Post: #1 Title: متى يتعلم هؤلاء ادب الاستقاله Author: حسين عوضاى Date: 05-22-2012, 09:39 AM Parent: #0
استقيل يا ثقيل
Post: #2 Title: Re: متى يتعلم هؤلاء ادب الاستقاله Author: حسين عوضاى Date: 05-22-2012, 09:47 AM
تانى تانى برضو يا دفاعنا الجوي ..
طائرات تدخل المجال الجوي السوداني وتضرب مواطنين ولا سياره ولا ( وات ايفر ) ولا يتم قذفها ...
اي كرامه بعد هذا ...
لو ما قادرين على البلد وحمايتها اتفكفكوا نحن ابناء الشرق وقادرين على حمايته .....
ياخى والله ده منتهى الخيبنه
Post: #3 Title: Re: متى يتعلم هؤلاء ادب الاستقاله Author: حسين عوضاى Date: 05-22-2012, 09:56 AM Parent: #2
حسبنا الله ونعم الوكيل ... حسبنا الله ونعم الوكيل
Post: #4 Title: Re: متى يتعلم هؤلاء ادب الاستقاله Author: حسين عوضاى Date: 05-22-2012, 10:03 AM Parent: #3
تم قصف عربه بحى ترانسيت ببورتسودان وهو عند مدخل المدينه بجوار مبنى الجوازات وتم حرق السياره بمن فيها ...
الجدير بالذكر ان هذه المنطقه لا تبعد سوى بضعه كيلومترات من الدفاعات الجويه لمصفاة بورتسودان ....
تانى فى قول بعد ده يا وزير الدفاع واركان جربك الميامين
Post: #5 Title: Re: متى يتعلم هؤلاء ادب الاستقاله Author: Hisham Ibrahim Date: 05-22-2012, 10:12 AM Parent: #4
الدفاع الجوي دا يا اخوي لحماية الجبهه الداخليه بس وتكملة الصوره ..ّ
ما تسالني تقول لي والجبهه الخارجية علي منو ..؟
على الله الخلقنا
ووزير الدفاع لهـــرد الفـشـفاش السوداني الصابر عليه وعليهم ...
عليكم بالدعاء دا ترا ياهو الدفاع الجوي البنعرفو ليكم بس ..!
رحمة الله علينا جميعاً مقدماً ...
Post: #11 Title: Re: متى يتعلم هؤلاء ادب الاستقاله Author: حسين عوضاى Date: 05-22-2012, 02:02 PM Parent: #5
والمؤسف يا هشام انو الحادث ده وقع امام الكليه الجويه والطيارات دى كانت عامله لينا وجع اضان بازيز محركاتها ...
والسيد الرئيس وعد وتوعد بقطع يد كل من يمد يده للسودان بضر ..
وفى انتظار قراره باحالة وزير دفاعه الذى لايفقه عن الدفاع سوي لبس الانواط وبناء العمارات
Post: #6 Title: Re: متى يتعلم هؤلاء ادب الاستقاله Author: البشير دفع الله Date: 05-22-2012, 10:16 AM Parent: #4
Quote: تانى فى قول بعد ده يا وزير الدفاع واركان جربك الميامين
هذه ليست الحادثة الأولى ولن تكون الأخيرة
وقبلها حالات كثر تستدعي الاستقالة أو الاقالة
ويبدو أن الرجل مسنود سندة تمام
وماسك في الكرسي بيديه ورجليه
الله يكون في العون
تحياتي وتقديري حسين عوضاي
Post: #12 Title: Re: متى يتعلم هؤلاء ادب الاستقاله Author: حسين عوضاى Date: 05-22-2012, 11:20 PM Parent: #6
Quote: هذه ليست الحادثة الأولى ولن تكون الأخيرة
وقبلها حالات كثر تستدعي الاستقالة أو الاقالة
ويبدو أن الرجل مسنود سندة تمام
والله يا بشير ده امر عجيب بتاع مصر داك كان مشغول مع برلنتى عبدالحميد لمن لحقوا ليهو المطار امات طه ده مشغول بى شنو ياربى لمن عايز يلحس لينا بلدياتنا فى تعليق ظريف قريتو فى بوست من البوستات قالوا ورد على لسان الاهطل ده مع قناة الجزيره عقب قصف السياره السوناتا سالوهو بتنوم قرير العين رد الاهطل بتاعنا ده قال بنوم لانو شايف شغلى تمام ... وينو عمارك يا اهطل اتفكفك ياخ انت خصمآ على كل الضباط وخصمآ على الكليه الحربيه مصنع الرجال وعرين الابطال ... انتا شنو صنم ولا منيكان ياخ لا بتحس لا بتشعر لا بتستحى استقيل ياخ الله يقلعك الليله قبل بكره
Post: #7 Title: Re: متى يتعلم هؤلاء ادب الاستقاله Author: ادم شحوتاي Date: 05-22-2012, 10:20 AM Parent: #4
شيء محزن أن تضرب للمرة الألف ولا تعلم بأي نوع من الأسحلة ضربت .. بلد في السهلة وعزاؤنا هي لله يا حسين ..
