هل اعلن المكاشفية الحرب علي اهالي بيت المال العزل؟

هل الخبر صحيح شيوخ المكاشفية يعلنون مساندتهم لشيخ الامين ضد اهالي بيت المال العزل؟

لاجل من قامت خلوة بيت المال؟

الم يوصي الرسول عليه الصلاة والسلام بالجار وقال مازال جبريل يوصني بالجار حتي ظنتت انه سيورثه

جيران الزاوية اهالي بيت المال وليست القادمون من مناطق اخري

حيران شيخ الامين المتابعين انقلوا حديثي لشيخ الامين لاني اتصلت بالمشائخ الذين وعدوني خيرا بان المشكلة اتحلت وانتهت الا ان بوادر الحرب

فب الافق القريب قد بانت

رسالتي لك شيخ الامين عبر النت ويشهد الله لو وجدت طريقا اخر لسلكته ولكن اتصلت يوم السبت الواقع يوم 5 شهر 5 قبل 13 يوميا في المنارة وكان
الاخوة في اربعينة الشيخ عبدالله العجوز وتحدثت اليهم وبشروني بنهاية المشكلة واستعدادكم للجلوس مع جيرانك اهل بيت المال

اكتب اليك حتي اكد خوتي لشيخكم عبدالله ود العجوز انها في الله عندما اقسم لي بجلال الله اذا زرته في المنارة يغنيني دنيا واخرة فلت له بالحرف الواحد

الدنيا ليس لي فيها سبيل فالخزنة التي تركها لي جدي لم تكمل بعد اما خوتي معك في الله من كل مكان قائمة

قال الله تعالى : ( وَاعْبُدُوا اللَّهَ وَلا تُشْرِكُوا بِهِ شَيْئاً وَبِالْوَالِدَيْنِ إِحْسَاناً وَبِذِي الْقُرْبَى وَالْيَتَامَى وَالْمَسَاكِينِ وَالْجَارِ ذِي الْقُرْبَى وَالْجَارِ الْجُنُبِ وَالصَّاحِبِ بِالْجَنْبِ وَابْنِ السَّبِيلِ وَمَا مَلَكَتْ أَيْمَانُكُمْ ) [النساء: 36] .
1/303 ـ وعن ابن عمر وعائشة رضي الله عنهما قالا : قال رسول الله صلى الله عليه وسلم (( ما زال جبريل يوصيني بالجار حتى ظننت أنه سيورثه )) متفق عليه (126) .
2/304 ـ وعن أبي ذر رضي الله عنه قال : قال رسول الله صلى الله عليه وسلم : (( يا أبا ذر ، إذا طبخت مرقة ؛ فاكثر ماءها وتعاهد جيرانك )) رواه مسلم (127) .
وفي رواية له عن أبي ذر قال : إن خليلي صلى الله عليه وسلم أوصاني : (( إذا طبخت مرقاً فأكثر ماءه ، ثم انظر أهل بيت من جيرانك ، فأصبهم منها بمعروفٍ )) (128) .
3/305 ـ وعن أبي هريرة رضي اله عنه أن النبي صلى الله عليه وسلم قال : (( والله لا يؤمن ، والله لا يؤمن ، والله لا يؤمن )) ! قيل : من يا رسول الله ؟ قال : (( الذي لا يأمن جاره بوائقه !)) متفق عليه (129) .
وفي رواية لمسلم : (( لا يدخل الجنة من لا يأمن جاره بوائقه ))

سيدي شيخ الامين

امرق لي جيرانك دون جبروت السلطان .لا تدحل الامن والبوليس وقطاع الطرق لي جيرانك واهلك

من بين حيرانك من يعمل داخل جهاز الامن والبوليس والجيش انهم يتعاملون بوحشية

من حيرانك من يكاتب بنات جيرانك بفاحش القول ويهددهن ويتوعدهن بالاغتصاب

اسمع حديثي هذا عديل وياريت اعرف تلفونك واتم ليك الباقي واديك المكان والزمان للرسائل

سمح البناصحك وانت وحيد وسمح البواصلك وانت بعيد

كعب البسولب للضعيف ويحقرو

اسمعني ياشيخ الامين الدنيا عندك وحيرانك في اي مكان بصلوك
لكن جيرانك صابهم الضر منك ومن الطريق هل تحول الطريق من الارشاد للضرر

