Post: #1 Title: قصة اختطافنا من مستشفى هجليج Author: خالد حسن أحمد Date: 05-15-2012, 08:35 AM
بسم الله الرحمن الرحيم
قصة اختطافنا من مستشفى هجليج
الحمد لله الذي أضحك وأبكى، وأمات وأحيا، فعرفنا بلذة الفرح شدة الترح، وبحلاوة الحياة مرارة الوفاة.
قال الطائي: أوما رأيت منازل ابنة مـالـكٍ رسمت له كيف الزفير رسومها والحادثات وإن أصابك بؤسـهـا فهو الذي أدراك كيف نعيمهـا
وقال: إساءة دهرٍ أذكرت حسن فعـلـه ولولا الشري لم يعرف الشهد ذائقه
وصلى الله على خير مبعوث، وأكرم وارث وموروث، محمد الذي أخرجنا من الضيق إلى الفسحة، وبعث إلينا ، ليضع عن ولد إسماعيل أغلال بني إسرائيل، بل ليرفع عن كل من دخل في السلم، من جملة العرب والعجم، ما أضلع حمله وأظلع ثقله، صلى الله عليه صلاةً تزلف لديه، وتصعد في الكلم الطيب إليه، وعلى آله وصحبه وسلم . . .
لم نكن أسرى حرب . . فقد إقتحم المعتدون بقعة عزيزة من وطننا . . لم نحمل سلاحنا لاقتحام الجنوب ولم تكن حربنا على أرض متنازع عليها بل انتهكوا حرمة أرضنا و كان احتلالا" بكل ما تحمل الكلمة . .
لسنا أبطالا" لكننا نعرف معنى الواجب . . الشرف . . الوطن و الحمدلله. .
بدأت الملامح العامة برأيي لسقوط هجليج تتشكل في خيالي منذ مساء الاثنين التاسع من ابريل ......
كان صباح يوم الثلاثاء العاشر من ابريل صباحا عاديا .. . . استيقظت باكرا . . . و كما العادة ذهبت الى الحوادث للاطمئنان على سير العمل و لمعاينة المرضى من العسكريين . . . و استمر ذلك الوضع حتى الساعة العاشرة صباحا مواعيد الافطار
تناولنا الوجبة و واصلنا معاينة المرضى بالحوادث . . . الحمدلله لم يكن هناك ما يعكر سير العمل بالمستشفى . . . لكن هناك حقيقة يجب الوقوف عندها و هي ان السبب الذي من اجله انشئت المستشفى كان من اجل تقديم خدمة طبية للعاملين بشركات النفط بهجليج . . . فالمستشفى اذن صغير نوعا ما ...
عند الواحدة ظهرا اتصل بي الشهيد رائد طبيب ياسر ختم رحمه الله مبلغا بان الاشتباك قد بدأ بمتحرك الشهيد الفاضل و أن نكون على استعداد بالمستشفى. . .
و استنفرت الكوادر بالمستشفى لذلك و فعلا بدأ اخلاء الجرحى من المقدمة للمستشفى بأعداد مقدرة و بدأنا بعمل الاسعاف اللازم لهم . . . بعض الجرحى اصابته خفيفة . . . البعض الاخر خطيرة .. و بعضهم كان قد استشهد قبل الحضور للمستشفى ..
استمر توافد الجرحى للمستشفى . . . و امتلأ المستشفى حتى الردهات و الصالات . . .
عند الساعة الثالثة ظهرا اتصلت بالشهيد ياسر مستفسرا عن وضع الميدان . . . وجدت هاتفه مغلقا . . .
و شيئا فشيئا اقترب صوت الاشتباك من تخوم المستشفى و بدا كما لو أن الجيش ينسحب . . .
أحضرت شركة النفط سيارات أخلت بها كل الطاقم المدني العامل بالمستشفى . . .
و بقينا بالمستشفى . . . أنا و طاقم طبي عسكري بسيط و بعض جرحى و مرضى . . .
استشارني طاقمي العسكري عما سيحدث بعد ذلك و أعطيت تعليماتي لهم باخلاء المستشفى على أن يخلوا الجرحى بالمستشفى معهم . . . و فعلا تأكدنا من ذلك و الحمدلله . . .
و بقيت بالمستشفى و لم يك بها غيري . . . و خمسة مرضى و مرافقيهم الخمسة و ممرض واحد . . . استمر الوضع و الاشتباك حتى الخامسة عصرا . . .
و بذلك الوقت كان الجيش قد أخلى المنطقة . . .
انتظرت قرب المستشفى علني أجد سيارة تقلنا . . . و قدر الله كان يرسم خطة أخرى . . .
هاجمت قوة من العدل و المساواة بسيارتهم المستشفى . . . فتحوا نيرانهم باتجاهي بكثافة . . . طالبين مني الاستسلام و الرضوخ وانا لم أك احمل سلاحا غير ايماني و توكلي على الحي الذي لا يموت . . .
أوضحت لهم بان الموجودين الان بالمستشفى هم مرضى لم يشاركوا بالاشتباك ويجب الا يتم تصفيتهم . . .
**مشهد : كان هناك أحد الاخوة الذين استشهدوا و كان مسجى بالمستشفى و مغطى ببطانية . . . قال أحد جنود العدل بان هذا الشخص يتحرك أجابه اخر بانه ميت . . . لكن الأول ذهب لمكانه و أطلق عليه الرصاص حتى يتأكد من وفاته !!! . . . كان هذا حال معظم جنود العدل و المساواة و جنود الجيش الشعبي في التعامل مع الجرحى من جيشنا . . . تم اقتيادنا بالعربات التي كان بكل منها أربعة جنود الى السوق. . . قامت قوات العدل بنهب السوق و كسر اقفاله و أتوا على كل ما به من بضاعة و أغراض...
ومن هناك تحركت قوات العدل و المساواة عائدة بنفس طريق الردمية الذي أتوا به . . .
و شاهدت قوات الجيش الشعبي باعداد ضخمة تتقدم نحو هجليج . . . يتبادلون الهتاف و تحايا النصر مع قوات العدل و المساواة . . .
كان عدد عربات العدل و المساواة كبيرا بشارع الردمية . . . و كان بكل عربة حوالي أربعة او خمسة من الجنود . . .
و معظم قوات الجيش الشعبي كانوا مشاة ...
كنت أرى جثثا ملقاة هنا و هناك بالشارع ..
و صلنا منطقة لالوبة جنوبي هجليج و هي على بعد ساعة و نصف من هجليج ...
هناك و جدنا تمركزا لقوات العدل و المساواة بسياراتهم ...
الجنود هناك يتعاطون المخدرات و المشروبات الكحولية بكثرة ... حين تمكن منهم أثر التعاطي سألني أحدهم قائلا ( يا دكتور هل أنت مجنون ؟! ما الذي كنت تفعله بذلك المكان ؟... انت محظوظ انك لم تمت ... ) أجبته بان الله هو الذي بيده التصاريف . . . (و لا تدري نفس بأي أرض تموت ) ...
كنت مطمئنا و كأن الله قد أنزل سكينته على قلبي .... و ما يريحني هو أنني قد أديت واجبي بأكمل وجه ... واخليت كل الجرحى . . .
كان كل شيء حولنا ظلاما الا من أضواء سيجارهم المخدر !!
بتنا ليلتنا هناك حتى الصباح وحينما انبلج الفجر و علم من كان بالمكان من الجنود بأن هناك ضابط من جيش الشمال أسيرا . . . تجمعوا بالمكان . . . كل يمني نفسه بالثأر من حكومتنا بشخص هذا الضابط . . ضربا و تنكيلا بالرأس بالبطن و بكل ما تقع أيديهم أو زجاجات مشروباتهم الكحولية عليه من أجزاء الجسم . . . و بساقط القول من الألفاظ . . . بعضهم يمني نفسه بقتلي ... كانوا يقولون ( جابكم هنا شنو يا .... ؟ دايرين شنو ؟ ) كأنما هجليج قرية تتبع لمحلية جوبا !!! وهنا حضر ضابط ... ملازم أول يتبع للجيش الشعبي و اقتادني لقيادتهم بالمنطقة و كان بها نقيب بالجيش الشعبي ... أجلسوني على كرسي في البداية و بيدي أصفاد . . . ومن ثم على الأرض مكبلا بحبل. . . و حضر جنود من الجيش الشعبي و فتشوا كل جيوبي بحثا عن غنيمة !!
انضم الينا هنا مواطن كان يعمل حارسا بشركة التركترات بهجليج قبض عليه أيضا جنود العدل و المساواة ... تم اقتيادنا الى منطقة ربكونا التابعة لولاية الوحدة و تبعد بالسيارة أكثر من ساعة . . . هناك و بقيادة الجيش تم تسليمنا الى القيادة . . . كان هناك رائد فما دون و عدد من ضباط الصف . . . سخر بعضهم منا و أشبعونا تقريعا . . . تم وضعنا و كنا حوالي أربعين شخصا و معنا عدد من جنود الجيش الشعبي في حاوية أو كونتينر !! . . ذو أكسجين و تهوية قليلة . . و ماء قليل جدا ! . . وجبة واحدة مقسومة على وجبتين بطعام لا يسمن ولا يغني من جوع و ليس فيه من معدن ولا يعرف الفيتامين ! . . كوجة ( نوع من العصيدة ) و عدس ... و القمل يشاركنا ما تبقى من دم في عروقنا !! و رائحة كرائحة المشرحة !! لا مجال لاستخدام الحمام !! و أشبعنا الجنود شتائم مغمورة بالقذارة ! . . و ألفاظ يندى لها الجبين !! احتسبنا كل ذلك و ثبتنا الله بالقول الثابت . . . أخذنا أيضا نصيبا من الضرب في ذاك الكونتينر . . .
قابلني الفريق تعبان دينق والي ولاية الوحدة مرتين . . ناصحا" لي بأن البشير سيئ و داير يكتل الشباب حديثي السن من أمثالي . . أعطاني كتابين للإطلاع . . أحدهما كتاب (الحركة الإسلامية دائرة الضوء خيوط الظلام) للمحبوب عبد السلام كنت قد قرأته من قبل وهو لمن لم يطلع عليه عبارة عن مرارات وشحنات من الأسى نتيجة المفاصلة بين الأسلاميين . . المحبوب طبعا" مؤتمر شعبي . . الكتاب الثاني عن النفط والصراع السياسي في السودان . . لا يخفى عليكم برنامج غسيل المخ الذي كان يحاول القيام به الفريق تعبان ... و كان يحاول اقناعي بسوء حكومتنا و ان هجليج جنوبية !!!!!! لم يك حديثه أكثر من حديث مشحون بالعاطفة الجوفاء والمنطق الفارغ. . . وكل ما خرجت به منه مفاهيم مشحونة بكره و غل عجيب و ان كان يصطنع الطيبة . . . و استمر نفس برنامج التجنيد عن طريق مقدم يتبع للاستخبارات بالجيش الشعبي بجوبا . . . سألني تعبان ( ان عدت الى الشمال هل ستواصل العمل بالجيش؟ ) قلت نعم . . اندهش من الاجابة . . . كنا نعمل بأعمال البناء و انزال الغنائم من مهمات عسكرية و ذخائر و غيرها بالمخازن . . . وكان عدد الغنائم مهولا !! من سيارات . . . كبيرة و صغيرة . . . مهمات عسكرية و تعيينات و غيرها . . . حضر الينا ضابط مخمور كان يتحدث بأنهم أخذوا كل الأدوية الموجودة بالمستشفى و خزنوها ببيوتهم !!! استفسرته عن كيف سيستفيد من هذه الادوية و عما اذا كان يعرف طبيعتها . . . فأجابني نحن أخدناها و خلاص !!
تم استجوابي عن طريق لواء بالجيش الشعبي بربكونا .. سألني عن اسمي و رتبتي و وحدتي العسكرية سال عن اسم قائد القوة بهجليج . . عدد القوات . . . نوع التسليح . . . مكان الارتكاز بعد الانسحاب . . . اجاباتي كنت ألوكها بعقلي جيدا قبل اعطائها مغلفة لهم بالزيف و شعاري هو الحرب خدعة !! استمر الوضع كما هو حتى الخامس عشر من أبريل . . . حيث تم إخراج الأسرى من الكونتينر . . قيل ارتدوا زيكم العسكري لمن كان يرتدي غيره . . تحركنا الى المطار و في الطريق كنت ارى تعزيزات كبيرة من القوات تتجه نحو ربكونا . . .
** مشهد : في مطار سارجاس بربكونا و أنا مشدود الوثاق بحبل متين قام بربطه أحد الأفراد بكل ما أوتي من قوة وضع أحد أفراد الشرطة العسكرية يده على بطني و ضغط عليها بعنف وقال نحن الليلة حنعمل شية من بطنك دا . . ضحك الجميع ساخرين .,.. كل من نظرت إلى عينيه من الجنود كنت أرى كرها مبالغا فيه و حقدا يلوث المكان !! و رغبة قوية بقتلنا !! ركبنا الطائرة . . تحت حراسة ونحن مشدودي الوثاق . . نزلت بنا في مطار جوبا . .
صعد أحد الجنود و فك وثاقنا و وضعه بجيبه حتى نظهر بمظهر انساني امام الاعلام ..
و هناك أحاطتنا الكاميرات من كل جانب . . أردت إرسال رسالة لأخوتي بالقوات المسلحة . . فحواها. . نحن هنا في قلب العدو و لا نبالي . . كنت أشعر بطمأنينة عجيبة من الله وأنا أنزل سلم الطائرة و أتحدث لمراسلي وسائل الاعلام . . و تكاد العدسات تلتهمنا . . قلت بأني أكره شيطان السياسة الذي فصل البلدين و أوقع الفتنة بين الشعبين . . هذه حقيقة . . أنا أكره شيطان السياسة . . شيطان التفاصيل الذي كان يسكن جنبات نيفاشا !
تحدثت عن العلاقات الأزلية بين الشمال والجنوب و الأمل في السلام والأمل في نجاح الإتحاد الأفريقي في وساطته . . . اعتبر البعض حديثي انبطاحا لكننا لا نصحو صباحا" خرمانين للحرب . . لا أحد يحب الخراب و الحرب مع الجنوب هي حرب مع حكومتهم ممثلة في الحركة الشعبية وليست مع شعب الجنوب المغلوب على أمره . . هي حرب فرضها تعديهم السافر و انتهاكهم أرضا عزيزة من بلادنا . . .
المطار كان صغيرا و متواضعا ينم عن بلد يكابد شظف العيش . . . لا يرقى حتى أن يكون مطارا باحدى ولايات السودان الشمالي !! تحركت بنا سيارة تحت حراسة مشددة الى مبنى هيئة الامن و الاستخبارات . . . ما يعرف بالبيت الابيض . . .
من مشاهد شوارع جوبا لافتات المحال التجارية كانت كلها باللغة الانجليزية . . . السيارات بالشوارع كلها او معظمها من النوع الفاره . . . أعلام اسرائيل و الولايات المتحدة وعلامات المنظمات تميز معظم السيارات . . بؤس ظاهر و ضياع يسكن ملامح الناس بالشوارع . . .
في المبنى استقبلنا ذاك المقدم الذي ذكرته سابقا بقصة التجنيد . . . و معه ملازم . . و نقيب . . . حذرونا من ان نحاول الهرب والا فالمصير هو الموت . . .
أودعونا بغرفة أكبر من ذلك الكونتينر. . . ذات تهوية جيدة نوعا ما . . . وجبة واحدة باليوم و الحمام مرتين يوميا و الاستحمام كل يومين ...
كان وجودنا بالمعتقل عبارة عن شاشة سينما و مسرحا تجمع فيه كل من اراد تفريغ شحنته من الكراهية لاهل الشمال . . . و خصوصا السكارى منهم . . .
تعجبت واحترت لتلك المفاهيم وذاك الحقد الدفين الغريب الذي يحمله معظم جنود الجيش الشعبي ! يكرهون كل ماهو شمالي . . سمعنا الكثير من السوء في القول. . . عرفت بان اللجنة الدولية للصليب الاحمر ستكون معنا بالمتابعة ... فهؤلاء القوم يخافون من الاعلام و الآلة الغربية جدا و يضعون للجنة الدولية ألف حساب . . .
من شر البلية أن عقيدا بالجيش الشعبي حضر إلينا يوم حضورنا لجوبا ساخرا" ومتهكما" ومحتقرا" وقال إن كنتم مجاهدين و دايرين جنات النعيم نحن ممكن نوصلكم و نساعدكم تمشوا . . والإشارة واضحة ! و عندما حان سفرنا وبالحضور الإعلامي المكثف إنقلب العقيد و أصبح كلامه عن الحب والحنان مع مواطني الشمال ... و الكرم الباذخ وحب الاستعراض أمام الكاميرات بالدولار . . .
لا أنكر ولكي أكون منصفا" هناك الطيبون الذين يحملون بذور خير في نفوسهم . . لكن هؤلاء قطرة في طوفان هادر ... قلة منهم كانوا كل يوم ياتون مصبحين يخاطبونني قائلين ( زول كبير أصبحت كيف ؟ جسم كيف ؟ ) . . . في تلك الفترة كانت الروح المعنوية لجنودهم مرتفعة باحتلالهم لهجليج . . .
كانت أحاديث الجنود بها الكثير من المفاهيم المغلوطة كأنهم قد تم تلقينهم تلك الافكار . . .
اعلامهم الداخلي موجه و مركز لزرع الكثير من الافكار السالبة عن الشمال . . .
ايضا هناك في احاديث في صحفهم عن نيتهم الغاء كل ما هو عربي بدولتهم حتى اسماء الشوارع .. . اللغة الانجليزية كانت اللغة الاساسية للمكاتبات و التعامل بينهم ...
الوضع الاقتصادي بالجنوب وبشهادتهم ضاغط و الفقر يلتهم الجميع . . .
الكثيرون من أبناء الجنوب مغلوبون على أمرهم . . . خدرهم الساسة و منوهم بالأماني الكاذبة و الوعود الجوفاء . . . و لقنوهم تلك المفاهيم و حينما استيقظوا على واقعهم المرير كان الاوان قد فات ... قبيلة الدينكا هي المسيطرة على كل المقاليد مع تهميش واضح و احتقار لباقي قبائلهم خصوصا النوير ... يرسل الدينكا ابناء النوير للمعارك و الحروب . . . مضحين بهم ليهنأوا بالحكم . . . تلك بعض زفرات حرى استقيناها من هناك . . . أحاديث عن الفساد و الفشل الاداري و التخبط و التدني الاقتصادي تملأ صحفهم .. .
لا يزالون بعيدين عن احساس المدنية و بأن لهم دولة ذات سيادة تحتاج لبنى تحتية ضخمة ولا يزالون يخوضون حروبا غبية . .
العلاقة بين جنود الجيش الشعبي و حركة العدل و المساواة كان يشوبها احيانا بعض التوتر . . .
كما أن الجيش الشعبي لا يزال يفتقر الى الضبط و الربط العسكري و لا تزال العقلية الهمجية سمة غالبة على الجنود ....
جنود العدل و المساواة كانوا مرتزقة . . . يهجمون . . . يحملون الغنائم . . . وينسحبون تاركين الارض و ما تبقى للجيش الشعبي. . . . .
من أحاديث الجنود سمعنا بأن هناك أخوة لنا تم أسرهم في مكان ما و سيتم نقلهم لمكان اخر لا نعلمه . . . و في اليوم التالي أخبرنا احد الجنود بانه قد تم احتجاز عقيد بالجيش الشعبي على خلفية تصفيته لاثنين من الاسرى بسلاحه الشخصي !! . . . لم يتسن لنا التاكد من تلك المعلومات !! ...
اكثر شخصيتين مكروهتين بالجنوب هما . . . الرئيس البشير و الأستاذ الطيب مصطفى . . .
من استراق السمع لاذاعة البي بي سي فهمت ان كل الدول بما فيها الغربية تقف ضدهم في هجومهم الغبي على هجليج . . . و عرفت برفض سلفاكير الانسحاب . . و سمعت بزيارة وزير الخارجية المصري للجنوب وطلبه من سلفاكير الانسحاب و توسطه لاطلاق سراحنا . . . كان الحل الوحيد امام سلفاكير ان يخدر الاعلام و يذر بعض رماده في عيون الغرب باطلاق سراحنا . . . حضر مناديب اللجنة الدولية الينا . . . تحققوا منا جيدا ان كنا تعرضنا لتعذيب او اساءة او ضرب . . . احضروا لنا ملابس و ناموسيات و مفارش و متعلقات شخصية أخرى . . . و غيرها . . . . كانوا شديدي الاهتمام بنا و بوضعنا ... بعد حضور مناديب اللجنة بدأ التذمر واضحا على بعض الجنود من حسن معاملة اللجنة لنا . . .
استفسر مناديب اللجنة عما اذا كنا نريد العودة ام البقاء هنا ؟ كان من رأي ذاك المقدم بالاستخبارات بان أبقى أنا بجوبا و أن التحق بالجيش الشعبي مع ضمانات جيدة و وضع جيد . . . برتبة أعلى من رتبتي ... و أخذ يحدثني عن علاقته الطيبة مع بعض الضباط الشماليين ... و كل البلاغات التي كنت اقدمها بخصوص المرضى من الاسرى كانت تقابل بالتجاهل و بان على ان اخطر اللجنة باعتبارها مسئولة عنا !! يقولون لي ( في زول داير يموت ؟ ؟ ؟ لو مافي زول داير يموت يبقى مافي مشكلة )
طيلة فترة تواجدي في جوبا. . . لم يتشجع أحدهم ممن زاملنا بجامعة جوبا بالزيارة . . . لا أدري أخوفا" على مشاعر وأحاسيس الحركة أم خوفا" من إنقطاع الرزق؟! و وجدت بعضهم للغرابة ينشرون أكاذيب عبر الأثير و على شبكات الانترنت بانهم كانوا دوما معي على اتصال !!
حينما تم تحرير هجليج خرج عليهم سلفاكير في اعلامهم قائلا بأنهم انسحبوا من هجليج تنفيذا لرغبة المجتمع الدولي و هو الذي كان يرفض رفضا قاطعا الانسحاب قبل اقل من اسبوع !!! و انعكس ذلك سلبا على روحهم المعنوية و معاملتهم لنا . . . .
في يوم الثلاثاء الموافق الرابع و العشرين من ابريل حضر ممثلو اللجنة الدولية واخطرونا بأنه ستتم اعادتنا الى أرض الوطن في الغد . . . الخامس و العشرين . . . بوساطة الحكومة المصرية ... في صبيحة الاربعاء الخامس و العشرون من ابريل . . . تم ترتيب و تحضير أوراق السفر و جوازات المرور عبر المطارات . . . في الظهيرة حضر السفير المصري و ممثل أركان الجيش الشعبي لتوقيع أوراق تسليم الأسرى ... عقد مؤتمر صحفي بالمبنى تشدقت فيه الحركة الشعبية باحترامها لحقوق الانسان و رعاية الاسرى !!! تم نقلنا لمقر اللجنة الدولية يرافقنا السفير. . . حتى هبوط الطائرة المصرية . . . ثم تحركنا الى المطار . . . في حوالي الساعة الرابعة عصرا اقلعت بنا الطائرة الى القاهرة .. و هنا مر شريط الأحداث بخيالنا كالأحلام . . ! وكلما ارتفعت الطائرة أكثر و صارت الأرض أصغر سافر الخيال لمدى أبعد !
هبطنا الساعة السابعة مساء .. كان الاستقبال جيدا من قبل اسرة الخارجية المصرية ... نائب وزير الخارجية المصري . . . سفيرنا بالقاهرة . . . لواء من المجلس العسكري . . . لواء من المخابرات العامة . . . الملحق العسكري . . . مقدم بالاستخبارات العسكرية . . . و أسرة المطار . . . لم يقصروا في حقوق الضيافة . . . حتى انهم اتوا بطبيب و ممرضة لعمل غيار لجرح لأحد اخوتنا الاسرى ... لم يتم تنظيف جرحه لمدة اربع ايام متواصلة ... مكثنا بصالة كبار الشخصيات حوالى خمسة ساعات حتى وصول الطائرة المتجهة للخرطوم . . . و اقلعت بنا حوالي الساعة الثانية عشرة منتصف الليل و هبطت بارض الوطن حوالي الثالثة صباحا بحمد الله . . .
طالب البعض من ابناء بلادنا وللغرابة باسداء جزيل الشكر و الثناء للحركة الشعبية على اطلاقها سراحنا !!! إختطفنا مرتزقة العدل والمساواة والجيش الشعبي من داخل أرضنا لنذوق أصناف الهوان . . و حين عدنا على قيد الحياة ندين لهم بالثناء ؟! أي فهم هذا ؟! يستحق بعضهم نجمة لينين على صدره . . . أو دبورة دبورتين من الجيش الشعبي . . . توجد مخلوقات تعيش بيننا لا ندري أيكرهون التنظيم الحاكم أم السودان نفسه؟؟ ... عداء و غبن و كراهية أعمت القلوب و الأبصار عن النظر لمصلحة البلاد . . . أصبح البعض يؤيد من يغزو البلاد و يستبيح العباد بدعوى أنهم يكرهون المؤتمر الوطني !!! . . . هنالك فرق بين كراهية المؤتمر الوطني و كراهية السودان !! . . . فاليرتمي من شاء منهم في أحضان الغرب أو حضن الحركة الشعبية . . . و ليتخذوهم أولياء ... لن يغنوا عنهم من الله شيئا . . عقوقهم للوطن لن ينتقص من الوطن شيئا ...
نحن نشكر الله . . نشكر قيادتنا .. . نشكر أهلنا وإخوتنا وأخواتنا أبناء الوطن على وقفتهم المشرفة ودعائهم الصالح . . دبلوماسية مصر و اللجنة الدولية لمجهوداتهم . . .
طيلة الفترة الماضية حاولت أن أنأى بنفسي ان أخوض في وحل السياسة و ألا أدخل في مهاترات مع الذين يحملون مرارات شخصية و كراهية للتنظيم الحاكم من بني اليسار . . . راعيت الجوانب الانسانية للمسألة . .. و أبتعدت عن التصعيد الاعلامي ... خوفا من أن يتأثر اخوتنا ممن هم بالأسر بالجنوب ...
أما فيما يختص بأسراهم لدينا ... فنحن و الحمدلله ربانا الإسلام على نظم وقوانين تحمي الأسير، وقد شرع الله الأَسْرَ فقال في كتابه: "حَتَّى إِذَا أَثْخَنْتُمُوهُمْ فَشُدُّوا الْوَثَاقَ فَإِمَّا مَنًّا بَعْدُ وَإِمَّا فِدَاءً حَتَّى تَضَعَ الْحَرْبُ أَوْزَارَهَا" وأمر النبي أصحابه بحُسن معاملتهم فقال: "اسْتَوْصُوا بِالأَسْرَى خَيْرًا" فقد رأى أسرى يهود بني قُرَيْظة موقوفين في العراء في ظهيرة يوم قائظ، فقال مخاطِبًا المسلمين المكلَّفين بحراستهم: "لاَ تَجْمَعُوا عَلَيْهِمْ حَرَّ الشَّمْسِ وَحَرَّ السّلاَحِ، وَقَيِّلُوهُمْ وَاسْقُوهُمْ حَتَّى يَبْرُدُوا". كما نهى عن تعذيبهم وامتهانهم، "، وحرص الإسلام على الإحسان إليهم، فقال تعالى: "وَيُطْعِمُونَ الطَّعَامَ عَلَى حُبِّهِ مِسْكِينًا وَيَتِيمًا وَأَسِيرًا". ولهم كذلك حق في الكساء والحرية الدينية. أما مصـير الأســرى فهو المنّ، أو الفداء، وقد ثبت أنَّ النبي منَّ على بعض الأسرى بإطلاقهم وفادى بعض أسرى بدر بالأموال وغيرها. أو الاسترقاق ولا يكون ذلك إلا بأمر ولي الأمر. أما الأسير المسلم: فقد اتَّفق الفقهاء على حرمة قَتْلِ مُدْبِرِهم وجريحهم، وأنه لا يغنم لهم مال، ولا تُسْبَى لهم ذرِّيَّة ومَنْ قُتِلَ منهم غُسِّل وكُفِّن وصُلِّيَ عليه. لماذا لا تنتقم من أعدائك؟! فقد قال صلاح الدين الأيوبي عن ذلك: إن ديننا يأمرنا بالعفو والإحسان، وأن نقابل السيئة بالحسنة، وأن نكون أوفياء بعهودنا، وأن نصفح عند المقدرة عمَّن أذنب.
في ظلام سجونهم تناول كل منا أربع حبات مهدئة .. أولاها إيماننا بالله . . ثانيها أننا سودانيون .. ثالثها. . أننا من رحم القوات المسلحة .. رابعها أن أمهاتنا أرضعننا حليب العزة وأطعمنا آباؤنا الرجولة . .
كنت قد أخليت آخر جريح والحمدلله قبل أسري فلماذا أجزع أو أفزع ؟. .
ما الموت ؟! إنتقال من ضيق الفانية إلى رحابة دائمة . . و ربما نموت في الفراش . .
لكنني كنت سأموت في اليوم ألف مرة لو أنني هربت تاركا" خلفي جريحا" أو مريضا" . . إخوتي و أنا أردناها ميتة خاصة من أجل أسمى غاية . . وهل من بعد الموت دفاعا" عن أرض أستباحها الغاصبون من شرف؟!
لست و أخوتي بنادمين على ضريبة أديناها و ثمن دفعناه من اجسادنا فداء لوطننا الذي نهوى و وضعناه بحدقات العيون . . . و لو تم تكليفنا من قيادتنا الكريمة بأي تكليف لما تخاذل منا رجل واحد . . . ولو عاد الغزاة لهجليج لعدنا . . . ان كنا قد وفقنا بما اوكل الينا فذاك بفضل الله و ما تعلمناه من قيادتنا الرشيدة و مدرستنا العسكرية الراسخة ... نسال الله الرحمة و المغفرة و القبول الحسن لشهدائنا الابرار الكرام فينا و الشفاء العاجل لجرحانا و ان يرد المفقودين و الاسرى سالمين لاهلهم و وطنهم . . . و ان يعم السلام و الامن والرخاء كل انحاء و حدود سوداننا الحبيب...... ( ربنا لا تؤاخذنا ان نسينا أو اخطأنا ربنا و لا تحمل علينا اصرا كما حملته على الذين من قبلنا ربنا و لا تحملنا ما لا طاقة لنا به و اعفو عنا و اغفر لنا و ارحمنا انت مولانا فانصرنا على القوم الكافرين ) ... اللهم صلي و سلم على نور الانوار أمير المجاهدين و قائد النصر المبين سيدنا محمد و على اله و صحبه أجمعين . ملازم أول طبيب خالد حسن أحمد ( مايو 2012 )
هلا يادكتور وحمد الله علي السلامة .. 1--حديثك الاول الذي تم في جوبا كان كلام ايجابي ورافض للحرب وداعي الطرفين لاعمال صوت العقل وياليتك ثبت عليه فكان حديث في جوهره دعوة للسلام ورفض الحرب وكلام عقل ومنح فرصةالحياة لكثيرين مثلك من ابناء الشمال والجنوب ممن يتواجدون في مناطق الاشتباك...ولكن وفي حضورك الي الخرطوم غيرت الموجة 180 درجة وركبت جياد التشدد مرة اخري وطمبجت القصة طمبجة السنين... 2-استنادا علي الاستيتمنت الموجود في الكوت اعلاه والذي يحكي عن معاملة الاسير فهل لنا ان نسمع رايك في شريط احمد هارون الذي اوردته الجزيرة.. 3-نحتاج الي شوية تثقيف يادكتور عن قانون القوات المسلحة السودانية (هل يتيح لمنسوبيه التحدث في الشان السياسي الداخلي) في الهواء الطلق وخاصة والعسكرية تبني علي الضبط والربط ودورها المفترض هو حماية كل المواطنين السودانيون (بالتساوي معارضة كانت او سلطة حاكمة)شمالا وجنوبا وشرقا وغربا ..وجنوبا اقصد به به (الجنوب الجديد وليس الجنوب الذي انفصل)...
وسنعود
Post: #7 Title: Re: قصة اختطافنا من مستشفى هجليج Author: اساسي Date: 05-15-2012, 09:23 AM Parent: #4
حمدا لله علي سلامتك وفك اسرك
Post: #6 Title: Re: قصة اختطافنا من مستشفى هجليج Author: عبدالمجيد الكونت Date: 05-15-2012, 09:22 AM Parent: #3
Quote: مشهد : في مطار سارجاس بربكونا و أنا مشدود الوثاق بحبل متين قام بربطه أحد الأفراد بكل ما أوتي من قوة وضع أحد أفراد الشرطة العسكرية يده على بطني و ضغط عليها بعنف وقال نحن الليلة حنعمل شية من بطنك دا . . ضحك الجميع ساخرين .,.. كل من نظرت إلى عينيه من الجنود كنت أرى كرها مبالغا فيه و حقدا يلوث المكان !! و رغبة قوية بقتلنا !! ركبنا الطائرة . . تحت حراسة ونحن مشدودي الوثاق . . نزلت بنا في مطار جوبا . .
صعد أحد الجنود و فك وثاقنا و وضعه بجيبه حتى نظهر بمظهر انساني امام الاعلام ..
هل وضع الرجل هذا الحبل المتين في جيبه ... ام ماذا وضع يا دكتور ؟؟
Post: #12 Title: Re: قصة اختطافنا من مستشفى هجليج Author: محمد عبد الماجد الصايم Date: 05-15-2012, 09:43 AM Parent: #6
Quote: هل وضع الرجل هذا الحبل المتين في جيبه ... ام ماذا وضع يا دكتور ؟؟
الكونت يا عمكـ الحبل المتين دا ممكن تكون سماكتو أقل من 5 ملم!! يعني المأساة دي كووولها ما لقيت فيها غير (المتانة) دي!!
_ حمد لله على السلامة يا خالد! موقف بطولي مشرّف تُحسد عليه!!
Post: #14 Title: Re: قصة اختطافنا من مستشفى هجليج Author: حسبو عكاشة Date: 05-15-2012, 09:45 AM Parent: #6
Quote: حديثك الاول الذي تم في جوبا كان كلام ايجابي ورافض للحرب وداعي الطرفين لاعمال صوت العقل وياليتك ثبت عليه فكان حديث في جوهره دعوة للسلام ورفض الحرب وكلام عقل ومنح فرصةالحياة لكثيرين مثلك من ابناء الشمال والجنوب ممن يتواجدون في مناطق الاشتباك...ولكن وفي حضورك الي الخرطوم غيرت الموجة 180 درجة وركبت جياد التشدد مرة اخري وطمبجت القصة طمبجة السنين..
Post: #32 Title: Re: قصة اختطافنا من مستشفى هجليج Author: مزمل خيرى Date: 05-15-2012, 10:34 AM Parent: #6
حمدلله بالسلامة يادكتور خالد...
Post: #8 Title: Re: قصة اختطافنا من مستشفى هجليج Author: نيازي عبدالله مرحوم احمد Date: 05-15-2012, 09:32 AM Parent: #1
تحية طيبة ليك وحمدلله ان فك اسرك
طبعا شجاعة رجال القوات المسلحة معروفة وانت واحد منهم وشجاعتك في سرد الحقايق مجردة دون اضافات او مزايدات
ربنا يجنبنا الحرب وان لا نخسر شباب ابطال امثالكم وان يصلح حال السودان
Post: #10 Title: Re: قصة اختطافنا من مستشفى هجليج Author: omer osman Date: 05-15-2012, 09:38 AM Parent: #8
الاخ خالد تحياتي ..
والحمد لله الذي نجاك واعادك الى وطنك واسرتك سليماً ....
ومبروك انتصار قواتنا المسلحة ...
حسب علمي انك لاتزال ضابطاً بقوات الشعب المسلحة وبالتالي
لايجوز لك الكتابة في هذا المنبر او حتى في الصحف وماتقوله
او تكتبه يعتبر رواية رسمية تعبر عن قوات الشعب المسلحة
اترك امر هذه الحادثة لترويها بعد تقاعدك للمعاش بعد عمراً طويل ان شاء الله
اخوك الكبير نقيب شرطة معاش من سنة 1997م عمر محمد عثمان
Post: #11 Title: Re: قصة اختطافنا من مستشفى هجليج Author: Yassir Tayfour Date: 05-15-2012, 09:41 AM Parent: #8
نشكر الرائع إذ لولاه لما عرفنا بهذا البوست الماتع ؛) ___ أسير الغرام يا قلبي قبضوك الحبايِّب؟ والحبايِّب هم أخوتنا في جنوب الوطن ؛)
Post: #13 Title: Re: قصة اختطافنا من مستشفى هجليج Author: محمد المسلمي Date: 05-15-2012, 09:44 AM Parent: #11
الاخ خالد حمدلله علي السلامة
Post: #15 Title: Re: قصة اختطافنا من مستشفى هجليج Author: عبدالكريم الامين احمد Date: 05-15-2012, 09:47 AM Parent: #11
Quote: حسب علمي انك لاتزال ضابطاً بقوات الشعب المسلحة وبالتالي
لايجوز لك الكتابة في هذا المنبر او حتى في الصحف وماتقوله
او تكتبه يعتبر رواية رسمية تعبر عن قوات الشعب المسلحة
عسكري نضيف ياجنابو ومالي يمين الضبط والربط
والاخ خالد ماضي بالملازم خالد وواضع صورته بالزي الرسمي وفي هذا اقحام للموسسة العسكرية بكل تفاصيلها التي هي امانة مفترضة تحت قوانين الضبط والربط التي اعتقد بانها صارمة جدا في هذا الامر
وعموما سنتابع
Post: #16 Title: Re: قصة اختطافنا من مستشفى هجليج Author: محمد عبد الماجد الصايم Date: 05-15-2012, 09:52 AM Parent: #15
غايتو يا كيكي أمركم يحيّر!! يجوكم (ملكي) تقولوا أمنجية يجوكم (رسمي) تخرخروا وتفتشّوا في الدكـ!!
_ الجعلمية بوست الاتكتبت هنا في أثناء أزمة هجليج كانت تحتاج إلى مثل هذا البوست وكشف الحقائق بصورة كاملة!!
Post: #21 Title: Re: قصة اختطافنا من مستشفى هجليج Author: Yassir Tayfour Date: 05-15-2012, 10:04 AM Parent: #16
Quote: الجعلمية بوست الاتكتبت هنا في أثناء أزمة هجليج كانت تحتاج إلى مثل هذا البوست وكشف الحقائق بصورة كاملة!!
يا حمودي هو شاف شنو عشان يحكي؟ ونصدق كلامو أثناء الزنقة ولّ كلامو بعد ما وصل مطار الخرطوم؟ ___ وثم ثانياً الكيزان ديل أهل كضب ؛)
Post: #39 Title: Re: قصة اختطافنا من مستشفى هجليج Author: محمد عبد الماجد الصايم Date: 05-15-2012, 11:01 AM Parent: #21
Quote: يا حمودي هو شاف شنو عشان يحكي؟
يا أب تفة .. فعلا هو ما شاف خالد عاش التجربة الفعلية وكان في وسط الأحداث!!
_ إنت قايلو زي ود الباوقة شهيد بالوكالة!!
Post: #22 Title: Re: قصة اختطافنا من مستشفى هجليج Author: عبدالمجيد الكونت Date: 05-15-2012, 10:08 AM Parent: #16
Quote: الكونت يا عمكـ الحبل المتين دا ممكن تكون سماكتو أقل من 5 ملم!! يعني المأساة دي كووولها ما لقيت فيها غير (المتانة) دي!!
انت ما تصبر ... ده العرض ياخوي ...عشان نشوف المساحات المتاحة والمنافذ وكده ....
Quote: الجعلمية بوست الاتكتبت هنا في أثناء أزمة هجليج كانت تحتاج إلى مثل هذا البوست وكشف الحقائق بصورة كاملة!!
البوست ده حيكون فيه تفتيش شديد ودقيق ما شاء الله ...كيكي واضح انه ناوي على تفكيك الامر نقطة نقطة .. وياسر طيفور يتنحنح من مكانه متحينا فرصته للتعليق
Post: #17 Title: Re: قصة اختطافنا من مستشفى هجليج Author: Yassir Tayfour Date: 05-15-2012, 09:55 AM Parent: #15
Quote: عسكري نضيف ياجنابو ومالي يمين الضبط والربط
يا كيكي عمر عندو إنضباط عالي للمؤسسة العسكرية حتى بعد تركه لها.. __ يا عمرنا، خالد قبل ما يبقى طبيب وعسكري هو كوز، والكوز يجوز له ما لايجوز لغيره..
Post: #19 Title: Re: قصة اختطافنا من مستشفى هجليج Author: عبدالكريم الامين احمد Date: 05-15-2012, 10:03 AM Parent: #17
Quote: غايتو يا كيكي أمركم يحيّر!! يجوكم (ملكي) تقولوا أمنجية يجوكم (رسمي) تخرخروا وتفتشّوا في الدكـ!!
هلا ياعمك القصة ياعمك لو ورجغة وعيييك عاااك فمرحب بخالد اليجينا زي ما يجي ولكن لو قانون وجيش وعسكرية وضبط وربط فجيتو دي فيها دخنة ..ضروري نساوي الارض كويس ونعرف احنا بناضم خالد ولا بناضم الجيش لانو الزول ده جاي جياااااشي عددددديل كده ما ملكي والجيااااشي عندو قانون.. واحنا زاااتنا بي شناتنا دي عاوزين يكون عندنا عسكرية سودانية منضبطة مش مورجغة ياعمك فبالله جيب لينا قانون الجيش البجيب لينا ضابط بدبابيرو ممكن ينط فيهو زول هنا جوز وبكون بالتالي نط جوز في الجيش كلو كون العسكري شخصية اعتبارية....
--------- خالد لو داير يجي اليمشي يقلع الكاكي بتاعو ده ويسلم الدبابير دي ويجينا بجاي
Post: #20 Title: Re: قصة اختطافنا من مستشفى هجليج Author: singawi Date: 05-15-2012, 10:03 AM Parent: #17
حمد الله على سلامتكم يا دكتور
تحياتي وأطيب أمنياتي
Post: #27 Title: Re: قصة اختطافنا من مستشفى هجليج Author: محمد عبدالرحمن محمد Date: 05-15-2012, 10:16 AM Parent: #17
Quote: الاخ خالد تحياتي ..
والحمد لله الذي نجاك واعادك الى وطنك واسرتك سليماً ....