Post: #8 Title: Re: متى يتعلم هؤلاء ادب الاستقاله Author: حسين عوضاى Date: 05-22-2012, 10:31 AM Parent: #7
ليعرف المؤتمر الوطني ان الشعب لا عاد ان يتحمل استفزازات نافع على نافع وسوء عبدالرحيم محمد حسين فهما من سيعحلان بهذه الحكومه اذا استمرأ الاول استفزازه والثانى اذا بقى على هذا الكرسي الذى لم ولن يقدم له بل سيكون خصمآ على هيبة هذا الكرسي الذي به يتشدق ....
للمره التلاته تهؤ كرامتنا ... والادهى والامر ان منطقة القصف الاول على مشارف بورتسودان لا يبعد عن القصف الثاني سوى حوالى خمسة كيلومتر .. الناس دى ما بتتعلم من اخطاءها ولا القصه شنو استهتار ام ضعف ام عدم مسئوليه
Post: #9 Title: Re: متى يتعلم هؤلاء ادب الاستقاله Author: بشير حسـن بشـير Date: 05-22-2012, 11:10 AM Parent: #8
تحياتى عوضاى
ياخى المرات الفاتت كلها ضربوها بالليل ضربة اليوم للبرادو كانت بالنهار
هنا تكمن المفاجاة
لو كنت فى مكان وزير الدفاع لانتحرت
Post: #10 Title: Re: متى يتعلم هؤلاء ادب الاستقاله Author: حسين عوضاى Date: 05-22-2012, 12:50 PM Parent: #9
Quote: لو كنت فى مكان وزير الدفاع لانتحرت
هو كان عندو رجالة الانتحار ده ما كان حالو يا بشير اخوي عاد ربنا ابتلانا بى هرطقتو ودرشوتو وبلادتو اللقاء البثاهو احمد البلال الطيب معاهو اكبر دليل على انو الزول ده اضان قفه ساااي الله يخارج الجيش منو ياااخ ....
يلا اتفكفوا يا اخوانا بعد ده زاااتو لو صبرنا عليكم يبقى نحن بنخون البلد .... وطن غير جديرين بحمايته لا تستحقون حكمه .....
زمان اختلافنا معاكم من احل السودان واتفقنا معاكم من اجل السودان وكرامة السودان بس اثبتوا انكم غير مؤهلين لحماية السودان ..
تلاته غارات تلاته غارات ولسا وزير الدفاع بيجعجع انتو الجيش ده مافيهو رجال ...
Post: #13 Title: Re: متى يتعلم هؤلاء ادب الاستقاله Author: حسين عوضاى Date: 05-23-2012, 02:30 PM Parent: #7
عمدتنا شحوتاي تحايا تليق
ياخى البشر ده شنو العملوا للجيش غير العمارات السوامق
يا اهطل ده جبش عده وعتاد مش عمارات وقزاز وابواب اتوماتيك ....
يا اخوانا البلد دى ما عندها اى وجيع والله .. اول قرار كان المفروض يطلع اقالة هذا البائس وبعد داك يشوفوا التحقيق
يا ريس ما تصحى يااااخ انتا الزول ده قارى فيك يس ما تفكنا منو الله يفك البلد منكم ...
حيرتونا والله معارضه اتعس من الحكومه وحكومه اخيب من المعارضه دى بلد شنو دى ياخ ...
وقسمآ بالله مش تتحلف وتنطط تانى كان بلعتا المصحف مافى زول ح يصدقك اقعد بارى لى ناس نافع وخائب الرحاء عبدالرحيم لمن البلد تضيع ضيعتا الجنوب عايز تضيع الشرق .. اتفكفكوا ياخ الله رحمكم لا دنيا ولا اخره ...
قيل البشر ده ياخ رد لى للجيش هيبته وللبلد كرامتها
Post: #14 Title: Re: متى يتعلم هؤلاء ادب الاستقاله Author: حسين عوضاى Date: 05-23-2012, 02:53 PM Parent: #13
يوتيب من بوست الزميل بله موسى
ياخى ده كلام ما قادر يتكلم وزارة شنو البيديرا ...
هههههههههههه ....ليلا ودون اضاءه الحكايه تمت الساعه 8 وتخيل انك فى بورتسودان ووقت صلاة العشاء ...
علاقة الكلام ده بالمضادات شنو يعنى العساكر حارقين خدمه كانوا بيصلوا ولا الفهم شنو والانوار طافيه ... طيب معناها الرادار ده عاملنو مرجيحه ولا شنو
يعنى بيلف فى الفاضى ساااااااااااي .... ههههههههههههه ياخى شر البليه ما يضحك ....