Post: #1
Title: أتعرفت عليها بطريقتي !؟؟عسسل عديل هي#
Author: زهير عثمان حمد
Date: 05-28-2012, 11:12 PM
Parent: #0
كنت راجع البيت من الخرطوم الساعه كانت سبعه المساء عايز أركب الهايس من ميدان جاكسون لأمدرمان طبعا أخوكم عيونو طويله جدا ونفسو صغيرة خالص وكان شاف حاجه جميله ما بيموت لو ما سجل لعبه حلوه لصالحو المهم المهم البت ترمي في النار جميله مستحميه مع قليل من المكياج مدهشه بمعايير الحاصل الليله في العاصمة القومية ( لمحه أنتقاد عابرة عندها شوية فوضي في الالوان يعني عايز مجهود عشان الذوق يكون مرادف للجمال حقها )
بالتأكيد أنتظرت أعين هي ح تركب لوين ولحسن حظي ركبت أمدرمان الموردة قمت طوالي ركبت جنبها وتعال يا لطف وظرف وبديت كلامي بجديه ( عايز أتعرف عليك والله أنا جادي وما كداب ومن قبيلة المثقفاتيه في البلد دي وأمكن الحلو يكون علي يدك وبيك ومعك وألله أنت صاروخ عابر للقارات ماح أقارن بينك والجماعة القدام بدون شك مافي أي مقارنه كان العيون أنت عيونك سوبر أستار وأوسع وأجمل من عيون المها كان الشافيف ديل ورق ورد عديل كدا دا ما غزال لكين واقع حال بيقول وبيعلن عن نفسو والقوام واوا أنا بيقت بيعيو من بيعوات أفريقيا يأخي أتحمليني شويه بالجد عايز أعبر عن أعجابي بيك وما تخافي مني والله دي بداية ألهام عشان أعمل قصيدة بالبحر الكامل بخلدك بيهافي عالم الجمال والجميلات ،نسيت أسالك أسم الرقيقة منو ؟
ما الصوت يدوب الحجر (يأخي أنت بتبالغ أنا عاديه جدا )
قلت يابت الناس عيوني بتشوف الجمال من أول نظرة وكمان متخصصه الوجوه الجميله و بنات بس كمان وغير الشوف ذواقه للجمال من الطراز الاول وأحب هواياتي مشاهدة مسابقات ملكات الجمال في القنوات العربية والاجنبيه يعني كونو ما أقدر أحدد سمات الجمال وأنت الروعة ذاتا دا ما واردأبدا كدي حسي قولي أسمك منو يا ستي ؟
أسمي أميرة
قلت وبأنفعال كدا أميرو الشويه دي أنت ملكه متوجه ليه نحن الظلم متفشي في بلدنا ونحن الحاجات كلها مابنسميها بأسماء المهم يا أميرة أنا العبد الفقير لربه أبو الزهراء حيرتك مش كدا
قالت ( والله لكين جريء بشكل )
قلت لا دي ماجرأة ولا حاجة من أهم أهتماماتي أتعرف بالناس الجميلين وهم قلل تعرفي عشان الحوار يستمر والتواصل يكون واقعي تعالي نقعد في أي محل لمدة عشرة دقايق ونتبادل كل وسائل الاتصال تلفون لفيس بوك وأسكايب ولماسنجر يا خي أنت ح تكوني سبب قوي أدخل عش الزوجيه قريب وأغير بيهو حياتي في أقرب فرصة ممكنه بالله ما تحرجيني بس تعالي والله أنا كسبت زوله فنانه
وفعلا جات معي وأمتد السمرلساعات لن أعلن أن الجميله لازالت معي أم أنصرفت لدواعي أمنيه
رأيكم شنو أخوكم رهيب مش كدا ؟!
