قائمة بأسماء السفراء الذين سيمثلون دولة جنوب السودان في الخارج

1- UN/Newyork Dr. Francis (Mading) Deng.

2-UN/Geneva Philomnon Majok

3- EU Malekele Nyajok

4- AU/Ethiopia Arop Deng Koul




P5 UN/SC

1- USA Akec Koc

2- Russia Chol Deng Alaak

3- China Eluzia Mogga

4- UK Sebit Alle

5- France Dr. Andrew Akon




Africa continent

1- Egypt Anthony Louis

2- Nigeria Parmena Mkuet

3- Kenya Majok Guandang

4- Uganda Samuel Lowate


5- Zimbabwe John Andruga Duku

6- Eritria Philip Jada




Asia Continent


1- India Daniel Othol




Europe

1-Turkey- John Gai Yoh

2- Norway Bol Weik


3- Germany Situna Abdallah

زيك دينق,
انا شايف اسم بروفيسور مادينق دينق.
هل دى اكيد و لا دى ولدو دكتور ديفيد?
لانو بيكون اهم تعين فى حكومة الجنوب نسبة لاهمية منصب ممثلنا فى الامم المتحدة.

الأخ زكريا.

نعم أنه دكتور فرانسيس دينق مادينق، حسب علمي أنه قد تتطوع لهذا المنصب شخصيا.

Quote: نعم أنه دكتور فرانسيس دينق مادينق، حسب علمي أنه قد تتطوع لهذا المنصب شخصيا.

You 've just made my day brother.
You could not have expected anything less from professor Francis.

دينق

ما حاولت تخش معاهم

ان شاء الله مساعد قنصل في بوركينا فاسو

6- Eritria Philip Jad

دينق ..سلامات


انا طولت من المداخلات في المنبر ...لكن اختيار الصديق فيليب جادا ..كسفير بارتريا حدث يستحق التعليق

وفيليب من اولاد جوبا وقد تخرج من جامعة اسمرا وكان الاول على الدفعة طوال فترة دراسته هناك
وهو شخص فعلا يستحق ان يكون سفيرا بمقدرته الفائقة على خلق علاقات مع من بتعامل معهم
وهو شخص ذو مواهب متعددة وفعلا حكومة دولة جنوب السودان قدرت تختار
وفيليب رغم صغر سته الا انه ذو عقل راجح وسيلعب دور كبير في الحفاظ والارتقاء بالعلاقان بين شعبي ارتريا وجنوب السودان

...كنت دائما امازح فيليب كلما الاقيه في اسمرا وبقول انت بتشبه السودان الجديد...وهو فعلا كذلك

تحية للصديق المتمردالصغير والسفير الكبير فيليب .


تعليق تاني يا دينق...اظن ان قرار نقل الصديق الدكتور فيريمنا من سفير في مصر الى نيجيريا غير صائب
لان فيرمينا من اكتر الذين كانوا يجيدون التعامل مع المصريين وكان يقدم خدمات لكل السودانيين من السودانين الجنوبي والشمالي
وكان الكل يحس بالانتماء اليه فهو فعلا شخص كان اجدر الاحتفاظ به كسفير في مصر .


شيء اخير اتمنى من سفراءدولة الجنوب ان يساهموا في تقوية اواصر التواصل بين الشعوب السودانية
في المهجر والمنافي وهم ليسوا سفراء للسودانيين الجنوبيين فقط بل هم سفراء كل شعوب السودان .



مرة اخرى اتمنى التوفيق
والنجاح لهؤلاء السفراء في مواقعهم الجديدة

سفراء دولة اسرائيل 2

Quote: 1- UN/Newyork Dr. Francis (Mading) Deng.

هل تذكرون حينما رفض شخصى أعضاء ميدالية الجالية السودانية فى واشنطن دى سى للبروفسير فرانسيس دينق وقولى أنه رجل أنفصالى وأكثر من تأذى منه السودان فى الخارج ..

أها دى حكاية كلام القصير بتلقى وراء ..

ظهر على حقيقته .. أصلاً هو يتعامل مع كل الأنظمة دكتاتورية وغيرها ..

بريمة

طبعاAkec Koc
كان سفير جمهورية السودان بواشنطون قيل إستقلال جنوب السودان و كنت وقتها أمازحة و أقول له نحن بكرة عندنا مظاهرة كاربة أمام السفارة و كان يرد علي و هو يضجك و يقول لي ما تنسى تجيبوا معاكم لافتة زيادة لأنو حا أظاهر معاكم.

مرحب Akec
في واشنطون سفير لجمهورية جنوب السودان

Egypt Anthony Louis

تهنئة خالصة للصديق والأخ العزيز السفير أنثوني أكون لويس
على هذا الإختيار الذي صادف أهله.

هذا الرجل الدبلوماسي المحنك الذي عمل سفيراً للسودان
(قبل الإنفصال) لدى جمهورية الكونغو..
خلال فترة عمله في الكونغو كان بيته مفتوحاً لكل السودانيين
المقيمين هناك على إختلاف سحناتهم وتوجهاتهم.. يستضيفهم
ويستقبل كل من أراد مقابلته في منزله العامر..
ويعمل على تجميعهم ويناقشهم في كل الأمور وحل جميع العقبات التي تواجههم.