ومبروك انتصار قواتنا المسلحة ...
حسب علمي انك لاتزال ضابطاً بقوات الشعب المسلحة وبالتالي
لايجوز لك الكتابة في هذا المنبر او حتى في الصحف وماتقوله
او تكتبه يعتبر رواية رسمية تعبر عن قوات الشعب المسلحة
Post: #18 Title: Re: قصة اختطافنا من مستشفى هجليج Author: Mohamed Yassin Khalifa Date: 05-15-2012, 10:02 AM Parent: #15
مرحب خالد وحبابك ألف!
_________________
للأعزاء عمر وكيكي.. كلامكم كان ممكن يكون معقول لولاء بعض الشمار الذي جاء في مقال خالد وفي إعتقادي أنه أتى مدعوم من فرع التوجيه المعنوي الي بينشد (دوماً) لوي الحقائق باي طريقة!
أتمنى إنهم ما يكونوا نزلوهو للإستيداع.. لأنو الناس ديل ما بيعترفوا بأسير عندهم ولا ليهم!
Post: #23 Title: Re: قصة اختطافنا من مستشفى هجليج Author: عبدالكريم الامين احمد Date: 05-15-2012, 10:08 AM Parent: #18
Quote: يا كيكي عمر عندو إنضباط عالي للمؤسسة العسكرية حتى بعد تركه لها..
جنابو عمرعسكرية تمشي علي كيبورد ومنه نتعلم
Post: #26 Title: Re: قصة اختطافنا من مستشفى هجليج Author: عبدالمجيد الكونت Date: 05-15-2012, 10:14 AM Parent: #23
Quote: لايجوز لك الكتابة في هذا المنبر او حتى في الصحف وماتقوله
لو كان امثال عمر عثمان في قيادة مؤسساتنا العسكرية ... لما سقطت هجليج
Post: #28 Title: Re: قصة اختطافنا من مستشفى هجليج Author: عبدالكريم الامين احمد Date: 05-15-2012, 10:17 AM Parent: #23
Quote: للأعزاء عمر وكيكي.. كلامكم كان ممكن يكون معقول لولاء بعض الشمار الذي جاء في مقال خالد وفي إعتقادي أنه أتى مدعوم من فرع التوجيه المعنوي الي بينشد (دوماً) لوي الحقائق باي طريقة!
هلا يا ود الخليفة والامر كله مفهوم واقحام الجيش في الحياة السياسية السودانية الدور بانقلابات ومنذ زمن حفر البحر بجعل من امر خالد هنا امر يسير ومفهوم في اطار ورجغة موسسات الدولة السودانية وخاصة في ظل جيش تمت ادلجته واصبح الامر عادي كما الزبادي
وعموما هي فرصة لتامل في المشهد السوداني المدغمس في كل نواحيه
Post: #24 Title: Re: قصة اختطافنا من مستشفى هجليج Author: Yassir Tayfour Date: 05-15-2012, 10:10 AM Parent: #18
يا كيكي نحن دايرنو بي دبابيرو دي، عشان الناس تعرف ماهية الجيش الوطني.. __ خالد الأسير جزء لا يتجزأ من مليشيات المؤتمر الوطني..
Post: #29 Title: Re: قصة اختطافنا من مستشفى هجليج Author: Haju Muktar Date: 05-15-2012, 10:22 AM Parent: #18
حمدالله علي السلامه ومبروك الباسويرد وبما انك لازلت في الخدمه وانت هنا تمثل القوات المسلحه او مليشيات البشير اين اسري الجيش الشعبي طرفكم وبعدين هل تغير خطابك بين جوبا والخرطوم هو تكتيك من جانبك ام ضروره املاها عليك واقع الخرطوم
Post: #25 Title: Re: قصة اختطافنا من مستشفى هجليج Author: حمور زيادة Date: 05-15-2012, 10:11 AM Parent: #15
والله يا كيكي من قريت افادة الزميل خالد يدي ماكلاني و ما قادر أمرر الكلام وغالبني أناقشو ولا أكذب .. خايف اناقش تفاصيل شهادتو خشية التشكيك المعتاد في الوطنية ولست في بال رائق هذه الفترة لأتحمل معارك اقصائية تحتكر الوطن في وجهة نظر.. وفي نفس الوقت مشفق عليه فتجربة الأسر لو أطعموك فيها المن السلوى ( و أنا واثق أنه لم يطعمهما ) فهي مرهقة وسيئة ولا أستحل أن أحاججه في ذكريات سيئة كهذه. فعليه لقيت كلامك شيء جيد أتكئ عليه .. و مداخلة جنابو عمر التنبيهية مراقة لي.
لكن لا استطيع ان أسكت عن نقطتين :
Quote: الكثيرون من أبناء الجنوب مغلوبون على أمرهم . . . خدرهم الساسة و منوهم بالأماني الكاذبة و الوعود الجوفاء . . . و لقنوهم تلك المفاهيم و حينما استيقظوا على واقعهم المرير كان الاوان قد فات ... قبيلة الدينكا هي المسيطرة على كل المقاليد مع تهميش واضح و احتقار لباقي قبائلهم خصوصا النوير
اصدقه تماما في ما قال .. فانا عموما لا أثق في تنظيم مسلح يمارس السياسة وطبائع الاشياء تؤكد انه ليتعلم المدنية و الحكم الراشد يحتاج لزمن طويل .. لكن احس ان ذات العبارة ستصدق لو صارت : " الكثيرون من أبناء السودان مغلوبون على أمرهم . . . خدرهم الساسة و منوهم بالأماني الكاذبة و الوعود الجوفاء . . . و لقنوهم تلك المفاهيم و حينما استيقظوا على واقعهم المرير كان الاوان قد فات ... حزب المؤتمر الوطني هو المسيطر على كل المقاليد مع تهميش واضح و احتقار لباقي الشعب " فهم ليسو شراً منا ونحن لسنا خيراً منهم.
أما حين قرأت قوله :
Quote: أما فيما يختص بأسراهم لدينا ... فنحن و الحمدلله ربانا الإسلام على نظم وقوانين تحمي الأسير، وقد شرع الله الأَسْرَ فقال في كتابه: "حَتَّى إِذَا أَثْخَنْتُمُوهُمْ فَشُدُّوا الْوَثَاقَ فَإِمَّا مَنًّا بَعْدُ وَإِمَّا فِدَاءً حَتَّى تَضَعَ الْحَرْبُ أَوْزَارَهَا" وأمر النبي أصحابه بحُسن معاملتهم فقال: "اسْتَوْصُوا بِالأَسْرَى خَيْرًا" فقد رأى أسرى يهود بني قُرَيْظة موقوفين في العراء في ظهيرة يوم قائظ، فقال مخاطِبًا المسلمين المكلَّفين بحراستهم: "لاَ تَجْمَعُوا عَلَيْهِمْ حَرَّ الشَّمْسِ وَحَرَّ السّلاَحِ، وَقَيِّلُوهُمْ وَاسْقُوهُمْ حَتَّى يَبْرُدُوا". كما نهى عن تعذيبهم وامتهانهم، "، وحرص الإسلام على الإحسان إليهم، فقال تعالى: "وَيُطْعِمُونَ الطَّعَامَ عَلَى حُبِّهِ مِسْكِينًا وَيَتِيمًا وَأَسِيرًا". ولهم كذلك حق في الكساء والحرية الدينية. أما مصـير الأســرى فهو المنّ، أو الفداء، وقد ثبت أنَّ النبي منَّ على بعض الأسرى بإطلاقهم وفادى بعض أسرى بدر بالأموال وغيرها. أو الاسترقاق ولا يكون ذلك إلا بأمر ولي الأمر. أما الأسير المسلم: فقد اتَّفق الفقهاء على حرمة قَتْلِ مُدْبِرِهم وجريحهم، وأنه لا يغنم لهم مال، ولا تُسْبَى لهم ذرِّيَّة ومَنْ قُتِلَ منهم غُسِّل وكُفِّن وصُلِّيَ عليه. لماذا لا تنتقم من أعدائك؟! فقد قال صلاح الدين الأيوبي عن ذلك: إن ديننا يأمرنا بالعفو والإحسان، وأن نقابل السيئة بالحسنة، وأن نكون أوفياء بعهودنا، وأن نصفح عند المقدرة عمَّن أذنب.
فقد دفع الى ذهني مباشرة أخبار المعتقلين في أجهزة الأمن السودانية .. من " المسلمين " .. ابناء ذات البلد .. من شمالها و غربها و شرقها و " جنوبها " الجديد .. كيف لم يمنع الأسلام تعذيبهم و اغتصابهم وقتلهم ,, يا خالد إن الإسلام ليس هو من يأسر .. انما هم البشر .. فليتك حدثتنا عن أفعال البشر .. عن المؤتمر الوطني كيف يفعل من " أسراه " من معارضيه .. و عن الجيش كيف يفعل مع "أسراه " من المقاتلين. ديننا نعرف جميعاً ما أمرنا به .. وجهاز الأمن و الجيش نعرف أيضاً ما يفعلون.
عموماً .. حمد لله على سلامتك يا خالد ولعن الله الحرب .. التي لا مبرر لها .. و التي لم تبدأ في هجليج فجأة .. انما هي امتداد لمكايدات المؤتمر الوطني و الحركة الشعبية لبعضهما .. وأنا ضدها .. و ضد أن يسوق المؤتمر الوطني مواطن شمالي لهذا الموت العبثي أو تدفع الحركة الشعبية بمواطن جنوبي ليموت ظلماً. فليحملوا حروبهما ويرحلوا عنا جميعاً.
Post: #30 Title: Re: قصة اختطافنا من مستشفى هجليج Author: حسبو عكاشة Date: 05-15-2012, 10:32 AM Parent: #25
دقسة مفتح نفس دقسة "بوشي"
-- الباسوورد دقسة كبيرة :)
Post: #31 Title: Re: قصة اختطافنا من مستشفى هجليج Author: محمد عبد الماجد الصايم Date: 05-15-2012, 10:34 AM Parent: #25
كيكي يا عمكـ .. الزول دا المعرّف بتاعو مكتوب (خالد حسن أحمد) دون أي رتبة عسكرية!! الحكاية عبارة عن تجربة وطنية يحق للجميع معرفتها!!
_ أب تفة .. كالعادة ما أتى لحوار وإنما للكوار!!
Post: #37 Title: Re: قصة اختطافنا من مستشفى هجليج Author: عبدالكريم الامين احمد Date: 05-15-2012, 10:49 AM Parent: #31
Quote: ملازم أول طبيب خالد حسن أحمد
1-ياعمك ده التوقيع بتاع خالد ورتبه العسكرية هي من ختم بها مقالته.. 2-صاح هو اسم (المعرف) خالد ولكنه في الخدمة العسكرية يعني عسكري فل اوبشن ولو مافي قوانين بتيح ليهو يعمل كده معليش ولكن لو في قانون فكونه يكتب بخالد او بابكر دي ما بتحلو من المسالة العسكرية...فما تورطو الراجل ساااكت ياعمك والزول ده لو اتربس ما بتربسوكم معاه(ده لو فرضنا جدلا وجود ترباس لزي ناس خالد3ده مع الجيش التعبان جنينة ملوة ده)- خالد عسكري والجيش عندو ناطق رسمي وجريدة رسمية وموقع رسمي ولو سودان الجن ده فيهو نظام زي افادات خالد دي بتمشي بتلقاها هناك تح ت مظلة المواقع الرسمية 4-وبعدين ياعمك حكاية دي تجربة وطنية دي فيها قولان لانو في راي فقهي تاني بقول دي تجربة بتاع مليشيات الموتمر الوطني فعشان كده الجياشي ممنوع يجي حتات زي دي لانو بخش في الاستقطاب المدور بين ابناء البلد والذين هم جميعا تحت مظلة حمايته بالتساوي كونه بدون انحيازلاي طرف اخر...
فالقصة مجوبكة والنظام اصلا ما محفوظ كلو كلو عشان كده شكلو كتائب مجاهدين واعملو دروع بشرية لحماية ابو الخلد ده لانو حنضرب احنا كمناتلين في المليان
-------------- حمور وتفة بجيكم برواقة ولكن بعد الفاصل
Post: #40 Title: Re: قصة اختطافنا من مستشفى هجليج Author: محمد عبد الماجد الصايم Date: 05-15-2012, 11:02 AM Parent: #37
غايتو يا كيكي تفكيكات دي أصلوا ما بتريح بيها الزول! أها .. والنجيضة شنو طيب؟
Post: #33 Title: Re: قصة اختطافنا من مستشفى هجليج Author: أنور أدم Date: 05-15-2012, 10:36 AM Parent: #25
اولا .شكرا لبكري ابوبكر علي تحمل استضافة منسوبي الاجهزة الامنية بالمنبر ، و نتمني ان يكون هولاء العسكر بذات القدر من الفهم الذي يمكنهم من تقبل وجهة نظر الآخر المختلف سياسيا و عقائديا.
ثانيا .مرحب بجنابو د.خالد
ثالثا. أتمني ان يقوم أحد الاخوة برفع فيديو معاملة ( من سموا اسري اطفال العدل و المساواة) و أتمني ان أسمع ردا من د.خالد يكون مشفعوعا بايات قرأنية و احادث نبوية تدعم اسلوب السحل و الجلد الذي مورس ضد اولئك القصر.
Post: #34 Title: Re: قصة اختطافنا من مستشفى هجليج Author: esam gabralla Date: 05-15-2012, 10:38 AM Parent: #25
حين قال الشاعر: يا أب دقناً تحت الكاب والإفكـ رباط البوت كان يعنى مثل هذا شرف العسكريه و الجيش السودانى تم تدنيسه يوم 30 يونيو 1989 و ما تلاه كان الاجهاز الكامل على "قوميته" ليتم تحويله لمليشيا حزبيه يأمر و بنهى فيها مثل هذا الكادر الحزبي المدرب الأكاذيب لم تبدأ به , الكل يعلم ب "إذهب للسجن و سأذهب للقصر" و كثر لم ينسوا الخدع المتواليه لإخفاء الذقن ... نتذكر الكذبه السؤال الشهير:
أسئلتكم في الصميم يا كريم و عمر .... عروض البطل القومى الجديد على مسرح اكاذيب الانقاذ
Post: #35 Title: Re: قصة اختطافنا من مستشفى هجليج Author: مرتضى احمد عبد القادر Date: 05-15-2012, 10:40 AM Parent: #25
Quote: الاخ خالد تحياتي .. والحمد لله الذي نجاك واعادك الى وطنك واسرتك سليماً .... ومبروك انتصار قواتنا المسلحة ... حسب علمي انك لاتزال ضابطاً بقوات الشعب المسلحة وبالتالي لايجوز لك الكتابة في هذا المنبر او حتى في الصحف وماتقوله او تكتبه يعتبر رواية رسمية تعبر عن قوات الشعب المسلحة اترك امر هذه الحادثة لترويها بعد تقاعدك للمعاش بعد عمراً طويل ان شاء الله اخوك الكبير نقيب شرطة معاش من سنة 1997م عمر محمد عثمان
يعني ما في إحتمال تكون كتابتو دي تعليمات يا جنابو عمر؟
Post: #36 Title: Re: قصة اختطافنا من مستشفى هجليج Author: Yassir Tayfour Date: 05-15-2012, 10:42 AM Parent: #25
Quote: قصة اختطافنا من مستشفى هجليج
الأسير خالد، إختطاف شنو؟ أنت أميرة الحكيم؟ انت زول عسكري وموجود في منطقة حرب تقدم دعم مباشر للقوات المحاربة، وبالرغم من ذلك أطلقوا سراحك.. ومن الجانب الآخر شيخك علي ذاتو مع قتل المهربين للمواد الغذائية لدولة الجنوب من مواطنيه الشماليين.. أحمد الله على كونّك حي.. لو لم يتيحو لك مقابلة الإعلام من كان سيعلم بمصيرك؟ ولو قتلوك عديل، كم غيرك مات في نفس المعركة؟ وجودك هنا في سودانيزأونلايِّن، حي ترزق وتكذب هو دليل عليك وعلى المؤسسة التي تحارب من أجلها.. وكلامك عن سوء المعاملة سوف يتضرر منه أسرى آخرين..
Post: #38 Title: Re: قصة اختطافنا من مستشفى هجليج Author: حمور زيادة Date: 05-15-2012, 10:52 AM Parent: #36
Quote: لا يخفى عليكم برنامج غسيل المخ الذي كان يحاول القيام به الفريق تعبان ... و كان يحاول اقناعي بسوء حكومتنا و ان هجليج جنوبية !!!!!! لم يك حديثه أكثر من حديث مشحون بالعاطفة الجوفاء والمنطق الفارغ. . .
Post: #41 Title: Re: قصة اختطافنا من مستشفى هجليج Author: Yassir Tayfour Date: 05-15-2012, 11:15 AM Parent: #38
Quote: ولو عاد الغزاة لهجليج لعدنا . . .
غايتو نصيحة لوجه الدنيا الزايْلة دي، تاني ما تعود، عشان نحن زملائك ما عندنا قُدرة لي عرس شهيد ؛)
Post: #77 Title: Re: قصة اختطافنا من مستشفى هجليج Author: Haitham Elsiddiq Date: 05-15-2012, 03:22 PM Parent: #41
Post: #42 Title: Re: قصة اختطافنا من مستشفى هجليج Author: عبدالكريم الامين احمد Date: 05-15-2012, 11:18 AM Parent: #38
Quote: أها .. والنجيضة شنو طيب؟
ياعمك هناك عدة نجيضات 1-جنابو خالد ده يعمل خلف دور ويسلم الباصوريد ه ويرجع الثكنات 2-او يمشي يسلم الكاكي والدبابير دي ويجينا ملكي وساعتها من حقو يعبر عن ارائه بعيدا عن الجيش الذي هو ليس بجيش تنظيم محدد (وده في الاحوال السوية) وليس كما هو الحال 3-او يسوي العاوزو ويقعد وساعتها انا بدعوك للتفرج في متعة (البل) عند ابو تفة وحمور واخريين
عموما زول البوريهو في راسو بعرف خلاصو
وسنعود
Post: #45 Title: Re: قصة اختطافنا من مستشفى هجليج Author: على ميرغني Date: 05-15-2012, 11:31 AM Parent: #42
سلام للجميع يا جنابو .. ياخي انت معاش من سنة دو والجيش اتطور شديد جدا عشان جدا خليك من العسكرية بتاعت الرداء والقشلين دي
بالجنبة كدا انت كنت وين لمن سعادة اللواء طبيب اخو البشير تحدث للصحف في الخرطوم عن كل شئ حتى الشأن الرئاسي ولا لقيت دا حبة رائد ويا دوبو راجع من الأسر واستفردت بيهو
كوم بتاع وشوش مختلفة .. واحدات بضحكن وواحدات غالباهن القراية
Post: #46 Title: Re: قصة اختطافنا من مستشفى هجليج Author: نصر الدين عثمان Date: 05-15-2012, 11:32 AM Parent: #42
Quote: وكلامك عن سوء المعاملة سوف يتضرر منه أسرى آخرين..
هو ذا .. يا أبو تفه
ليته يستبين عواقب إطلاق مثل هذا الكلام
Post: #43 Title: Re: قصة اختطافنا من مستشفى هجليج Author: مصطفى محكر Date: 05-15-2012, 11:26 AM Parent: #38
الاخ الملازم طبيب / خالد حسن احمد .. تحية واحتراما .. وحمدا لله على سلامتك وصحبك.. نسأل الله تعالى أن يجعل ذلك في ميزان حسناتكم..
Post: #44 Title: Re: قصة اختطافنا من مستشفى هجليج Author: ismeil abbas Date: 05-15-2012, 11:26 AM Parent: #38
حمداً لله على سلامتك ....
Post: #48 Title: Re: قصة اختطافنا من مستشفى هجليج Author: عبدالكريم الامين احمد Date: 05-15-2012, 12:06 PM Parent: #44
Quote: والله يا كيكي من قريت افادة الزميل خالد يدي ماكلاني و ما قادر أمرر الكلام وغالبني أناقشو ولا أكذب .. خايف اناقش تفاصيل شهادتو خشية التشكيك المعتاد في الوطنية ولست في بال رائق هذه الفترة لأتحمل معارك اقصائية تحتكر الوطن في وجهة نظر.. وفي نفس الوقت مشفق عليه فتجربة الأسر لو أطعموك فيها المن السلوى ( و أنا واثق أنه لم يطعمهما ) فهي مرهقة وسيئة ولا أستحل أن أحاججه في ذكريات سيئة كهذه. فعليه لقيت كلامك شيء جيد أتكئ عليه .. و مداخلة جنابو عمر التنبيهية مراقة لي.
هلا ياحمور وحبابك ياااخ.. ودي الكارثة الكبيرة ياحمور تفتح خشمك وتقول (بغم) يرشوك بواحد وصف (عميل-مرتزقة-طابور ) لمن راسك يسخن فالوطنية بقت شارع اتجاه واحد لايمرر الا اجندة واراء الموتمر الوطني....
Post: #49 Title: Re: قصة اختطافنا من مستشفى هجليج Author: على محمد على بشير Date: 05-15-2012, 12:10 PM Parent: #44
Quote: توجد مخلوقات تعيش بيننا لا ندري أيكرهون التنظيم الحاكم أم السودان نفسه؟؟ ... عداء و غبن و كراهية أعمت القلوب و الأبصار عن النظر لمصلحة البلاد . . . أصبح البعض يؤيد من يغزو البلاد و يستبيح العباد بدعوى أنهم يكرهون المؤتمر الوطني !!! . . . هنالك فرق بين كراهية المؤتمر الوطني و كراهية السودان !! . . . فاليرتمي من شاء منهم في أحضان الغرب أو حضن الحركة الشعبية . . . و ليتخذوهم أولياء ... لن يغنوا عنهم من الله شيئا . . عقوقهم للوطن لن ينتقص من الوطن شيئا ...
Post: #52 Title: Re: قصة اختطافنا من مستشفى هجليج Author: tmbis Date: 05-15-2012, 12:29 PM Parent: #44
Quote: هلا ياعمك القصة ياعمك لو ورجغة وعيييك عاااك فمرحب بخالد اليجينا زي ما يجي ولكن لو قانون وجيش وعسكرية وضبط وربط فجيتو دي فيها دخنة ..ضروري نساوي الارض كويس ونعرف احنا بناضم خالد ولا بناضم الجيش لانو الزول ده جاي جياااااشي عددددديل كده ما ملكي والجيااااشي عندو قانون.. واحنا زاااتنا بي شناتنا دي عاوزين يكون عندنا عسكرية سودانية منضبطة مش مورجغة ياعمك فبالله جيب لينا قانون الجيش البجيب لينا ضابط بدبابيرو ممكن ينط فيهو زول هنا جوز وبكون بالتالي نط جوز في الجيش كلو كون العسكري شخصية اعتبارية....
--------- خالد لو داير يجي اليمشي يقلع الكاكي بتاعو ده ويسلم الدبابير دي ويجينا بجاي
كلام عجيب لكن يا كيكي .. منو القال الكلام دا زاتووو ... ياخ البورد دا مليان كومريدات .. ومليان ضباط من الحركة .. ومن العدل المساواة .. واي واحد تصبح الواطــــه يجي يقول لينا والله انا من الجيش الشعبي يا كمان يجينا متصور لينا بي كاكي وشايل ليهو تلاتة بنادق .. وشايل معاهم دبابتين في ايدو التانية .. انتو الصاح دا بتشوفوهو بي طريقتكم ..؟ ما ياهو البورد دا نحن قاعدين فوقو زيكم .. يا ما هددونا وياما جونا عملو لينا ابطال هنا دا ايام غزو امدرمان من المرتزقة نفس المرتزقـة الاعتقلو الزول الشجاع البطل الاسمو خالد دا الجايين تتفلهمو عليهو في المواتقع الالكترونية علشان فقط كلامو ما عجبكم لانو اتكلم عن تجربتو .. الزومل دا جاي من داخل الحدث .. وبيحكي في تجربة انا بعتقد انها مهمة لي كل الوسائل الاعلامية .. بعدين الحركة دي مش عرضت الجنود الاسرى ديل من جانب تمليك حقائق .. كما ادعت ..؟ يللا مالكم ما جيتو قلتو الكلام دا عيب يا ناس الحركة ما تعرضو الناس ديل وما تجيبوهم يتكلمو .. لكن الحركة الشعبية ما عندها غير انها تعمل كدا .. ومرتزقة العدل والمساواة ما عندهم غير انهم ينهبوا .. اي واحد فيكم بجي يشبكم الزول دا انت ضابط وانت عسكري وما مفروض تقول الكلام دا مفروض يراجع نفسو .. يا دا كمان معناتو انو .. ناس الجيش الشعبي بتاعنكم ديل .. ومرتزقة العدل والمساواة القاعدين يجو يتكلمو هنا دا ويحكو لينا عن قصص خياليه .. ما هم إلا عبارة عن مليشيا .. ومرتزقة وانتو بتهللو ليهم .. وبتحللوا ليهم حمل السلاح بينما ترفضوا لي ناس خالد ديل مجرد الدفاع عن انفسهم وتوضيح الحقائق .. الكنا في لحظة من اللحظات .. بنقرا في اكاذيب زي الوهم الاسمو مين النعمان .. وبقية الكورجة البتتكلم عن انسحاب الحركة الشعبية من هجليج .. ...
جنابو خالد .. اكتب هنا يا زول زي ما عايز .. قول العايز تقولو .. احكي عن تجربتك .. وتأكد انك ستجدمن يسمعك مثلي .. فهذه حقبة تحتاج إلى توثيق .. فمثلما يعملون على تغبيش الحقائق وتجميل الوجـه يجب ان يكون هناك ما هو واضح للعيان .. عودا حميدا يا بطـل .. وتأكد ان الكثير كان يتمنى ان يكون مكان الحدث .. فالحرب هنا ليست ضد حكومة الانقاذ بقدرما هي حرب ضد وجودنا كسان في الجهة الأخرى .. وهذا واضح وجليا .. من تصرفات مرتزقة العدل .. وعساكر الجيش الشعبي وستجده مترجم هنا كتابة من عضويتهم التي تتخبط كل يوم .. اكتب .. فبمثلما لم ترهبك تصرفات من غدروك .. فتأكد انه ايضا لم ترهبك هذه الطقطقة على الكيبورد .. واحمد الله انك طبيب مقاتل في القوات المسلحة واديت واجبك الانساني على اشرف وجه وعندما تم اعتقالك كان كل من في عهدتك من الابرياء من المرضى قد قمت بشرف اخلاءهم بسلام .. وهذا هو شرف عظيم .. لا يدانيه شرف .. ولا يعرف ذلك الكثير من الذين لم ينالوا هذا الشرف .. تستاهل يا مقاتل نيشان الشجاعة وكل الاوسمة التي تتحدث عن التضحية والفداء والصمود .. واصل .. اكتب .. في انتظارك .
Post: #63 Title: Re: قصة اختطافنا من مستشفى هجليج Author: البشير دفع الله Date: 05-15-2012, 02:00 PM Parent: #44
حمدا لله على سلامة العودة د. خالد
وأهلا ومرحبا بك بسودانيز اون لاين
Post: #51 Title: Re: قصة اختطافنا من مستشفى هجليج Author: nabielo Date: 05-15-2012, 12:22 PM Parent: #38
حمد لله علي سلامتك خالد شاهد في الفيديو ادناه كيف عامل الجيش السوداني (اسري) اطفال من اصول دارفورية بعد هجوم حركة العدل و المساواة علي العاصمة
Post: #54 Title: Re: قصة اختطافنا من مستشفى هجليج Author: tmbis Date: 05-15-2012, 12:46 PM Parent: #51
Quote: شاهد في الفيديو ادناه كيف عامل الجيش السوداني (اسري) اطفال من اصول دارفورية بعد هجوم حركة العدل و المساواة علي العاصمة
الغريبة نفس الملف دا جابو مكي .. مكي الناشط الدارفوري .. وكاتب عليهو كلام عجيب ما معناهو انو الجيش السوداني اعتقل الاطفال في قرية دارفورية اسمها شنو كدا ما عارف .. وقام بتعذيبهم بالطريقه دي .. انت حضرتك يا بتاع الفلنه الصفراء .. مالك ما جيت جبت ليهو الملف دا وقلت ليهو دا بتاع اسرى امدرمان ..؟ الفرق انو بتاعين الجيش الشعبي وبتاعين العدل وا لمساواة برقصو مبغطوا دقونم .. لكن بعض الكيزان بفكو ليكم زي الملفات دي عشان يمتعوكم بيها شهر شهرين .. تلاتة .. ويعملو العايزين يعملوهو ..
انت بتاع الفنله الصفراء واللا غيرتها ..؟
Post: #47 Title: Re: قصة اختطافنا من مستشفى هجليج Author: محمد زكريا Date: 05-15-2012, 11:50 AM Parent: #25
زميل المنبر الجديد الاخ خالد السلام عليكم ورحمةالله تعالى وبركاته ونحمده على فك اسرك مرحب بك فى هذا الحوش الواسع الذى يضم صوت كل من لا صوت له وتتساوى فيه الرتب اما بعد كتبت
Quote: . توجدمخلوقات تعيش بيننا لا ندري أيكرهون التنظيم الحاكم أم السودان نفسه؟؟ ... عداء و غبن و كراهية أعمت القلوب و الأبصار عن النظر لمصلحة البلاد . . . أصبح البعض يؤيد من يغزو البلاد و يستبيح العباد بدعوى أنهم يكرهون المؤتمر الوطني !!! . . . هنالك فرق بين كراهية المؤتمر الوطني و كراهية السودان !! . . . فاليرتمي من شاء منهم في أحضان الغرب أو حضن الحركة الشعبية . . . و ليتخذوهم أولياء ... لن يغنوا عنهم من الله شيئا . . عقوقهم للوطن لن ينتقص من الوطن شيئا ...
نحن نشكر الله . . نشكر قيادتنا .. . . نشكر أهلنا وإخوتنا وأخواتنا أبناء الوطن على وقفتهم المشرفة ودعائهم الصالح . . دبلوماسية مصر و اللجنة الدولية لمجهوداتهم . . .
اذاً هى صكوك الوطنيه التى توزع الان الى الناس حسب ولائاتهم الى اللاوطنى تقصد اللجنه الدوليه للصليب الاحمر؟ ويا ايها الاسير المفكوك حديثاً ياخ ما ياهو الغرب ده بى احضانه دى كان سبب فى فك اسرك (بعد الله طبعاً ) (للاحتياط كدى عشان ما تتعب تجيب احاديث وأيات كاننا اول مره نتعرف على ديننا الاسلامى)
اما مفردة مخلوقات وكمان مقصود بيه غير الجنوبيين يعنى ابناء السودان
اتمنى دى ما تكون على وزن ما قالها الرئيس عن الجنوبيين لان الرد بتاع فيديو الجنوبيه ام اصبع قرب يصل نص مليون مشاهده و حالتها لسان اعجمى وبعربى جوبا تعرف الناس لسه كانت بتتعاطف معك لانك مهما كنت كوز ولا شنو برضو حار علينا نشوف مواطن سودانى فى صورة اسير مكسور مذلول وكنا بنرى ثباتك فى الفيديو نوع من البطوله برغم الجر الواطى لاننا نتفهم ما يمكن ان تكون فيه من وضع كأسير حرب لكن كونو فكوك واطلقوا سراحك ما معناتو عشان تجى تفك لسانك وتطلقه على من يخالف حزبك او لا يؤيده, وبالعكس ح تغيّر نظرة الكثيرين اليك كبطل ياخ انا لو فى مكانك اوجه باقى عمرى كله من اجل الكلام الطيب وشكر وحمدلله على ما انعم على بحياة وعمر جديد ختاماً احن عليك اذ اجد نفسى مشهداً لكيف انهم يستغلون اسمك فى الترويج والدعايه ورفع الروح المعنويه
وعلى نفس سياق ملكاتك الدينيه ومعها الادبيه فى الشعر اليك بقول الامام الشافعى
إذا رمت أن تحيا سليماً من الردى **** ودينك موفور وعِرْضُكَ صَيِنّ
لسانك لا تذكر به عورة امرئ **** فكلك عورات وللناس ألسن
وعيناك إن أبدت إليك معايباً **** فدعها وقل يا عين للناس أعين
وعاشر بمعروف وسامح من اعتدى**** ودافع ولكن بالتي هي أحسن
Post: #50 Title: Re: قصة اختطافنا من مستشفى هجليج Author: Haju Muktar Date: 05-15-2012, 12:15 PM Parent: #47
اكثر من خمسه واربعين مداخله والضابط خالد لم يحضر هل الباسويرد ده ديزبزبل ولا شنو
Post: #53 Title: Re: قصة اختطافنا من مستشفى هجليج Author: tmbis Date: 05-15-2012, 12:42 PM Parent: #50
Quote: اكثر من خمسه واربعين مداخله والضابط خالد لم يحضر هل الباسويرد ده ديزبزبل ولا شنو
الغريب شنو ما انت عندك خرطمية مداخلة .. في البورد دا .. استفدنا منها شنو . غير فلانـه ديك توبه مشجر وفرتكانه دقت ليها حلق دهـب .. ما تصبر خليهو لحدت ما يجي .. يا ما يجي .. هو الكتابة هنا دا بقت كسر رقبـة وجري وطيران ؟؟
.. لالالاانا مراقب بس .. كدي بالمناسبة دي جيب لينا البوست بتاع التياب داك .. إن شاء الله تكون فكيت الشفرة بتاعتو عشان نعرف التوب ابو قجيجة واللا توب زراق عادي ..
.. يللا اتحرك بدل قاعد لينا ساكت هنا دا تمامة عدد ..
Post: #58 Title: Re: قصة اختطافنا من مستشفى هجليج Author: Haju Muktar Date: 05-15-2012, 01:18 PM Parent: #57
Quote: يللا اتحرك بدل قاعد لينا ساكت هنا دا تمامة عدد ..
وانت حاسب نفسك مع العدد عشان يكون عندو تمامه
Post: #59 Title: Re: قصة اختطافنا من مستشفى هجليج Author: tmbis Date: 05-15-2012, 01:38 PM Parent: #58
Quote: قالوا هناية جات باريس وجابت الخبر
.. هو طالما انت بتجي تفتي .. وكمان بتسال وعايز يجو يكتبو ليك رد كمان .. البخليني ما معدود شنـو ..؟ اها قبل ما يعدوني كان لما يجي واحد يقول هناية جات يا ريس عارف كنا بنقول ليهو شنـو ..؟ بتزعل كان قلت ليك .. .. لكن حسع بقو يخمو فيكم ساااكت .. وتجو تكتبو لينا هنا .. الواحد يغيب من البورد ويجي .. يلقى زي نوعيتك دي وكمان بتسال في الناس وبتتفلسف .. كدي انا قاعد في البورد دا اشوفك اسال ليك زول تاني .. يا جيب لينا خبر هناية ديك طلقوها يا هناية ديك اشترت ليها توب جديد .. شوف اعمل ليك شنو ..
Post: #64 Title: Re: قصة اختطافنا من مستشفى هجليج Author: Haju Muktar Date: 05-15-2012, 02:00 PM Parent: #59
Quote: لكن حسع بقو يخمو فيكم ساااكت .. وتجو تكتبو لينا هنا
في زول قدم ليك دعوه قال ليك لازم تجي تقراء بوستات الناس الخموهم
Post: #69 Title: Re: قصة اختطافنا من مستشفى هجليج Author: tmbis Date: 05-15-2012, 02:15 PM Parent: #64
Quote: في زول قدم ليك دعوه قال ليك لازم تجي تقراء بوستات الناس الخموهم
انت بالذات .. كاتبي المناضل المفضل .. من البوست بتاع هناية داك .. وانا كلما اجي داخل البورد دا .. بفتش ليك بالفتاشة .. لكن لمو فيك ناس حافظ انقابو او بي صورة اوضح حافظ اي حاجة وابو حسين .. مسحو بيك البورضي ايقونة ايقونة .. عايزين يطفشوك لينـا .. تعرف سودانيزاونلاين دي يا بتاع تبديل العدة .. كل مرة لازم بكرة يخم ليهو نوعية زيك كدا دا .. تروح للناس شوية .. اها انا شخصيا .. زي نوعيتك دي .. بموووت موت واللقى لي واحد .. واحد بس بكفيني الربع كلووووو .. يعني حسع دي لو الله ادانا العافية وطولة البال .. من هنا دا لحدت اربعة ارباع ونص لي قدام .. بشتغل معاك ملايات بس وعندي الله يكرمك باقي بناطلين كدا بجيبه ليك تبدل لي بيهم عدة .. بس الله يرضى عليك .. ناس هناية ديل خليهم لحدت ما اسالك منهن .. يا كمان اديهن خبر من بدري قبال تجيب لينا اخبارن ..
شفت نوعيتك دي بالرغم من انها تمامة عدد لكن مرات بتنفع كيف ..؟ اها البوست دا بدل ما يرفعو بكري فووق .. اهو بقينا نشتري فوقو منك تياب .. وكبابي
Post: #56 Title: Re: قصة اختطافنا من مستشفى هجليج Author: حاتم محمد حاج المهدي Date: 05-15-2012, 01:00 PM Parent: #50
الأخ د. خالد حسن أحمد
حمداَ لله على سلامتك وعلى رجوعك سليماً معافى إلى وطنك وأهلك.
شكراً على أدائك واجبك الطبي على أفضل وجه..
حرصك على إخلاء الجرحى والتأكد من سلامتهم وتعريض نفسك لخطر الأسر (وربما الموت لولا لطف الله) سيظل شاهداً على بطولتك وإنسانيتك..
ونسأل الله أن يتقبل الطبيب الآخر د. ياسر ختم رحمة شهيداً وأن يعوضه بشبابه الجنة.
Post: #60 Title: Re: قصة اختطافنا من مستشفى هجليج Author: حاتم الياس Date: 05-15-2012, 01:43 PM Parent: #56
تمبس تباً لك...لماذا تدافع عن جيش المؤتمر الوطنى وأكاذيبه
لعلمك هذا الطبيب لم يركب العربات العسكرية مع ناس الجيش وبقية الأسرى وأجرو ليهو هايس مخصوص هو الوفد الطبى حتى كان فوق الهايس فى ساونسستم بتاع فرقة تابعة للحركة الشعبية كانت جايه تعمل مزيكا هناك فى هجليج..شرب كركدى بارد بالنهار بعد ماقبضوه وجابو ليهو ناموسية فى الليل بعد ماأتعشى بلبن هو قال بيتعشى بلبن واٍن كان في رأيي لو أخد ليهو نفسين مع الجماعة ولاجر كاس كان كتب لينا بوست أحسن من ده المهم..نام وفى الصباح ودوه جوبا ونزلوه فى فندق وبعد داك جابوه الخرطوم عشان يجى يقول كلامو المهبب ده مهبب دى لازمة نجم بورد أمريكى.....يعنى ببساطة أنت تريد أن تنسف تاريخ الحركة الشعبية التى طالما قاتلت بجسارة وأخلاق وحافظت بالمسطره على القانون الأنسانى الدولى ومبادئه فى معاملة أسرى الحرب وبعدين ياخ الزول ده يجينا من أسر وحرب ورصاص وكتل يكتب معانا طوالى مايراعى لأحاسيسنا الأنترنتية الضعيفة دى..نحن ناس حرابة!!! وبعد ده صاحبنا يجى يقول ليك التأسيس المر والحلو مر ياعمك القانون الدولى الأنسانى ده ماياهو زاتو الدايرين يحاكمو بيهو البشير..تنكروا هنا ووتتذكروه هناك
تمبس ماتنبذ الحركة الشعبية فمازال فراشها الحائر يبحث عن نورها الذى خبأ...
Post: #65 Title: Re: قصة اختطافنا من مستشفى هجليج Author: tmbis Date: 05-15-2012, 02:02 PM Parent: #60
قلت لي كيف يا حاتم .. يا كوز ؟؟ ياخ نحن من ما الله خلقنا .. وحكو لينا عن الجنوب دا وعن الحرب .. عرفنا الحنك شنو .. الحنك بي نوعيه الحعاضي والبيش .. يعني عليك الله يا حاتم يعني عشان الزول دا قال كلام صاح يجو يعملو ليهو فيها علاقات دولية .. وقانون دولي وبتاع ..؟ الحمد لله الواحد بقى من اسرة عسكرية .. فيها الاتقطعت ايدو في الجنوب .. وفيها الاستشهد ببسالة وفيها الاتاسر .. وعرف كيف يخارج نفسو بي شجاعة وبي رجالة وبي بسالة .. وفيها الوقف لي زي البسرقو الحاجات دي وبرهبو الناس .. واداهم في التنك .. وفيهم الصدرو وجسمو مليان جبخانه لحدت الان .. يعني اكان ما مات شقه المقابر .. ما ياهو فغي عساكر كبار جدا قاعدين يجيبوهم بيحكوا وقائع .. في الميديا .. وفي اي مكان غير السودان .. في عبد الظمبار جا قاليهم بطلو حركات الملكية دي ..؟ ليه بقت حسع دي حاره لما جا قاله خالد دا ..؟ والله انا لو في مكان ناس البورد دا ومكان بكري .. اعمل ليهم صيام جماعي زي صيام الباقر جكس العايز يصومنا ليهو دا .. ياخ زول زي دا مفروض كل يوم يجي يديهم محاضرة هنا .. ويعمل ليهم فرش متاع .. بلاش قوانين دولية بلاش كلام فارغ .. دا شاهد عصثر .. زيو وزي الناجيين من قصر الضيافة .. العاملين فيها رايحين منها حسع دي بي نفس الحركة بتاعت الشيوعيين في تغبيش الحقائق .. .. غايتو يا حاتم اكان ما المكان دا سودانيزاونلاين .. الواحد كان استغرب .. لكن كمان ما سودانيز محلات المثقفاتيه والعارفين اي حاجة والبفتو في اي حاجة ..
حسع عليك الله عاين زي بتاع الملايات دا .. حسع بعد البوست بتاع توب هناية داك .. تاني مفروض يجي حايم في الحلة دي ..؟ اها عاين ليهو جا عصر الفراش .. وكمان بيسأل ووين سيد البوسطي دا ما جا رد تاني ..
