Post: #1
Title: ألم تكن أرض الله واسعة فتهاجروا فيها ...
Author: omer osman
Date: 05-30-2012, 08:01 AM
.
|
Post: #2
Title: Re: ألم تكن أرض الله واسعة فتهاجروا فيها ...
Author: أيمن دياب
Date: 05-30-2012, 08:11 AM
Parent: #1
عايز تقفل المكتبة وتجينا؟؟
|
Post: #4
Title: Re: ألم تكن أرض الله واسعة فتهاجروا فيها ...
Author: omer osman
Date: 05-30-2012, 08:26 AM
Parent: #2
| Quote: عايز تقفل المكتبة وتجينا؟؟ |
ما المكتبة براها .. السودان كلو مفروض يقفلوهو
|
Post: #3
Title: Re: ألم تكن أرض الله واسعة فتهاجروا فيها ...
Author: فايزودالقاضي
Date: 05-30-2012, 08:14 AM
Parent: #1
من الآخر داير فيزا ؟!!
|
Post: #5
Title: Re: ألم تكن أرض الله واسعة فتهاجروا فيها ...
Author: omer osman
Date: 05-30-2012, 08:32 AM
Parent: #3
| Quote: من الآخر داير فيزا ؟!! |
ولدي جواز سفر ساري المفعول والكتروني كمان
يصلح في كل الاقطار عدا اسرائيل
|
Post: #6
Title: Re: ألم تكن أرض الله واسعة فتهاجروا فيها ...
Author: أيمن دياب
Date: 05-30-2012, 08:35 AM
Parent: #5
يكون حال عليك الحول لتجديد الرخصة وحاصروك ناس النفايات وكابسوك ناس الضرائب وداهموك بتاعين الايجار..
|
Post: #8
Title: Re: ألم تكن أرض الله واسعة فتهاجروا فيها ...
Author: omer osman
Date: 05-30-2012, 08:42 AM
Parent: #6
| Quote: يكون حال عليك الحول لتجديد الرخصة وحاصروك ناس النفايات وكابسوك ناس الضرائب وداهموك بتاعين الايجار.. |
ده كلو هين نحن خايفين من حكاية (*الكديسة في السروال) في حال عدم الدفع .... ههههههههههههه
___________________________________
* العهدة على الراوي قالوا في ايام التركية كانوا بعملوا كده ..
|
Post: #7
Title: Re: ألم تكن أرض الله واسعة فتهاجروا فيها ...
Author: عاطف عمر
Date: 05-30-2012, 08:42 AM
Parent: #1
تحياتي وسلامات يا سعادتك
دا نوع الكلام الـ بيلخبط كل الحسابات
حساباتنا نحن من بدأنا نفكر ونجهز بل وشرعنا في الخطوات الأولية للعودة الطوعية
خاصة عندما يصدر من شخص مثلك
شخص مثلك ( عمر عثمان ) بحسابات كثيرة - ووفقاً للصورة الذهنية التي رسمناها لك - يتوقع المرؤ أن تكون قادر على التعايش مع الأمور الجارية
نعم... الصلاة فيها السر والجهر
لكن أن تطلع الدعوة للعلن فأكيد قد أطلك الشديد القوي
ربنا يستر
على العموم نتابع
|
Post: #9
Title: Re: ألم تكن أرض الله واسعة فتهاجروا فيها ...
Author: omer osman
Date: 05-30-2012, 08:55 AM
Parent: #7
Quote: تحياتي وسلامات يا سعادتك
دا نوع الكلام الـ بيلخبط كل الحسابات
حساباتنا نحن من بدأنا نفكر ونجهز بل وشرعنا في الخطوات الأولية للعودة الطوعية
خاصة عندما يصدر من شخص مثلك
شخص مثلك ( عمر عثمان ) بحسابات كثيرة - ووفقاً للصورة الذهنية التي رسمناها لك - يتوقع المرؤ أن تكون قادر على التعايش مع الأمور الجارية
نعم... الصلاة فيها السر والجهر
لكن أن تطلع الدعوة للعلن فأكيد قد أطلك الشديد القوي
ربنا يستر
على العموم نتابع |
سلام ياعاطف ........
