدى - وعندما انتهت مدة فترة عمله بدولة قطر لم يهتموا لحفل وداعه كما يفعلون عادة مع كل الدبلوماسيين فى السفاره - واذاء ذلك الحال كان واجبا علينا نحن كقوى ديمقراطيه فى قطر ان نقوم بذلك الواجب تقديرا وعرفانا له - وفعلا اقمنا له وداعا يليق وما قدمه من تجرد وعدم انتماء - وقد افتقدناه فعلا لانه كان من طراز الدبلوماسيين الذين يندر ان تجدهم فى ظل هذا النظام - ومثله لن يعمر طويلا فى الخارجيه فقريبا سوف يحال للصالح العام اذا كتب لهذا النظام ان يستمر - تحياتى ياود البشرى وما تنقطع ياخ -

ابن اختى وليد المبارك - تحياتى -

حتى لاتحتار احيل اليك مداخلتى لود البشرى -

أمس قابلت أحد الأصدقاء في بيت عزاء
قال لي نكته في الكيزان ....
قال ليك اوحد كوز مارس الجنس مع فتاة صغيرة و يبدو ان المسكينة قد حملت من الكوز
المهم أهل البت مشو للكوز قال ليهو ما عندك حل الا تعقد علي البت دي قال ليهم والله ما عندي
اي طريقة لانني متزوج 4 نسوان و ما بقدر اطلق اي واحدة فيهم لكن عندي حل خلو البت تولد لو جابت بنت
بكتب ليها شقة في الطائف و لو جابت ولد راح اسجل ليهو عمارة في الرياض قام والد البت قال ليهو طيب لو
البت أجهضت نعمل شنو ام البت قالت ليهو ما مشكلة يحملها تاني ههههههههههههههههههههههههههههه

النكتة دي بمناسبة الاخلاق الاتفقدت

في بيت عزاء؟




____________

رغم إنها نكتة مضحكة إلع إنها بلية شرها بيطاير..

Quote: و حضر اليه كذلك المتابطون شرا للمناقرة و المناقزة ..

قريمان إرعوي......

Quote: في بيت عزاء؟

شفت كيف يا حبيب ...
تفتكر النكتة دي بيكون قالها منو؟؟؟؟
أكيد ما كوز ولا شنو ...تحياتي

Quote: Ã كيمو يا حبة يعلم الله مشتاقين الشوق الواحد دا مالك قطعت كراعك من البلد ياخ ؟ _______________ بالمناسبة المدعو ابو حسين دا كوز وقيل امنجي عديل قبل يومين كدا بدا يرتد عمل بوست عن شح الموية وواحد عن البنزين حتى انا استنكرت البوست ودخلت اديتو كلام زي السم حار حار ما قدر يقول اي حاجة خخخخخ فبوستك دا بكون هبشو في الريشة بالظبط كدا عشان كدا مجقلب عليك الله بالحتة الفيها الحديدة ... اما صديقنا ود البشرى دا ذاتو شايفو ليك اليومين دي مايل لجهة الكيزان ... أما المدعو جادات ما تشتغل بيهو كتير مداخلته تفتقر للحكمة سلام يا حبيب

معقوله --- عبد الوهاب على الحاج بجلالة قدره فى البورد -- ياخ والله مشتاقين شوق ما ليهو قيف -
والله شرفت المنبر بعد غيبه - لكن بينى وبينك المنبر ما عاد مشجع ذاتو عشان الواحد
يتواجد فيهو باستمرار - انا بفتكر انو بكرى بقى يدفع اجر لنوعيه من الفاقد التربوى عشان
تكون متواجده هنا اربعه وعشرين ساعه -
ياخ ديل لا فين فى البوستات على مدار الساعه يتربصوا ويختلقوا المعارك ويحوروا
البوستات ويفرغونها من مضامينها - لمصلحة من لا ادرى -
ياخ والله بكلامك الفوق ده يا عبد الوهاب اسات للكيزان والامنجيه فالمنبر ملئ بالكيزان
والامنجيه لكنهم لا يفعلون مثل ما يفعله هذا الابو الحصين -
لكنك برضو فكيت حيرتى بعد ما علمت ان راس السوط قد لحقه من هذا البوست لاننى فى
الحقيقه لا اعرفه ولم اقرا له شئ من قبل ولم يسبق لى ان تداخلت معه فى اى موضوع ولم
يكن من الذين عنيتهم - والحمدلله - اذا عرف السبب بطل العجب -
بس عليك الله عايزك تورينى الزول ده بنوم بتين وبشتغل بتين وبياكل بتين لانو حيرنى والله
ياخ ده موجود 24 ساعه هنا - وياريتها لو بفايده -

