Post: #1
Title: يامريخ صحي اتغيرت انت خلاص !! اذن هذا فراق بيني وبينك ...
Author: omer osman
Date: 05-13-2012, 07:05 AM
Parent: #0
عفواً لم تعد انت المريخ الذي عشقناه 
|
Post: #2
Title: Re: يامريخ صحي اتغيرت انت خلاص !! اذن هذا فراق بيني وبينك ...
Author: omer osman
Date: 05-13-2012, 07:08 AM
Parent: #1
اين انت يامريخنا!!! وانت الذي كنت بالطول بالعرض تهز الارض !!!
|
Post: #3
Title: Re: يامريخ صحي اتغيرت انت خلاص !! اذن هذا فراق بيني وبينك ...
Author: omer osman
Date: 05-13-2012, 07:14 AM
Parent: #2
أمس السبت الموافق 12 مايو 2012م كان نهاية علاقتي
بتشجيع المريخ ربما الى الأبد مالم يحدث تغيير حقيقي
يعيد لمريخنا نكهته وطعمه المميز !!!
|
Post: #4
Title: Re: يامريخ صحي اتغيرت انت خلاص !! اذن هذا فراق بيني وبينك ...
Author: نور الدين عثمان
Date: 05-13-2012, 07:22 AM
Parent: #3
جنابو عمر يا صفوة وطبعا مصر على كلمة صفوة دى ..
اكيد لم يكن المريخ امس فى يومه وخرج من الابطال ولكن لايعنى ذلك ان نستسلم للحزن ونلعن المريخ
فالمريخ باقى فينا خالدا حبا ابدياولكن سنسعى لتغيير الادارة واللاعبين حتى ناتى بمن فى قلبه عشقا
للاحمر الوهاج قبل اللعب لان الغيرة هى الاهم وهى اكسير الطاقة المفجرة للابداع وعندها سيعود مريخك
اخى عمر وستعود تغنى للذهب والدم من تانى وخلينا نقول دى كبوة جواد والعترة تصلح المشية باذن الله
تحياتى لك ايها الرائع
|
Post: #5
Title: Re: يامريخ صحي اتغيرت انت خلاص !! اذن هذا فراق بيني وبينك ...
Author: omer osman
Date: 05-13-2012, 07:29 AM
Parent: #4
Quote: جنابو عمر يا صفوة وطبعا مصر على كلمة صفوة دى ..
اكيد لم يكن المريخ امس فى يومه وخرج من الابطال ولكن لايعنى ذلك ان نستسلم للحزن ونلعن المريخ
فالمريخ باقى فينا خالدا حبا ابدياولكن سنسعى لتغيير الادارة واللاعبين حتى ناتى بمن فى قلبه عشقا
للاحمر الوهاج قبل اللعب لان الغيرة هى الاهم وهى اكسير الطاقة المفجرة للابداع وعندها سيعود مريخك
اخى عمر وستعود تغنى للذهب والدم من تانى وخلينا نقول دى كبوة جواد والعترة تصلح المشية باذن الله
تحياتى لك ايها الرائع |
نورالدين ياراقي تحياتي ...
هرمنا يانورالدين ونحن في إنتظار دابة الارض لتأكل المنسأة وتحدث التغيير !!!
|
Post: #6
Title: Re: يامريخ صحي اتغيرت انت خلاص !! اذن هذا فراق بيني وبينك ...
Author: Zomrawi Alweli
Date: 05-13-2012, 07:37 AM
Parent: #5
Quote:
أمس السبت الموافق 12 مايو 2012م كان نهاية علاقتي
بتشجيع المريخ ربما الى الأبد مالم يحدث تغيير حقيقي
يعيد لمريخنا نكهته وطعمه المميز !!! |
بكائية ممتازة
واحسن تتخارج من بدري
وشوف ليك فريق جمب البيت
زيما احنا عايزين نخلي الهلال وبقينا نشجع فريق نادي العودة بالكلاكلة
فرق سودانية تتسابق للهبوط الى اسفل السافلين رغم التبجح في الفضائيات والرادي
|
Post: #7
Title: Re: يامريخ صحي اتغيرت انت خلاص !! اذن هذا فراق بيني وبينك ...
Author: أيمن دياب
Date: 05-13-2012, 07:48 AM
Parent: #6
Quote: أمس السبت الموافق 12 مايو 2012م كان نهاية علاقتي
بتشجيع المريخ ربما الى الأبد مالم يحدث تغيير حقيقي
يعيد لمريخنا نكهته وطعمه المميز !!! |
أعزيك وأعزي نفسي يا جنابو في المصاب الذي حل بالكرة السودانية..
