Post: #1
Title: خبراء يؤكدون بأن مستقبل السودان فى الوحدة مع مصر
Author: صلاح غريبة
Date: 05-31-2012, 09:37 PM
Parent: #0
اكد خبراء سودانيون خلال منتدي عقد بالخرطوم اليوم "الخميس"، ان مستقبل السودان في المدي البعيد هو الاتجاه شمالا نحو مصر والتعامل معها في مجالات مختلفه وعقد اتفاقيات مشتركه بين البلدين واحداث وحده نوعيه بينهما.
واكد المشاركون في منتدي "استراتيجيه التعامل مع دوله الجنوب.. مكامن الاذي ومفاتيح الخروج"،علي اهميه الدبلوماسيه في اخراج السودان من الصراع القائم وإعادة صناعة الامه .
واوصي المنتدي الذي نظمه "مركز التنوير المعرفي" بضروره التصالح مع دول الجوار المشتركه بين السودان وجنوب السودان .
واشار الخبير علي عبدالرحيم علي في ورقه قدمها خلإل ألمنتدي الي ان مشكله السودان في الاساس مشكله بنيويه لذلك اذا استطاع السودان ان يصل بعلاقته مع الجنوب الي حاله الاستقرار الحذر - كما هو الحال مع الجيران الاخرين - فسيكون امامه فرصه حقيقيه للتنميه والاستقرار .
واوصي خلال الورقه بوضع كل المعايير بشكل واضح في السياسه المحليه والدوليه والنظر لابعاد الصراع الدولي في السودان، ووضع السودان علي درب نهضه صناعيه وتطوير البنيات التحتيه وتطوير التعليم والبحث العلمي وتحفيز الشعب للابداع والعمل .
|
Post: #2
Title: Re: خبراء يؤكدون بأن مستقبل السودان فى الوحدة مع مصر
Author: Deng
Date: 05-31-2012, 09:57 PM
Parent: #1
خلاص بعتو السودان الفضل للمصريين؟
يا غريبة أختشي.
|
Post: #6
Title: Re: خبراء يؤكدون بأن مستقبل السودان فى الوحدة مع مصر
Author: صلاح غريبة
Date: 05-31-2012, 10:37 PM
Parent: #2
Quote: خلاص بعتو السودان الفضل للمصريين؟
يا غريبة أختشي. |
دينق ود شول كيفنك عامل الليلة رأسك إن شاء الله موزون
وللا خربان بعد درشة هجليج وإنتصارات جيشنا الميمون
هدئ أعصاباك يا أخينا الدنيا أصلها كدى أديك كباية ليمون؟
تهدى أعصابك شوية يمكن تنسى مقلب البت الحيزبون
القالت ليكم إنتوا بس خشوا وو قوفنا معاكم مضمون
شيلتكم القفة وخلت رئيسكم ينطط زي القرد ميمون
من دولة لي دولة يحاحي وشعبوا راقد جعان مغبون
أها ما قلت لي ..الرحيل بقى ليك قاسي وبقيت محزون
بقيت تزازي من بوست لبوست قايل دا برجعك أوزون
تخريمة :
دينق
مش تقريبا الموضوع دة شأن داخلي سوداني ... ولا انا كضاب !!!!!!!!!
|
Post: #3
Title: Re: خبراء يؤكدون بأن مستقبل السودان فى الوحدة مع مصر
Author: Abu Mariam
Date: 05-31-2012, 09:57 PM
Parent: #1
يعني انفصلنا من جنوب الوادي عشان نتوحد مع شماله؟؟ مصر جارة ودولة عزيزة وشقيقة، لا أكثر... لكن بيننا صراع لم يُحل بعد، ولا يمكن حله بالوحدة أو التكامل، حلايب عزيزة زي هجليج ولازم ترجع سيادتها للسودان، وبعدها نشوف المقترحات الجديدة وتحليل الوضع السياسيّ في مصر بعد الثورة وقبوله أو رفضه..ولا شنو؟
|
Post: #4
Title: Re: خبراء يؤكدون بأن مستقبل السودان فى الوحدة مع مصر
Author: صلاح غريبة
Date: 05-31-2012, 10:15 PM
Parent: #3
| Quote: يعني انفصلنا من جنوب الوادي عشان نتوحد مع شماله؟؟ مصر جارة ودولة عزيزة وشقيقة، لا أكثر... لكن بيننا صراع لم يُحل بعد، ولا يمكن حله بالوحدة أو التكامل، حلايب عزيزة زي هجليج ولازم ترجع سيادتها للسودان، وبعدها نشوف المقترحات الجديدة وتحليل الوضع السياسيّ في مصر بعد الثورة وقبوله أو رفضه..ولا شنو؟ |
ابو مريم
وسلامي لمريم والاسرة
الجنوب انفصالو تم بارادة أهله
أما الوحدة مع مصر فستتم بارادتنا..