Quote: لاننى فى الحقيقه لا اعرفه ولم اقرا له شئ

بالغت يا كيمو ياخي مع أبوحسين
الراجل من أقدم اعضاء البورد هنا
أنا غايتو قصة أمنجي دي ما بعرفها لكنني ألتقيت بالرجل
في رياض الخير و لم أسمع عنه خلاف الخير

أمنجي عديل يا أمير .. أسألنا نحن!!
ثم مشتاقين برضو ياخ!!





_
كيمو .. حمد لله على السلامة ياخ!

Quote: [Q طوالي جايبين لينا الكلام .... قبل إسبوع عملنا برضو حفل وداع و تكريم للمستشار تبيدي في واحد من العاملين فيها مناتلين كحلتو ليك قاعد في الطاولة الاخيرة لما اشهرت عدستي الشهيرة عليه عمل ساتر (ما قلتو نوبة) لكن برضو صورتو ليك اخوك اصلو عندو مستودع بتاع صور هههههههههههههه

عليك الله يا امير طمبل ما بتخجل -
عملت حفل وتكريم لتبيدى - انت ماقريت
الاتكتب هنا عن تبيدى -
بالله ياجماعه واحد يجيب اللنكات الاتكتبت هنا
عن رجل الامن المدعو محمد حامد تبيدى - عشان
امير طمبل ده يعرف اى نوع من ارجال كرمه وودعه -
لكن برضو انا مابلومك لانك ما داسى مناصرتك للمؤتمر
الوطنى - فقط كان احتراما لزملاء لك هنا فى هذا المنبر
سجنوا وتعذبوا واهينوا على يد هذا الرجل - احتراما لهم
ماكان لك ان تعلن عن ذلك - والمصيبه انك فتحت هنا بوست بذلك
مر مرور الكرام ولم يعره احد انتباه اى انتباه -

بعدين شايفك ماشى وراء الجداد
انت ماعارف البمشى وراء الجداد بوديهو وين -

Quote: عليك الله يا امير طمبل ما بتخجل - عملت حفل وتكريم لتبيدى - انت ماقريت الاتكتب هنا عن تبيدى - بالله ياجماعه واحد يجيب اللنكات الاتكتبت هنا عن رجل الامن المدعو محمد حامد تبيدى - عشان امير طمبل ده يعرف اى نوع من ارجال كرمه وودعه - لكن برضو انا مابلومك لانك ما داسى مناصرتك للمؤتمر الوطنى - فقط كان احتراما لزملاء لك هنا فى هذا المنبر سجنوا وتعذبوا واهينوا على يد هذا الرجل - احتراما لهم ماكان لك ان تعلن عن ذلك - والمصيبه انك فتحت هنا بوست بذلك مر مرور الكرام ولم يعره احد انتباه اى انتباه - بعدين شايفك ماشى وراء الجداد انت ماعارف البمشى وراء الجداد بوديهو وين -

يا كيمو يا صديقي
الرجل تربطني به صداقة و يشهد الله ما شفت منه الا الخير
الناس البتكتب هنا اي زول بيكتب حسب هواه و لو في زول تضرر
من الراجل اهو الراجل راجع الخرطوم كلمهم يشترو عكاز مضبب
و ينزلو فيهو ضرب ده لو من الاساس الراجل قد قام بتعذيبهم ولا خلافه...
انا يا صديقي الجميل لم أقوم بفتح بوست هنا بإعتبار ان الناس هنا ما عندهم علاقة بموضوع التكريم
فقط اكتفيت بصفوة المجمتع هنا في الدوحة و صراحة الحضور كان مميز جدا
نحن ما عندنا اي بشر بنمشي وراهم لاا مواليين وهميين ولا مناتلين سحطيين
الورجقة هنا ما بتنفع في المنبر ده اي زول متضرر يمشي سوق ليبيا يشتري كلاش
و ينزل في الكيزان ضرب لي كبيرهم و يجي هنا برضو بنصفق ليهو بس !!

سلامات يازعيم

وشوقنا بحر

يمين يا ابو خالد الزول ده صاحبي

وكنت معاهو قبل ايام ........!!!!!

