العفو والعافية

يا أحباب خصيكم الله تسامحونا
لو في زول زعلناهو دون قصد أو في نفسه شئ تجاهي مستعدة أمشي ليه محل ما موجود
ومستعدة أصافيه بأي ثمن
عن نفسي لا أحمل تجاه الجميع إلا المحبة
ويشهد الله على ذلك
آتي لهذا المكان في الغالب للمشاغبة والترويح عن النفس في ظل ضغوطات يعلمها الله وحده
عليمي الله لا أحمل غلا تجاه أحد
حين أغلق الجهاز أكون نسيت ما يحدث هنا
حتى لو في زول من القراء أحس تجاه ما أكتب هنا بأي شئ أنا اعتذر له على الملأ



الكلام دا اخدتو من بوست طارق جبريل بالحرف الواحد
وبنطبق علي تماما
ارجو المسامحة من الكل هنا
لو صدرت هنة ولي حاجة بسبب هظار او نقاش او اي شي

بنتنا شبكة، الشبكة.
سلآمات.

حتي إنت لحقت العوض المسلمي، وقعدت تنقلي في كلآم
طارق جبرين ؟؟؟ اوّل متين إنتو قاعدين تغلتو علي زول
لآمن تطلبو العفو ؟؟؟
أها، عافين منكم عفواً يعدل ختوتكم ويبيّض دربكم.
لله والرسول.

حاشاك ما بتغلطي علي زول
ومع ذلك عافين منك وانتي كمان أعفي لينا..

معاوية ود المدير
قبل اقرا كلامك دا كتبت ليك في بوست طارق

وبعيدو ليك هنا بمعناه بس


اني سالت منك امس طارق
انو انت كيف بعد فراق محمد الما مطرطش

الموت بقي قريب
وكل يوم الواحد يفتح البورد الصباح بقي يخاف من السواد
الله يدينا حسن الخاتمة وكفي