ابونا ادم طرد من الجنة بسبب سفة تمباك !!!

على ذمة عميد طب الاسنان بجامعة مامون حميدة اذ اعتبر ان الشجرة الملعونة في القران هي شجرة التمباك !!!!
اي والله صحي
طبعا ما ورانا جاب العطرون من وين
ولا يمكن مضغو ساي كدة
يا مثبت العقل والدين

المصدر لو سمحت بالله

وانا اقول الجكس ما بحب الجماعة البسفو ليييييييي
اذ اتضح الان انو الحاجة دي ما عنده علاقة بانو التمباك مقرف
ولكن على حسب نظرية الدكتور ممكن الحاجة تكون موضوع بتاع جينات وكدة
ختتا امنا حواء في بناتها وهي مستمرة لليوم
فبسبب هذه السفة تسبب ادم باخراجها من الجنة وسقطها
ـــــــــ
اما البسفو القروش الجكس بريدهم وبتكسر في دباديبهم لووووول

مصدر التمباك : شارع غبيرا العام
مصدر الخبر: جريدة السوداني
انت مكار ما معروف تكون داير ياتو عشان كدة ختيناهم ليك الاتنين

Quote: على ذمة عميد طب الاسنان بجامعة مامون حميدة اذ اعتبر ان الشجرة الملعونة في القران هي شجرة التمباك

و الزول الوهم دا بنى كلامو دا على شنو ....؟؟؟

الخبر كما ورد على جريدة السوداني اليوم 4-6-2012

Quote: قال عميد كلية الأسنان بجامعة العلوم الطبية والتكنولوجيا د.النور إبراهيم البشير إن شجرة التبغ هي الشجرة الملعونة التي ورد ذكرها في القرآن الكريم والتي أخرجت آدم من الجنة وقال لـ(السوداني) في الاحتفال باليوم العالمي لمكافحة التبغ الذي أقيم بكلية طب الأسنان والذي جاء تحت شعار (نحو دور رائد لطبيب الأسنان في مكافحة التبغ) بمستشفى الأسنان الأكاديمي إن شجرة التبغ (تمباك) شجرة طاردة لحشرة النحل الطاهرة فهي لا تقربها نهائياً مشيراً، إلى طريقة تحضير (السعوط) التي تحتوي على إضافات قاتلة، مشيراً إلى أن التبغ أصبح مشكلة اقتصادية وتربوية وقانونية لذلك فأنا مع التبصير والتحريم بدلاً من التجريم، داعياً إلى التوعية والتضييق على تجار ومحلات التمباك وفرض مزيد من الضرائب وعدم التصديق لمحلات جديدة والتوعية بأخطاره، وقال إن الاحتفال في الجامعة يؤكد على ارتباط الكلية بالمجتمع بالمساهمة بالطلب الوقائي وجزء من الخروج للمجتمع وشدد على تفشي تعاطي (التبغ) بأنواعه وسط المجتمع السوداني تصل إلى 70% من الفئات مثل فئة المساجين والمكنيكية وتصل إلى 100% وسط المشردين ومؤخراً بكثرة وسط فئة النساء مما يرفع من نسبة الإصابة بالسرطان لديهن وقال إن المتعاطي للخمر والتبغ ترتفع لديه نسبة الإصابة عشرة أضعاف بأحد أنواع السرطانات. وقال الأستاذ بكلية الأسنان د.الهادي محيي الدين إن منظمة الصحة العالمية درجت على الاحتفال باليوم العالمي لمكافحة التبغ للتعريف بأضراره ومن أجل التوعية والإرشاد وقدم الهادي شرحاً عن مكونات التبغ وبداية استعماله وأضاف أن التمباك يحتوي على مواد سامة ومسرطنة مثل القطران الذي يعمل على تحور الخلايا إلى خلايا سرطانية بالإضافة إلى النيكوتين المسبب للإدمان وهي المادة التي تؤدي إلى الشعور بالراحة والنشوة والاسترخاء وقال إن الشيشة تحتوى على ما يعادل (40) سيجارة لذلك هي أكثر ضرراً وقال إن من يتناول أكثر من (20) سيجارة في اليوم يعد مدمناً أما بالنسبة للتمباك فالذي يتناول (السفة) بعد نصف ساعة فهو مدمن لذلك نعمل على تحديد الأشخاص المدمنين من غيرهم لتحديد طريقة علاجهم مشيراً إلى التدخين السلبي وأثره الكبير بالإضافة إلى تدخين الأمهات الذي يؤدي إلى إصابة الجنين بالتشوهات الخلقية، موضحاً أن النساء المدخنات أكثر عرضة للإصابة بالسرطان من الرجل لضعف بنيتهن، وكشف عن دراسة قام بها في 10 جامعات سودانية تظهر دخول النساء وخصوصاً طالبات الجامعات بنسبة 11% منهن 5% تمباك و70% شيشة و25% سجائر أما بالنسبة للطلاب الذكور فتبلغ النسبة 45% أما في المدارس الثانوية فنسبة التعاطي قاربت من 25% ودعا إلى ضرورة التشدد في فرض رسوم على تجار ومصنعي التب