الأموال أفسدت اللاعبين.. ومستوانا الحقيقي لن يكون أفضل من أندية المطابع الصومالي والبن الأثيوبي..
تخيل لاعب مصنف على أنه (دولي) ولا يجيد عكس الكرة بصورة صحيحة..
مصيبة وأصابتنا.. لا مريخ نفع ولا هلال شفع..
|
Post: #12
Title: Re: يامريخ صحي اتغيرت انت خلاص !! اذن هذا فراق بيني وبينك ...
Author: omer osman
Date: 05-13-2012, 08:23 AM
Parent: #7
| Quote: تخيل لاعب مصنف على أنه (دولي) ولا يجيد عكس الكرة بصورة صحيحة.. |
ولايجيد الاستلام ولا التمرير .... وعييييييييك ...
وفوق ذلك عن(.........)ة وغرور في الفارغ ...
لاروح لاحماس لامسئولية ...
وجع قلب بس ياصديقي ...
|
Post: #8
Title: Re: يامريخ صحي اتغيرت انت خلاص !! اذن هذا فراق بيني وبينك ...
Author: omer osman
Date: 05-13-2012, 07:49 AM
Parent: #6
Quote: بكائية ممتازة
واحسن تتخارج من بدري
وشوف ليك فريق جمب البيت
زيما احنا عايزين نخلي الهلال وبقينا نشجع فريق نادي العودة بالكلاكلة
فرق سودانية تتسابق للهبوط الى اسفل السافلين رغم التبجح في الفضائيات والرادي |
بدل نشوف فريق مانشوف وطن بديل إحباط في كل شيء !!!
|
Post: #9
Title: Re: يامريخ صحي اتغيرت انت خلاص !! اذن هذا فراق بيني وبينك ...
Author: حمزاوي
Date: 05-13-2012, 08:03 AM
Parent: #8
جنابو ... مادام في بله جابر مش حتقدر تغمض عينيك
يا جنابو طول بالك .. ويا سعادتك البلد كلها مستحملة حاجات كتيرة
كلام ذي دا ما يجي من امثالك ... سيظل المريخ حبنا وعشقنا وبيتنا
وخيرها في غيرها
|
Post: #10
Title: Re: يامريخ صحي اتغيرت انت خلاص !! اذن هذا فراق بيني وبينك ...
Author: nazar hussien
Date: 05-13-2012, 08:14 AM
Parent: #9
| Quote: بدل نشوف فريق مانشوف وطن بديل إحباط في كل شيء !!! |
اخي الصغير لما كان في اعتاب الروضة
كان يغني:
وطن الجدود نفديك بالارواح نجود...
ويحولها حسب سمعه الي:
وطن الجدود بديك لحم...بديك معجون...
بلكنة طفل في الروضة...
والكلام دا قبل كم وعشرين سنة...أيام المعجون اب وردة
واللحم باير في الجزاير من كترتو...
فعرفت ان الطفل الذي كان والرجل الآن فيه بقايا من ود تكتوك
|
Post: #13
Title: Re: يامريخ صحي اتغيرت انت خلاص !! اذن هذا فراق بيني وبينك ...
Author: omer osman
Date: 05-13-2012, 08:30 AM
Parent: #10
Quote: ويحولها حسب سمعه الي:
وطن الجدود بديك لحم...بديك معجون...
بلكنة طفل في الروضة... |
ههههههههههههه ...
شكرا نزار اضحكتني في غمرة هذا الاحباط القاتل ...
| Quote: فعرفت ان الطفل الذي كان والرجل الآن فيه بقايا من ود تكتوك |
الشطار والنابهين عرفوها بدري واتخارجوا وقعدنا نحن نضرب كف بكف !!!
|
Post: #11
Title: Re: يامريخ صحي اتغيرت انت خلاص !! اذن هذا فراق بيني وبينك ...
Author: omer osman
Date: 05-13-2012, 08:19 AM
Parent: #9
| Quote: سيظل المريخ حبنا وعشقنا وبيتنا |
لمتين .. لمتين يلازمك في هواك مر الشجن.. ويطول في أيامك سهر .. ويطول عذاب
ياقلبي لو كانت محبتو بالتمن .. يكفيك هدرت عمر .. حرقت عليه شباب
لمتين .. لمتين
|
Post: #14
Title: Re: يامريخ صحي اتغيرت انت خلاص !! اذن هذا فراق بيني وبينك ...
Author: محمد عبدالرحمن محمد
Date: 05-13-2012, 08:34 AM
Parent: #6
Quote: أمس السبت الموافق 12 مايو 2012م كان نهاية علاقتي
بتشجيع المريخ ربما الى الأبد مالم يحدث تغيير حقيقي
يعيد لمريخنا نكهته وطعمه المميز !!! |
هاك خط الرجعه ده، يا نفّاي! !
