Post: #1 Title: ارشح السيد عبد الرحيم محمد حسين لخلافة البشير! Author: سيف النصر محي الدين Date: 06-07-2012, 00:23 AM
الذي لو لم يقدم طوال سني خدمته في حكومة الانقاذ غير هذا التحليل لكفاه:
Post: #2 Title: Re: ارشح السيد عبد الرحيم محمد حسين لخلافة البشير! Author: سيف النصر محي الدين Date: 06-07-2012, 00:25 AM Parent: #1
بوجود السيد عبد الرحيم محمد حسين على رأس السلطة يمكن تبرير اخفاق الاتنين و عشرين سنة الفاتو بكل سهولة.
Post: #3 Title: Re: ارشح السيد عبد الرحيم محمد حسين لخلافة البشير! Author: سيف النصر محي الدين Date: 06-07-2012, 00:29 AM Parent: #2
كما يمكن للجمهورية الثانية رفع شعارات جديدة ارتكازا على نظرية سيادتو: الدفاع بالنظر العرس بالنية الرفاهية بالتمني التقدم بالكلام الجهاد بالعشر و هلمجرا
Post: #4 Title: Re: ارشح السيد عبد الرحيم محمد حسين لخلافة البشير! Author: سيف النصر محي الدين Date: 06-07-2012, 01:00 AM Parent: #3
وزير الدفاع القادم في حكومة سيادتو مهمته حتكون ساهلة و محددة طيارة انوارها مولعة هاجمت البلد نضربها انوارها مطفية ما عندنا بيها شغلة!
Post: #5 Title: Re: ارشح السيد عبد الرحيم محمد حسين لخلافة البشير! Author: حذيفه ابراهيم الكباشي Date: 06-07-2012, 01:13 AM Parent: #4
هو اقوى المرشحين لخلافة البشير
وعندها الضحك شرطنا
وفي كل الاحوال الضحك شارطنا
....
Post: #6 Title: Re: ارشح السيد عبد الرحيم محمد حسين لخلافة البشير! Author: سيف النصر محي الدين Date: 06-07-2012, 01:14 AM Parent: #4
و لو قالوا لوزير الدفاع القادم في جيش متحرك بالبر جايي على أمدرمان ممكن بكل اطمئنان يقول ليهم خلوهم يدخلوا عشان نحاصرهم جوة.
Post: #7 Title: Re: ارشح السيد عبد الرحيم محمد حسين لخلافة البشير! Author: Amin Salim Date: 06-07-2012, 01:24 AM Parent: #6
سلام د سيف
فى رأى الخاص السودان ما حيتصلح الا بتقوية العلاقات مع امريكا.....الزول الوحيد البقدر على كدا هو الفاتح عروه....الرجل دا جد versatile والامريكان بحترمو شديد لأنو زولهم(من غير شرح زولهم قاصد بيها شنو)
Post: #8 Title: Re: ارشح السيد عبد الرحيم محمد حسين لخلافة البشير! Author: سيف النصر محي الدين Date: 06-07-2012, 01:29 AM Parent: #7
Quote: هو اقوى المرشحين لخلافة البشير
وعندها الضحك شرطنا
وفي كل الاحوال الضحك شارطنا
اذن على بركة الله..فليتقدم السيد وزير الدفاع و يستلم البلد و بخصوص الضحك فكما قلت اصلو شارطنا.
Post: #9 Title: Re: ارشح السيد عبد الرحيم محمد حسين لخلافة البشير! Author: سيف النصر محي الدين Date: 06-07-2012, 01:34 AM Parent: #8
Quote: فى رأى الخاص السودان ما حيتصلح الا بتقوية العلاقات مع امريكا.....الزول الوحيد البقدر على كدا هو الفاتح عروه.... الرجل دا جد versatile والامريكان بحترمو شديد لأنو زولهم
ما مشكلة يا أمين السيد وزير الدفاع ممكن يمسك الرئاسة و يرسل الفاتح عروة للأمريكان و بعدين الامريكان ممكن يحبوا السيد وزير الدفاع جدا لأنه so funny
Post: #10 Title: Re: ارشح السيد عبد الرحيم محمد حسين لخلافة البشير! Author: Amin Salim Date: 06-07-2012, 01:46 AM Parent: #9
عارف انك بتهظر :)
لكن ما رأيك فى الفاتح عروه ك رئيس....اعتبر السؤال دا ك عصف ذهنى ل من الافضل ان يحكم السودان من الاشخاص الموجودين الآن
اتمنى ان تكون الاجابه غير استنساخ امامك محمود:)
Post: #11 Title: Re: ارشح السيد عبد الرحيم محمد حسين لخلافة البشير! Author: سيف النصر محي الدين Date: 06-07-2012, 01:57 AM Parent: #10
و الله يا أمين انا الفاتح عروة ده ما بعرف عنه حاجة غير موضوع الفلاشا و طبعا ده كان موضوع بايخ و موقف الفاتح عروة كان ابيخ من الموضوع نفسه. و بعدين بالجد انا ما مهتم بالاشخاص بقدر اهتمامي بحدوث اصلاح ديمقراطي حقيقي يؤسس لقيام دولة سودانية حديثة تنهض على أسس العدل و الاخاء و المساواة و تقوم على المبادئ العقلانية و العلمانية.