لكن بصراحة بي كلامك ده تكون عوقته جنس عويقة

Quote: لكن ليك وللباقين بقول ان هذه الصور كانت فى وداع اجدع وارجل قنصل مر على سفارة السودان بالدوحه - قنصل قال للمؤتمر الوطنى NO - منذ اول يوم لقدومه للدوحه وكانت له مواقف قويه ومشهوده فى كثير من امور الجاليه فى الدوحه كادت ان تتسبب فى نقله مبكرا بل ربما فصله - فقد خبر هذا القنصل الاعيب منسوبى المؤتمر الوطنى هنا ووقف ضدها بشده وكانت اخرها قبل سفره حينما حاول المؤتمر الوطنى بالدوحه ان يزور انتخابات الجاليه مره ومره عندما حاول ان يلغيها فقد كان لهم بالمرصاد فى كل تصرفاتهم بحكم رئاسته للجنة الانتخابات - وكذلك فعلوا فى انتخابات رابطة المراه عندما حاولوا ان يتبلطجوا ويفوزوا لستتهم بالارهاب كان القنصل عماد حجازى متيقظا لهم مما جعلهم يدبجون فيه الخطابات والشكاوى لوزارة الخارجيه ولكل مسئولى المؤتمر الوطنى الذين يزورون الدوحه من حين لاخر - ولكنه كان كالجبل الشامخ لم ينكسر لهم ولم يلين حتى انهم فى اخر ايامه وصلوا معه لحد الضرب والتشابك بالايدى - وعندما انتهت مدة فترة عمله بدولة قطر لم يهتموا لحفل وداعه كما يفعلون عادة مع كل الدبلوماسيين فى السفاره - واذاء ذلك الحال كان واجبا علينا نحن كقوى ديمقراطيه فى قطر ان نقوم بذلك الواجب تقديرا وعرفانا له - وفعلا اقمنا له وداعا يليق وما قدمه من تجرد وعدم انتماء - وقد افتقدناه فعلا لانه كان من طراز الدبلوماسيين الذين يندر ان تجدهم فى ظل هذا النظام - ومثله لن يعمر طويلا فى الخارجيه فقريبا سوف يحال للصالح العام اذا كتب لهذا النظام ان يستمر

كان الله في عونك ياعماد حجازي......!!!!!!

Quote: لكن بينى وبينك المنبر ما عاد مشجع ذاتو عشان الواحد يتواجد فيهو باستمرار - انا بفتكر انو بكرى بقى يدفع اجر لنوعيه من الفاقد التربوى عشان تكون متواجده هنا اربعه وعشرين ساعه - ياخ ديل لا فين فى البوستات على مدار الساعه يتربصوا ويختلقوا المعارك ويحوروا البوستات ويفرغونها من مضامينها - لمصلحة من لا ادرى - ياخ والله بكلامك الفوق ده يا عبد الوهاب اسات للكيزان والامنجيه فالمنبر ملئ بالكيزان والامنجيه لكنهم لا يفعلون مثل ما يفعله هذا الابو الحصين - لكنك برضو فكيت حيرتى بعد ما علمت ان راس السوط قد لحقه من هذا البوست لاننى فى الحقيقه لا اعرفه ولم اقرا له شئ من قبل ولم يسبق لى ان تداخلت معه فى اى موضوع ولم يكن من الذين عنيتهم - والحمدلله - اذا عرف السبب بطل العجب - بس عليك الله عايزك تورينى الزول ده بنوم بتين وبشتغل بتين وبياكل بتين لانو حيرنى والله ياخ ده موجود 24 ساعه هنا - وياريتها لو بفايده -

قول الرووووووووووووووووووووووووووووب ....

لسه يا دوبو دا بوست وااااااااااااااااااحد

كدي شوف لينا ناس الموائد و المراحيض و الإستمناء و الأبواب خليهم إجو إيشيلو معاك...!!!



.

Quote: طبعا يابدر الدين انا صلاح جادات وامير طمبل مابلومهم لانو فيهم واحد مجنون والتانى مؤتمر وطنى - لكن انت اقول عليك شنو - غايتو لو كتبت كلامك ده بعد العاشره مساء يمكن اعذرك -

كمال سالم
ياخى قلنا ليك حلل صورك تقوم تحلل الشخصيات

قلت نسلم عليك يا كيمو
في البوست القنبلة دا

Quote: أمنجي عديل يا أمير .. أسألنا نحن!!