في العام 2003م عدت عودة طوعية من غربة قصيرة (5) سنوات
الأن وبعد مضي قرابة العشرة اعوام لم تعد المشكلة في الحالة
الاقتصادية والغلاء فحسب لكننا اصبحنا غرباء في وطننا وهو اقسي
شعور ممكن ان تحس وتشعر به و(غربة وطن) اخير منها (غربة بقروش)
|
Post: #10
Title: Re: ألم تكن أرض الله واسعة فتهاجروا فيها ...
Author: محمد حامد جمعه
Date: 05-30-2012, 09:04 AM
Parent: #9
| Quote: شعور ممكن ان تحس وتشعر به و(غربة وطن) اخير منها (غربة بقروش) |
اوجزت واوفيت
|
Post: #11
Title: Re: ألم تكن أرض الله واسعة فتهاجروا فيها ...
Author: أمجد الزين
Date: 05-30-2012, 09:18 AM
Parent: #10
سلامات يا سعادتك
ياخ لو دة انت بتقول كدة نحنا نعمل شنو يعنى؟؟
بعد كدة الا الواحد يقيف فى نص السوق العربى ويكورك اخرجونى اخرجونى
غايتو الله يجيب لينا اليوم الدايرنو
|
Post: #27
Title: Re: ألم تكن أرض الله واسعة فتهاجروا فيها ...
Author: omer osman
Date: 05-30-2012, 07:06 PM
Parent: #11
Quote: سلامات يا سعادتك
ياخ لو دة انت بتقول كدة نحنا نعمل شنو يعنى؟؟
بعد كدة الا الواحد يقيف فى نص السوق العربى ويكورك اخرجونى اخرجونى |
ياامجد ... امير الشعراء احمد شوقي قال (كلنا في الهم شرق ...)
|
Post: #12
Title: Re: ألم تكن أرض الله واسعة فتهاجروا فيها ...
Author: فايزودالقاضي
Date: 05-30-2012, 09:23 AM
Parent: #10
| Quote: يصلح في كل الاقطار عدا اسرائيل |
اخخخخ لو كان يصلح لاسرائيل لانه الفيزا اللاقيها ليك هناك..
فيزة مُجمِّع حجارة *
ــــــــــــــــــــــــ
*البرموها اطفال الحجارة .
|
Post: #13
Title: Re: ألم تكن أرض الله واسعة فتهاجروا فيها ...
Author: طارق جبريل
Date: 05-30-2012, 09:28 AM
Parent: #12
يعني انا لمن طلعت الجنسية المغربية لي أولادي ما ندمان
|
Post: #14
Title: Re: ألم تكن أرض الله واسعة فتهاجروا فيها ...
Author: أيمن دياب
Date: 05-30-2012, 09:38 AM
Parent: #13
| Quote: يعني انا لمن طلعت الجنسية المغربية لي أولادي ما ندمان |
حسنا فعلت يا شباوي.. والحنك القديم بتاع بلد المحنة وناس الطيبة بقى ما بقسم..
كل زول جاري وجاري.. يمين الله مافي زول بديك دقايق من زمنو عشان تسمعو..
بلد موبوءة بمشاكل مزمنة.. وابتلاها الله بقادة أنانيين وساسة مكنكشين..
|
Post: #15
Title: Re: ألم تكن أرض الله واسعة فتهاجروا فيها ...
Author: Hani Arabi Mohamed
Date: 05-30-2012, 09:41 AM
Parent: #13
عبّرت عني تماماً أخي عمر عثمان.
نفس الشعور ونفس الملامح.
