فى ذكرى الناظر محمد صديق طلحه ...

دعوة للتوثيق ...

برق الخريف ما رف
وأنكتح السحاب شايلو الهواء البنزف
يا حليلو الكريم اللينا باسط الكف
أبو الصديق رحل
********************
يوم جاني الخبر ود عيني قطر تف
زي وابل المطور فوق الصدر هتف
كان حازم القبيلة وحبلو ما أتنتف
كان حافظ كيانو وما مرق ختف
كم حلحل دريك من بعد ما تكتف
*******************
الماهو داب روحو
من فقدوا القلب متشبكة جروحو
يا حليلو البعيش الدايحة في سوحو
والموت من بدا الخربانة دي سروحو
البقاء لله يا بطاحينو لا تنوحوا
********************
أزرق ود عظام ناس طلحة يا حليلو
يبكيهو الهواد يوم أنقرن سيلو
يا حليلو الكريم الحقو ساخليو
الليلة القلب بلحيل مشاشيلو
زرف يا دمع بل الجفن كيلو
******************
صاهبابي ورحل حزنا بالفرقة
خلا العين تقطر والقلوب حرقة
دفاع الطويلة الزيمتو ما سرقة
كم قدر ضيوف بالشقراء والبرقاء
فهاق للردوف أم كبدةً زرقاء

ات رحعتنا قبل انبطاح البطاحين
اول حاجه داير اقولا فى اللزرق
لا حاسب بنوك ولا ركب موديل
الى ان وافته المنيه وبرجع لان المقام يستاهل المعاقبه

حباب ودالمحرب ...حبابك ..

البطاحين امة ..والامة لاتنبطح ولاتنكسر ...
دع عنك هذا الغضب وتعال وثق لجدك الناظر
...ادينا العندك ...ودع للسياسة مجالسها ..

حبابك معقبا مرات اخر.