Post: #4 Title: Re: خلاص البلد انهارت اقتصاديا بالارقام وهروب المحافظ ونائب المحافظ بخ Author: محمد عادل Date: 05-30-2012, 11:43 PM Parent: #3
اسال بدرالدين محمود يامطبل الاعمى اسال بدرالدين قول ليهو الزبير محمد خير مشى وين واسال بدرالدين لو اصلا انت تقدر تصل بدرالدين قول ليهو شكلتك مع صابر محمد الحسن فى شنو وانت خرمجت شنو والمحافظ وقت التعويم هرب مشى وين ياخى قوم لف ياخى كرهتونا البلد حريقه تحرقكم ياخى ماتفضل فيكم واحد ببركة ليلة الخميس نصحى الصباح نلقاكم مافشين غطستو حجر البلد والمواطن تضخم ياخى 64% د\ا وين دا ياخى بلد يكون عندها ميزانيتين فى السنه ليه مايكون عندها ميزانيتين الزيك دا ياكل من وين اولادو يدرسوهم ليهو فى الرباط بمنح
وضاحة عشان ود الباوقة سوى ليكى بوست بقيتى تمارسى فلى التضليل ,خليكى موضوعية الراجل فاتح بوست بعنوان انهيار الاقتصاد حاليا ...الجاب حكومة الصادق المهدى شنو ,حكومة الصادق المهدى ما عندها علاقة بمايدور الان .
والصادق المهدى كان فى يوم من الايام كان رئيس وزراء عمل شنو للسودان ؟؟؟؟؟؟؟؟؟؟؟؟
وهسي عمل شنو ما الغرب دا كلوا ادمر واتحرق وتشرد
كلو ا واحد بغازل فى الحكومة الحالية باسلوبوا علشان يدخل رجلوا ويكضم ليه كضمة
البلاوى دا كلها اساسا شنو غير السياسة والسياسين الغير محترميين
كلوا واحد بلمع ويكبر في كوموا وفساد وغش ونهب المال العام
والشعب المسكين رايح فى الرجليين
مافى حد بفكر في مصلحة البلد وتطويرها
ياخى فترنا زاتوا
السودان دا زاتوا منحوس
وبقينا نخجل نقول نحن سودانين
يا ستى ديك فترة ببتحاكم بى وقتها وممكن تفتحى بوست خاص بالكلام ده والناس بتجى وتناقشك فيهو ومن ضمنهم محمد عادل ونحترمك جدا فيهو ,لكن تدخلى فى هذا البوست بموضوعو المحدد وتحاولى تحرفى البوست لمكان خارج اطار الموضوع ,انا بسمى الكلام ده تضليل وعدم موضوعية وببقى ما فرق بينك وود الباوقة الارزقى ده
هى الدولة تكون دولة سليمة واساسها قوي ومتين ومطور كيف اذا اساسة مريض ؟؟؟
انت امة ولا شنو ؟؟؟؟؟
من يشهد للعروس
كلكم همكم فى الاحزاب الفاشلة كل زول بلمع فى فريقوا
والبلد ان شاء الله تحرق بي شعبها
انتوا محتاجين لى تربية وطنية تتعلموها فى المدارس من الروضة
علشان علقيتكم دى هى الضيعت البلد
يا تعبان
كلامك ده بيكون صاح لمن تكون الحكومة الحالية هى امتداد لسياسات حكومة السيد السابقة لكن ديل جو بانقلاب عسكرى انقلاب على كل شئ حتى الاخلاق فى ادارة الدولة ,الشئ التانى مسالة انو نحن فاشلين ولا مافشلين ده ما بقدم ولا بياخر فى الازمة الحالية وعشان تكونى موضوعية وتقدمى نقد بناء ساهمى بطرح حلول لخرمة على محمود وصابر محمد الحسن الماعندها علاقة مع الاقتصاد .
بعدين بالجمبة كده خارج الموضوع تعبان ده اسم زول وحاكم ولاية كمان احسن منى ومنك ,ولا انتى صدقتى مسالة حشرات بتاعت البشير وربيع عبدالعاطى
Quote: فاتح بوست بعنوان انهيار الاقتصاد حاليا ...الجاب حكومة الصادق المهدى شنو ,حكومة الصادق المهدى ما عندها علاقة بمايدور الان .