بعد عودة من غربة ومحاولة للاستقرار في الوطن اكتشفت أنني غريب في هذا الوطن. وليس لي من أبجديات العمل وكسب الرزق فيه شيء.
فها أنا أفعلها وأجازف بالتوجه إلى دولة الإمارات العربية المتحدة يوم 4 يونيو بحثاً عن رزق الله عز وجل. في مغامرة أوكلت أمري فيها للخالق عز وجل.
ربنا يعينك ويعن العبد الضعيف ويعين الجميع.
|
Post: #29
Title: Re: ألم تكن أرض الله واسعة فتهاجروا فيها ...
Author: omer osman
Date: 05-30-2012, 07:10 PM
Parent: #15
Quote: عبّرت عني تماماً أخي عمر عثمان.
نفس الشعور ونفس الملامح.
بعد عودة من غربة ومحاولة للاستقرار في الوطن اكتشفت أنني غريب في هذا الوطن. وليس لي من أبجديات العمل وكسب الرزق فيه شيء.
فها أنا أفعلها وأجازف بالتوجه إلى دولة الإمارات العربية المتحدة يوم 4 يونيو بحثاً عن رزق الله عز وجل. في مغامرة أوكلت أمري فيها للخالق عز وجل.
ربنا يعينك ويعن العبد الضعيف ويعين الجميع. |
ربنا يوفقك ياهاني .......
|
Post: #17
Title: Re: ألم تكن أرض الله واسعة فتهاجروا فيها ...
Author: فايزودالقاضي
Date: 05-30-2012, 09:50 AM
Parent: #13
| Quote: يعني انا لمن طلعت الجنسية المغربية لي أولادي ما ندمان |
ياممسوخ انا من يوم قريت ليك اول حرف في البورد ده قلت الزول ده اصلوا ماعنده خلف في السودان ..
لوعندك بنية عرسها لي خلينا النشوف المغرب ...
|
Post: #28
Title: Re: ألم تكن أرض الله واسعة فتهاجروا فيها ...
Author: omer osman
Date: 05-30-2012, 07:08 PM
Parent: #13
| Quote: يعني انا لمن طلعت الجنسية المغربية لي أولادي ما ندمان |
ابداً وحاتك ... وان شاء الله عمرك ماتشوف الندم ياطارق .........
|
Post: #16
Title: Re: ألم تكن أرض الله واسعة فتهاجروا فيها ...
Author: الطيب برير يوسف
Date: 05-30-2012, 09:41 AM
Parent: #12
| Quote: شعور ممكن ان تحس وتشعر به و(غربة وطن) اخير منها (غربة بقروش) |
العزيز عمر..
تحياتي لك
على الضفة الأخرى من المقتبس المعضد بالتعليق المستحسن من صديقنا محمد جمعة (له التحية)، أقف ملوحًا بـ:
Quote: مَنْفَى
غنّي المُغنّي.. في اشْتبَاهٍ
بين فُصْحَي..؛
لُكْنَةٍ عُجْمَي
وفي حزنٍ .. رَطَنْ
كان صوتًا عَالقًا..؛
أوْ غَارقًا في اليُتْمِ
صِدْقًا ..
كان حُلمًا أمسكَ الإيقاظَ..
من غَفْوِ الوسَنْ
هكذا أدركتُ مَعني
أنْ يصيرَ القلبُ منفَى..
لاغترابٍ في وطَنْ |
|
Post: #18
Title: Re: ألم تكن أرض الله واسعة فتهاجروا فيها ...
Author: Dalal Ezzaldin
Date: 05-30-2012, 12:31 PM
Parent: #16
| Quote: ما المكتبة براها .. السودان كلو مفروض يقفلوهو |
يا عمر دا اصدق تعبير للمرحله الوصلنا ليها دي !!
المفروض دا يكون مطلب الشعب الاول والاخير اذا ما خرج للتظاهر الماسلمي :(
|
Post: #19
Title: Re: ألم تكن أرض الله واسعة فتهاجروا فيها ...
