Post: #1
Title: عاوز اغيّر اسمي لي (بجــــــراوي) .. المافي شنو!؟
Author: قيقراوي
Date: 06-06-2012, 09:52 AM
------
ذاتو (قيقراوي) دا بقى اسم اجنبي بعد دا!
|
Post: #2
Title: Re: عاوز اغيّر اسمي لي (بجــــــراوي) .. المافي شنو!؟
Author: قيقراوي
Date: 06-06-2012, 10:07 AM
Parent: #1
--------
المدينة الملكية - البجراوية
|
Post: #3
Title: Re: عاوز اغيّر اسمي لي (بجــــــراوي) .. المافي شنو!؟
Author: خالد العبيد
Date: 06-06-2012, 10:44 AM
Parent: #2
سلام
البجراوية وماجاورها من حلال هم اهلي ومسقط راسي
والبجراوية اسم تاريخي جميل
لا ادري لماذا ارادوا تغييره ؟
ولا اعتقد ان هذا الاسم الذي رسخ في الاذهان سيتغير
بل اجزم انه سيبقى مثل ما يضم من صخور صلدا لا يقبل التبديل ابدا
شكرا يا قيقا
|
Post: #4
Title: Re: عاوز اغيّر اسمي لي (بجــــــراوي) .. المافي شنو!؟
Author: قيقراوي
Date: 06-06-2012, 11:50 AM
Parent: #3
سلامات يا ود العبيد
Quote: سلام
البجراوية وماجاورها من حلال هم اهلي ومسقط راسي
والبجراوية اسم تاريخي جميل
لا ادري لماذا ارادوا تغييره ؟
ولا اعتقد ان هذا الاسم الذي رسخ في الاذهان سيتغير
بل اجزم انه سيبقى مثل ما يضم من صخور صلدا لا يقبل التبديل ابدا
شكرا يا قيقا |
المنطقة كلها مضمخة بعبق التاريخ وشاهد على حضارة كانت، وعظمة الاسلاف في عهود سحيقة
وستبقى شاهد على الزمن والناس
هم الزايلين!
------
في موسم الهجرة الى الشمال دا
قلنا نشوف ارض جذورنا
|
Post: #5
Title: Re: عاوز اغيّر اسمي لي (بجــــــراوي) .. المافي شنو!؟
Author: مدثر صديق
Date: 06-06-2012, 12:24 PM
Parent: #4
| Quote: المنطقة كلها مضمخة بعبق التاريخ وشاهد على حضارة كانت، وعظمة الاسلاف في عهود سحيقة |
|
Post: #6
Title: Re: عاوز اغيّر اسمي لي (بجــــــراوي) .. المافي شنو!؟
Author: قيقراوي
Date: 06-06-2012, 01:19 PM
Parent: #5
مرحب بيك كتيييير يا مدثر في ساحة الملوك دي
كمية من الصور جايية .... المافي شنو هو!؟
-------
على غير العادة قيقراوي (بالقديم) سيصمت من هنا ...
ولتتحدث الصور
Stay tuned
او كما قال
|
Post: #7
Title: Re: عاوز اغيّر اسمي لي (بجــــــراوي) .. المافي شنو!؟
Author: عماد حسين
Date: 06-06-2012, 01:25 PM
Parent: #6
يا فتح الرحمن
يا زول انت مشيت عند أهلنا عديل!!!
الحلة الواقعة جنوب البجراوية هي الحماداب، وشمالها الدرقاب
أهلي موزعين في جميع هذه القرى...
الحماداب مسقط رأس الوالد والوالدة
تحياتي
|
Post: #8
Title: Re: عاوز اغيّر اسمي لي (بجــــــراوي) .. المافي شنو!؟
Author: عماد حسين
Date: 06-06-2012, 01:34 PM
Parent: #7
Quote: في موسم الهجرة الى الشمال دا
قلنا نشوف ارض جذورنا |
معليش يا فتح الرحمن
ممكن توضح الحتة الفوق دي؟!!
انت قاصد أنك من نفس حلة البجراوية
أم تتكلم عن لافتة عريضة (حضارة وكدة)؟!!!