دا كلام شنو يا ود الصائم ...؟؟؟ ما خايف على شيشتك البنتظروها عشرين واحد...؟؟؟
بكسرها ليك و أحيرك فيها .....

Quote: أمنجي عديل يا أمير .. أسألنا نحن!! ثم مشتاقين برضو ياخ!!

ههههههههههههههههه يعني أبوحسين
رتبتو شنو مثلا يا ودالصائم....
عندنا هنا غايتو واحد عامل عقيد و التاني رائد
بس ديل تامين عشاهم موية سايييييييييييييييييييي
و بالجمبه كده وحاتك شوقنا شقننا

Quote: من 2002 يعني كوز مُـعـتـق

خلاس عاوز تمسح الماضي يا أمن نميري

أبوحسين كان صول في جهاز أمن الدولة بتاع مايو طبعاً دخل ألأمن من البوليس وكان بوليس سري في مطلع السبعينات

هسع حاليا برتبه رائد صفوفي في جهازا الأمن إدارة المتابعة الالكترونية شعبة المدونات والمنتدي

رشوه مرتبه اتاخر شويه قام جاط الشهر الجاي مافي مرتب

Quote: خلاس عاوز تمسح الماضي يا أمن نميري أبوحسين كان صول في جهاز أمن الدولة بتاع مايو طبعاً دخل ألأمن من البوليس وكان بوليس سري في مطلع السبعينات هسع حاليا برتبه رائد صفوفي في جهازا الأمن إدارة المتابعة الالكترونية شعبة المدونات والمنتدي رشوه مرتبه اتاخر شويه قام جاط الشهر الجاي مافي مرتب

أوووووووووووووووووووو .... قلت لي من أجل أبنائي ... طيب أغنية الحصاد كيف ...؟؟؟

طمبلاوي ياقريبي

Quote: عندنا هنا غايتو واحد عامل عقيد و التاني رائد

حسب معلوماتي
عمك وهبة رقيب اول ركن
واب صباع ابو حسين شاويش نبطشي 24ساعة

حركات مكشوفه ياكوز اللعب غيرها

Quote: أوووووووووووووووووووو .... قلت لي من أجل أبنائي ... طيب أغنية الحصاد كيف ...؟؟؟

ناسكم وحكومتكم مزنوقين عاوز تمسكنا ضنب الككو أنت قايلني شيوعي

كل المناضلين كشفو دورك القـــذر البتقوم بيه وحركات الشبيحة البتسويها في الفيس بوك وتخرب النضال وتقهر المساكين

ملفك جاهز من زمن كنت بوليس سري بتقعد جنب ستات التسالي في السينما الوطنية حتى مرحلة الأنتهازية والكوزنة وعمارتك الفي كافوري سنقتص منكم يا ظلمة حا تروحوا فين لن نسامحكم ابدا


ويستمر النضال

اخي كمال سالم واصل في بوستك المهم ولا يهمك خرمجات هولاء الشبيحة المرسلين للخرمجة والتشتيت فالقضية اهم من متابعتهم

رايك شنو تعمل لينا لسته عشان مافي زول يخرخر

Quote: طمبلاوي ياقريبي

يا خال ياخي بركه بالشوفه و حمد الله علي السلامة....
شكلك عرفتهم الأمنجية النا ديل هههههههههههههههههههه
الغريبة انا مره شفت واحد هناك في جهاز المغتربين
واقف في صف الضرائب انا قلت إحنمال يكون احالو للصالح العام
او يكون من الاساس (خراط) و الله أعلم .....
خليك قريب عندي صورة لاحد المناتلين يوم تكريم تبيدي شايفو عمل ساتر لكن برضو صورتو ليك
لووووووووووووووووووووووووول أخوك ما امنجي أقصد مصوراتي

الأخ كمال سالم

أرجو أن تنتبه لكلام اخونا الفاضل الطيب رحمه قريمان

Quote: الاستاذ الفاضل كمال سالم لك التحية و التقدير بوست اصاب كبد الحقيقة 100% عشان كده حضر اليه رواد الحق لمناصرته و الوقوف معه و حضر اليه كذلك المتابطون شرا للمناقرة و المناقزة ..