Author: طارق جبريل
Date: 05-30-2012, 01:23 PM
Parent: #18
Quote: ياممسوخ انا من يوم قريت ليك اول حرف في البورد ده قلت الزول ده اصلوا ماعنده خلف في السودان ..
لوعندك بنية عرسها لي خلينا النشوف المغرب ...
|
دحين انا كان وأدتها بديك ليها يا ود القاضي
يا ود دياب وحاتك في الاول كنت زعلان
لكن هسي مرتاااااااااااااح
|
Post: #20
Title: Re: ألم تكن أرض الله واسعة فتهاجروا فيها ...
Author: فايزودالقاضي
Date: 05-30-2012, 02:28 PM
Parent: #19
| Quote: دحين انا كان وأدتها بديك ليها يا ود القاضي |
هو مادام انت ابوها المابخلينا استحقها شنو ؟!!!
بعدين قالولك وكت اعرسها مابغير اسم ابوها ؟!! 
|
Post: #21
Title: Re: ألم تكن أرض الله واسعة فتهاجروا فيها ...
Author: Hadeer Alzain
Date: 05-30-2012, 02:41 PM
Parent: #19
وكما قيل :
الفقر في الوطن غربة
والعكس صحيح!
السودان دا يا جنابو بس محتاج رجال ضكرانين ينسوا أنفسهم أولآ ، أي
يصلوا مرحلة نكران الذات "selflessness" ، رجال يحكمونا بالعدل ،
رجال زي والي القضارف الضكران داك، الشاتوهو في صمة خشمو في كلمة حق!!!!! 
السودان بس محتاج لرجال يخافوا الله رب العالمين في سرهم وجهرهم، في
منامهم وصحوهم ، يخافوا الله رب العالمين فينا .. في شعبهم وأوطانهم. السودان
بدل يقفلوه بس محتاج "رجال صدقوا ما عاهدوا الله عليه" ..! ولا نطمع في أكثر من ذلك
بحلم مش؟! 
يا جنابو ياخ حواء السودان دي واااالدة بس ساعدوا بالدفرة
اللهم فرج كرب السودان وكرب أهله .. ياااا رب
تحياتي لكم والأسرة
-
|
Post: #33
Title: Re: ألم تكن أرض الله واسعة فتهاجروا فيها ...
Author: omer osman
Date: 05-30-2012, 07:27 PM
Parent: #21
Quote: السودان دا يا جنابو بس محتاج رجال ضكرانين ينسوا أنفسهم أولآ ، أي
يصلوا مرحلة نكران الذات "selflessness" ، رجال يحكمونا بالعدل ،
رجال زي والي القضارف الضكران داك، الشاتوهو في صمة خشمو في كلمة حق!!!!!
السودان بس محتاج لرجال يخافوا الله رب العالمين في سرهم وجهرهم، في
منامهم وصحوهم ، يخافوا الله رب العالمين فينا .. في شعبهم وأوطانهم. السودان
بدل يقفلوه بس محتاج "رجال صدقوا ما عاهدوا الله عليه" ..! ولا نطمع في أكثر من ذلك
بحلم مش؟!
يا جنابو ياخ حواء السودان دي واااالدة بس ساعدوا بالدفرة |
تعرفي ياهدير مرات كتيرة بقول التفكير في الهجرة والاغتراب ده تفكير اناني !!
لكن مرات اخري بغلب عليك صوت العقل وعامل السن وتقوم تمسك قوي في كلام
* العقيد شرطة معاش/عمر عفيفي (مصري الجنسية) صاحب كتاب (ثورة الشطرنج)
عندما قال :
Quote: الشعب (وهنا إستثنى فئة عمرية هي من هم فوق الأربعين ) ..
