Post: #1
Title: صاحبي سرق جكسويتي#
Author: زهير عثمان حمد
Date: 05-14-2012, 00:37 AM
نفسك عفانه يا طامع ما البلد مليانه جكس بس دي ليه يا وهم والله كان قربت شديد منها وشميت ريحة العرق ح دوش ما تشوف السحمة أخوك كان صابر عليها لحدي تفر براها كان أكلت ما بتاكل أكل مضرة وكان شربت التقول كانت حايمة في الصحرا أنت عارف كيف أنا أجتهدت وطوعتها وبقت صفورتي الجميلة يا تعيس أنا قدمت الغالي والنفيس وكنت عامل زي بص الوالي مكيف وضخم وبوصل لحدي أطراف المدينة شاغل كلام معسول أنا كادب ما بعرس قريب لكين كنت عامل بخطط للعرس قبل حبناما يتم الحول بس أنت مريض وباتع حركات وأكاذيبك رهيبه هي كان عارفه العربية شدة وأنت مما أتخرجت قاعد مع السماسرة في السوق ح تزوغ بس لكين حركتك ########ه والحبوكانه كانت خلاس بقت زولتي بعد الترويض والاهتمام بالنضافة والقيافه ما أخوك بعرف يصنع نجمات الصالونات والابهار في عالم الكبار بس خرتني يا جربان قال هو صحفي فنون وكمان شاعر أغاني ياخي تغني مجنون وأنشالله عشرتكم تكون زي عشرة الغنم والحمير وأنشاالله ما تتهنوا
وهي الخاينه الجات الخرطوم بالبص العصر أنشالله تمرق منها للقبر المبهورة بالعاصمة اللي لما أول مرة أشتريت ليها أيسكريم قالت (أنتو بتأكلوا التلج) لما شافت بنك فيصل قلت فيصل دا منو! وأول مرة لما دخلت لكوفير قالت هي ما عيانه ليه نحن مشينا العيادة اللبس كان لبس رجالي صناعة الصين والشعر مربوط بصوف غناميه والريحة يا ساتر بس روب قديم والكركار كان في برطمنية والكريم كان نفيا الازرق تأكل الكسرة في الشارع وكان ركبت العربيه المكيفة تنوم لمن تشخر لحدي حس المسواك أراك والريحة بت السودان أنت معاي ما عرفتي الريحة البيوزن الاسكادا والمعجون وحمام الزيت والسونا والرجيم من مجاهل أفريقيا للحضارة بقروشي يا كوم القذرة
الاتنين أنتو جربانين لا بتشبهو الناس لا عندكم أخلاق ولا أمان وأنشالله بعد دا يعرسك ويسوي ليك بيت عشان من سكن الداخلية بقيت فيها أساسية ومن المؤسسين وأنا يا ناس زيط وميط في البلد دي بلقي ست القسمه وح تكون ست ستك يا عروب واللي في قلبي قالتو.
|
Post: #2
Title: Re: صاحبي سرق جكسويتي#
Author: قاسم المهداوى
Date: 05-14-2012, 00:47 AM
Parent: #1
ابو الزهراء
مساء الصباح
| Quote: والحبوكانه كانت خلاس بقت زولتي بعد الترويض والاهتمام بالنضافة والقيافه ما أخوك بعرف يصنع نجمات الصالونات والابهار في عالم الكبار بس خرتني |
صاحبك دا قلة مندسة ،، ومن الصحراء الى الصحراء زحف اغبش لتحرير الرهينة !!
خيانه وطنية من الدرجة الاولى
قلبى معك
قاسم المهداوى
|
Post: #3
Title: Re: صاحبي سرق جكسويتي#
Author: خضر الطيب
Date: 05-14-2012, 01:38 AM
Parent: #2
ابو الزهور حبيبنا ياخ
والله انت متعه
ياخ اصحابك ديل مالم كده ؟
صاحبك الدكتور الفانوس داك بجى بلحس السنه وبتخارج
اهو ربنا ريحك منو واتخارج مشا اديس ابابا
وصاحبك التانى دا سرق الجكسويه
ياخ اتخير اصحابك ياخ ..مبالغه لكن
ديل اصحاب شنو السجم ديل 
|
Post: #4
Title: Re: صاحبي سرق جكسويتي#
Author: المسافر
Date: 05-14-2012, 05:35 AM
Parent: #3
في الليلة ديك
يا عبدو
القصة ذاتها بقت عليك
وأدوك الشريط..