يا زول انت عارف و انا عارف سبب الطردة شنو
العميد خليهو يقول اي شئ ما تفرئش الا معاهو

Quote: ولكن على حسب نظرية الدكتور ممكن الحاجة تكون موضوع بتاع جينات وكدة ختتا امنا حواء في بناتها وهي مستمرة لليوم

محمد ابراهيم مهندسنا

سلام
"شجرة" التمباك دي قايمة في الجنة لشنو? دي "شجرة" مرطبة خالس خالس ياخ!
بعدين قالو حوا القربت من الشجرة, ما تدي الجكس براءة ساكت!
هو السف دا الا تمباك?

بالغ الدكتور!

يعني معنى كدا الجنة في تمباك ...؟؟؟؟

Quote: و الزول الوهم دا بنى كلامو دا على شنو ....؟؟؟

ي ابو الحسين
الزول ده بكون برئ و ما عارف سبب الطردة و بس فياخي لا تشتمو الابرياء

يعني ابونا ادم طلع شايقي !!!!

تمباكنا ماك هين ما دام جايي من الجنة

اكان كده، نسف ونتبرّك

يا محجوب
انت كمان بتعرف اكتر من الدكتور بتاع السنون ده لوووول

رشا شكرا على التاكيد تحليلي الذي كنت اعتقد انه لا يقف على رجلين

يا بدر السما انا اسي مدنكل سفتي وبقول (من شابه اباه فما ظلم)

Quote: طبعا ما ورانا جاب العطرون من وين ولا يمكن مضغو ساي كدة

يا بوحميد
نمرة 1 بتاع الجنة مامحتاج عطرون (تب)
اليومين ديل سفة ( بايتة) ساى من الصباح
توديك (حماماتنا مايو)

________________

تقولى مضغو ساى...

الأخ/ محمد إبراهيم على
سلام واحترام

Quote: ابونا ادم طرد من الجنة بسبب سفة تمباك

بالرغم من أنك تنقل خبرا عن إنسان آخر إلا أن العنوان صادم وفيه إساءة
وكان الأحسن أن تقول: دكتور يزعم أن ابانا ادم طرد من الجنة بسبب سفة تمباك
بدلا من إطلاقه بهذه الصورة الصادمة للقارئ خال الذهن ابتداء
هذا رأيي وأرجو أن تتقبله

بالنسبة لما ذهب إليه هذا الجاهل فلا يوجد دليل أصلا على تعيين الشجرة التي أكل منها آدم عليه السلام
وإن وجد فلن يكون شجرة التنباك بالتأكيد لأنه من الخبائث الضارة ولا توجد في الجنة بالتأكيد
وأما الشجرة الملعونة في القرآن فهي شجرة الزقوم كما ذكر أهل التفسير

وإليك هذه الفتوى والتي قد تلقي الضوء قليلا على مسألة الشجرة التي أكل منها آدم عليه السلام

