غلاف النيوزويك وفضيحة اوباما ( صورة )

سلامات أخونا معتصم.
وين الفضيحة؟

لو قاصد العنوان اللي في غلاف المجلة، فاكيد النيوزويك ما قاصده المعني حرفيا.
مصطلع: اول رئيس (.....) ده استعماله كتير جداً. و أحسن مثال عشان أوضح استعماله هو ان كلنتون كان بيقال عليه اول رئيس اسود.
و أوباما ده ذاتو قبل فترة اتقال عليه بانه اول رئيس امرأة. و قبلها بانه اول رئيس آسيوي- امريكي.

الكلام دا فيهو تورية ..

طيب هاك الكلام القالو اندرو سوليفان حرفيا..

Quote: It was the spring of 2007, back when Barack Obama’s bid for the presidency seemed quixotic at best. I’d seen Obama speak to a crowd and was impressed but wanted to see if what I’d seen from afar held up under closer scrutiny. So I asked to attend a private fundraiser in a tony apartment in Georgetown. I promised not to write anything. I just wanted to see the man up close and get a better sense of him and his character. At one point in the question-and-answer session, a woman looked him square in the eyes with what can only be called maternal grit. “My son is gay,” she said, and the room went suddenly quiet. “I don’t understand why you don’t support his right to marry the person he loves. It’s so disappointing to me.” Obama, without losing eye contact for a second, told her: “I want full equality for your son—all the rights and benefits that marriage brings. I really do. But the word ‘marriage’ stirs up so much religious feeling. I think civil unions are the way to go. As long as they are equal.”

والترجمة العجلى هي انو اوباما قد ايد حق ابن هذه المراة الزواج من الرجل الذي يحب لكن زواجا مدنيا


صحيح في كلا م انو اوباما يريد ان يقنن زواج المثليين قبل خوض الاستحقاق الانتخابي القادم

---------------
الترجمة الحرفية لصورة الغلاف هي انو اوباما نفسه مثلي جنسيا وهو غير صحيح ولكنه اراد القول انه يؤيد زواج المثليين

الزول الصمم الغلاف دا زول عبقري عديل



____________
سلام يا معتصم
الامريكان ديل شكلهم دايرين يبلعوك البوست دا،
انا ذاتي في البداية فهمت زي فهمك دا لكن رجعت قلت
لو هو اصلن كدا كان زمااااان جابوا قـِّرو وقعر قـِّرو
لكن برضو الغلط راكبو من ساسو لراسو

لا يا اسمارت انا...... الموضوع مرتبض بانو هو اول رئيس امريكي يسمح بزواج المثليين

Quote: الزول الصمم الغلاف دا زول عبقري عديل

ياعمك كلو زول في همو ...

شوفو لينا قول ليهو ما بتعرف ترفع لافتات

___________________

معتصم زوار البوست سلام ......

الاعزاء سمارت وصهيب

وهل تاييد زواج المثليين ليس فضيحة؟

وهبة يا معلم


تحياتي وتقديري

تحياتي وتقديري يا جمال

الاخ جمال الباقر

Quote: لا يا اسمارت انا...... الموضوع مرتبض بانو هو اول رئيس امريكي يسمح بزواج المثليين

ما عارفه انت فهمتا شنو من كلامي، لكن ده قصدي تماماً. ذي ما كلنتون اول رئيس اسود.
ذي ما حاولت أشرح، تعبير: اول رئيس (اسود، امرأة او اي كلمة اخري) معناه ما حرفي.
أوباما و صف من قبل بانه اول رئيس امرأة لانه بيدافع عن النساء و حقوقهم، و يقال برضوا بانه طريقته في الادارة قريبة جداً لطرق إدارة النساء.


معتصم، الفضيحة دي الحاجه البيعملها الزول بالدس و يقوم يتفضح. لكن أخونا أوباما طلع في التلفزيون و قال انه ( شخصيا) مع الموضوع ده.
الطيب، عشان اخونا جمال الباقر ما يطلعني قاعده ( كنب) احسن اوضح الموضوع اصله شنو و ليه اباما قال الاكلام ده الان
اصلا أوباما ما كان عاوز يتكلم في الموضوع ده نهائي، و علي الاقل الان. لكن قبل كم يوم من تصريحه ده، نائبه ( الأشتر) بايدن في لقاء في التليفزيون قال انه مع زواج المثليين و انه ما شايف فيه مشكلة و حنك كتير كده.
و بكده وضع الرئيس تحت الأضواء، امريكا كلها اتلفتت عليه و قالت ليه: اها و انت، رأيك شنو؟؟؟ و كان لازم يقول حاجه و الا فتح عليه المثليين أبواب الجحيم. و خاصة انه بعد كم يوم كان عندي عشاء لجمع التبرعات في بيت( من غيره حبيبنا الاولاني:جورج كلوني) و معروف طبعا عشاء في هوليود لجمع التبرعات. ح يكون فيه منو.
كون الموضوع فضيحة ده بيعتمد علي البلد و الثقافة العامة culture في البلد. في امريكا الموضوع ده ( نسبيا) ما فيه مشكلة. عندنا احنا مصيبة كبيرة.
اوباما

احتمال قاصدين اول رئيس فرحان

ولو المتطرفين المسيحين رافضين كلمة marriage لانها بدل على علاقه بين الرجل و المرأه يعملو زى الانجليز و يسموها civil partnership مع ضمان نفس الحقوق المدنيه

تحياتي عمر عثمان وامين سالم

سمارت ..

نحن نكتب في سودانيز اونلاين وليس امريكا اونلاين

Quote: معتصم، الفضيحة دي الحاجه البيعملها الزول بالدس و يقوم يتفضح. لكن أخونا أوباما طلع في التلفزيون و قال انه ( شخصيا) مع الموضوع ده. الطيب، عشان اخونا جمال الباقر ما يطلعني قاعده ( كنب) احسن اوضح الموضوع اصله شنو و ليه اباما قال الاكلام ده الان اصلا أوباما ما كان عاوز يتكلم في الموضوع ده نهائي، و علي الاقل الان. لكن قبل كم يوم من تصريحه ده، نائبه ( الأشتر) بايدن في لقاء في التليفزيون قال انه مع زواج المثليين و انه ما شايف فيه مشكلة و حنك كتير كده. و بكده وضع الرئيس تحت الأضواء، امريكا كلها اتلفتت عليه و قالت ليه: اها و انت، رأيك شنو؟؟؟ و كان لازم يقول حاجه و الا فتح عليه المثليين أبواب الجحيم. و خاصة انه بعد كم يوم كان عندي عشاء لجمع التبرعات في بيت( من غيره حبيبنا الاولاني:جورج كلوني) و معروف طبعا عشاء في هوليود لجمع التبرعات. ح يكون فيه منو. كون الموضوع فضيحة ده بيعتمد علي البلد و الثقافة العامة culture في البلد. في امريكا الموضوع ده ( نسبيا) ما فيه مشكلة. عندنا احنا مصيبة كبيرة.

كفيتي ووفيتي يا اسمارت جدا

Quote: سمارت .. نحن نكتب في سودانيز اونلاين وليس امريكا اونلاين

لذا نفسر ما نقرأ كما يحلو لنا

Quote: سمارت .. نحن نكتب في سودانيز اونلاين وليس امريكا اونلاين

سلامات يا معتصم.
كان كده، خلاص :). لكن على هذا الاساس، عندو فضائح تانية كتيرة أخونا ده. ذي انه جنو شراب بيره. و كان بيشرب سجار. دقيقة....دقيقة، شراب السجار عيب عندى انا بس، ممكن اعتبره فضيحة؟؟؟؟



شكرًا يا سنارى.
أكيد عارف ان موضوع أغلفة المجلات ده بدا لما الاسبوع الفات مجلة التايم Time كان غلافاها فيه صورة قلبت الدنيا و خلت كل الناس تتكلم عن المجلة. و عندها ( أظن ) رئيسة تحرير نيوزويك قالت على الملأ : انها الحرب.
مقصود طبعا بين المجلتين في انهم يطلعوا أغلفة تلفت الأنظار.

Quote: و كان بيشرب سجار. دقيقة....دقيقة، شراب السجار عيب عندى انا بس، ممكن اعتبره فضيحة؟؟؟؟

وانا اقوووول لى خلّا الناس تمشى كوبا

ب المناسبه يا اخت smart انتو النيوز وييك والتايم مش مفروض يكونو ضمن المجلات المحترمه......ايه العناوين دى.....مش ممكن عادى يكتبو .......homo بدال الكلمه دى.....rupert murdoch اشتراهم ولا شنو؟!

مستحيل تلقا عنواو زى دا فى non-tabloid مجله انجليزيه

سمارتنا

شراب البيرة والسجار تعتبر في بعض مناطق السودان رجاااالة عديل وفي كل السودان لا ترقى لمرتبة الفضيحة الا ان قصة اوباما دي فضيحة في كل الاحوال والمناطق

سلامات معتصم..
طيب ما دام بتكتبو في سودانيز اونلاين..مالكم ومال ناس امريكا؟؟
دا شأن داخلي :)

كيييف يا سارة مالنا ومال ناس امريكا مش الموقع ده امريكي وسيدو جنسيتو امريكية ؟

Quote: كيييف يا سارة مالنا ومال ناس امريكا مش الموقع ده امريكي وسيدو جنسيتو امريكية ؟

ههههههههههههه منطق برضو يا معتصم

سلامات اخ امين.
جونا الإنجليز بفلهمتهم دى :)
الكلمة عادية جداً. و حتي الجماعة ديل ( المثليين) بيستعملوها لتعريف روحهم عادى.
المجلات ( في نظري) لسه محترمة جداً. بس كمان عاوزين ينافسوا مع الانترنت.
لكن الغلاف ده بالذات ما كان مقصود منه صحافة رخيصة. المقصود كان استعمال التعبير الشائع جداً بتاع ( اول رئيس كذا)
و بالمناسبة اصلا الرئيس امريكي مثلي معروف. اسمه راح لي الان.

Quote: شراب البيرة والسجار تعتبر في بعض مناطق السودان رجاااالة عديل وفي كل السودان لا ترقى لمرتبة الفضيحة الا ان قصة اوباما دي فضيحة في كل الاحوال والمناطق

سلامات يا معتصم. يا اخي في السودان ده الناس بيجلدوهم امام أمة لا الله الا الله في موضوع الشراب ده. و ذي ما قلتا في ناس عندهم رجالة عديل كده. و ده اللي انا عاوزه ىقوله، الناس بتختلف في رؤيتها للحاجات.