عليك الله عاين محن البوردي دا .. ؟؟
Post: #67 Title: Re: قصة اختطافنا من مستشفى هجليج Author: عبدالكريم الامين احمد Date: 05-15-2012, 02:12 PM Parent: #60
Quote: ياخ البورد دا مليان كومريدات .. ومليان ضباط من الحركة .. ومن العدل المساواة .. واي واحد تصبح الواطــــه يجي يقول لينا والله انا من الجيش الشعبي يا كمان يجينا متصور لينا بي كاكي وشايل ليهو تلاتة بنادق .. وشايل معاهم دبابتين في ايدو التانية .. انتو الصاح دا بتشوفوهو بي طريقتكم ..؟ ما ياهو البورد دا نحن قاعدين فوقو زيكم .. يا ما هددونا وياما جونا عملو لينا ابطال هنا دا ايام غزو امدرمان من المرتزقة نفس المرتزقـة الاعتقلو الزول الشجاع البطل الاسمو خالد دا الجايين تتفلهمو عليهو في المواتقع الالكترونية علشان فقط كلامو ما عجبكم لانو اتكلم عن تجربتو .. الزومل دا جاي من داخل الحدث .. وبيحكي في تجربة انا بعتقد انها مهمة لي كل الوسائل الاعلامية
هلا ياتامبا وحبابك.. 1-اولا يا تمبس ضروري نتفق انو الجيش السوداني كموسسة يفترض ان تكون قومية فعودنا كلنا كشعب سوداني فضل0(راكب فيها) وفي الاحوال العادية مفروض ماتكون لسانها هو لسان جهة معينة ضد جهة معينة داخل ارض السودان طالما هي بعيدة كل البعد عن الخلافات السياسية والفكرية المالية السودان ده كلو سوي كانت عدل ومساواة او الحركة الشعبية او جبهة الشرق او حزب الامة وغيره...فالجيش ده تسليحو وكل الكمونية بتاعتو هي من صلب موارد هذا السودان ويعمل في صفوفه(في الاحوال العادية ) اخوي واخوك واخوك الزول السوداني الهنوووووك...فعشان كده حق النقة فيهو هو حق اصيل بموجب مواطنتنا في السودان واهتمامنا بحاجاته المشتركة مابين كل اهله.. 2- العدل والمساواة وكل الاحزاب والحركات السياسية خلافها خلاف سياسي مع الموتمر الوطني والموتمر الوطني استغل الجيش في محاولة حسم هذا الصراع والتمرد بتاع الناس ديل كان قمعه من قبل الجيش بكون مفهوم لو كان الناس ديل (جياشة) واتمردوا علي قوانين ونظم الجيش ولكنهم في خلاف سياسي مع الحكومة التي يجب عليها ان لاترمي بالجيش في الخلاف السياسي مع ابناء السودان الذين هم اصحاب ملكية ايضا لهذا الجيش بحكم المواطنة وحقوقهم في الموسسات القومية مثل الجيش... 3- نزول ضابط في الجيش السوداني الي ارض استقطاب سياسي وهو حاملا (وجهة نظر ) تدعم روية تنظيم معين هو رمي بالجيش الي ساحة الصراع السياسي وبكرة ما تتضايق لو جاك ضابط سوداني شيوعي او جاك ضابط سوداني انصار سنة او حتي تبع عقاروهو في خدمة الجيش السوداني او تبع الاحزاب الدارفورية ودور كوماج في الساحة السياسية(حواروخلاف ثم استقطاب ثم تعليمات ثم مخزن سلاح ثم دشمان ما بين كل الاحزاب التي ذكرتها اعلاه)...والمافي شننننووو..؟؟ 4- انا في البداية سالت عن امكانية تجول ضابط سوداني للحوار في الامور ذات الطبعة السياسية لانو الجيش ما موسسسة (كيري) عندها قوانين ومنسوبيه في كل الرتب المختلفة عندهم قوانين ما بتخليهم يخشو في النقة السياسية لانهم غير معنين بها...والكلام ده لو تم تطبيقه في السودان ومنذ الاستقلال ماكنا اليوم في مسلسل(انقلاب ثم انقلاب )وامورنا جايطة بالمستوي العجيب ده... 5- لو الناس دايرة بلد منظم ومرتب ضروري يكون في جيش يا تمبس ادافع عنو (انا) وتدافع عنو (انت) ويدافع عنو ابكر في نفس اللحظة وبنفس القوة وما يبقي (كومي وكومك) وجيشي وجيشك...والموضوع ده ما ببقي الا يتنضف الجيش من الناس الدقانة العاوزين يكاوشو عليهو ويقتل ليهم ابناء السودان العندهم حق في نفس الجيش ده..
Post: #73 Title: Re: قصة اختطافنا من مستشفى هجليج Author: tmbis Date: 05-15-2012, 02:32 PM Parent: #67
Quote: هلا ياتامبا وحبابك.. 1-اولا يا تمبس ضروري نتفق انو الجيش السوداني كموسسة يفترض ان تكون قومية فعودنا كلنا كشعب سوداني فضل0(راكب فيها) وفي الاحوال العادية مفروض ماتكون لسانها هو لسان جهة معينة ضد جهة معينة داخل ارض السودان طالما هي بعيدة كل البعد عن الخلافات السياسية والفكرية المالية السودان ده كلو سوي كانت عدل ومساواة او الحركة الشعبية او جبهة الشرق او حزب الامة وغيره...فالجيش ده تسليحو وكل الكمونية بتاعتو هي من صلب موارد هذا السودان ويعمل في صفوفه(في الاحوال العادية ) اخوي واخوك واخوك الزول السوداني الهنوووووك...فعشان كده حق النقة فيهو هو حق اصيل بموجب مواطنتنا في السودان واهتمامنا بحاجاته المشتركة مابين كل اهله.. 2- العدل والمساواة وكل الاحزاب والحركات السياسية خلافها خلاف سياسي مع الموتمر الوطني والموتمر الوطني استغل الجيش في محاولة حسم هذا الصراع والتمرد بتاع الناس ديل كان قمعه من قبل الجيش بكون مفهوم لو كان الناس ديل (جياشة) واتمردوا علي قوانين ونظم الجيش ولكنهم في خلاف سياسي مع الحكومة التي يجب عليها ان لاترمي بالجيش في الخلاف السياسي مع ابناء السودان الذين هم اصحاب ملكية ايضا لهذا الجيش بحكم المواطنة وحقوقهم في الموسسات القومية مثل الجيش... 3- نزول ضابط في الجيش السوداني الي ارض استقطاب سياسي وهو حاملا (وجهة نظر ) تدعم روية تنظيم معين هو رمي بالجيش الي ساحة الصراع السياسي وبكرة ما تتضايق لو جاك ضابط سوداني شيوعي او جاك ضابط سوداني انصار سنة او حتي تبع عقاروهو في خدمة الجيش السوداني او تبع الاحزاب الدارفورية ودور كوماج في الساحة السياسية(حواروخلاف ثم استقطاب ثم تعليمات ثم مخزن سلاح ثم دشمان ما بين كل الاحزاب التي ذكرتها اعلاه)...والمافي شننننووو..؟؟ 4- انا في البداية سالت عن امكانية تجول ضابط سوداني للحوار في الامور ذات الطبعة السياسية لانو الجيش ما موسسسة (كيري) عندها قوانين ومنسوبيه في كل الرتب المختلفة عندهم قوانين ما بتخليهم يخشو في النقة السياسية لانهم غير معنين بها...والكلام ده لو تم تطبيقه في السودان ومنذ الاستقلال ماكنا اليوم في مسلسل(انقلاب ثم انقلاب )وامورنا جايطة بالمستوي العجيب ده... 5- لو الناس دايرة بلد منظم ومرتب ضروري يكون في جيش يا تمبس ادافع عنو (انا) وتدافع عنو (انت) ويدافع عنو ابكر في نفس اللحظة وبنفس القوة وما يبقي (كومي وكومك) وجيشي وجيشك...والموضوع ده ما ببقي الا يتنضف الجيش من الناس الدقانة العاوزين يكاوشو عليهو ويقتل ليهم ابناء السودان العندهم حق في نفس الجيش ده..
كيكي .. سلام طالما انت الابتدرت التساؤلات وطالبت خالد بمطالبات اعتقد انك ضغطت عليهو فيها .. انا بوجه ليك الكلام .. وبرجع للرد .. بس اسمح لي لحدت ما اجيك راجع لاني حتى الكلام الفوق عملت ليهو اقتباس بس .. وما قريتو زاتو .. يللا يا فردة لحدت ما ااجيك ونشوف التحليلات وباقي الوهمة شنو .. لانو بالجد كلامك اصلا ما عجبني يا كيكي ..
Post: #133 Title: Re: قصة اختطافنا من مستشفى هجليج Author: tmbis Date: 05-16-2012, 08:25 AM Parent: #73
سلام يا كيكي ..
Quote: هلا ياتامبا وحبابك.. 1-اولا يا تمبس ضروري نتفق انو الجيش السوداني كموسسة يفترض ان تكون قومية فعودنا كلنا كشعب سوداني فضل0(راكب فيها) وفي الاحوال العادية مفروض ماتكون لسانها هو لسان جهة معينة ضد جهة معينة داخل ارض السودان طالما هي بعيدة كل البعد عن الخلافات السياسية والفكرية المالية السودان ده كلو سوي كانت عدل ومساواة او الحركة الشعبية او جبهة الشرق او حزب الامة وغيره...فالجيش ده تسليحو وكل الكمونية بتاعتو هي من صلب موارد هذا السودان ويعمل في صفوفه(في الاحوال العادية ) اخوي واخوك واخوك الزول السوداني الهنوووووك...فعشان كده حق النقة فيهو هو حق اصيل بموجب مواطنتنا في السودان واهتمامنا بحاجاته المشتركة مابين كل اهله..
كيف يعني مثلا جهة معينة داخل أرض السودان دي ما فهمتها .. الحركة الشعبية كانت شريك حكم .. وكان الجميع يطبل لها هنا على أمل انها تفوز في الانتخابات وتحكم السودان .. وياما هللتو لي ياسر عرمان وسيلفاكير واعتقد انك من المهللين كنت يا كيكي ولو انا غلط صححني .. العدل والمساواة .. هي من المليشيا التابعة لأحد المختلفين مع نظام الانقاذ لو اردنا ان نضع الجميع في مقابلة .. فإن كل الفصائل التي تقاتل ضد السودان الآن . اقول السودان .. هي حليف سابق لنظام الانقاذ .. وتم انشقاقهم ضمن لعبة السياسة هنا يمكن لك ان تضع جيش الانقاذ المسمى بالدفاع الشعبي .. في مقابل ما يسمى بكل المليشيات التي ذكرتها اضف اليها حتى جيش دولة الجنوب التي كانت قبل اشهر تأكل من نفس الصحن وتشرب من نفس الكاس وتتقاسم نفس الكيكية .. يعني بي صورة أوضح .. لما تجي تتكلم لي عن عدل ومساواة . وإلخ .. ضع امامهم الدفاع الشعبي وهي القوات التي عملت على ردعهم فترة طويلة .. لكن ضع مية خط تحت القوات المسلحة السودانية .. والقوات المسلحة السودانية بكل وحداتها .. هي القوات التي اعنيها والتي ينتسب لها الضابط الطبي خالد والذي لم يعجبكم حديثه بمجرد انه عاد ليحكي ما تعرض له من القوات التي غزت أرض السودان .. المضحك أن احد منتسبي الحركات المسلحة او الموالين لهم تجد رده في عاليه .. يصف القوات المسلحة السودانية بمليشيا النظام .. مضحك جدا .
Post: #140 Title: Re: قصة اختطافنا من مستشفى هجليج Author: tmbis Date: 05-16-2012, 09:27 AM Parent: #133
Quote: - العدل والمساواة وكل الاحزاب والحركات السياسية خلافها خلاف سياسي مع الموتمر الوطني والموتمر الوطني استغل الجيش في محاولة حسم هذا الصراع والتمرد بتاع الناس ديل كان قمعه من قبل الجيش بكون مفهوم لو كان الناس ديل (جياشة) واتمردوا علي قوانين ونظم الجيش ولكنهم في خلاف سياسي مع الحكومة التي يجب عليها ان لاترمي بالجيش في الخلاف السياسي مع ابناء السودان الذين هم اصحاب ملكية ايضا لهذا الجيش بحكم المواطنة وحقوقهم في الموسسات القومية مثل الجيش...
كلام عجيب جدا .. وغريب لو كتبتو اماني العجب .. كان بقدر اتعامل معاهو .. وتم الاستدلال بي اماني العجب المراسلة الحربية .. عشان البوست دا كمثال :لقد عجزت الإنقاذ عن حماية أرض الوطن ..أول صور من هجليج (فيديو) ! من جهة بتقولو والله القوات المسلحة دي اتهزمت .. وفرحانين شديد لي القصة دي .. ناس المعارضة على وجه العموم .. وزي ما شفنا بوستات التهليل والمباركات وفي واحدين ضبحو عديل كدا .. للاسف ، وفي واحدين جابو بيتزا .. وفي واحدين جابو كمونية .. وإلخ وتجي يا كيكي تقولي زجو بيهم ..؟ يعني بي كلامك دا معناته انت ما بتعترف بالجيش السوداني في حد زاتو .. انما بتعتبرو مليشيا تابعة للحكومة وهذا ما يجتهد الكثير هنا لاثباته .. لذلك الكتير من كلامك الكتبتو فوق دا لاحترامي ليك انا بعتبرو مجرد حديث انشائي يستخدم كايقونة ثابتة من ايقونات البورد .. او مجرد حديث يقال في منبر سودانيزاونلاين كنوع من الاكلشيهات التي نقراها هنا .. الجيش يؤدي واجبه المفروض عليه .. حسب قسم القوات المسلحة وهو قسم يلتزم به المتخرج اي كان ضابط صف او جندي .. وهو نفس القسم الذي حدى بي خالد ان يجتهد في ان يخلي كل الجرحي من منطقة عمله المكلف بها .. وهذا ما وصفه هنا ولم يعجبك كغيرك .. حتى انك تربصت به كجندي في الحركة الاسلامية ولم تنتظر حتى ان ياتي بنفسه وفي اول فرصة يا كيكي .. كان هذا ما كتبته في بوست فتح عنه .. ولما جا بي الكاكي بتاعو .. قعدته ليهو عديل وفضيت ليهو نفسك .. وعملت كغيرك على طرده من هنا ومحاولة ارهابه ..
Quote: التي يجب عليها ان لاترمي بالجيش في الخلاف السياسي مع ابناء السودان الذين هم اصحاب ملكية ايضا لهذا الجيش بحكم المواطنة وحقوقهم في الموسسات القومية مثل الجيش
بالرجوع لمداخلتي السابقة ردا على رقم واحد: ذكرت ليك انو تقوم تقابل لي مليشيا العدل وكل المليشيات التي هي في خلاف مع الانقاذ .. بالرغم من انو الخلاف مع الانقاذ ما الاساسي الخلاف مع كل اهل الشمال وسكان الخرطوم .. وإلخ وكل من ليس من جلدتهم .. البورد قاعد والجماعات قاعدين .. العايزين يشيلو حقنا ويقلعونا .. اه ديل ناس الدفاع الشعبي .. قادرين عليهم وهم عارفين كويس .. وقاعدين ياخدو حقهم كاش .. لكن كدي تعال .. كيف تفسر لي جنوب السودان بي انو في خلاف سياسي ..؟ دا كلام ما مظبوط وكلام انشائي برضو .. دولة جنوب السودان عملت من اجل ان تنفصل .. وانفصلت واصبحت دولة لها سيادتها .. بالتالي لما تدخل في شبر واحد او قول ملم صغير .. لدولة السودان الحق في انو ترد عليها بي الجيش بي المطافي ، بي السجون .. بي سلاح المزيكا .. اقوليك حاجة ..؟ بيك انت زاتك .. مالك ما بتقدر تشيل سلاح ..؟ بالتالي .. يعني مثلا حسع الجيش دا كلوووووو .. يقعد مربع يدينو لحدت ما بتاعين الحركات ديل او الحركة الشعبية .. يعملو العايزين يعملوهو ..؟ ونقعد نشبكم والله ياخ بالغتو لكن ؟؟
الناس الما عاجباه الانقاذ بقت كان لقت ليها كاكي بتاع مارينز يقولو ليك ديل كيزان امريكان .. ومسالة المارينز دي انا جاييها لانو ح نستفيد منها ..
Post: #141 Title: Re: قصة اختطافنا من مستشفى هجليج Author: tmbis Date: 05-16-2012, 09:48 AM Parent: #140
يعني يا كيكي في موضوع الجي شدا .. نقوم نصدقك انت القلت الجيش مفروض ما يكون عندو دشمان مع اي زول من بني جلدتو لا عدل ومساواة ولا حكومة جنوب السودان ولا ناس كاودا ولا الكميات العجيبة القاعدين نسمعه كل صباح هنا دا .. وبجو داخلين شايلين لينا بنادقم ، واللا نصدق المراسلة الحربية اماني العجب القالت الجيش بتاعنا ما قادر يحمي حمى الوطن .. ولا حارس مالنا ودمنا ولا اي حاجة ودا مجرد حنك عاضي ؟؟ البعجبني فيكم يا كيكي .. انو اي واحد بلقى ليهو حته رهيفـة بمطها .. لمن تنقطع ..
يعني زي الاسمو نبيل دا .. قال اصلو انو ما بتذكر شاف الفيديو دا .. ولا لاقاو .. في حين انو قاااعد ومتحكر جوه البوست وقال عايز حقو ..
من ناحية أخرى بالنسبة للناس الجات هنا عشان تستعرض عضلاته .. فيما يخص كرم الجيش الشعبي وتعامله مع الأسرى .. ويا سلام عليهم .. طبعا دا الكلام العايزين يقولوهو .. ومستحيل طبعا يجيبو ناس الحركة الشعبية بضربو في الاسرى وبكتلو فوقم وبعذبوهم .. قدام الكاميرات .. يعني الكلام القالو كبر في واحد من بوستاتو .. كلام صاح انها الحرب القذرة .. لذلك ما قاله خالد في الميديا الخاصة بالحركة والذي وصفته انت بالجبن .. كان يمكن ان يقوله اي واحد لما يعرض .. في ضابط اسير من الحركة مسكوهو جايب ليهو لووري كامل بتاع بلح .. موديهو هجليج .. للاخوان .. اها جابوهو بضحك وهو بتكلم وقال الناس ديل كويسين جدا .. وانا كويس وما عندي الحبه .. لكن ثق تماما .. لما الكاميرا دي تدور كدا ح يشوف شعاع .. واحتمالية يتربط الطيارة قامت دي اسوا الفروض . .. من ناحية أخرى .. ابان دخول مرتزقة العدل والمساواة امدرمان والفيديو الجايبو الاسمو نبيل دا وعامل فيها بتاع تحقيق .. وهو نفس الفيديو الزيفو بعديها مكي مكي لاغراض اعتقد انهم استفادوا ممنها ماديا في منظماتهم التي يتعاملون معها .. جابو ليكم الفيديو بتاع الاسرى ديل .. في شكل كبسولة اتسربت لانو عارفين نفسياتكم عاملة كيف .. جات تراجي دقت كاروشة جا مكي قعد يبكي كل الدارفوريين بتاعين الحركات .. جو عملو لينا حركات .. اهـا بعد يومين جابو ليكم نفس الاسرى ديل .. مطقمين بي بجامات وفنايل ، ولاعبين دافوري .. وعضه نضيفه جدا .. بللت ليهم مصارينم من العصيدة والجراية والموز .. اها جابوهم ليكم في التلفزيون وفي الميديا العالمية .. نفس الحركة العملوها بتاعين الحركة .. ماف اي فرق . وكلو في النهاية ميديا .. لكن المناضلين هنا زي ما قلته بعجب الباص البيني .. اما اماني العجب فلا يعجبها العجب ولا الصيام في عجب
Post: #61 Title: Re: قصة اختطافنا من مستشفى هجليج Author: Salahaldeen Nadir Date: 05-15-2012, 01:46 PM Parent: #56
Quote: اكتب هنا يا زول زي ما عايز
إن كتب - و قد فعلها - صار أقرب لرجال المليشيات منه لضابط في جيش نظامي
!
Post: #62 Title: Re: قصة اختطافنا من مستشفى هجليج Author: tmbis Date: 05-15-2012, 01:53 PM Parent: #61
Quote: إن كتب - و قد فعلها - صار أقرب لرجال المليشيات منه لضابط في جيش نظامي
وإن اتفقت معهم - وقد فعلتها فلا فرق بينك وبينهم فيما يحللون لهم ويحرمون لغيرهم أو ... يسمعو العايزين يسمعو .. ويخلو الما بيعجبم ويهاجمو .. ويرهبو ..
.. .
والله بتذكر قبل كدا زمااان واحد من الكمريدات بتاعين حركات التحرير دي .. قال ح يضرب آبار نفط دولة عربية هنا دا من البورد دا .. وطبعا هو اي بيان بينزل ها دا .. ممهور بي اسمو .. كزول كمريد كدا .. وقائد ميداني لا يشق له غبار .. اها ماف اي واحد من الناس الفاهمة دي جات قالت ليهو كلامك دا ما كويس .. بل بجو بصفقو ليهو ..
عجبا يصفقو للمليشيا والمرتزقـة .. والنظاميين يطنقعو عليهم ..
Post: #66 Title: Re: قصة اختطافنا من مستشفى هجليج Author: Salahaldeen Nadir Date: 05-15-2012, 02:08 PM Parent: #62
بل العجب أن يشجع أحدهم (نظاميا) على مخالفة قانون و أعراف المؤسسة (النظامية)
!
Post: #68 Title: Re: قصة اختطافنا من مستشفى هجليج Author: مرتضى احمد عبد القادر Date: 05-15-2012, 02:14 PM Parent: #62
تمبس الناس ما قالت أنو الزول دا ما كان مفروض يكتب شهاداتو وآراءو ديل عشان قوانين المنبر ما بتسمح لكن قوانين الموسسة البينتمي ليها هي الما بتسمح ودا الفهمتو من كلام عمر جنابو بإعتبارو معاك معلم في الحاجات دي
Post: #70 Title: Re: قصة اختطافنا من مستشفى هجليج Author: سيف النصر محي الدين Date: 05-15-2012, 02:17 PM Parent: #62
يا ناس العدل و المساواة حكاية البنقو و العرقي دي شنو؟ كدي تعالوا اشرحوها لينا؟ و بعدين برضو لو تفهمونا الاحتل هجليج انتو و للا جيش جنوب السودان؟ لأنو حسب ما ورد في رواية الأخ خالد انو شاف جيش الحركة جايي على هجليج بعد ما الجيش السوداني -المؤتمر الوطني حاليا- انسحب منها و بعد ما ناس العدل و المساواة دخلوا و أسروا و من ثم خرجوا منها بسلام مسطولين!!!!
Post: #71 Title: Re: قصة اختطافنا من مستشفى هجليج Author: عماد حسين Date: 05-15-2012, 02:26 PM Parent: #70
حمداً لله على سلامتكم أخي خالد
ربنا يتقبل منكم
ومرحب بك في حوش بكري
Post: #83 Title: Re: قصة اختطافنا من مستشفى هجليج Author: حسبو عكاشة Date: 05-15-2012, 04:37 PM Parent: #71
Quote: توجد مخلوقات تعيش بيننا لا ندري أيكرهون التنظيم الحاكم أم السودان نفسه؟؟ ... عداء و غبن و كراهية أعمت القلوب و الأبصار عن النظر لمصلحة البلاد . . . أصبح البعض يؤيد من يغزو البلاد و يستبيح العباد بدعوى أنهم يكرهون المؤتمر الوطني !!! . . . هنالك فرق بين كراهية المؤتمر الوطني و كراهية السودان !! . . .
حلاوة وطنيه
Post: #72 Title: Re: قصة اختطافنا من مستشفى هجليج Author: tmbis Date: 05-15-2012, 02:29 PM Parent: #70
Quote: تمبس الناس ما قالت أنو الزول دا ما كان مفروض يكتب شهاداتو وآراءو ديل عشان قوانين المنبر ما بتسمح لكن قوانين الموسسة البينتمي ليها هي الما بتسمح ودا الفهمتو من كلام عمر جنابو بإعتبارو معاك معلم في الحاجات دي
يا مورتا .. يللا ان ما ضد فكرة عمر عثمان .. ولا ضد فكرة اي انتهاك قانون .. بعدين منو القال وياتو قانون بمنعو يحكي ما تعرض ليهو .. ما ياهو العالم دا كلو مدني علي عسكري في الخدمة كان او خارج الخدمة بيجي يحكي عن تجربتو .. بل بالعكس .. في ناس بتفبركة فبركة وتنسج ليها اقاويل علشان تستفيد منها .. في ناس بتجي تقول اغتصبوني وسووو لي عشان تثبت الحاجة العايزاها .. الكلام الكتبو خالد دا منو القال شهادة ..؟ زي ما قلت انت .. دي ما شهادة دي رواية من داخل الحدث زي ما الحركة عرضت الجماعة ديل في زيهم العسكري الكامل وهم اسرى علشان توصل للاعلام الفكرة بتاعت انهم عاملوهم كويس .. اهو الكمندان دا .. جا حكي قصة انو كيف تم اسرو .. وممكن يكتبه في جريدة وممكن يالف بيها كتاب حسب مقدراتو .. ياتو قانون بيمنعو وياتو مؤسسة عسكرية بتمنعو .. طيب وقفو العساكر الفي الخدمة ديل البجيبوهم في المحاكم المدنية علشان يحكو عن افاداتهم وعن شهاداتهم .. ماف منظومة عسكرية بتحرم الكلام دا .. والمسالة دي ما سرية مسالة اسر الشباب ديل .. دي مسالة علنية تدخل فيها الصليب الدولي والدبلوماسية المصرية .. وخبرهم كان منشور في كل الميديا العالمية والجيش الشعبي هو البادر بالمسالة دي .. ايه حسع دي البخلي كلام خالد دا حساس جدا .. وسري للغاية .. وافشاء اسرار حرب ..؟
Post: #74 Title: Re: قصة اختطافنا من مستشفى هجليج Author: عبدالكريم الامين احمد Date: 05-15-2012, 02:42 PM Parent: #72
Quote: ايه حسع دي البخلي كلام خالد دا حساس جدا .. وسري للغاية .. وافشاء اسرار حرب ..؟
ياتمبس هلا.. ماسري كلام خالد ده وكان منشور هنا ده من امس تقريبا ولكن الامر (حسسسساسسس) لمن يجي ضابط في الجيش السوداني ومعلق بوري فيهو صقر الجديان فووووق الي منبر نقاش وفي كلامو رؤية بتاعة جهة سياسية معينة...هنا تكمن الخطورة والحساسية والكركبة وتداعياتها.... فالبوري وصقر الجديان ديل مش حقات خالد ده برااااهو ديل مفترض يكون حقات كل سوداني لافي في المنبر ده فعشان كده من المنطق ان يكونو بعيد عن الورجغة السياسية دي كلها....!!!
Post: #75 Title: Re: قصة اختطافنا من مستشفى هجليج Author: عبدالكريم الامين احمد Date: 05-15-2012, 02:51 PM Parent: #74
Quote: يللا يا فردة لحدت ما ااجيك ونشوف التحليلات وباقي الوهمة شنو .. لانو بالجد كلامك اصلا ما عجبني يا كيكي ..
في انتظارك تامبا
وانا زاااتي ح اخد لي نوومة ثم خفسة وكركبة الضابط القادي السلك دي عملت لينا صداع زااااتو لووووول
Post: #190 Title: Re: قصة اختطافنا من مستشفى هجليج Author: احمد الامين احمد Date: 05-19-2012, 12:30 PM Parent: #75
صاحب البوست كتب:
Quote: و صلنا منطقة لالوبة جنوبي هجليج و هي على بعد ساعة و نصف من هجليج ...
هناك و جدنا تمركزا لقوات العدل و المساواة بسياراتهم ... ة الجنود هناك يتعاطون المخدرات و المشروبات الكحولية بكثر... حين تمكن منهم أثر التعاطي سألني أحدهم قائلا ( يا دكتور هل أنت مجنون ؟! ما الذي كنت تفعله بذلك المكان ؟... انت محظوظ انك لم تمت ... ) أجبته بان الله هو الذي بيده التصاريف . .
الرائد طبيب وقتها الطيب محمد خير عندما رافق الجيش السودانى فى معركة بور كتب شهادة تقول أن الكثير من أفراد الجيش السودانى الذى كانوا بالمتحرك يشربون البنقو والمسكرات... المصدر : كتاب الطريق إلى بور تأليف الرائد طبيب الطيب محمد خير (الشهير بالطيب سيخة )
Post: #142 Title: Re: قصة اختطافنا من مستشفى هجليج Author: tmbis Date: 05-16-2012, 10:02 AM Parent: #74
Quote: ياتمبس هلا.. ماسري كلام خالد ده وكان منشور هنا ده من امس تقريبا ولكن الامر (حسسسساسسس) لمن يجي ضابط في الجيش السوداني ومعلق بوري فيهو صقر الجديان فووووق الي منبر نقاش وفي كلامو رؤية بتاعة جهة سياسية معينة...هنا تكمن الخطورة والحساسية والكركبة وتداعياتها.... فالبوري وصقر الجديان ديل مش حقات خالد ده برااااهو ديل مفترض يكون حقات كل سوداني لافي في المنبر ده فعشان كده من المنطق ان يكونو بعيد عن الورجغة السياسية دي كلها....!!!
القال منو حسسساسسسسس ..؟ والله انتو الحساسيتكم عالية لمن عامله لكيم حب شباب ... ليه ما يجي منبر نقاش ..؟ اديني مصوغ قانوني .. سياسي .. عرفي .. بيحتم عليهو انو ما يجي .. لو عندك قانون واضح بمنعو .. اديني فقراتو .. ما تستندو لي كلام جنابو عمر عثمان مع احترامي ليهو .. في فرق بين كلام عمر عثمان الكان ضابط شرطة وبين كلامكم انتو الملكية الاتحسستو ساكت .. وفي فرق بين قانون القوات المسلحة وبين قانون الشرطة .. ودا شعر ما عندنا ليهو رقبة عشان نتناقش فوقو .. ام امسالة الرؤية السياسية البتتكلم عنها دي ما ممكن اقوليك كلامك ما في محلو لي سبب واحد .. كلللل أو معظم الناس الجات داخله هنا دي .. اتجاوزت صقر الجديان وعلامة السلاح الطبي .. وقعدت ترش في الجانب الكيزاني .. عصام جبر الله قدس الله سر حزبه .. في بوست مجاور قاليهو انت طبيب البوديك محلات انتاج شنو .. ياخ دي والله .. بتاع العدة الحايم في البوست دا ما يقوله بتاع الملايات الاسمو مين دا ما يقوله .. المسالة .. بعدين تعال .. ما البورد دا مليان لي دين ايمانو .. عساكر مارينز .. وجواسيس وبتاعين منظمات حساسيته اعلى مليون مرة من حساسية خالد العرضوهو في الميديا والعالم كلو عرفو .. وعرف قصتو .. ، ياخ ناس دينق ديل الواحد بجي قبال ما يملص الكاكي حقو .. وزيقلع طبنجتو وينزل الدبابة الشايله في كتفو .. يجي جاري البورد بتاع بكري دا .. ويعمل لينا حركات جيش .. مرة شايل ليهو طبنجة عايز يرصصني بيها انا القدامك دا .. اما بقيت الاخوات البتلقاهن صلاتي علي النبي قاشرات بالكاكي ومعلقات البورية الفوقو النسر الامريكي .. وخاته الطبنجة (البي ناين اس) بالجمبة .. وشايلة ( الا ام بي فايف) .. فعيني باردة ويا حلاتي وصلاتي علي النبي .. اه ا حسع بقت علي خالد .. عشان جاكم لابس رسمي .. انت يا كيكي صورة خالد بالرسمي دي .. الجابه منو ..؟ انا القدامك دا ما كنت بعرف خالد .. وانت زاتك ما بتعرف عنو اي حاجة .. الصورة دي جات من الميديا حقت الحركة الشعبية في تلفزيون الحركة الشعبية .. وتم تداوله بي نفس اللباس العسكري .. يعني خالد دا لو جا مثلا قاشر بي الكاكي بتاعو دا وجا لمانا هنا قالينا انا عايز اديكم الدرس الأول في البياده .. او فك وتركيب السلاح .. والله كان ما عندي اي مشكلة بتضامن معاك .. واحتمال اعمل ليهو محكمة عسكرية لكن المضحك انو الحركة الشعبية تاجرت بيهم وعرضتم .. ولما جاكم بي نفسو .. عملتو نفس الحركة بتاعت اماني العجب .. بقيتو تفتشو في شاراتو .. وليه ما كاوي الكاكي .. وزرارتك لييه مفكوكـه .. الحنك العاضي بتاعكم دا .. بعدين لو كان البورد دا زي ما قلته او مكان النقاش دا .. بحترم حق العضوية .. والله في كتار هنا دا طريقة كلامم مع الزول دا .. مفروض تاني ما يدقوها هنا .. زول جا كتب كلام لا جرح ليهو زول فيكم لا تجنى علي واحد .. شنو مية نفر مطولين لسانم عليهو .. ؟؟ كنت بتمنى انو الناس تناقشو في الكلام الكتبو .. وبي موضوعية ..
Post: #76 Title: Re: قصة اختطافنا من مستشفى هجليج Author: بدر الدين اسحاق احمد Date: 05-15-2012, 02:58 PM Parent: #70
Quote: الاخ خالد تحياتي ..
والحمد لله الذي نجاك واعادك الى وطنك واسرتك سليماً ....
ومبروك انتصار قواتنا المسلحة ...
حسب علمي انك لاتزال ضابطاً بقوات الشعب المسلحة وبالتالي
لايجوز لك الكتابة في هذا المنبر او حتى في الصحف وماتقوله
او تكتبه يعتبر رواية رسمية تعبر عن قوات الشعب المسلحة
اترك امر هذه الحادثة لترويها بعد تقاعدك للمعاش بعد عمراً طويل ان شاء الله
يا خالد حمداً لله على السلامة ونشكر ربنا على فك أسرك ... كلام أخوك عمر دا أمسك فيهم قوى اخوك الكبير نقيب شرطة معاش من سنة 1997م عمر محمد عثمان
Post: #78 Title: Re: قصة اختطافنا من مستشفى هجليج Author: Kostawi Date: 05-15-2012, 03:31 PM Parent: #76
يا جماعة أنا عندي سؤال
كيف طبيب يتم تعينو كملازم أول?
أنا بعرف صاحبي مهندس خريج جديد عمل معنا 3 شهور في وزارة الطاقة و إلتحق بسلاح المهندسين برتبة رائد (الكلام دا منتصف الثمانينات).....ولا الحاجات تغيرت?
{أمسح, أكشح, أفرش ما تجيبو حي......دا مش شعار جيش السودان?
دا علاقتو شنو بالآيات القرآنية
نشكر حكومة جمهورية جنوب السودان (الجابتو حي) و حمد الله على سلامتك يا خالد
Post: #79 Title: Re: قصة اختطافنا من مستشفى هجليج Author: Haitham Elsiddiq Date: 05-15-2012, 03:34 PM Parent: #78
الأستاذ خالد أولا حمدا للة علي سلامتك و بركة الأمك فرحت بيك
ياخي إنت زول إتعرضت لتجربة قاسية لكن فريدة
وكان ممكن تتقتل بكل بساطة زي الآلاف الراحو سمبلة في هجليج...
لكن رب العزة كتب ليك عمر جديد...ياخ إستغلو في الترويج للسلام و للتقارب ووقف الإحتقان....
أشكر الجنوب إنة إلتزم أخلاقيا وأبقاك حي...أشكرم إنة ما عزبوك ولا جلدوك ولا جرحوك...وأدعو الطرف التاني إنة يعمل بالمثل...
أحكي لينا عن هول الحرب والدمار وريحة الدم....وإنها شر ولازم يقيف....
ياخ الجيش السوداني دة ولا مرة ما سمعناه سلم أسير...
وبعدين هو الدين الإنتا جيت تحدثنا بيهو كلام وتنظير ولا فعل...أمشي عليك اللة آياتك وأحاديثك دي قولها لي هارووون ولي الجماعة الفوق البضربو في الشفع وما دايرين إدوهم موية.... \ أخيرا الجماعة الفكوك ديل من غير بدل ولا فدية حسي سمعوك تكوركك وتنبذ يقولو كويس كدي النشوف لمن نقبض واحد تاني حنعمل فية شنو...
دي ما فكرت فيها....
Post: #82 Title: Re: قصة اختطافنا من مستشفى هجليج Author: صديق الموج Date: 05-15-2012, 04:37 PM Parent: #79
يا جماعة انا شايف قصة المائة دولار الادوها ليه واستلمه زى الضب ماوردت هنا واللا الزول ده بحكى عن اسر تانى غير السلموه فيه المائة دولار؟؟
Post: #100 Title: Re: قصة اختطافنا من مستشفى هجليج Author: JOK BIONG Date: 05-15-2012, 08:59 PM Parent: #79
الكذب ما بينفع واحد عسكري اسير يقول انه تم اختطافه؟!!!!...انت اسير بعد ان هزم ابطال الجيش الشعبي قواتكم والعالم شاهدة... احمد ربك ان الجيش الشعبي وحكومة جمهورية جنوب السودان اطلق سراحك ورجعك الي اهلك حيا ..امثالك لو وجد فرصة لن يترك غيره حي... طيب اين اسرى الحرب بطرفكم ؟!!! منذ 1955 -2012 توجد اسرى حرب اين هم؟ ما مصيرهم؟!!.
Post: #102 Title: Re: قصة اختطافنا من مستشفى هجليج Author: ست البنات Date: 05-15-2012, 09:36 PM Parent: #79
( توجد مخلوقات تعيش بيننا لا ندري أيكرهون التنظيم الحاكم أم السودان نفسه؟؟ ... عداء و غبن و كراهية أعمت القلوب و الأبصار عن النظر لمصلحة البلاد . . . أصبح البعض يؤيد من يغزو البلاد و يستبيح العباد بدعوى أنهم يكرهون المؤتمر الوطني !!! . . . هنالك فرق بين كراهية المؤتمر الوطني و كراهية السودان !! . )
الكلام الفوق دا فرقو من حشرات البشير شنو؟؟
وبعدين كلام الملازم حين الأسر مالو اختلف حين فك الأسر ؟
أها الشجاعة وين هسع؟؟؟
وبعدين المعلومة:
( أكتر اتنين مكروهين البشير والطيب سيخة )
دى حقيقة تب !!! مش فى الجنوب بس فى العالم كلو !!!
ولو كان يا ملازم يا مفكوك الاسر بترى ان أسرك فى الجنوب ظلم ,
ماهو رأيك فى اسر الكيزان لوطن بأكمله؟؟؟
ست البنات.
Post: #135 Title: Re: قصة اختطافنا من مستشفى هجليج Author: Elsheikh Mohd Aboidris Date: 05-16-2012, 08:31 AM Parent: #79
حمداً لله على سلامتك .... والله راجل من ضهر راجل وامثالك من الشرفاء كثر الله يحميكم ويقويكم اما حقد الجنوبين وخاصة الجيش الشعبي دا من قديم الزمن موجود ومشهود ومعروف
فهم اختاروا الانفصال وقلنا الحمد لله على انفصالهم وتم تلبية رغبتهم ولكن نعمل شنو لحقدهم
الا ان تقوم الساعة حقدهم ما حا يتغير لذا اضربوا بيد من حديد كل يد او رجل تمتد للسودان بسو نية او اعتداء فانتم صمام امان البلد والله يوفقكم ويسدد خطاءكم ولا تلتفتوا لانصاف الرجال
Post: #80 Title: Re: قصة اختطافنا من مستشفى هجليج Author: Salahaldeen Nadir Date: 05-15-2012, 03:44 PM Parent: #78
Quote: ايه حسع دي البخلي كلام خالد دا حساس جدا
عدم إستطاعته - كونه ضابطا بالقوات المسلحة - دفع تكاليف الكتابة في المنابر الحرة
هل يستطيع أن يشرح لماذا تعتمد القوات المسلحة (في موقع متقدم) في إتصالاتها على شركات الإتصالات الخاصة؟ هل يستطيع تفسير إنسحاب ( تقرأ فرار) رفاقه تاركينه و مرضاه خلفهم ؟ و هل و هل ؟
لا أحسبه يستطيع.. فلا ترهقوه
!
Post: #81 Title: Re: قصة اختطافنا من مستشفى هجليج Author: عبدالله شمس الدين مصطفى Date: 05-15-2012, 04:33 PM Parent: #80
الزميل نقيب طبيب خالد. أولاً حمداً لله على سلامتك. الحرب لا أخلاق, ولا خُلق لها, وكل ما وصمت به الحركة الشعبية أو العدل والمساواة فى كتابتك هو مردود على الحكومة السودانية, ومنسحب عليها, ومتطابق, وقع الحافر على الحافر , فأقله يا رجل جئت لتحدثنا عن وقائع أسرك ومعاملتك, فهل يا ترى قيّض لزميل لك على الضفة الأخرى نفس ترف ورفاه أن (يخرج) حياً من أسر حكومة المؤتمر الوطنى ليأتى ويروى لنا ما تعرض له, وما مر خلاله أثناء محنة أسره وإحتجازه!!! لا أظن ذلك, ولم نسمع به, بل كلنا رأينا ما تعرض له الصبية أسرى العدل والمساواة من تعذيب وضرب وإهانة على أيدى جنود حكومة المؤتمر الوطنى (الغير مخمورين), ولا متعاطين للمخدرات, ولا (للتخدير الإعلامى السياسى)... وكلنا رأينا وسمعنا بتوجيهات والى جنوب كردفان مولانا أحمد هارون لجنوده بأن لا يحضروا أسرى, بل هو إختزل كل قيمة الإنسان فى مجرد (أعباء وتبعات إدارية)!!!!. كما ذكر لك بعض الزملاء هنا, فإن وقفتك بالتلفزيون ذلك اليوم, وحديثك عن السلام والمحبة, كانت أعلى شأناً, وأكبر قيمة عندنا, لأنها هى الرسالة التى نود أن نتلقاها منك وأنت من خبرت وعرفت خبث ولؤم,وخواء دعاوى الحرب والقتل والقتال. ولا يفوتنى أن أبنهك لتعيد قراءة ما جاء به زميلنا المعاشى عمر عثمان, وأن تعمل بموجبه, وأن تقدم إستقالتك من هذا المكان, لأنك لا/ لن تمثل نفسك بأى حرف تخطه هنا, بل إنما انت تمثل مؤسسة لا نزال نراهن على حيادها, وعلى أيلولتها لكافة أطياف موزاييك الشعب السودانى, لا مجرد حزب قيّض له الله أن يقودنا حتف أنفنا, ودون إرادتنا لقرابة العقدين ونصف من الزمان. أتمنى أن تصحو فيك (المهنية), وأن تغادر هذا المكان مدججاً بحبنا وإحترامنا, بدل أن تبقى فيه فتفقد, وتُفْقِد تلك المؤسسة التى تنتمى إليها, وننتمى لها جميعاً بموجب وحسب المواطنة, ما نظنه فيها من حياد, وما نتوسمه فيها من حيدة, ومن إستقلالية عن الحكومة وكل مؤسساتها السياسية والحزبية. كل الود أخى خالد, وحمداً لله على سلامتك مرة أخرى, وشكراً لك
Post: #84 Title: Re: قصة اختطافنا من مستشفى هجليج Author: الامين موسى البشاري Date: 05-15-2012, 05:56 PM Parent: #80
Quote: بسم الله الرحمن الرحيم
قصة اختطافنا من مستشفى هجليج
الحمد لله الذي أضحك وأبكى، وأمات وأحيا، فعرفنا بلذة الفرح شدة الترح، وبحلاوة الحياة مرارة الوفاة.