التحية للأخ قريمان العانى من تسلط هولاء الشبيحه وصلفهم وتخريبهم لبوستاته الموثوقة والفاضحة لأفعالهم وها نحن على أعتاب النصر


----------------

يا أبوحسين ملفك جاهز وكلها يومين وتلقى عنون (فــيما يخــــــــــــــــــــــــــــــــــــــــــــــــــــــــــــــــــــــــــــــتصر بأبوحــــــــــــــــــــــســـــــــــــــــــــــــــين) وعشرماية نقطةة وبعد داك نرش التقرير

سلام يا ابوحسين

Quote: فضلة خيرك .... أنا المديدة حرقتني حقتي مداخلة ... إنت عندك بوست كااااااامل المديدة حرقتني و شايف الدم وصل فيه للركب .... أها نقيتي فيني البوست طلع من يدي

حالتو فى
فييييى صمة خشمى

بعدين ما اظن فى شيتن بيمرق من يدك وقت تمسك فوقو لا حولة لاقوة

يا خال ( كمال سالم )

ما تزعل مننا ياخ
نحن الجمجرة الحامضة والضرب في الاناكل بيعجبنا

ما اكتر ولا اقل

الخلاصة يا خال .. قد تجبرك اشياء ( اجتماعية ، اقتصادية ، سياسية ، فنية ،... الخ )
ان تتعامل مع المؤتمر الوطني .. وهذا لا يعني انك موالي

قد يعجبك تصرب من مؤتمرجي .. وهذا لا يعني انك موالي
قد لا تعجبك بعض فعايل المعارضة .. وهذا لا يعني انك موالي


الحكاية ما بتمشي بقانون حمار الوحش
يابيض ياسود

والا لكان الاحتفال في عالم حقيقي داخل السفارة سيقيم موالاة اكتر من الكتابة في عالم افتراضي

عارفنك ما كوز ولاك مؤتمرجي
لكن ايضا لا تعرف جميع الناس حتى تصنفهم


تحياتي يا خال

Quote: حالتو فى فييييى صمة خشمى بعدين ما اظن فى شيتن بيمرق من يدك وقت تمسك فوقو لا حولة لاقوة

قمنا للخبطة كمان ....
البدأ منو .....؟؟؟؟؟

و البادي أظلم

غايتو أول مرة أشوف أمير طمبل إبهل مداخلات بالعددية دي في بوست واحد و ما حقو كمان....

المصيبة إنو الزول دا يدو طووووووووووووووووووووويلة يعني بلحق البعيد كمان ...

Quote: ÛÇ لكن ايضا لا تعرف جميع الناس حتى تصنفهم

ببساطه ياوليد انا لم اصنف احد ولا من حقى - لكن الذين عنيتهم كانوا اصلا مصنفين
وفجاه تحولوا 180 درجه - كل الذى قصدته هو اننا نريد ان نعرف هل هذا التحول
هو انسلاخ ام هى غضبه مؤقته قد تزول بزوال اسبابها -
لانك ستستغرب مثلا اذا وجدتنى غدا وقد كتبت بوست امجد فيه نافع وادافع فيه عن
المؤتمر الوطنى - ستستغرب ياوليد اذا انا فعلت ذلك من غير مقدمات ودون ان اشير
لسبب تحولى المفاجئ -
هذا هو الذى فعله البعض هنا - والحمدلله اليوم وجدت عدد من البوستات فتحها بعض من هؤلاء
بعد ان تيقنوا تماما انه من الواجب ان تترك عنوانك الجديد فى حالة الانتقال لعنوان اخر =

تحياتى للعيال والوالده -

Quote: قمنا للخبطة كمان .... البدأ منو .....؟؟؟؟؟ و البادي أظلم

اها دى تحديدا إسمها جر شكل

ثم
عودة لموضوع البوست
يا ابوحسين الفى راسو بطحة يحسس عليها
ما فيها حاجة ياخ
صدقنى الموضوع ده مجرب
انا شفت زول كان عندو بطحة حسس عليها
ما جاتوا اى شى
ماشاءالله و عينى باردة عليهو..
فى امانة الله بنى بيتو وعرس وولد وسايق عربية

انت يا ابوحسين مع مين مع الحكومة ولا مع الشعب؟
فلتكن انت واحد من الذين كانوا مع الحكومة والازمة الحالية جعلتك تكون ضدهم
في بوستك الاخير وليس هنا فينا من يقول عفا الله عما سلف فالكلمة للشعب
وكل شخص بقدر ما قدم وكل شخص بقدر ما عطل او حاول يعطل ويبتزل النقاش
ويساعد اعضاء المنبر من المؤتمر الوطني في ابتزال النقاش

** زيادة أسعار البنزين معناها سقوط حكومة السجم دي **

التعديل لايراد الرابط اعلاه

Quote: يا ابوحسين الفى راسو بطحة يحسس عليها

و الله راسي كلو صلعة البطحاء مافي ليها طريقة زاتو ....