Post: #12 Title: Re: ارشح السيد عبد الرحيم محمد حسين لخلافة البشير! Author: Amin Salim Date: 06-07-2012, 02:07 AM Parent: #11
Quote: و بعدين بالجد انا ما مهتم بالاشخاص بقدر اهتمامي بحدوث اصلاح ديمقراطي حقيقي يؤسس لقيام دولة سودانية حديثة تنهض على أسس العدل و الاخاء و المساواة و تقوم على المبادئ العقلانية و العلمانية.
اظنك بتفتش فى eutopia وهى قطعاً ما موجوده فى الواقع(ولا حتى فى امريكا)...... in my own opinion you should get your grip on reality and compromise
Post: #13 Title: Re: ارشح السيد عبد الرحيم محمد حسين لخلافة البشير! Author: معاوية المدير Date: 06-07-2012, 02:09 AM Parent: #11
Quote: السيد عبد الرحيم محمد حسين على رأس الصلطة
السيف أخوي، سلآمات. الله يرضى عليك الزول دا خليهو ينضف الكرشة، الصلطة دي بيخربا علينا. والله صحي...
Post: #14 Title: Re: ارشح السيد عبد الرحيم محمد حسين لخلافة البشير! Author: بدر الدين احمد موسى Date: 06-07-2012, 02:14 AM Parent: #10
دكتورنا سيف النصر
تحياتي
"
Quote: وزير الدفاع القادم في حكومة سيادتو مهمته حتكون ساهلة و محددة طيارة انوارها مولعة هاجمت البلد نضربها انوارها مطفية ما عندنا بيها شغلة!
"
ياخ الزول اجتهد و له اجران! الوزير بيعتمد على استراتيجية مجربة و ارث يمتد لاكثر من الف و اربعمية سنة. يعني تاني الناس لما تستقصى هلال الشهر ما يكون رؤية هلال و بس بس, برضو كمان يشوفوا لو في طيارات جاية و انوارها مولعة, و يكوركوا لناس الدفاع الجوي! اما اذا كانت الطيارة انوارها مطفية دي يخلوها ساكت, لانها ممكن تكون عفريت بس يتعوذوا!
احسن حاجة في التحليل "العميغ" لوزير دفاع الانقاذ, انه ذكر حكاية الآذان دي, لانها وقعت لي في جرح! عارف لما كنا ممتحنين شهادة لو ما الاذان و انصار السنة و الكيزان و الختمية, انا كنت اكون حالتي غير! بيتنا في النص بين مسجدين; واحد حق انصار السنة (مسجد المهداوي), و التاني مشترك بين الكيزان و الختمية, من آذان المغرب المآذن تلعلع لغاية الساعة عشرة و انا اسب ليهم! بعد الساعة عشرة بكون نجضت و مخي اتصلب. آذان, صلاة بالمكرفون, ندوة, مولد, قرآن, ياخ تصدق مرات بفتحو القرآن مع صلاة الصبح بالمكرفون? الحمد لله انهم هسع عرفوا انها مزعجة!
---- طول عمري كنت محتار ليه ناس المعارضة المغرضين بسموا عبدالرحيم "ابو ريالة" لكني بعد ما اتفرجت على الفيديو عرفت!
-
Post: #15 Title: Re: ارشح السيد عبد الرحيم محمد حسين لخلافة البشير! Author: سيف النصر محي الدين Date: 06-07-2012, 03:20 AM Parent: #14
Quote: in my own opinion you should get your grip on reality and compromise
طبعا ده وارد يا أمين في عالم السياسة الناس اصلا بتقدم بعض التنازلات هنا و هناك ، بس "الريالتي" هي كلامي الذي تراه أنت غير واقعي، عالم اليوم هو عالم الديمقراطية و العقلانية و هي مبادئ ستعم و تنتشر مع الوقت.
Post: #16 Title: Re: ارشح السيد عبد الرحيم محمد حسين لخلافة البشير! Author: سيف النصر محي الدين Date: 06-07-2012, 03:23 AM Parent: #15
Quote: الله يرضى عليك الزول دا خليهو ينضف الكرشة، الصلطة دي بيخربا علينا. والله صحي
اليخربها يا ود المدير هي ما اصلها خربانة. تخرب مرة واحدة عشان نكشحها و نعمل واحدة تانية.
Post: #17 Title: Re: ارشح السيد عبد الرحيم محمد حسين لخلافة البشير! Author: محمد الكامل عبد الحليم Date: 06-07-2012, 06:38 AM Parent: #16
تحية الي صديقنا دكتور سيف...
طبعا لن يفوت علي كبار المخططين العسكريين الاستاريجيين التقاط القفاز من وزير دفاع المشروع للانكباب في البحث نحو تضمين مصطلح (الدفاع بالنظر )ضمن منظومة الوقاية في مواجهةا الاختراقات الامنية والعسكرية كحل يضاف الي امكانيات زرقاء اليمامة ...