قال شينة قال
قلنا ده كلام صحيح
وخطيبة ذاتو ولد قبيح
قام تاني جاب سيرة البحر
يا عبدو عيب
الدنيا حر
والموية بتشخن عليك
|
Post: #5
Title: Re: صاحبي سرق جكسويتي#
Author: زهير عثمان حمد
Date: 05-14-2012, 06:17 AM
Parent: #4
المسافر
كيفك
عبدو دا منو ما فهمت حاجة أنا ؟!!!
|
Post: #6
Title: Re: صاحبي سرق جكسويتي#
Author: ود الباوقة
Date: 05-14-2012, 06:28 AM
Parent: #5
زهير
تحتاج لنظافة الكربريتر عاجلا
لانو رترتك زادت شديد
وبالمرة غير الكنداسات
وشكرا
|
Post: #7
Title: Re: صاحبي سرق جكسويتي#
Author: خالد عبد الله محمود
Date: 05-14-2012, 06:46 AM
Parent: #6
كربريتر شنو يا ود الباوقة الله يهديكـ
أبو الزهور ده مفترض يغير المكنة كلها ...
|
Post: #8
Title: Re: صاحبي سرق جكسويتي#
Author: ismeil abbas
Date: 05-14-2012, 08:55 AM
Parent: #7
Quote: وبالمرة غير الكنداسات
|
يا زهير يا أخوى ودالباوقة ده ما يغشك........قبل كده قال لواحد غير الكنداسات من اللحظة ديك الزول ده قلب مؤتمر وطنى ..
نحن فرحانين بيك بكندساتك القديمة دى بتجيب لينا الكلام الحلو ده....تقديرى وتحياتى.
|
Post: #9
Title: Re: صاحبي سرق جكسويتي#
Author: قيقراوي
Date: 05-14-2012, 09:02 AM
Parent: #7
Quote:
خلاس بقت زولتي بعد الترويض والاهتمام بالنضافة والقيافه ما أخوك بعرف يصنع نجمات الصالونات والابهار في عالم الكبار
|
ولد دا!
قلت لي جايية من مجاهل افريقيا!؟
باسم قوات حلف شمال الضهرة (نيدو) نتقدم بأحر ايات الشكر لابو الزهراء لتحويل بتنا دي لنجمة صالون ..
ونعل تبرئنا منها تماماً ..
نستنكر و نشجب وندين صاحبك دا
عمليتك ما ظريفة .. وحركتك ########ة!!
-------
عبدو دا يا ابو الزهراء (كهربجي) ..
كان عامل فيها الود تقيل .. لمن سقوهو موية الغسيل
بالليل كدا بجيب سيرة البحر .. طوااااالي
|
Post: #10
Title: Re: صاحبي سرق جكسويتي#
Author: زهير عثمان حمد
Date: 05-14-2012, 12:06 PM
Parent: #9
الاخوة الكرام
قاسم
خضر
المسافر
ودالباوقه
خالد
أسمعيل
الرهيب قيقا
لكم تحياتي وشاكرليكم الدعم والمناصرة ماهي دنياتي كدا وأنشالله ما تسرقوا ولا تفقدوا حبيب
صحيت الصباح لقيت نفسي عملت حاجة مجنونه المهم أنشالله تكون بردا وسلاما علي زملائي في البورد العابرين
|
Post: #11
Title: Re: صاحبي سرق جكسويتي#
Author: بدر الدين محمد
Date: 05-14-2012, 12:17 PM
Parent: #10
(يا مان ما أسمها سرق جكسوتي ) اسمها عمل لي مقص ... يعني صحبك قصاك ..