* اللهم يسر لأبو الزهراء الزوجة الصالحة وأجعله من عبيدك الذين يقيمون الليل طماعا في غفرانك
أمين
0
|
Post: #2
Title: Re: أتعرفت عليها بطريقتي !؟؟عسسل عديل هي#
Author: محمد البشرى الخضر
Date: 05-28-2012, 11:34 PM
Parent: #1
| Quote: رأيكم شنو أخوكم رهيب مش كدا ؟! |
قصدك يا ابو الزهور أخوكم خياله رهيب
|
Post: #3
Title: Re: أتعرفت عليها بطريقتي !؟؟عسسل عديل هي#
Author: زهير عثمان حمد
Date: 05-28-2012, 11:46 PM
Parent: #2
ود البشري
أزيك
طبعا أنتو عايزين تفاصيل التفاصيل لكين موتوا بشوقكم (أيوة هي خيال محض ) عليكم جنس حسد يا ناس المهاجر والاغتراب دنيانا هي بقت أحلي بعد فسحة تجاوز قليل من مواد قانون النظام العام ؟؟!؟!؟!؟
ياصديقي متعك ربي بالعافيه
|
Post: #4
Title: Re: أتعرفت عليها بطريقتي !؟؟عسسل عديل هي#
Author: وضاحة
Date: 05-29-2012, 00:16 AM
Parent: #1
Quote:
وألله أنت صاروخ عابر للقارات |
قلت لى NATO عديييييييييل 
|
Post: #5
Title: Re: أتعرفت عليها بطريقتي !؟؟عسسل عديل هي#
Author: Ashraf el-Halabi
Date: 05-29-2012, 00:33 AM
Parent: #4
| Quote: أخوكم عيونو طويله جدا |
|
Post: #6
Title: Re: أتعرفت عليها بطريقتي !؟؟عسسل عديل هي#
Author: المسافر
Date: 05-29-2012, 04:51 AM
Parent: #5
أميرة
وفي توب الأمير
الله فوقها جات تقدل عصير
القدلة والتوب الحرير
زي زهرة تفرح بالعبير
الله فوقها جات تقدل عصير
أبو الزهور أبو العسل
افرحتنا ياخ
وطربت الأقلام منى
وأرواحنا شرعت في الغنا
ده موضوع يهم الشمس والقمر
|
Post: #8
Title: Re: أتعرفت عليها بطريقتي !؟؟عسسل عديل هي#
Author: زهير عثمان حمد
Date: 05-29-2012, 06:35 AM
Parent: #6
المسافر
تحياتي
ما في عصير بقدل المهم شكرا للمرور أنا ما عارف هببت شنو هنا
السماح والمعذرة
|
Post: #7
Title: Re: أتعرفت عليها بطريقتي !؟؟عسسل عديل هي#
Author: زهير عثمان حمد
Date: 05-29-2012, 06:31 AM
Parent: #4
وضاحه
تحياتي يا ست الناس دي كل الاحلاف العسكرية والاقتصادية حاجة تقطر جمال وأبتسام و روح مرحه وسماحه في الجو والبحر والبر بين الخلق الاجمعين ما في مثيل ليها
شكرا ليك
|
Post: #9
Title: Re: أتعرفت عليها بطريقتي !؟؟عسسل عديل هي#
Author: بشير حسـن بشـير
Date: 05-29-2012, 06:40 AM
Parent: #7
فرحت ليك من الاول بالجد وكنت بجهز فى نفسى للبيريك
لكن فجأه لقيته حلم من احلامك وخيالاتك
تحياتى ابو الزهور
|
Post: #11
Title: Re: أتعرفت عليها بطريقتي !؟؟عسسل عديل هي#
Author: Asim Fageary
Date: 05-29-2012, 06:47 AM
Parent: #9
أبو الزهور سلام
بالمناسبة سرحان الخيال دا إحتفظ بيهو لبعد الزواج
أكيد برضو حتحتاج ليهو
إنت زول عينك طايرة ودا ما عيب
99% من أخوانك عيونهم طايرة
بس يعني قصدي الحالة دي ما تعتبرها حنتهي بالزواج
