Post: #1
Title: تموا معاي القصيدة دي!
Author: عمر الفاروق عبد الله الشيخ
Date: 05-13-2012, 09:13 AM
تقولي منو وتقولي شنو؟
دي حكومتنا وديل حكامنا
ده حالنا ومحتالنا
دي سياستنا ودي عواستنا
ده واقعنا ودي كورتنا
تقولي منو وتقولي شنو؟
الكانوا معانا خلونا برانا
والكانوا ورانا بقوا قدامنا
ونحن الأسسنا ونحن السوينا
ونحن الجهزنا ونحن العدينا
ونحن الخمينا ونحن الصرينا
تقولي منو وتقولي شنو؟
|
Post: #2
Title: Re: تموا معاي القصيدة دي!
Author: عمر الفاروق عبد الله الشيخ
Date: 05-13-2012, 09:28 AM
Parent: #1
تقولي منو وتقولي شنو؟
من جوه بلدنا مرقنا انشرينا
ما خلينا بلاد من واشنطن لانجمينا
انحن اتخمينا
باسم الدين انحن اتخمينا
ما جاتنا مطرة بيها اتبلينا
ولا حتي مرقة بيها اتغدينا
يقولولك نحن ابتلينا
الحالة صعبة نحن ابتلينا
الموية عكرة برضه ابتلينا
حقيقة نحن ابتلينا
وتقولي منو وتقولي شنو؟
|
Post: #3
Title: Re: تموا معاي القصيدة دي!
Author: عمر الفاروق عبد الله الشيخ
Date: 05-13-2012, 09:50 AM
Parent: #2
تقولي منو وتقولي شنو؟
نحن الكان ونحن النان
مليون ميل كان السودان
شاقينا نيل عبر الازمان
خضرة خضار بقرنا سمان
جبن البان قمح نديان
ونحن الكناونحن الكان
تقولي منو وتقولي شنو؟
|
|