بتختلف الناس في رؤيتها لكل الحاجات الا الحاجة دي رؤية السودانيين كلهم ليها فضيحة الفضايح...وقد تكون فضيحة فقط اذا كانت المثلية لطيفة..

سروره، اذيك؟
انتي محيرة ذيي في أخونا معتصم ده؟؟
معتصم نقول ليه في امريكا الموضوع ده ما فضيحة، يقول لينا ده سودانيز أونلاين ما امريكا اونلاين
نقول ليه ده شأن امريكي داخلي، يقول الموقع امريكي و صحبه امريكي.

علي الاقل خلينا نناقش الموضوع و الثقافة الامريكية في البال.

معتصم يا اخي اعترف انك كنت فاكر ان المجلة كانت قاصده انه فعلا مثيلي. ^_^

لوترى 55000 كل سنة!
عشان يسدوا الفرقة
بغض النظر عن الاديان
الخصب فى التنوع والعقم فى التماثل
هذا سلوك لا تجده حتى عند الحيوان الذى ليس له عقل
المثليين يستفيدون من ان الاغلبية ترفض ان تسلك سلوكهم والا لانقرضت البشرية
اوباما بقوله هذا لا يمثل نفسه ولكن يمثل ويتحدث عن رؤية الحزب

جني

وووووينك يا اسمارت؟؟
من موقف الدفارات تاني ما لميت فيك

Quote: معتصم يا اخي اعترف انك كنت فاكر ان المجلة كانت قاصده انه فعلا مثيلي. ^_^

النبي فيك يا اسمارت ما تضغطي معتصم اكتر من كدا :)

Quote: سلامات اخ امين. جونا الإنجليز بفلهمتهم دى :) الكلمة عادية جداً. و حتي الجماعة ديل ( المثليين) بيستعملوها لتعريف روحهم عادى. المجلات ( في نظري) لسه محترمة جداً. بس كمان عاوزين ينافسوا مع الانترنت. لكن الغلاف ده بالذات ما كان مقصود منه صحافة رخيصة. المقصود كان استعمال التعبير الشائع جداً بتاع ( اول رئيس كذا) و بالمناسبة اصلا الرئيس امريكي مثلي معروف. اسمه راح لي الان

فلهمة الانجليز محترمه......اخير من ال yanks ال close-minded ديل ب الزات ناس ال south عندكم ديل ما لاقونى ناس اغبى منهم:)

ب مناسبة الكلمه دى و ال synonymous بتاعة الكلمه دى احكى ليك قصه مضحكه حصلت معاى زمان ايام الجامعه

كان ال housemates بتاعنى عاملين house party وكعادة ال culture بتاعة الطلاب هناك الحله كولها بتجى بدون عزومه والباب بكون مفتوح

يلّا انا كنت حابس روحى فى ال attic room و قاطع سجاير و مكسل امشى الدكان.......قام ظهر فى الحفله واحد امريكى لابس بدله من ال mormons ولقاها فرصه to preach و لفّا البيت اوضه اوضه قام جانى فوق اول ما فتح الباب قمت من خرمة السجاير قلتا ليهو

Alright mate can I nick a fag....و معناها سجاره

عمك قام زعل شديد وفهمنى غلط و قال do i look like a ******* pimp

سروره، اليوم داك انا قلتا العندى و عملتا ميته. و لحدى هسه عامله ميته؛)
ماكم يا جماعة عاوزين ترجعوني للبري؟
جني، نبدأ من وين؟؟؟
طيب، اصلا امريكا ما فيها فرقة. الامركان جنهم ولادة.!البلد دي فيها اعلي معدل معدل نمؤ سكاني بين الدول الصناعية. تقريبا كل سنة في امريكا بيموت 2.4 مليون و بيتولد 4 مليون. 
برنامج الهجرة ده بس لانه البلد اصلا كبيرة جداً و هم عاوزين تنوع. 
الشيء التاني الجماعة ديل حوالي وحد في الميه من السكان بس. ده غير انهم غالبا بيتبنوا أطفال من خارج امريكا. 


امين يا اخي ما تعمم. لكن تعميم لتعميم ^_^  ما في علاقة بين الامركان و الإنجليز. الامركان شعب ظريف جداً جداً. بل من اظرف الشعوب اللي انا أتعاملتا معاها. 
و كيف يعني ناس الجنوب أغبياء. اذا كان كلينتون من الجنوب!!! هم بس محافظين جداً مقارنة بالساحل الشرقي. بس احلي ناس في الساحل الغربي ^_^
عندى اصحاب درسوا في انجلترا كانوا مستغربين ان المشرف بتاعي في الماجستير كان بيعزمني في بيته في الأعياد و زوجته بتعرف كل طلبته و بترحب بيهم في بيتها. 
تكون عملتا للمورمن صدمة. اها المورمون ديل اكتر ناس مهذبين. و انا عندى اصحاب كتار منهم. بعدين الكلمة اللي استعملتها هنا دى ما مقبولة. و في ممثل مستقبله الفني انتهي لانه استعمل الكلمة دى و قبضوه في كاميرا

سلام يا معتصم و أمين
عارفين كلامكم كله بدور حول نقطة واحدة و هي اختلاف الثقافات. كلامك صاح يا معتصم نحن في ديننا و ثقافتنا كسودانيين الحكاية دي مرفوضة لكن مافي ربط منطقي بين رفضنا ليها و استخدام النيوزويك ليها في الغلاف. عارف إنه ممكن الكلام دا يكون سبب في ارتفاع شعبية أوباما في بعض الولايات؟ في ناس عندهم كونه مجلة زي دي تصفه بإنه أول رئيس أمريكي مثلي بمعنى أول رئيس أمريكي يعترف علنا بحق (مزعوم في نظري طبعا) للمثليين دا معناه إنه إنسان مرن و يصلح رئيس لأمريكا. بمقييسنا نحن ممكن نحكم بخطأ مقاييس الآخرين لكن ما ممكن نقدر نفرض عليهم يشوفوا الحاجات بمنظارنا. زي موضوع لمن صحفي ضرب بوش بالجزمة معظم الخواجات افتكروه داير يعوقه بيها أصلا ما وقعت ليهم حكاية إنه الموضوع المقصود بيه الإهانة.
عارف يا أمين كلمة gay هنا عادية جدا و ممكن الزول يصف بيها نفسه لو هو فعلا كدا و ما يشوف فيها حاجة لكن الكلمة الإنت جبتها دي إهانة ما بعدها إهانة لو قلتها لزول و يفهم منها احتقار من قيلت له حتى لو هو فعلا شاذ و معتز بشذوذه.

وموقع سودانيزأونلاين دوت كوم موقع أمريكي ..
بس لامي السودانيين من العالم الفسيح ..
أوباما ليس من ال Gays .. رئيس عبقري ..
ومثل ماكتب في الغلاف الغرض منه إضعاف حملته الإنتخابية بتشويه صورته!
ذكر في تصريح له بأنه ليس ضد زواج المثليين ..
وقصد بذلك عدم تدخل الدولة في الحريات الشخصية للمواطنين ..
الرئيس السابق جورج دبليو بوش أدخل الكنيسة الإنجيلية البيت الأبيض..
تحدث عن عدم مواقته لزواج المثليين من وجهة نظر دينية ..
منع الإستنساخ colony من وجهة نظر دينية ..
أعلن الحروب الصليبية من وجهة نظر دينية .. وغزا أفغانستان والعراق
وكان يعد لضرب إيران وسوريا وجنوب لبنان ..
ونسي أن أميركا دولة لا دينية .. وكان بوش رجل الكنيسة الإنجيلية الأول
كان مستشاره القس بات بيترسون .. 700 Club ..
الان وضعت الإنتخابات الجمهورية السيناتور رومني من طائفة المورمان
في مواجهة أوباما .. وإذا فاز رومني سيحمل إنجيله للبيت الأبيض !
والمورمان طائفة دينية متشددة ونسميهم (كيزان المسيحيين),,
فالخمور والسجائر والكافيين عندهم من المحرمات .. ويكرهون اليهود
ويرون بأنهم سبب تعاسة البشرية .. أسكن في مدينة يقطن غالبيتها طائفة
المورمان وهم يشكلون غالبية حكومتها وقضائها وتجارها .. ومسموح بتعدد
الزوجات رجل لأربعة نساء .. تمامآ كالإسلام.

سلامات أخونا عادل نجيلة
انا عشتا مع المورمن في قلب دارهم لمدة سنتين. والآن مديري مورمن. و عندي اصحاب كتار منهم. هم فعلا محافظين لكنهم مسالمين جداً. حرام عليك تقول ذي الكيزان. ^_^
و عشان ظرافتي معاهم دي جننوني بكتابهم ده. قالوا لي لازم تقريه، عشان أزوغ قلتا أني ما بحب اقرأ كتب ( غير الدراسة و الشغل ) بالانجليزي. قاموا جابوا لي كتابهم بالعربي. هسي الكتاب قاعد يسمع في كلامي.
طيب نجي لموضوع تعدد الزوجات. الموضوع عندهم حلال. و ما اربعة بس. حلال تتزوج عندهم ذي ماعاوز. لكن الان ما بيمارسوا التعدد لانه ممنوع بالقوانيين الفدرالية. و ده كان الشرط للسماح لهم بالانضمام لأمريكا. انهم يبطلوا تعدد الزوجات.
احتمال يكونوا ما بيحبوا اليهود. لكن قيام دولة اسرائيل مهم جداً في عقيدتهم.
بالمناسبة لعب القمار برضو حرام عندهم.