|
Post: #9
Title: Re: عاوز اغيّر اسمي لي (بجــــــراوي) .. المافي شنو!؟
Author: قاسم المهداوى
Date: 06-06-2012, 01:41 PM
Parent: #7
يا قيقا ،، راوى
يعنى نعمل شنو للصرة الاندفنت فى مديرية اعالى النيل _مركز الرنك _ القيقر
لو كل واحد حابب يغير اسمو ومكان الميلاد
يعنى مثلا ممكن الواحد يغير اسمو لى سانفرانسسكو مثلا ولا صعب ولا شنفهاى افضل ؟؟
حابب اسلم عليك وابارك ليك الاسم الجديد المن غير خروف سماية دا
ولا كـــــــــــيف ؟؟؟
قاسم
|
Post: #10
Title: Re: عاوز اغيّر اسمي لي (بجــــــراوي) .. المافي شنو!؟
Author: حافظ انقابو
Date: 06-06-2012, 02:00 PM
Parent: #9
صاحبي القديم قيقا
عشان خوة زمان .. بساهم معاك في السماية بالخروف دا
شفت الخروف عينة كيف ؟؟؟
سوق الطايف كلو كدا
حتى الخرفان حناكيش .. بس بعد تضبحو رسل لينا الجزمة والنظارة ^-^
قبلنا بالاسم الجديد يا بجراوي
|
Post: #14
Title: Re: عاوز اغيّر اسمي لي (بجــــــراوي) .. المافي شنو!؟
Author: قيقراوي
Date: 06-06-2012, 11:32 PM
Parent: #10
انقابو وجابو ضقلو يكركب
خروف شنو يا عمك؟
هاك الاسد دا:
-----
الصور لمعبد الاسد - البجراوية
|
Post: #13
Title: Re: عاوز اغيّر اسمي لي (بجــــــراوي) .. المافي شنو!؟
Author: قيقراوي
Date: 06-06-2012, 11:10 PM
Parent: #9
قاسم القيقراوي
المافي شنو هو؟
Quote:
يا قيقا ،، راوى
يعنى نعمل شنو للصرة الاندفنت فى مديرية اعالى النيل _مركز الرنك _ القيقر
لو كل واحد حابب يغير اسمو ومكان الميلاد
|
تغيير الاسم ممكن .. ودي خاضعة للاهواء ..
ممكن اسمي الملك، الامير ..وبدون مملكة ذاتو مش؟
لكن تغيير الرسم .. والجلد كيفنو عاد!؟
اصعب حاجة انك تلقى نفسك في حتة مغالطة مع حقائق وجودك!!
دا من ناحية .. ومن ناحيتن اخرى، الفكر شيء والواقع شيء آخر في الغالب الاول انعكاس للاخير ..
لكن لو استقلن عن بعض تماماً بتلقى نفسك مهوّم و موهوم كبير!
بما انو الوعي دالة زمنية، بعض الاسماء بمرور الزمن بكون ليس لها أي دلالة..
خذ مثال (الحزب الاتحادي) .. اتحاد مع منو!؟
وبياتو شروط!؟
والاهم لازمتو شنو!؟
الله في
--------
انظر للنصف الممتلئ من الكوب
بجراوي مازالت محتفظة بالـ(راوي)
راح فيها (قيقا) بس
البجراوية -المنطقة*- برضو مسقط رأس جدودي .. جداً جدن .. بل حتى ابوي القريب دا
انت قايل الشغلة سلبطة ساي؟
لا ياخي..
*ما بين ام شديدة والعالياب، ديم القراي، التراجمة .. رحم ممتد
ول ما ياهو الحساب يا عمدة؟
|
Post: #11
Title: Re: عاوز اغيّر اسمي لي (بجــــــراوي) .. المافي شنو!؟
Author: قيقراوي
Date: 06-06-2012, 02:00 PM
Parent: #7
Quote: الحلة الواقعة جنوب البجراوية هي الحماداب، وشمالها الدرقاب
|
الحامداب ول الحماداب؟
----------
انا اصلاً مشيت دامر المجذوب
لزيارة ابن عمتي ادريس العاليابي
اتذكرتكم انت وشيخ عماد والله
الراجل دا زولكم تب
|
Post: #12
Title: Re: عاوز اغيّر اسمي لي (بجــــــراوي) .. المافي شنو!؟
Author: عماد حسين
Date: 06-06-2012, 03:14 PM
Parent: #11
| Quote: الحامداب ول الحماداب؟ |
الحماداب..
القرية منسوبة لمؤسسها: حماد بن عبدالباقي بن بديوي بن زيد بن عرمان
هم أصلاً جعليين زيداب، والقرية تأسست قبل ما يزيد عن 250 سنة
Quote: انا اصلاً مشيت دامر المجذوب
لزيارة ابن عمتي ادريس العاليابي
اتذكرتكم انت وشيخ عماد والله
الراجل دا زولكم تب
|
إدريس العاليابي؟!!!!
غايتو الدامر دي كلها ما أظن في زول مشهور بالاسم ده إلا زولك ده
ويا هو زولي، وبعرفو من 1998 تقريباً
يا سلاااااااااااااااااام
يا أخي الليلة ذكرتني زول عزيز شديد بالحيل
قضيت معاهم جوالي 4 أشهر في الدامر، ورجعت ليهم كم مرة
مش ده ادريس بتاع المستوصف ومطعم الرحيق المختوم؟!!
آخر عهدي به قبل أكثر من 10 سنوات.