قال الطائي: أوما رأيت منازل ابنة مـالـكٍ رسمت له كيف الزفير رسومها والحادثات وإن أصابك بؤسـهـا فهو الذي أدراك كيف نعيمهـا
وقال: إساءة دهرٍ أذكرت حسن فعـلـه ولولا الشري لم يعرف الشهد ذائقه
وصلى الله على خير مبعوث، وأكرم وارث وموروث، محمد الذي أخرجنا من الضيق إلى الفسحة، وبعث إلينا ، ليضع عن ولد إسماعيل أغلال بني إسرائيل، بل ليرفع عن كل من دخل في السلم، من جملة العرب والعجم، ما أضلع حمله وأظلع ثقله، صلى الله عليه صلاةً تزلف لديه، وتصعد في الكلم الطيب إليه، وعلى آله وصحبه وسلم . . .
لم نكن أسرى حرب . . فقد إقتحم المعتدون بقعة عزيزة من وطننا . . لم نحمل سلاحنا لاقتحام الجنوب ولم تكن حربنا على أرض متنازع عليها بل انتهكوا حرمة أرضنا و كان احتلالا" بكل ما تحمل الكلمة . .
لسنا أبطالا" لكننا نعرف معنى الواجب . . الشرف . . الوطن و الحمدلله. .
بدأت الملامح العامة برأيي لسقوط هجليج تتشكل في خيالي منذ مساء الاثنين التاسع من ابريل ......
كان صباح يوم الثلاثاء العاشر من ابريل صباحا عاديا .. . . استيقظت باكرا . . . و كما العادة ذهبت الى الحوادث للاطمئنان على سير العمل و لمعاينة المرضى من العسكريين . . . و استمر ذلك الوضع حتى الساعة العاشرة صباحا مواعيد الافطار
تناولنا الوجبة و واصلنا معاينة المرضى بالحوادث . . . الحمدلله لم يكن هناك ما يعكر سير العمل بالمستشفى . . . لكن هناك حقيقة يجب الوقوف عندها و هي ان السبب الذي من اجله انشئت المستشفى كان من اجل تقديم خدمة طبية للعاملين بشركات النفط بهجليج . . . فالمستشفى اذن صغير نوعا ما ...
عند الواحدة ظهرا اتصل بي الشهيد رائد طبيب ياسر ختم رحمه الله مبلغا بان الاشتباك قد بدأ بمتحرك الشهيد الفاضل و أن نكون على استعداد بالمستشفى. . .
و استنفرت الكوادر بالمستشفى لذلك و فعلا بدأ اخلاء الجرحى من المقدمة للمستشفى بأعداد مقدرة و بدأنا بعمل الاسعاف اللازم لهم . . . بعض الجرحى اصابته خفيفة . . . البعض الاخر خطيرة .. و بعضهم كان قد استشهد قبل الحضور للمستشفى ..
استمر توافد الجرحى للمستشفى . . . و امتلأ المستشفى حتى الردهات و الصالات . . .
عند الساعة الثالثة ظهرا اتصلت بالشهيد ياسر مستفسرا عن وضع الميدان . . . وجدت هاتفه مغلقا . . .
و شيئا فشيئا اقترب صوت الاشتباك من تخوم المستشفى و بدا كما لو أن الجيش ينسحب . . .
أحضرت شركة النفط سيارات أخلت بها كل الطاقم المدني العامل بالمستشفى . . .
و بقينا بالمستشفى . . . أنا و طاقم طبي عسكري بسيط و بعض جرحى و مرضى . . .
استشارني طاقمي العسكري عما سيحدث بعد ذلك و أعطيت تعليماتي لهم باخلاء المستشفى على أن يخلوا الجرحى بالمستشفى معهم . . . و فعلا تأكدنا من ذلك و الحمدلله . . .
و بقيت بالمستشفى و لم يك بها غيري . . . و خمسة مرضى و مرافقيهم الخمسة و ممرض واحد . . . استمر الوضع و الاشتباك حتى الخامسة عصرا . . .
و بذلك الوقت كان الجيش قد أخلى المنطقة . . .
انتظرت قرب المستشفى علني أجد سيارة تقلنا . . . و قدر الله كان يرسم خطة أخرى . . .
هاجمت قوة من العدل و المساواة بسيارتهم المستشفى . . . فتحوا نيرانهم باتجاهي بكثافة . . . طالبين مني الاستسلام و الرضوخ وانا لم أك احمل سلاحا غير ايماني و توكلي على الحي الذي لا يموت . . .
أوضحت لهم بان الموجودين الان بالمستشفى هم مرضى لم يشاركوا بالاشتباك ويجب الا يتم تصفيتهم . . .
**مشهد : كان هناك أحد الاخوة الذين استشهدوا و كان مسجى بالمستشفى و مغطى ببطانية . . . قال أحد جنود العدل بان هذا الشخص يتحرك أجابه اخر بانه ميت . . . لكن الأول ذهب لمكانه و أطلق عليه الرصاص حتى يتأكد من وفاته !!! . . . كان هذا حال معظم جنود العدل و المساواة و جنود الجيش الشعبي في التعامل مع الجرحى من جيشنا . . . تم اقتيادنا بالعربات التي كان بكل منها أربعة جنود الى السوق. . . قامت قوات العدل بنهب السوق و كسر اقفاله و أتوا على كل ما به من بضاعة و أغراض...
ومن هناك تحركت قوات العدل و المساواة عائدة بنفس طريق الردمية الذي أتوا به . . .
و شاهدت قوات الجيش الشعبي باعداد ضخمة تتقدم نحو هجليج . . . يتبادلون الهتاف و تحايا النصر مع قوات العدل و المساواة . . .
كان عدد عربات العدل و المساواة كبيرا بشارع الردمية . . . و كان بكل عربة حوالي أربعة او خمسة من الجنود . . .
و معظم قوات الجيش الشعبي كانوا مشاة ...
كنت أرى جثثا ملقاة هنا و هناك بالشارع ..
و صلنا منطقة لالوبة جنوبي هجليج و هي على بعد ساعة و نصف من هجليج ...
هناك و جدنا تمركزا لقوات العدل و المساواة بسياراتهم ...
الجنود هناك يتعاطون المخدرات و المشروبات الكحولية بكثرة ... حين تمكن منهم أثر التعاطي سألني أحدهم قائلا ( يا دكتور هل أنت مجنون ؟! ما الذي كنت تفعله بذلك المكان ؟... انت محظوظ انك لم تمت ... ) أجبته بان الله هو الذي بيده التصاريف . . . (و لا تدري نفس بأي أرض تموت ) ...
كنت مطمئنا و كأن الله قد أنزل سكينته على قلبي .... و ما يريحني هو أنني قد أديت واجبي بأكمل وجه ... واخليت كل الجرحى . . .
كان كل شيء حولنا ظلاما الا من أضواء سيجارهم المخدر !!
بتنا ليلتنا هناك حتى الصباح وحينما انبلج الفجر و علم من كان بالمكان من الجنود بأن هناك ضابط من جيش الشمال أسيرا . . . تجمعوا بالمكان . . . كل يمني نفسه بالثأر من حكومتنا بشخص هذا الضابط . . ضربا و تنكيلا بالرأس بالبطن و بكل ما تقع أيديهم أو زجاجات مشروباتهم الكحولية عليه من أجزاء الجسم . . . و بساقط القول من الألفاظ . . . بعضهم يمني نفسه بقتلي ... كانوا يقولون ( جابكم هنا شنو يا .... ؟ دايرين شنو ؟ ) كأنما هجليج قرية تتبع لمحلية جوبا !!! وهنا حضر ضابط ... ملازم أول يتبع للجيش الشعبي و اقتادني لقيادتهم بالمنطقة و كان بها نقيب بالجيش الشعبي ... أجلسوني على كرسي في البداية و بيدي أصفاد . . . ومن ثم على الأرض مكبلا بحبل. . . و حضر جنود من الجيش الشعبي و فتشوا كل جيوبي بحثا عن غنيمة !!
انضم الينا هنا مواطن كان يعمل حارسا بشركة التركترات بهجليج قبض عليه أيضا جنود العدل و المساواة ... تم اقتيادنا الى منطقة ربكونا التابعة لولاية الوحدة و تبعد بالسيارة أكثر من ساعة . . . هناك و بقيادة الجيش تم تسليمنا الى القيادة . . . كان هناك رائد فما دون و عدد من ضباط الصف . . . سخر بعضهم منا و أشبعونا تقريعا . . . تم وضعنا و كنا حوالي أربعين شخصا و معنا عدد من جنود الجيش الشعبي في حاوية أو كونتينر !! . . ذو أكسجين و تهوية قليلة . . و ماء قليل جدا ! . . وجبة واحدة مقسومة على وجبتين بطعام لا يسمن ولا يغني من جوع و ليس فيه من معدن ولا يعرف الفيتامين ! . . كوجة ( نوع من العصيدة ) و عدس ... و القمل يشاركنا ما تبقى من دم في عروقنا !! و رائحة كرائحة المشرحة !! لا مجال لاستخدام الحمام !! و أشبعنا الجنود شتائم مغمورة بالقذارة ! . . و ألفاظ يندى لها الجبين !! احتسبنا كل ذلك و ثبتنا الله بالقول الثابت . . . أخذنا أيضا نصيبا من الضرب في ذاك الكونتينر . . .
قابلني الفريق تعبان دينق والي ولاية الوحدة مرتين . . ناصحا" لي بأن البشير سيئ و داير يكتل الشباب حديثي السن من أمثالي . . أعطاني كتابين للإطلاع . . أحدهما كتاب (الحركة الإسلامية دائرة الضوء خيوط الظلام) للمحبوب عبد السلام كنت قد قرأته من قبل وهو لمن لم يطلع عليه عبارة عن مرارات وشحنات من الأسى نتيجة المفاصلة بين الأسلاميين . . المحبوب طبعا" مؤتمر شعبي . . الكتاب الثاني عن النفط والصراع السياسي في السودان . . لا يخفى عليكم برنامج غسيل المخ الذي كان يحاول القيام به الفريق تعبان ... و كان يحاول اقناعي بسوء حكومتنا و ان هجليج جنوبية !!!!!! لم يك حديثه أكثر من حديث مشحون بالعاطفة الجوفاء والمنطق الفارغ. . . وكل ما خرجت به منه مفاهيم مشحونة بكره و غل عجيب و ان كان يصطنع الطيبة . . . و استمر نفس برنامج التجنيد عن طريق مقدم يتبع للاستخبارات بالجيش الشعبي بجوبا . . . سألني تعبان ( ان عدت الى الشمال هل ستواصل العمل بالجيش؟ ) قلت نعم . . اندهش من الاجابة . . . كنا نعمل بأعمال البناء و انزال الغنائم من مهمات عسكرية و ذخائر و غيرها بالمخازن . . . وكان عدد الغنائم مهولا !! من سيارات . . . كبيرة و صغيرة . . . مهمات عسكرية و تعيينات و غيرها . . . حضر الينا ضابط مخمور كان يتحدث بأنهم أخذوا كل الأدوية الموجودة بالمستشفى و خزنوها ببيوتهم !!! استفسرته عن كيف سيستفيد من هذه الادوية و عما اذا كان يعرف طبيعتها . . . فأجابني نحن أخدناها و خلاص !!
تم استجوابي عن طريق لواء بالجيش الشعبي بربكونا .. سألني عن اسمي و رتبتي و وحدتي العسكرية سال عن اسم قائد القوة بهجليج . . عدد القوات . . . نوع التسليح . . . مكان الارتكاز بعد الانسحاب . . . اجاباتي كنت ألوكها بعقلي جيدا قبل اعطائها مغلفة لهم بالزيف و شعاري هو الحرب خدعة !! استمر الوضع كما هو حتى الخامس عشر من أبريل . . . حيث تم إخراج الأسرى من الكونتينر . . قيل ارتدوا زيكم العسكري لمن كان يرتدي غيره . . تحركنا الى المطار و في الطريق كنت ارى تعزيزات كبيرة من القوات تتجه نحو ربكونا . . .
** مشهد : في مطار سارجاس بربكونا و أنا مشدود الوثاق بحبل متين قام بربطه أحد الأفراد بكل ما أوتي من قوة وضع أحد أفراد الشرطة العسكرية يده على بطني و ضغط عليها بعنف وقال نحن الليلة حنعمل شية من بطنك دا . . ضحك الجميع ساخرين .,.. كل من نظرت إلى عينيه من الجنود كنت أرى كرها مبالغا فيه و حقدا يلوث المكان !! و رغبة قوية بقتلنا !! ركبنا الطائرة . . تحت حراسة ونحن مشدودي الوثاق . . نزلت بنا في مطار جوبا . .
صعد أحد الجنود و فك وثاقنا و وضعه بجيبه حتى نظهر بمظهر انساني امام الاعلام ..
و هناك أحاطتنا الكاميرات من كل جانب . . أردت إرسال رسالة لأخوتي بالقوات المسلحة . . فحواها. . نحن هنا في قلب العدو و لا نبالي . . كنت أشعر بطمأنينة عجيبة من الله وأنا أنزل سلم الطائرة و أتحدث لمراسلي وسائل الاعلام . . و تكاد العدسات تلتهمنا . . قلت بأني أكره شيطان السياسة الذي فصل البلدين و أوقع الفتنة بين الشعبين . . هذه حقيقة . . أنا أكره شيطان السياسة . . شيطان التفاصيل الذي كان يسكن جنبات نيفاشا !
تحدثت عن العلاقات الأزلية بين الشمال والجنوب و الأمل في السلام والأمل في نجاح الإتحاد الأفريقي في وساطته . . . اعتبر البعض حديثي انبطاحا لكننا لا نصحو صباحا" خرمانين للحرب . . لا أحد يحب الخراب و الحرب مع الجنوب هي حرب مع حكومتهم ممثلة في الحركة الشعبية وليست مع شعب الجنوب المغلوب على أمره . . هي حرب فرضها تعديهم السافر و انتهاكهم أرضا عزيزة من بلادنا . . .
المطار كان صغيرا و متواضعا ينم عن بلد يكابد شظف العيش . . . لا يرقى حتى أن يكون مطارا باحدى ولايات السودان الشمالي !! تحركت بنا سيارة تحت حراسة مشددة الى مبنى هيئة الامن و الاستخبارات . . . ما يعرف بالبيت الابيض . . .
من مشاهد شوارع جوبا لافتات المحال التجارية كانت كلها باللغة الانجليزية . . . السيارات بالشوارع كلها او معظمها من النوع الفاره . . . أعلام اسرائيل و الولايات المتحدة وعلامات المنظمات تميز معظم السيارات . . بؤس ظاهر و ضياع يسكن ملامح الناس بالشوارع . . .
في المبنى استقبلنا ذاك المقدم الذي ذكرته سابقا بقصة التجنيد . . . و معه ملازم . . و نقيب . . . حذرونا من ان نحاول الهرب والا فالمصير هو الموت . . .
أودعونا بغرفة أكبر من ذلك الكونتينر. . . ذات تهوية جيدة نوعا ما . . . وجبة واحدة باليوم و الحمام مرتين يوميا و الاستحمام كل يومين ...
كان وجودنا بالمعتقل عبارة عن شاشة سينما و مسرحا تجمع فيه كل من اراد تفريغ شحنته من الكراهية لاهل الشمال . . . و خصوصا السكارى منهم . . .
تعجبت واحترت لتلك المفاهيم وذاك الحقد الدفين الغريب الذي يحمله معظم جنود الجيش الشعبي ! يكرهون كل ماهو شمالي . . سمعنا الكثير من السوء في القول. . . عرفت بان اللجنة الدولية للصليب الاحمر ستكون معنا بالمتابعة ... فهؤلاء القوم يخافون من الاعلام و الآلة الغربية جدا و يضعون للجنة الدولية ألف حساب . . .
من شر البلية أن عقيدا بالجيش الشعبي حضر إلينا يوم حضورنا لجوبا ساخرا" ومتهكما" ومحتقرا" وقال إن كنتم مجاهدين و دايرين جنات النعيم نحن ممكن نوصلكم و نساعدكم تمشوا . . والإشارة واضحة ! و عندما حان سفرنا وبالحضور الإعلامي المكثف إنقلب العقيد و أصبح كلامه عن الحب والحنان مع مواطني الشمال ... و الكرم الباذخ وحب الاستعراض أمام الكاميرات بالدولار . . .
لا أنكر ولكي أكون منصفا" هناك الطيبون الذين يحملون بذور خير في نفوسهم . . لكن هؤلاء قطرة في طوفان هادر ... قلة منهم كانوا كل يوم ياتون مصبحين يخاطبونني قائلين ( زول كبير أصبحت كيف ؟ جسم كيف ؟ ) . . . في تلك الفترة كانت الروح المعنوية لجنودهم مرتفعة باحتلالهم لهجليج . . .
كانت أحاديث الجنود بها الكثير من المفاهيم المغلوطة كأنهم قد تم تلقينهم تلك الافكار . . .
اعلامهم الداخلي موجه و مركز لزرع الكثير من الافكار السالبة عن الشمال . . .
ايضا هناك في احاديث في صحفهم عن نيتهم الغاء كل ما هو عربي بدولتهم حتى اسماء الشوارع .. . اللغة الانجليزية كانت اللغة الاساسية للمكاتبات و التعامل بينهم ...
الوضع الاقتصادي بالجنوب وبشهادتهم ضاغط و الفقر يلتهم الجميع . . .
الكثيرون من أبناء الجنوب مغلوبون على أمرهم . . . خدرهم الساسة و منوهم بالأماني الكاذبة و الوعود الجوفاء . . . و لقنوهم تلك المفاهيم و حينما استيقظوا على واقعهم المرير كان الاوان قد فات ... قبيلة الدينكا هي المسيطرة على كل المقاليد مع تهميش واضح و احتقار لباقي قبائلهم خصوصا النوير ... يرسل الدينكا ابناء النوير للمعارك و الحروب . . . مضحين بهم ليهنأوا بالحكم . . . تلك بعض زفرات حرى استقيناها من هناك . . . أحاديث عن الفساد و الفشل الاداري و التخبط و التدني الاقتصادي تملأ صحفهم .. .
لا يزالون بعيدين عن احساس المدنية و بأن لهم دولة ذات سيادة تحتاج لبنى تحتية ضخمة ولا يزالون يخوضون حروبا غبية . .
العلاقة بين جنود الجيش الشعبي و حركة العدل و المساواة كان يشوبها احيانا بعض التوتر . . .
كما أن الجيش الشعبي لا يزال يفتقر الى الضبط و الربط العسكري و لا تزال العقلية الهمجية سمة غالبة على الجنود ....
جنود العدل و المساواة كانوا مرتزقة . . . يهجمون . . . يحملون الغنائم . . . وينسحبون تاركين الارض و ما تبقى للجيش الشعبي. . . . .
من أحاديث الجنود سمعنا بأن هناك أخوة لنا تم أسرهم في مكان ما و سيتم نقلهم لمكان اخر لا نعلمه . . . و في اليوم التالي أخبرنا احد الجنود بانه قد تم احتجاز عقيد بالجيش الشعبي على خلفية تصفيته لاثنين من الاسرى بسلاحه الشخصي !! . . . لم يتسن لنا التاكد من تلك المعلومات !! ...
اكثر شخصيتين مكروهتين بالجنوب هما . . . الرئيس البشير و الأستاذ الطيب مصطفى . . .
من استراق السمع لاذاعة البي بي سي فهمت ان كل الدول بما فيها الغربية تقف ضدهم في هجومهم الغبي على هجليج . . . و عرفت برفض سلفاكير الانسحاب . . و سمعت بزيارة وزير الخارجية المصري للجنوب وطلبه من سلفاكير الانسحاب و توسطه لاطلاق سراحنا . . . كان الحل الوحيد امام سلفاكير ان يخدر الاعلام و يذر بعض رماده في عيون الغرب باطلاق سراحنا . . . حضر مناديب اللجنة الدولية الينا . . . تحققوا منا جيدا ان كنا تعرضنا لتعذيب او اساءة او ضرب . . . احضروا لنا ملابس و ناموسيات و مفارش و متعلقات شخصية أخرى . . . و غيرها . . . . كانوا شديدي الاهتمام بنا و بوضعنا ... بعد حضور مناديب اللجنة بدأ التذمر واضحا على بعض الجنود من حسن معاملة اللجنة لنا . . .
استفسر مناديب اللجنة عما اذا كنا نريد العودة ام البقاء هنا ؟ كان من رأي ذاك المقدم بالاستخبارات بان أبقى أنا بجوبا و أن التحق بالجيش الشعبي مع ضمانات جيدة و وضع جيد . . . برتبة أعلى من رتبتي ... و أخذ يحدثني عن علاقته الطيبة مع بعض الضباط الشماليين ... و كل البلاغات التي كنت اقدمها بخصوص المرضى من الاسرى كانت تقابل بالتجاهل و بان على ان اخطر اللجنة باعتبارها مسئولة عنا !! يقولون لي ( في زول داير يموت ؟ ؟ ؟ لو مافي زول داير يموت يبقى مافي مشكلة )
طيلة فترة تواجدي في جوبا. . . لم يتشجع أحدهم ممن زاملنا بجامعة جوبا بالزيارة . . . لا أدري أخوفا" على مشاعر وأحاسيس الحركة أم خوفا" من إنقطاع الرزق؟! و وجدت بعضهم للغرابة ينشرون أكاذيب عبر الأثير و على شبكات الانترنت بانهم كانوا دوما معي على اتصال !!
حينما تم تحرير هجليج خرج عليهم سلفاكير في اعلامهم قائلا بأنهم انسحبوا من هجليج تنفيذا لرغبة المجتمع الدولي و هو الذي كان يرفض رفضا قاطعا الانسحاب قبل اقل من اسبوع !!! و انعكس ذلك سلبا على روحهم المعنوية و معاملتهم لنا . . . .
في يوم الثلاثاء الموافق الرابع و العشرين من ابريل حضر ممثلو اللجنة الدولية واخطرونا بأنه ستتم اعادتنا الى أرض الوطن في الغد . . . الخامس و العشرين . . . بوساطة الحكومة المصرية ... في صبيحة الاربعاء الخامس و العشرون من ابريل . . . تم ترتيب و تحضير أوراق السفر و جوازات المرور عبر المطارات . . . في الظهيرة حضر السفير المصري و ممثل أركان الجيش الشعبي لتوقيع أوراق تسليم الأسرى ... عقد مؤتمر صحفي بالمبنى تشدقت فيه الحركة الشعبية باحترامها لحقوق الانسان و رعاية الاسرى !!! تم نقلنا لمقر اللجنة الدولية يرافقنا السفير. . . حتى هبوط الطائرة المصرية . . . ثم تحركنا الى المطار . . . في حوالي الساعة الرابعة عصرا اقلعت بنا الطائرة الى القاهرة .. و هنا مر شريط الأحداث بخيالنا كالأحلام . . ! وكلما ارتفعت الطائرة أكثر و صارت الأرض أصغر سافر الخيال لمدى أبعد !
هبطنا الساعة السابعة مساء .. كان الاستقبال جيدا من قبل اسرة الخارجية المصرية ... نائب وزير الخارجية المصري . . . سفيرنا بالقاهرة . . . لواء من المجلس العسكري . . . لواء من المخابرات العامة . . . الملحق العسكري . . . مقدم بالاستخبارات العسكرية . . . و أسرة المطار . . . لم يقصروا في حقوق الضيافة . . . حتى انهم اتوا بطبيب و ممرضة لعمل غيار لجرح لأحد اخوتنا الاسرى ... لم يتم تنظيف جرحه لمدة اربع ايام متواصلة ... مكثنا بصالة كبار الشخصيات حوالى خمسة ساعات حتى وصول الطائرة المتجهة للخرطوم . . . و اقلعت بنا حوالي الساعة الثانية عشرة منتصف الليل و هبطت بارض الوطن حوالي الثالثة صباحا بحمد الله . . .
طالب البعض من ابناء بلادنا وللغرابة باسداء جزيل الشكر و الثناء للحركة الشعبية على اطلاقها سراحنا !!! إختطفنا مرتزقة العدل والمساواة والجيش الشعبي من داخل أرضنا لنذوق أصناف الهوان . . و حين عدنا على قيد الحياة ندين لهم بالثناء ؟! أي فهم هذا ؟! يستحق بعضهم نجمة لينين على صدره . . . أو دبورة دبورتين من الجيش الشعبي . . . توجد مخلوقات تعيش بيننا لا ندري أيكرهون التنظيم الحاكم أم السودان نفسه؟؟ ... عداء و غبن و كراهية أعمت القلوب و الأبصار عن النظر لمصلحة البلاد . . . أصبح البعض يؤيد من يغزو البلاد و يستبيح العباد بدعوى أنهم يكرهون المؤتمر الوطني !!! . . . هنالك فرق بين كراهية المؤتمر الوطني و كراهية السودان !! . . . فاليرتمي من شاء منهم في أحضان الغرب أو حضن الحركة الشعبية . . . و ليتخذوهم أولياء ... لن يغنوا عنهم من الله شيئا . . عقوقهم للوطن لن ينتقص من الوطن شيئا ...
نحن نشكر الله . . نشكر قيادتنا .. . نشكر أهلنا وإخوتنا وأخواتنا أبناء الوطن على وقفتهم المشرفة ودعائهم الصالح . . دبلوماسية مصر و اللجنة الدولية لمجهوداتهم . . .
طيلة الفترة الماضية حاولت أن أنأى بنفسي ان أخوض في وحل السياسة و ألا أدخل في مهاترات مع الذين يحملون مرارات شخصية و كراهية للتنظيم الحاكم من بني اليسار . . . راعيت الجوانب الانسانية للمسألة . .. و أبتعدت عن التصعيد الاعلامي ... خوفا من أن يتأثر اخوتنا ممن هم بالأسر بالجنوب ...
أما فيما يختص بأسراهم لدينا ... فنحن و الحمدلله ربانا الإسلام على نظم وقوانين تحمي الأسير، وقد شرع الله الأَسْرَ فقال في كتابه: "حَتَّى إِذَا أَثْخَنْتُمُوهُمْ فَشُدُّوا الْوَثَاقَ فَإِمَّا مَنًّا بَعْدُ وَإِمَّا فِدَاءً حَتَّى تَضَعَ الْحَرْبُ أَوْزَارَهَا" وأمر النبي أصحابه بحُسن معاملتهم فقال: "اسْتَوْصُوا بِالأَسْرَى خَيْرًا" فقد رأى أسرى يهود بني قُرَيْظة موقوفين في العراء في ظهيرة يوم قائظ، فقال مخاطِبًا المسلمين المكلَّفين بحراستهم: "لاَ تَجْمَعُوا عَلَيْهِمْ حَرَّ الشَّمْسِ وَحَرَّ السّلاَحِ، وَقَيِّلُوهُمْ وَاسْقُوهُمْ حَتَّى يَبْرُدُوا". كما نهى عن تعذيبهم وامتهانهم، "، وحرص الإسلام على الإحسان إليهم، فقال تعالى: "وَيُطْعِمُونَ الطَّعَامَ عَلَى حُبِّهِ مِسْكِينًا وَيَتِيمًا وَأَسِيرًا". ولهم كذلك حق في الكساء والحرية الدينية. أما مصـير الأســرى فهو المنّ، أو الفداء، وقد ثبت أنَّ النبي منَّ على بعض الأسرى بإطلاقهم وفادى بعض أسرى بدر بالأموال وغيرها. أو الاسترقاق ولا يكون ذلك إلا بأمر ولي الأمر. أما الأسير المسلم: فقد اتَّفق الفقهاء على حرمة قَتْلِ مُدْبِرِهم وجريحهم، وأنه لا يغنم لهم مال، ولا تُسْبَى لهم ذرِّيَّة ومَنْ قُتِلَ منهم غُسِّل وكُفِّن وصُلِّيَ عليه. لماذا لا تنتقم من أعدائك؟! فقد قال صلاح الدين الأيوبي عن ذلك: إن ديننا يأمرنا بالعفو والإحسان، وأن نقابل السيئة بالحسنة، وأن نكون أوفياء بعهودنا، وأن نصفح عند المقدرة عمَّن أذنب.
في ظلام سجونهم تناول كل منا أربع حبات مهدئة .. أولاها إيماننا بالله . . ثانيها أننا سودانيون .. ثالثها. . أننا من رحم القوات المسلحة .. رابعها أن أمهاتنا أرضعننا حليب العزة وأطعمنا آباؤنا الرجولة . .
كنت قد أخليت آخر جريح والحمدلله قبل أسري فلماذا أجزع أو أفزع ؟. .
ما الموت ؟! إنتقال من ضيق الفانية إلى رحابة دائمة . . و ربما نموت في الفراش . .
لكنني كنت سأموت في اليوم ألف مرة لو أنني هربت تاركا" خلفي جريحا" أو مريضا" . . إخوتي و أنا أردناها ميتة خاصة من أجل أسمى غاية . . وهل من بعد الموت دفاعا" عن أرض أستباحها الغاصبون من شرف؟!
لست و أخوتي بنادمين على ضريبة أديناها و ثمن دفعناه من اجسادنا فداء لوطننا الذي نهوى و وضعناه بحدقات العيون . . . و لو تم تكليفنا من قيادتنا الكريمة بأي تكليف لما تخاذل منا رجل واحد . . . ولو عاد الغزاة لهجليج لعدنا . . . ان كنا قد وفقنا بما اوكل الينا فذاك بفضل الله و ما تعلمناه من قيادتنا الرشيدة و مدرستنا العسكرية الراسخة ... نسال الله الرحمة و المغفرة و القبول الحسن لشهدائنا الابرار الكرام فينا و الشفاء العاجل لجرحانا و ان يرد المفقودين و الاسرى سالمين لاهلهم و وطنهم . . . و ان يعم السلام و الامن والرخاء كل انحاء و حدود سوداننا الحبيب...... ( ربنا لا تؤاخذنا ان نسينا أو اخطأنا ربنا و لا تحمل علينا اصرا كما حملته على الذين من قبلنا ربنا و لا تحملنا ما لا طاقة لنا به و اعفو عنا و اغفر لنا و ارحمنا انت مولانا فانصرنا على القوم الكافرين ) ... اللهم صلي و سلم على نور الانوار أمير المجاهدين و قائد النصر المبين سيدنا محمد و على اله و صحبه أجمعين . ملازم أول طبيب خالد حسن أحمد ( مايو 2012 )
مرحب بيكـ في البورد يا ملازم أول طبيب ودي فرصة سعيدة جداً انكـ تكون معانا هنا حمد لله على سلامتكـ وعودتكـ لاسرتكـ (تعاطف بدواعي انسانية فقط) وبعد،،،،،،،،،،، والله يستر من بعد دي .. ..
أنا ما عارف أنت كنته متوقع يدوك شربات ليمون ولا شنو لما مسكوكـ؟ هناكـ سببين يجعلهم يقبضوا عليكـ : 1. أنت ملازم ولابس كاكي يعني ببساطة عدو 2. أنت ومن خلال ســردكـ دا تتبع للنظام بطريقة أو أخرى اتصالات بالشهيد منو ما عارف واخبار الجبهة ... الخ الخ وأصلا الجماعة ديل مستهدفين ناس الحكومة وهيئتكـ ولبسك وكل حاجة تدل على أنك أحد اتباعهم يبقى موضوع التعبير والانشاء الفوق ماف ليهو داعي أصلا ولولا تعاملهم الطيب لما كنت اليوم هنا تكتب بيننا
.. .. غايتو شهادتكـ دي الفايدة الوحيدة منها أثبت لينا وبدليل لا يرقى اليه الشكـ انو الجيش فعلا عرد مذعوراً لا يلوي على شــئ ......... والله صحي :) وكشفت أنواع الرمادية الموجودة في هذا البورد .. .. القصة فيها الكثير والمثير وسأعود لها بالتفصيل نقطة نقطة سطر سطر حرف حرف الاقتباس دا للذكرى والتاريخ والتوثيق في آن واحد
كن بخير الى ذلكـ الحين
Post: #87 Title: Re: قصة اختطافنا من مستشفى هجليج Author: خالد حسن أحمد Date: 05-15-2012, 06:35 PM Parent: #62
بسم الله ابتديت وصلاتي دايما وافية علي سيدي الرسول يارب تكون الكافية بي عدد الرمال وعدد الخلوق متحافية أندى تحية و أرق سلام أحبتي . . .
شكرا أولا لاعطاء الفرصة من قبل ادارة المنبر لابداء لا اقول رأيا لان ماخطه يراعي هنا لم يكن نابعا عن فكرة مسبقة و لا رأي سابق . . . انما كان سردا لوقائع حدثت هناك . . . شكرا للأحبة على مرورهم . . . لمن حمد الله على سلامتنا اقول لا اراكم الله بأسا يشقيكم . . . ظهور شخصي الضعيف مرتديا زي العسكرية التي اعشق مدرستها المحايدة حد الوله أقول انما أتيت بصفة ملازم اول طبيب كان يؤدي واجبا معينا في بقعة طيبة من أرض وطنه . . . الزي كان عنوانا لذاك الواجب . . . كان سببا للاختطاف و هنا الان يحكي لكم ( الزي أعني ) ما حدث لمرتديه . . . كنت سأحكي تلك التجربة مرتديا ( زيا مدنيا ) لو ان الحال غير الحال . . . لا اخوض في سياسة و لا أتحدث باسم تنظيم . . . فالتنظيمات لها ألسنتها التي بها تعبر وعبرها تحاور . . . انا هنا ملازم اول طبيب تم ( لا اقول أسره بل تم اختطافه ) وأخوة له كرام و هو يؤدي واجبا . . . القوات المسلحة علمتنا أن منتسبها له ولاء واحد * الوطن * وحينما يتحدث ذاك المنتسب يتحدث باسم الوطن ولأجل مصلحته فقط لا غير . . . لو كان فيما ذكرت من سرد ما يدل على ولائي لجهة غير الوطن فمكاني ليس هنا بل ان مكاني هي الدروة . . . و خسارة فيني حتى ثمن الرصاصة . . . خيروني بين موت صامت ومهرج يمشي على الأشلاء! وطني الذي ماان رأيت غلالة الحزن التي رسمت على الهدب، الذي رسم الأله، ركع الفؤاد مهابة صعدت بصائر همتي نحو السماء!
أنا لن أبيع أمومة الأرض الرحيبة أنا لن أغير جلد أيامي الحبيبة! سأظل مثل الشمس مثل الليل والنجم الطريبة! ستظل أسحاري وأشعاري وصدق نبوءتي، سيفا على الأعداء والسفن السليبة! لن أبيع أمومة الأرض الرحيبة!
التوقيع ملازم أول طبيب خالد حسن
Post: #85 Title: Re: قصة اختطافنا من مستشفى هجليج Author: خالد حسن أحمد Date: 05-15-2012, 06:22 PM Parent: #1
بسم الله ابتديت وصلاتي دايما وافية علي سيدي الرسول يارب تكون الكافية بي عدد الرمال وعدد الخلوق متحافية أندى تحية و أرق سلام أحبتي . . .
شكرا أولا لاعطاء الفرصة من قبل ادارة المنبر لابداء لا اقول رأيا لان ماخطه يراعي هنا لم يكن نابعا عن فكرة مسبقة و لا رأي سابق . . . انما كان سردا لوقائع حدثت هناك . . . شكرا للأحبة على مرورهم . . . لمن حمد الله على سلامتنا اقول لا اراكم الله بأسا يشقيكم . . . ظهور شخصي الضعيف مرتديا زي العسكرية التي اعشق مدرستها ( المحايدة ) حد الوله أقول انما أتيت بصفة ملازم اول طبيب كان يؤدي واجبا معينا في بقعة طيبة من أرض وطنه . . . الزي كان عنوانا لذاك الواجب . . . كان سببا للاختطاف و هنا الان يحكي لكم ( الزي أعني ) ما حدث لمرتديه . . . كنت سأحكي تلك التجربة مرتديا ( زيا مدنيا ) لو ان الحال غير الحال . . . لا اخوض في سياسة و لا أتحدث باسم تنظيم . . . فالتنظيمات لها ألسنتها التي بها تعبر وعبرها تحاور . . . انا هنا ملازم اول طبيب تم ( لا اقول أسره بل تم اختطافه ) وأخوة له كرام و هو يؤدي واجبا . . . القوات المسلحة علمتنا أن منتسبها له ولاء واحد * الوطن * وحينما يتحدث ذاك المنتسب يتحدث باسم الوطن ولأجل مصلحته فقط لا غير . . . لو كان فيما ذكرت من سرد ما يدل على ولائي لجهة غير الوطن فمكاني ليس هنا بل ان مكاني هو ( الدروة ) . . . و خسارة فيني حتى ثمن الرصاصة !! . . . خيروني بين موت صامت ومهرج يمشي على الأشلاء! وطني الذي ماان رأيت غلالة الحزن التي رسمت على الهدب، الذي رسم الأله، ركع الفؤاد مهابة صعدت بصائر همتي نحو السماء!
أنا لن أبيع أمومة الأرض الرحيبة أنا لن أغير جلد أيامي الحبيبة! سأظل مثل الشمس مثل الليل والنجم الطريبة! ستظل أسحاري وأشعاري وصدق نبوءتي، سيفا على الأعداء والسفن السليبة! لن أبيع أمومة الأرض الرحيبة!
والسلام هو أجمل ختام التوقيع ملازم أول طبيب خالد حسن
Post: #86 Title: Re: قصة اختطافنا من مستشفى هجليج Author: عبدالمجيد الكونت Date: 05-15-2012, 06:27 PM Parent: #85
التوجيه المعنوي ... كله جاء منبر بكري ... والله ده خريف ابو السعن زااااااتو
Post: #88 Title: Re: قصة اختطافنا من مستشفى هجليج Author: عبدالمجيد الكونت Date: 05-15-2012, 06:43 PM Parent: #86
مرحب تاني يادكتور وحمدلله على السلامة مرة تانية
فالنفترض فيك الحيادية كما قلت ولن نحاورك ولكن طال ما اتيت بهذا السرد عن ما حدث لك فان هناك كثير من التساؤلات يجب ان ترد عليها لتوضيح بعض الغموض فيها
ورد في حديثك التالي
Quote: بدأت الملامح العامة برأيي لسقوط هجليج تتشكل في خيالي منذ مساء الاثنين التاسع من ابريل ......
كان صباح يوم الثلاثاء العاشر من ابريل صباحا عاديا .. . . استيقظت باكرا . . . و كما العادة ذهبت الى الحوادث للاطمئنان على سير العمل و لمعاينة المرضى من العسكريين . . . و استمر ذلك الوضع حتى الساعة العاشرة صباحا مواعيد الافطار
1/ كيف تشكلت في خيالك هذه الملامح التي تؤشر لسقوط هجليج ...حلمت يعني .. ممكن توضيح زيادة اذا سمحت .... او ان تعبير خيالك هذا غير مناسب وان هذه الملامح كانت موجودة كاحداث في الواقع المشاهد امامك 2/ انت كملازم أول وعسكري عليك مسئوليات ومهام منها بالتأكيد اخطار الجهات المعنية باي تحركات مريبة من شأنها ان تمس الوطن وليس هناك اكبر من تحركات تستهدف مدينة تمد البلاد بنص انتاجها من البترول ..... هل يمكنك ان ان توضح لنا ماذا فعلت ..هل اتصلت بجهات اعلى منك واخبرتها بما تتخيله او تشاهده من تحركات ... وماذا كان رد الفعل من هذه الجهات ان كانت اجابتك نعم ... وان كانت اجابتك بلا ... الا تعتبر ان هذا تقصيرا في واجبك الوطني ... 3/ كيف تستطيع ان تفسر لي او للقارئ الكريم ... هذا التناقض الموجود في عدد من الافادات داخل سردك ... * تارة تحس بتحركات من شأنها ان تسقط المدينة ...وتارة تقول انه صباحا عاديا * تكتب انه تم وثقاكم بحبال متينة استخدم فيها جندي الحركة الشعبية كل قوته .... وتارة تقول انه فك هذا القيد وادخله في جيبه عند وصولكم لجوبا .... ...ممكن ترسم لينا شكل الجيب الشال الحبال دي .... خاصة ان هناك اسرى اخرين معك ولابد انهم ايضا كانوا موثقين بنفس الحبل المتين
__________________ المايك مع اي زول تاني
Post: #89 Title: Re: قصة اختطافنا من مستشفى هجليج Author: عوض محمد احمد Date: 05-15-2012, 07:18 PM Parent: #88
الاخ الملازم خالد سلام
انا ما عارف انت ليه معلق فى اختطاف دا انت تنتمى لقوات معادية جيش رسمى عديل تحارب جيش دولة اجنبية و لابس زى عسكرى بدبابيرو فانت اذن اسير حرب دى ما فيها غلاط الا اذا انت ما بتعرف قوانين الحروب و بعدين منو قال ليك انو منسوبى الاسلحة الطبية فى الجيوش معفيين من الاسر
فقط اود السؤال: لماذا لم تؤمن لكم القوات المسلحة خروجا امنا؟
Post: #90 Title: Re: قصة اختطافنا من مستشفى هجليج Author: Yassir Tayfour Date: 05-15-2012, 07:39 PM Parent: #89
يا عوّض بعض العسكريين يتحاشون كلمة أسر، ويعتبرونها مسبة للعسكري.. __ ما تحكها شديد، كلمة إختطاف أحلى ؛)
Post: #92 Title: Re: قصة اختطافنا من مستشفى هجليج Author: Zakaria Joseph Date: 05-15-2012, 08:04 PM Parent: #90
ياسر و الكونت و عوض, ضحكتونى لمن عيونى دمعت. و بالمناسبة, تصريحات الملام فى جوبا عجبتنى جدا و اعتبرتها شجاعة,و قلت لنفسى ربما نسبة للكاميرات الكانت موجودة. و الملازم يتكلم عن صغر مطار جوبا و البنية التحتية و خريج جامعة جنوبية و ما يعرف شئ عن الجنوب? غايتو, انجليزو احسن من مصطفى عثمان اسماعيل و من كرتى و من ربيع عبدالعاطى و لو لم يصدر منو تصريح "وجبة واحدة داك" و الكلام الكثير الما منسق دى, لاعتبرت دى مستقبل للدبلوماسية السودانية,لانه قال ابلغ كلام دبلوماسى صدر من اى من له علاقةبالنظام حتى الان.
