Post: #1
Title: البورد المختلف ديما وحدته محبتك يا ما مطرطش..الشكية لي الله
Author: lana mahdi
Date: 06-10-2012, 12:40 PM
خلعة حقيقية
وقلب منقبض
كلما اتشح هذا المنبر بالسواد
ويدان ترتجفان وسؤال معلق على سقف الحلق وسقف المرارة: من هذه المرة يا ربي؟
السواد المرة دي كان أسود من السواد
سواد حالك سواد كالح
ومرارة بطعم العلقم
خلعة حقيقية حقيقية
محمد عبدالرحمن الما مطرطش رحل بلا عودة؟
2012 فلترحلي سريعاً سريعاً بلا عودة
سنة حزن وترح وانقباض
ولا نقول إلا ما يرضيك يا ربي
البركة فيكم أحبابه وأصدقاءه وأهله وذويه
|
Post: #2
Title: Re: البورد المختلف ديما وحدته محبتك يا ما مطرطش..الشكية لي الله
Author: احلام وهبي
Date: 06-10-2012, 01:28 PM
Parent: #1
عارفة يا لينا انا يوم الخميس الصباح لقيت البورد كلو اسود قلبي
اتقبض وقلت انشاالله يكون السواد ده بالغلط وطلعت وقفلتو لحدي يوم
الجمعة اتصل علينا احد الاصدقاء وفاجئنابالخبر المؤلم
مااقسي فراق الاحباب والاصحاب بالذات لما يكون في الغربة
للاخ محمد الرحمة والمغفرة وربنا يلهم ذوية الصبر وحسن العزاء
|
Post: #3
Title: Re: البورد المختلف ديما وحدته محبتك يا ما مطرطش..الشكية لي الله
Author: lana mahdi
Date: 06-11-2012, 12:39 PM
Parent: #2
Quote: عارفة يا لينا انا يوم الخميس الصباح لقيت البورد كلو اسود قلبي
اتقبض وقلت انشاالله يكون السواد ده بالغلط وطلعت وقفلتو لحدي يوم
الجمعة اتصل علينا احد الاصدقاء وفاجئنابالخبر المؤلم
مااقسي فراق الاحباب والاصحاب بالذات لما يكون في الغربة
للاخ محمد الرحمة والمغفرة وربنا يلهم ذوية الصبر وحسن العزاء
|
الحبيبة الغالية أحلام
المنبر دة بقى زي الأهل وزي البيت الكبير
في رباط عجيب بقى بين الناس
حاجة عجيبة تحزن حد البكاء على زول ما شفته
وجعتنا كلنا ميتة محمد
الله يرزقه جنان الفردوس الأعلى
الغربة الكربة يا أحلام الغربة الكربة
حاجة قاسية زول يموت بعيد من بلده
بعيد من أحبابه
|
Post: #4
Title: Re: البورد المختلف ديما وحدته محبتك يا ما مطرطش..الشكية لي الله
Author: ملكة سبأ
Date: 06-11-2012, 02:32 PM
Parent: #3
لا إله إلا الله
إنا لله وانا اليه راجعون
دا كلام شنو دا يالنا
محمد عبد الرحمن الواااحد دا؟
مات؟
متين؟
وكان مالو؟
ورب الكعبة دخلت المنبر بعد طول غياب
وقريت فوق صورة تشييع محمد عبد الرحمن وبرضو ماختيت في بالي انو المطرطش !
لمن عتر لي بوستيك دا
واقول زي كتب لي محمد قبل كدا كتابه بعنوان :
انه الأسى مجرد
وجوا كتب لي ماعندي غير اقولك حزين
انا حزيييينة يالنا حزينة وعاوزاك توريني هو محمحد كان مالو؟
محمد كان اول زول يوريني انو خالد الحاج عيان
صدفة وماكان عارف علاقتنا مع خالد كيف
بعدها خالد مات وخيم علينا حزن وعشش جوانا اسى منعنا من متعة الكتابة والارتباط بتلك المنتديات
كل ما اغيب اجي القاهو كاتب لي ويحاول يخفف عني ذلك الأسى
ومرات كتيرة ماكنت بقدر ارد عليهو
فيااااااااامحمد عبد الرحمن منو الحايخفف عني مصببتك الآن
هو ياهو محمد عبد الرحمن المطرطش يالنا ولا انا فعلا مخلولة زي ماكان بقول؟
]Quote: بلقيس؛
أعذريني..
عاجز أنا..
لا أجد مفردة واحدة تعبر عن عزائي لك في خالد..
فقط:
صعدت روحه حيث لا ألم..
وسيبقى بيننا، وكل من عرفوه، خالداً.. |
لا اجد المفردة يامحمد لا اجدها من يعزيني فيك ؟
هل هو انت فعلا؟
ولا حاتجي تكتب لي يامخلولة انا حي مالك كاتلاني ؟
الشكية لى الله ياود أعمي الشكية لي الله
|
|