Post: #1
Title: نعيب حكومتنا وأيضا العيب فينا (يوجد حزن يا جوازات بحرى)
Author: محمد النيل
Date: 05-17-2012, 03:03 AM
هل تستطيعوا ان تتخيلوا الزحمة التى سببها موضوع الرقم الوطنى؟؟
الرقم الوطنى اول ما طلع ما كان فى زول شغال بيه
ولما بدأ يرتبط بكثير من التعاملات بدأ يتحرك كل الناس
من جميع الاعمار
وهناك شريحة اجبرت للخروج كانت متكأة تحت ظلال عجزها لكبر سنها
ليس عامل العمر فحسب بل هناك من جمع بين العمر وبين ان يكون معوقا
...
زحمة زحمة إنعدمت فيها الرحمة
المحزن فى الامر ان الصالة مزدحمة يجلس الشباب الصغار فى الكراسى و الاقوياء
والاعمى والشايل المكسر من كبار السن واقفين على حيلهم فيهم من يمشى على ثلاث وعكاكيز وعصى لا يستطيع الوقوف
مرة يجلس ومرة ينحنح
وهناك الاعمى تخيلوا العميان يتشبثون باكتاف وايادى زويهم
والشباب كأن الامر لا يعنيهم
مناظر تحنن وتثير الحزن
اين عاداتنا
اين تقديرنا لكبار السن
اين مشروع التأصيل الحضارى؟؟
أين حديث الرسول ص
ليس منا من لم يرحم صغيرنا ، ويعرف حق كبيرنا " ؟؟؟؟
كنت اتوقع فى برنامج المشروع الحضارى
ان تكون هناك قوانين مستوحاة من ديننا
او حتى من قوانين العرف الدولى
مراعاة حق المعوقين والعجزة اصبح امرا مسلما دوليا
ياخى كبار السن ديل فى اى مكان عندهم حق
هذه الظاهرة الجميلة توجد اكثرها فى بلاد غير المسلمين
هذه الاشياء اصبحت من ابجديات الحضارة والمدنية
ناهيك ان ديننا امرنا بها قبل 1400 سنة
...
يا هو دا السودان ؟؟؟؟
لماذا اجبر العجزة وكبار السن للخروج من قواعدهم ؟؟
لانو اى حاجة قعد تبقى بالرقم الوطنى
بعد شويتين القحة ذاتها ح لازم يكون عندك رقم الجن دا
....
ليه ننتظر الحكومة تعالج لينا الحتة دى ؟؟
قبلما نعيبها يجب ان نلوم نفسنا فى حاجات كتيييييييييييييييييييييييرة
لانو كدا ح ينطبق علينا برضو حديث : كما تكونوا يولى عليكم
يجب ان نكون كويسين عشان ربنا يولى علينا الكويسين
ليه نحنا ما نعمل الحاجات الكويسة برانا قبلما تفرض علينا بالقانون ؟؟
ويا حكومة عليكى الله ياخى امشى للناس الكبار ديل فى بيوتهم
وإنتى زاتك مصرة على الرقم الوطنى دا زاتو ليه ؟؟
وإنتوا يا شباب الزمن دا إنتوا والله غريبين
عليكم الله حبة رحمة!
|
Post: #2
Title: Re: نعيب حكومتنا وأيضا العيب فينا (يوجد حزن يا جوازات بحرى)
Author: سيف اليزل برعي البدوي
Date: 05-17-2012, 12:50 PM
Parent: #1
Quote: وإنتوا يا شباب الزمن دا إنتوا والله غريبين
عليكم الله حبة رحمة! |
|
Post: #3
Title: Re: نعيب حكومتنا وأيضا العيب فينا (يوجد حزن يا جوازات بحرى)
Author: الشفيع وراق عبد الرحمن
Date: 05-17-2012, 01:10 PM
Parent: #2
| Quote: ويا حكومة عليكى الله ياخى امشى للناس الكبار ديل فى بيوتهم |
اصيل والله يا ود النيل
على الاقل في كل مركز يتم تخصيص مكان خاص لهم
شاهدت بعيني التزاحم من كبار السن مع الشباب والشابات في مركز بامبدة
وبعد زيارتين يئست من استخراجه وتركته
|
Post: #4
Title: Re: نعيب حكومتنا وأيضا العيب فينا (يوجد حزن يا جوازات بحرى)
Author: tasneem
Date: 05-17-2012, 06:03 PM
Parent: #3
يا شباب نورونا ما فائدة الرقم الوطني؟
وهل استخراج الجنسية والجواز مربوط بالرغم الوطني؟
ماهو بداية العمر لاستخراج هذا الرقم؟
وهل يستخرج الرقم والجواز الجديد في المدن الكبيرة في الاقاليم ام محصور في العاصمة المثلثة فقط ؟
تحياتي
|
Post: #5
Title: Re: نعيب حكومتنا وأيضا العيب فينا (يوجد حزن يا جوازات بحرى)
Author: Hani Arabi Mohamed
Date: 05-17-2012, 06:21 PM
Parent: #4
ابتداء من يوم 13-5-2012 تم ربط جميع معاملات الهجرة والسجل المدني بوجود شهادة قيد مدني.