وبيني وبينك مصر مش اخير لينا مليون مرة من الجنوبيين
على الاقل الجنوبيين جربنا الوحدة معاهم لعقود عديدة غير المآسي
ما شفنا منهم حاجة..
كدي الندي المصريين فرصة
ولو سنة واحدة وبارادتنا
|
Post: #5
Title: Re: خبراء يؤكدون بأن مستقبل السودان فى الوحدة مع مصر
Author: ماضي ابو العزائم
Date: 05-31-2012, 10:29 PM
Parent: #4
يعني يا صلاح 65 سنة + 57 سنة استعمار و لسة عايز تجرب ؟؟؟؟
|
Post: #7
Title: Re: خبراء يؤكدون بأن مستقبل السودان فى الوحدة مع مصر
Author: صلاح غريبة
Date: 05-31-2012, 10:42 PM
Parent: #5
Quote: يعني يا صلاح 65 سنة + 57 سنة استعمار و لسة عايز تجرب ؟؟؟؟
|
الاخ ماضي
عليك نوووور ..
دا كان ايام الاستعمار المرة تركي ومرة انجليزي..
مصر اليوم حرة وكذا السودان
فلنجرب علاقة الاحرار
|
Post: #8
Title: Re: خبراء يؤكدون بأن مستقبل السودان فى الوحدة مع مصر
Author: ماضي ابو العزائم
Date: 05-31-2012, 11:10 PM
و اسقلالنا كان اخدناهو من تركيا ولا الانجليز براهم ؟؟؟
ولا صدقت مقولة ((مصر و السودان حتة واحده))
يا قولة المصرين
|
Post: #9
Title: Re: خبراء يؤكدون بأن مستقبل السودان فى الوحدة مع مصر
Author: Abureesh
Date: 06-01-2012, 00:05 AM
Parent: #8
مهمتك فى مصــر بدت تتضح معالمها..
خلاص تمت مرحلة التدريب ؟
وبديت تنتج؟
لا أحب هـذا النوع من الردود، لكن اصبر، أعتقد جاء الوقت لكشف إستراتيجية الإنقاذ. ولمصلحة من تعمل
|
Post: #10
Title: Re: خبراء يؤكدون بأن مستقبل السودان فى الوحدة مع مصر
Author: ماضي ابو العزائم
Date: 06-01-2012, 03:06 AM
Parent: #9
| Quote: وبيني وبينك مصر مش اخير لينا مليون مرة من الجنوبيين |
تعرف يا صلاح مصر دى نفذت كم مشروع من مشاريع البنية
التحتية لدولة جنوب السودان ؟ ؟ و من قبل ان يجرى الاستفتاء بسنوات . .
مصر دى ممكن تميل اكتر للتعامل مع الجنول من اجل تنفيذ مشروع
قناة جنقلي ؟ ؟ . . .
عرفت لى جون قرنق كان (لازم) اموت ؟؟
|
Post: #11
Title: Re: خبراء يؤكدون بأن مستقبل السودان فى الوحدة مع مصر
Author: Abdlaziz Eisa
Date: 06-01-2012, 04:46 AM
Parent: #10
يا غريبة
حلايب يا راجل!!!!!!!!!!!!!!!!!!!!!!!!!!!!!!!!!!!!!!!!!!!!!
مصر دولة معادية
مصر عدوة
مصر تحتل اراضينا
مصر ليست حرة لانها داخلة في تجربة الوســخ الاسلامي
يعني حتكون مغيبة زي السودان حاليا
السودان حاليا مستعمر بواسطة عصابة القرف الاسلامي..