Quote: انت يا ابوحسين مع مين مع الحكومة ولا مع الشعب؟ فلتكن انت واحد من الذين كانوا مع الحكومة والازمة الحالية جعلتك تكون ضدهم في بوستك الاخير وليس هنا فينا من يقول عفا الله عما سلف فالكلمة للشعب وكل شخص بقدر ما قدم وكل شخص بقدر ما عطل او حاول يعطل ويبتزل النقاش ويساعد اعضاء المنبر من المؤتمر الوطني في ابتزال النقاش

تصدق خوفتني ....
بالله بعدين لم تقوم الثورة شيل ليك سوط و تعال محطني بيهو ....
مشكلة المعارضة في المعارضين العشوائيين الزيك ديل
بلا ياخد المعارضة على الحكومة كلهم
المعارضة عملت شنو في 23 سنة ...؟؟؟؟
أسوأ حكومة و أسوأ معارضة
حكومة بي بلاويها دي كلها تقعد 23 سنة ..؟؟ دا معناها إنو مافي معارضة نهائياً
و المعارضة قاعد في نصها الترابي اللي خطط و دبر و نفذ لي حكم الإنقاذ
قومو لفو كلكم مواهيم ساكت .... كمان تقول ليس فينا من يقول عفا الله عما سلف
و إنت منو علشان تعفو عني أو تحاكمني ....؟؟؟؟
النفخة الكضابة دي حقتكم كل واحد عامل فيها هو سيد البلد يعفو و يحاكم بي مزاجو ...

بالله طلع ميتيني بعدين أصلو ما تخليني

Quote: تصدق خوفتني .... بالله بعدين لم تقوم الثورة شيل ليك سوط و تعال محطني بيهو .... مشكلة المعارضة في المعارضين العشوائيين الزيك ديل بلا ياخد المعارضة على الحكومة كلهم المعارضة عملت شنو في 23 سنة ...؟؟؟؟ أسوأ حكومة و أسوأ معارضة حكومة بي بلاويها دي كلها تقعد 23 سنة ..؟؟ دا معناها إنو مافي معارضة نهائياً و المعارضة قاعد في نصها الترابي اللي خطط و دبر و نفذ لي حكم الإنقاذ قومو لفو كلكم مواهيم ساكت .... كمان تقول ليس فينا من يقول عفا الله عما سلف و إنت منو علشان تعفو عني أو تحاكمني ....؟؟؟؟ النفخة الكضابة دي حقتكم كل واحد عامل فيها هو سيد البلد يعفو و يحاكم بي مزاجو ... بالله طلع ميتيني بعدين أصلو ما تخليني

افتكر انو في طريقة للكلام احسن من طريقة كلامك ده
ما تنفعل انا لم اقل لك لي حق ان اعفي عنك اقراء الكلام كويس
الحكومة قعدت 23 عاما عملت شنو غير قتلت وشردت وقسمت الوطن

عموما لن احمل سوطا وليس لدي اي احساس بانني سيد البلد لكن انا ابن ذلك الوطن
يشترك معي الكثيرين فيه

كيمو صديقي ازيك ياخ..

جايك صادي

Quote: انت يا ابوحسين مع مين مع الحكومة ولا مع الشعب؟

شوف التصنيف السمج دا ....؟؟؟؟
يعني إنتو الشعب ..!!!!

Quote: وكل شخص بقدر ما عطل او حاول يعطل ويبتزل النقاش ويساعد اعضاء المنبر من المؤتمر الوطني في ابتزال النقاش

عطلت ليك بوست كذبت فيه و قلت ناس الأمن عايزين يسرقو الإيميل بتاعك
و الرسالة اللي جبتها كانت عن حرامية بسرقو أرقام حسابات البنوك علشان إسرقو قروشك متذكر....؟؟؟
و عطلت بوست صاحبك قال فيه إنو في بيت أشباح جديد و كانت كذبة لم إتفضحت دخلت إنت كذبت و قلت
ناس الأمن قفلوه بي سبب البوست ... متذكر..؟؟
دا الإنت بتتكلم عنو و ل شئ تاني

Quote: افتكر انو في طريقة للكلام احسن من طريقة كلامك ده

لو بتستاهل كان غيرناها ليك

Quote: انا بفتكر انو بكرى بقى يدفع اجر لنوعيه من الفاقد التربوى عشان تكون متواجده هنا اربعه وعشرين ساعه

عذرا سحبت مداخلتي بعد ما كتب صلاح جادات وود البشرى .