إلا إذا وقعت ليك في حكومة تكون أخطر من الستالينية
وتخليك تمشي على الزيت وما تجلبغو
|
Post: #10
Title: Re: أتعرفت عليها بطريقتي !؟؟عسسل عديل هي#
Author: ود الباوقة
Date: 05-29-2012, 06:46 AM
Parent: #7
غايتو يا ابو الزور
لو ما اتزوجت لحدي غرة شعبان
معناها تجي تجاور بس
انا على ايجار الغرفة في المدينة المنورة
وانت عليك السندوتشات
وموية زمزم
|
Post: #16
Title: Re: أتعرفت عليها بطريقتي !؟؟عسسل عديل هي#
Author: وضاحة
Date: 05-29-2012, 12:27 PM
Parent: #10
Quote: غايتو يا ابو الزور
لو ما اتزوجت لحدي غرة شعبان
معناها تجي تجاور بس
انا على ايجار الغرفة في المدينة المنورة
وانت عليك السندوتشات
وموية زمزم |
بقً بقً
حرام عليك ياخى ابو الزوز دا انا حالفة اعرس ليه
كيا فى ناس المنتدى الحقارين ديل هههههههه
يا ابزوز خلاص هى وافقتك ؟؟؟
|
Post: #12
Title: Re: أتعرفت عليها بطريقتي !؟؟عسسل عديل هي#
Author: حمزاوي
Date: 05-29-2012, 07:14 AM
Parent: #7
| Quote: جميله مستحميه مع قليل من المكياج |
عرفت كيف انها مستحمية !!!!!!
| Quote: حاجة تقطر جمال وأبتسام و روح مرحه وسماحه في الجو والبحر والبر بين الخلق الاجمعين ما في مثيل ليها |
دي محسية عدييييل
حتى اسأل اخونا محمد الامين
|
Post: #13
Title: Re: أتعرفت عليها بطريقتي !؟؟عسسل عديل هي#
Author: Asim Fageary
Date: 05-29-2012, 07:34 AM
Parent: #12
Quote: دي محسية عدييييل
حتى اسأل اخونا محمد الامين |
يا حمزاوي
دا شنو البتعمل فيهو دا ؟
|
Post: #14
Title: Re: أتعرفت عليها بطريقتي !؟؟عسسل عديل هي#
Author: مناهل عبد الله مصطفي
Date: 05-29-2012, 07:53 AM
Parent: #13
والله يا أبو الزهور
في البداية تفاعلت مع القصة عادي
لانه عندي صديقتي اتزوجت بنفس طريقتك دي ....سبحانه الله
وهي في أمجاد كان قاعد جنبها شخص وحاول يتعرف عليها لكن صاحبتي كانت تقيله شويه ههههه
نزلت نزل بوراها واصر انه يتكلم معاها وقال ليها انا ركبته الامجاد دي عشانك
وبصراحه شايف فيك فتاة احلامي وانا جادي جدا
وبس عايز اتعرف عليك وتتعرفي علي واصل بيتكم
وقد كان
وهسه هي من اسعد صديقاتي عندها البنات والبنون وحياتم جميله جدا
يعني خيالك ممكن يكون حقيقه عادي هههه
بس انت بيض النية ههه
|
Post: #15
Title: Re: أتعرفت عليها بطريقتي !؟؟عسسل عديل هي#
Author: مزمل خيرى
Date: 05-29-2012, 10:29 AM
Parent: #14
يا ابو الزهراء ياخ الله يرضى عليك بوستات الليل دى قلنا ليك قلل منها ياخ 
|
Post: #17
Title: Re: أتعرفت عليها بطريقتي !؟؟عسسل عديل هي#
Author: قيقراوي
Date: 05-29-2012, 01:44 PM
Parent: #15
والله يا ابو الزهراء البركة الاميرة دي طلعت حدها مملكة ام درمان بس
بي طريقتك دي يوم بتلقى نفسك في الواغ الواغ ..