Quote: السؤال السلام عليكم ورحمة الله وبركاته : هل هناك دليل في القرآن و السنة على أن حواء هي التي أكلت التفاحة و أغرت سيدنا آدم ليأكلها . جزاكم الله خيراً الإجابــة الحمد لله والصلاة والسلام على رسول الله وعلى آله وصحبه أما بعد: فإنه قد ثبت في صحيح مسلم من حديث أبي هريرة رضي الله عنه قال: قال رسول الله صلى الله عليه وسلم: لولا حواء لم تَخُن أنثى زوجها الدهر. قال النووي رحمه الله: قال القاضي: ومعنى الحديث: أنها أم بنات آدم فأشبهنها ونزع العرق لما جرى لها في قصة الشجرة مع إبليس فزين لها أكل الشجرة فأغواها فأخبرت آدم بالشجرة فأكل منها. اهـ وقال الحافط في الفتح: قوله: "لم تخن أنثى زوجها" فيه إشارة إلى ما وقع من حواء في تزيينها لآدم الأكل من الشجرة حتى وقع في ذلك، فمعنى خيانتها أنها قبلت ما زين لها إبليس حتى زينته لآدم، ولما كانت هي أم بنات آدم أشبهها بالولادة ونزع العرق، فلا تكاد امرأة تسلم من خيانة زوجها بالفعل أو بالقول، وليس المراد بالخيانة هناك ارتكاب الفواحش، حاشا وكلا، ولكن لما مالت إلى شهوة النفس من أكل الشجرة وحسنت ذلك لآدم، عد ذلك خيانة له، وأما من جاء بعدها من النساء، فخيانة كل واحدة منهن بحسبها، وقريب من هذا حديث جحد آدم فجحدت ذريته. اهـ. وأما ما رود في السؤال من أن الشجرة التي أكلا منها هي التفاحة، فهذا ليس عليه دليل، وليس في كتاب الله أو سنة رسول الله الصحيحة شيء يعيِّن هذه الشجرة. قال ابن كثير رحمه الله بعد أن نقل روايات في تعيين الشجرة التي أكل منها آدم وحواء: قال الإمام أبو جعفر بن جرير رحمه الله: والصواب في ذلك أن يقال إن الله عز وجل نهى آدم وزوجته عن أكل شجرة بعينها من أشجار الجنة دون سائر أشجارها، فأكلا منها، ولا علم عندنا بأي شجرة كانت على التعيين، لأن الله لم يضع لعباده دليلا على ذلك في القرآن والسنة الصحيحة. والله أعلم.

المصـــــــــــــدر

يا هندسه دا كلام شــاي ساي فما تشتغل بيهو

ما عارفكـ سمعته بكلام الشاي دا ولا لا؟

في واحد بلدياتنا كان متقريف شديد

ولما جابو ليهو الشاي أخد ليهو شفطه شفطتين كدا عدلن راسو تمام

والشاي طلع ليهو في راسو فقام قال للقاعد جنبو:

أنت أبونا ادم دا مرتو واحدة ولا عندو عوين تانيات

غايتو دي الا يفسرها ليكـ بريمة ولا كبر

اها الدكتور دا بكون العلم طلع ليهو في راسو ... والله صحي

تحياتي

امين البشاري

تحياتي

"

Quote: والشاي طلع ليهو في راسو فقام قال للقاعد جنبو: أنت أبونا ادم دا مرتو واحدة ولا عندو عوين تانيات غايتو دي الا يفسرها ليكـ بريمة ولا كبر

"


نعلها دي ماها الفونقا بتاعتنا ديك
دا شاي كاااااااااررررب الجاب سيرة سيدنا ادم ههههههه

Quote: نعلها دي ماها الفونقا بتاعتنا ديك دا شاي كاااااااااررررب الجاب سيرة سيدنا ادم ههههههه

ياها نفسها يا ول ابوك

صاحبنا الشاي شالو ... والله صحي

كن بخير

Quote: يعني ابونا ادم طلع شايقي !!!!

الله ليك انت من الشوايقة ديل كان ما جبت سيرتهم ما بترتاح
قول عاوز تعرس شايقية وخلاص

محمد إبراهيم بالغت عديل والله

Quote: صاحبنا الشاي شالو ... والله صحي

يا البشاري نحن عندنا الشاي بيرمي.
أما الصعوط بيدقبك الدلجة عدييييل كدي.
والله صحي...

هسّع التمباك دا محاربنو في شنو، عشان مُضر
بالأسنان واللآ عشان مرقنا من الجنّة ؟؟؟
أفتونا يا دكاترتنا.



محمد ابراهيم
ســلآم...

له أجران اذا أصاب و أجر اذا اخطأ .
وللا كيف يا هندسة.
الاجتهاد ده إلا يخلوا لناس فلان يعني؟

Quote: قال الله تعالى: سورة البقرة الآية 30 وَإِذْ قَالَ رَبُّكَ لِلْمَلَائِكَةِ إِنِّي جَاعِلٌ فِي الْأَرْضِ خَلِيفَةً قَالُوا أَتَجْعَلُ فِيهَا مَنْ يُفْسِدُ فِيهَا وَيَسْفِكُ الدِّمَاءَ وَنَحْنُ نُسَبِّحُ بِحَمْدِكَ وَنُقَدِّسُ لَكَ قَالَ إِنِّي أَعْلَمُ مَا لَا تَعْلَمُونَ [البقرة: 30].

تقبل تحياتى صلاح الدين موسى

Quote: داعياً إلى التوعية والتضييق على تجار ومحلات التمباك وفرض مزيد من الضرائب وعدم التصديق لمحلات جديدة

يلقاها عند الغافل يا ود أبراهيم
والي الخرطوم يتسلم دعما ماليا للحرب من الغرفة الفرعية لتجار التمباك