Quote: امين يا اخي ما تعمم. لكن تعميم لتعميم ^_^ ما في علاقة بين الامركان و الإنجليز. الامركان شعب ظريف جداً جداً. بل من اظرف الشعوب اللي انا أتعاملتا معاها. و كيف يعني ناس الجنوب أغبياء. اذا كان كلينتون من الجنوب!!! هم بس محافظين جداً مقارنة بالساحل الشرقي. بس احلي ناس في الساحل الغربي ^_^ عندى اصحاب درسوا في انجلترا كانوا مستغربين ان المشرف بتاعي في الماجستير كان بيعزمني في بيته في الأعياد و زوجته بتعرف كل طلبته و بترحب بيهم في بيتها. تكون عملتا للمورمن صدمة. اها المورمون ديل اكتر ناس مهذبين. و انا عندى اصحاب كتار منهم. بعدين الكلمة اللي استعملتها هنا دى ما مقبولة. و في ممثل مستقبله الفني انتهي لانه استعمل الكلمة دى و قبضوه في كاميرا

smart ما تنسى انو الكلمه دى فى انجلترا معناها سجاير و ليس المعنى الآخر وهنا دا حصل سوء التفاهم.........بعدين بتفق معك فى انو المورمن مهذبين لكن بس حكّاكين شويه و ما يلقو زول ماشى فى شارع الله دا الّا يوقفو ويبرو ب الزول الاسمو joseph smith ناس south park عندم حلقه حلوه شديد عنهم.....اعملى download من موقع mrtwig.net

كلينتون exception لكن ناس الاباما وباقى المناطق دى معظمهم اغبياء-دا من تجربه شخصيه غايتو- ال rednecks are the worst

الانجليز زاتم ظراف they have sarcastic sense of humor ولازم تكونى متعوده عليهو......انصحك بمشاهدة مسلسل اسمو peep show......معظم ال comedy الامريكى full of swearing اللهم الا بل كوسبى وقله آخرون

حكاية ناس الجنوب محافظين دى زاتا عضم المشكله لانهم ببقو close-minded.....هل تظنى او ممكن ينتخبو رئيس امرأه زى مارقريت تاتشر......مستحيل

اما نمسك حتة التعليم.....بصراحه قارنى بين الانجليز السود و الامريكان السود....منو ال well-educated؟.....بس ما تجاوبى لى ب اوباما لانو irrelevant and am talking about the big picture

معظم السود الامريكان الناجحين بكونو فى ال entertainment industry ولّا athletics

اما موضوع ال ghettos الموجوده فى امريكا و ال ethnic segregation من ناحية الاسكان فى بعض المناطق دا داير ليهو بوست براهو

فى انجلترا العلاج مجانى للمواطنين و الطلاب الاجانب......دى مافى فى corporate america.....,والمواطنين بدوهم قرض ل دراسة الجامعه وما بلزموهم بدفع الدين الا اذا كان مرتبك بسمح ليك

واخيرا البوليس فى امريكا بعمل arrest بطريقه مهينه وبحق ليهم استخدام الاسلحه لو هربت......فى انجلترا البوليس مهذب و very friendly و ممنوعين من جمل الاسلحه الّا ناس ال CID وديل ما بجو الا عند الازم الشديد

تحياتى

امين مفروض نقطع ليك تذكره تجي العالم الجديد سنة او اتنين عشان تعرف الحاصل. تعميماتك دي غلط عديل كده.
نبدأ من وين؟
ما معقول تقول انه اي زول من الجنوب بليد. ده تنميط غريب جداً.
بعدين يا اخي ما هو أوباما بقي رئيس. ما في شيء بيمنع انه سيدة تبقي رئيس.
و بصراحة الكوميدي البريطانية بيض جداً. و ما بستحملها. و انا ما عارفاك بتحضر اي كوميدي أمريكية. هسي متين سمعتا كلمة ما تمام في ساينفيلد او فريندز او قريز اناتمي او كل المسلسلات الكبيرة دي.
ما تمشي تحضر ناس ساوس بارك و تجي تقول لي كل الكوميدي الامريكية فيها لغة ما تمام. ~_~
في سود كتار ناجين هنا يا اخي. بعدين ما عندك طريقة انك تقول ان الإنجليز محترمين مع الأقليات اكتر من الامركان.
امريكا دي اكتر دولة مفتوحة و فيها فرص للأجانب و الأقليات. ده يا فرده ما فيه غلاط. يا اخي الإنجليز لعيبة الكورة السود بيمارسوا اليهم العنصرية و الجمهور بيشتمهم.
هنا كوبي براين ( و كل اللعيبة) نجوم في المجتمع.
نجي لموضوع الدعم و العلاج المجاني و الكلام ده. الموضوع حساب بسيط. تدفعوا ضرائب لما تقولوا كفي عشان كل الناس تتعالج ملح . هنا الوضع مختلف، الضرائب اقل و الناس تأكل نارها
لكل نظام فوائد و مساوي.
انا لو شنو داك ما ممكن بعد عمري ده أجي أعيش في انجلترا عشان أعيش في شقه صغيره و اسوق عربية صغيرة وادفع ضرائب تطلع روحي.
احنا هنا ناس البيوت حدادي مدادي و عربات تركب ثمانية أنفار

بالجد كده ما في اي مقارنه بين الفرص للأجانب في امريكا و الفرص في انجلترا.
يا اخي انا كنت ح أموت من الضحك لما عرفتا أنكم ما عندكم نشافات هدوم. قصدي نشافات بطلع الهدوم حاااره و ممكن تلبسها و تمرق طوالي. عايشين كيف في الرطوبة دي؟؟؟.

امين سلامات..
القصة شنو بتاعت تنوع اللغة دا؟؟
عشان انا مثلاً ما بفهم انجليزي فقصة كلمة عربي كلمة انجليزي دا متعباني في فهم مداخلاتك
ما دام ربنا فاتحها عليك بنعمة كيبورد عربي فساعدنا بلاي
ولو غلبك التعبير الكزنا بنساعدك ونحاول نلقى ليك الكلمة المناسبة
او
اكتب مداخلتك كلها انجليزي وكدا تساعدنا نخمها كلها عند عمك قوقل.. وعمك أكيد ما بيقصر
فساعدنا بلاي الله يساعدك..

اسمارت..
اشرحي لي الكم كلمة ديل معناهم شنو؟

سلام يا ساره

اعذرينى فى استعمال لغتين......البورد مفروض نكتب فيهو ب العربى لكن نعمل شنو ......مرات صعب التعبير ب العربى

Quote: امين سلامات.. القصة شنو بتاعت تنوع اللغة دا؟؟ عشان انا مثلاً ما بفهم انجليزي فقصة كلمة عربي كلمة انجليزي دا متعباني في فهم مداخلاتك ما دام ربنا فاتحها عليك بنعمة كيبورد عربي فساعدنا بلاي ولو غلبك التعبير الكزنا بنساعدك ونحاول نلقى ليك الكلمة المناسبة او اكتب مداخلتك كلها انجليزي وكدا تساعدنا نخمها كلها عند عمك قوقل.. وعمك أكيد ما بيقصر فساعدنا بلاي الله يساعدك.. اسمارت.. اشرحي لي الكم كلمة ديل معناهم شنو؟

كويس كده يا امين؟ اهو سارة جات تبرمج و عملت ليك فيها ما بتعرف انجليزي.


امين - يا سارة- بيقول انه كونه أوباما بقي رئيس is irrelevant !!!!!!

irrelevant in terms of who are more well -educated the black Brits or the African american

and as far as i know Obama is not genuinely an African american

please correct me if i am wrong

صراحة الأمريكان ديل حريتهم فايته الحد..

أحاول أن أتخيل مصير الصحفي والجريدة والقراء لو كتب هذا في أي بلد آخر!!

أمين مداخلاتك محتاجة دكشنري

سلام

Quote: صراحة الأمريكان ديل حريتهم فايته الحد.. أحاول أن أتخيل مصير الصحفي والجريدة والقراء لو كتب هذا في أي بلد آخر!! أمين مداخلاتك محتاجة دكشنري سلام

وييينك من دييك وعييك يا حاتم

اسمعها منى انا......الحريه فى اوروبا....الامريكان مدينين شديد لو قارنتم ب الاوربيين

تحياتى

Quote: وييينك من دييك وعييك يا حاتم اسمعها منى انا......الحريه فى اوروبا....الامريكان مدينين شديد لو قارنتم ب الاوربيين تحياتى

تسلم يا أمين.. مشاغل الدنيا مرات تخلي التواصل صعب. وأحياناً زقاقات البورد ومتاهاته يصعب التلاقي فيها..

قلت لي الأمريكان مدينين شديد بالنسبة للأوربيين!
خيييير طاب.. وهل يفتى ومالك في المدينة!

ذكرتني نكتة الطالب المجهز موضوع عن سياسة بسمارك الداخلية في إمتحان الإنشاء وطلبوا منو يكتب عن سياسة بسمارك الخارجية.

فدحين ياخوي دعنا من الحرية في أمريكا وأوربا ولنتحدث عن الحرية في أدغال أفريقيا

حاتم محمد حاج المهدي
ليبريا
زويدرو

سمارت انا عندى جيه فى ديسمبر ل نيو يورك و كاليفورنيا و اريزونا

غايتو نشوف ونحكم

سمارت و أمين ما تتغالطوا ساكت... لو جينا للمقارنة فكندا بتكسب. ماخدة من أوربا النظام الاجتماعي و ماخدة من أمريكا الانفتاح و المساواة (و النشافات كمان يا سمارت) و متفوقة عليها فيهم. يعني يا أمين عندنا نظام صحي قريب ليكم (أقل شوية) و عندنا قروض للطلاب و ما بدفعوا إلا بعد ما يبدوا يشتغلوا و يكون عندهم دخل معين. و من كترت ما طيبين و ظريفين الأمريكان بنكتوا عليهم و منفتحين على الآخر بصورة ما عادية و هم يعتبروا رواد نظام التعددية كبديل لنظام الاندماج بالنسبة للمهاجرين. و معروفين عالميا بأنهم هم الوضعوا أساس قوات حفظ السلام. لمن تجي يا أمين تعال لينا في كندا عشان تقتنع.
خجلان أقول... لكن الكنديين زواج المثليين دا حسموه زمان و هسع ما موضوع نقاش للأسف الشديد حتى المحافظين لما سيطروا على الحكومة خافوا من إعادة فتحه.

الاخ الفاضل العوض

الوقت عندنا اتنين صباحا........النوم وجب......حعقب على مداخلتك بكره انشاء الله

سمارات مطلوب وبشدة ( بوست امريكا التى رأيت ) او ( أمريكا صورة من الداخل ) وتعالى كل يوم ويومين اجدعى مشاهدة فى الفن / الرياضة / السلوك / السياسية / الاحزاب
/ الاعلام / .... الاديان / الزواج / .....

امين مطلوب وبشدة ( بوست بريطانيا التى رأيت ) او ( بريطانيا صورة من الداخل ) وتعال كل يوم ويومين اجدع مشاهدة فى الفن / الرياضة / السلوك / السياسية / الاحزاب
/ الاعلام / .... الاديان / الزواج / .....