|
Post: #13
Title: Re: صاحبي سرق جكسويتي#
Author: زهير عثمان حمد
Date: 05-14-2012, 12:28 PM
Parent: #11
بدر الدين
تحياتي
والله المفردات العصريةدي أنا جهلول جدا فيها ليكن مقص حار جدايافردة
شكرا للمرور
|
Post: #14
Title: Re: صاحبي سرق جكسويتي#
Author: مزمل خيرى
Date: 05-14-2012, 12:36 PM
Parent: #10
| Quote: صحيت الصباح لقيت نفسي عملت حاجة مجنونه المهم أنشالله تكون بردا وسلاما علي زملائي في البورد العابرين |
ههههههههههههه
شكلها كانت برتقال
|
Post: #17
Title: Re: صاحبي سرق جكسويتي#
Author: زهير عثمان حمد
Date: 05-14-2012, 01:00 PM
Parent: #14
الاخ مزمل
تحياتي
بالتاكيد برتكانه في شكل بلحه عادي الجاجات بتتغيير
|
Post: #16
Title: Re: صاحبي سرق جكسويتي#
Author: Ashraf el-Halabi
Date: 05-14-2012, 12:42 PM
Parent: #10
| Quote: وكان ركبت العربيه المكيفة تنوم لمن تشخر |
يا زول الله شافك،
فريون ساكت كان فلست
|
Post: #12
Title: Re: صاحبي سرق جكسويتي#
Author: وضاحة
Date: 05-14-2012, 12:27 PM
Parent: #6
Quote: زهير
تحتاج لنظافة الكربريتر عاجلا
لانو رترتك زادت شديد
وبالمرة غير الكنداسات
وشكرا |
عثل عثل
بقً بقً
ابو الزوز دا ما فتر من الركدى وراء الجكس وكل يوم يجينا يبكى ويشكى لما عملينا صداع ظاتوا
ما تشوف ليه واحدة من اخوات نسيبة تريحنا منوا
ولك اجر المناولة
|
Post: #15
Title: Re: صاحبي سرق جكسويتي#
Author: أيمن الطيب
Date: 05-14-2012, 12:42 PM
Parent: #12
يا ابوالزهور سلامات يا ولدنا,,,| Quote: صحيت الصباح لقيت نفسي عملت حاجة مجنونه المهم أنشالله تكون بردا وسلاما علي زملائي في البورد |
أديهم يا أّبّزرد أديهم,,,رسسسسسهم كلهم اصلو باقى لى البورد دا عاوز كدا أديهم وما تتلفت زاتو,,
وبعدها فلتذهب ولترفهن عن نفسك فيكفيك ما لاقيت من يومك هذا,,
والله لو بترفه عن نفسك دا كلو ما بحصل ليك رفه عن نفسك ياخ رفه...
يا أبوالزهور بوست كناجيك البورد منتظرك!!!
تحياتى يا عريس...
|
Post: #19
Title: Re: صاحبي سرق جكسويتي#
Author: زهير عثمان حمد
Date: 05-14-2012, 01:10 PM
Parent: #12
وضاحه
كيفك
أنتو بنات المنبر دا أنا ما عندي أي كلام معكن رافعين القزاز وعاملين فيها نزلين من السما السايع بس أبعدو مني ( يا الجكس الاسفيري المعلب ) نحن ناس الحياة للحب والحب للحياة
بالله كمان نصايحك بيش قالت شنو (ما تشوف ليه واحدة من اخوات نسيبة تريحنا منوا )
شكرا علي الفكرة
|
Post: #20
Title: Re: صاحبي سرق جكسويتي#
Author: زهير عثمان حمد
Date: 05-14-2012, 11:40 PM
Parent: #19
فصيل التوبي
تحياتي
لا أعرف شخص بأسم محجوب وليست لي علاقة بالعرقي من قريب ولا بعيد وأحمد الله أني قد أصبحت من التائبين و توبتي نصوحه الهم أجعل زهيرا من حمائم المساجد وثبت قلبه بالايمان أتك سميع مجيب
|
Post: #21
Title: Re: صاحبي سرق جكسويتي#
Author: رشا احمد
Date: 05-15-2012, 01:21 AM
Parent: #20
الليلة يا جماعة زهير وينو ...ما ظهر!
ما في حاجة مجنونة يعني الليلة؟!! ^__^
يا زهير أنصح صحبك ما يستسلم بالله للحرامي ... عزيمة و اصرار ماكو كِلش كِلش والا ايش؟
بعدين اخوات نسيبة مالهم عليك الله .... عيبهم لي?
| Quote: اللهم أجعل زهيرا من حمائم المساجد وثبت قلبه بالايمان أتك سميع مجيب |
آآآآآآآمين آآآآآآآآمين
|
Post: #22
Title: Re: صاحبي سرق جكسويتي#
Author: الصادق اسماعيل
Date: 05-15-2012, 05:41 AM
Parent: #21
خلاصة البوست
زهير داير يبقى حمامة
|
Post: #23
Title: Re: صاحبي سرق جكسويتي#
Author: قيقراوي
Date: 05-15-2012, 09:06 AM
Parent: #22
Quote:
خلاصة البوست
زهير داير يبقى حمامة
|
بل
تلخيص اللحظة:
زهير بقى حمامة
-------
يا حمامة مع السلامة ..
ظللت -شنو كدا ما عارف- الغمامة
يا حمامة .. حمامة فاتن
يا ابو الزهراء (عبدو) برضو بقى فيلسوف ..
شيء كلام عن الدنيا ام قدود ..
جاب علاقة بين يوم السبت، وعين الحسود
والجمال .. الجهل .. سوء الاختيار ..
قال شينة قال!
دا كلام صحيح ..