True
Post: #16 Title: Re: خلاص البلد انهارت اقتصاديا بالارقام وهروب المحافظ ونائب المحافظ بخ Author: عماد حسين Date: 05-31-2012, 00:49 AM Parent: #15
صدقتي يا أخت وضاحة
أيام الأحزاب.. لا زلت أذكر: المتمردون يتقدمون نحوالشمال، ونس مبارك الفاضل عاملين مشاكل في الرخص التجارية، وبعض من أعضاء الجمعية التأسيسية عاملين مشاكل عن مخصصاتهم.
في عهد الصادق المهدي انتشر السلاح في دارفور
وكان العرب يقومون بضرب (القبائل الإفريقية) لأنهم يوالون الجبهجية.
جزء كبير من المرض الحاصل الآن سببه حقبة الصادق المهدي المظلمة
أيام الأحزاب.. لا زلت أذكر: المتمردون يتقدمون نحوالشمال، ونس مبارك الفاضل عاملين مشاكل في الرخص التجارية، وبعض من أعضاء الجمعية التأسيسية عاملين مشاكل عن مخصصاتهم.
في عهد الصادق المهدي انتشر السلاح في دارفور
وكان العرب يقومون بضرب (القبائل الإفريقية) لأنهم يوالون الجبهجية.
جزء كبير من المرض الحاصل الآن سببه حقبة الصادق المهدي المظلمة
راجل كلامو وتنظيرو كتير، بدون أي عمل
كانت بحق فترة مظلمة....
وهذا لا ينفي وجود تجاوزات الآن
وعايين لى ده كمان قال الولد فالح وجاب الحقيقة من ديلها , ياخى لو افترضنا ان طلامك ده كلو صاح هل ده بحل الواقع الاقاتصادى اليوم ,او على الاقل بيحرم الحبيب محمد عادل من حقو الدستورى كمواطن سودانى من حقو ان يدلى برايو فيما يدور الان من صواتة وجغبسة فى الاقتصاد السودانى ,يا خى حاكم الرجل بعقل وموضوعية وبلاش من العشوائية فى النقاش
Post: #19 Title: Re: خلاص البلد انهارت اقتصاديا بالارقام وهروب المحافظ ونائب المحافظ بخ Author: عماد حسين Date: 05-31-2012, 01:21 AM Parent: #18
Post: #20 Title: Re: خلاص البلد انهارت اقتصاديا بالارقام وهروب المحافظ ونائب المحافظ بخ Author: عماد حسين Date: 05-31-2012, 01:29 AM Parent: #19
Quote: وعايين لى ده كمان قال الولد فالح وجاب الحقيقة من ديلها , ياخى لو افترضنا ان طلامك ده كلو صاح هل ده بحل الواقع الاقاتصادى اليوم ,او على الاقل بيحرم الحبيب محمد عادل من حقو الدستورى كمواطن سودانى من حقو ان يدلى برايو فيما يدور الان من صواتة وجغبسة فى الاقتصاد السودانى ,يا خى حاكم الرجل بعقل وموضوعية وبلاش من العشوائية فى النقاش
كانت للسـودان ثلاثة مصادر يتحصـل بها على العملات الحـره والتى حلت محل الذهب حسـب إتفاقية برايتون. المصادر هى :- * حصـيلة الصـادر * القروض والمنح * الحسابات الغير منظوره. دون الدخـول فى تفاصيل هذه الصـادر لكن من الواضح ان كل مواردها الماليه حاليا جفت عندما أصبح الإعتماد كليا على البترول وطبعا مشاكل البترول فى الوقت الحالى لا تخفى على أحـد خاصـة بعد إنفصال الجنوب..
الدرقة التقطع نصك يا عماد ,لبقول ليك فى انهيار اقتصادى تقول فى تجاوزات امشى رتب حالك وتعال ناقش بفكر ومنهج وخلى الخرمجة اللافى عير ولا النفير ده .....اوكى
Post: #24 Title: Re: خلاص البلد انهارت اقتصاديا بالارقام وهروب المحافظ ونائب المحافظ بخ Author: عماد حسين Date: 05-31-2012, 01:49 AM Parent: #22
Quote: الدرقة التقطع نصك يا عماد ,لبقول ليك فى انهيار اقتصادى تقول فى تجاوزات امشى رتب حالك وتعال ناقش بفكر ومنهج وخلى الخرمجة اللافى عير ولا النفير ده .....اوكى
ليست مجرد تجاوزات , بل جرائم مكتملة الاركان , تمثلت في نمزيق البلد . وتدمير البنية التحتية الاجتماعية والاقتصادية
(مشروع الجزيرة , السكك الحديدية , سودانير , الخطوط البحرية , الخدمة المدنية ) .