ستكون أكبر رسالة يمكنكم أن تقدموهــا فى هذا المنبر


تصفيق شديد .....


_______
يا معتصم البوست دا ( سبلو للجماعة ديل )

Quote: الخصب فى التنوع والعقم فى التماثل هذا سلوك لا تجده حتى عند الحيوان الذى ليس له عقل

تعرف يا جني

الحكاية دي في الحيوانات موجودة ..
(طبعا كده مفروض تقلب تقول : دي بيعملها الحيوان الما عنده عقل )

و عندها علاقة بالخصوبة كمان !!
في جين بيخلي الإناث تنجذب جنسيا للذكور
و بكده بيزيد نسلها على غيرها من الإناث (خالي الجين)

بس المشكلة الجين ده بيتورث للذكور و الإناث على قدم المساواة
(يعني الأنثى العندها الجين بتورثه لأولادها و بناتها)

أها البنات بيكون عندهم إنجذاب للرجال و بينجبوا كتير زي أمهم ..
بس الأولاد بيكون عندهم ميل جنسي للذكور و بيقل فرص إنجابهم

لكن رياضيا لقوا إن الزيادة في نسل البنات بتتفوق على النقصان في نسل الأولاد
علشان كده الجين لسه مستمر و بيشكل أساس بيولوجي للظاهرة دي في عالم الحيوان

عند الإنسان المسألة أكثر تعقيدا ..
لأن السلوك الإنساني متنوع و حر نسبيا بفضل القشرة المخية الجديدة المسيطرة على الغرائز لحد كبير
يعني الخيارات الثقافية و الإرادة و غيرها من العوامل بتتدخل في التعبير السلوكي البسيط للجين ده

ربما لو إتطورت علوم العلاج الجيني شوية زيادة ممكن نعمل ليه Block في الذكور لمن شاء
بس حاليا ما ممكن نقول المسألة ما طبيعية و ما مفهومة و ضد الخصوبة !!

تحياتي

__________________________________________________________________________

عليكم الله ما تطلبوا مني مصادر .. دي قرايات قديمة
و ما حأقدر أوثقها أسي .. بس عمنا قوقل قاعد لمن شاء
علشان تصححوا لي معلوماتي زاتو بالمرة

بعدين يا سمارت bigger doesn't necessarily means better

هسى اضرب مثلا العربات الامريكيه كولها فاشله لو قارنتيها ب الاوروبيه........ليه لانو عندكم straight roads which only good for sprinting.......اما الاوربيه state of the art and very agile and aerodynamic because of the non- straight roads

نبدأ بأمين ده :)
امين ، كيف يعني أوباما ما افركان أميركان؟ طيب خليه أوباما. مشيل زوجته عندها دكتوراة في المحاماة و افركان أميركان.
ما عندي احصائيات للتعليم بين البلاك في انجلتر و امريكا. لكن ما اظن كلامك صح. عشان كده ح نطالبك بالمصدر. و ح نعفي د. محمد من الزرزره لانه اتجرس:)
عن العربات، معلوماتك قديمة يا فرده. العربات الامريكية بقت سمحة.و بعدين من قبيل شابكننا انجلترا و الإنجليز، لما بقت علي العربات بقيت تقوا أوربية ؛) و ين العربات الانجليزية
بعدين انا متين قلتا العربات الامريكية. انا قلتا العربات الكبيرة. الكبيرة دي ممكن تكون سكويا يابانية او مرسديس ألمانية. المهم الامركان بيحبوا العربات الشرحة و برحة
كلامك عن الشوارع الاستريت ما فهمته اشرح تاني لو سمحنا.
نيويورك و أريزونا و كلفورنيا كل واحده فيهم عندها إحساس مختلف. ح تنبسط

جني، العلماء لقوا بطاريق مثلية كتيره جداً. و برضوا ما تسألوني من المصدر :)

العوض، بلدكم دي قالوا فعلا سمحة. و الامركان بيضحكوا علي الكنديين قالوا ظراف شديد.
لكن كمان البرد يا اخي. و ضرائبكم ذاتها كتيرة شديد
. ما عارفه الكنديين كيف، لكن الامركان متدينين. بس دستور البلد مبني علي ان البلد لا دين لها. و دي حاجه كويسه. لانه لو بقت الدولة ليست ( ما دينية) كانوا المتدينين طلعوا عين المسلمين و اليهود. هسي ال لا دينيين هم اللي بيدافعوا عن الأقليات و حقها في ممارسة دينها.

معتصم أعفي ليك يا اخي استلمتا البوست بتاعك و بقيت ارد علي الناس كمان ^_^

خلاص دي اخر مداخلة. بس خليني اسلم علي أخونا بدر الدين و اقول ليه أني بفكر في الفكرة دي.
ناوية اسمي البوست:(امريكا الجميلة) او اسميه :( انا مخلوعة)و الاسم التاني بسبب انه في كم زول في البورد قبل كده قال لي أني مخلوعة بأمريكا. و حقيقي انا فعلا مخلوعة.
مخلوعة بالنظام، بظرافة اغلب الامركان، بالنظافة في اغلب امريكا، بالشوارع و كيف منظمة و مرتبة. مخلوعة بانه ما في زول بعاين التاني مرتين في الشارع و الناس في حالها

Quote: و ح نعفي د. محمد من الزرزره لانه اتجرس:)

أها الموضوع طلع مدعوم بدراسات ممتازة حول المثليين و توزعهم في العوائل
كل الجينات الإكتشفت تقريبا جات بعد دراسات زي دي كانت فيها الصفات بتتبع توزيع جيني
The genetics of homosexuality

How homosexuality is inherited - BBC news

could homosexual genes be naturally selected

Sexual orientation and evolution

غايتو خفت على سلامة ذاكرتي بس يا سمارت

Quote: العلماء لقوا بطاريق مثلية كتيره جداً. و برضوا ما تسألوني من المصدر :)

و علشان كسلك ده شوفي لقيت شنو في الويكيبيديا :)

Quote: Some selected species and groups Birds Black swans Gulls Ibises Mallards Penguins Vultures Pigeons Mammals Amazon Dolphin American Bison Bonobo and other apes Bottlenose dolphins Elephants Giraffes Monkeys Japanese macaque Lions Polecat Sheep Spotted Hyena Others Lizards Dragonflies Fruit flies Bed bugs

Homosexual behavior in animals - wikipedia

اللذيذ في بطاريق مثليين فصلوهم من بعض في حديقة حيوان بتورنتو كندا
مع إن شهادة العوض عن الناس ديل غير
Gay penguin separation means survival of the species: zoo keepers

فى الاول اعفى لينا يا معتصم البوست بتاعك حرفناهو عن مسارو نسبة لوجود ال yanks

يا سمارت طبعاً عصرتينى شديد فى حكاية المصدر.....فتشتا النت لكن ما لقيت احصائيات.....و انا زاتو ود حلتك فى السودان ف ما تعصرينى شديد:)

فى مقال لقيتو مهم بتكلم عن ال tolerance وتعريف الكلمه المختلف دى فى امريكا وانجلترا لكن كونو معمول من جامعه امريكيه بعتبرو ما محايد

http://www.google.com.sa/url?sa=t&rct=j&q=POL...jH0nc6XCF9phDyoKANGw

كمان اقرى عن لهجة السود الامريكان(الما بتكلم بيها اوباما ما عارفو خجلان منها ولّا شنو)http://en.wikipedia.org/wiki/African_American_Vernacular_English

العربات الامريكيه فاشله......يعنى حتقارنى ناس فورد وشفر ودودج وكرايسلر بى جاقور وبنتلى و رينج روفر و استون مارتن والمينى الصغيره دى ولاند روفر وtvr و لوتس و مكلارين و روس رويس البتصنع الjet engines.....مافى مقارنه طبعا

وانتى لما ترجعى الاجازه السودان حصل ركبنى ال airbus a380.....لو نعم شفتيها هاديه كيف.....يلّا ال jet engines مصنعاها روس رويس مش تقولى لى بوينج الفاشله دىP:

Quote: كلامك عن الشوارع الاستريت ما فهمته اشرح تاني لو سمحنا.

العربات الامركيه مصممه للشوارع المستقيمه ....يعنى ال emphasis is for fast straight line sprint from a stop light to the next........اما شوارع اوروبا كلها منحنيات فطورو ال electronic stability programs which each manufacturer has a different name for it e.g bmw call it dynamic stability program...... ودى جات فى العربات الامريكيه متأخر جدا

الاخ العوض

سلام

بلدكم سمحه وآمنه لكن بارده شدييد.....و حكاية جزو يتكلم فرنسى و جزو يتكلم انجليزى دى مش مفروض تخلق نوع من فقدان الهويه خصوصا انو الثقافه والعادات الفرنسيه مختلفه تماماً بل ممكن نصفهم اعداء مع الثقافه و العادات الانجليزيه ولّا الواقع عندكم غير كدا؟غايتو من تجربتى فى زيارة انجلترا و فرنسا الجماعه ديل بكرهو بعض شديد! بعدين انتو عضو فى الكومون ويلث لكن الغريبه اللهجه اقرب للامريكيه......استراليا مثلا عضو فى الكومون ويلث لكن عاداتم ولهجتم قريبه نوعاً ما من الانجليز على الرغم من البعد الجغرافى مقارنتاً ب كندا

فى الويكيبيديا لقيت جمله حلوه و اظن بتلخص واقع امريكا و انجلترا و كندا وهى

"n the same way that race is at the core of what it means to be American and at the core of an American experience and class is at the core of British experience, I think that language is at the core of Canadian experience."

