الوضع السياسى ...للراحل المطرطش....!!!!!

اكثرمن مـــــــــــــــــائة بوست ..هنا وفى المنابر المجاورة

اكثر من خمسة الف مشاركة ..يا ابو احمد

عشرات الالف من القراء ..يا الكلس

شكرا ايها (الاتحادى ) النبيل شكرا ..يا صاحب يا شقيق ..

شكرا لك ...للارث ....الجميل ...وكان بدرى عليك ...يا مواطن ...العجلة شنو ؟

غايتو الاستفتاء الحصل فى مشيتك دى ...استثنائى ...زى ما قالت ليك سهام المجمر قوم اعتذر ياخ

Quote: شكرا لك ...للارث ....الجميل ...وكان بدرى عليك ...يا مواطن ...العجلة شنو ؟

لن ننساهو ابدآ ياطوربيد......
سيظل فى دواخلنا ذكرى عطرة ....

من الصعب ان تجد صديقا يماثل محمد عبدالرحمن
من الصعب بل امكن مستحيل تلاقى زول بنقائه وتسامحه
رحمة الله عليه

يا معاوية .. ذلك شخص ذو سر باتع ..
عاش بيننا هادئآ .. وحين مات فجر الصخب والضجيج فينا ,,
مازال في القلب غصة وحزن أخشى أن يصيبنا بمرض (الغدة)..
المحادثات تتوالى علينا من كل ولايات أميركا .. كل من يعرفه يحاول
أن يجد شخصآ في أريزونا يستعلم عنه .. هل دفنتم .. متى يتم إستلام جثمانه!.. وبعدها توالت المحادثات من السعودية .. قطر .. الإمارات ..
لندن .. جنيف( الفاضلابي).. كندا ,, إستراليا .. و و القرير كانت حضورآ
حيآ في المراسم هذا عدا أقارب الفقيد الذين إتصلوا يتابعون الموقف أولا
بأول .. لذا كان واجبآ علينا متابعة الموقف وتصويره فتوغرافيآ حتى يطمئن أقاربه ومعارفه لمراسم دفنه وتشييعه لمثواه الأخير ولقد كان حقآ
موكبآ عظيما لم نر له مثيلآ من قبل .

Quote: يا معاوية .. ذلك شخص ذو سر باتع .. عاش بيننا هادئآ .. وحين مات فجر الصخب والضجيج فينا ,,

اخي معاويه

هذا هو حديث رسول الله

جلس النبي صلي الله عليه وعلي آله وصحبه وسلم ذات يوم مع أصحابه.ثم قال "اشتقت

لأحبابي ففزع الصحابة رضي الله عنهم فقالوا . أولسنا أحبابك يا رسول الله ؟ فقال صلي الله

عليه وسلم . بل انتم أصحابي.. أحبابي قوم يأتون من بعدي يؤمنون بي ولم يروني


اللهم ارزقنا حب نبينا صلي الله عليه وسلم واجعله شفيعنا يوم أن نلقاك واسقنا من كفه الشريف

شربة لا نظمئ بعدها أبدا

نسأل الله له الرحمة والمغفرة.
إنا لله وإنا إليه رآجعون...

الاخ معاويه هذه اول مداخله لى منذ ان تلقيت خبر وفاة المطرطش وانا اداعبه بشبل السناجك
حزنت لرحيله وحتى الان لم استطيع ان اكتب كلمه فى حقه يعلم الله حزنت لرحيله حزن عصر على الكبد
كانت اخر مكالمه بينى وبينه تحدثنا انو ليه الناس شغاله بالناس وتحدثنا فى هذا الموضوع كثيرا
فانا اشهد بان المرحوم كان نقى السريره صافى النيه ودا سر حب الناس اليه لان الله يعلم ما بداخله
فحبب الناس فيه الله يرحمك يا شبل السناجك ويدخلك الجنه من اوسع الابواب ...وانا اشاهد الصور والمقبره التى
دفن فيها فهى تشبه ارض السودان فى خصوبتها
انا لله وانا اليه راجعون احسن الله عزاءك واحسن الله عزاء ابنه احمد وكل اسرته فى السودان
وكل اقربائه واصدقائه
الى جنات الخلد حبيبنا محمد بأذن الله

وبعد أن عزينا كل أحباب الكلس
نسوق التعازي لأهلنا الأتحاديين والختمية
وأخص الشقيقين حاتم السر ومرغني مساعد
حيث كان الفقيد كالنحلة بينهم في قاهرة المعز أيام القهر الأنقاذي الأول
له المغفرة والرحمة
ولنا ذكرياته الطيبة حتى نلقاه في دار التمام

لك الرحمة والمغفرة وللاصدقاء الصبر الجميل يا كلس الحوبة

Quote: سيظل فى دواخلنا ذكرى عطرة ....

وخارطة طريق للتسامح ..والتصالح يا بت ابو السيد

كتبت الزميلة سهام بت المجمر هذه المناشدة للمطرطش ...

Quote: والله والله انا ما ناقصة ..حكيت ليك فى ردى ليك عن جزء من البى والعلى لكن دون تفاصيل فقط لاعتذر ليك واقول ليك ما هسه ادينى صنة شوية و ان شاءالله اقدر لماالعافية تجى سايقة معاها الفاقة .. جاتنى طامتك دى .. ما تعمل لى فيها ميت قوم اعتذر على ماسنجرك العلقتو لى فى قلبى ده قوم اعتذر على انك اديت نفسك الحق انك توجع لى قلبى و تزيد لى احزانى .. اوعك تقول لى يعنى ما كنت ح تحزنى على لو ما رسالتى بقت مشعلقة اول واحده عندك؟؟ ح اقول ليك العرفنا شنو؟ ما كان يمكن الحزن ينقص سنتى.. والا كان الهجمة... الهجمة يا محمد لما شفت السواد واسمك معلق... هجيمة الياباك يا اخوى ... احى من الدنيا الصعبة احى يا زول برضو ما بحلك قوم اعتذر والا تلقى مسنجرك معلق هنا ده دون اذنك .. واتسبب واقول ياخ ما ماااات يعنى استئذانو كيف؟؟؟؟؟؟ الغي حقك طوالى يا محمد يا ود عبدالرحمن قطعت قلبى ياخ ____________________________________ الليلة راجل والا مرة فيكم يجى يقول لى ده كلام شنو؟ بطعنو طواالى .. فترنا من قصة طوابير تعلمجية الاحزان يا محمد تانى بقول ليك ما تعمل لى فيها ميت قوم اعتذر 3 يوم وانا ما جايبة خبر لا حولا و لاقوة الا بالله يا مثبت العقل والدين يا الله ارحم عبادك

سلام يا ود الصائم

هو باقي بيننا..................................
هو المطرطش وكفا...

انا لله وانا اليه راجعون

البركة فيكم يا معاوية والبركة في الجميع

عايزة لي تلفون لي سامية حامد لو سمحت انا كنت في اجازة وما جايبة خبر ياخ لا حول ولا قوة الا بالله

.

المجد و الخلود لروحه الطاهرة