فضلا عن الجريمة الكبرى في دار فور,والتي صدر بحق مرتكبها أمر قبض برسم التنفيذ .
نعم كان الاداء الاقتصادي للصادق المهدي ضعيفا ومكبلا وجزء كبير من أدوات تكبيله كانت الطفيلية الرأسمالية للجبهة الاسلامية التي تحكم الان .
لكنه لم يقتل مدنيا أو عسكريا ولم يشرد أحدا من منتسبي الخدمة المدنية والرجل يشهد له خصومه بنظافة الكف , وفوق هذا وذاك فقد اتى للحكم على أكف الناخبين , ولم يأت على ظهر دبابة .
Post: #31 Title: Re: خلاص البلد انهارت اقتصاديا بالارقام وهروب المحافظ ونائب المحافظ بخ Author: من الله Date: 05-31-2012, 10:52 AM Parent: #30
الموضوع عن انهيار الاقتصاد السودانى وليس للمهاترات ..... فط سطر
Post: #32 Title: Re: خلاص البلد انهارت اقتصاديا بالارقام وهروب المحافظ ونائب المحافظ بخ Author: عماد حسين Date: 05-31-2012, 11:23 AM Parent: #30
Quote: لا لا يا عماد حسين
ليست مجرد تجاوزات , بل جرائم مكتملة الاركان , تمثلت في نمزيق البلد . وتدمير البنية التحتية الاجتماعية والاقتصادية
(مشروع الجزيرة , السكك الحديدية , سودانير , الخطوط البحرية , الخدمة المدنية ) .
فضلا عن الجريمة الكبرى في دار فور,والتي صدر بحق مرتكبها أمر قبض برسم التنفيذ .
نعم كان الاداء الاقتصادي للصادق المهدي ضعيفا ومكبلا وجزء كبير من أدوات تكبيله كانت الطفيلية الرأسمالية للجبهة الاسلامية التي تحكم الان .
لكنه لم يقتل مدنيا أو عسكريا ولم يشرد أحدا من منتسبي الخدمة المدنية والرجل يشهد له خصومه بنظافة الكف , وفوق هذا وذاك فقد اتى للحكم على أكف الناخبين , ولم يأت على ظهر دبابة .
يا معاوية
عساك بخير
انت هسع تعبيرك فرقو شنو من تعبيري
أنا قلت تجاوزات، وكمان أزيدك: أطالب بمحاكمة مرتكبيها، سواء كانت جرائم منظمة أو حتى سوء تصرف وإهمال
أنت تقول عن عهد الصادق: أن الاقتصاد كان ضعيف ومكبل
طيب السبب شنو؟
يعني هل معقول انت لم تسمع بالأشياء المخجلة عن معارك الإعفاءات الجمركية، والرخص التجارية في ذلك العهد؟!!
يعني عمرك ما سمعت عن طفيلية ناس الأحزاب؟!!
هل هناك طفيلية أكثر من ترك البلد نهباً للتمرد، والتاس في الخرطوم يتشاجرون من أجل المغانم
القصة دي بذات هي عنوان لمثيلاتها
وبخصوص القتل: هل تنكر أن مشكلة دارفور الحقيقية كانت بذورها في عهد الصادق
مصطلح النهب المسلح ظهر بقوة في الفترة ديك
وفي أيام الأحزاب كانت تتم اعتداءات من القبائل العربية على مناصري الكيزان من (الأفارقة) وغالب هؤلاء هم من يشكلون عصب التمرد الآن
الذي تغير الآن هو تبدل التحالفات..