الحاجه الكريهه الوحيده فى كندا فى ظنى الخاص هى المابل سيرب.....الهناى دا بتبلعوهو كيف:)

تحياتى

هوي شنو عملتوها لينا نشافات وعربات

نرجع لموضوعنا وما تقولوا لي هذا في اطار المقارنات بين الحريات والثقافات

معليش يا معتصم حنواصل في الحواشي...
بالنسبة للكنديين يا سمارت تدينهم أقل من الأمريكان لكن دا ما حكم عام... يعني غرب كندا عموما نسبة التدين فيه أعلى بالذات البراري و ألبرتا. ناس ألبرتا ديل بالذات فيهم ناس بطالبوا بالانفصال من كندا و الانضمام لأمريكا. برضه وسط المزارعين بتلقي نسبة التدين أعلى. طبعا برضه المهاجرين عموما بمختلف أديانهم نسبة تدينهم أعلى. عندنا برضه الآمش و الهيترايت عندهم مستعمرات و طبعا متدينين جدا. لكن عموما التدين ضعيف بالذات وسط الأجيال الجديدة. الكنائس ذاتها خشوم بيوت يعني في كنيسة من الكنايس الكبيرة (United Church) بتعترف بزواج المثليين و بتعقده.
سلام يا د. محمد... ياخي البطاريق لأفارقة ديل أحرجونا! دا كلام دا؟ ما ملاحظ نكهة المقال الكندية؟ بدوه بالاعتذار إنه التفريق بين البطاريق المثلية ما بسبب معاداة المثليين لكن فرضته ظروف إنهم دايرين البطاريق تتوالد. صدقني ممكن الموضوع دا في كندا يبقى حدث عشان كدا في واحد من المعلقين نكت و قال ناس لجنة حقوق الإنسان الكندية ما سمعوا بالموضوع دا ولا شنو؟ تورنتو دي تعتبر واحدة من عواصم المثليين في العالم و مهرجانهم السنوي في شهر ستة أظنه بحضروه مئات الآلاف.عندنا أخونا و صديقنا كان ساكن جنبه ممثلهم في مجلس المدينة زول ظريف جدا بسلم عليهم و يتونس معاهم طوالي... فترة شبكهم عرسي قرب عرسي قرب و هم يشيلوا و يباركوا ليه في النهاية طلع عرسه من رجل و العياذ بالله. الراجل قال ما عرفنا نشرح الموضوع للأولاد كيف.

لا حولاااااااا
سمارت ( إنت ) وسارة علي وياسر العوض
تنشبكوا في العدو
ضيعتوا لمعتصم بوسته
صحي صحي ( إمبرياليين ) وحقارين
أخدتو من ( أمكم ) أمريكا و( خالتكم ) كندا إستئسادهما بدول العالم التعبانة.. ( يمثلها معتصم السودان )

ثم

يا أمين سالم
أقول ليك شنو ما عارف ؟؟؟
إذا ( الإمبريالية ) سارة علي بجلالة قدرها غلبها تفهم كلامك الزي الحيطة القشرة دا***
فماذا نفعل نحن ( بدو الخليج العربي ) ؟؟؟




_______________

الحيطة القشرة دا***
مصطلح ( سابق ) في عالم بناء المساكن في السودان
يكون الحائط بعرض ( طوبتين)
ولأجل خفض التكلفة
تكون الطوبة الداخلية من الطوب الأخضر .. ( أو الطوب المضروب من عجينة التربة ) دون حرق
وتكون الطوبة الخارجية من الطوب الأحمر المعروف

Quote: هوي شنو عملتوها لينا نشافات وعربات نرجع لموضوعنا وما تقولوا لي هذا في اطار المقارنات بين الحريات والثقافات ]

أوسكار يا معتصم أوسكار ... يا أخوي أقنع و سلم البوست ضبة و مفتاح
لبني كجة المشتتين في اصقاع المعمورة ديل ... ويلاكا لي بوستات الخرطوم




سلام ليكم كلكم ... و المواضيع الإتفتحت حلوة شديد ،وكل موضوع فيها بوست
براو ، واصلو

شنو يا امين ياخ ما قلن ليكم خلوا العربات دي

بالمناسبة السيرب ده بتاع شنو ؟

Quote: شنو يا امين ياخ ما قلن ليكم خلوا العربات دي بالمناسبة السيرب ده بتاع شنو ؟

سلامات يا معتصم



انا اول ما شفتو ما عرفتو ريحه ولّا كحول.......غايتو بختو فى البانكيك او القراصه .........................وطعمو اجارك الله

تحياتى

سلام يا عاطف
ياخي حرام عليك تخت خالة كندا مع ماما أمريكا. كندا دي أصلها ما بتستأسد و دايما مشاركاتها العالمية بتكون في بعثات سلام. كندا رفضت بحسم المشاركة في غزو العراق و للأسف شاركت على استحياء في التدخل في أفغانستان و إن كانت بتحاول بقدر الإمكان أن تقتصر مشاركتها على إعادة البناء. و الكندي ليستر بيرسون هو من اقترح فكرة قوات حفظ السلام عندما كان رئيسا للاجتماع العام للأمم المتحدة في 1957. و فاز بجائزة نوبل للسلام و وصف عندها بأنه الرجل الذي أنقذ العالم.
سلام يا أمين
كلامك صاح الكنديين عندهم جن اسمه المابل بأمانة كدا السيرب بتاعه دا ما ضقته لكن نكهته بستخدموها في حاجات كتيرة و هي غريبة لكن ما بطالة. حكاية إنه في جزء فرنسي و إنجليزي دي بالعكس معطية ثراء للبلد رغم الاحتكاكات البتخلقها و استمرار إصرار بعض الناس في ولاية كويبيك ذات الثقافة الفرنسية على الاستقلال من كندا و تكوين دولتهم. طبعا الحكاية دي ما بتشعر بيها لو عايش في ولاية ذات ثقافة بريطانية لكن في ناس مثلا في كويبك حتى لو بعرفوا إنجليزي و سألتهم يوصفوا ليك بصروا يتكلموا معاك بالفرنساوي حتى لو ما بتعرفه. لو ما حصلت حاجة كدا درامية في النهاية موضوع الوحدة حيستقر و النظام الفيدرالي مفيد جدا في حالة كندا و لو طبق بطريقة صحيحة كان ممكن جدا يكون فيه حل لمشكلة السودان. بالنسبة للبرد فدي فعلا هي المشكلة لكن زي ما بقولوا الواحد بتعود. في منطقتنا درجة الحرارة ممكن في نص النهار تصل لناقص خمسين... طبعا دي ما بتستمر كتير لكن ممكن مثلا ناقص خمسة و عشرين ولا حتى ناقص تلاتين تستمر لعدة أسابيع ورا بعض و سبحان الله في الصيف حر عديل كدا. في النهاية طبعا البلد كلها مصممة على إنك تقدر تتعايش مع الموضوع دا لكن بأمانة مرات بتكون الحكاية مدبرسة جدا. مرة في وسط موجات البرد الشديد دي واحد كندي بهزر معاي قال هسع أنا كان سألوني بقول ولدوني هنا إنت عذرك شنو؟

خلوني ( تاني) أبدا بأمين ده. 
امين، يا اخي مش طلعت بتعمم تعميمات عجيبه جداً( ناس الجنوب الامريكي أغبياء ) و بتقطع الكلام من راسك من غير اي دليل ( السود في برطانيا اكتر تعليم من في امريكا) ، و معلوماتك قديمة ( العربات الامريكية كعبة)، و منطقك مغلوط( اوباما ما افروامركان اصلي) طلعتا كمان ما عندك زوق ( literally ) حاسة الزوق بتاعتك تعبانه. الميبل سيرب ده اجمل شيء في كندا. يا اخي ده من اعظم نعم الله علينا في الدنيا الزائلة دي. 
موضوع الشوارع مستقية و ما عارفه إيه شكلك قاطعوا من راسك. كيف يعني الشوارع في امريكا مستقيمة. اسمع البوست ده فيه مهندسين مدنيين. ؛) ما تشرع فينا ساي. 
طلعتا قاعد كنب. جد جد. البوينق كلام ساي؟؟ ما سمعتا ب ال دريم لينر؟؟؟؟ اير بص من يا عم؟؟؟؟ give me a break. دي انا كمت ناويه افتح ليها بوست كامل اسميه:(أعز مكان في الدنا سرج سابح ) و ده طبعا بعد البوست بتاع وخير جليس في الزمان اي باد. لكن ما عندك في الطيب نصيب. كان هسي عرفتا ان البوينق طيارات محترمة. 
و نجي تاني لموضوع أوباما لغة بلاك شنو كمان اللي عاوزه يتكلمها؟ يا سيدي ( ما عارفه انا ح اقعد اثقف فيك لمتين؟؟ ^_^)في امريكا في لهجة اسمها الامريكية العامة. و هي اللهجة اللي بيستعملها الناس في التلفزيون في نشرات الاخبار و في الاذاعة و في الأفلام. و حتي في المدارس لتعليم الانجليزي للناطقين بغيره بيعلموهم الكلام باللهجة دي. و هي لهجة وااااضحة و مفهومة.  و هي ذي لهجة لاري كنق و كل الممثلين و المذيعين. 
امين، تاني تدفع. ما في حصص ملح^_^

تعرف يا العوض كلفورنيا بالرغم من انها من اكتر الولايات تحرر و تقدمية، لما تدخل قلب الولاية مع المزارعين بتلاقيهم كلهم متدينيين جداً.... و غنيانين جداً. تلاقي الواحد لابس جنز عينه طالعا و قميص كاروهات و بوت حالتو صعبة و يدينه مشققه من الشغل و يقول ليك طيارتي الخاصة وصلت، اها مع السلامة.  و دي أكتر حاجه بتعجبني في الشعب الامريكي. بيشتغلوا شغل  تمام. 
اما من ناحية التنوع فالشعب الامريكي و كلفورنيا بالذات فيها تنوع كبير جداً. 
مره في حلفة ( الكرسماس) بس رسميا بيسموها ال holidays party  كنا في طربيزه واحده انا و زوجي، مديري المورمان و زوجته، و مديرة المكتب و زوجها، و مديرة  الشركة في كل كلفورنيا و زوجتها ( ايوه، هي من المثليين). زوج مديرة المكتب ( المسيحي المتدين و كان بيحكي كتير عن الكنيسه و كده) بعد ما شرب شويه كده ( وراسه خفا) قعد يضحك، و قال: دي ألذ طربيزه، انا قاعد مع المورمن و المسلمين و ال gay و يضحك. و طبعا احنا و المورمن ما بنشرب قاعدين نتفرج و نضحك. كان غايتو ليلة مهببة. 

عاطف عمر، شنو يا اخي؟؟؟ خلينا نبري معتصم ده. اصلا هو زايغ من البوست و احنا عملنا ليه عذر. 

معتصم، وينك؟.