Post: #91 Title: Re: قصة اختطافنا من مستشفى هجليج Author: Yassir Tayfour Date: 05-15-2012, 07:46 PM Parent: #89
يا عوّض بعض العسكريين يتحاشون كلمة أسر، ويعتبرونها مسبة للعسكري.. __ ما تحكها شديد، كلمة إختطاف أحلى ؛)
Post: #93 Title: Re: قصة اختطافنا من مستشفى هجليج Author: عبدالله شمس الدين مصطفى Date: 05-15-2012, 08:10 PM Parent: #91
عزيزى الملازم أول طبيب خالد, وعذراً إذ أخطأت فى رتبتك فى مداخلتى الأولى.
Quote: القوات المسلحة علمتنا أن منتسبها له ولاء واحد * الوطن * وحينما يتحدث ذاك المنتسب يتحدث باسم الوطن ولأجل مصلحته فقط لا غير . . .
ليس تقليلاً, ولا تبخيساً للحس الوطنى عندك, لكن لو تدرى أن القوات المسلحة السودانية التى كنا نعرفها, وعرفها الوطن قد ذهبت مع البيان الأول لهذه الحكومة, وما أدلّ على ذلك إلا تلك (الكشوف) المدبجة بإسماء الشرفاء منسوبى هذه المؤسسة, والذين كانت جريرتهم الوحيدة للتجريد والطرد من الخدمة هو إحترامهم لمهنيتهم, ولولائهم للوطن, لا للجبهة القومية الإسلامية مدبرة الإنقلاب. وتعلم جيداً مثلنا, أن من طاله مجرد التجريد الغاشم والظالم يعدّ محظوظاً مقارنةً بزملائه, من إغتيل غدراً, ومن أعتقل وسيئ به كحال زميلك هنا فى هذا المكان العميد ود الريح.... إن كنت تعلم هذا سيدى خالد, فلا حق لك أن تأتى لتخبرنا عن حيدة القوات المسلحة, وإن كنت لا تعلمه, فحقّ لك أن تعلمه, برغم أنه من الغريب ألآ تعلم مصير من سبقوك فى هذه المؤسسة التى باتت حكراً, وتبعاً لهم, ولا يلج أبوابها إلآ من ختم على قلبه بختم الولاء والطاعة للجماعة, والجماعة فقط. وعن دعاوى حيادية و وطنية القوات المسلحة, أنصحك بقراءة البرنامج الإقتصادى الثلاثى, والذى جاء فيه نص حول (تسريح) القوات المسلحة, وإستيعاب منسوبيها فى مهن عادية, أو فدونك سيرة ومسيرة الدفاع الشعبى الذى أريد له أن يكون بديلاً لهذه المؤسسة الوطنية العتيقة, ولتسأل زملاءك عن العمليات العسكرية أوان الحرب, وقبل توقيع إتفاق نيفاشا, اسألهم عن مكانة منسوبى الدفاع الشعبى هناك, مقارنةً بجنود القوات المسلحة, وستعلم حتماً من الذى خان المؤسسة العسكرية, ومن الذى ذهب بحيادها ومهنيتها. وأعود وأقول لك سيدى, أظن أن بقاءك هنا غير لائق مهنياً بسمعة المؤسسة التى تنتمى إليها, لأن أى حديث يوجه لك هنا, إنما هو يوجه لإعتبارية هذه المؤسسة, لا مجرد (زميل) فى منتدى إسفيرى. وأى شئ يخرج عنك هنا, إنما وكأنه يخرج عن تلك المؤسسة. كن بخير يا رجل, وشكراً
Post: #94 Title: Re: قصة اختطافنا من مستشفى هجليج Author: عبدالكريم الامين احمد Date: 05-15-2012, 08:16 PM Parent: #91
Quote: الزي كان عنوانا لذاك الواجب
هلا يا جيش 1-ويا خالد ياخ انت بتقول ما بتتكلم في السياسة ومقالك كلو سياسة في سياسة وحتي فيهو تصنيف للشعب الفضل كتنظيم حاكم وبني يسار ومرتمين في احضان الحركة الشعبية ومرتمين في احضان الغرب ولو راجعت المصطلحات دي كلها بتلقاها كلها سياسة في سياسة وخطاب بتاع موتمر وطني ولو فتحت اقرب تلفزيون بتلقي (نافع بقول فيهو) 2-الزي ماكان عنوان لذلك الواجب وفقط..بل الزي ده عنوان للعسكرية السودانية اينما تم ارتدائه في السوق وفي الشارع وفي الاستبالية وفي المنبر ده و متي واين ما تواجد هذا الزي فهو (جيش) وزمريته ودلالته لن تمحوها الكلمات هنا او هناك 3- وكاسير حرب ومفرج عنه لا زلت اتوق ان اسمع افادتك في تصريحات (والي ولاية جنوب كردفان) احمد هارون عن ضرورة قتل الاسري حتي لايشكلون (عب ءاداري)
وسنتابع
Post: #99 Title: Re: قصة اختطافنا من مستشفى هجليج Author: nabielo Date: 05-15-2012, 08:58 PM Parent: #94
Quote: الغريبة نفس الملف دا جابو مكي .. مكي الناشط الدارفوري .. وكاتب عليهو كلام عجيب ما معناهو انو الجيش السوداني اعتقل الاطفال في قرية دارفورية اسمها شنو كدا ما عارف .. وقام بتعذيبهم بالطريقه دي .. انت حضرتك يا بتاع الفلنه الصفراء .. مالك ما جيت جبت ليهو الملف دا وقلت ليهو دا بتاع اسرى امدرمان
(تمبس) الفيديو دا فتحت بيهو بوست في حينو ما مزكر صادفني بوست بالفيديو دا للاخ مكي و اكيد انت بتكون قمت بالواجب و نطيط ليهو في رقبتو انت مفتكر انو كل الناس زيك مصنقرة قدام المنبر 24 ساعة في اليوم ؟
و قصة الفنلة الصفرا دي ما فهمتها اكيد حتكون عقاب شكلة مع واحد تاني ولامن لقيت زولك مزنوق قلت تفك اي حاجة المهم توري الجماعة انك ما قاعد تقصر
Post: #137 Title: Re: قصة اختطافنا من مستشفى هجليج Author: tmbis Date: 05-16-2012, 09:02 AM Parent: #99
Quote: (تمبس) الفيديو دا فتحت بيهو بوست في حينو ما مزكر صادفني بوست بالفيديو دا للاخ مكي و اكيد انت بتكون قمت بالواجب و نطيط ليهو في رقبتو انت مفتكر انو كل الناس زيك مصنقرة قدام المنبر 24 ساعة في اليوم ؟
نطيت ليهو في رقبتو الحبه دي .. ؟ ياخ انا عملت ليهو حظر اكتر من تلاتة شهور ما هوب ناحية البورد .. انت عارفني طبعا لما اقوم لي فرش المتاع شغلي بنجضو .. اها الكضابين الزيك ديل .. قاعد استمتع بيهم ، يعني زي ما تقول كدا الواحد بخليهو بي جمبه لحدت ما يخمر .. عشان يسهل تحليلو .. الفنله الصفره كيف ما متذكره ..؟ معقولة .؟ ما كان معاك صاحبك اللاعبين مان تو مان هو يلحن ليك وانت تغني .. اخر حاجة لما غلبك قبلت علي الفنلة المتصور بيها انا في الصورة عدم موضوعية زيك وزي الما عندهم اي موضوع لما يتعصرو شديد يشتتو الكورة .. حسع دخلك شنو انا اقعد هنا مية سنة او اكون ايقونة عديل ..؟ عايز تطول لسانك يعني والسلام .. يللا تعال اوريك كضبك دا حدو ووين .. عشان تتذكر كويس .. و ماذا عن سُقوطك أنت يا مكِّي مكِّي دا البوست .. وبتلقى مداخله ليك .. والاكتشاف بتاع الملف دا .. تم بواسطتي .. ومكي من وقتها قعد يشتم ويطول في لسانو .. اغرب حاجة زول مفبرك ليهو ملف زي دا وما بعيد ماخدين فوقو كم واللا ماكلين من وراهو شنو .. بدل يعتذر يجي يطول في لسانو يللا ادخل البوست داك .. وح تلقى المداخلة حقتك وعامل فيها ظريف كمان ..
Post: #138 Title: Re: قصة اختطافنا من مستشفى هجليج Author: tmbis Date: 05-16-2012, 09:06 AM Parent: #137
وهاك دا البوست الاصلي بتاعي الغريبة نفس البوست الادعيت انك ما متذكرو .. عينك للفبركة وعينك للمطالبة لي مكي بي الاعتذار .. دخلته توووش وعملت فيها بتاع قنوات وبتطالب علاء الدين يوسف بي انو يحفظ ليك حقوقك عشان شال منك فيديو وختاهو في القناة حقتو .. وعينك لي مكي بيسرق ملف قدر الضربة .. وجاي شابكنا قلبي بيوجعني .. والاطفال .. والشيوخ ولب لب لب .. مشكلتكم انكم ما بتختشو ابدا
Post: #95 Title: Re: قصة اختطافنا من مستشفى هجليج Author: الفاتح سليمان Date: 05-15-2012, 08:30 PM Parent: #89
مرحب بيك في سودانيز اونلاين
والتحية للحركة الشعبية التي حفظت لك سلامتك ومن معك من الاسري في تلك الحرب ....
بالرغم من وجود المخمورين والمسطولين وغيرهم ....
Post: #96 Title: Re: قصة اختطافنا من مستشفى هجليج Author: ياسر مكاوي Date: 05-15-2012, 08:52 PM Parent: #95
أووووه سيدنا خالد شخصيا
اها هنا بتعمل لي بلوك برضو ولا بتعمل شنو .
______________
زي ما قلتا ليك في الفيس بوك وانتا مسحتا وعملتا لي بلوك
مقالك يعني انو الجيش نصو اتمسح وانكسح
والنص التاني هرب وخلاكم براكم* -
وكلامك كضابط مازال في الخدمه وشارك في العمليات بدينك ____________
*على الأقل كانوا يخلوا ليكم حق الرقشه ترجعوا بيها - بدل سعادتك واقف في الشارع تتلفت
Post: #98 Title: Re: قصة اختطافنا من مستشفى هجليج Author: ياسر مكاوي Date: 05-15-2012, 08:56 PM Parent: #96
Quote: انتظرت قرب المستشفى علني أجد سيارة تقلنا . . . و قدر الله كان يرسم خطة أخرى . .
Post: #101 Title: Re: قصة اختطافنا من مستشفى هجليج Author: ياسر مكاوي Date: 05-15-2012, 09:03 PM Parent: #98
Quote: وجبة واحدة مقسومة على وجبتين بطعام لا يسمن ولا يغني من جوع و ليس فيه من معدن ولا يعرف الفيتامين ! . . كوجة ( نوع من العصيدة ) و عدس ...
ذكرتني لمن اهل العريس يجو بعد المناسبه - ويقعدوا يشنفوا في العشا
Post: #103 Title: Re: قصة اختطافنا من مستشفى هجليج Author: عبدالمجيد الكونت Date: 05-15-2012, 09:56 PM Parent: #101
--
Post: #97 Title: Re: قصة اختطافنا من مستشفى هجليج Author: محمد إبراهيم علي Date: 05-15-2012, 08:56 PM Parent: #95
قصر نظر دياشي سوداني بامتياز الحرب لا زالت مستمرة وربما يدفع بعض زملاء هذا الدياشي ثمن هذه الكلمات فبدلا من ان تتحمل حكومة الجنوب عبء اداري باحترامها لقوانين الحرب الدولية ستتخلص من هذا العبء الاداري في الميدان فبدلا من ترسلهم لاهلهم سالمين ترسلهم في صناديق خشبية او على شكل برقيات مستعجلة ولماذا ترسلهم سالمين وهم سياتون الى سودانيزاونلاين ويقولو الناس ديل ما احترمونا وادونا الشاي مسيخ الحكمة والحصافة تقتضي عدم الافصاح عن هذا الكلام حتى ولو كان حقيقة حفاظا على حياة من يقع في هذا المصير مستقبلا ولكن نقول ايه اقلب الجرة لفمها يطلع الدياشي عبدالرحيم محمد حسين
يا زول حمد لله على سلامتك واعمل حسابك المرة الجاية
Post: #104 Title: Re: قصة اختطافنا من مستشفى هجليج Author: الملك Date: 05-15-2012, 10:09 PM Parent: #97
خالد ... حمد لله على سلامتك ومن معكــ... ً"إنا غايتو ما عندى ليك سؤال..الا بعد ما ترُد ... على الناس ديل !
Post: #108 Title: Re: قصة اختطافنا من مستشفى هجليج Author: رشا احمد Date: 05-15-2012, 10:42 PM Parent: #104
حلوة دي يا ناجي ... هم الناس الهنا دا خلوا ليك سؤال تسألو؟!
غايتو ما عجبني ليك يا بكري ابوبكر ... تسحب مداخلات الحيط المايلة ... (انا و واحد تاني هنا ما متذكرة منو) مع انو أنا مداخلتي كانت لطيفة والله مقارنة بالحاصل.... ..شمتانه شديد ^__^
و لوعارفاها بتتسحب كان نسختها لكن احاول اتذكر ..
بداية قلت حمد لله على سلامة الاخ خالد لي ارض الوطن سالماً معافى .. و الرحمة و المغفرة لكل شهداء الوطن .. (و ما انتبهت لي انوهو خالد نفسو الكاتب الكلام)
تاني كان عندي نقاط بس ختيتا .. اوت لاينز زي ما بقولو .. اذكر منها :
الأسر
جوبا
مطار جوبا
السيد الرئيس
غريبة انو ذاكرتي كويسه من امس لليلة ... على غير العادة يعني
و الله ما كنت ناوية اجي لي اي واحدة من النقاط دي لانو مزاجي حلو ما عايزة اخربو تاني ...
---------------
متابعين
Post: #192 Title: Re: قصة اختطافنا من مستشفى هجليج Author: خالد حسن أحمد Date: 05-19-2012, 07:38 PM Parent: #104
بسم الله الرحمن الرحيم
صلى عليك الله يا علم الهـدى .... ........ .... ما سار ركب أو ترنـم حـادي
أما بعد ... و ...!!
رضا الناس غاية لا تدرك !!
ضحكت فقالوا: ألا تحتشم ؟ بكيت فقالوا: ألا تبتسم ؟ بسمت فقالوا: يرائي بها عبست فقالوا: بدا ما كتم سكت فقالوا: كليل اللسان نطقت فقالوا: كثير الكلام حلمت فقالوا: لو كان مقتدرا لانتقم بسلت فقالوا: لطيش به وما كان مجترئا لو حكم؟ .
يحكى أن جحا ذهب إلى السوق مع ابنه وكان لديه حمارا . ركب الرجل الحمار وترك ابنه يمشي على رجليه. مر الاثنان ببعض الناس كانوا على قارعة الطريق. بدأ هؤلاء الناس يضحكون ، وقالوا معلقين: أنه أمر محزن. جحا يركب الحمار ، ويترك الولد الصغير راجلا! عندما سمع جحا هذا طلب من ابنه أن يركب وقرر هو أن يمشي على رجليه. بعد أن قطع جزء من الطريق، مر جحا وابنه بجماعة أخرى من الناس. قامت هذه الجماعة بالتعليق : إن ما نراه هو الجنون بعينه! يركب الصغير، و جحا الكبير يمشي راجلا! عند سماع ذلك قرر جحا أن يركب هو وابنه على الحمار. استمر جحا وابنه في طريقهما وبعد فترة قصيرة كانت هناك مجموعة أخرى من الناس على جانب الطريق . عندما رأى هؤلاء الناس جحا وابنه يركبان الحمار لم يرق لهم ما شاهدوه . سمع جحا وابنه الناس يقولون : يا للحماقة، يركب جحا وابنه الحمار المسكين ، إن هذا حمل ثقيل على الحمار الضعيف. عند ذلك نزل جحا والولد من على ظهر الحمار . قرر جحا وابنه المشي على الأقدام وتركا الحمار يمشي بدون أن يركبه أحد فمر جحا وابنه بجماعة أخرى فقالوا: يا للعجب يمشيان على أقدامهما ويتركان الحمار الذي خلقه الله للركوب لوحده يمشي!! هنا قرر جحا وابنه أن يحملا الحمار على ظهورهما ويمشيان به في السوق فضحك الناس من جحا وابنه
................................................................................ ليس للبعض حــــديث غير شكوى مســـــــــتمره قد تســـــاوى عندهم لليأس نفـــــــــع ومضره لا تَسل ماذا عراهم كلهـــــم يجهل أمـــــــــرهه
و بكلمة البعض أعني أصحاب الغرض و الفكر المرض !!! . . . الا من رحم ربي . . . بعض الاخوة هنا لهم حديث عذب سلسبيل . . . لست أعني من كتب مادحا . . . حتى بعض المنتقدين حديثهم جدير بالثناء و الاطراء بل و المناقشة ولكن . . . لكن لا أخوض في سياسة لأنني جياشي . . . : ) لم و لن أخوض نقاشا يخص القوات المسلحة مع أحد لأن القوات المسلحة لها ناطق رسمي و توجيه معنوي و صحيفة و موقع على شبكة الانترنت . . .
هنا و هناك كتبت شارحا أحداثا حدثت لملازم أول طبيب تم((( اختطافه))) من عقر داره . . . الدار المقصودة هي مستشفى هجليج التابعة للسودان بشهادة اللجان الدولية (( لمن يمجد شهادات الخواجات !! )) . . . . . .
للمشفقين على قواتنا المسلحة و أنني قد تحدثت بما لا يجب التحدث به و انا فرد نظامي و ارتدي الميري أقول ((((( لم أتحدث عن جهل بقانون القوات المسلحة لسنة 2007 . . . قصصت قصة حدثت . . . أحداث هذه القصة لم تدخل في بند الأسرار العسكرية و لم تكن تمجيدا لتنظيم سياسي و الذي يجب فهمه أن القصة ضد و سأظل أنا خالد الملازم أول و كل الشعب السوداني الذي خرج من ضميرو يوم جمعة . . . سنظل ضد الحركة الشعبية و الجيش الشعبي الذي يعتدي على أرض سودانية و الذي يقتل أبناء هذه القوات المسلحة السودانية ))) . . .
أكرر لن أتحدث باسم تنظيم سياسي و لا علاقة لحديثي بأي جهة سياسية . . .
أكرر لا شكرا و لا عفوا للجيش الشعبي الغازي المغتصب لأرض ليست له ولا لحكومته التي باسمها يحارب . . .
كلنا هنا سودانيون تربينا على حب هذه البلاد . . . كل منا له طريقته في تعبيره عن هذا الحب . . . لن أحتكر لنفسي صفة الوطنية و ارفعها عن غيري مهما كان انتماؤه . . .
أنا مسلم ضابط طبيب سوداني . . . لا أحمل لنفسي انتماء غير هذا . . .
لن أعلق بأكثر من هذا . . . الحمدلله مداد الحروف عندي لا ينضب و بحار الكلمات عندي أمواجها تشق عتاة الصخور و لكن . . . بالدارجي كدة الداير أي حرف زيادة يمشي للناطق الرسمي باسم الجيش . . . و يسأل عن انتماء الجيش السياسي شنو و و و و . . .
جيشنا جيش الهنا . . . الحارس مالنا و دمنا
أما بالنسبة لناس فش الغبينة لدرجة تشجيع الجيش الشعبي و التهليل لها لغزو البلاد فما عندي ليهم غير أن اقول بعض القلوب يصيبها العمى كما يصيب الأبصار، وعمى القلوب أعظم من عمى الأبصار والعياذ بالله، قال الله تعالى: [ (فّإنَّهّا لا تّعًمّى الأّبًصّارٍ ولّكٌن تّعًمّى القٍلٍوبٍ التٌي فٌي الصٍَدٍورٌ} . . . اللهم اهدي اللهم أصلح . . . و ما الذي يمنع الجيش من التواصل على صفحات التواصل الاجتماعي و منابر الحوار الهادف (((( طالما كان الحوار هادفا و على ان يكون كلام منتسب الجيش محسوبا و موزونا و في مصلحة الوطن و الجيش فقط لا غير )))) التوقيع : ملازم أول طبيب خالد حسن أحمد . . . اللون السياسي : سوداني يحب السودان
Post: #193 Title: Re: قصة اختطافنا من مستشفى هجليج Author: خالد حسن أحمد Date: 05-19-2012, 07:44 PM Parent: #192
بسم الله الرحمن الرحيم
صلى عليك الله يا علم الهـدى .... ........ .... ما سار ركب أو ترنـم حـادي
أما بعد ... و ...!!
رضا الناس غاية لا تدرك !!
ضحكت فقالوا: ألا تحتشم ؟ بكيت فقالوا: ألا تبتسم ؟ بسمت فقالوا: يرائي بها عبست فقالوا: بدا ما كتم سكت فقالوا: كليل اللسان نطقت فقالوا: كثير الكلام حلمت فقالوا: لو كان مقتدرا لانتقم بسلت فقالوا: لطيش به وما كان مجترئا لو حكم؟ .
يحكى أن جحا ذهب إلى السوق مع ابنه وكان لديه حمارا . ركب الرجل الحمار وترك ابنه يمشي على رجليه. مر الاثنان ببعض الناس كانوا على قارعة الطريق. بدأ هؤلاء الناس يضحكون ، وقالوا معلقين: أنه أمر محزن. جحا يركب الحمار ، ويترك الولد الصغير راجلا! عندما سمع جحا هذا طلب من ابنه أن يركب وقرر هو أن يمشي على رجليه. بعد أن قطع جزء من الطريق، مر جحا وابنه بجماعة أخرى من الناس. قامت هذه الجماعة بالتعليق : إن ما نراه هو الجنون بعينه! يركب الصغير، و جحا الكبير يمشي راجلا! عند سماع ذلك قرر جحا أن يركب هو وابنه على الحمار. استمر جحا وابنه في طريقهما وبعد فترة قصيرة كانت هناك مجموعة أخرى من الناس على جانب الطريق . عندما رأى هؤلاء الناس جحا وابنه يركبان الحمار لم يرق لهم ما شاهدوه . سمع جحا وابنه الناس يقولون : يا للحماقة، يركب جحا وابنه الحمار المسكين ، إن هذا حمل ثقيل على الحمار الضعيف. عند ذلك نزل جحا والولد من على ظهر الحمار . قرر جحا وابنه المشي على الأقدام وتركا الحمار يمشي بدون أن يركبه أحد فمر جحا وابنه بجماعة أخرى فقالوا: يا للعجب يمشيان على أقدامهما ويتركان الحمار الذي خلقه الله للركوب لوحده يمشي!! هنا قرر جحا وابنه أن يحملا الحمار على ظهورهما ويمشيان به في السوق فضحك الناس من جحا وابنه
................................................................................ ليس للبعض حــــديث غير شكوى مســـــــــتمره قد تســـــاوى عندهم لليأس نفـــــــــع ومضره لا تَسل ماذا عراهم كلهـــــم يجهل أمـــــــــرهه
و بكلمة البعض أعني أصحاب الغرض و الفكر المرض !!! . . . الا من رحم ربي . . . بعض الاخوة هنا لهم حديث عذب سلسبيل . . . لست أعني من كتب مادحا . . . حتى بعض المنتقدين حديثهم جدير بالثناء و الاطراء بل و المناقشة ولكن . . . لكن لا أخوض في سياسة لأنني جياشي . . . : ) لم و لن أخوض نقاشا يخص القوات المسلحة مع أحد لأن القوات المسلحة لها ناطق رسمي و توجيه معنوي و صحيفة و موقع على شبكة الانترنت . . .
هنا و هناك كتبت شارحا أحداثا حدثت لملازم أول طبيب تم((( اختطافه))) من عقر داره . . . الدار المقصودة هي مستشفى هجليج التابعة للسودان بشهادة اللجان الدولية (( لمن يمجد شهادات الخواجات !! )) . . . . . .
للمشفقين على قواتنا المسلحة و أنني قد تحدثت بما لا يجب التحدث به و انا فرد نظامي و ارتدي الميري أقول ((((( لم أتحدث عن جهل بقانون القوات المسلحة لسنة 2007 . . . قصصت قصة حدثت . . . أحداث هذه القصة لم تدخل في بند الأسرار العسكرية و لم تكن تمجيدا لتنظيم سياسي و الذي يجب فهمه أن القصة ضد و سأظل أنا خالد الملازم أول و كل الشعب السوداني الذي خرج من ضميرو يوم جمعة . . . سنظل ضد الحركة الشعبية و الجيش الشعبي الذي يعتدي على أرض سودانية و الذي يقتل أبناء هذه القوات المسلحة السودانية ))) . . .
أكرر لن أتحدث باسم تنظيم سياسي و لا علاقة لحديثي بأي جهة سياسية . . .
أكرر لا شكرا و لا عفوا للجيش الشعبي الغازي المغتصب لأرض ليست له ولا لحكومته التي باسمها يحارب . . .
كلنا هنا سودانيون تربينا على حب هذه البلاد . . . كل منا له طريقته في تعبيره عن هذا الحب . . . لن أحتكر لنفسي صفة الوطنية و ارفعها عن غيري مهما كان انتماؤه . . .
أنا مسلم ضابط طبيب سوداني . . . لا أحمل لنفسي انتماء غير هذا . . .
لن أعلق بأكثر من هذا . . . الحمدلله مداد الحروف عندي لا ينضب و بحار الكلمات عندي أمواجها تشق عتاة الصخور و لكن . . . بالدارجي كدة الداير أي حرف زيادة يمشي للناطق الرسمي باسم الجيش . . . و يسأل عن انتماء الجيش السياسي شنو و و و و . . .
جيشنا جيش الهنا . . . الحارس مالنا و دمنا
أما بالنسبة لناس فش الغبينة لدرجة تشجيع الجيش الشعبي و التهليل لها لغزو البلاد فما عندي ليهم غير أن اقول بعض القلوب يصيبها العمى كما يصيب الأبصار، وعمى القلوب أعظم من عمى الأبصار والعياذ بالله، قال الله تعالى: [ (فّإنَّهّا لا تّعًمّى الأّبًصّارٍ ولّكٌن تّعًمّى القٍلٍوبٍ التٌي فٌي الصٍَدٍورٌ} . . . اللهم اهدي اللهم أصلح . . . و ما الذي يمنع الجيش من التواصل على صفحات التواصل الاجتماعي و منابر الحوار الهادف (((( طالما كان الحوار هادفا و على ان يكون كلام منتسب الجيش محسوبا و موزونا و في مصلحة الوطن و الجيش فقط لا غير )))) التوقيع : ملازم أول طبيب خالد حسن أحمد . . . اللون السياسي : سوداني يحب السودان
Post: #105 Title: Re: قصة اختطافنا من مستشفى هجليج Author: أنور أدم Date: 05-15-2012, 10:19 PM Parent: #97
يا محمد ابراهيم
Quote: فبدلا من ترسلهم لاهلهم سالمين ترسلهم في صناديق خشبية او على شكل برقيات مستعجلة ولماذا ترسلهم سالمين وهم سياتون الى سودانيزاونلاين ويقولو الناس ديل ما احترمونا وادونا الشاي مسيخ
و الله كلامك ده خلاني اضحك لمن دموعي جرن... يا أخي جنابو د.خالد ده الظاهر أنو ما درسوه قوانين معاملة الاسري و ملحقاتها ...
د. خالد
و الله الانا شايفوا انو مصيرك في المنبر ده سيكون أسوا من مصيرك في دولة الجنوب، لأن اسلوب تعامل الحركة الشعبية معكم تفوق تعامل مؤسستكم العسكرية بقرون ضؤية و بلغتكم العسكرية الحركة الشعبية طبقت فيكم ما يمكن قياسه بتعالم الاسلام الحنيف ، بينما ما مارستوه انتم تجاه الاسري لا يقاس لا بشرع منزل او مؤلف... نجي لموضوع مصيرك في المنبر ، و ده كلام زولا اقدمية ( عضو ية فوق 8 سنة) ، كلامي ليك انو لغتك المحشوة ايات و قصائد، وهو تقليد كيزاني قديم لا يقوي علي الثبات في هذا المنبر ، و نصيحتي ليك ان تتخارج قبل ان تصبح في وضع أسوأ من وضع من تركوك في المستشفي هجليج ليولوا الدبر ... المهم هنا انو المنبر ده خياراتو بسيطة هو الهرب بدواعي الشغل و غيرها من مهام او ترك الحساب لشعبة الجهاد الالكتروني لمواصلة الترهات ....
اما ان تكون ذلك العسكري النابليوني ( بالمناسبة هذه الايام نحتفل في فرنسا برئيس اشتراكي سيكون أكثر تشددا تجاه حكومة السودان ) الذي يموت في المنبر او منتصرا علي غالبيته
Post: #106 Title: Re: قصة اختطافنا من مستشفى هجليج Author: حسبو عكاشة Date: 05-15-2012, 10:21 PM Parent: #97
Quote: قصر نظر دياشي سوداني بامتياز الحرب لا زالت مستمرة وربما يدفع بعض زملاء هذا الدياشي ثمن هذه الكلمات فبدلا من ان تتحمل حكومة الجنوب عبء اداري باحترامها لقوانين الحرب الدولية ستتخلص من هذا العبء الاداري في الميدان فبدلا من ترسلهم لاهلهم سالمين ترسلهم في صناديق خشبية او على شكل برقيات مستعجلة ولماذا ترسلهم سالمين وهم سياتون الى سودانيزاونلاين ويقولو الناس ديل ما احترمونا وادونا الشاي مسيخ الحكمة والحصافة تقتضي عدم الافصاح عن هذا الكلام حتى ولو كان حقيقة حفاظا على حياة من يقع في هذا المصير مستقبلا ولكن نقول ايه اقلب الجرة لفمها يطلع الدياشي عبدالرحيم محمد حسين
لكن يا هندسة الزول دا قال اختطفوه, يعمل ليكم شنو يعني :)
--- انتو حكاية الخطف الحايمة دي شنو بيجاي شايف في محاولة خطف برضو مخطط لإختطاف البشير يعني الواحد تاني ما يخطف رجلو على اي حته ولا كيف !! جب جرب خطفوا مني :)
Post: #107 Title: Re: قصة اختطافنا من مستشفى هجليج Author: حمور زيادة Date: 05-15-2012, 10:36 PM Parent: #106
Quote: القوات المسلحة علمتنا أن منتسبها له ولاء واحد * الوطن * وحينما يتحدث ذاك المنتسب يتحدث باسم الوطن ولأجل مصلحته فقط لا غير
؟؟؟؟؟؟؟؟؟؟؟؟؟؟؟؟؟؟؟؟؟؟؟
يا دكتور ما ممكن من تاني مداخلة ليك في البورد تحتكر الوطن وانك بتتكلم باسمه
Post: #109 Title: Re: قصة اختطافنا من مستشفى هجليج Author: عمر دفع الله Date: 05-15-2012, 10:58 PM Parent: #107
حمدلله على السلامة يا خالد ....
نصيحة لوجه الله يا خالد احسن ليك تبعد من المحل دى ولو الكيزان اجبروك ودفروك عشان تجى هنا بكرا ينسوك ويتفرجوا عليك يا خالد ديل باعوا شيخهم زااااتو في سوق الله واكبر خليك انت حتة ملازم لا راح لا جا ...
اللهم هل بلغت ....
Post: #110 Title: Re: قصة اختطافنا من مستشفى هجليج Author: عصام دهب Date: 05-15-2012, 10:59 PM Parent: #106
Quote: جنابو خالد .. اكتب هنا يا زول زي ما عايز .. قول العايز تقولو .. احكي عن تجربتك .. وتأكد انك ستجدمن يسمعك مثلي .. فهذه حقبة تحتاج إلى توثيق .. فمثلما يعملون على تغبيش الحقائق وتجميل الوجـه يجب ان يكون هناك ما هو واضح للعيان .. عودا حميدا يا بطـل .. وتأكد ان الكثير كان يتمنى ان يكون مكان الحدث .. فالحرب هنا ليست ضد حكومة الانقاذ بقدرما هي حرب ضد وجودنا كسان في الجهة الأخرى .. وهذا واضح وجليا .. من تصرفات مرتزقة العدل .. وعساكر الجيش الشعبي وستجده مترجم هنا كتابة من عضويتهم التي تتخبط كل يوم .. اكتب .. فبمثلما لم ترهبك تصرفات من غدروك .. فتأكد انه ايضا لم ترهبك هذه الطقطقة على الكيبورد .. واحمد الله انك طبيب مقاتل في القوات المسلحة واديت واجبك الانساني على اشرف وجه وعندما تم اعتقالك كان كل من في عهدتك من الابرياء من المرضى قد قمت بشرف اخلاءهم بسلام .. وهذا هو شرف عظيم .. لا يدانيه شرف .. ولا يعرف ذلك الكثير من الذين لم ينالوا هذا الشرف .. تستاهل يا مقاتل نيشان الشجاعة وكل الاوسمة التي تتحدث عن التضحية والفداء والصمود .. واصل .. اكتب .. في انتظارك .
شكراً يا تمبس فقد عبرت عني تماماً ..
و يا جنابو خالد إنت و زملائك كملتوا الرجالة و البسالة .. و يكفيكم إفتخار شعبكم بكم و تغنيه ببطولاتكم و رجالتكم .. صمدتم صمود الجبال ورأينا فيكم أكرم الرجال و قد رفعوا تمام الشهادة لبارئهم من خنادقهم ..
عدَلتها يا سيف لأجل معزتك ..
Post: #111 Title: Re: قصة اختطافنا من مستشفى هجليج Author: الامين موسى البشاري Date: 05-15-2012, 11:06 PM Parent: #110
Quote: و يا جنابو خالد إنت و زملائك كملتوا الرجالة و البسالة ..
Post: #112 Title: Re: قصة اختطافنا من مستشفى هجليج Author: سيف النصر محي الدين Date: 05-15-2012, 11:24 PM Parent: #111
شكرا يا دهب.
Post: #113 Title: Re: قصة اختطافنا من مستشفى هجليج Author: حذيفه ابراهيم الكباشي Date: 05-15-2012, 11:28 PM Parent: #111
الاخ خالد
حمدلله على سلامتك
تجربتك ما ساهلة ... امتحان كبير
الحمدلله ربنا سلمك
ابدا صفحة جديدة برؤية جديدة الحياة قدامك
.....
Post: #114 Title: Re: قصة اختطافنا من مستشفى هجليج Author: Yassir Tayfour Date: 05-15-2012, 11:37 PM Parent: #111
Quote: و يا جنابو خالد إنت و زملائك كملتوا الرجالة و البسالة ..
طالما الجيش ذاتو عرّد، إنسحب على حد قول الأسير، يبقى الأسرى كملوا الرجالة تّب ؛) __ مرة واحد من المجاهين قبضوهو ناس الجيش الشعبي قبل الإنفصال، المجاهد كبّ الجِرسة: أنا جابوني غصباً عني، وأنا خدمة إلزامية، وانا صلاة ذاتو ما بصلي ؛) لكن الدقينة تكشف زيف صاحبها، والسبحة من الخلعة ما طلعها من رقبتو.. واحد من الجيش الأحمر، قال للمجاهد: مالي أراكي تكرهين الجنة ؛) بلهجة جنوبية مالحة.. ويقصد له نشيد عبدالله إبن رواحة أقسمت يانفس لتنزلنّ ..... لتنزلنّ أو لتكرهن قد أجلب الناس وشدوا الرنة ..... مالي أراك تكرهين الجنة
Post: #115 Title: Re: قصة اختطافنا من مستشفى هجليج Author: معاوية المدير Date: 05-16-2012, 01:04 AM Parent: #114
Quote: لو كان فيما ذكرت من سرد ما يدل على ولائي لجهة غير الوطن فمكاني ليس هنا بل ان مكاني هو ( الدروة ) . . . و خسارة فيني حتى ثمن الرصاصة !! . . .
أخوي خالد، ســـلآمات.
يا زول حاشاك الإنتساب لجهة غير الوطن. هسّع في زول قال عليك مؤتمر وطني ؟؟؟ ناس المؤتمر الوطني ديل زاتم ما ولآد البلد. إنت قايل شنو !!!؟ كل إناءٍ بما فيه ينضح. والله صحي.
أظرف حاجة في الموضوع طير أبابيل الأمس في الميل أربعين إنت قلت شوف عينك ضاربين كمنقة تقيلة وكل منهم يتأبط قنينة بنكهة الحبهال. الكلآم دا صُح ؟؟؟.
حِمدِلآلك بالسلآمة، وتاني لا تفرّط في رويحتك عشان ما يختطفوك.
سؤال: يخطتفوك دي التاء قبل الطاء، واللآ الطاء قبل التاء ؟؟؟
Post: #116 Title: Re: قصة اختطافنا من مستشفى هجليج Author: يسرى معتصم Date: 05-16-2012, 01:39 AM Parent: #115
حمداً لله على سلامتكم أخي خالد
ربنا يتقبل منكم
ومرحب بك في حوش بكري
Post: #117 Title: Re: قصة اختطافنا من مستشفى هجليج Author: الصادق الزين Date: 05-16-2012, 05:13 AM Parent: #116
أختطفوك دا يا العائد من الأسر نفهم منه، إنك كنت مُطرف بعيد من المُراح و لمو فيك الجماعة و تف شيلة حِدية رفعوك فى الأكتاف و جروا بيك فللى خوفاً من أن يتعقبهم معقب أو قبل ما يحس بيهم زول أو يفزع بيهم فازع، لكن كونك تستسلم فى أرض المعركة و إنت بكامل قوتك و عتادك و بزتك السمحة دى المرصعة بالنجوم على كتفك المايل دا، دون أن تبدى أيتها مقاومة، يمين يمين، شمال شمال، أجلس تجلس و أرقد ترقد، قوم تقوم، و اسكت تسكت، دا يعنى يا سعاتك أسر عدييييييييييييل "بالساء"!!
الفوق دا واحد ، الثانى هو إنك بتحاول ترسم لنفسك دور بطولى و رجولة و فراسة و شيئ من هذا القبيل، لكن يا عمك ما فى أى دور بطولى و لا رجولة لأسير، لأن البطل أو الفارس لا يأسر يا خالد هكذا علمتنا المعارك يا تنتصر، يا تموت أمام عدوك، لكن لا تستسلم له و تكون أداة طيعة و تجى تقدنا بالفراسة و الشهامة و الوطنية و آخر مريض و آخر جريح!!! يا أخى ما فى تخريجة ثانية تقدر تخرّج بيها روياتك دى غير إنك تصبق عليها صفة البطولة الزيف دى على شخصك؟ بعدين حتى شكلك و إنت كنت أسير أنا غايتوا ما كنت شايف فيك شخصية بطل كلو كلو، كنت شايفك زول "أبلم" بس قوم تقوم أقعد تقعد مادى حنوكك ومنتظر قدرك، وينا البطولة و الإطمئنان هنا؟ اللهم إلا إذا كنت بتحكى عن أسرى و عن خالد غير الذين شاهدناهم على شاشات تلفزيون الجنوب!!
عموماً كثر خير الحركة الشعبية القدروا يتحملوا عبئك الإدارى و رجعوك لينا حى، حقوا و الله بدل ما ترجع لمكرك السيئ تبقى رسل سلام ومحبة زى ما قلت لناس الأعلام بين الشعبين ناهيك من الدولتين لحدت ما تموت و لا كيف؟ و قت الزنقة القصة شعبين و ما فيش حاجة بتفرقهم بينهم، و الله ينعل السياسة و لما تلقى الهوى ترجع تضرى من جديد!! أتريد أن تمحى عار الأسر و الإنكسار، أم تريد أن تخلّد سياسة النفاق و المكر و الخزلان؟؟
Post: #118 Title: Re: قصة اختطافنا من مستشفى هجليج Author: هشام المجمر Date: 05-16-2012, 05:34 AM Parent: #116
الاخ خالد
تحياتى
و مبروك اطلاق السراح
لدى عدد من الاسئلة
1- شايفك تتحدث عن حيادية القوات المسلحة هل تعتقد فعلا وانت معروف الانتماء ان القوات المسلحة لم تزل محايدة؟ ولو كنت تعتقد ذلك كيف تم قبولك فيها وانت صاحب الانتماء السياسى الصارخ منذ ان كنت فى الجامعة؟ و هل تم قبول طلبة سياسيين من اتجاهات غير اتجاهك الاسلامى؟ وهل تم حتى قبول طلبة مستقلين لا يميلون للاتجاه الاسلامى؟
2- حقيقة اعتقد ان مهنية القوات المسلحة كانت تفرض أن ما كتبته هنا يقال فى تحقيق رسمى تحتى مسمى " سرى للغاية" باعتباره معلومات مصنفة لأنها تخص عمل عسكرى لا يمكن تحت اى ظرف ان يسمح لك ان تنشره فى منبر عام الآن ولا فى أى وقت. الجهة الوحيدة التى تملك نشر المعلومات المصنفة هى الحكومة بعد موافقة الجيش و بعد مضى زمن مقداره ليس بقليل. الذى استغربه انك لم تستدع للتحقيق و لم توقف الكتابة هنا. هل قمت بالحصول على موافقة رسمية من قادتك ؟
سؤال أخير لا علاقة له بالموضوع لكن يهمنى ان اعرف رأيك فيه وانت تدعى الحياد
وانت تنتمى الآن للجبش مارأيك فى واقعة مشاركة الحركة الاسلامية فى غزو الخرطوم و الاعتداء على الجيش السودانى العام 1977 م و قتل منتسبيه و بعضهم كان فى اسرته حسب تصريحات حكومية فى ذلك الوقت. و ما رأيك فى من شارك فى ذلك الاعتداء و الآن يشغل مناصب حزبية و تنفيذية كبيرة؟
Post: #119 Title: Re: قصة اختطافنا من مستشفى هجليج Author: Abdlaziz Eisa Date: 05-16-2012, 06:00 AM Parent: #118
الأخ/ خالد
حمدلله على سلامتك
وبعد الشكر لله لابد أن تشكر دولة الجنوب وجيشها التي عاملتك كأسير ولم تعاملك بمثل ما يتعامل جيش مليشيا المؤتمر الوطني: اكسح.. كشو.. ما تجيبو حي!!!