سمعنا قالوا بناتا بستحموا مرتين في اليوم
Quote:
وبديت كلامي بجديه ( عايز أتعرف عليك والله أنا جادي وما كداب ومن قبيلة المثقفاتيه في البلد دي وأمكن الحلو يكون علي يدك وبيك ومعك وألله أنت صاروخ عابر للقارات ماح أقارن بينك والجماعة القدام بدون شك مافي أي مقارنه كان العيون أنت عيونك سوبر أستار وأوسع وأجمل من عيون المها كان الشافيف ديل ورق ورد عديل كدا دا ما غزال لكين واقع حال بيقول وبيعلن عن نفسو والقوام واوا أنا بيقت بيعيو من بيعوات أفريقيا يأخي أتحمليني شويه بالجد عايز أعبر عن أعجابي بيك وما تخافي مني والله دي بداية ألهام عشان أعمل قصيدة بالبحر الكامل بخلدك بيهافي عالم الجمال والجميلات ،نسيت أسالك أسم الرقيقة منو ؟
|
الحنك ما عندك لكن!
لكن صراحة فيو حبة shallowness
شنو يا معلم تعلن عن انتماءك القبلي (المسغفاتية) .. وهي مدغمس ليها الحسي مع المعنوي!؟
اخلاق وشفايف .. وذوق، وعيون .. وأدب وبتستحمى كمان!
وعييييييييييك!
ركز يا عمك .. ركز!!
-----
في البد عندنا .. في الضهاري هنااااك
واحد عمل زي عملتك دي .. وقطر البت لي ي ي ي البيت
واتقدم ليها.. وطلب يدها
سألوهو: شفتها وين انت؟
قال: شفت جايية من المدرسة
انقرى ادوهو!؟
رفضوهو .. وطلعوا البت من المدرسة
والله صحي
حاكم هناك عندنا احكم زول هو البصيرة ام حمد
|
Post: #18
Title: Re: أتعرفت عليها بطريقتي !؟؟عسسل عديل هي#
Author: رانيه محمد الشيخ
Date: 05-29-2012, 02:13 PM
Parent: #17
غايتو انت العسل ماهى
ههههههههههههههههههههههههههههههه
لكن لنصيحه انتظر الشتى يجى وشوف صاروخك دا اصلى ولا السخانه كانت مأثره عليك
:))))))))))))))))))))))))))))))))))))))
ياخى انا بقيت اشوف الناس عشره عشره
والقصير طويل
والمنكوش مسرح
دى سخانه بسهوله ممكن تهلوس بيك كده
:))))))))))))))))))))))))
|
Post: #19
Title: Re: أتعرفت عليها بطريقتي !؟؟عسسل عديل هي#
Author: تبارك شيخ الدين جبريل
Date: 05-29-2012, 04:41 PM
Parent: #18
| Quote: لكن لنصيحه انتظر الشتى يجى وشوف صاروخك دا اصلى ولا السخانه كانت مأثره عليك |
ههههههههههههههههههههه ...
أول مرة اشوف ليّ ساروخ ريحتو صابون فنيــك ... ههههههههههه .... وضارباهو سخانة في الاخلاق ...
.... المهم ....
|
Post: #20
Title: Re: أتعرفت عليها بطريقتي !؟؟عسسل عديل هي#
Author: ALZOLZATOO
Date: 05-29-2012, 05:09 PM
Parent: #19
يا ابو الزهور
لكن مالقيتك ابو سريع دي حالته هايس من الخرطوم للموردة بس يعني لو ركبت باصات بورتسودان عادي الركاب ممكن يحضروا السماية لوووولز
ان شاء الله تلاقي فيها نصك
تحياتي
زاتوووو
|
Post: #21
Title: Re: أتعرفت عليها بطريقتي !؟؟عسسل عديل هي#
Author: زهير عثمان حمد
Date: 05-29-2012, 10:35 PM
Parent: #20
الاحباب
تحياتي
طبعا جماعتي ديل عارف أنا حتي الخيال حقي عندهم فيهو كلام المهم أنشالله ما أكون نفسي صغيرة لدرجة الشحده نهار جهرا وبعدين ما في أي ضحاله ياقيقاوزولتي كان عطرها هو سبب أني ماشي وفاقد الدليل
أنا شاكر لكل الذين مروا من هنا لكم خالص المودة وعميق الاعتذار لو في كلمة جرحت الحياء العام أو كانت خارج السياق الانساني
والله بكرة أحلي ياناس والسودانية أجمل نساء الارض دا ما الحرمان لكين عن أيمان عميق وتجربة
ربي يسر لي أمري
دمتم
|
Post: #22
Title: Re: أتعرفت عليها بطريقتي !؟؟عسسل عديل هي#
Author: ست البنات
Date: 05-29-2012, 11:30 PM
Parent: #21
سلام يا أهل البندر,
فى الجو الامنى المتشدد , والساحات الهجليجية الحشراتية,
وقانون النهى عن المنكر,
والعسل مدفق فى الشوارع والمشروع الحضارى يتمخطر,
ورئسنا يتضرع فى اسمرأ كدارى ,
بالمناسبة خلى القعد يكون فى برى(ب مضمومة , ر عليها شدة , ياء معرجة ),
ومبروك وربنا يتمم على خير.