سلام يا سمارت

انتى يا ما قريتى مداخلتى كلها او بتتزاوغى:)

Quote: ين، يا اخي مش طلعت بتعمم تعميمات عجيبه جداً( ناس الجنوب الامريكي أغبياء )

دى قلت ليك من تجربه شخصيه

Quote: بتقطع الكلام من راسك من غير اي دليل ( السود في برطانيا اكتر تعليم من في امريكا)

فى دى قلتا ليك فتشت النت عن احصائيات لكن ما لقيت وقلت ليك ما تعصرينى شديد فى النقطه دى ب رجاء الجيره وكدا

Quote: و معلوماتك قديمة ( العربات الامريكية كعبة)

اى كعبه شديد لو قارنتيها ب العربات الانجليزيه وجبت ليك امثله

Quote: و منطقك مغلوط( اوباما ما افروامركان اصلي)

اى ما اصلى واجدادو ما كانو من ال slaves ودا ما كلامى براى جسى جاكسون زاتو قال عنو كدا فى ايام الحمله الانتخابيه و اظن اتراجع عن كلامو بعد داك

Quote: موضوع الشوارع مستقية و ما عارفه إيه شكلك قاطعوا من راسك

ابداً والله يا سمارت دا كلام من اكبر برنامج للعربات اسمو توب قير واسى عملو نسخه امريكيه من البرنامج دا لكن بيييييض

Quote: اسمع البوست ده فيه مهندسين مدنيين

ما شاء الله عليك ومزيد من التفوق انشاء الله.......اما انا ما بقدر اتكلم عن طبيعة شغلى لانو ب بساطه will get sacked

Quote: طلعتا قاعد كنب. جد جد. البوينق كلام ساي؟؟ ما سمعتا ب ال دريم لينر؟؟؟؟ اير بص من يا عم؟؟؟؟

الدريم لاينر يا ستى امشى شوفى كان مفروض تنزل السوق سنة كم و اتأخرو كم سنه.......عندى صحبى سودانى امريكى كان شغال معاهم فى تغيير نظام الهايدروليك فى ال cockpit ل electronic مع مراعاة انو ال feedback للطيار يكون the same ودى بتخفف الوزن يعنى استهلاك اقل للوقود.......عليك الله يا سمارت امشى قووقلى airbus a380 الاشتروها ناس الاماراتيه و السنغابوريه و....الخ و حتتصدمى بحجم الطياره.....الfist class فيهو اوضه مع كرسى و طربيزه وسرير و تلاجه و برضو عندهم shower room اما فى البزنس كلاس فيها almost a small size pub

Quote: وخير جليس في الزمان اي باد

ال اى باد ما حاجه بتخلع.....و اسمحى لى ارفع ضغطك شويه و اقول ليك ال اى فون زمنو انتها....... شوفى السامسونق الجديد المبنى على الآندرويد........ميزاتو احلى كتير من ال اى فون و كمان ممكن تشحنى البطاريه من غير توصيل سلوكwireless charging

ناسكم فى امريكا بتاعين ال NSA طلعو نظام for secure VoIP communication اسموfishbowl و بستخدم double layers for encryption using IPSEC and SRTP protocols.....لما تشترى موبايل مبنى على الاندرويد الجديد ادفعى لى قروش و بكتب ليك تيتوريال كيف تستخدميهو ب قمة الخصوصيه:)

تحياتى

ح نكرر المعاد و نعيد المكرور؟؟
اصلا التعميم المُخِل بيكون لما زول يشوف نفرين او تلاته ( من تجارب شخصية) و يقوم يقول كل الناس اللي من المنطقة دي أغبياء مثلا. ده تعريف التعميم بالمناسبة. ~_~
 بعدين يا اخي لما تقارن عربات بتقارن عربات في نفس الكلاس او الفئة  و نفس السعر. هسي انا أجي اقول الكامري أحسن من الكورلا. !!! طبعا أحسن و أغلي!!!!
هسي افركان أميركان معناها بس لما يكون جدودك سليفز؟؟؟ طيب انا و أولادي شنو؟ افارقه عايشين في امريكا؟؟؟ كلام ذي ان اوباما ما افركان امركان ده كلام بتاع حملات انتخابية ساي. 


تقول ال اي باد ما بيخلع، تقول الإنجليز ( او حتي باقي الامركان ) عندهم منافس ليه !!!!!
طلعتا بتاع اندرويد؟؟؟ ليك حق عشان انجليزي. Opps الاندرويد ذااااتو امريكي. 

بالمناسبة انا ما نوع الناس البيتعصب لأي شيء. و هسي لو طلع تلفون جديد عجبني بجيبه طوالي. لحدي هسي ال اي فون بيعمل اي حاجه انا عاوزاها و زياده. 

_________

ناس الجنوب ...
عمدة نيواورليانز فى الفيضانات قبل سنوات قال بصريح العبارة أن هذه الفيضانات لو كانت فى كاليفورنيا لكان التجاوب والتعامل معها من الاعلام ومن الادارة الامريكية
بصورة مختلفة ولكن لان هذا هو الجنوب ( ثم أخفي وجهه وإستدار من الكاميرا وهو يبكي )
لذلك الصورة المكونة عن الجنوب الامريكى
تقليديون
محافظون
إقطاعييون
أقل إستجابة لقيم التحرر فى المجتمع الامريكى
ارض الســود
اقل ثراءاً من الشمال
يندر أن يكون منهمرئيساً لامريكا ( كارتر فلته زمانية )
واخيراً هم الذين تمت هزيمتــهم ( لازالت أثار الهزيمة تحكم علاقات ولايات الشمال وولايات الجنوب )



_____________
عنوان البوســـت خرمجة اوباما
الله يرضى عليكم ابقو مارقين
وخلو طربيزة عرض معتصم دا تبيع شويــة

غايته انا ما فاهمه اخونا امين ده عايز يقول شنو.. يعني لو القصة تشجيع كوره، يمكن ده اكتر شي شاله من السادة البريطان! يعني المشكلة مع امريكا ولا مع الامريكان السود ولا ناس الجنوب ولا العربات الامريكية! ولا المشكلة انه منو أظرف؟

ولا المشكلة مع سمارت!
لانه جيبت موضوع ANDROID دي لخبتت القصة شوية!



غايته لو مشكلتك مع امريكا، ممكن تتحلّ، لكن لو مشكلتك ما سمارت، يحلك الله!


طبعا ما حأناقش نقاط التعميم لانها (لا يعتد بها)، كونها subjective data، ده لو اصلا اعتبرناها data زاتو! وممكن اعرض تجربتي الشخصية لكن حأقع في نفس الفخ بتاعك ده! اشتغلته مع الامريكان وبقرا مع الBritish.. وفي الاتنين لقيت الظريف (على المتسوى الشخصي) ولقيت (المسيخ)... زي ما ممكن ألاقي (سوداني) مسيخ و(سودانية) ظريفة! العنصرية دي سلوك على المستوى الاجتماعي، المهم انه الsystem ما يدعمها... عشان كده نيوأورلينز كانت ولا زالت وصمة عار في نظام بوش...

أوباما كديموقراطي محتاج يمثل الشعب الامريكي بكل اطيافه... عشان كده ما بتكلم بلغة الblacks... رغم انه هو عاش في محيط بتاع أسرة بيضاء (راجع قوقل!)... بالاضافة لكده، ما ممكن تقول عن شخص انه اجداده slaves ما لم يكون فعلا slave! تعريف الكلمة في امريكا ما بعني انه الزول black، بعني انه كان actual slave بخدم في الناس واتباع واشتروه... ابو اوباما زول هاجر من كينيا لأمريكا... ما اتمارس عليه رق ولا في زول سرقه من بلده... عشان كده جيسي جيمز اتراجع عن العبارة بتاعته!

أما الMaple Syrup دي اكدت لي بما لا يدع مجالا للشك انه ما عندك موضوع! وانه القصة تشجيع كوره بس... أصلا الامريكان (رأيهم مهم، last time I checked هم 313 مليون وشويه كسور كده) بقولوا انه كندا ما انتجت إلا الMaple Syrup... وفعلا المصيبة ده طعمه خرافي.. لكن في النهاية رأيي ورأيك subjective وما بفيد النقاش الاصلي بي شي!



بالمناسبة، في جملة كتبتها فوق، واقفه لي في زوري... وما قادره ابلعها نهائي، وقدر ما (قشيتها) في الcultural differences ابت كلو كلو تتقش لي... حقو تمسحها عشان ما لغة مناسبة بي ثقافتنا هنا في الboard... ما حأكتبها هي شنو عشان ما عايزه اكتبها زاتو!




* يا سمارت ياخ صابتنا سهامك ياخ بي موضوع النشافات ده...

سلام يا سمارت

فى الاول كويس انو اتخطينا موضوع الكلام قاطعو من راسك ب النسبه ل تصميم العربات ......و برضو كويس اتخطينا موضوع البوينج و الايربس....

Quote: بعدين يا اخي لما تقارن عربات بتقارن عربات في نفس الكلاس او الفئة و نفس السعر

هههههه خلاس انسى الروز رويس وال بنتلى و tvr و لوتس......باقى العربات القلتم من اصغر كلاس زى المنى كوبر ل اكبر كلاس زى الرانج روفر مالك اتجاهلتيهم

Quote: طيب انا و أولادي شنو؟ افارقه عايشين في امريكا؟؟؟

لا لأ white caucasian.....بهظر معاك ما تجى تردمينى:)

Quote: تقول ال اي باد ما بيخلع، تقول الإنجليز ( او حتي باقي الامركان ) عندهم منافس ليه !!!!!

اى ما بخلع و فى نظرى الخاصit is just a flashy toy, same goes for the Iphone......انا اصلا ما مقتنع بفكرة ال tablets لا لامه فى كمبيوتر ولا لامه فى تلفون و اظن انها بتخدم العملاء المتحركين فقط

Quote: طلعتا بتاع اندرويد؟؟؟

ابداً ما بتاع تلفونات اندرويد.....تلفونى نوكيا قدييييييييييييم

انا بتاع لينكس ومؤمن ب الآيديولوجى بتاعت المصادر المفتوحه اشان كدا بحتقر مايكروسوفت وأبل لانهم profit oriented organization.... واندرويد مصدر مفتوح ف مفكر اغير موبايلى ليهو اشن اعمل برامجى الدايرا مفصله تفصيل خياط

Quote: ليك حق عشان انجليزي. Opps الاندرويد ذااااتو امريكي.

