كيف ميّز دكتور غازى السودانيين وسط حضور المحاضرة(صورة)

<>

يا اسامة المرة الجاية نومو فى بيوتكم

خلو الكسل والمجاملات وانهضوا للزراعة

كيف استطاع هذه العبقرى ان يعرف انكم سودانيين اذا ما كنتو ضاربين النوم ؟

كان على الاقل تشربو كباية كبايتبن قهوة او بالعدم رد بل

كل يوم يمر على عشرات الاشخاص يغلبنى دائما ان اجزم انهم سودانيين..
ربما كانو حبشا او صوماليين او من امريكا اللاتينية

اليوم وعن طريق العبقرى غازى وجدت طريقة للتعرف على السودانيين..
بالكسل فى عيونهم و فى قعادهم

الصورة التي أوردتها يا النصري الامين توحي بأنها لأجانب حضروا المحاضرة ...

الغريبة نفس الصورة تم نشرها 2008 في هذا الموقع مثلاً ...

http://tier1.wordpress.com/2008/06/03/engage-...utting-them-to-sleep





... المهم ....

النصري ياهو اتورطت تحقق قبل ان تنشر
المهم معاكم وسط اغسطس جهز اللوازم

Quote: كان أحدهم يرفع إصبعه على استحياء ويخفضه كأنه يتمنى ألا يعطى الفرصة. لكن لسوء حظه أعطي الفرصة من قبل مدير الجلسة. ومنذ أن بدأ ذلك الشخص الحديث دخلنا نحن السودانيين الحاضرين في حالة تضامن معنوية قوية معه، والله بحكم الرابطة السودانية بيننا، وأننا في كل الأحوال بأقوالنا وأفعالنا نمثل السودان. بدأ ذلك الشخص بعد كثير من الفأفأة والثأثأة، ينتقل من كلمة ركيكة إلى كلمة ركيكة أخرى كما ينتقل من عتبة إلى عتبة في سلم منزل متهالك يوشك على السقوط. وأخذ يحوم حول كل معنى يريده ولا يصيبه. وعندما فرغ من حديثه، إن صحّ الوصف، بعد عسر شديد وهم، تنفسنا الصعداء وحمدنا الله على كل حال. وبرغم أن النرويجيين الحاضرين لم يفهموا شيئا، فقد فهمنا نحن السودانيين أن ما قاله ذلك الشخص لم يخرج في جملته عن المألوف في كيل السباب للحكومة بغض النظر عن موضوع المحاضرة، وكل ذلك ببيان وبرهان ضعيفين

يا النصري
يبدو ان الصورة اخذت في هذه الاثناء



-------------
ده بعد تاكيد ان لا علاقة للصورة بالموضوع
كيف تبحث عن تطابق الصورة

سلام تبارك

الصورة لفحتها من الانترنت ...طالما الجماعة نايمين معناتها انهم سودانيين...
الشكر للدكتور غازى لابتكاره هذه الطريقة لنميز بعضنا البعض ...

يا جمال من حسى اعمل حسابك ... ما تجينا فى رمضان
لاننا ناس كسلانين رمضان ده صعب شديد علينا

سلام الشفيع
بالطبع الصورة ليست من المحاضرة ... لكن نوم الجماعة ديل يزيد
احتمالات سودانيتهم ....

الحاجة التانية .. فيها شنو لمن الزول لايجيد اللغة الانجليزية ويحاول
اقصى ما عنده لتوصيل رسالته ..... ليس من حق الدكتور ان يسخر من ذلك
الشخص لانه فقط لا يتحدث اللغة الانجليزية كما يتحدثها سعادة الدكتور
المبجل ..

اهو رئيس البلاد ورمزها انجليزيته دراب دراب ولا يستطيع ان يؤدى
لقاء صحفى مقتضب باللغة الانجليزية

إنت عارف يا النصري زمان كان في غلوطنية بتقول في بوليس جاء ماري جمب بيت مليان ناس سمع واحد يكورك (ما تكتلني يا كمال) البوليس دخل البيت لقي في زول مكتول وقام البوليس طوالي قبض واحد وقال ليهو كتلتوا ليه يا كمال؟

السؤال البوليس عرف كمال دا كيف وسط الناس ديل كلهم رغم إنو ما بيعرفوا قبل كدا؟

الإجابة لأنو باقي الناس كانوا كلهم نسوان

والله يا النصري ضحكتني يقولوا ليك ناشطين تقول نايمين . بيني وبينك الشباب كانوا صاحين ومفتحين وكانوا مترصين في آخر صف لكن عرفم كيف؟!!!

طبعا أخوك جاء متأخر شوية ولقيت كرسي في النص قعدت نظرت حولي فالقاعة كلها خواجات شقر إلا أخوانا في الصف الخلفي أو السفيرة وطاقما في الصف الأمامي فكان ساهل التعرف عليهم بس بالغ شوية في حكاية (يبدو من ملامحهم) دي.

عدد الأخوة كان 7 لحقت بهم ناشطة في آخر الجلسة 4 من رابطة أبناء دارفور ولم تكن لهم علاقة بالبيانات كما أخبروني وإثنين لهما قضية خاصة وأعرفهما جيدا وأيضا لاعلاقة لهما بالبيانات

بس شفت الوقعة الوقع فيها أخوك رغم أني أنا الفتحت موضوع الزراعة وإنتقدت الحكومة في فشلها في الزراعة أسي أخونا الناشط المناضل طلعني في بيانو بأني متلون كالحرباء وإنني ذنب وشنو كدا ما عارف. بالله مش دي حالة أحسن منها لو الواحد قعد في الباقير!!

من المفارقات لمن د. غازي إنتهي من محاضرته صفق له النرويجيين طويلا وشايف برضو أخوانا كانوا بصفقوا معاهم. حقيقة كانت محاضرة ممتازة عن الربيع العربي وتأثيراته والدكتور لغته الإنجليزية رفيعة جدا وقد أشاد به مدير المركز مقدم المحاضرة كثيرا .

اسامة سلامات

عليك دينك يا اسامة تجى توقع لى الكلام دا اخيتك بعيد عنك بقت علينا اتنين
كبر وزهايمر.... حسب ما فهمت من البيان بتاع النشطاء الاول الاتهام للدكتور
غازى انه قال السودانيين كسلانين وبتاعين نسنسة ..دى نمرة واحد
نمرة اتنين يا صاحب جيت انت قلت الدكتور انت سالته ورد عليك رد بما معناه
ان السودانيين كسالى رغم انه لم يصرح والكلام دا حسب ما انا فهمت من البيان
ومن ردك انه كان فى بيت السفيرة وانت كنت قاعد قريب منه وانت من سال
سؤالى هنا لو سمحت طبعا
اللقاء فى بيت السفيرة كان بالانجليزى ولا بالعربى؟؟ ولو بالانجليزى ليه؟؟
ثالثا ودا الاهم دفاع الدكتور غازى عن نفسه فى التهم السمعناها كان بيتكلم
عن محاضرته فى القاعة والتى باللغة الانجليزية
كدى انت وقع لى الكلام ينوبك ثواب عشان الشغلانة بصراحة جاطت فى دقنوسى دا

والسلام ختام