يا أخي لو عندك تلفونو أديني ليهو
__________________
سؤال بالجنبة كدة (واستلف معاهو الوش الفوق ده)
هسع عمل ليهو كم مرا :)
آحر مرة لما لاقيتو كان معاهو اتنين :)
قطع شك هسع يكون سواهن أربعة.. زولي وأنا بعرفو تب
ههههههههههههه
|
Post: #15
Title: Re: عاوز اغيّر اسمي لي (بجــــــراوي) .. المافي شنو!؟
Author: زهير عثمان حمد
Date: 06-06-2012, 11:32 PM
Parent: #12
الود قيقا
تحياتي
وصلت السودان ولم تخطر القيادة هذا بمثابة أعلان حرب عليك الحرب ولن ترضي عنك اللحوم والمشربات المبهجة للنفس الانسانية
يا بقراوي
الزعيم
أبو الزهراء
|
Post: #16
Title: Re: عاوز اغيّر اسمي لي (بجــــــراوي) .. المافي شنو!؟
Author: مرتضي عبد الجليل
Date: 06-07-2012, 00:15 AM
Parent: #15
| Quote: حماد بن عبدالباقي بن بديوي بن زيد بن عرمان |
علي قولك يا (بجرا) علي وزن (قيقا) الله يرحمها ويحسن إليها...
المافي شنو؟
----------------------------
ياخي حماد عبد الباقي بديوي عرمان مالو؟ عيبو لي يا عماد حسين ياخ؟
|
Post: #17
Title: Re: عاوز اغيّر اسمي لي (بجــــــراوي) .. المافي شنو!؟
Author: خالد العبيد
Date: 06-07-2012, 01:26 AM
Parent: #16
ما عارف اشكرك كيف يا قيقا
البوست ده اتسبب في انو الم في اهلي ناس قدو
بالله عندهم منتدى وصفحة في الفيس بوك
ومخلني هنا براي .. لي الكنغارو والصقط والشيوعيين !
مسافة قصيرة من البجراوية بتصل لي قدو حلتنا
حوالي ربع ساعة كداري
اتذكر تلك الحلال رهاب رهاب لانو طولت شديد
اتمنى ارجع سريع لي شوفة الاهل
وجدت صور في صفحة الفيس بوك عن قريتي
وشباب ماشاء الله يسدو عين الشمس
انا متاكد جدا انو فيهم اولاد خالتي او اولاد خيلاني
ويا حليل الدوام بطراهم
|
Post: #21
Title: Re: عاوز اغيّر اسمي لي (بجــــــراوي) .. المافي شنو!؟
Author: عماد حسين
Date: 06-08-2012, 01:01 PM
Parent: #16
Quote: علي قولك يا (بجرا) علي وزن (قيقا) الله يرحمها ويحسن إليها...
المافي شنو؟
----------------------------
ياخي حماد عبد الباقي بديوي عرمان مالو؟ عيبو لي يا عماد حسين ياخ؟ |
مرتضى
شفتا مشاركتك..
|
Post: #18
Title: Re: عاوز اغيّر اسمي لي (بجــــــراوي) .. المافي شنو!؟
Author: قيقراوي
Date: 06-07-2012, 06:32 AM
Parent: #15
Quote:
المبهجة للنفس الانسانية
|
صدق يا ابو الزهراء مافي بهجة للنفس تليق بملك غير تاريخ مجيد ..
بس ما شراب ياخ!
كبسولات عظمة ساااااي ... حبة عند اللزوم
المافي شنو!؟
------
بالمناسبة يا بكري -هل تسمعني؟- كنت عاوز اختم الصور دي بختم سودانيز اون لاين ضط كوم ..
بس مركز التحميل عنك حرن دت!!
لن تجد صور زي دي في عموم مضارب الاسافير ©
|
Post: #19
Title: Re: عاوز اغيّر اسمي لي (بجــــــراوي) .. المافي شنو!؟
Author: العوض المسلمي
Date: 06-07-2012, 02:03 PM
Parent: #18
قيقراوي معليش اقصد بيجراوي يااااخ اذا في السودان ادينا رنة
واتلومت زي ما قال الزعيم ابو الزهراء
|
Post: #20
Title: Re: عاوز اغيّر اسمي لي (بجــــــراوي) .. المافي شنو!؟
Author: قيقراوي
Date: 06-08-2012, 08:48 AM
Parent: #19
البركة فيكم يا شباب في المطرطش
ربنا يجعل مثواه الجنة ويلهم آله وذويه ومحبيه الصبر الجميل
جملكم الله بالصبر الجميل
--------
التلفون في ماسنجرك يا زعيم المسلمي
ناول تلفونك وتليفون الزعيم ابو الزهراء
بخلي ليكم باب الماسنجر متاكأ
|
|