فى حكابة انجليزى/امريكى دى بس ل معلوميتك الكمبيوتر دا زاتو اختراع انجليزى عملوهو ايام الحرب العالميه التانيه اشان يفكّو شفرة ال enigma code بتاعت النازيين......و برضو لولا العالم الانجليزى Tim Berners-Lee لما كنّا نستطيع التداخل فى الموقع دا ولّا غيرو لانو اخترع ال world wide web(www)and the browser.....قبلى ما تقولى لى انو الامريكان اخترعو الانترنت حقول ليك اكتر استخدام ليهو هو ال www!

اما فى حكاية الاندرويد امريكى....كلامك صح لو بتعاينى ليه منو اسسو و مالكو......لكن المبرمجين بتاعنو من جميع انحاء العالم و انا زاتى لو لميت قرووش ل موبايل سامسونج الاندرويد الجديد حكون واحد من المبرمجين لو الوقت سمح لانى حالياً مشارك فى مشروع احدى اصدارات اللينكس

Quote: بالمناسبة انا ما نوع الناس البيتعصب لأي شيء

للاسف و لحسن الحظ انا عكسك تماماً........حسن الحظ فى انو انا متعصب شديد ل المصادر المفتوحه وسوء الحظ فى انو انا متعصب ل مانشستر يونايتد....بس ما ليه درجة hooligan

سلام يا مريم

Quote: أما الMaple Syrup دي اكدت لي بما لا يدع مجالا للشك انه ما عندك موضوع!

انت شكلك بتقرى ب جديه زياده عن اللزوم......دى مجرد ممازحه مع العوض

Quote: بالمناسبة، في جملة كتبتها فوق، واقفه لي في زوري... وما قادره ابلعها نهائي، وقدر ما (قشيتها) في الcultural differences ابت كلو كلو تتقش لي... حقو تمسحها عشان ما لغة مناسبة بي ثقافتنا هنا في الboard... ما حأكتبها هي شنو عشان ما عايزه اكتبها زاتو!

لا اظن انو الثقافه فى البورد لازم تكون متلازمه مع تعابير الامريكان مش برضو الموقع دا فيهو بورداب من بريطانيا ......ما شايف اى داعى انى امسحها لانو كررتا اكتر من مره انو معناها سجاير فى انجلترا.....استعملى قووقل لو دايرا تتأكدى

تحياتى لكما

سلامات يا مريوم. 
سهام النشافات دي اجمل سهام ممكن تصيبكم من الامركان ديل. 
أخونا امين شكله بيحب الكورة شديد^_^

يا جماعة فاتني ان شاكر د. محمد قرشي علي البحث بتاع البطاريق^_^ بعدين يا دكتور اعمل حسابك، بالأبحاث الجباتها دي انت بتقع في فخ كبير جداً. عرفته؟ فخ ان ال homosexuality عبارة حاجه جينية و ليست اختيار!!!! و طبعا ملاحظ تبعات الموضوع ده. 

سلامات اخ بدر الدين. انا حقيقي ما عشتا في الجنوب. لكن ما اظن ان اثار الحرب القديمة لسه باقيه او كونوا احنا نقول انها باقية ( او غير باقية) تبسيط شديد للموضوع. 
بالمناسبة. 
اما عن موضوع ندرة ان يكون الرئيس من الجنوب غده ما صحيح. بوش الاب و الابن الاتنين من تكساس. كلنتون من الجنوب غير جيمي كارتر. الناس في امريكا لما تجي تصوت لرئيس ما قاعدين يعاينو للحجات دي. الناس بتعاين لمشاكل امريكا في الزمن المعين و بيختاروا الرئيس اللي ( بيفتكروا) ممكن يحلها. الان المشكلة في الاقتصاد، و ده ح يكون اهم شيء في الانتخابات القادمة. في نهاية حكم كلنتون الاقتصاد كان ذي الورد، امريكا في أحسن حالاتها. كان عندهم فائض في الميزانية. عشان كده كان الدين و كون الرئيس محافظ من اهم الحجات في اختيار الرئيس، قوموا يا الامركان رشحوا بوش الابن.
 

Quote: يا جماعة فاتني ان شاكر د. محمد قرشي علي البحث بتاع البطاريق^_^ بعدين يا دكتور اعمل حسابك، بالأبحاث الجباتها دي انت بتقع في فخ كبير جداً. عرفته؟ فخ ان ال homosexuality عبارة حاجه جينية و ليست اختيار!!!! و طبعا ملاحظ تبعات الموضوع ده.

ماهو علشان كده أنا حرصت على إني أقول

Quote: عند الإنسان المسألة أكثر تعقيدا .. لأن السلوك الإنساني متنوع و حر نسبيا بفضل القشرة المخية الجديدة المسيطرة على الغرائز لحد كبير يعني الخيارات الثقافية و الإرادة و غيرها من العوامل بتتدخل في التعبير السلوكي البسيط للجين ده

بعدين لما نبحث في الموضوع علميا
بنحرص على إستنطاق الواقع
بعيدا عن وجهة نظر الأطراف المتصارعه

عموما ..
ما شايف في تعارض بين الجينات و الحرية الشخصية على مستوى السلوك الإنساني
يعني ممكن الزول يكون عنيف بطبعه الجيني لكنه ما يصبح قاتل متسلسل مستقبلا
بل يمكن حتى يبقى بوذي و لا حاجه زي دي :)

عموما ..
Thank you for the thanks
very much

 طيب موضوع انك قاطعه من راسك... انت فعلا قاطعه من راسك. و كوني مشيت الموضوع بتاع الايربس و البوينق ما معناه كلامك صح يا فرده. بس الغلاط معاك صعب شويه لأنك بتعمم و انطباعي. هسي دي امشي قوقل و فتش اكتر طيارة بتستعملها الإماراتية - لانك ضربت بيهم مثل-في أسطولها شنو؟


جادي انت؟؟ انت متخيل الميني كوبر عربية رخيصه؟؟؟ كلاس يا سيدي ما مقاس. 

و يا اخي لما تعاين ل التابلت فكر فيهم كاختراع جديد. ما ضروري يكون تلفون او لابتوب. خليك open minded ^_^
و كويس انك جبتا سيرة Berners-Lee . كدي النسالك و زولك ده رحل امريكا ليه؟ يكون عاجبو الجو في نواحي ال MIT ^_^

بعدين ما في زول غالطك في معني الكلمة، بس ما لذيذه. و كل ما اشوفها بتخلع. 
تعرف موضوع الغلاط في الكلمة دي هو الفرق بين الامركان و باقي الناس. انا بكون (أكيد) صايمه في رمضان. ناس المكتب تقديرا لشعوري ما بعملوا برنامج فيه اكل في رمضان. ممكن عادي يقولوا ده اختلاف ديانات او ثقافات و ليه احنا نجوع( او حتي نلغي برامجنا) عاشنها. لكن ما بعملوا كده. انت هنا كلمة ما عاوز تمسحها تقديرا عشان شعورنا. 

Quote: طيب موضوع انك قاطعه من راسك... انت فعلا قاطعه من راسك

ليه كدا يا سمارت.......ما قولنا ليك المعلومه دى من توب قير وعندم دشليون season فا مستحيل ازّكر ياتو حلقه ب الضبط

Quote: و كوني مشيت الموضوع بتاع الايربس و البوينق ما معناه كلامك صح يا فرده. بس الغلاط معاك صعب شويه لأنك بتعمم و انطباعي. هسي دي امشي قوقل و فتش اكتر طيارة بتستعملها الإماراتية - لانك ضربت بيهم مثل-في أسطولها شنو؟

I care about quality not quantity.....تاى بقول ليك امشى فتشى عن التنافس بين الاماراتيه والسنغافوريه فى منو يستلم اول واحده و فازت السنغافوريه وكانت اول رحله لهيثرو

http://www.airbus.com/newsevents/news-events-...0-lands-at-heathrow/

Quote: جادي انت؟؟ انت متخيل الميني كوبر عربية رخيصه؟؟؟ كلاس يا سيدي ما مقاس.

فى الاول كان كلامك لما قلتا عن العربات الامريكيه فاشله قلتى لى معلوماتك قديمه.......و حسى بتتكلمى عن ياتو ارخص! .....طبعاً الامريكيه ارخص لانهم way behind.....غايتو بمعنى كلاس هى hatchback يعنى اصغر مقاس لكن برضو فى منها convertible

Quote: و كويس انك جبتا سيرة Berners-Lee . كدي النسالك و زولك ده رحل امريكا ليه؟ يكون عاجبو الجو في نواحي ال MIT

محلو الطبيعى انو يمشى هناك لأنو ال MIT هى حالياً موطن التكنولوجى كان academic او research

وزيو hendrick schon الجا علّم الناس فى bell laboratories فى امريكا كيف يعملو تجارب ب الطريقه الصح..... و الزول دا معتمدين عليهو الامريكان لانقاذ الاقتصاد المبنى على الاكترونيات من الانهيار نسبتاً لانmoore's law وصل الحد بتاع كمية الترانزستور الممكن تتخت at atomic level......... و شون دا الرئد حالياّ فى تطوير النانوتكنولوجى

احضرى عنه ال documentary دى
http://www.youtube.com/watch?v=auGQzaXGDKM


واخيراً يا ناس الله الكلمه دى معناها سجااااااااااااااااااااااااااااااير

Quote: لا اظن انو الثقافه فى البورد لازم تكون متلازمه مع تعابير الامريكان مش برضو الموقع دا فيهو بورداب من بريطانيا ......ما شايف اى داعى انى امسحها لانو كررتا اكتر من مره انو معناها سجاير فى انجلترا.....استعملى قووقل لو دايرا تتأكدى

اتصور، البورد طلع يانكي برضه!! حتى البريطانيين التانيين ما جابوا سيرة... اقلية .. إلا تطلعوا مظاهرات نعرفكم....

انا سودانييييييييييية، لكن بفتش لمخارجة للجواز...


اما عبارتك القصدتها، ما هي الانت اتكلمته عنها دي.... صادق صادق، ما بفتش بي وراك في الثقافة البريطانية ابداُ!

سلام يا بدر الدين

تعرف الطائفيه الدينيه فى امريكا بتلعب دور كبير فى اختيار الرئيس....... وكيبيديا بتقول انو The majority of Americans (76% to 80%) identify themselves as Christians, mostly within Protestant and Catholic denominations, accounting for 51% and 25% of the population respectively.

الرئيس كندى فى نظرى الخاص هو اكتر رئيس طوّر العالم ب وصول الانسان للقمر.....هل تعلم انو هو الرئيس الوحيد الكان كاثوليكى!