أنت جندي وتحمل رتبة عسكرية في مليشيا النظام وكنت تؤدي واجبك في الميدان.. يعني أنت جزء من المعركة وفي خضم الحرب فتم أسرك.. دي مش اختطاف!! قلت ناس العدل المساواة كانوا مخمورين ومسطلين وبع ده كله استطاعوا أن يهزموا مليشياتكم في هجليج؟ ورفعوك في سيارة وما ودوك كداري!!..طيب لو كانوا صاحيين رويت قصتك في كلام انشائي عاطفي مشحون فعميت حتى عن نسب نفسك لمليشيا النظام..
بوستك ده كان تسميه: في ساحات الفداء... أو التوجيه المعنوي.. أو أي حاجة من المنفلتات بتاعة مليشيا النظام..
تاني ما ترجع هناك.. مش كل مرة تسلم الجرة...
Post: #120 Title: Re: قصة اختطافنا من مستشفى هجليج Author: بشير أحمد Date: 05-16-2012, 06:02 AM Parent: #118
حمدلله علي السلامة يادكتور خالد.
_____
والله غلطان يادكتور ؛كونك تجي تتناقش مع طيور سودانيزاونلاين!!!
Post: #121 Title: Re: قصة اختطافنا من مستشفى هجليج Author: بشير أحمد Date: 05-16-2012, 06:07 AM Parent: #120
Post: #122 Title: Re: قصة اختطافنا من مستشفى هجليج Author: Haitham Elsiddiq Date: 05-16-2012, 06:28 AM Parent: #120
ألاخ بشير سلام
لية كدة ياخ طيور عديل كدة
لغة مافيها إحترام للمشاركين هنا وأسئت لنفسك قبل أي زول ياخ
ولا إنت ما من سودانيز أون لاين
وبعدين كل الناس دي أول حاجة عملتا حمدلو لية السلامة وزولك دا في النهاية مافي زول قدم لية دعوة جا براة و يتحمل النقاش الحر وتساؤلات الناس وإن كان جيتو زاتا غلط و أمشي أقرا مداخلة فكي إسحاق رجاءا عدل مداخلتك
Post: #123 Title: Re: قصة اختطافنا من مستشفى هجليج Author: عبدالكريم الامين احمد Date: 05-16-2012, 06:49 AM Parent: #122
Quote: طيور سودانيزاونلاين!!!
هلا يا بشير NO WAY يادكتور ولا تحلم بان تكون هنالك ردة عن الموضوعية والمسئولية الحوارية في تناول امر الوطن والانجراف صوب الورجغة والعييك عاك والهتر المجاني وما مشكلة الزول يكون طيرة او يكون ورل زاااتو فالمشكلة الاساسية هي ورجغة ودغمسة امور البلاد والعباد وقرصنتها في فهم وراي احادي واضاعة وطن كامل وتمزيقه اربا اربا...وده الهم الكبر وكن بالف خير يا زول
Post: #129 Title: Re: قصة اختطافنا من مستشفى هجليج Author: Hassan Bakri Nugud Date: 05-16-2012, 07:59 AM Parent: #123
أولاً : حمد الله علي السلامة يا دكتور ، وبركة الشفناك طيب .
ثانياً : مبروك الباسوورد.
ثالثاً : أنا لاقتني صورة ليكم ( إنت والكانو مأسورين معاك ) معروضة في المنبر ده قبل كده ، كنتو لابسين ملابس جدييييييييييييدة ، ومتناسقة مع بعض بصورة جميلة خلاص ! يعني ماتشينغ لي الحذاء زاتو !! إتخيل من ما شفت الصورة دي كان نفسي أسأل ( وأهو الحمد لله جيتنا إنت زاااتك بي جاي عشان نسأل بي راحتنا ) :
إنتو ودوكم إخترتو الحاجات دي براكم ، ولا جابوها ليكم ناس الحركة الشعبية !؟
كان ودوكم ، يبقو ما قصرو والله ، وكمان كان جابوها هم يبقى زوقهم بي صراحة سمح في تنسيق الملابس وكده !
ولو سمحت لي نفس الأسئلة الفوق دي برضها مرتبطة بي الشنط !
رابعاً: في نفس الصورة دي كان في ضابط مادّي ليك عملة ( شكلها صعبة كده ) .. الناس ديل بي الجد أدوكم القروش دي، ولا صوروكم بيها ، وشالوها تاني !؟
ولو أدوكم ليها ، وين القروش دي هسة !؟ ما تكونو صرفتوها مع إرتفاع العملة الأيام دي .
خامساً: أنا قريت قصتك دي كذا مرة .. أصلو ما لاقتني حكاية الصورة الفوق دي ! ، فبما إنها شهادة للتأريخ وكدا ، ما كان تقوله لينا ياخ !
سادساً: أنا ما حبيت أخش في تفاصيل التصريح الكتبتو ده يا حكومة ، لأنو الشباب صراحة ما قصرو ، ولسة حيواصلو معاك .. خلي بالك طويييييييييييل بس ، ورد لينا بي لغة نفهمها أحسن من اللغة الهتافية دي !
__________
أتوقع البوست ده يسحب البساط من بتاع سعد قشرة داك !
Post: #124 Title: Re: قصة اختطافنا من مستشفى هجليج Author: بشير أحمد Date: 05-16-2012, 07:05 AM Parent: #122
الاخ/هيثم صديق
وعليكم السلام
Quote: لغة مافيها إحترام للمشاركين هنا وأسئت لنفسك قبل أي زول ياخ
I am abig bird
يعني ياهيثم عاجبك كلام المناضلين الفوووق ديل شئ ضحك وشئ سخرية علي تجربة اخونا دكتور خالد؟
______ الاخ/المهندس ابوآية
تحياتي؛؛؛ مافي حرف للبوست ولاحاجة ؛بس متضايق جدا لتناول قضية الدكتور خالد.
Post: #125 Title: Re: قصة اختطافنا من مستشفى هجليج Author: هشام المجمر Date: 05-16-2012, 07:15 AM Parent: #124
Quote: يعني ياهيثم عاجبك كلام المناضلين الفوووق ديل شئ ضحك وشئ سخرية علي تجربة اخونا دكتور خالد؟
الاخ خالد غلطان يا بشير
ما الذى اتى به لمنبر عام ليسرد قصته وهو ما لم يزل يعمل ضابطا فى القوات المسلحة؟
هناك عدد كبير من الاسئلة المنطقية الخالية من اى سخرية وجهت للاخ خالد و تنتظر الاجابة. انا شخصيا سألته عدة اسألة لا علاقة لها بالسخرية وهى اسألة جادة جدا نريد عليها اجابات جادة.
ارجو أن لا تكون اتيت لمد يد الانقاذ ليد أخيك خالد بهذه الطريقة التى ازعجت الكثير من زملائك فى البورد و شخصيا لم اهضم قولك انك طيرة كبيرة و اعتقد انك لم تجد ما تقوله للاعتذار للناس بعد وصفك لهم بالطيور. ما هكذا تورد الابل يا بشير. عندما نخطئ نعتذر ولا مشكلة فى ذلك
Post: #126 Title: Re: قصة اختطافنا من مستشفى هجليج Author: داليا الكباشى Date: 05-16-2012, 07:29 AM Parent: #125
Quote: Khalid Hassan
أختي العزيزة و صديقتي الودود نسبة لظروف فأنا حاليا" أستخدم هاتفي السيار و لا أستطيع سبيلا" لدخول منبركم الحر . فانقلي عني هذي الرسالة ( أحبتي الكرام الباحثين عن الحقيقة في زحام الزيف . لي عودة بإذن الله لأروي ظمأكم . من كان منكم مشفقا" على الحبيب السودان فسيجد عندي أضعاف همه و شفقته و ستكون عندي له السلوى و من كان يبحث عن فش الغبينة و ضرب الطبول و ساقط القول فسيجد عندي نارا" تأكل قلبه المريض ) جزيتي عني خيرا" و السلام لمقامك أجمل ختام
نقلا عن دكتور خالد بـ صفحتي على الفيس بوكـ .. تحياتي
Post: #127 Title: Re: قصة اختطافنا من مستشفى هجليج Author: حمور زيادة Date: 05-16-2012, 07:39 AM Parent: #126
Quote: من كان منكم مشفقا" على الحبيب السودان فسيجد عندي أضعاف همه و شفقته و ستكون عندي له السلوى و من كان يبحث عن فش الغبينة و ضرب الطبول و ساقط القول فسيجد عندي نارا" تأكل قلبه المريض
ياخي دي كمية من " الأنا " و " عجب الروح " محزنة انا شخصيا متنازل عن نصيبي من الحوار و الاسئلة لكيكي و ياسر طيفور. انا قنعت
Post: #128 Title: Re: قصة اختطافنا من مستشفى هجليج Author: محمد أبوالعزائم أبوالريش Date: 05-16-2012, 07:55 AM Parent: #127
Quote: أووووه سيدنا خالد شخصيا
اها هنا بتعمل لي بلوك برضو ولا بتعمل شنو .
______________
زي ما قلتا ليك في الفيس بوك وانتا مسحتا وعملتا لي بلوك
يعني المسألة (فيس بوك) و(سودانيزأونلاين) ... وحاجات نحن ما عارفينها .....
يبقى الموضوع ما مجرّد خطأ وقع فيهو عسكري وانتهك قوانين وأعراف العسكرية .... فافهموا.
كل شئ ممكن يتغير .... فمثلاً، في الماضي كان ممنوع على الجندي أو الضابط إطلاق لحيته، ولو فعل يتعرّض للجزاء.
التوقيع: أحد طيور سودانيزاونلاين
Post: #130 Title: Re: قصة اختطافنا من مستشفى هجليج Author: Salahaldeen Nadir Date: 05-16-2012, 08:04 AM Parent: #128
Quote: من كان منكم مشفقا" على الحبيب السودان فسيجد عندي أضعاف همه و شفقته و ستكون عندي له السلوى و من كان يبحث عن فش الغبينة و ضرب الطبول و ساقط القول فسيجد عندي نارا" تأكل قلبه المريض
لو أن الله سخّر لك سيارة ساعتها لأراحنا من ذلك كله
!
Post: #131 Title: Re: قصة اختطافنا من مستشفى هجليج Author: Hassan Bakri Nugud Date: 05-16-2012, 08:15 AM Parent: #130
Quote: لو أن الله سخّر لك سيارة ساعتها لأراحنا من ذلك كله
!
Author: Salahaldeen Nadir
لولا أنني إنتبهت لإسم كاتب المداخلة ، لما ساورني شك في أن كاتبها هو كاتبي المفضل حسين ملاسي !
Post: #134 Title: Re: قصة اختطافنا من مستشفى هجليج Author: أحمد أمين Date: 05-16-2012, 08:30 AM Parent: #130
Quote: أما فيما يختص بأسراهم لدينا ... فنحن و الحمدلله ربانا الإسلام على نظم وقوانين تحمي الأسير، وقد شرع الله الأَسْرَ فقال في كتابه: "حَتَّى إِذَا أَثْخَنْتُمُوهُمْ فَشُدُّوا الْوَثَاقَ فَإِمَّا مَنًّا بَعْدُ وَإِمَّا فِدَاءً حَتَّى تَضَعَ الْحَرْبُ أَوْزَارَهَا"
والله الزول ده موهوم وهم ياخي خليك من غير المسلمين والذين تتم تصفيتهم كل واحد فينا عنده قريبه ولا صديق عمل بالجيش في الجنوب وعارفين القصص دي كلها.... "ماعايزين اعباء ادارية" بتاعت أحمد هارون
الفيديو بتاع الاطفال الذين اتهموا بأنهم عدل مساواة ومسلمين ده ماشفتوا وكيف ينطبق علي وصفك النظري اعلاه
Post: #132 Title: Re: قصة اختطافنا من مستشفى هجليج Author: مرتضى احمد عبد القادر Date: 05-16-2012, 08:16 AM Parent: #126
والله يا هشام المجمر انا من أمس راجي توضيح او رد حاسم للنقطة دي
Quote: حقيقة اعتقد ان مهنية القوات المسلحة كانت تفرض أن ما كتبته هنا يقال فى تحقيق رسمى تحتى مسمى " سرى للغاية" باعتباره معلومات مصنفة لأنها تخص عمل عسكرى لا يمكن تحت اى ظرف ان يسمح لك ان تنشره فى منبر عام الآن ولا فى أى وقت. الجهة الوحيدة التى تملك نشر المعلومات المصنفة هى الحكومة بعد موافقة الجيش و بعد مضى زمن مقداره ليس بقليل. الذى استغربه انك لم تستدع للتحقيق و لم توقف الكتابة هنا. هل قمت بالحصول على موافقة رسمية من قادتك ؟
Post: #136 Title: Re: قصة اختطافنا من مستشفى هجليج Author: قلقو Date: 05-16-2012, 08:58 AM Parent: #132
Quote: يستحق بعضهم نجمة لينين على صدره .
. . ياشيخنا, ماهى علاقة لينين ونجمته بالموضوع ؟ أم أن الأدب الكيزانى (Litreature) لا يكتمل ولا يكون مؤثرا إلا بأدخال مثل هذه المفردات كالشيوعية والصليبية والصهيونية والماسونية ؟
Post: #139 Title: Re: قصة اختطافنا من مستشفى هجليج Author: عبدالمجيد الكونت Date: 05-16-2012, 09:08 AM Parent: #136
اها الحصل شنو ياجماعة
Post: #143 Title: Re: قصة اختطافنا من مستشفى هجليج Author: ود الباوقة Date: 05-16-2012, 10:04 AM Parent: #139
Quote: كان يبحث عن فش الغبينة و ضرب الطبول و ساقط القول فسيجد عندي نارا" تأكل قلبه المريض
قضي الامر
يلا اي واحد فيكم يقوم يشوف شغلو وين
Post: #146 Title: Re: قصة اختطافنا من مستشفى هجليج Author: Haitham Elsiddiq Date: 05-16-2012, 10:25 AM Parent: #143
Quote: قضي الامر
يلا اي واحد فيكم يقوم يشوف شغلو وين
طيب أها يا أخوانا النشوف لينا بوسط تاني ود الباوقة قال خلاص المولد كمل...
معليش ياكونت جاي تشمشر ود الباوقة قطع قول كل خطيب....
واللة يا Salahaldeen Nadir
إنت من الليلة دي كاتبي المفضل و زحيت ملاسي من الصدارة....
Post: #144 Title: Re: قصة اختطافنا من مستشفى هجليج Author: tmbis Date: 05-16-2012, 10:08 AM Parent: #139
Quote: ( توجد مخلوقات تعيش بيننا لا ندري أيكرهون التنظيم الحاكم أم السودان نفسه؟؟ ... عداء و غبن و كراهية أعمت القلوب و الأبصار عن النظر لمصلحة البلاد . . . أصبح البعض يؤيد من يغزو البلاد و يستبيح العباد بدعوى أنهم يكرهون المؤتمر الوطني !!! . . . هنالك فرق بين كراهية المؤتمر الوطني و كراهية السودان !! . )
بعدين معظم العايزين يظهرو قدام الكاميرا والفلاشات الشغاله دي .. جو شايلين الاقتباس الفوق دا .. وكبوهو هنا .. وقاعدين يحللو فوقو ..
متعة والله .. متعة البورد دا لا تدانيها متعة ابدا ..
Post: #145 Title: Re: قصة اختطافنا من مستشفى هجليج Author: tmbis Date: 05-16-2012, 10:18 AM Parent: #144
Quote: يا جماعة أنا عندي سؤال كيف طبيب يتم تعينو كملازم أول? أنا بعرف صاحبي مهندس خريج جديد عمل معنا 3 شهور في وزارة الطاقة و إلتحق بسلاح المهندسين برتبة رائد (الكلام دا منتصف الثمانينات).....ولا الحاجات تغيرت?
سؤالك اجابتو عندي .. وأنا أخوك .. ياخ منتصف التمانيات دي .. خالد دا زاتو ما اظن ولدوهو .. من منتصف التمانيات جاب تفتش عن الترقيات ..؟ كان تخليها حلوة شوية وتقول سنة الفين واتنين .. لكن منتصف التمانينات دي حارة شوية .. تاني كلام زي دا ما تقولو هنا في البورد دا لانو مكشوف ..
منتصف التمانينات شنو يا اعانك الله .. هذا ان دل انما يدل عى انك بتبالغ عديل كدا
قلت عايز تشارك مش كدا ..؟
Post: #147 Title: Re: قصة اختطافنا من مستشفى هجليج Author: tmbis Date: 05-16-2012, 10:34 AM Parent: #145
Quote: و قصة الفنلة الصفرا دي ما فهمتها اكيد حتكون عقاب شكلة مع واحد تاني ولامن لقيت زولك مزنوق قلت تفك اي حاجة المهم توري الجماعة انك ما قاعد تقصر
ما فهمتها بي نفس القصة بتاعت الملف بتاع الفيديو .. قاعد ومتحكر في نص البوست وتقلي ما متذكر ..؟ يعني انت معترف اني فكاك زنقات ..؟ طيب دا كلام كويس .. معناته زي نوعيتك دي بديها علي راسه طوالي وبتفقد المنطق .. يللا تمشي من دربك دا تفتش لي البوست بتاع الفنله الصفراء الطولت فيهو لسانك مع صاحبك داك .. لانو لو مشيت وجبت ليك كلامك بتاع الفنله واللي هو قاعد يسمع في كلامك دا .. انا ما بخليك .. شفته كيف ..؟ انا جني وجن الكضب بتاع مناضلين الكيبورد الزيك وعايزين يجو يظهرو ويحششو لينا في المنبر دا
يللا اتحرك وسوق معاك هجو دا طالما قاعد لينا ساكت هنا دا .. يشيل ويجيب في التياب والفساتين بتاعت فلانه والباروكة بتاعت فرتكانه
خم .. خم شديد .. يخمو فيكم سااااااااااااااااااااااااااي الجماعة عارفيني ما قاعد اقصر .. الله ما يجيب يوم تقصيري .. عشان كدا خاتيني ليكم هنا دا .. في اليوم اطير لي بي اتنين تلاتة من صنفك دا .. وابشع بيهـــو اها رايك شنو ..؟
Post: #148 Title: Re: قصة اختطافنا من مستشفى هجليج Author: Abdlaziz Eisa Date: 05-16-2012, 10:35 AM Parent: #145
Quote:
طيور سودانيزاونلاين!!!
الاخ/ بشير أحمد سلام يعني الراجل لو كان سفيه وقال حشرات... أنت دكتووور ياخ..... تمشي تجاريه في سفاهته دي؟!!!
وأنت موقعك وين من طيور سودانيس اونلاين ديل يا دكتوررررررر.....!!
Post: #149 Title: Re: قصة اختطافنا من مستشفى هجليج Author: tmbis Date: 05-16-2012, 10:51 AM Parent: #148
يا كيكي الكلام معاك ما كمل .. لانو الموضوع طويل .. في كتابات كتيرة جدا هنا دا من الأخوة المشاركين ليس لها اي علاقة من العقلانية .. ما هي إلا زريعة يتخدذها البعض دون سبب .. وانا بمقدوري الرد عليها .. من حكطم معرفتي بي كتابات الاشخاص هنا دا وميولاتهم البتحتم عليهم انهم يقولو الكلام دا .. خالد دا .. كتابتو الكتبه دي ان ما شايف فيها اي حاجة تدينو كعسكري في الخدمة .. ولحدي الان انا في الحتة بتاعت انو تم التعريف بي خالد دا بعد التشهير والمتاجرة بي قضيتهم من قبل الحركة الشعبية وعرضهم على الميديا .. ما كتبه خالد هنا لا يدينه في اي جهة حكومية يتبع لها .. واي واحد في الناس البتنظر دي لو عندها ما يتثبت عكس ذلك يجي ينقطنا بيهو .. الناس ما تنظر .. ويوروني بالضبط منو القال دي معلومات سرية وما يجب انها تتكتب في موقع سودانيزاونلاين ..
ياخ المعارضين الهنا ديل الواحد يجييب ليهو ورقة قدر الليلة وبكره وفيها مية ختم .. ويقوليك وثيقة سرية الحكومة قالت نضرب الحتة الفلانية والله واحدين قربو يجيبو لينا صكوك الغفران الزمااان ديك .. حلال عليكم وحرام علي البقية مش كدا يا مناضلين ..؟
تاني اي زول يجيب ليهو وثيقة سرية يا عاجل يا بطيخ .. يتحاسب هنا حساب قبوره خلونا من حركات الملكية بتاعتكم دي .. اول واحد مفروض يتعمل ليهو فرش متاع هنا .. الاسمو واصل علي .. وطبعا هو يا كيكي فنانك المفضل .. مش كدا ..؟
انا ما خلصت معاك يا كيكي .. لكن اسمح لي اطلع وبجيك خاشي في اي لحظة ..
بالنسبة لي هجو بتاع الملايات والفساتين .. تاني لما تلقى ليك ناس كبار بتكلمو يا تجي تترزع وتسكت ساكت .. يا تمشي بي وشك .. وانت يا نبيل بتاع الفنله الصفرا امشي اعمل التمرين القلتو ليك .. عشان لما اجيك تستحمل الحا اعملو فيك ..
نوعيتكم دي ما تجي إلا بالضرب على الكيبورد .. كضابين وبتاعين جلكسات .. وتحبو النجومية زي جوع بطنكم
Post: #150 Title: Re: قصة اختطافنا من مستشفى هجليج Author: محمد عبد الماجد الصايم Date: 05-16-2012, 11:29 AM Parent: #149
غايتو جنس غايتو! عبد العزيز عيسى بلوم في د. بشير على الإساءة
يا رعاكـ الله! إنت مش جيت مشخّت لخرطمية واحد في بوست عشان خضر عطا المنان!! يا رااااجل!! ما لقيت إلا خضر عطا المنان تخسر بيهو الناس!!
هذا + قوم لف!
Post: #151 Title: Re: قصة اختطافنا من مستشفى هجليج Author: Haitham Elsiddiq Date: 05-16-2012, 11:41 AM Parent: #149
يا باوقة بعد إذنك ياخ...عارفك قلت خلاص كلة واحد يلم عدتة ويتخارج ...لكن عندي ملخص سريع كدة...
وبلإستعانة بمداخلات الإخوة الطيور الفوق دي نعمل نقاط نوضح كيف الأخ جاب الهوا لي روحو وناسو ولي الجيش السوداني وزملاؤ ...
\* كظابط منتظم لا يمكن يسرد تفاصيل أحداث عسكرية وكمان جديدة لنج. يعني الناطق الرسمي دة سووة لي شنو. الدليل العسكري خبير البورد جنابو عمر جا قال لية ما تصرح
\*عرض حياة أسري تانيين للخطر بقصر نظرة في تصريحاتة ضد حكومة الجنوب اللي أطلقت سراحة...وبروايتة المتضاربة والناقصة ومبتورة...القروش ما جاب سيرتها نهائ..المرة جاية ناس الحركة حيفكرو في أسراانا كعبء إداري...والعجب كان مشي العمليات وأسروة تاني لا قدر اللة حا يقابلهم بياتو وش
\*أكد فرار الجيش وإنسحابة غير المنظم لدرجة إنهم خلووة والجرحي وفكو البيرق وكعد منتظر لية عربية من الجرن....يعني موضوع شجاعة الجندي السوداني المهوولة طلعت فشوش وما تقدونا بيا تاني.....
\* كشف إنة جيشنا دة قاعد في السهلة وفي منطقة عمليات بتكلمو بالموبايل الواحد دة....ياخ وين أجهزة الإتصال المشفرة وغيرة...
\* فتح طاقة شينة في حق جيشنا بخصوص الأسري...ياخ السترة والفضيحة متباريات...وكمان جايب آيات وأحاديث وهو عارف إنة جيشنا دة ما سلم ولا أسير قبل كدة ولا عندهم زاتو وكلام أحمد هارون قاعد وضرب أطفال العدل والمساواة لصقوة ليهم تاني هنا دة
\*بدل ما يبقي قدر كلامة القالو في جوبا بتاع تقارب ورفض الحرب ورسول سلام جي ركب موجة الوطنية ومخلوقات والفرق بين المؤتمر الوطني والوطن وأحمد و حاج أحمد و الأسطوانة المشروخة بتاعتهم....وهو جا تاني لكلام الحرب والرجالة....وبلع كلام جوبا زوت
\*أثبت جهلوا بالعسكرية ومفرداتها ومصر إنة إختطفوة وما أسروة....هم جو وإحتلو البلد وقبضوك و هنضبوك وتجي تقول خطفوك...لقوقك نايم يعني وكفففف وجرو...
حمدا للة علي سلامتك يازول وبقي عشرة علي روحك ....ربنا كتب ليك عمر جديد ماتضيعو ساي وتحسس كلماتك وخطواتك...ورحمة علي من مات في هذة الحرب الفضيحة
Post: #152 Title: Re: قصة اختطافنا من مستشفى هجليج Author: nabielo Date: 05-16-2012, 12:05 PM Parent: #151
Quote: دا البوست .. وبتلقى مداخله ليك .. والاكتشاف بتاع الملف دا .. تم بواسطتي .. ومكي من وقتها قعد يشتم ويطول في لسانو .. اغرب حاجة زول مفبرك ليهو ملف زي دا وما بعيد ماخدين فوقو كم واللا ماكلين من وراهو شنو .. بدل يعتذر يجي يطول في لسانو
باللينكات الجبتها دي اثبت انك انت الكضاب اها خشيت البوست و لقيت اني وضحت لي مكي انو الفيديو تعذيب لاطفال في العاصمة و الاطفال ديل المسميين في العاصمة بالشماسة من اصول دارفورية وما عندهم اي علاقة بالهجوم الحكومة اتخذت هجموم المرحوم خليل ذريعة للانتقام بمن لهم اصول دارفورية
قلت لي
Quote: الغريبة نفس الملف دا جابو مكي .. مكي الناشط الدارفوري .. وكاتب عليهو كلام عجيب ما معناهو انو الجيش السوداني اعتقل الاطفال في قرية دارفورية اسمها شنو كدا ما عارف .. وقام بتعذيبهم بالطريقه دي .. انت حضرتك يا بتاع الفلنه الصفراء .. مالك ما جيت جبت ليهو الملف دا وقلت ليهو دا بتاع اسرى امدرمان ..؟
اها يا شاطر انت بتناقض نفسك بي نفسك تقول لي ليه ما وضحت لي مكي الحقيقة و براك تجري تجيب اللينكات و تثبت صحة كلامي واني وضحت ليهو
و قصة الفنلة الصفرا دي لحدي حسع ما ازكرتها بالله اجري جيب ليك كم لينك وكم كابشر كدا عشان نعيد الزكريات و نتسلي بيك شوية لانو ما عندي وكت افتش في الارشيف
و بالمناسبة بما انو جات سيرة الصورة و الفنلة الصفرا انت شكلك بيدل انك من غرب السودان فما عارف السبب البخليك تدافع عن حكومة بتقتل في اهلك ؟ مافي تفسير الا تكون ناكر لي ذاتك زي ما بقول حبيبنا بشاشا
Post: #153 Title: Re: قصة اختطافنا من مستشفى هجليج Author: jafar hashim Date: 05-16-2012, 12:10 PM Parent: #151
يا اخوانا عندي سؤال محيرني وحنبني عليه كل شهادة الأسير دكتور خالد دا: هل هو خالد حسن بتاع كلية الطب (أمير منطقة بحري) الذي انتقد الكيزان وكتب عنهم الليالي البرتقالية وهاجم غرفته الكيزان لضربه بالسيخ بالليل لكنهم لم يجدوه؟ وقفلت الجامعة بسببه؟؟؟ ا|لإجابة على هذا السؤال تكشف الكثير من الغموض بين السطور في هذه الشهادة؟؟؟؟
Post: #154 Title: Re: قصة اختطافنا من مستشفى هجليج Author: عبدالكريم الامين احمد Date: 05-16-2012, 12:22 PM Parent: #153
Quote: انا ما خلصت معاك يا كيكي .. لكن اسمح لي اطلع وبجيك خاشي في اي لحظة
هلا يا تمبس وهلا يا حضور في ارض البوست من جيش وملكية
Post: #155 Title: Re: قصة اختطافنا من مستشفى هجليج Author: معاوية المدير Date: 05-16-2012, 01:08 PM Parent: #154
Quote: "نهبوا كل شيء منا، ما عدا إرادتنا وإيمانا بقضيتنا"... هكذا قال الطبيب خالد أحد الثلاثة عشر أسيراً الذين تسلمتهم السلطات أمس عبر اللجنة الدولية للصليب الأحمر بمبادرة مصرية،
Post: #166 Title: Re: قصة اختطافنا من مستشفى هجليج Author: محمد فرح Date: 05-16-2012, 04:21 PM Parent: #155
ضابطنا البطل دكتور خالد أو (جمكس) كما يحلو للإخوه مناداتك حمداً لله ألف على سلامتك وعودتك لحضن الوطن الغالي وحبابك مليار في سودانيز أون لاين وشكراً لهذا التوثيق الذي سيبقى مابقي الدهر قصتك تعتبر درساً سيدرس وستكتب بخطوط من ذهب في تاريخ أمتنا الخالد الحركة الشعبية أرادت أن تختال كذباً للعالم بأنها تحافظ على الأسرى لهذا تم إطلاق سراحكم ولولا فضل الله وضغوط الدبلوماسيه المصريه وبعض المنظمات لما من الله علينا بعودتك الميمونه الجميع يعلم قبح دواخلهم وحقدهم الدفين وتعاملهم القذر وغدرهم في الحروب لكننا إنتصرنا بفضل من الله وبدماء رجال نصروا الله فنصرهم أرجو أن لاتلتفت للغوغائيه والحاقدين وشكراً مرةً أخرى لهذا التوثيق الهام
مؤونة عشرة أعوام من الود
Post: #181 Title: Re: قصة اختطافنا من مستشفى هجليج Author: مجاهد عيسى ادم Date: 05-17-2012, 00:21 AM Parent: #155
الف حمد الله على السلامة يا سعادتك . بس السؤال البشغلني انت والجياشة دي مالهم بقو صحتهم كدا كويسةرغم ظروف البلد الطين وملس وخاصة في العمليات؟ثانيا اها من المفروض ان العسكري كرشو ما تبقى كبيرة لامن يتنذر عليه الاعداء على قولك احدهم فيك (كرشك دي بنسويها شية ) اها كدا طمعت الاعداء في لحم الجيش السوداني الكان قبل الانقاذ(مر وقوي ) ما بتاكل
واخيرا قصة القروش دي شنو ؟يعني انت بالاضافة لراتبك قابض ما يعادل كم ؟والعملة واضح اب صلعة البقى سعرو في السودان كم ؟ما معروف
المهم :- وبالجد اشكرك لانك تعطيني امل بان الجنوبين كرماء ولا مانع لديهم بالوحدة السودانية بعد زوال المؤثر ..ويا اخي لا تلتفت للشماتة بتاعين سودانيز اون لاين ارجوك ثم ارجوك حاول تزيل الصورة المغلوطة للاخوة في الشمال عن شخصية الجنوبين وحتى ناس الحركة الشعبية بانهم ملائكة في نسنيانهم لكل الغبن والاساءة والاهانة التي وجدوها من بعض الجهلاء امثال خال الريس ارجوك يا خالد وارجوك ومتاكد سيغفر لك الجميع حتى الحيكومة التي ستعاقبك لانك افشيت سر دفين بهروب الجيش من المعركة و انت ذاتك لو لقيت طريقة او ساعدك جسمك (يعني لو كنت زي الجياشة الما مؤتمر وطني ) كان قدرت كان طعنت تراب (ومعناها جريت زيك وزيهم)..والله ما عيب دي كانت اهون من فضح الجميع .. لك ودي وانت تناضل من اجل تصحيح الصورة للشعب السوداني ان الجيش (زادو موية) وان الحرب (ما مجدية) ولعن الله السبب وعليك الله تدعو معانا تغور الحكومة دي وترجع المياه لمجاريها ..تخيل معي وانت تسقبل الذي اطلقو سراحك وعاملوك كاخ كريم و حتى عدت الى امك سالم غانم واممممممممممممممملس سوف لن تنسى ه1ذ ا الجميل صدقين انا الشعرتو في شخصك انك ود ناس ومربى صح وفي امل تتصلح وتخليك عسكري سوداني وتنسلخ من الكيزان دي بيجيو الهوى وكراهية الناس لك انت انسان جواك حلو والله يعلم حتى برى كمان حلو واخو اخوان الله يخليك
Post: #156 Title: Re: قصة اختطافنا من مستشفى هجليج Author: tmbis Date: 05-16-2012, 01:10 PM Parent: #154
عووووووووووووك يا كيكي .. انا كلامي زي ما قلت ليك ما بكمل والكلام البكتب فوقو ما هي مرافعة عن خالد فهو اجدر بي انو يدافع ويترافع عن نفسو وعن منظومة الوحدة التي ينتمي لها .. وانا والله لو كنت عسكري ما ملكي زيي زيك كدا .. كان جيت داخل ليكم هنا دا بي (بيرق) حقي براي اغزو ليكم هنا دا في نص البورد دا .. والعايز يتكلم كلام ملكية بي ادب واحترام برحب بيهو والعايز يخرمج .. برضو برد ليهو .. .. عوووك لاني طلعته من البورد .. وبجي في اي لحظة لذلك .. اكتب كلامك ورد على البترد عليهو ، اصلو عوجه مافيشة .. بس ركز لي على المسالة بتاعت شنو البمنع خالد دا يجي يكتب هنا .. ولو عندك قانون واضح في القوات المسلحة او الشرطة بمنعو جيب لي فقراتو اول حاجة قبلما ترد علي اي شي .. لانو حسب ما لاحظت في بداية كلامك انك عايز الزول دا يسلم شاراتو ويرجع ثكناتو وما يقول بغم فيما يتعلق بي موضوع الاسر الاتعرض ليهو في تجربتو الطرحه هنا ..
اقوليك حاجة ؟: عوكييييييين عديل كدا
Post: #158 Title: Re: قصة اختطافنا من مستشفى هجليج Author: معاوية المدير Date: 05-16-2012, 01:24 PM Parent: #156
Quote: ذكر خالد حسن أحمد، قائد السجناء المحررين، أنه "سعيد الآن... (لأنني) عائد إلى وطني وسأعاود أداء واجباتي في الخرطوم". وأضاف أنه سيعود إلى الجيش "لإنقاذ البلد".
Quote: عبر برنابا ماريال، الناطق الرسمي باسم حكومة الجنوب، عن ضرورة تسليم الأسرى لتخفيف التوتر وتعزيز السلام والتعاون بين البلدين.
طيّب يا خالد ما كان تسير في نفس الخط بتاع برنابا ماريال دا. في أحسن من نهج الحوار وتعزيز السلآم، والتعاون بين البلدين ؟؟؟
Post: #159 Title: Re: قصة اختطافنا من مستشفى هجليج Author: أسامة عبد الجليل Date: 05-16-2012, 01:49 PM Parent: #156
Quote: فسيجد عندي نارا" تأكل قلبه المريض
نار وين تاني يا دكتور؟؟ إنت النار ما خليتها هناك وراك.
الواضح إنك لا بتاع نار لا شدايد حقو يعملوا فيك معروف ويحولوك
التوجيه المعنوي ، شايف مهاراتك في الجانب ده ما بطالة..
عندي أسئلة في كلامك القلتو ده شايف فيه تناقض حول حديثك عن إخلاء آخر جريح وآخر مريض
كأنك نسيت أنو روايتك بتقول
Quote: و بقيت بالمستشفى و لم يك بها غيري . . . و خمسة مرضى و مرافقيهم الخمسة و ممرض واحد . .
هل المستشفى كان فيه مرضى ولا أخليتهم كلهم؟؟
أنا ما عشمان إنك تجاوب على سؤالي ده وعافي ليك لوجه الله
المهم سلامتك يازول.
Post: #157 Title: Re: قصة اختطافنا من مستشفى هجليج Author: اسماء الجنيد Date: 05-16-2012, 01:22 PM Parent: #149
سلام يا دكتور وحمد الله على السلامة
Quote: ياعمك هناك عدة نجيضات 1-جنابو خالد ده يعمل خلف دور ويسلم الباصوريد ه ويرجع الثكنات 2-او يمشي يسلم الكاكي والدبابير دي ويجينا ملكي وساعتها من حقو يعبر عن ارائه بعيدا عن الجيش الذي هو ليس بجيش تنظيم محدد (وده في الاحوال السوية) وليس كما هو الحال
الشكية لي الله ما بتخلوا ليكم زول يتوهط في نص العنقريب ضمة
نان خليتو يتهنأ بي ؟ ما هبيتو فيهو من قولة تيت .. والله صحي
Quote: هل وضع الرجل هذا الحبل المتين في جيبه ... ام ماذا وضع يا دكتور ؟؟
بري يا يابا منك بري . القصة الفوق مش بتقول حبل ؟ سمح اللولوة لزوما شنو ؟ عالم شعارها زنقة زنقة ,, والله صحي
Quote: حديثك الاول الذي تم في جوبا كان كلام ايجابي ورافض للحرب وداعي الطرفين لاعمال صوت العقل وياليتك ثبت عليه فكان حديث في جوهره دعوة للسلام ورفض الحرب وكلام عقل ومنح فرصةالحياة لكثيرين مثلك من ابناء الشمال والجنوب ممن يتواجدون في مناطق الاشتباك... ولكن وفي حضورك الي الخرطوم غيرت الموجة 180 درجة وركبت جياد التشدد مرة اخري وطمبجت القصة طمبجة السنين..
في دي يا دكتور كيكي العكليت معاه حق , والرجل كلمة , وكنت تركز على قول ود الباوقة على كلمتك الأولي الإحترمك فيها الجميع ، وتغيير الرأي في ظروف زي دي بفقد المصدقاية تماما
Quote: حسب علمي انك لاتزال ضابطاً بقوات الشعب المسلحة وبالتالي
لايجوز لك الكتابة في هذا المنبر او حتى في الصحف وماتقوله
او تكتبه يعتبر رواية رسمية تعبر عن قوات الشعب المسلحة
اترك امر هذه الحادثة لترويها بعد تقاعدك للمعاش بعد عمراً طويل ان شاء الله
اخوك الكبير نقيب شرطة معاش من سنة 1997م عمر محمد عثمان
يا جناااااابكو إت تتعلا يا يابا ما تدلا عارف يا ابو عبد الرحمن لو لقينا منك 10 بس فاهمين قانون الشرطة والجيش كان البلد ده انعدل حالو زمااااااااااان والله صحي
Quote: نشكر الرائع إذ لولاه لما عرفنا بهذا البوست الماتع ؛) ___ أسير الغرام يا قلبي قبضوك الحبايِّب؟ والحبايِّب هم أخوتنا في جنوب الوطن ؛)
إت يا يابا يقع فيك العدو المو صليح ,, والله صحي شوفوا لينا الآدمن يا ناس يراقب اب تفة والكونت ومن لف عممهم
Quote: إنت قايلو زي ود الباوقة شهيد بالوكالة!!
هسه ود الباوقة ذنبوا شنو يا أخواني ؟ بالوكالة برضو احسن منك يا عمك قاعد حارس لي الريال الطار ,,
Quote: الباسوورد دقسة كبيرة
نصيحة متأخرة يا عكاشة ياخ ,
Quote: حين قال الشاعر: يا أب دقناً تحت الكاب والإفكـ رباط البوت كان يعنى مثل هذا
أها النجيضة جابها ليكم ود جبر الله ,,, ناس ما بتتلفت للنضمي ، والله صحي
Quote: وعلى نفس سياق ملكاتك الدينيه ومعها الادبيه فى الشعر اليك بقول الامام الشافعى
إذا رمت أن تحيا سليماً من الردى **** ودينك موفور وعِرْضُكَ صَيِنّ
لسانك لا تذكر به عورة امرئ **** فكلك عورات وللناس ألسن
وعيناك إن أبدت إليك معايباً **** فدعها وقل يا عين للناس أعين
وعاشر بمعروف وسامح من اعتدى**** ودافع ولكن بالتي هي أحسن
حين يأتي محمد زكريا الرجل النبيل , اصطفوا يرحمكم الله واسمعوا الحكمة من افواه الحكماء
Quote: يا جماعة انا شايف قصة المائة دولار الادوها ليه واستلمه زى الضب ماوردت هنا واللا الزول ده بحكى عن اسر تانى غير السلموه فيه المائة دولار؟؟
يا زول هوي ها ما تخرب الرصة بالله غير إسمك ده ولا من الليلة بنسميك الموج الأزرق , والله صحي ما سمعنا بي موج أحمر نوهااااائي والله صحي كفاك إسمك الأولاني وإسم ابوك , الجد ده حقنا برااااااااانا والله صحي
Quote: طيب اين اسرى الحرب بطرفكم ؟!!! منذ 1955 -2012 توجد اسرى حرب اين هم؟ ما مصيرهم؟!!.
