في الأسافير والمنابر العامة .. أبعد عن الجكس وغنيلو

يتبع ....

كن حذقا وأرمي شباكك ماسنجريا أو إيميليا لو أمكن
ولا تكن ساذجا وتستعرض دنجوانيتك في صقيعة المنبر العام ..
يتبع .....

ليه البعد

ليه القسوه

:)))))))))))))))))))))


غايتو تحصدوا بأيديكم مساويكم
البنت ما نبته شيطانيه قامت تشرشر طوالى
لكن فى انسان علمها سمح كيف تغتال الحنان وتنتقم بلا استسلام

نشكركم على هذا البوست المتميز والواعي
ونهدي الأغنية للأخ فايز ود القاضي بنواحي جدة!!









_
ما جديدة عليكـ يا تنظير!!
ياهو كل يوم داير تتعلّم فينا الحلاقة!!
+
قوم لف
+
نحيل المدعو طلحة جرجير إلى نواحي أبو ظبي

حدثنا من نثق في حديثه عن فلان المسكين قال :
بينما كنت في واحد من المنابر أياها وكنت في أمان الله أشيل وأدي مع إحداهن
في موضوع علمي لا علاقة له بالحنان والبرتكان وخلطو وبعد عدد مقدر من المداخلات والردود
البعيدة كل البعد عن أي عواطف ورومانسيات فاذا بها (أي إحداهن هذه) فجأة تقلب علي كمن
مسه الجن الما بداوي وتشخط فيني شخط شديد أوي مستعرضة كل مقدراتها في شيل وش القباحة
قبل أن تحذرني بخط واضح وحروف كبيرة أن لا أتداخل معهاأو أرد عليها في أي بوست يخصها أو لا يخصها..
قال: فإندهشت .. بل بهت عديل كدا.. ولم أعرف ماذا حدث ولا بماذا أرد أو كيف
أتصرف، ثم وبعد أن راحت الرجفة وجاءت الفكرة إلتجأت إلى صاحبي وقد كان شيطانا مقرما في الأسافير
والمنابر ويعرفا وهي طائرة في الهواء، فقصصت له ما كان من أمري وكيف أنني إتهزأت وإتشرشحت
على الملأ لا إيدي لا كراعي، فنظر لي برهة خلتها دهرا ثم قهقه الشيطان وقد علت وجهه تعابير
هي مزيج من السخرية والشفقة قبل أن يقول لي بلهجة الواثق الخبير:
_ شوف يا بلد ..الجكس في أي منبر لو ما إتأكدت مليون في المية أنها غير مرتبطة عاطفيا
أو زوجيا فأحذر أن تفتح لها القزاز ع الآخر فربما كان بعلها أو جكسيها معها في
نفس المنبر، وهي مجبرة على أن تنفي عنها أية شبهة استلطاف لآخر غيره سواء كان
بايعاز منه أو من تلقاء نفسها وبالتالي ستكون أنت خروف سمين كفداء لتأكيد الولاء.. ثم
تركني وإنصرف وهو مازال يقهقه .
قال: ففهمت كلامه ثم بلعته كمن يبلع لالوبة كبيرة وأنا غير مقتنع ولكنني من ديك وعيك ..
يتبع ..

صاحبك المستشار ما خبير شديد
لان فى اسباب اخرى فاتت عليه

مدام رانية سلامات
قد يكون صاحبي المستشار ما خبير شديد وقد تكون في أسباب تانية فاتت
عليهو لكن كلامو برضو ما بختى الحقيقة هههههههههه
...............
ودو كماين المعروف بمحمد الصايم عندك لي خيارات بخصوص تعلم الحلاقة ؟
بصورة أوضح .. لو ما إتعلمتها فيكم أتعلما وين يعني ؟؟؟؟

Quote: مدام رانية سلامات

Quote: مدام رانية سلامات

ليكـ حق تبعد من الجكس وتغلينو!!
غني أبوي .. وارفع صوتكـ!




_
البشاري .. بيقتو تختفو ختف!!

Quote: البشاري .. بيقتو تختفو ختف!!

ابو الزمل دي ضربة جزاء واضحة لا غبار عليها ياخ
ولازم الصفارة تكون سريعة ولا شنو؟

والله يا جرجير الله اداك، وبخبث ود البشاري كوتها
اتفسح تنظير جاك داقي الدلجة براهو
يا طويل العمر قنعت من التنبؤات في الكورة وقلت تبقى مستشار عاطفي ولا شنو؟
هاك السلامات دي يا البشاري

والله لو فاهم البشاري والماشين وراهو ديل مشكلتم شنو في (مدام رانيا سلامات)
أتهكر إن شاء الله .

ود الفكي

Quote: مستشار عاطفي

وين أنا قلت كلامك الفوق دا ؟

بدربك دا يا اخطبوط يا كا الماشي عليها
اقول لك اعتبرها ناصح، مرشد، واعظ البيعجبك
لكن ما تنسى تورينا
هل اخر بوستين ليك عن النصائح وابتعادك عن البوستات الرياضية والتنبؤات هو اعتزال مبكر واتجاه لمجال اخر من الابداع الارشادي والتوجيهي؟

Quote: يا كا الماشي عليها

والله يا ود الفكي منظرك مش بطال وإتا تبلع والله يجازي الكان السبب ..
يلا تم جميلك ووريني كمان المشكلة شنو أو المضحك شنو في (مدام رانية سلامات)؟
وبرضو الله يجازي الكان السبب اللى هو البشاري طبعا.

والله يا تنظير السؤال يوجه لصاحب الكوت
غايتو حركتو بتاعة التكويت دي حلوة وملعوبة

سلامات يا طلحة ياخ,,,,,

Quote: نحيل المدعو طلحة جرجير إلى نواحي أبو ظبي

فى ساحاااااات الفداء..
بث ّ خلاص...



* مداخلة أخرى من المدعو كاروشة ويكون البوست ساحة معركة إسفيرية,,

__

أكتفي بالوجه الضاحك أعلاه حاليا على أمل العودة غدا صباحا إن الله حيّانا

طلحة ...سلامات ...

الاسافير دي لو تعاملنا معاها زي الحياة الطبيعية بكل مافيها من تفاصيل واخلاقيات من خير وشر وحب وكراهية وعرس وطلاق ومكونات واجناس من نساء ورجال وقبايل واحزاب فالامر لايحتاج الى عناء كبير للتعايش معه والتعامل معه كما نتعامل في حياتنا العادية ...

جنى وجن الملاقيف واصحاب الوصايا ...الماعجبوا بوست يفتش البوست البريحوا وياخد قرين كارد فيهو..



تحياتي ..

طلحة حبابك

كدي عاين للمنظر دا بعمق بوضح ليك للوصلت ليه لوضع الزينا مع الجكس في المنابر السودانية وسياسة إدارتها وأعضائها

Title used for a married French woman : مدام
------
لعناية الأخطـبوط العظيم مع تحياتي