لأنه يعتقد أن الجيل الواحد يقوم بثورة واحدة فقط .. |
وبما انو انا فوق الاربعين وقمت بثورة من قبل (ابريل 86) اذن سقط عني التكليف
ولا املك الا ان ادعو معك | Quote: اللهم فرج كرب السودان وكرب أهله .. ياااا رب |
هرمنا ياهدير بالجد كده ......
__________________________________________
* العقيد عمر عفيفي القائد الحقيقي لثورات الشطرنج ..!
|
Post: #22
Title: Re: ألم تكن أرض الله واسعة فتهاجروا فيها ...
Author: Mohammed Elhaj
Date: 05-30-2012, 02:55 PM
Parent: #19
فتهاجروا دي اهم نقطة في الموضوع
العمر مش بعزأة يا عمر عثمان
|
Post: #23
Title: Re: ألم تكن أرض الله واسعة فتهاجروا فيها ...
Author: nazar hussien
Date: 05-30-2012, 03:32 PM
Parent: #22
والله دي مشكلة دي..
يعني تاني البقول لي رد الله غربتك أطير فيه جوز.
نحن نسوي شنو بس بالضبط ...نقعد بره لا متين؟؟
|
Post: #24
Title: Re: ألم تكن أرض الله واسعة فتهاجروا فيها ...
Author: khaleel
Date: 05-30-2012, 03:55 PM
Parent: #23
خلي الاقامات تفتح يا سعادتك للسودانيين
في قطر
عشان تجي تشجع الريان
برضو بلبس احمر
|
Post: #25
Title: Re: ألم تكن أرض الله واسعة فتهاجروا فيها ...
Author: الرفاعي عبدالعاطي حجر
Date: 05-30-2012, 04:29 PM
Parent: #24
يا قريبي
تحياتي ,,,
قضيت اجازة الان في نهاياتها وشاهدت الوقت الممحوق
وغربة الدار وسط الاصدقاء ورفاق الذاكرة ايام كانت
عموماص ما تعكسه لعلك الاكثر دراية به لكن الحياة
قاسية والحل في التغيير لنكون شركاء في هذا الوطن
الثورة الحقيقة وتغير شامل في المفاهيم والحياة هو
ما نحتاجه , كُن بالف خير وغداً افضل بلا شكـ .
............................................حجر.
|
Post: #31
Title: Re: ألم تكن أرض الله واسعة فتهاجروا فيها ...
Author: محمد الأمين موسى
Date: 05-30-2012, 07:16 PM
Parent: #25
السودان يتعامل مع أبنائه كالنفايات... يقذف بهم بعيدا، وعندما يستقبلهم من جديد على مضض فهو يستقبلهم بعد أن يتم تدويرهم فيستهلكهم من جديد ويدفنهم بعد أن يصبحوا نفايات خطرة... يضيق السودان بأهله في تحد صارخ لقوانين الجغرافيا والطبيعة: تنزل السماء عليه مدرارا فيجود على الناس بالعطش؛ ويرزق بالثمرات والأنعام لتعم المجاعة...
دعونا نبحث في التاريخ فلربما هناك من دعا على هذا البلد دعاء مستجابا.
|
Post: #38
Title: Re: ألم تكن أرض الله واسعة فتهاجروا فيها ...
Author: omer osman
Date: 05-30-2012, 07:46 PM
Parent: #31
Quote: السودان يتعامل مع أبنائه كالنفايات... يقذف بهم بعيدا، وعندما يستقبلهم من جديد على مضض فهو يستقبلهم بعد أن يتم تدويرهم فيستهلكهم من جديد ويدفنهم بعد أن يصبحوا نفايات خطرة... يضيق السودان بأهله في تحد صارخ لقوانين الجغرافيا والطبيعة: تنزل السماء عليه مدرارا فيجود على الناس بالعطش؛ ويرزق بالثمرات والأنعام لتعم المجاعة...