ست البنات.
|
Post: #23
Title: Re: أتعرفت عليها بطريقتي !؟؟عسسل عديل هي#
Author: زهير عثمان حمد
Date: 05-29-2012, 11:42 PM
Parent: #22
الاخت ست البنات
تحياتي كيفك والرياض شكرا علي المرور لكين مبروك علي شنو ما فهمت
|
Post: #24
Title: Re: أتعرفت عليها بطريقتي !؟؟عسسل عديل هي#
Author: تبارك شيخ الدين جبريل
Date: 05-29-2012, 11:53 PM
Parent: #23
يا ابو الزهراء انت زعلت ولاّ شنو ... مش انت قلت ساروخ؟ بعدين قلت "مستحمية"؟ انا افهم شنو؟
بعدين انا في جماعة زنقوني ... وقلت ليهم انا كنت راكب الهايس بتاعة امدرمان بالموردة مع ابو الزهراء ... داير تطلعني خيالي واسع انا برضو ... انت في الهايس براك تسرح وتمرح وتسبح في الفنيـك المعطر ... وسايبنا لى ذئاب البورد ينهشوا في لحم الولايا ...
الشاعر قال:
تموت الأسد في الغابات جوعًا * ولحم الضأن تأكله الـكـلاب ...
وانشالله الجكس ما ينفعك قول يامين ...
.... المهم ...
|
Post: #25
Title: Re: أتعرفت عليها بطريقتي !؟؟عسسل عديل هي#
Author: ست البنات
Date: 05-29-2012, 11:59 PM
Parent: #24
الأخ زهير سلام,
مبروك على خيالك الخصب,
والحكى السلس.
وانا فى مكة .
ست البنات.
|
Post: #26
Title: Re: أتعرفت عليها بطريقتي !؟؟عسسل عديل هي#
Author: قيقراوي
Date: 05-30-2012, 08:36 AM
Parent: #25
Quote:
وبعدين ما في أي ضحاله ياقيقاوزولتي كان عطرها هو سبب أني ماشي وفاقد الدليل
|
متعطرة بي (الساروخ) الزمان داك اخو (سواردي باريس)!؟
وفقدتك الدليل!؟
يازول انت مالو دليلك دا متحيل كدي!؟
-------
ابدا يا ابو الزهور يا حبيب ألبي ياخ ما قصدت انك (صطحي) ..
بل قصدت الاحالة الى Shallow Hal الفلم
روعة و عميغ جدا بالمناسبة.
(هال) في الآخر تعلم انو يشوف الجمال الداخلي الكامن في الناس، الخارجي دا الى زوال يا حبيب
|
Post: #27
Title: Re: أتعرفت عليها بطريقتي !؟؟عسسل عديل هي#
Author: قيقراوي
Date: 05-30-2012, 03:34 PM
Parent: #26
------
كانت متعطرة بـ(مساء باريس) دا يا ابو الزوز؟
ول ما كانت شايلة الفتيل و الكرتونة معاها!؟
|
|