وخطيبا ذاتو ولد قبيح
يا عبدو نوم .. عاوزين ننوم
قام تاني جاب سيرة البحر!!!
|
Post: #24
Title: Re: صاحبي سرق جكسويتي#
Author: rani
Date: 05-15-2012, 11:09 AM
Parent: #1
محن
|
Post: #25
Title: Re: صاحبي سرق جكسويتي#
Author: فدوى الشريف
Date: 05-15-2012, 12:06 PM
Parent: #24
ما محظوظ كلو كلو
حظك تعيس يازهير
|
Post: #26
Title: Re: صاحبي سرق جكسويتي#
Author: الحاج حمد الحاج
Date: 05-15-2012, 02:15 PM
Parent: #25
أولاد الحلال ينضفو و أصحابهم يجو يختفو.
تخريمة:
لما فارقتها خلت الشخير في الكندشة؟ مسكينة كان ضاربها سخانة!!
|
Post: #27
Title: Re: صاحبي سرق جكسويتي#
Author: زهير عثمان حمد
Date: 05-15-2012, 03:20 PM
Parent: #24
ليه
كدا يا ماما
|
Post: #28
Title: Re: صاحبي سرق جكسويتي#
Author: زهير عثمان حمد
Date: 05-15-2012, 03:56 PM
Parent: #27
ياقيقاالرهيب
كيفك القصة بقي فيها حمام وبحر وكمان الليله مشيت الجامعة الاهليه لقيت كل الجكس عارف قصتي وأخر ضحك ومسرخه السبب أنتو باقيقاالسبب
|
Post: #29
Title: Re: صاحبي سرق جكسويتي#
Author: قيقراوي
Date: 05-15-2012, 04:19 PM
Parent: #28
Quote:
ياقيقاالرهيب
كيفك القصة بقي فيها حمام وبحر وكمان الليله مشيت الجامعة الاهليه لقيت كل الجكس عارف قصتي وأخر ضحك ومسخره السبب أنتو ياقيقاالسبب
|
يا ابو الزهور ياخي قيقا متضامن معاك في محنتك دي
-------
النصيحة رصيدنا ذاتو حتّ .. فتنا الجامعة العربية ذاتو
كلو يوم في محنة جديدة انت
انا احتمال اجي السودان الشغيغ ..
اها نمش نوضح للجكس دا السبب ..
اسي سبتو الخاين الانتظرك لمن قشرتا و ختفا منك داك .. وبقيت انا السبب!؟
الاسباب مالا جاطت كدا .. زمان لمن الزمن زمين كان بكون هو السبب
الله يجازي الكان السبب!!
|
Post: #30
Title: Re: صاحبي سرق جكسويتي#
Author: تبارك شيخ الدين جبريل
Date: 05-15-2012, 06:43 PM
Parent: #29
لهذا يجب إسقاط النظام ...
الواحد ما يقص لى ابوالزهراء أصلو؟
والجكسوية القلت شينة دي طلعت صلاة النبي ... جمال وذكاء ومرح وفتنة وبراءة .. وعندها خلفية ثقافية تغتي عين الشمش ... واللبن طازج وليس رواب كما تقول ... ربما حاولت انت ان تخلطه بالبرتقال ... فهذه "الجكسوية" ليست مقاسك .... ولا تحتاج لتغيير الكنداسات مثلك ...
وها هي تنام على صدري ... احكي لها مغامرات "عبدو" قرضان البحر ... وتضحك ....
وقالت ليك تاني ما تضرب ليها تلفونات نص الليل وتجوعر وتجيب سيرة البحر ... الدنيا حر ياخي ...
... المهم ....
|
Post: #31
Title: Re: صاحبي سرق جكسويتي#
Author: زهير عثمان حمد
Date: 05-15-2012, 10:34 PM
Parent: #30
الاخ تبارك شيخ الدين جبريل
تحياتي يافنان بالله أنت بتعرفا والله دي قصة لابد من لجنة تقصي حقائق أنا الداقس في البلد دي
|
Post: #32
Title: Re: صاحبي سرق جكسويتي#
Author: على محمد على بشير
Date: 05-16-2012, 11:56 PM
Parent: #31
يا ابو الزوز انتا غيرت الكنداسات والا شنو ؟
الظاهر ود الباوفه دقسك !!
|
Post: #33
Title: Re: صاحبي سرق جكسويتي#
Author: ناصر احمد الامين
Date: 05-17-2012, 07:21 AM
Parent: #32
بما انو المكنة خفت و الدقسات اتوالت
العنوان الطبيعي: جكسويتي سرقت صاحبي.
------------------------------
ترجاك لي بتين يا ابو الزهور؟؟
|
|