وهو ما أدى إلى هذا التدافع.
حتى لو كان لديك الجواز المكتوب باليد (الأخضر) وأردت القيام بأي إجراء له (تجديد، تعديل، تأشيرة، إضافة، حذف ....) يطلب منك الرقم الوطني أولاً قبل أي شيء.
|
Post: #6
Title: Re: نعيب حكومتنا وأيضا العيب فينا (يوجد حزن يا جوازات بحرى)
Author: محمد النيل
Date: 05-17-2012, 07:43 PM
Parent: #5
الرقم الوطنى
المقصود به الكنترول
....
معلومات دقيقة عنك ستكون مرتبطة بهذا الرقم
يعنى شوية ممكن يخترق خصوصيات النا
يعنى ممكن فى المسقبل يصل مرحلة ممكن يعرفوك امبارح كنت وين ذاتو
....
الغرض ممكن يكون إجرائى وممكن يكون سياسى تحكمى فى حركة البشر
خصوصية الناس فى خطر لانو الرقم دا ممكن يكشف حاجات كتيرة عنك
اجتماعيا وبى شوية حرفنة الزوجة ممكن تعرف لو زوجها معرس عليها بالدس فى حتة تانية
الرقم الوطنى بيحتاج لدولة قانون قوية تحفظ حقوق الناس
الرقم الوطنى ممكن يورى الواحد هو قاعد وين دى الوكت
صدقونى ح يحمل اسرار قوية
اسرارك السياسية
سيرتك المالية
وما خفى اعظم
Call it privacy attack
.....
لكن دا ما موضوعنا
موضوعنا
المواطن تصرفاته تغيرت
القيم تجاه كبارنا أبتدأت فى الاضمحلال
ليه ما نعطى الاولوية لكبارنا؟؟؟
خارطتنا الثقافية فى تغير
للاسوأ
|
Post: #7
Title: Re: نعيب حكومتنا وأيضا العيب فينا (يوجد حزن يا جوازات بحرى)
Author: الزبير صالح الزبير
Date: 05-17-2012, 08:35 PM
Parent: #6
Quote: الرقم الوطنى
المقصود به الكنترول
....
معلومات دقيقة عنك ستكون مرتبطة بهذا الرقم
يعنى شوية ممكن يخترق خصوصيات النا
يعنى ممكن فى المسقبل يصل مرحلة ممكن يعرفوك امبارح كنت وين ذاتو
....
الغرض ممكن يكون إجرائى وممكن يكون سياسى تحكمى فى حركة البشر
خصوصية الناس فى خطر لانو الرقم دا ممكن يكشف حاجات كتيرة عنك
اجتماعيا وبى شوية حرفنة الزوجة ممكن تعرف لو زوجها معرس عليها بالدس فى حتة تانية
الرقم الوطنى بيحتاج لدولة قانون قوية تحفظ حقوق الناس
الرقم الوطنى ممكن يورى الواحد هو قاعد وين دى الوكت
صدقونى ح يحمل اسرار قوية
اسرارك السياسية |
محمد النيل تحياتي
موضوع الرقم الموحد ده لفائدة البلد ده ما فية كلام وحكاية خصوصيات وغيره دي ما مشكله لان المعلومات الفية عبارة عن اسمك الكامل وفروعك وزوجاتك
وعنوانك الكامل
والاهم هو ان السودان مستباحه الجنسية فيه والرقم القومي بيضبط الوضع دة لان اي مولود بيضاف اتوماتيكيتا اذا كان والدة يحمل رقم قومي
ودة الحاصل في كل الدنيا المحترمه انو لكل فرد رقم قومي واحد مربوط ببصمات الشخص الحيوية تفاديا للتزوير
زمان اقصد زمنا إحنا كان عادي اي زول متعود يسافر برة كتير بغرض التجارة - زمن تجارة الشنطة مع مصر وسوريا الواحد بيكون عندة اكثر من جواز عشان بتاع
الجمارك لمن يفتح جوازك في صاله الوصول ما يلقاك ناطي كل شهر برة البلد ويعاملك معامله التاجر
مشروع الرقم القومي تأخر كثيرا ولكن اعتقد ربط معاملات كثيرة بيه إدي الي التزاحم والمفروض ناس الجوازات ديل ينتبهوا لحتة زي دي ويتفادوها
كل مشاريع الانقاذ عبارة عن خرابيط او مشاريع وهميه او مشاريع حقيقية لا تنفذ بالطريقة الصحيحة بغرض جعلها مطية ووسيله سرقة ولغف ولكن مشروع الرقم
القومي دة حتي لو لازمته تعديات يبقي شي مهم علي الاقل لمصلحة الأمن القومي
|
Post: #9
Title: Re: نعيب حكومتنا وأيضا العيب فينا (يوجد حزن يا جوازات بحرى)
Author: عمر عثمان
Date: 05-18-2012, 04:25 PM
Parent: #8
Quote: الرقم الوطنى ممكن يورى الواحد هو قاعد وين دى الوكت
صدقونى ح يحمل اسرار قوية
اسرارك السياسية
سيرتك المالية
وما خفى اعظم
Call it privacy attack |
يا راجل ما تبالغ
|
|