Quote: تعرف الطائفيه الدينيه فى امريكا بتلعب دور كبير فى اختيار الرئيس......

ل
الكلام غير صحيح تماماً. ما قلنا ليك ما تبقي انطباعي^_^
يا سيدي الجمهوريين - اكتر ناس شغالين بموضوع الدين ده- رشحوا المورمان مت رامني عشان يمثلهم ضد المسحي مثلهم أوباما. ( المسحيين المتشددين بيعتبروا المورمن ما مسحيين)
و السنة دي أوباما لو ما مشي عديل و صلح الاقتصاد، عادي ممكن يخسر لرامني.

Quote: وزيو hendrick schon الجا علّم الناس فى bell laboratories فى امريكا كيف يعملو تجارب ب الطريقه الصح..... و الزول دا معتمدين عليهو الامريكان لانقاذ الاقتصاد المبنى على الاكترونيات من الانهيار نسبتاً لانmoore's law وصل الحد بتاع كمية الترانزستور الممكن تتخت at atomic level......... و شون دا الرئد حالياّ فى تطوير النانوتكنولوجى

جادي انت؟؟؟؟ تعرف مشكلتك انك بتلقط حبة معلومات من ويكي و تجي ترصها و معاها حبة تعميمات و كم كلمة بالانجلزي و تفترض ان الكلام بقي صحيح ^_^
 و الله؟ علمهم يعملوا تجارب صح؟؟ و الاقتصاد الامريكي مبنى عليه؟؟؟ و قبل كده الاقتصاد الامريكي كان وين ؟؟انت عارف الاقتصاد الامريكي قدر شنو ؟؟؟
انا و الله بعد جملتك دى مفروض اقول اصلا ما بتناقش معاك. ^_^ 
ده غير اننا بنكون بنتكلم في موضوع و انت بتغيره لموضوع  مختلف تماماً. 
موضوع العربات ده بدا باني قلتا الامركان بيحبوا العربات الكبيرة. جيت قلتا العربات الامريكية  كعبة. قلتا ليك يا ابني اى عربات كبيرة ما ضروري أمريكية. جيت قلتا الكبيرة ما ضروري احسن. 
.ذي جملتك دي{I care about quality not quantity..... }. ما ليها علاقة باي شيء


بعدين عارفين الكلمة معناه ( عنكم) سجارة. لكن المثال بتاع الصيام شكو ما وقع عليك او كمان ما بتجامل كلو كلو ( ما ظريف يعني) عشان كده قلنا الامركان ظراف. عشان الذيك ديل ^_^

سيد البوست ده وين؟؟؟؟ انا خلاص moving on

Quote: عن العربات، معلوماتك قديمة يا فرده. العربات الامريكية بقت سمحة.و بعدين من قبيل شابكننا انجلترا و الإنجليز، لما بقت علي العربات بقيت تقوا أوربية ؛) و ين العربات الانجليزية

دا مش كلامك....و بعد ما رصيت ليك العربات الانجليزيه جيتى قولتى

Quote: بعدين يا اخي لما تقارن عربات بتقارن عربات في نفس الكلاس او الفئة و نفس السعر

و انتى فى كلامك قلتى (او) ورديت ليك ب(هههههه خلاس انسى الروز رويس وال بنتلى و tvr و لوتس......باقى العربات القلتم من اصغر كلاس زى المنى كوبر ل اكبر كلاس زى الرانج روفر مالك اتجاهلتيهم)

جيتى قولتى

Quote: جادي انت؟؟ انت متخيل الميني كوبر عربية رخيصه؟؟؟ كلاس يا سيدي ما مقاس.

رديت ب(فى الاول كان كلامك لما قلتا عن العربات الامريكيه فاشله قلتى لى معلوماتك قديمه.......و حسى بتتكلمى عن ياتو ارخص! .....طبعاً الامريكيه ارخص لانهم way behind.....غايتو بمعنى كلاس هى hatchback يعنى اصغر مقاس لكن برضو فى منها convertible) ما عارف تعريفك لكلمة كلاس للعربات شنو؟!

Quote: و الله؟ علمهم يعملوا تجارب صح؟؟ و الاقتصاد الامريكي مبنى عليه؟؟؟

احضرى الdocumentary قبل ما تحكمى وشوفى الامريكان قالو عنو شنو.............ما تقولينى كلام ما قلتو انا قلتالاقتصاد المبنى على الاكترونيات يعنى sector محدد

Quote: جادي انت؟؟؟؟ تعرف مشكلتك انك بتلقط حبة معلومات من ويكي و تجي ترصها و معاها حبة تعميمات و كم كلمة بالانجلزي و تفترض ان الكلام بقي صحيح ^_^

ههه شكراً ليك

Quote: انا و الله بعد جملتك دى مفروض اقول اصلا ما بتناقش معاك

هو كان فى البدايه نقاش وقلب بعدها غلاط...... شكلك النوع "who dont like to lose an argument"........ 'طيب معلوماتى دى كلها غلط و انتى جد smart اسم على مسمى كدا مزبوط معاك؟

مع أني قلتا مشتته لكن يا امين يا ابني ما تزعل و تعمل الموضوع شخصي.
موضوع العربات ده انت طلعتوا من مساره، ما بنكر أني طلعتا معاك لكن ده ما بيمنع ان الموضوع اصلا كان ان الامركان بيحبوا العربات الكبيرة و ما فارق نوعها شنو
موضوع ال class انت برضو لخبطه. ح أحاول اشرح تاني، طيب خلينا معاين للتايوتا. التيوتا عندها الكامري و عندها لكسز ( واحد منهم) قدر الكامري تماماً.
هل كون الكامري رخيصة معاناها ان التايوتا ما عندها التكنولوجي اللي خلتها تعمل اللكزس؟
عاوز تعمل عربات غاليه اصرف عليها ذي ما عاوز و خت فيها كل تكنولوجية الدنيا.
انت مشكلتك بتقارن تفاح ببرتقال في موضوع العربات ده.

و خلينا -ذي ما قلتا قبل كده - نعاين ل ال big picture هسي من ده كلو عاوز تثبت شنو؟ ان انجلتر دول عظمي؟ ما قلنا حاجه يا اخي.
لكن كمان ما في مقارنه بين امريكا و انجلترا. لا في المساحة و لا في السكان و لا في الموارد الطبيعية. و لا حتي في الفرص بتاعة العمل و التفوق للأجانب.


--------------------
ليه اي رجل ما يعجبوا كلامي هنا طوالي يفتكر ان اسم اسمارت دي ما لذيذ ^_^؟؟؟

Quote: ليه اي رجل ما يعجبوا كلامي هنا طوالي يفتكر ان اسم اسمارت دي ما لذيذ ^_^؟؟؟

يشهد الله ما قاصد اى حاجه كعبه


يا سمارت انا بعترف انى more royal than the queen:)..........ومعظم اصحابى المقربين انجليز و قاعدين يجونى زيارات فى السودان دا

واخيراً زى ما قلتا ليك انا ود حلتك فما تعصرينى شديد:)

P.S(Please watch that documentary it's very mind stimulating)x


تحياتى

Quote: انا خلاص moving on

ما لســه بدرى يا خليفة

بالله شوفوا مستوي الديمقراطية في هذا البلد المحترم
يقولوا في الرئيس كلام زي ده،، ولا مصادرة ولا بيوت أشباح ولا يحزنون!
والواحد عندنا هنا معترف بقتل 300 الف رقبة بدارفور وقاعد يتفصح،،ويصادر في الحريات والجرائد !

حبيب نورة عليك الله تعال ودي لي البوست ده الخور please take it to the khour ولا بقولوا شنوا الانجليز والامريكان في هكذا حالة يا شباب ..

يلا يا حبيبا لك مطلق الصلاحية وخلي عثمان موسى يردم معاك..

Quote: حبيب نورة عليك الله تعال ودي لي البوست ده الخور please take it to the khour ولا بقولوا شنوا الانجليز والامريكان في هكذا حالة يا شباب .. يلا يا حبيبا لك مطلق الصلاحية وخلي عثمان موسى يردم معاك..

يا نيستا
بما إنو سبق أن تحدثنا عن هذا البوست في جخنون مجاور ووصفناه بأنه غير مطابق للمواصفات القياسية التي تؤهله لبلوغ الخور
ولكن لو تمكنا من رفده ببعض الصور الظريفة ربما .
من شروط الخورنة لازم يتوفر بالبوست موقف دفارات وكمية من الصفايح تكفي لتعبئة كل المنتج الوطني من جبنة الدويم الممتازة
هنالك شرط مهم جداً للخورنة ( ضمان وجود الأخوة السلفيين ناس الله قال والرسول قال ) لسبب وجيه جداً
عندهم القدرة الهائلة لإحداث ما يعرف بالمديدة الحارة وصب الزيت علي نار الفتنة وإيقاظها من غيبوبتها

ولحين عودة

معاً من أجل ضمان حقوق الجماعة الطيبين وكافة الصفايح

هسه عليكون الله أوباما ده مش المفروض يقتدي بسيرة جون كيندي ومارلين مونرو ؟
شفع شنو بالله



نار الله الموقدة

...البوست ده قمة عديل كده زي مباريات (ريال مدريد/ برشلونة) بصوت عصام الشوالي، ياخ أنا معجب جدا بلتخيص التجارب الوجودية القاعدة تنطرح في البوست ده، ومبسوط جدا بالمجادعات والدفاعات المستميتة(كلٌ عن وطنه الجديد/ كندا/ أوربا/ امريكا) ، لغة الخطاب ذاتها مميزة ،والمخاشنات (إن وجدت) في قمة الروعة، المهم هسي يعني الواحد يبيع القدامو والوراهو، ولا يشوف ليهو (قرض ربوي) عشان يجي (بلاد الارصفة النضيفة دي) ويكون جزء من العبث الجميل ده...؟
إحتراماتي

اصبحنا بالله

يعني غلبك توديهو يا حبيبا

مارلين مونورو قلت لي .. صدقني ما بتوديهو

بعدين انت قاصد الصفايح ولا العلب ?

لازم مساعدة يا عمك

اول حاجة يجي زول يعترض علي صورة مارلين مونرو المحتشمه
نقوم نجيبها ليه في وضع مخل

والقصة تجوط

خليك ناقش سياسات الخورنة يا عمك