تاريخك قوي يا جوك والله ,, بعدين التاريخ ده بعيد شديد ياخ , كدي باركها ونقص المدة شوية
Quote: أنا ما عارف أنت كنته متوقع يدوك شربات ليمون ولا شنو لما مسكوكـ؟
اها جاكم ود البشاري طاااااائر سداري ،، والله صحي إت شربات الليمون ولا العكارة خلهن , دحين في داعي تهدر بندويث بكري كدي وتشيل وتلصق في كلام الضيف ؟؟؟
Quote: التوجيه المعنوي ... كله جاء منبر بكري ... والله ده خريف ابو السعن زااااااتو
خريف قضارف قلت لي ,, والله لكن حكمتو باااالغة
Quote: ياسر و الكونت و عوض, ضحكتونى لمن عيونى دمعت. و بالمناسبة, تصريحات الملام فى جوبا عجبتنى جدا و اعتبرتها شجاعة, و قلت لنفسى ربما نسبة للكاميرات الكانت موجودة. و الملازم يتكلم عن صغر مطار جوبا و البنية التحتية و خريج جامعة جنوبية و ما يعرف شئ عن الجنوب? غايتو,
إنت ماك عارفهم ديل مسخايت يا زكريا ياخ ,,, بعدين إنت زاتك تدمع ليه , ياخ الضحك اب دموع ده خليهو لي التقيل الجاي ورا ,, بعدين إنت زااااااااتك شمات أنا عارفاك وقاعد لوج وتتفرج بي مزااااج ,, والله صحي بعدين ياخ ما تحكها شدييييد كده لامن تجهجهو الضيف
Quote: أووووه سيدنا خالد شخصيا
اها هنا بتعمل لي بلوك برضو ولا بتعمل شنو .
إنا لله يا ياسر مكاوي , ضيقتوا على العالم في جيهات النت الأربعة منكم خووووف يا يابا ,, والله صحي
Quote: خالد ... حمد لله على سلامتك ومن معكــ... ً"إنا غايتو ما عندى ليك سؤال..الا بعد ما ترُد ... على الناس ديل !
الملك يا خوي هو الناس خلوا ليهو جنبة يرقد عليها ؟ النبي فيك كفاهو خلاص , ارحموا من في الأرض يرحمكم من في السماء
Quote: غايتو ما عجبني ليك يا بكري ابوبكر ... تسحب مداخلات الحيط المايلة ... (انا و واحد تاني هنا ما متذكرة منو) مع انو أنا مداخلتي كانت لطيفة والله مقارنة بالحاصل.... ..شمتانه شديد ^__^
و لوعارفاها بتتسحب كان نسختها لكن احاول اتذكر ..
رشا النبي مسحها ليك اب صلعة ؟؟ مسحوها وكسحوها وما خلوها تفرفر .. بري يا يمة بري بري
Quote: و الله كلامك ده خلاني اضحك لمن دموعي جرن..
يا انور آدم يا خوي مالن دميعاتك إت وزكريا جوزيف قريباااااااات في طرف الرموش يا جماعة دموع الرجال دي ما بتهون علينا تــــــــــــــــب ,,,والله صحي
Quote: نصيحة لوجه الله يا خالد احسن ليك تبعد من المحل دى
عمر دفع الله يا خوي المحل دي هينة ، الله يستر عليهو من ريشتك الطرشا ديك ، والله صحي
Quote: يا زول حاشاك الإنتساب لجهة غير الوطن. هسّع في زول قال عليك مؤتمر وطني ؟؟؟ ناس المؤتمر الوطني ديل زاتم ما ولآد البلد. إنت قايل شنو !!!؟ كل إناءٍ بما فيه ينضح. والله صحي.
اها جو الناس البداقروني في حليفتي ،، والله صحي ,
Quote: والله غلطان يادكتور ؛كونك تجي تتناقش مع طيور سودانيزاونلاين!!!
طيور عديــــل كده يا بشير يا خوي ,,!!!! بس إن شاء الله ما نكون طير الرهو ،،، خلينا الطيور المهاجرة رضيانين تب ,
الطيور على اشكالها تقع ,, والله صحي
Quote: ياخي دي كمية من " الأنا " و " عجب الروح " محزنة انا شخصيا متنازل عن نصيبي من الحوار و الاسئلة لكيكي و ياسر طيفور. انا قنعت
يا حمور لازم تقيف في الطابور مافي ليك مخارجة تب , هو دخول بوستات سودانيز زي الخروج منها ؟؟؟
Quote: اها الحصل شنو ياجماعة
هاك الشمار ده . الكونت انقرع ياخ
حوش بكري ده غايتو بذكرني الطاحونة في الحلة وسط الفريق فيه الحاجة والحاج وست التسالي وسيد اللبن وسيد الطاحونة زات نفسو والولد بي طبليتو وسيد العيش ( الرغيف ) وكوم جزارة مجازف من باقي كرعين غنماية وكم موظف جايبين دقيقهم وعربية المواصلات سنترها الطاحونة دي جاية تخم الحريم الأستبالية وبيت البكا ده غير الطيووووور البتجي ترك للعيش من ود اربك وعشوش ده كلوووووو قاعد يتونس وينظر في الطاحونة دي صحي عالم اسفيري ووطن من لا وطن له زاتو إنعل ابو الحرب زاتها احبكم جميعا في الله ولله .. والله صحي
Post: #160 Title: Re: قصة اختطافنا من مستشفى هجليج Author: الفاتح سليمان Date: 05-16-2012, 02:47 PM Parent: #157
Quote: حوش بكري ده غايتو بذكرني الطاحونة في الحلة وسط الفريق فيه الحاجة والحاج وست التسالي وسيد اللبن وسيد الطاحونة زات نفسو والولد بي طبليتو وسيد العيش ( الرغيف ) وكوم جزارة مجازف من باقي كرعين غنماية وكم موظف جايبين دقيقهم وعربية المواصلات سنترها الطاحونة دي جاية تخم الحريم الأستبالية وبيت البكا ده غير الطيووووور البتجي ترك للعيش من ود اربك وعشوش ده كلوووووو قاعد يتونس وينظر في الطاحونة دي صحي عالم اسفيري ووطن من لا وطن له زاتو إنعل ابو الحرب زاتها احبكم جميعا في الله ولله .. والله صحي
سلامات ياسماء الجنيد متعة يا اسماء قصة الطاحونة دي والله تصوير سريع جميل اسود وابيض بس
Post: #161 Title: Re: قصة اختطافنا من مستشفى هجليج Author: آدم صيام Date: 05-16-2012, 02:52 PM Parent: #157
حمداً لله على السلامة يا ولدي
الواجب الأخلاقي كان تشكر حكومة جنوب السودان لأنها (أحيتك) وتنفر من جيش التركية السابقة الذي أراد لك التهلكة! لكن الطبع يغلب التطبع يا ولدي
جيش الجنوب السكران ومسطل ده كيف الله وقف معاه لدحر الأيادي المتوضئة والجباه المغررة! أوع يكون متأثر باختلاقات القذافي: محشششين مسطلين لما حشروا له العصا –اللهم لا شماتة- بثك لآي الذكر الحكيم هنا مجافي تماماً للحقيقة والموقف الشخصي الذي مررت به، اللهم إلا إذا كان بتعتبر نفسك الرسول الكريم زاتو.
إنت يا ولدي في كونتينر (الكونتتنر ارتفاعها 7 قدم) وانعدام الأكسجين، كيف تفسحت في شوارع جوبا وقرأت الوجوه الكارهة للشماليين وتمعنت في الصحف اليومية وتفرست في لوحات السيارات لدرجة عرفت البني قينقاعية الصفيقة من الرومية المتفسخة؟
غيتوا جيتك من العصر الإسلامي الأول لحدة هنا دي أنا برحب بيها لكن الزمن اختلف والقراءة اختلفت لدرجة أن الطبيب الحقيقي لا يمكن أن يكون كوزاً البتة لأن الكوز عديم الإنسانية والخلق والطبيب في الضفة الأخرى تماماً.
مفهومك للتراب مجوبك وكمان واقعة ذات الهجاليج فهمك ليها فطير شوية.. لأن الحكومة العنصرية في الشمال هي التي بدأت بالحرب ولم تنفك حتى اللحظة من الاعتداء على حدود الدولة الوليدة بل خلقت لها عدة بؤر متوترة في جنوب كردفان والنيل الأزرق. هل تدري كم عدد المرات التي انتهك فيها جيش التركية السابقة حدود الجنوب وقتل البشر قبل معركة ذات الهجاليج نفسها؟؟؟ إذا جاوبت على السؤال عاليه وفيك ذرة من عقل يمكنك إدراك الموقف بصورة جلية.
غايتو ربنا أكرمك بالأسر ده -ولا أدري أثواب جنيته أم احتبار دخلت غماره ولم تستفد منه- لكن أظنو – وبعض الظن إثم- هذا آخر عهدك بالأضواء والإعلام المعنصر.
حمداً لله على سلامتك مرة أخرى
Post: #162 Title: Re: قصة اختطافنا من مستشفى هجليج Author: Mahjob Abdalla Date: 05-16-2012, 03:23 PM Parent: #157
Quote: لي عودة بإذن الله لأروي ظمأكم
احسن ليكم تتخارجو يا طيور قبل ما يجي الزول ده و يروي ظمأكم
Post: #163 Title: Re: قصة اختطافنا من مستشفى هجليج Author: اسماء الجنيد Date: 05-16-2012, 03:37 PM Parent: #162
Quote: سلامات ياسماء الجنيد متعة يا اسماء قصة الطاحونة دي والله تصوير سريع جميل اسود وابيض بس
حباباك ود ابوي سليمان
نحن مانا ناس بندر يا يابا نحن اهلك أهل العوض ناس ابيض واسود سااااااي التصاوير الزي دي لازما ولا بد تكون ابيض وأسود , عشان الألوان ما تطمسها , والله صحي
تعبيرك إنت زاتو بديع يا خوي , تسلم يا العشا
آدم الحنين ود الجروف والطين كيفنك يا ود عمي صيام ليك القومة والسلام وحات الله ورسول مكة مداخلتك دي حقو يدرسوها للشفع في المدارس ،عشان من صغرهم يقوموا عارفين الواجب ياخ دي بي ربع سودانيز الأخير ده كلو ,, الله يعدلا عليك وين ما تقبل يابا
Quote: احسن ليكم تتخارجو يا طيور قبل ما يجي الزول ده و يروي ظمأكم
يا محجوب يا خوي برانا روينا ظمأنا نحمد الله من الطملة القدام طاحونتنا ,,, والله صحي
Post: #167 Title: Re: قصة اختطافنا من مستشفى هجليج Author: Yassir Tayfour Date: 05-16-2012, 04:22 PM Parent: #163
Quote: لو أن الله سخّر لك سيارة ساعتها لأراحنا من ذلك كله!
يا صلاح الدين، "لو" تفتح عمل الكيزان ؛) ___ أحي يا برج الفاتح ؛)
Post: #164 Title: Re: قصة اختطافنا من مستشفى هجليج Author: محمد حيدر المشرف Date: 05-16-2012, 03:44 PM Parent: #162
Quote: لي عودة بإذن الله لأروي ظمأكم
صبرا آل كيكى وبقية الطيور .. سيروي ظمأكم حتى تقولو بس ! ..
Post: #165 Title: Re: قصة اختطافنا من مستشفى هجليج Author: Elawad Eltayeb Date: 05-16-2012, 04:09 PM Parent: #164
غايتو البوست ده بيثبت 3 حاجات:
إنو الجياشة بقو يكتبو في الفيسبوك والمنتديات بلبسهم وألقابهم الرسمية وما عارف ده تطور ولا لأ
وأنو الحركة الشعبية أطلقت اسراها - ودي حاجة إيجابية لمستقبل العلاقات بين الشمال والجنوب
لكن الحاجة التالتة والخطيرة هي التالي:
Quote:
و بذلك الوقت كان الجيش قد أخلى المنطقة . . .
ودي اقترح إنو اب صلعة يدي الصوارمي باسويرد عشان يرد عليها.
Post: #169 Title: Re: قصة اختطافنا من مستشفى هجليج Author: محمد فرح Date: 05-16-2012, 04:57 PM Parent: #165
كتبت مداخله طويله عريضه في صفحة 2 لكن للأسف (إتهرست) مع المداخلات البتظهر مجوبكه بآخر الصفحه ما أود قوله أولاً حمداً لله ألف على سلامتك ياسعادتك ووالله وطن فيو رجال زيك حرّم الحبه ماتجيهو البطل الملازم طبيب خالد حسن أو (جمكس) كما يحلو للإخوه مناداتك شكراً لهذا التوثيق الذي سيظل مابقى الدهر وسيكون نبراساً للأجيال القادمه هذه القصه فخر لكل الاطباء ولكل رجال القوات المسلحه بل ولكل سوداني فقد رفضت الإنسحاب والتخلي عن مرضاك وإنها وربي لقمة الشجاعه والتفاني في تأدية الواجب الحركة الشعبية فصلت مسرحية حست معاملتكم خوفاً من الإعلام الغربي ولإظهار نفسها بمظهر الحمل الوديع وهي التي إعتدت على أرضنا ووطننا وقتلت وسحلت وخربت وبعد ده كلو يأتي بعض الحمقى معدومي الوطنيه ويقولو لابد من شكر الحركة الشعبيه على إعادة خالد كيف بربكم أشكر لصاً إقتحم بيتي وسرق أحد أبنائي ثم أعاده لاحقاً
تاني حمداً لله ألف على السلامه وحبابك ألف وشكراً على التوثيق
مؤونة عشرة أعوام من الود
Post: #168 Title: Re: قصة اختطافنا من مستشفى هجليج Author: Haitham Elsiddiq Date: 05-16-2012, 04:35 PM Parent: #164
يروينا أكتر من كدي كيفن يا حكصة ياخي
واللة إلا يغرغروة لينا بعد دة
إنت يا العوض الجيش دة أخلي المنطقة يعني شنو
عرد يعني ولا كيف
Post: #170 Title: Re: قصة اختطافنا من مستشفى هجليج Author: Yassir Tayfour Date: 05-16-2012, 07:12 PM Parent: #168
الزميل الأسير ملازم أول طبيب خالد بخصوص الدولار أبو صلعة المرفق في الصورة العرقانة أعلاه، وطالما الزميل الأسير ظل يبتزانا بالوطنية ، نسأله، كيف حوّل الدولارات الأمريكية الكافرة والنصرانية أعلاه إلى جنيهات سودانية مسلمة؟ هل تمّ تحويلها بسعر الصرف الذي حددته دولته الرسالية، ولّ حولها بسعر السوق الأسوّد ؟ ولماذا؟ ___ خلي واحد يجي يقول لي سؤالك ده إنصرافي ؛)
Post: #171 Title: Re: قصة اختطافنا من مستشفى هجليج Author: بركات بشير نجار بشير Date: 05-16-2012, 07:44 PM Parent: #170
الواجب يلزمنا بان نقول لك حمدالله على السلامة بس ماكتبته انت باسم "تجربتك" لاعلاقة لها بزول عسكري ينتمي لقوات الشعب السملحة السودانية المعروفة قبل انقلاب 89. ظن فرع التوجيه المعنوي ان الملازم دكتور خالد بطل في عيون السودانيين منذ ظهورة اسيراً في وسائل الاعلام لذلك اراد ان يستفيد من منه عبر بث بعض سمومه الذي ظل يبثها مستفيداً من اي موقف انساني او وطني، كما نرى الان حملة جمع التبرعات التى لم تتوقف عبر كل الوسائل لمليشيا الانقاذ الوطني. ولم ينسى خالد ان يصنف السودانيين الى يسار وحاقدين ونجمة لينين ودرس لا وجود له في واقع المليشيا التى ينتمي اليها عن حقوق الاسرى في الاسلام وبقية الاديان. كنت تكمل مواقفك البطولية وبعد ما تخلي الجرحى والمصابين من المستشفى تشيل كلاشك وتدافع عن ارضك حتى تسقط شهيداً، طالما انت لست مصاباًوبامكانك استخدام الكلاش، فكما تقول انت بانه تم "اختطافك" وانت عسكري داخل ارض سودانية انت مسؤول عن حمايتها، والخطف لعسكري اكثر ذلاً ومهانة من الاسر.
Post: #172 Title: Re: قصة اختطافنا من مستشفى هجليج Author: عبدالكريم الامين احمد Date: 05-16-2012, 09:09 PM Parent: #171
هلا وها قد عدنا الي مراتع الدروة الاسفيرية
ومرحب ياتمبس ويا تمبس خليني اجمل حديثك وكلامك كلو في النقاط الاساسية ادناه -الكبشر بتاع (عالم جبنة) 2-قانون الجيش واللوائح العسكرية 3-البريقيت والمجموعات المسلحة الاخري 4-اخري.... وح وابداء ليك من واحد واشوت
Post: #173 Title: Re: قصة اختطافنا من مستشفى هجليج Author: ياسر مكاوي Date: 05-16-2012, 09:34 PM Parent: #172
لو تنتظرون ردا من خالد فستنتظرون كثيرا فهو في الغالب لا يقرأ لكي يرد
كتب احدهم له في حائطه في الفيسبوك الأتي
Quote: حمدا لله على سلامتك عندي خال مفقود اسمه حامد الضيف من فرسان المسيريه لو تعرف عنه شى ادينا خبر ولك التحية
فكان رد خالد حسن هو ان داس على Like
وخلاس
_________ الله رد غربه الخال حامد
Post: #174 Title: Re: قصة اختطافنا من مستشفى هجليج Author: عبدالكريم الامين احمد Date: 05-16-2012, 09:42 PM Parent: #172
Quote: -الكبشر بتاع (عالم جبنة)
1-نعم ياتمبس (جبنة) وجنبة اووووي كمان فلمن ضابط والضابط من الرتبة السنير في العسكرية يصرح بتصريحات في ارض العدو وبمجرد حضوره الي الخرطوم يصرح تصريحات مناقضة فهو الجبن بعينه...فالعسكري المحترف ذو دراية وتدريب كافي وكامل بكل السنياروهات المحتمل حدوثها له وهو في الخدمة العسكرية بما فيها (اساليب التعامل اثناء الاسر والافادات التي يطلقها سوي كان للعدو او للاعلام ) لانو اي خلل في الحكاية دي باثر علي النفسيات بتاعة جيشك ويمكن للعدو استغلالها للحد الاقصي وخاصة اذا كان العدو عارف شغلو الاستخباراتي والتوجيهي وعارف هو عاوز منك شنو كاسير...وفي الجانب الثاني مثل هذه التصريحات المتضارية المرتبكة بتعمل (ربكة) في جيشك وفي شعبك ..واهو اجيك انا اقول (جبن) ويجي غيري يقول (تكتيك) وغير يقول (العسكرية تصرف) ويفتح باب لعدم الثقة في مهنية الجندية السودانية... وحتي خالد بعضمة كيبوردو ذكر..بانه يقول قوله ذلك وفي باله الحرب خدعة... وفي ذلك بالمناسبة اشارة مهمة ومعلومة اهم لاي جهة استخباراتيه عاوزة تعرف الكثير عن التعامل مع الجيش السوداني عند الحروب ومنهج سلوكيات (الاسير من الجيش السوداني) ...وعشان الحرب حكاية منظمة وعلم عديل كده فمن باب اولي ان يكون في ذهن الاسير السوداني (توجيهات وتدريبات واساليب) معينة مختوتة في مخيخو الايسر والايمن الاثنين وتكون سرية وسرية جدا وما بعرفها الا الضابط او الجندي... والعسكرية جوهرها وكلو الكمونية بتاعتها قايمة علي التعليمات اسرررروك يا شخص التعليمات والتوجيهات بتقول 1-اعمل كده 2-قول كده 3- ماتعمل كده 4-ماتقول كده..
وسنعود
Post: #175 Title: Re: قصة اختطافنا من مستشفى هجليج Author: عبدالكريم الامين احمد Date: 05-16-2012, 10:11 PM Parent: #174
Quote: 2-قانون الجيش واللوائح العسكرية
1-قانون الجيش يمنع منع بات للعسكري السوداني التعاطي مع العمل السياسي وخالد زااتو بعضمة لسانو وفي اطار نفيه لتعاطيه للسياسة وفي هذا البوست ذكر بان في تعاطيه للسياسة يعني ان مكانه (الدروة ورصاصة خسارة فيه) فهو كضابط يدري جيدا خطورة العمل المنظم والتعاطي السياسي داخل الجيش وعقوبته الصارمة ولكن علي ارض الواقع الكلام ده في الاوراق وفي القوانين المتربسة فالجيش الان مؤدلج وفيه تنظيم يتبع للحركة الاسلامية وهو الاعلي صوتا والمسيطر علي كل الدمعة والزبدة بتاع الجيش والحركة الاسلامية عملت ومنذ 89 علي تفريغ الجيش من كل الكوادر الغير موالية بالتشريد واخريين بالتصفية(راجع شهداء رمضان) وضخت في الجيش كوادر يتم اختيارهم بعناية فائقة بين صفوف المنتمين للحركة الاسلامية..فعشان كده بقي عندنا جيش لمن يتكلم فيهو (ضابط) زي خالد او الصوارمي سعد ده مابتفرق كلامو من كلام(البشير) او (نافع) ..مع انو الحالة السوية الجيش لسانو يكون لسان كل السودان بكل ما فيه حتي (اهل نجمة لينين) التي اشار لها خالد بتعريض 2-اللوائح المنظمة لعمل الضابط المحترف لا تتيح له الافادة او التصريح لوسيلة اعلامية مرئية او مسموعة او مكتوبة دون الرجوع الي الاستخبارات لانو اي كلمة تتقال (سمبلة) بكون فيها دخنة ومدخل (للعدو) ممكن يجي ناطي ليك بيها (تاني يوم وفورا) ولانو الاستخبارات العسكرية هي الجهة العارفة المفروض يتقال شنو وما يتقال شنو ومتين وووين ووكيف...نحن هنا امام (حالة بتاعة ضابط) رسسسسسسمي ولابس بوري فيهو صقر جديان وجاي (منبر نقاش) يعني بسهولة جدا اي خبير اجنبي يشفط الكمونية بتاعة جيشك بسؤال سوالين ونقاش نقاشين ..ولو الباب ده اتفتح حيكون عندك عشرمية ضابط باصوريد وكلا يبكي هواه ينضم زي ما عاوز بدون ضبط وربط وهارموني يربط الجيش ككتلة ووحدة متماسكة ومنظمة في كل جزء من الصغير الي الكبير 3-محذار اخر من محاذير لوج ضباط الجيش الي الحوار والنقاش في الهواء الطلق هو (الاستقطاب) وخاصة هنا في المنبر ده او في اي منبر تاني (النقة) كلها استقطابية ..وكدي قووول ياااخ انا اقنعت وبالحوار وبالمنطق ضابط انو (يرش الخرطوم دي بالطائرات) وما يخلي فيها نفاخ النار..الناس تقول يامنو..؟؟؟ وخاصة انو في تساهل في الضبط والربط والضباط شايلين الباصورديات بيد وماسكين الرصاص بيد تاني...فالمافي شنووووووو..؟؟ 4-قول ياتمبس المنبر فيهو (جيش امريكي وفيهو جيش من الشيشان وفي جيوش الدنيا دي كلها) انت ليييييه واقع ليهم كجيش سوداني بكاكيك ومبين نفسك كعسكري...الحكاية دي بتسهل رصدك ومتابعتك وبتسهل الشغل الممنهج معاك كضابط او كعسكري لو في جهة عاوزة تعمل فيك مصيبة...فالهنا الاحنا فيهو ده منبر حوار ونقاش وممكن يكون مخترق من عدة جهات وما ساحة حرب او معسكر دشمان عشان تجي نازل بيهو بالكاكي والدبابير ...محل زي ده بنزلو فيه باساليب استخباراتيه وجاسوسية ومنظمة ومرتبة ..والسودان ده ما بمشي لقدام لعمل اعتمدنا علي (الورجغة) والعييييك عاااك عوضا عن الحاجات المدورسة والمنظمة والاستراتيجية
Post: #176 Title: Re: قصة اختطافنا من مستشفى هجليج Author: عبدالكريم الامين احمد Date: 05-16-2012, 10:28 PM Parent: #175
يتبع علي قولة طلحة تنطير
Quote: قانون الجيش واللوائح العسكرية
النقة الفووق دي عن المحاذير بصورة عامة وخلينا نجي للنقة عن خالد في حالة كونه كان اسير عند (العدو) حسب منهج الجيش... 1-الاسير او اي شخص كان مقبوض عن العدو حربا او سلما ما بجي من الطيارة طوااالي من المطار والي المنابر او الفيس بووك وفورا..لا يا تمبس الشخص الزي ده وللمهنية والعسكرية المنضبطة هنالك عدة ترتيبات واجراات بتتعمل (معاه) بما فيها التوقيف الاداري ومحاولة دراسة والتحقيق والتقصي عن ما جري بالتفاصيل المملة وقبل قبل خبراء واخصائين نفسيين وعسكريين واستراتجيين ويتلمو فيهو البشرية دي وبكل جدية لاستخلاص تطويرات ومعرفة اشياء كثيرة تفيد العمل العسكري..والتيقن تماما بانك كنت عند العدو وتم اسرك بطريقة لست ذات تناقض مع قانون الجيش ولوائحه لانو بالمناسبة الحكاية دي لو ثبت بانها تمت باهمال او تواطو في العسكرية فيها عقوبات صارمة قد تصل الي حد الاعدام رميا بالرصاص.. 2- خالد زاااتو في عضمو كانسان وبني ادم كان عند (العدو) حسب منهج الجيش ولمصلحتو النفسية والصحية يفترض ان يخضع لمعالجة نفسية واطمئنان صحي شامل وتفتيش منكر ونكير صحيا وبعدها يعود لممارسة حياته العادية بعد ما اطمئن الجيش بان الزول ده نفسيا ومهنيا وصحيا (تمام التمام) كونه عائد من ارض الخصم...وما معروف الخصم ده زرع في مخيخو او في جسم اوفي نفسياتو شنووو..!!!
Post: #177 Title: Re: قصة اختطافنا من مستشفى هجليج Author: عبدالكريم الامين احمد Date: 05-16-2012, 11:04 PM Parent: #176
Quote: 3-البريقيت والمجموعات المسلحة الاخري
وهنا ممكن النقة الكثيرة لانو حنشوت القصة خارج المنبر وحنشوت الامور المختصة بالمنبر او كما ورد في كلامك..
- 1-شوف يا تمبس انا شخصيا فاصل مابين (الموسسة العسكرية) كجسم حتمي وضروري ومهم في دولة اسمها السودان احمل جنسيتها ومابين (الجيش السوداني) الحالي الذي هو عندي هو جيش مخطوف ومقرصن زيو وزي سفينة في عرض المحيط لم فيها قراصنة من نواحي الصومال..فالحركة الاسلامية ولاحقا الموتمر الوطني ده لمن جاء بدبابة كحرامي سلطة ذات ليل... او حاجة سرقها قبل ما يسرق الجمل بما حمل هو سرقته للجيش والعصيان علي قوانينه وتعاليمه التي كانت واضحة جدا في قانون القوات المسلحة 1986 والتي تمنع العصيان والتمرد علي قوانين الجيش والقائد الاعلي فيه...وعملها نميري وعملها عبود وكل زول جاااي يعمل انقلاب تاني حيعملها... 2- الجيش بعد سرقته والتمرد عليه في 89 تم جذره وتحويله الي ذراع امني يتبع للحركة الاسلامية يوتمر باوامراها والضباط الماسكين كل الكمونية الحية فيه هم اعضاء منظمين في الحركة الاسلامية يحققون ما تريد ويقمعون من يريدون قمعه من المخالفين لها في الراي وبالمناسبة القصة دي في كل القوات النظامية الاخري من جيش وبوليس وحتي السجون زاااتها....وهنا الجيش اصبح جيش (تنظيم معين)ودخل بكل دباباته للمعترك السياسي ودور في دارفور انتوف وراجمات وارتكب جرائم ليس ضد الانسانية فقط بل ضد قوانين الجيش التي تحرم قتل او اغتصاب المدنين وغيره من الجرائم الاخري... - في الحالة السوية التداول للسلطة بتم بصورة سلمية والجيش مفروض يكون بعيد من الحكاية دي لانو السلطة ده ما شغلو0شغلو حماية الوطن والمواطنين كلهم بالتساوي لانو انت جيش وطن ماجيش حزب او تنظيم من التنظيمات... في مجموعات وناس عاوزين يغيروا الواقع ده لواقع اخر افضل ولجيش وسلطة بمفهوم اخري وفي ادوات لعمل التغييرات دي وفيها التغيير العسكري 0(فما ممكن تقرصن الجيش وترسلو يقتل ليك مخالفينك ومخالفنك يربعو يدهم وينتظروا الموت)لانو جاي من الجيش .. فمن حق اي سوداني يعيش في جغرافية الوطن ده اتباع الاساليب التي يراها مناسبة لتغيير هذا الواقع بما فيها الاسلوب العسكري طالما الموتمر الوطني اختار الاسلوب الامني البمنع شنو الطرف التاني يختار نفس الاسلوب ويعمل ليهو مليشيا او برقيت ويحارب وفي هذه الاختيارات من كل الطرفين حرب ودمار وموت وضباع بلد ولكن المسئولية الكبيرة والاولي تقع علي عاتق الموتمر الوطني لانو هو السرق حاجات الناس كلها بما فيها الجيش والسلطة والثروة وابتزلها واخضعها لاجندته وافكاره .... -- (فما ممكن نكون انا وانت عايشين في بيت واحد وتقوم انت تكاوش علي حاجات البيت ويومي تصحي تديني شلوووت واسكت ليك...!! الا اكون انسان خاضع وماعندي معرفة او دراية بحقوقي في البيت ده...فكل البعملو ح البدليك في اي زقاق من زقاقات البيت ده وح اهبتك لمن راسك يسخن) وبعدها ح اقول ليك تعال نتقاسم الامور او ابقي انا زول كعب وامارس فيك نفس ما مارسته معي عندما هنبت البيت وده المحك وسنعود
Post: #178 Title: Re: قصة اختطافنا من مستشفى هجليج Author: عبدالكريم الامين احمد Date: 05-16-2012, 11:25 PM Parent: #177
طلحة تنظير مرة اخري ويتبع 1-في خطة الموتمر الوطني التي صرح بها احد قادته اعتقد والله اعلم انه( والي الخرطوم )لمواجهة الربيع العربي او الثورات والكركبات التي دورت في الاقليم كانت الخطة تبدا من الشرطة وبتمشي لعدة ترتيبات حتي تنتهي عند (الجيش) ونزوله الي الشارع... يعني بكرة دي لو الشعب السوداني الفضل ده نزل الشارع وقدر علي البوليس والامن وعمل كركبة ومظاهرات ليها ضل (الجيش طواااللي) حينزل وبالتعليمات الي الشارع ويضرب جبخانة في صدور العزل زي ما بحصل في سوريا الان وزي ما حصل في ليبيا ولانو الجيش لمن ولائه يكون لتنظيم معين بدافع عن هذا التنظيم وعقيدته القتالية بتكون مربوطة بسياسة التنظيم ده بسسسسس...وفي هذا قس ردة الفعل عن الجيش تجاه (هجليج) كارض وردة فعل الجيش تجاه (حلايب) والفشقة كارض محتلة...بتلقي انو في ارض سودانية كحلايب الجيش (قاضي الطرف عن احتلالها) وفي هذا تقاعس عن اداء الواجب الاول للجيش ولكن التقاعس ده هي رغبة من رغبات التنظيم لشي في نفسه...والتصعيد في هجليج ايضا هي رغبة التنظيم لشي في نفس يعقوبهم.. 2-فزي اخونا خالد ده وغيره بكرة لو طلع الشعب الشارع حيملاهم رصاص لمن راسهم يسخن مالم يصرح لينا وهو بين ظهرانينا بانه لن يفعل ذلك وخاصة انو كلمنا كثير عن الوطن وحب الوطن وحب الوطن يلزم ايضا حبا للمواطن حتي وان خالفك الراي... والحتة دي ياريت نسمع من الاخ خالد فيها قولا فصلا
Post: #180 Title: Re: قصة اختطافنا من مستشفى هجليج Author: عبدالكريم الامين احمد Date: 05-16-2012, 11:48 PM Parent: #178
@ فيما يختص بالامر علي مستوي المنبر وردات الفعل في امر (هجليج) خصوصا.. المنبر ده يا تمبس وانت عارف انو الوان طيف والموقف من الموتمر الوطني متموج من مويد حتي الثمالة مويد ورمادي وبتصل حتي الزول الماسك كيبورد بيد وقرنوق باليد الاخري وبحارب في الحكومة وكلا مسئول هو مسئولية مباشرة عن ارائه التي يجب لمن يريد ان ينقاش فيها ان يناقش صاحب الراي وكل كيبورد معلق من ازراره...وفيما يليني انا كيكي عوض كيكي في امر هجليج.. كل الجوووطة والحرب الدورت دي المواطن لا ليهو فيها ناقة ولاجمل فالموتمر الوطني هو من عمل نيفاشا والموتمر الوطني هو من ادار الفترة الانتقالية والموتمر الوطني هو ساهم في الانفصال وهو من ساهم في تراكم كل القضايا المشتركة مابين الشمال والجنوب بما فيها قضية الحدود الجابت كركبة هجليج..وضف علي ذلك الموتمر الوطني هو الذي استفاد الفائدة الاولي من بترول هجليج دي قبل الكركبة التي قامت فيها... فيبقي ياااخي الموتمر الوطني يعوس ويخرمج ويطمبج ويمخمخ بعيد مني انا كمواطن ولمن افتح خشمي اخد بالبوت والنبوت ولمن مريسته الخجاها تخمر يقبقني لاني ما وقفت معاه..ويتهمني بعدم الوطنية والخيانة...طيب ياااخ الوطنية دي كانت وووين لمن انت شافط بترول هجليج ده براااك وداسي كورته من باقي الشعب الفضل..والوطنية دي كانت ووين لمن تحرمني من قول الراي بتاعي بتاعي في وطني وتجدع من قال (بغم) في سجن وتدق ليهو مسمار في راسو زي ما ادق لعلي فضل وتقتل اهلي في النيل الازرق ودارفور وكردفان ..وووين والوطنية دي كااانت هل كانت في اجازة...؟؟؟ يا تمبس في فرق مابين (المواطنة) والعبودية المواطنة دي انا بلقي فيها كل حقوقي الاساسية وبعيش بحرية في بلدي وساعتها لو قصرت في واجبي كمواطن بكون للدولة الف حق ان تحكمني رميا بالرصاص زاااتو ووالعبودية دي ياها لمن تمشي فيني الانت عايزو ولمن اتمرد عليك توصفني (بالطابور والخيانة والعمالة) وممكن تفك فيني رصاص لانو ماداير اسمع كلامك وما داير امشي احارب ليك واحميك انت وبسسسسسس...!!!
ح نرجع للمثل بتاع البيت القاعدين فيها انا وانت سوي (ما ممكن يااخ نكون ساكنين في بيت حقي وحقك ويوم تصحي من الصباح وتديني شلوووت وتكاوش علي كل الكمونية بتاعة البيت ولمن يجينا حرامي تقول لي ارح دق معاي الحرامي ده) باختصار ما ح امشي معاك ولو لقيت طريقة ح اقطعك فاول وانت ماشي علي الحرامي وممكن اعمل فولترون مع الحرامي ده ونكسرك كسر الجن
وسنعود الي اخري ولكن غدا باذن الله
وشكرا
Post: #179 Title: بطل علينا وفي الحروب نعامة !!!! Author: abdelrahim abayazid Date: 05-16-2012, 11:41 PM Parent: #177
والله نحن مع الطيور المبتعرف ليها خرطة ولا في ايدها جواز سفر
سعادة الملازم طبيب
حمدلله علي السلامة
كلامك اغلبه حقيقي ويوكد كلام الحركة الشعبية وحكومة الجنوب
في ان الجيش السوداني واجه هزيمة نكراء وهذا يكذب كلام المؤتمر الوطني
كم هو عدد قتلي هذه الحرب؟ كم من زملائك تم قتلهم؟ انت اسرت ليس لانك كنت تود ان تبقي مع المرضي في المستشفي الصغير الذي لم يحتمل عدد المصابين الكبير كما قلت بل لانك فقدت الاتصال مع قائدك في المنطقة ياسر ختم الذي راح ضحية الحرب
اغلب العسكريين الملتزمون يكرهون الاسر ويفضلون الموت ولو بسلاحهم لذلك سميت انت هذا اختطاف
يا شباب الكلام سياسة زمان المؤتمر الوطني انتهي من حيدت القوات المسلحة منذ الانقلاب فصوت المقدم يونس لازال يزعح ذاكرة راديو امدرمان وصحيفة القوات المشلحة لا تفرق عن اي صحيفة حائطية لتنظيم الاتجاه الاسلامي في الجامعات
ودي المرحلة الجاية ومتطلباتها النقاش بالزي العسكري
Post: #182 Title: Re: بطل علينا وفي الحروب نعامة !!!! Author: معاوية المدير Date: 05-17-2012, 00:30 AM Parent: #179
Quote: خلي واحد يجي يقول لي سؤالك ده إنصرافي ؛)
إنصرافي يا ياسر طيفور، أها.
دي خمشة يمين، وعرق جبين. يا زول ابصلعة دا كمان معاهو عازة في هواك ؟؟؟
بتفنجطوا كدي إنتو قايلين المسعلة دي خاسة بطيور سودانيزاون طيرة دا بس. الحكاية مأيّدة من فوق، ومن شابه رئيسنا ما ظلم...
Post: #183 Title: Re: بطل علينا وفي الحروب نعامة !!!! Author: معاوية المدير Date: 05-17-2012, 00:46 AM Parent: #182
كلآم زي العسل. يا خالد كلآمك دا كان بقيت عليهو كان أخير ليك من تطير ورا دباس الحيكومة. والله صحي...
Post: #184 Title: Re: بطل علينا وفي الحروب نعامة !!!! Author: esam gabralla Date: 05-17-2012, 00:51 AM Parent: #182
Quote: (ما ممكن يااخ نكون ساكنين في بيت حقي وحقك ويوم تصحي من الصباح وتديني شلوووت وتكاوش علي كل الكمونية بتاعة البيت ولمن يجينا حرامي تقول لي ارح دق معاي الحرامي ده)
تسلم يا كيكي ... ده الموضوع باختصار قد يكون مخل جدآ
Post: #185 Title: Re: بطل علينا وفي الحروب نعامة !!!! Author: عبدالكريم الامين احمد Date: 05-17-2012, 05:36 AM Parent: #184
Quote: تسلم يا كيكي ... ده الموضوع باختصار قد يكون مخل جدآ
هلا ياعصام وفعلا الامر تبسيطي لزوم توضيح الصورة بطريقة او باخري رغم انو الموضوع ملان وفيهو جوانب كثيرة...
يا تمبس وقبل ما اغيب خلف كراكير الشغل ابو دق خليني اكمل ليك باقي النقة بتاعتي واخش ليك خطافي كده في النقطة الرابعة..
Quote: اخري
1-اول حاجة ياتمبس هي انك قلت (قانون الجيش ده شعر ماعندنا ليهو رقبة)...!!! لا ياصديقي قانون الجيش ده احنا كشعب سوداني فضل كلنا عندنا فيهو (رقبة) ورقاب والجيش ده اسمو قوات الشعب المسلحة يعني مفروض في الوضع السليم تكون قواتك وقواتي وقوات ابكر كرتلة وهارون...وحتي اجازة وتوضيب هذا القانون بتم في البرلمان والبرلمان ده بجيبو انا وانت وابكر كرتلة ويخضع هذا القانون للنقاش والتداول والنقد وعندنا كل الحقوق في توصيل وجهة نظرنا في كيفية يكون القانون ده بما فيه حق التظاهر قدام البرلمان او في الطرقات والشوارع ومفروض مافي زول يقوم لي انا وابكر كرتلة (بغم) لو ظاهرنا ضد مادة من مواد هذا القانون...فالقانون مننا وفينا واحنا كشعب فضل من يحدد توجهاته وخطوط العريضة وما علي البرلمان والجيش الا الامتثال الي هذا االقانون كراعهم في راسهم طالما القانون جاي بالديمقراطية وعليهم المحافظة عليه والعمل به بدون ادني تقرطة... 2-ذكرت ايضا بان قانون الجيش والشرطة بينهم اختلاف...نعم بالتاكيد هنالك اختلاف جزئي ما بين القانون الذي ينظم عمل الجيش وعمل الشرطة ولكن الاثنين بينهم تقاطع ثابت ومشترك في تنظيم (القوات النظامية التي تحمل السلاح) وضرورة استبعادها من العمل السياسي المدني والاستقطاب السياسي والتنظيمي داخل هذا الكيان سوي كان (جيش او شرطة او حرس صيد)فالفكرة انو اي قوات تحمل سلاح عليها ان تقيف بعيد وتعمل شخيت وما تخش في الورجغة بتاع الملكية الوهم ديل...الكلام ده طبعا علي المستوي النظري ولو في ارض الواقع الموضوع (غير).. 3-وعندي اقتراح لناس الموتمر الوطني طالما حابين ينزلو بناسهم الفي الجيش الي المعترك الحواري والسياسي والورجغة الاسفيرية فمافي مانع بس (الكاكي والبوري وصقر الجديان) ديل اليخلوهم بعيد من بروفايلات ناسهم ويجونا ان شاء الله بكاكي وبوري بدل صقر الجديان دخ يختو 0(شجرة) يختو (صورة عمرالبشير)علي كيفهم...ولكن الكاكي وصقر الجديان عودنا راكب فيهم وعود كل سودانيز لافي بالجواز الخضر كان انصار سنة وكان حزب امة وكان تبع نجمة لينين ....ماياهو حسسع عوج الدرب بجينا لابس كدمكول او اي كان اسمها ...ما شفنا لينا زول جاء قالعو فيها وقال ليهو دي حقتي لانو دي فعلا خاصة بتنظيمو يسوي فيها الدايرو....
والمايك معاك يا زول وليسسسسس عووووكين بل ثلاثة عووووكات ونص..
Post: #186 Title: Re: بطل علينا وفي الحروب نعامة !!!! Author: Nagi Ahmed Date: 05-17-2012, 06:12 AM Parent: #185
حمد الله على سلامتك
لكن انت كوز ابن كوز و لو حاولت الظهور بمظهر الجندي الوطني
ياخ.حركاتكم دي بايخة بقت
Post: #187 Title: Re: بطل علينا وفي الحروب نعامة !!!! Author: محمد أبوالعزائم أبوالريش Date: 05-17-2012, 10:45 AM Parent: #186
Quote: فكان رد خالد حسن هو ان داس على Like
وخلاس
ياخ أنا والله لايك اللايك بتاعتو دي .....