عندما يتحرر بواسطة الجبهة الثورية ونمتلك قرارنا سيكون هنالك رأي آخر مع مصر العدو
تحياتي
|
Post: #12
Title: Re: خبراء يؤكدون بأن مستقبل السودان فى الوحدة مع مصر
Author: طارق زروق
Date: 06-01-2012, 06:37 AM
Parent: #11
السودان القديم البنعرفو قبل الانقاذ المليون ميل مربع ما محتاج لمصر
|
Post: #13
Title: Re: خبراء يؤكدون بأن مستقبل السودان فى الوحدة مع مصر
Author: Abdlaziz Eisa
Date: 06-01-2012, 07:08 AM
Parent: #12
Quote: مهمتك فى مصــر بدت تتضح معالمها..
خلاص تمت مرحلة التدريب ؟
وبديت تنتج؟ |
تمام
|
Post: #14
Title: Re: خبراء يؤكدون بأن مستقبل السودان فى الوحدة مع مصر
Author: Abdlaziz Eisa
Date: 06-01-2012, 07:29 AM
Parent: #13
أرض التكامل أو التعاون.. منطقة حرة.. نسميها أي مسمى فقط ستكون هي الأرض المشتركة بين دولتين!!
نص من هنا ونص من هناك...
لكن أن تقتطع أرض من دولة ذات سيادة بواسطة دولة أخري مثلما فعلت مصر في شلاتين وحلايب فانه احتلال واستحقار للسودان
وفوق كل هذا العار أن يتفوه قزم معفون زي كرتي ويقول بأن تكون حلايب منطقة تكامل!!
تكامل يكسر نافخوك الفارغ ده يا جبــــان!!
حيكومة تعيسة وخائبة رجاء..
زوبعة وهيلمانة عشان هجليج التي استولت عليها قوات سودانية.. ويتبجحون عنها ابلوطنية والسيادة..
يا جبنـــــــــــاء يا تعســـــــــــــــــــاء..
حلايب أولى من أي أرض أخرى..
أعلنوا تعبئة لاسترداد حلايب ستدون الرضيع يحمل سلاحا
والله جاهزون لحرب مصر في سنتمتر مربع...
هذه هي السيادة
وهذه هي الوطنية..
|
Post: #15
Title: Re: خبراء يؤكدون بأن مستقبل السودان فى الوحدة مع مصر
Author: yaser mostafa
Date: 06-01-2012, 07:58 AM
Parent: #14
سلام صلاح مابحب اداخل في الكلام البتكتبوا.......
لكن عنوانك مستفذ ياخي باي منطق انا مستقبلي في الوحدة مع مصر "كل الدلائل بتقول انو مستقبل مصر في السودان وهم صاغرون لامفر لهم غير السودان".....لمتين التبعية المقرفة دي ياخي انا بعاني من انفجار سكاني؟؟ انا محتاج لي موية؟؟ ولا محتاج لي اراضي زراعية؟؟ انا ماعارف ليه من ربنا خلقنا ساستنا عاملين قومة وقعدة للساسة للمصريين ؟؟وليه الساساة المصريين هم الخاتيين ساستنا تحت اباطهم وبلعبو بيهم كورة؟؟
ياناس مصر دي ماعندها حل غير السودان طال الزمن او قصر. قال مستقبل السودان في الوحدة مع مصر قال طيب مستقبل مصر وين؟؟ في استغلال السودان مش؟ واخد بال حضرتك من الغين دي يا صلاح بيه
سلام
|
Post: #16
Title: Re: خبراء يؤكدون بأن مستقبل السودان فى الوحدة مع مصر
Author: Hani Arabi Mohamed
Date: 06-01-2012, 09:51 AM
Parent: #15
ممكن كنت أفهم إنك تكتب : "مستقبل مصر في استعمار السودان"
|
Post: #17
Title: Re: خبراء يؤكدون بأن مستقبل السودان فى الوحدة مع مصر
Author: hamid brgo
Date: 06-01-2012, 10:39 AM
Parent: #16
مستقبل السودان في الوحدة والتعاون الاخوي بين السودانيين انفسهم أولا
ثم لا بأس من الوحدة مع اي شعب من الشعوب الشقيقة المجاورة و غير المجاورة
الاستقطاب الجهوي و القبلي بين مكونات الدولة السودانية أكبر بكثير من الخلافات الروسية الامريكية
لذا من الافضل ان ندعو الي الوحدة بين السودانيين قبل التفكير في الاخرين
السودانيون على الاقل في الوقت الراهن غير مؤهلين للوحدة مع الاخر
البيت اولى بالترميم
|
|