انت بس ما تنفعل
انت ما بتعطل بوست انت بتخرب البوستات

حبيبنا كمال سالم
نهارك سعيد وين الغيبة ......

طبعا في واحد هنا بيكون مبسوط من البوست ده جدا
الغريبة الأيام دي شايفو ما ظاهر ....لوووووووول

يا عبدالرحيم ابايزيد

Quote: انت بس ما تنفعل انت ما بتعطل بوست انت بتخرب البوستات

اعمل حسابك الزول دا ياها شغله في جهاز الأمن وهسع مكره الناس الفيس بوك بالمسخرة والفتن

تخريب البوستات وحرفها وتفريغها من مضمونها النضالي وتهكير الأعضاء هو عمل القسم وهو انشط واحد فيه وبقضي وكته كله عشان يلغف اكبر كمية من العلاوات لبناء برجه في كافوري

لكن أن أوان الحساب وسنحاسبهم على كل بايت ارهقوه

Quote: انت بس ما تنفعل

إنت مفتكر إنو الهبالة البتعمل فيها دي بتخليني أنفعل ...؟؟؟
شكلك كدا لسه في عمر الزهور ....

Quote: انت ما بتعطل بوست انت بتخرب البوستات

زي دا :-
يا كيزان اوقفوا محاولة السطو علي بريدي الالكتروني

Quote: يوميا اجد رسائل مفخخة علي بريدي الالكتروني وعندما تتبعنا المصدر عن طريق المختصين وجدناها كلها من السودان ومن مباني مؤسسات بعينها فهلا توقفتم عن مساعييكم فليس هناك ما اخفيه وما يخفيني From Mr. Abdul Ali Mohammed‏ 26/09/2011 Reply ▼ [email protected] From: [email protected] Sent: 26 September 2011 17:55:50 To: Microsoft SmartScreen has blocked this message for your safety and we'll delete it after ten days. Show content Powered by * Please note, the sender's email address has not been verified. Assalam O Alaikum. Walaikum Assalam wa Rehamatullahe wa Barakatuh. I am MR Abdul Ali Mohammed,the Manager in charge of auditing and accounting unit foreign remittance department of BANK OF AFRICA Ouaga-Burkina Faso in West Africa, with due respect and regards, I have decided to contact you on a business transaction of USD$8.2.000,000,that will be very beneficial to both of us at the end.Understand that this transction is 100% genuine and risk free.Contact me for more details.Thanks. Click on the following title(s) to view my link(s). Click Save Link to add the individual link to your SAVE THIS account. Click Forward Link to add your own text message and then forward the individual link to friends and colleagues. COMMUNITY EVENTS LISTING Save Link Forward Link SAVE THIS is the best way to gather, organize and share links on the Web! If you haven't already, register today at www.savethis.com and you'll be able to view, organize, and share links from any connected computer! Get your SAVE THIS and Organize & Share Browser Buttons and use them to save, retrieve, organize and share articles with your friends from any Web site.

Quote: يوميا اجد رسائل مفخخة علي بريدي الالكتروني

ولـد دا ...... يمين بالله الصادق المهدي ما إكتب كلام زي دا
رسائل مفخخة كمان ياخ ديل حرامية عايزين بس إعرفوا رقم حسابك في البنك لا أكتر و لا أقل
فخختها كمان....؟؟؟

Quote: وعندما تتبعنا المصدر عن طريق المختصين وجدناها كلها من السودان ومن مباني مؤسسات بعينها

غايتو دي بدعت فيها عدييييييييل....هو تتبع الرسالة عايز ليه مختصين ..؟؟؟ رسالة و ل عملية بواسير..؟؟
و الله كذاب كذب أغلب الرسائل دي مصدرها غرب أفريقيا أبداً ما جات رسالة زي دي من السودان
لكن لازم تكون من السودان .... حا تكون مناضل كيف لو ما بقت من السودان ...
بعدين ناس عايزين إهكروا الإيميل بتاعك برسلو ليك من الـIP بتاعهم الحقيقي ...؟؟؟؟
تصدق و تآمن كلام زي دا طفل ما إكتبو...