اشهر صوفي اسلامي علي الاطلاق عبر كل العصور الاسلامية هو ابو عبدالله الحسين بن منصور (الحلاج).....ومأساته ومقتله تزخر بها كتب سيرة المتصوفة....كانو الناس ما بيفهمو نضمو....والبيحاولو يفهموهو قاعدين يفسروهو لعامة الناس انو نضم اعوج....والزول دا مجنون....وكافر وقال انو هو الله.. قالو لما كان دايرين يعدموهو جلدوهو باللوال الف سوط وبعدين قطعو ايديهو وتاني قطعو كرعيهو حتين قطعو راسو...وحرقو جتتو ورموها في نهر دجلة...كان مع كل سوط يضربوهو ليهو بيقول(حسب الواجد تفرد الواحد له)....الجملة دي ممكن تتفهم بطرق كتيييييرة....واهمها فسرها المفسرون انو الواجد هنا ما قاصد بيها ربنا سبحانه وتعالى....قاصد بيها نفسو(الحلاج)...انو هو الذي بلغ به الوجد والعشق للذات الالهية ....مشكلة الحلاج انو ما بيقول النضم عديل كدي...يرمي الكلام ويخلي خلق الله تفسر زي ماها دايرة...ودا الورطو ووداهو في ستين داهية...قالو لما عرف انهم نوو عليهو ودايرين يقتلوهو....كان بيدعو ربنا يسهل لهم قتلو...لانهم دايرين يقتلوهو عشان يرضو ربنا ويتقربو ليهو...و هو مرضاة الله دي ما عندو فيها اي نضم حتى لو كانت عن طريق قتلو......بالله عاينو النضم دا؟.....ما داعاهم ولا قال يا ربنا توريني فيهم وان قتلوني تصبحهم عدمانين نفاخ النار....... قال لو لو هم دايرين يتقربو منك بي قتلي سهلهم قتلي....الصوفية الله ولا شي غير الله...وكل ما يفعلوهو ويقولوهو عشان يوصلهم لي الله...كنت قايل(راجل بيت المال).. زي راجل الزريبة .... زي راجل كدباس... زي راجل ام مرحي.... سمعت بيهو ....والجدل الحولو....قلت يمكن يكون اضاف فكر جديد للتصوف....ومدرسة جديدة وطريقة جديدة.. وفكر جديد... حضرتو مرة في التلفزيون .... في حلقة ليهو ولي حيرانو.... كانت بكل صراحة الحلقة عبارة عن تهريج....والمذيع شابكو ابوي الشيخ ابوي الشيخ.... ما لقيت اي فكر جديد.... الجديد انو الحيران والحيرانات ... مرطبين ...وتبدو عليهم اثار النعمة....والحيرانات ممتمكيجات ولو جيت في نص الحلقة كنت افتكرتو دا برنامج افراح افراح....قلت اسمع نضمو ،في نضمو قال القصيدة بتاعت بانت سعاد قالها حسان بن ثابت... والقصيدة هي لكعب بن زهير....صراحة قنعت من زولي ظاهر وباطن. لكن تاني نعلت ابليس وقلت يمكن الزول دا غرقان !!!.....ومؤخرا سمعت بي شبكتو مع ناس بيت المال...وحضرت حوارو عنها في التلفزيون وتوقعت نضم شيخ متصوف لطيف ما همو الا مرضاة الله.....نضم ونضم وفي نص نضمو قال(طبعا معروف عن ولاد امدرمان انهم ما بيرضو الحقارة) جملة ثأرية تحريضية ما تشبه الصوفية، في تلك اللحظة حسيت انو شيخ عصابة ....كان يحاول ان يسيس المشكلة ودخّل فيها هجليج..يحاول ان يتقرب و يحرض الدولة على خصومه.والله ما رضيتها منو وهو زول متصوف........رابعة العدوية كان همها ربنا بس، قالت:-

وليت الذي بيني وبينك عامر

و بيني وبين العالمين خراب

لكن راجل بيت المال حسيت انو همو الدنيا ......وقرب يقول:-

وليت الذي بيني وبين الحكومة عامر

وبيني وبين "ناس بيت المال" خراب

قفل الباب:-

وَإِنّي لَأَعشَقُ مِن عِشقِكُم

نُحولي وَكُلَّ اِمرِئٍ ناحِلِ

وَلَو زُلتُمُ ثُمَّ لَم أَبكِكُم

بَكَيتُ عَلى حُبِّيَ الزائِلِ


DR:ADEL ELSADIG ELMEKKI