أنثوني رجل يجيد اللغة العربية تحدثاً وكتابة وتخرج في إحدى
جامعات مصر ويعرف الكثير عنها.. لذلك إختياره سفيراً لدولة جنوب السودان
لدى مصر كان موفقاً ولو أنني كنت أتمنى إختياره وزيراً ضمن
مجلس الوزراء في الحكومة نظراً لثقافته العالية والدبلوماسية العالية
في تناول الأمور والأخلاق الراقية التي يتمتع بها.

شكراً جورج.

سلام دينق

Quote: وهم ليسوا سفراء للسودانيين الجنوبيين فقط بل هم سفراء كل شعوب السودان .

شكرا صلاح يامليح كلام جميل جدا

سلام يا دينق
وين سفير دولة الجنوب في استراليا
هنالك اكثر من عشرة الف جنوبي سوداني في استراليا
نحن الشماليين السودانيين في انتظاره
لك الشكر

Quote: وهم ليسوا سفراء للسودانيين الجنوبيين فقط بل هم سفراء كل شعوب السودان

هذا ينطبق على سفارة الجنوب في أوتاوا أيضا

فقد ظلت مفتوحة لكل السودانيين

علق أحد السودانيين بأن:
"أصبح في البلد سفارتان
واحدة للشعب السوداني
والأخرى للمؤتمر الوطني"


الباقر موسى

قد تأثرت جداً لمداخلات بعض الأخوة و تاكيدهم على حقيقة ان سفراء دولة الجنوب سيكونون سفراء للإنسان السوداني بالدولتين السودانيتين


دون ذكر اسماء فان هؤلاء السفراء خير من يمثل الدولة الوليدة

ونحنا دخلنا شنو ؟؟؟

ما تمشى تنشرها فى عند ناسك

قوم لف

الاخ الكريم جمال محمود
سلامات
هذا الموقع لجميع السودانيين بالدولتين السودانيتين و لغير السودانيين أيضاً

نحن شركاء في هذا المنبر بقدر شراكتنا في النيل و وردي و كل قيم الخير

بداية موفقة واختيار دقيق لدبلوماسية واعدة تحمل رسالة الزعيم التاريخى دكتور جون قرنق من أجل السودان الجديد الذى رفضه الإسلاميون ضيقو الأفق...
مرحبا بسفير السودان الجديد ... سفير الوحدة الجاذبة دكتور أكيك كوك مرة اخرى فى واشنطن ...

نورالدين منان

اتمنى ان يكون هولاء خير بذرة لسفراء السودان الجديد ولو بعد حين
اختيار صادف اهله اهنى صديقى سعادة السفير انتونى باختياره سفيراً
لحكومة جنوب السودان فى جمهورية مصر..
ولابد ان اقول ان اختيار سعادة السفير فرانسيس دينق للامم المتحدة ضربة معلم
من حكومة الجنوب التى احسنت اختيار السفراء بعناية فائقة وكم اتمنى أن
ارى اسم صديقى قيير تور من ضمن قائمة دبلماسيى حكومة جنوب السودان،،،

تهنئة خاصة للصديقة الرائعة الدكتورة ستونا عبد الله عثمان على اختيارها سفيرة لدولة جنوب السودان بألمانيا وقدسبق لها أن شغلت منصب سفير السودان في فينا بالنمسا عندما كان السودان مليون ميل مربع .

شكرا دينق .

أبو قصي

سمعت فيما يسمع السامعين ان دبلوماسيا متزوجا من احدى الكنداكات النوبيات سيكون سفيرا لدولة الجنوب في المملكة العربية السعودية

عزيزي جورج... تحياتي الخالصة

من المؤكد أنه تم إختيار هؤلاء السفراء بعناية فائقة... ولن أخفي سعادتي البالغة بعودة الدكتور الصديق (الرائع) أكيج سفيراً فوق العادة ومفوضاً لحكومة دولة جنوب السودان. أما أستاذي الدبلوماسي الخبير في العلاقات الدولية والإنسانية البروف فرانسيس دينق.. فهو أهلٌ لكل موقع يشغله سواء أن كان حكومي أو في المنظمات الدولية. لقد قدم هذا الاستاذ الدكتور للبشرية مجموعة أبحاث سيخلدها له التاريخ. ونحن في إنتظار عطاؤه المتواصل وما تطوعه لسفارة بلاده لخير مثال لوطنيته الدسمة. لقد تأسفت لعدم زيارتي له الاسبوع الماضي في معية الأستاذ ياسر عرمان والدكتور لوكا بيونق بمكتبه بالأمم المتحدة، والتي كنا نتظاهر أمامها لوقف جرائم الإبادة وإستخدام الغذاء كسلاح في الحرب ضد أهلنا الجوعى...

مبروك هذة التعينات وهذة الثقة التي حازوها جميعهم بجدارة!