Quote: فهلا توقفتم عن مساعييكم فليس هناك ما اخفيه وما يخفيني

.... و لا بطانية مثلاً..؟؟؟

Quote: طبعا في واحد هنا بيكون مبسوط من البوست ده جدا الغريبة الأيام دي شايفو ما ظاهر ....لوووووووول

لقيتك لماااااااااااااااااااااااااااااااااااااااااااااااااااااااااااااااااااااااااح

وكاااااااااااااااااااااااااااااااااااااااااااااااااااااااااااااااااااااااااااااااكـ

يا ابوحسين

الكلام الانا كتبتو لن انكره لانه صاح بس ده بياكد لي حاجة واحدة انك خارج الكتيبة الالكترونية تقنيا

وبرضو بقول ليك حسن اسلوبك لانو ده اسلوب ########


عذرا استاذ كمال سالم ان تم هذا هنا

Quote: الكلام الانا كتبتو لن انكره

تنكرو كيف و أهو دا قدام كل الناس

Quote: لانه صاح

إنت لسه مُصر..؟؟
يا زول أصحى يعني أنا لو وصلتني رسالة زي وهمتك دي معناها ناس الأمن عايزين إهكروني...؟؟؟

Quote: بس ده بياكد لي حاجة واحدة انك خارج الكتيبة الالكترونية تقنيا

تصدق و تآمن إنت زول ذكي ... برافو و الله

Quote: وبرضو بقول ليك حسن اسلوبك لانو ده اسلوب ########

فضلة خيرك ....
قلت لي ناس الأمن قفلو بيت الأشباح الجديد بعد ما شافو بوست صاحبك ....؟؟؟؟

الزعيم كمال سلام تحياتي

الجماعه فعلا متجدعين وفاكرين ذاكرتنا خربه
البركه في الارشيف.



ويا صلاح جادات
استاذنا كمال سالم ده لو قالد اللبشير ذاته ياهو كمال سالم رجل المواقف المعروفه.
يكفينا شرفا عشية مقتل د.خليل ابراهيم وطلته من خلال تلفزيون الجزيره يمين الله قال كلام يوزن بالذهب.


هيييييييع كمال سالم الاسد النتر
وكما قال د.سيف الارشيف ولد!و الحساب بنت!




اها كويس انه اضفنا امير طمبل هذا لقائمة الكيزان
وابو حسين اصلا معروف الا قلة شغلتك يا ابو حسين فاتت الحد!

Quote: اها كويس انه اضفنا امير طمبل هذا لقائمة الكيزان

المناضلة الجسورة ..تراجي
حسب توقيتنا مساء الخير عليك
وحات الخلقني و خلقك كرهتي في الدنيا دي الكيزان شاهد الله ..
بس بنفس القدر و بنفس الإحساس لما يسمي بالمناتلين عبر المنابر
وحاتك أحترم كل من ناضل جوه البلد سوا ان كان حيا او مات
لكن جنس الورجقه الهنا دي لما اشوفها بحس بحرقان في الركب
مع تقديري

سلامات يا ام حازم

Quote: اها كويس انه اضفنا امير طمبل هذا لقائمة الكيزان

اقبض..... امنجي جديييييييييييييييييييييييييد

Quote: إنت مفتكر إنو الهبالة البتعمل فيها دي بتخليني أنفعل ...؟؟؟

انت يا سيد ابو حسين ممكن تحسن اسلوبك معي ام لا؟


ياخي احترم نفسك وما تسي عاوز تتناقش وتحاجج باسلوب كويس
افعل ما عاوز مافي زول جابرك تقراء ولا تناقش
وده كلو لانني لم ارد لك باسلوبك من اول يوم
افهم ياخي انني حاولت ان احتفظ بك كخصم في النقاش والمواقف وكانسان ولم اسئ لك
وبقول ليك ارجو ان تكون دي اخر مرة تسي لي فيها اوتصفني باي صفة
هذا منبر عام ليس لديك معي اي شي شخصي

ارجو ان يكون ذلك

Quote: اقبض..... امنجي جديييييييييييييييييييييييييد

بس الرتبة شنو يا قريبي
هو بالله من الاساس في أمنجية هنا
طيب عندنا كمية من المناتلين شايفهم
بينزلو السودان مرتين في السنة
يوم واحد ما سمعت زول فيهم
(أعتقل) خلي بلاك عارفينهم بتاعين (ورجقة)

*****