Post: #188 Title: Re: بطل علينا وفي الحروب نعامة !!!! Author: Yassir Tayfour Date: 05-19-2012, 09:07 AM Parent: #182
ود المدير يا جورج واشنطون ؛) أب صلعة سبب الحرب ذاتو، تقول لي وطنية ؛) فما بالك إن وجده الأسير بغير قتال؟ ؛) ___ أها وصلنا وين؟
Post: #189 Title: قصة اختطافنا من مستشفى هجليج! Author: محمد عبد الماجد الصايم Date: 05-19-2012, 12:07 PM Parent: #188
Post: #191 Title: Re: قصة اختطافنا من مستشفى هجليج! Author: الفاتح سليمان Date: 05-19-2012, 04:18 PM Parent: #189
*
Post: #194 Title: Re: قصة اختطافنا من مستشفى هجليج! Author: خالد حسن أحمد Date: 05-19-2012, 07:57 PM Parent: #191
بسم الله الرحمن الرحيم
صلى عليك الله يا علم الهـدى .... ........ .... ما سار ركب أو ترنـم حـادي
أما بعد ... و ...!!
رضا الناس غاية لا تدرك !!
ضحكت فقالوا: ألا تحتشم ؟ بكيت فقالوا: ألا تبتسم ؟ بسمت فقالوا: يرائي بها عبست فقالوا: بدا ما كتم سكت فقالوا: كليل اللسان نطقت فقالوا: كثير الكلام حلمت فقالوا: لو كان مقتدرا لانتقم بسلت فقالوا: لطيش به وما كان مجترئا لو حكم؟ .
يحكى أن جحا ذهب إلى السوق مع ابنه وكان لديه حمارا . ركب الرجل الحمار وترك ابنه يمشي على رجليه. مر الاثنان ببعض الناس كانوا على قارعة الطريق. بدأ هؤلاء الناس يضحكون ، وقالوا معلقين: أنه أمر محزن. جحا يركب الحمار ، ويترك الولد الصغير راجلا! عندما سمع جحا هذا طلب من ابنه أن يركب وقرر هو أن يمشي على رجليه. بعد أن قطع جزء من الطريق، مر جحا وابنه بجماعة أخرى من الناس. قامت هذه الجماعة بالتعليق : إن ما نراه هو الجنون بعينه! يركب الصغير، و جحا الكبير يمشي راجلا! عند سماع ذلك قرر جحا أن يركب هو وابنه على الحمار. استمر جحا وابنه في طريقهما وبعد فترة قصيرة كانت هناك مجموعة أخرى من الناس على جانب الطريق . عندما رأى هؤلاء الناس جحا وابنه يركبان الحمار لم يرق لهم ما شاهدوه . سمع جحا وابنه الناس يقولون : يا للحماقة، يركب جحا وابنه الحمار المسكين ، إن هذا حمل ثقيل على الحمار الضعيف. عند ذلك نزل جحا والولد من على ظهر الحمار . قرر جحا وابنه المشي على الأقدام وتركا الحمار يمشي بدون أن يركبه أحد فمر جحا وابنه بجماعة أخرى فقالوا: يا للعجب يمشيان على أقدامهما ويتركان الحمار الذي خلقه الله للركوب لوحده يمشي!! هنا قرر جحا وابنه أن يحملا الحمار على ظهورهما ويمشيان به في السوق فضحك الناس من جحا وابنه
................................................................................ ليس للبعض حــــديث غير شكوى مســـــــــتمره قد تســـــاوى عندهم لليأس نفـــــــــع ومضره لا تَسل ماذا عراهم كلهـــــم يجهل أمـــــــــرهه
و بكلمة البعض أعني أصحاب الغرض و الفكر المرض !!! . . . الا من رحم ربي . . . بعض الاخوة هنا لهم حديث عذب سلسبيل . . . لست أعني من كتب مادحا . . . حتى بعض المنتقدين حديثهم جدير بالثناء و الاطراء بل و المناقشة ولكن . . . لكن لا أخوض في سياسة لأنني جياشي . . . : ) لم و لن أخوض نقاشا يخص القوات المسلحة مع أحد لأن القوات المسلحة لها ناطق رسمي و توجيه معنوي و صحيفة و موقع على شبكة الانترنت . . .
هنا و هناك كتبت شارحا أحداثا حدثت لملازم أول طبيب تم((( اختطافه))) من عقر داره . . . الدار المقصودة هي مستشفى هجليج التابعة للسودان بشهادة اللجان الدولية (( لمن يمجد شهادات الخواجات !! )) . . . . . .
للمشفقين على قواتنا المسلحة و أنني قد تحدثت بما لا يجب التحدث به و انا فرد نظامي و ارتدي الميري أقول ((((( لم أتحدث عن جهل بقانون القوات المسلحة لسنة 2007 . . . قصصت قصة حدثت . . . أحداث هذه القصة لم تدخل في بند الأسرار العسكرية و لم تكن تمجيدا لتنظيم سياسي و الذي يجب فهمه أن القصة ضد و سأظل أنا خالد الملازم أول و كل الشعب السوداني الذي خرج من ضميرو يوم جمعة . . . سنظل ضد الحركة الشعبية و الجيش الشعبي الذي يعتدي على أرض سودانية و الذي يقتل أبناء هذه القوات المسلحة السودانية ))) . . .
أكرر لن أتحدث باسم تنظيم سياسي و لا علاقة لحديثي بأي جهة سياسية . . .
أكرر لا شكرا و لا عفوا للجيش الشعبي الغازي المغتصب لأرض ليست له ولا لحكومته التي باسمها يحارب . . .
كلنا هنا سودانيون تربينا على حب هذه البلاد . . . كل منا له طريقته في تعبيره عن هذا الحب . . . لن أحتكر لنفسي صفة الوطنية و ارفعها عن غيري مهما كان انتماؤه . . .
أنا مسلم ضابط طبيب سوداني . . . لا أحمل لنفسي انتماء غير هذا . . .
لن أعلق بأكثر من هذا . . . الحمدلله مداد الحروف عندي لا ينضب و بحار الكلمات عندي أمواجها تشق عتاة الصخور و لكن . . . بالدارجي كدة الداير أي حرف زيادة يمشي للناطق الرسمي باسم الجيش . . . و يسأل عن انتماء الجيش السياسي شنو و و و و . . .
جيشنا جيش الهنا . . . الحارس مالنا و دمنا
أما بالنسبة لناس فش الغبينة لدرجة تشجيع الجيش الشعبي و التهليل لها لغزو البلاد فما عندي ليهم غير أن اقول بعض القلوب يصيبها العمى كما يصيب الأبصار، وعمى القلوب أعظم من عمى الأبصار والعياذ بالله، قال الله تعالى: [ (فّإنَّهّا لا تّعًمّى الأّبًصّارٍ ولّكٌن تّعًمّى القٍلٍوبٍ التٌي فٌي الصٍَدٍورٌ} . . . اللهم اهدي اللهم أصلح . . . و ما الذي يمنع الجيش من التواصل على صفحات التواصل الاجتماعي و منابر الحوار الهادف (((( طالما كان الحوار هادفا و على ان يكون كلام منتسب الجيش محسوبا و موزونا و في مصلحة الوطن و الجيش فقط لا غير )))) التوقيع : ملازم أول طبيب خالد حسن أحمد . . . اللون السياسي : سوداني يحب السودان
Post: #196 Title: Re: قصة اختطافنا من مستشفى هجليج! Author: الفاتح سليمان Date: 05-19-2012, 08:26 PM Parent: #194
Quote: لكن الزمن اختلف والقراءة اختلفت لدرجة أن الطبيب الحقيقي لا يمكن أن يكون كوزاً البتة لأن الكوز عديم الإنسانية والخلق والطبيب في الضفة الأخرى تماماً.
يا دكتورسلام
انت بكل تاكيد موتمر وطني وكل الولاء بتاعك للموتمر الوطني قبل الجيش واخلاقه بمتين سنة
اهم حاجة انت ما مخطوف كنت كنت اسير واسير حرب الله لا رجعها تاني ,,,,,,
و الجيش الانت انتميت ليه دا بعد مرورك بفحص الموتمر اللاوطني السياسي هو الاعتداء علي دولة الجنوب حدودها وكان ناسي اسال زملانك الدكاترة الكانو
معاك في هجليج -
صراحة انت محتاج لجلسات في هدو عشان تستوعب الخدمة الكبيرة والاخلاقية القدمتها ليك الحركة الشعبية كاسير حرب من جيش الموتمر اللاوطني وانها اطلقتك
لتكون حرا لا ان تعود لكهوف ومناظير الطيب مصطفي وبقية العنصريين امثاله ,,,,
Post: #195 Title: Re: قصة اختطافنا من مستشفى هجليج! Author: خالد حسن أحمد Date: 05-19-2012, 08:01 PM Parent: #189
بسم الله الرحمن الرحيم
صلى عليك الله يا علم الهـدى .... ........ .... ما سار ركب أو ترنـم حـادي
أما بعد ... و ...!!
رضا الناس غاية لا تدرك !!
ضحكت فقالوا: ألا تحتشم ؟ بكيت فقالوا: ألا تبتسم ؟ بسمت فقالوا: يرائي بها عبست فقالوا: بدا ما كتم سكت فقالوا: كليل اللسان نطقت فقالوا: كثير الكلام حلمت فقالوا: لو كان مقتدرا لانتقم بسلت فقالوا: لطيش به وما كان مجترئا لو حكم؟ .
يحكى أن جحا ذهب إلى السوق مع ابنه وكان لديه حمارا . ركب الرجل الحمار وترك ابنه يمشي على رجليه. مر الاثنان ببعض الناس كانوا على قارعة الطريق. بدأ هؤلاء الناس يضحكون ، وقالوا معلقين: أنه أمر محزن. جحا يركب الحمار ، ويترك الولد الصغير راجلا! عندما سمع جحا هذا طلب من ابنه أن يركب وقرر هو أن يمشي على رجليه. بعد أن قطع جزء من الطريق، مر جحا وابنه بجماعة أخرى من الناس. قامت هذه الجماعة بالتعليق : إن ما نراه هو الجنون بعينه! يركب الصغير، و جحا الكبير يمشي راجلا! عند سماع ذلك قرر جحا أن يركب هو وابنه على الحمار. استمر جحا وابنه في طريقهما وبعد فترة قصيرة كانت هناك مجموعة أخرى من الناس على جانب الطريق . عندما رأى هؤلاء الناس جحا وابنه يركبان الحمار لم يرق لهم ما شاهدوه . سمع جحا وابنه الناس يقولون : يا للحماقة، يركب جحا وابنه الحمار المسكين ، إن هذا حمل ثقيل على الحمار الضعيف. عند ذلك نزل جحا والولد من على ظهر الحمار . قرر جحا وابنه المشي على الأقدام وتركا الحمار يمشي بدون أن يركبه أحد فمر جحا وابنه بجماعة أخرى فقالوا: يا للعجب يمشيان على أقدامهما ويتركان الحمار الذي خلقه الله للركوب لوحده يمشي!! هنا قرر جحا وابنه أن يحملا الحمار على ظهورهما ويمشيان به في السوق فضحك الناس من جحا وابنه
................................................................................ ليس للبعض حــــديث غير شكوى مســـــــــتمره قد تســـــاوى عندهم لليأس نفـــــــــع ومضره لا تَسل ماذا عراهم كلهـــــم يجهل أمـــــــــرهه
و بكلمة البعض أعني أصحاب الغرض و الفكر المرض !!! . . . الا من رحم ربي . . . بعض الاخوة هنا لهم حديث عذب سلسبيل . . . لست أعني من كتب مادحا . . . حتى بعض المنتقدين حديثهم جدير بالثناء و الاطراء بل و المناقشة ولكن . . . لكن لا أخوض في سياسة لأنني جياشي . . . : ) لم و لن أخوض نقاشا يخص القوات المسلحة مع أحد لأن القوات المسلحة لها ناطق رسمي و توجيه معنوي و صحيفة و موقع على شبكة الانترنت . . .
هنا و هناك كتبت شارحا أحداثا حدثت لملازم أول طبيب تم((( اختطافه))) من عقر داره . . . الدار المقصودة هي مستشفى هجليج التابعة للسودان بشهادة اللجان الدولية (( لمن يمجد شهادات الخواجات !! )) . . . . . .
للمشفقين على قواتنا المسلحة و أنني قد تحدثت بما لا يجب التحدث به و انا فرد نظامي و ارتدي الميري أقول ((((( لم أتحدث عن جهل بقانون القوات المسلحة لسنة 2007 . . . قصصت قصة حدثت . . . أحداث هذه القصة لم تدخل في بند الأسرار العسكرية و لم تكن تمجيدا لتنظيم سياسي و الذي يجب فهمه أن القصة ضد و سأظل أنا خالد الملازم أول و كل الشعب السوداني الذي خرج من ضميرو يوم جمعة . . . سنظل ضد الحركة الشعبية و الجيش الشعبي الذي يعتدي على أرض سودانية و الذي يقتل أبناء هذه القوات المسلحة السودانية ))) . . .
أكرر لن أتحدث باسم تنظيم سياسي و لا علاقة لحديثي بأي جهة سياسية . . .
أكرر لا شكرا و لا عفوا للجيش الشعبي الغازي المغتصب لأرض ليست له ولا لحكومته التي باسمها يحارب . . .
كلنا هنا سودانيون تربينا على حب هذه البلاد . . . كل منا له طريقته في تعبيره عن هذا الحب . . . لن أحتكر لنفسي صفة الوطنية و ارفعها عن غيري مهما كان انتماؤه . . .
أنا مسلم ضابط طبيب سوداني . . . لا أحمل لنفسي انتماء غير هذا . . .
لن أعلق بأكثر من هذا . . . الحمدلله مداد الحروف عندي لا ينضب و بحار الكلمات عندي أمواجها تشق عتاة الصخور و لكن . . . بالدارجي كدة الداير أي حرف زيادة يمشي للناطق الرسمي باسم الجيش . . . و يسأل عن انتماء الجيش السياسي شنو و و و و . . .
جيشنا جيش الهنا . . . الحارس مالنا و دمنا
أما بالنسبة لناس فش الغبينة لدرجة تشجيع الجيش الشعبي و التهليل لها لغزو البلاد فما عندي ليهم غير أن اقول بعض القلوب يصيبها العمى كما يصيب الأبصار، وعمى القلوب أعظم من عمى الأبصار والعياذ بالله، قال الله تعالى: [ (فّإنَّهّا لا تّعًمّى الأّبًصّارٍ ولّكٌن تّعًمّى القٍلٍوبٍ التٌي فٌي الصٍَدٍورٌ} . . . اللهم اهدي اللهم أصلح . . . و ما الذي يمنع الجيش من التواصل على صفحات التواصل الاجتماعي و منابر الحوار الهادف (((( طالما كان الحوار هادفا و على ان يكون كلام منتسب الجيش محسوبا و موزونا و في مصلحة الوطن و الجيش فقط لا غير )))) التوقيع : ملازم أول طبيب خالد حسن أحمد . . . اللون السياسي : سوداني يحب السودان
Post: #197 Title: Re: قصة اختطافنا من مستشفى هجليج! Author: خالد حسن أحمد Date: 05-19-2012, 08:32 PM Parent: #189
بسم الله الرحمن الرحيم
صلى عليك الله يا علم الهـدى .... ........ .... ما سار ركب أو ترنـم حـادي
أما بعد ... و ...!!
رضا الناس غاية لا تدرك !!
ضحكت فقالوا: ألا تحتشم ؟ بكيت فقالوا: ألا تبتسم ؟ بسمت فقالوا: يرائي بها عبست فقالوا: بدا ما كتم سكت فقالوا: كليل اللسان نطقت فقالوا: كثير الكلام حلمت فقالوا: لو كان مقتدرا لانتقم بسلت فقالوا: لطيش به وما كان مجترئا لو حكم؟ .
يحكى أن جحا ذهب إلى السوق مع ابنه وكان لديه حمارا . ركب الرجل الحمار وترك ابنه يمشي على رجليه. مر الاثنان ببعض الناس كانوا على قارعة الطريق. بدأ هؤلاء الناس يضحكون ، وقالوا معلقين: أنه أمر محزن. جحا يركب الحمار ، ويترك الولد الصغير راجلا! عندما سمع جحا هذا طلب من ابنه أن يركب وقرر هو أن يمشي على رجليه. بعد أن قطع جزء من الطريق، مر جحا وابنه بجماعة أخرى من الناس. قامت هذه الجماعة بالتعليق : إن ما نراه هو الجنون بعينه! يركب الصغير، و جحا الكبير يمشي راجلا! عند سماع ذلك قرر جحا أن يركب هو وابنه على الحمار. استمر جحا وابنه في طريقهما وبعد فترة قصيرة كانت هناك مجموعة أخرى من الناس على جانب الطريق . عندما رأى هؤلاء الناس جحا وابنه يركبان الحمار لم يرق لهم ما شاهدوه . سمع جحا وابنه الناس يقولون : يا للحماقة، يركب جحا وابنه الحمار المسكين ، إن هذا حمل ثقيل على الحمار الضعيف. عند ذلك نزل جحا والولد من على ظهر الحمار . قرر جحا وابنه المشي على الأقدام وتركا الحمار يمشي بدون أن يركبه أحد فمر جحا وابنه بجماعة أخرى فقالوا: يا للعجب يمشيان على أقدامهما ويتركان الحمار الذي خلقه الله للركوب لوحده يمشي!! هنا قرر جحا وابنه أن يحملا الحمار على ظهورهما ويمشيان به في السوق فضحك الناس من جحا وابنه
................................................................................ ليس للبعض حــــديث غير شكوى مســـــــــتمره قد تســـــاوى عندهم لليأس نفـــــــــع ومضره لا تَسل ماذا عراهم كلهـــــم يجهل أمـــــــــرهه
و بكلمة البعض أعني أصحاب الغرض و الفكر المرض !!! . . . الا من رحم ربي . . . بعض الاخوة هنا لهم حديث عذب سلسبيل . . . لست أعني من كتب مادحا . . . حتى بعض المنتقدين حديثهم جدير بالثناء و الاطراء بل و المناقشة ولكن . . . لكن لا أخوض في سياسة لأنني جياشي . . . : ) لم و لن أخوض نقاشا يخص القوات المسلحة مع أحد لأن القوات المسلحة لها ناطق رسمي و توجيه معنوي و صحيفة و موقع على شبكة الانترنت . . .
هنا و هناك كتبت شارحا أحداثا حدثت لملازم أول طبيب تم((( اختطافه))) من عقر داره . . . الدار المقصودة هي مستشفى هجليج التابعة للسودان بشهادة اللجان الدولية (( لمن يمجد شهادات الخواجات !! )) . . . . . .
للمشفقين على قواتنا المسلحة و أنني قد تحدثت بما لا يجب التحدث به و انا فرد نظامي و ارتدي الميري أقول ((((( لم أتحدث عن جهل بقانون القوات المسلحة لسنة 2007 . . . قصصت قصة حدثت . . . أحداث هذه القصة لم تدخل في بند الأسرار العسكرية و لم تكن تمجيدا لتنظيم سياسي و الذي يجب فهمه أن القصة ضد و سأظل أنا خالد الملازم أول و كل الشعب السوداني الذي خرج من ضميرو يوم جمعة . . . سنظل ضد الحركة الشعبية و الجيش الشعبي الذي يعتدي على أرض سودانية و الذي يقتل أبناء هذه القوات المسلحة السودانية ))) . . .
أكرر لن أتحدث باسم تنظيم سياسي و لا علاقة لحديثي بأي جهة سياسية . . .
أكرر لا شكرا و لا عفوا للجيش الشعبي الغازي المغتصب لأرض ليست له ولا لحكومته التي باسمها يحارب . . .
كلنا هنا سودانيون تربينا على حب هذه البلاد . . . كل منا له طريقته في تعبيره عن هذا الحب . . . لن أحتكر لنفسي صفة الوطنية و ارفعها عن غيري مهما كان انتماؤه . . .
أنا مسلم ضابط طبيب سوداني . . . لا أحمل لنفسي انتماء غير هذا . . .
لن أعلق بأكثر من هذا . . . الحمدلله مداد الحروف عندي لا ينضب و بحار الكلمات عندي أمواجها تشق عتاة الصخور و لكن . . . بالدارجي كدة الداير أي حرف زيادة يمشي للناطق الرسمي باسم الجيش . . . و يسأل عن انتماء الجيش السياسي شنو و و و و . . .
جيشنا جيش الهنا . . . الحارس مالنا و دمنا
أما بالنسبة لناس فش الغبينة لدرجة تشجيع الجيش الشعبي و التهليل لها لغزو البلاد فما عندي ليهم غير أن اقول بعض القلوب يصيبها العمى كما يصيب الأبصار، وعمى القلوب أعظم من عمى الأبصار والعياذ بالله، قال الله تعالى: [ (فّإنَّهّا لا تّعًمّى الأّبًصّارٍ ولّكٌن تّعًمّى القٍلٍوبٍ التٌي فٌي الصٍَدٍورٌ} . . . اللهم اهدي اللهم أصلح . . . و ما الذي يمنع الجيش من التواصل على صفحات التواصل الاجتماعي و منابر الحوار الهادف (((( طالما كان الحوار هادفا و على ان يكون كلام منتسب الجيش محسوبا و موزونا و في مصلحة الوطن و الجيش فقط لا غير )))) التوقيع : ملازم أول طبيب خالد حسن أحمد . . . اللون السياسي : سوداني يحب السودان
Post: #198 Title: Re: قصة اختطافنا من مستشفى هجليج! Author: عبدالله شمس الدين مصطفى Date: 05-19-2012, 09:24 PM Parent: #197
"الزميل" ملازم أول طبيب خالد. أراك تصر عزيزى على أنك كنت ضحية عملية
Quote: ((( اختطافه)))
وليس أسر. فى إعتقادى أن الأخيرة أتت من واقع أنك (عسكرى), ولست (ملكى). لو أنك كنت ملكياً, لحق أن يطلق على عملية إحتجازك إختطافاً, أما والواقع يقول أنك عسكرى, بغض النظر عن مكان تواجدك وقت إحتجازك, وعما إذا كنت مسلحاً من عدمه, فإن القوانين والأعراف العسكرية تسميك أسيراً. ثم ما كان الثمن المطلوب لإطلاق سراحك, فالعرف الإجرامى يقول أن الإختطاف يتم بغاية طلب فدية مادية أو خلافه حتى يتم إطلاق سراح المحتجزين, فكم قبضت الحركة الشعبية ثمناً لإطلاق سراحك؟؟!!! سيادة الملازم أول, لقد خالفت (الأعراف) العسكرية فى شيئين, إصرارك على أنك كنت مختطف, وعلى التواجد هنا. ولا أدعى معرفتى باللوائح والقوانين العسكرية, وما إن كانت تبيح لك الكتابة فى المواقع الأسفيرية أولا, لكن الذى أعرفه, ويعرفه الجميع أن العرف العسكري عندنا ما كان يبيح لك هذا الأمر, وأنت أول شخص (عسكرى) يكتب هنا معرفاً بصفته العسكرية, وبرتبته, بلو بوقائع أسره التى يصر مكابراً على تسميتها بالإختطاف. دمت يا خالد, ولا تتخيل أن كل من قال كلمة حق هنا هو بالضرورة ضدك أو ضد ما/ من تمثله. كل الود
Post: #199 Title: Re: قصة اختطافنا من مستشفى هجليج! Author: Albino Akoon Ibrahim Akoon Date: 05-20-2012, 03:31 AM Parent: #198
Quote: أكرر لا شكرا و لا عفوا للجيش الشعبي الغازي المغتصب لأرض ليست له ولا لحكومته التي باسمها يحارب . . .
well.. at least thank God that you are alive. SPLA did not release you so you can thank them. you know as a man, you should always respect the other even if they are your enimies.. you are alive now because you did respected them and said anything like what you saying now. if you were boold enough and not afraid of death, you would have been dead. don't pretend to be what you are not. hang on to dear life and respect yourself.. you see, everyone here is talking to you with respect and begging you to say nothing. thank God for your life that was spare and say what kept you alive frankly, but if you are ashame of it. then keep quiet. Man!!!
Post: #200 Title: Re: قصة اختطافنا من مستشفى هجليج! Author: معاوية المدير Date: 05-20-2012, 05:48 AM Parent: #199
Quote: ___ أها وصلنا وين؟
وحاتك يا ابتفة في محلنا زااااتو. الظمأ خلآ الرويحة تحشرج في الحلقوم، وفضلنا رآجين الري كان أخونا خالد جا حكالنا قصة جحا !!! غايتو المرّة الجاية كان جا حكالنا قصة ود نفاش، أنا بتمدد واموت. والله صحي...
Post: #201 Title: Re: قصة اختطافنا من مستشفى هجليج! Author: عبدالحافظ سعد الطيب Date: 05-22-2012, 12:29 PM Parent: #200
حسب علمى زمان قوات الشعب المسلحة قبل خصخصتها كانت شغالة بالقانون ده
قانون قوات الشعب المسلحة
الفصل الثامن الجرائم والعقوبات والمخالفات والجزاءات السلوك المعيب أمام العدو. 41- يعاقب بالإعدام أو بأي عقوبة من العقوبات المنصوص عليها في المادة 73 كل شخص خاضع لأحكام هذا القانون يرتكب عمدا أمام العدو أحد الأفعال الآتية: (أ) الفرار أمام العدو، (ب) التخلي عن أو التسليم أي قيادة أو وحدة أو موقع أو ممتلكات عسكرية من واجبه أن يدافع عنها (ج) رفض إطاعة الأوامر أو السلوك الذي يعرض للخطر أي قيادة أو وحدة أو موقع أو ممتلكات عسكرية متعمدا ذلك. (د) التخلص من أو إلقاء السلاح أو الذخيرة أو المهمات أو التجهيزات. (هـ) مغادرة نقطة أو مكان عمله أو موقعه من أجل السلب والنهب. (و) إحداث إنذارات كاذبة أو إذاعة أي أخبار كاذبة في أي قيادة أو وحدة أو موقع بقصد إثارة الرعب أو الفزع أو إحداث الفشل بين القوات، (ز) القيام بأي فعل أو الامتناع عن القيام بأي فعل عمداً قاصداً بذلك تعريض نجاح القوة أو أي قوات مؤازرة لها أو تعريض أي جزء منها للفشل. إجبار المرؤوسين على التسليم 42- يعاقب بالإعدام أو بأي عقوبة أقل كل شخص خاضع لأحكام هذا القانون يرتكب عمداً أحد الأفعال الآتية: (أ) إجبار أو الشروع في إجبار أي شخص آخر خاضع لأحكام هذا القانون على تسليم موقع أو ممتلكات عسكرية أخرى للعدو أو التخلي عنه، (ب) عرض التسليم أو الهدنة للعدو أو رفع راية التسليم أو قبول الهدنة المعروضة عليه بطريقة الخيانة أو الجبن أو بدون أن تكون لديه سلطة قانونية لإجراء ذلك، (ج) تسليم الأفراد الذين تحت قيادته للعدو. مساعدة العدو. 43- يعاقب بالإعدام أو بأي عقوبة أقل كل شخص خاضع لأحكام هذا القانون عسكريا كان أو مدنيا يرتكب إحدى الأفعال الآتية: (أ) مساعدة العدو أو الشروع في مساعدته بالأسلحة أو الذخيرة أو الإمدادات أو المال أو المعلومات أو بأي أشياء أخرى، (ب) تسهيل دخول العدو للأراضي السودانية أو التستر عليه أو مساعدته في استلام أي مدن أو منشآت أو أي أماكن عسكرية أو أي ممتلكات عسكرية أو آليات. (ج) تسليم أو إفشاء أي من أسرار الدفاع للعدو أو لأي شخص ممن يعملون لمصلحته بأي وسيلة أو التوصيل بأي طريقة للحصول على أي من هذه الأسرار بقصد تسليمه أو إفشائه تسليمه أو إفشائه للعدو أو لأحد ممن يعملون لمصلحته أو إتلافه لمصلحة العدو أو أضرارا بالدفاع عن البلاد أو بقوات الشعب المسلحة مما يعتبر سرا من أسرار الدفاع أو جعله غير صالح لأن ينتفع به (د) عرقلة أي نصر أو تقدم أو تحرك أو تأمين للقوة أو السعي لعرقلة ذلك. الإهمال 44- يعاقب بالسجن لمدة لا تجاوز ثلاثين سنة أو بأي عقوبة أقل كل شخص خاضع لحكام هذا القانون يرتكب أو يسهل ارتكاب فعل أو سلوك مما نص عليه في المواد 41و42 43 بطريق الخطاء أو الإهمال أو عدم الاحتياط أو التقصير. تحريم بعض الأفعال أثناء خدمة الميدان. 45- يعاقب بالسجن لمدة لا تجاوز ثلاثين سنة أو بأي عقوبة أقل كل شخص خاضع لأحكام هذا القانون يرتكب أحد الأفعال الآتية أثناء خدمة الميدان: (أ) أن يسلك أو يغري أي شخص بأي يسلك سلوكا مشينا أمام العدو بطريقة تنطوي على الجبن، (ب) أن يستعمل أثناء الحرب أو العمليات الحربية القوة الجنائية ضد أي شخص أثناء قيامه بإحضار مواد غذائية أو بإحضار أشياء أخرى للمعسكر أو لثكنات أي قسم من القوة أو يهجم على منزل أو أي مكان للسلب أو يضر أو يخرب أي زرع أو أي حديقة أو أي ممتلكات أخرى مماثلة. الإهمال في تأمين الغنائم. 46- يعاقب كل شخص خاضع لأحكام هذا القانون يهمل في حماية أو تأمين الممتلكات العامة المأخوذة من العدو أو يتأخر في التبليغ عنها أو لا يقوم بتسليمها للجهات المختصة بدون تأخير بالسجن لمدة لا تجاوز عشرة سنوات أو بـأي عقوبة أقل. التمرد 47- يعاقب بالإعدام أو بأي عقوبة أقل كل شخص خاضع لأحكام هذا القانون يرتكب أياً من الأفعال الآتية : (أ) يشرع أو يحرض أو يتآمر مع أشخاص آخرين لأحداث أي تمرد على السلطة الشرعية أو يتسبب في ذلك، (ب) يشارك في أي تمرد، (ج) يكون حاضر في أي تمرد ولا يبذل أقصى جهد لقمعه، (د) يكون عالما أو لديه سبب يدعو للاعتقاد بقيام تمرد أو نية للقيام بتمرد أو مؤامرة ويتأخر عن تبليغ ذلك إلى قائده أو أي ضابط أعلى.
Post: #202 Title: Re: قصة اختطافنا من مستشفى هجليج! Author: عبدالحافظ سعد الطيب Date: 05-23-2012, 05:42 AM Parent: #201
Quote: 45- يعاقب بالسجن لمدة لا تجاوز ثلاثين سنة أو بأي عقوبة أقل كل شخص خاضع لأحكام هذا القانون يرتكب أحد الأفعال الآتية أثناء خدمة الميدان: (أ) أن يسلك أو يغري أي شخص بأي يسلك سلوكا مشينا أمام العدو بطريقة تنطوي على الجبن،
Post: #203 Title: Re: قصة اختطافنا من مستشفى هجليج! Author: محمد إبراهيم علي Date: 06-28-2012, 06:29 PM Parent: #202
اها يالبطل القومي عايز تكتل العزل في الشوارع مش كدة نظرتنا فيك ما خابت
Post: #204 Title: Re: قصة اختطافنا من مستشفى هجليج! Author: عبدالكريم الامين احمد Date: 06-28-2012, 06:33 PM Parent: #203
Quote: 2-فزي اخونا خالد ده وغيره بكرة لو طلع الشعب الشارع حيملاهم رصاص لمن راسهم يسخن مالم يصرح لينا وهو بين ظهرانينا بانه لن يفعل ذلك وخاصة انو كلمنا كثير عن الوطن وحب الوطن وحب الوطن يلزم ايضا حبا للمواطن حتي وان خالفك الراي... والحتة دي ياريت نسمع من الاخ خالد فيها قولا فصلا
وكويس انك جبتو حي البوست ده ياهندسة
والضابط الاسير المتجرس طلع (جبنة مركب مكنة رباطي)
فتامل لوووووووووول
Post: #205 Title: Re: قصة اختطافنا من مستشفى هجليج! Author: أمجد الزين Date: 06-28-2012, 06:41 PM Parent: #204
والله لقيتهم تاريخ بس ما بترحمو اصلو
Post: #206 Title: Re: قصة اختطافنا من مستشفى هجليج! Author: أحمد ابن عوف Date: 06-28-2012, 09:34 PM Parent: #205
اها يا اخوانا
دايرنو كيف
مشوي وللا مقلي ، مسلوق
هنا في السعودية عندنا اسماء تانية
مظبي، مندي، مظغوط (مضغوط في حلة بريستو)
Post: #207 Title: Re: قصة اختطافنا من مستشفى هجليج! Author: Yassir Tayfour Date: 06-28-2012, 10:52 PM Parent: #206
يا كيكي خالد الحكيم ده أخير ليهو يدخل الضل، كان لمو فيهو الثوار، لا بيلم في صليب أحمر ولا بيشوف دولارات.. ___ لكن أيامو بالكاكي قربّن للنهاية..
Post: #208 Title: Re: قصة اختطافنا من مستشفى هجليج! Author: سيف النصر محي الدين Date: 06-28-2012, 10:59 PM Parent: #207
Quote: مظغوط (مضغوط في حلة بريستو)
و الله يا ود ابنعوف كان علينا مظعوط ما بطال.
Post: #210 Title: Re: قصة اختطافنا من مستشفى هجليج! Author: مها عبد الله Date: 06-28-2012, 11:11 PM Parent: #208
ما قصرتوا يا شباب وربنا يديكم العافية ، الضابط الدراكولا خالد حسن ينكر فى هذا البوست إنتمائه لحزب القتلة ويقول أنه سوداني وبحب السودان ، ويدعو للجهاد ضد إخوته بالسودان وقتلهم وذبحهم فتأملوا وإندهشوا من هكذا حب ووطنية
Post: #211 Title: Re: قصة اختطافنا من مستشفى هجليج! Author: معاوية المدير Date: 06-28-2012, 11:28 PM Parent: #210
الظماء كتلنا. والله صحي.
آزول ما تلحقنا بي ميهِيّة.
Post: #209 Title: Re: قصة اختطافنا من مستشفى هجليج Author: نصرالدين طه Date: 06-28-2012, 11:10 PM Parent: #1
حمدا للة يادكتور على السلامة هذا هو الوجة القبيح للحرب ولكن هل سألت نفسك لماذا يكرهوننا؟
Post: #212 Title: Re: قصة اختطافنا من مستشفى هجليج Author: Imad Khalifa Date: 06-29-2012, 00:17 AM Parent: #209
يا سيد خالد لك مطلق الحرية أن تدعم هذا النظام وتدعو لجهاد كل من يخرج عليه بل قتله وتقطيع أوصاله، ولكن ليس من حقك أن تمارس مهنة الطب التى أديت قسمها والذي يدعو لانقاذ حياة البشر أيا كان دينهم أو لونهم أو جنسهم. انت غير مؤهل أخلاقيا لممارسة هذه المهنة النبيلة.
Post: #213 Title: Re: قصة اختطافنا من مستشفى هجليج Author: عاطف مكاوى Date: 06-29-2012, 00:27 AM Parent: #212
أرجو أن ينقل الباشمهندس بكرى هذا البوست للرُبع القادم
هذا الكوز الجب.ان والحقير يجب أن يُسلخ ... حين يتفرغ له الأعضاء والعضوات ..
Post: #214 Title: Re: قصة اختطافنا من مستشفى هجليج Author: نصرالدين طه Date: 06-29-2012, 05:14 AM Parent: #1
عقد مؤتمر صحفي بالمبنى تشدقت فيه الحركة الشعبية باحترامها لحقوق الانسان و رعاية الاسرى !!! تم نقلنا لمقر اللجنة الدولية يرافقنا السفير. . . حتى هبوط الطائرة المصرية . . . ثم تحركنا الى المطار . . . هل ياترى نحن بعد استرداد هجليج سلمناهم اسرى؟؟؟؟؟؟؟؟؟؟؟؟؟؟؟؟؟
Post: #215 Title: Re: قصة اختطافنا من مستشفى هجليج Author: Elmoiz Abunura Date: 06-29-2012, 05:22 AM Parent: #214
Quote: ولكن ليس من حقك أن تمارس مهنة الطب التى أديت قسمها والذي يدعو لانقاذ حياة البشر أيا كان دينهم أو لونهم أو جنسهم. انت غير مؤهل أخلاقيا لممارسة هذه المهنة النبيلة.
Post: #216 Title: Re: قصة اختطافنا من مستشفى هجليج Author: عبدالكريم الامين احمد Date: 06-29-2012, 06:17 AM Parent: #215
Quote: خالد الحكيم ده أخير ليهو يدخل الضل، كان لمو فيهو الثوار، لا بيلم في صليب أحمر ولا بيشوف دولارات.. ___ لكن أيامو بالكاكي قربّن للنهاية..
هلا يا ابوتفة والتجربة الهجلجية اثبتت بان خالد الحكيم ده عندما يتم تجريده من (الميري) يتحول الي حمل وديع اوكما ظهر وبان في حديث جوبا وفيديو كتل الحيل....
والكاكي كاكي الشعب وكلو سيرجع محلو مهما فعل الرباطين الجبنة ابو حكيم
وسنتابع
Post: #217 Title: Re: قصة اختطافنا من مستشفى هجليج Author: محمد إبراهيم علي Date: 06-29-2012, 06:40 AM Parent: #216
جماعة لحس الكوع ديل يا كيكي ما اظنهم موقعين على اتفاقية جنيف بتاعة الاسرى ونحذر الرعديد ده ما يمشي على الديم والعباسية لانو الجماعة ديل لو بدو ياخدو اسرى ما بدو 100 دولار ولا بيجيبو قنوات تلفزة
Post: #218 Title: Re: قصة اختطافنا من مستشفى هجليج Author: محمد طه الحبر Date: 06-29-2012, 07:14 AM Parent: #217
لا ادري لكن هذا الكوز جعل من كانوا يدافعون عنه في موقف لا يحسدون عليه ... اين زملاؤه الذين وصفوه بانه مجرد طبيب يؤدي عمله الانساني ... اكون يا ياخواني جمعة لحس الكوع دي عاملنها في الحوادث .. ؟؟؟؟
Post: #219 Title: Re: قصة اختطافنا من مستشفى هجليج Author: Elawad Eltayeb Date: 06-29-2012, 09:30 PM Parent: #218
Quote: Re: قصة اختطافنا من مستشفى هجليج
أتوقع الحلقة التانية من المسلسل عنوانها
قصة اختطافنا من عربية قناة الشروق في ودنوباوي
Post: #220 Title: Re: قصة اختطافنا من مستشفى هجليج Author: محمد إبراهيم علي Date: 06-29-2012, 09:42 PM Parent: #219
يبدو انني ساضيف ودنوباوي للاماكن التي ينصح الرباطة الرعاديد بعدم الذهاب اليها
Post: #221 Title: Re: قصة اختطافنا من مستشفى هجليج Author: esam gabralla Date: 06-29-2012, 10:34 PM Parent: #220
زولك يا ود ابراهيم ما خذلنا تب , جابا ضقلها يكركب , بي سرعه نصل قناع القوميه و التستر ورا الجيش و وقف ميطي في السهله .... زى ما قلنا هنا
Quote: شرف العسكريه و الجيش السودانى تم تدنيسه يوم 30 يونيو 1989 و ما تلاه كان الاجهاز الكامل على "قوميته" ليتم تحويله لمليشيا حزبيه يأمر و بنهى فيها مثل هذا الكادر الحزبي المدرب الأكاذيب لم تبدأ به , الكل يعلم ب "إذهب للسجن و سأذهب للقصر"
العينه دى مريحه البتجيب ادانتها بي يدها ...
Post: #222 Title: Re: قصة اختطافنا من مستشفى هجليج Author: مها عبد الله Date: 06-29-2012, 11:15 PM Parent: #221
بمناسبة جمعة لحس الكوع الرعديد خالد يلحس كلامو بتاع أمس
Quote:
القوات المسلحة السودانية والمجاهدين من رحم هذا الشعب . . . لله والوطن . . . حيادية تاااامة ومهنية عالية و قوة ضاربة . . .
لم ولن تتبع لتنظيم أو جهة غير الوطن . . .
الكلمة والرأي و في هذا الظرف الدقيق يتلقفها أصحاب الغرض و المفاهيم السوداء ليثيروا بها الناس و العواطف . . .
كلامي الكتبتو هنا في هذا المكان لو في زول فهم منو ان الجيش و المجاهدين ح ( يدقو ) مواطن أو أنها الحرب . . . يبقى أعمى بصر و بصيرة . . .
لن يتعرض عسكري جيش أو مجاهد لمواطن بسوء . . .
كل من كتب كلاما" فارغا" خارج النص او أرسل تهديدات ما عندها معنى . . . اقول له وظف طاقاتك اللفظية والفكرية عشان بلدنا . . .
لله المبتغى . . . و به نبلغ المرتجى . . .
لست اخشى على سلامة الوطن من المواطنين ( المتظاهرين ) . . . بل من ال ( ما ظاهرين ) . . . !!
معالجة الأزمة يتطلب التعامل معها بصدق و واقعية و مواجهة الحقائق بكل شفافية من خلال تمليك المواطن والمعلومات بكل ما يدور حوله من اصلاحات و اجراءات و قرارات ليشارك بدوره في ايجاد الحلول . . .
أن يضيق مواطنو السودان أو يحتجّوا على الواقع الإقتصادي الماثل الآن فى السودان فهذا أمر طبيعي، إذ أنَّ الحكومة السودانية نفسها غير راضية عن ما آل إليه الحال وفضّلت منطق الصراحة والشفافية مع مواطنيها على ما عداه من تخدير أو مخادعة لن تكون بحال من الأحوال مجدية.
Post: #223 Title: Re: قصة اختطافنا من مستشفى هجليج Author: أحمد الشايقي Date: 06-29-2012, 11:19 PM Parent: #221
مثل هذا الـ خالد حسن يوافق ويعمل ويقر ويقبل تحويل مؤسسات وطنية قومية كالقوات المسلحة لتكون تحت إمرة كوادر الحزب الإخوانجي الصغير ويقبل إرهاق الوطن بسوء الإدارة وإرهاق المواطنين باستحالة العيش وحرمان التوظيف في بلادهم وحرمان الحقوق ثم يأتي ويردد شعراً حفظوه إياه في معسكرات التنظيم حول قيم الشهادة والحق والعدل