___________________

بالمناسبة: ما هي أخبار السفراء إيسكهيل، دينق دينق وأغنيس؟

Quote: 2- Norway Bol Weik

بالله يا دينق وافينا بتاريخ الوصول عشان حفل الاستقبال وكده
اتخيلو سفيرتنا ليها قريب السنه وشويه يادوبك اول لقاء رسمى ليها مع السودانيين فى اوسلو يوم الاحد اول امس بدعوه مكلفته ارسلت يوم الجمعه يعنى يومين بس قبل موعد الدعوه
طبعاً ما مشيت ولا بنمشى لى ناس ما بقدرونا وفى ناس مشت وما كانت عارفه الحاصل شنو زاتو
محن سودانيه

دينق ... ايها العدو الاجنبي ... مبرووك عليكم سفاراتكم الجديده والحديثه ... انشالله تضوي ليكم... وانشالله بعد كده تحسوا بان لديكم دولة قائمة بذاتها وتتفكفكوا منا

Quote: الدكتورة ستونا عبد الله عثمان

ستونا بت حى الدناقلة ..
الله قادر
عجبنى ليها والله
برضها بت حلتنــا
وإمرأة فاس بتشق الرأس بــس ما رأســى أنــا
والله زمان يا ستونــا ..

Quote: Asia Continent 1- India Daniel Othol

الاخ دينق
سلام

في آسيا دي كلها سفير واحد بس!!!

وين الصين؟؟
اليابان؟
كوريا؟
اندونيسيا؟

Quote: تهنئة خاصة للصديقة الرائعة الدكتورة ستونا عبد الله عثمان على اختيارها سفيرة لدولة جنوب السودان بألمانيا وقدسبق لها أن شغلت منصب سفير السودان في فينا بالنمسا عندما كان السودان مليون ميل مربع . شكرا دينق . أبو قصي

مبروك وتهانينا للصنديدة ستونا ..اختيار صادف اهله

تحياتي ابوقصي ..ستونا كانت السفير الثاني بفينا وليس الاول..
انا ماشي كندا في يونيو نهائي باذن الله بعدما نزات معاش

دينق ود شول كيفنك عامل الليلة رأسك إن شاء الله موزون

وللا خربان بعد درشة هجليج وإنتصارات جيشنا الميمون

هدئ أعصاباك يا أخينا الدنيا أصلها كدى أديك كباية ليمون؟

تهدى أعصابك شوية يمكن تنسى مقلب البت الحيزبون

القالت ليكم إنتوا بس خشوا وو قوفنا معاكم مضمون

شيلتكم القفة وخلت رئيسكم ينطط زي القرد ميمون

من دولة لي دولة يحاحي وشعبوا راقد جعان مغبون

أها ما قلت لي ..الرحيل بقى ليك قاسي وبقيت محزون

بقيت تزازي من بوست لبوست قايل دا برجعك أوزون

Quote: 3- Germany Situna Abdallah

العزيز دينق هل هي ستونة عبدالله الممثلة المعروفة والمقيمة بمصر!

تحياتي

تصحيح يا دينق
بعد التحية لك ولضيوفك في البوست
سفير جمهورية جنوب السودان الجديد في الامم المتحدة
هو فرنسيس جورج نازاريو مدير مكتب جنوب السودان في بروكسل
لدي الاتحاد الاوربي قبل ميلاد الدولة الوليدة
وليس هو الدبلوماسي السوداني والاممي المعروف فرنسيس دينق
وان كان لايقل عنه كفاءة
وهو طبيب درس في فرنسا
ويجيد الفرنسية والانجليزية والعربية بطلاقة
وحقيقة ترشيح صادف اهله
رجل خلوق ومهذب جدا
بالاضافة الا انه مازال شابا

تصحيح يا دينق
بعد التحية لك ولضيوفك في البوست
سفير جمهورية جنوب السودان الجديد في الامم المتحدة
هو فرنسيس جورج نازاريو مدير مكتب جنوب السودان في بروكسل
لدي الاتحاد الاوربي قبل ميلاد الدولة الوليدة
وليس هو الدبلوماسي السوداني والاممي المعروف فرنسيس دينق
وان كان لايقل عنه كفاءة
وهو طبيب درس في فرنسا
ويجيد الفرنسية والانجليزية والعربية بطلاقة
وحقيقة ترشيح صادف اهله
رجل خلوق ومهذب جدا
بالاضافة الا انه مازال شابا

مبرووووووووووووووووووووك ستونه عبدالله

في الاجازه انا بطرفكم

تأكيدوتصحيح:
سفير جمهورية جنوب السودان او الممثل الدائم في الامم المتحدة هو الدكتور فرانسيس انذاريو الذي كان ممثل
حكومة جنوب السودان ببروكسل (مقر الاتحادالاوربي)..
بدأ عمله فورافي موقعه الجديد بنيويورك ورايناه يلقي كلمة جمهورية جنوب السودان في الامم المتحدة...
شاب نشيط جدا يعرف كيف يدير كل الامور ...

االاخ دينق اتمنى ان يكون قير تور سفير لدولة الجنوب فى السعوديه
والقنصل د مجوك او العكس