تذكرت ادبياتنا الشعبية وكيفية استخدامها في سياق المفهوم اياه..(.وكت الشوف يشوف حاجبو اليمين ينصر).
ننتظر مزيد من سرادق العزاء باستمرار تواجد اهل المشروع للتنظير الفطير المضحك المبكي. بينما الاطراف تتاكل والحرائق تشتعل هنا وهناك...
لك وللاسرة سلامي
Post: #18 Title: Re: ارشح السيد عبد الرحيم محمد حسين لخلافة البشير! Author: Amin Salim Date: 06-07-2012, 09:12 AM Parent: #17
طيب يا د سيف
Quote: عالم اليوم هو عالم الديمقراطية و العقلانية و هي مبادئ ستعم و تنتشر مع الوقت.
موافق معاك فى حتة الديمقراطيه هى الحل.....اما العقلانيه حاجه نسبيه وبتختلف من منظور شخص ل آخر على حسب الباكقراوند
لكن كونو طبقنا الديمقراطيه لازم نطبقه بمفهومها و تبعاتها الكامله وما نكون selective.....او نفتش و نصنع ideology جديده
يلّا المشكله بتجى فى التبعيات دى....على سبيل المثال حرية التعبير
فى نظرك هل توجد حدود ل حرية التعبير ولّا لأ....اذا تركناها مفتوحه freedom of speech will lead to the freedom of hate speech وما اظن دا مقبول
اما اذا كانت حرية التعبير ب حدود.....المشكله حتكون فى منو عندو ناصية الحق و مؤهل على introducing الحدود مع اعتبار اختلاف الاديان والتقاليد والسلوك و وجهات النظر
اشان كدا انا بقول انو انت بتفتش على utopia ومن المستحيل الوصول ليها فى الفانيه دى
كل البنقدر عليهو انو نعيش تحت نظام ما perfect وبعد داك it depends on what suits you more which is different from person to another......,و على ضوء ذلك تختار البلد النظامها بريحك اكتر
Post: #19 Title: Re: ارشح السيد عبد الرحيم محمد حسين لخلافة البشير! Author: ابوعبيدة النعمان Date: 06-07-2012, 10:38 AM Parent: #18
Quote: ارشح السيد عبد الرحيم محمد حسين لخلافة البشير!
و نحن نثني و ندعم:
Post: #20 Title: Re: ارشح السيد عبد الرحيم محمد حسين لخلافة البشير! Author: العوض المسلمي Date: 06-07-2012, 01:45 PM Parent: #19
يمكن ربنا يكون غضبان مننا يا سيف النصر ولكن ما اظن للدرجة دي كمان :)
Post: #21 Title: Re: ارشح السيد عبد الرحيم محمد حسين لخلافة البشير! Author: سيف النصر محي الدين Date: 06-07-2012, 02:24 PM Parent: #20
Quote: ياخ الزول اجتهد و له اجران! الوزير بيعتمد على استراتيجية مجربة و ارث يمتد لاكثر من الف و اربعمية سنة. يعني تاني الناس لما تستقصى هلال الشهر ما يكون رؤية هلال و بس بس, برضو كمان يشوفوا لو في طيارات جاية و انوارها مولعة, و يكوركوا لناس الدفاع الجوي!
اها يا بدر انت قلت طيارات جاية و انوارها مولعة يعني دي مقدور عليها بالنظر،بس الانوارها طافية دي كيف؟ الراجل محتاج يضيف لاستراتيجيته كمان مبدأ الدفاع بالسمع طبعا بشرط انها ما تجي في وقت الأذان خصوصا لو كانت المنطقة زي حلتكم المحاصرة ديك..السمع ما عندو اي طريقة و لله الأمر من قبل و من بعد.
Post: #22 Title: Re: ارشح السيد عبد الرحيم محمد حسين لخلافة البشير! Author: Zomrawi Alweli Date: 06-07-2012, 09:34 PM Parent: #21
عليكم الله الزول دا من جدو بتكلم الطيارة جات وقت صلاة العشاء وطافية الانوار والناس ما شافتا
عليكم الله شوفو جنس المحن دي يعني الناس حتعمل شنو اصاصن اذا شافت الطيارة
Post: #23 Title: Re: ارشح السيد عبد الرحيم محمد حسين لخلافة البشير! Author: Zomrawi Alweli Date: 06-08-2012, 06:00 AM Parent: #21
عليكم الله الزول دا من جدو بتكلم الطيارة جات وقت صلاة العشاء وطافية الانوار والناس ما شافتا
عليكم الله شوفو جنس المحن دي يعني الناس حتعمل شنو اصاصن اذا شافت الطيارة
Post: #24 Title: Re: ارشح السيد عبد الرحيم محمد حسين لخلافة البشير! Author: Mohammed Elhaj Date: 06-11-2012, 03:23 PM Parent: #23
بالمناسبة عبد الرحيم دا فريق اول ركن مهندس طيران فتامل