أضف لذلك.. عندك فوق الفيديو بتاع الشريف الهندي.. شوف الراجل قال شنو
لأنها شهادة من واحد منصف من الحزبين الكبيرين
قصة التردي دي قصة قديمة، ممتدة بامتداد التنافس الحزبي
وأنا لما أقول أن هناك تجاوزات الآن، فهذا جزء من هذا الامتداد
أصل نقاشي هو في تأييد كلام الأخت التي تداخلت.. وبيان أن وجهة نظرها صحيحة
لكنني لم أنكر وجود تجاوزات الآن، خاصة أن الصحف نشرت ذلك على الملأ وتم التشهير بشخصيات بعينها
شكرآ للزميل عادل لفتح البوست وشكرآ للزميل الكيك والذي كتبه قبل عام عن هروب محافظ بنك السودان يومذاك د صابر محمد حسن والذي خلفه المحافظ الحالي الزبير بشير طه وهو رجل مالي سابق وكان على رأس وزارة المالية. حقيقة تعجبت لحجم المهاترات المقدمة من الزميل ود الباوقة و الزميل عماد حسين فيما يختص بمادة البوست .. ولقد ألقيا بالآئمة على الأزمة الإقتصادية على عهد السيد/ الصادق المهدي آخر رئيس وزراء لعهد الديموقراطية الثالثة والتي جاءها بدبابات معيارها 103 مقعدآ إنتخابيآ من جميع أنحاء السودان ..! محققآ أغلبية متميزة آنذاك عن بقية الإنتخابات التي دخلها17 حزبا متقاسمين 402 مقعدآ .. وتلك الأحزاب والحركات هي وحسب الترتيب الصوتي : 1 ـ حزب الأمة 103 مقعدآ 2 ـ الإتحادي الديمقراطي 63 مقعدآ 3 ـ الجبهة القومية الإسلامية 58 مقعدآ 4 ـ الحزب القومي السوداني 8 مقاعد 6 ـ حزب الشعب التقدمي 8 مقاعد 7 ـ الحزب الشيوعي السوداني مقعدان 8 ـ حزب سانو مقعدان 9 ـ حزب البعث العربي الإشتراكي زيرو 10 ـ حزب الأمة جناح ولي الدين زيرو 11 ـ تضامن قوى الريف زيرو 12 ـ حزب العمال والمزارعين زيرو 13 ـ الحزب الإشتراكي الناصري زيرو 14 ـ الحزب الإشتراكي الإسلامي زيرو 15 ـ الحزب الوطني الإتحادي جناح على محمود زيرو 16 ـ الحزب الإتحادي الديموقراطي القيادة الموحدة زيرو 17 ـ حزب التحرير الإسلامي زيرو كانت تلك نتائج إنتخابات عام 1986 في أبريل دورة الديموقراطية الثالثة من مفكرتي الخاصة .. أي إعتراض على ما كتبته رجائي تنبيهي في هذا البوست ولكم عميق إحترامي.
موضوع البوست هو إنهيار إقتصاد البلاد. فى مداخلتى السابقه تطرقت إلى أهم ما كانت تعتمد عليه خزينة الدوله من مصادر للحصول على العمله الصعبه. ومن أهم تلك المصادر :-
Quote: * حصـيلة الصـادر
وحصيلة الصادر كانت تعتمد على ثلاث مؤسسات رئيسيه هى :- 1- مؤسسة الأقطان 2- مؤسسة الحبوب الزيتيه 3- مؤسسة الصمغ العربى
كان لكل مؤسسه من هذه المؤسسات مواردها الإنتاجيه العالية الجوده والتى تساعدها فى المنافسات العالميه عند التصدير. للأسف فى الوقت الحالى هذه المؤسسات فقدت ما كانت تقوم بتصديره.
ليس لحزب الأمه أى دخل فى تدمير هذه المؤسسات الألأقتصاديه الهامه
Post: #34 Title: Re: خلاص البلد انهارت اقتصاديا بالارقام وهروب المحافظ ونائب المحافظ بخ Author: محمد عادل Date: 05-31-2012, 12:52 PM Parent: #12
اسمع ياودالباوقه يافضيحه يابعثى فى الاول ومؤتمر وطنى اخيرا سبب انضمامك للمؤتمر الوطنى هو منح جامعية لاولادك بالجامعه انت شين دراك بالبلد وبحال البلد قوم اتخمد نوم وضاحه تطبيلك البتعملى فيهو دا مابفيدك انت شين دراك بحكومة الصادق وشين فهمك فى الاقتصاد الصوره الفى البروفايل مابتشبه توجهاتك الحاليه
متوقع واحد يخش ويقول الانهيار الاقتصادي الحالي للسودان سببه تدمير دولة مروى على يد الملك الاكسومي عيزانا في القرن الرابع الميلادي .. واتمنى من كل قلبي الا يرى البوست اخونا بشاشا فربما يعزي الازمة لباخرة نوح وقلة المؤن فيها ..
يا اخوانا الحل شنو؟ اقتصاد منهار ركزوا على الموضوع عشان تحصل استفادة ..ونسمع تحليل موضوعي لحل الازمة من خبراء اقتصاديين .. .. اذا واصلنا حياتنا بهذه الطريقة في الحوارات. تاكدوا لن يكون هناك وطن.. سيتزايد السقوط.. نترك الموضوع ونستلقي تحت ظل الجدال العقيم البيضة أم الدجاجة!! .. .. قولوا خيرًًا يرحمكم الله