دعونا نبحث في التاريخ فلربما هناك من دعا على هذا البلد دعاء مستجابا. |
شكراً محمد الامين موسي .. 
| Quote: دعونا نبحث في التاريخ فلربما هناك من دعا على هذا البلد دعاء مستجابا. |
|
Post: #37
Title: Re: ألم تكن أرض الله واسعة فتهاجروا فيها ...
Author: omer osman
Date: 05-30-2012, 07:44 PM
Parent: #25
Quote: يا قريبي
تحياتي ,,,
قضيت اجازة الان في نهاياتها وشاهدت الوقت الممحوق
وغربة الدار وسط الاصدقاء ورفاق الذاكرة ايام كانت
عموماص ما تعكسه لعلك الاكثر دراية به لكن الحياة
قاسية والحل في التغيير لنكون شركاء في هذا الوطن
الثورة الحقيقة وتغير شامل في المفاهيم والحياة هو
ما نحتاجه , كُن بالف خير وغداً افضل بلا شكـ . |
او كما قال القدال :
تشوف الضلمة في الضحى والنَهار مخنوق ..
ولو غنيتِ والغُنا للسلام مخنوق ..
أعرفي إنك الزمن اللى جاي شروق .. وأعرفي إنك .. الزمن الحبيبوحنون
فيا الخرطوم .. عيون الحق ما بتنوم .. عيون الحق ما بتنوم
تحياتي ياقريبي ........
|
Post: #36
Title: Re: ألم تكن أرض الله واسعة فتهاجروا فيها ...
Author: omer osman
Date: 05-30-2012, 07:38 PM
Parent: #24
Quote: خلي الاقامات تفتح يا سعادتك للسودانيين
في قطر
عشان تجي تشجع الريان
برضو بلبس احمر |
خلي ياهندسة ....... احمر شنو !!! ياااخ الهلال زاتو ممكن اشجعو بس خارجونا من هنا
|
Post: #35
Title: Re: ألم تكن أرض الله واسعة فتهاجروا فيها ...
Author: omer osman
Date: 05-30-2012, 07:31 PM
Parent: #23
| Quote: نحن نسوي شنو بس بالضبط ...نقعد بره لا متين؟؟ |
لمتين يلازمك فى هواك مر الشجن ويطول بأيامك سهر ويطول عذاب .. غني وابكي بس يانزار
|
Post: #34
Title: Re: ألم تكن أرض الله واسعة فتهاجروا فيها ...
Author: omer osman
Date: 05-30-2012, 07:28 PM
Parent: #22
| Quote: العمر مش بعزأة يا عمر عثمان |
دي (حكمة اليوم) يامحمد الحاج .......
|
Post: #32
Title: Re: ألم تكن أرض الله واسعة فتهاجروا فيها ...
Author: omer osman
Date: 05-30-2012, 07:18 PM
Parent: #18
Quote: يا عمر دا اصدق تعبير للمرحله الوصلنا ليها دي !!
المفروض دا يكون مطلب الشعب الاول والاخير اذا ما خرج للتظاهر الماسلمي :( |
يادلال .. اهو انت اولتيها (اذا ما خرج) طيب لما يخرج نبقي نتفاهم
|
Post: #30
Title: Re: ألم تكن أرض الله واسعة فتهاجروا فيها ...
Author: omer osman
Date: 05-30-2012, 07:15 PM
Parent: #16
Quote: هكذا أدركتُ مَعني
أنْ يصيرَ القلبُ منفَى..
لاغترابٍ في وطَنْ |
شكراً الف شكر الطيب البرير هذا هو خير الكلام ماقل ودل ...
|
Post: #26
Title: Re: ألم تكن أرض الله واسعة فتهاجروا فيها ...
Author: omer osman
Date: 05-30-2012, 07:03 PM
Parent: #10
جفت الاقلام يامحمد .. لم يعد هناك حبر يراق ...
|
Post: #39
Title: Re: ألم تكن أرض الله واسعة فتهاجروا فيها ...
Author: tasneem
Date: 05-30-2012, 09:58 PM
Parent: #26
كدا وب وكدا وبيين!!!!!!!!!!
انا اليومين ديل خلاص زهجت من غربة بلد الخواجات دي ووصلت القمة
سفري للسودان في الايام الجاية دي احلم بيه كل يوم واعد الايام والساعات
الايام دي انا بسال نفسي كتير واقول الجابني البلد البائسة دي شنو كان قعدت في بلدي
ماكان احسن
تحياتي
|
Post: #40
Title: Re: ألم تكن أرض الله واسعة فتهاجروا فيها ...
Author: طارق الجبلابى
Date: 05-30-2012, 10:24 PM
Parent: #39
اخى عمر تحياتى
هذا ماقلته قبلا فى بوست آخر....
Quote: ان الوطن ليست ارض جرداء من البعد الانسانى..
هى مسارات ترتبط وثيقا...لا انفصام من تسخير الله..الارض وما حوته من نعمة للانسان...
ومفاهيم القيم من قبل الاديان وبعدها ما اتت الا لترسيخه فى ادراك
البشر..ليعى بدوره فى المهمة التى انزل لها من سماوات عليا..
الى ارض الابتلاء..والكدح والملاقاة..
انك كادح الى ربك كدحا...فملاقيه
لا احد يستطع ان يستقوى بالعزلة..
دون الحرية والاخاء والمساواة والتعاون والتكافل والتراحم
ان انتفت كل تلك..فما يتبقى الا.....
قول الرحمن...
الم تكن ارض الله واسعة...فتهاجروا فيها...إإإ
عندها...يختفى معنى الوطن فتصبح فى اضابير الورق والتاريخ
الارض ..
ان تجردها من الانسان تصبح مفردة هلامية لا توحى يشئ
ان غاب كل اهل العشيرة...والمعارف من ارض...
هل تبقى وطن ؟
ولتحتويك ارض...فيها قيم الفطرة الالهية..وماتواضع عليه
الناس....فهى الوطن. |
يا تسنيم ..سلامى
بعد ان تاتى عائدة....
سيكون لقولك هذ...معانى وقول آخر
ارجوك مدنا باى تغير فى الموقف
Quote: انا اليومين ديل خلاص زهجت من غربة بلد الخواجات دي ووصلت القمة
سفري للسودان في الايام الجاية دي احلم بيه كل يوم واعد الايام والساعات
الايام دي انا بسال نفسي كتير واقول الجابني البلد البائسة دي شنو كان قعدت في بلدي
ماكان احسن |
|
Post: #41
Title: Re: ألم تكن أرض الله واسعة فتهاجروا فيها ...
Author: Abureesh
Date: 05-30-2012, 11:26 PM
Parent: #40
سلام يا جنابو
الســودان ما الخرطوم.. كدى اطلع برة شوية أمش الجزيرة مدنى بورتسودان الأبيض، قبال تطلع برة
نقب عن الذهب، أزرع.. أسـرح..
|
Post: #42
Title: Re: ألم تكن أرض الله واسعة فتهاجروا فيها ...
Author: nazar hussien
Date: 06-01-2012, 04:13 AM
Parent: #41
لمتين يلازمك فى هواك مر الشجن ويطول بأيامك سهر ويطول عذاب .. غني وابكي بس يانزار
غنيت لا من فتر الغناء من غناي
والعود مدوزن بالصبر لو كان
بينطق قال كفاي.
_________________________________
أحسن نخليهم لي الليالي
ولي الزمن..
يمكن يحس ضميرهم
ويهديهم لي الصواب...
أو يتخارجو بي حساب...
وانا وانت وجموع الباكين والمغنين والمساكين والصابرين
نلقي حقنا في الدنيا دي قبال الآخرة....(قول يامين)
|
|