-
عمر، [شقيقي] وابو أبوي، كيفنك..
زمااان كت مرضان كوره أكتر ملاك والخليل أبو القوق..
بي نهاية أي متش لي هلال مريخ، نص ناس البيت يحردو عشاهن، والنص التاني، بي قيادة اللحمر ابوي، ياكلو باسطه من [سلا]*..
المرض [العفي] ده كان صايدني لا زمن ود كنبتي قُله، والرهيب سامي عزالدين الورانا بي سنه، والفاتح عبدالهادي [الريشه]، كانو بلعبو كوره صحي صحي.. [ديل علي سبيل مثل، بي حكم نشأتي معاهم]..
نجي لي البيكتبو؟
أقلام تكتب بماء الدهب:
عمر علي حسن، ابن البان، أبو آمنه حامد، وحاج حسن..
البذيعو؟
طه حمدتو خلّو، ده كان كوم برا،
تعال لي آخرم:
علي الحسن مالك.
-
قااارن..
،
إمّا شفيت برسِّلّك شوته من شوتات الدحيش [من تالاي]، أو من الفاضل سانتو [من تالاك]
.
.
.
رحم الله كرة القدم السودانية..
ورحم الله كل ما كان جميلاً في السودان.
* يعرفوها ناس مدني
|
Post: #15
Title: Re: يامريخ صحي اتغيرت انت خلاص !! اذن هذا فراق بيني وبينك ...
Author: omer osman
Date: 05-13-2012, 08:39 AM
Parent: #14
| Quote: هاك خط الرجعه ده، يا نفّاي! |
هههههههههههههههههههههههههههههه ...
نجيييييييييض وعامل فيها مطرطش
Quote: رحم الله كرة القدم السودانية..
ورحم الله كل ما كان جميلاً في السودان.
|
الفاااااااااتحة ..........
|
Post: #16
Title: Re: يامريخ صحي اتغيرت انت خلاص !! اذن هذا فراق بيني وبينك ...
Author: فايزودالقاضي
Date: 05-13-2012, 08:48 AM
Parent: #15
انت غايتو اى حتة تخشها تطلع منها
كأن شغل ولا حزب ولا كورة ..
يازول خلى تشجيع المريخ هسه ..
انت قايل المريخ ينمحى من خارطة الكورة عشان انت ماشجعته !!
من غير بوست وربنا يسهل ليك ..ولا اشوفك تتعاطف معاه تاني ..
فايز مشجع ابدى للمريخ ..
|
Post: #17
Title: Re: يامريخ صحي اتغيرت انت خلاص !! اذن هذا فراق بيني وبينك ...
Author: Hisham Ibrahim
Date: 05-13-2012, 08:58 AM
Parent: #16
لمن يجي رئيس نادي زي الكوارتي والا بشير حسن بشير ...!
بنكلمك تجي ونجي قبلك ...
القوس ما عند بارئها يا مان ...!
والدُمي المأجره دي عمرها ما تودي المريخ لي قدام ...
مودتي لمريخ زمان ...وليك .. وللوطن ...
|
Post: #21
Title: Re: يامريخ صحي اتغيرت انت خلاص !! اذن هذا فراق بيني وبينك ...
Author: omer osman
Date: 05-13-2012, 09:18 AM
Parent: #17
Quote: القوس ما عند بارئها يا مان ...!
والدُمي المأجره دي عمرها ما تودي المريخ لي قدام ...
|
زماااان فتحت ليهو بوست قلت ليهو :
شكر الله سعيك تعال شيل نجيلتك وكراسيك ورجع لينا مريخنا !!!
|
Post: #19
Title: Re: يامريخ صحي اتغيرت انت خلاص !! اذن هذا فراق بيني وبينك ...
Author: omer osman
Date: 05-13-2012, 09:12 AM
Parent: #16
Quote: انت غايتو اى حتة تخشها تطلع منها
كأن شغل ولا حزب ولا كورة .. |
ههههههههههههه ...
لكن المريخ بالذات يافايز انا طولت معاهو شدييييييد
واسه ما ببدله بي فريق تاني لكن بجمد نشاطي ...
|
Post: #20
Title: Re: يامريخ صحي اتغيرت انت خلاص !! اذن هذا فراق بيني وبينك ...
Author: Zomrawi Alweli
Date: 05-13-2012, 09:13 AM
Parent: #16
Quote: جنابو ... مادام في بله جابر مش حتقدر تغمض عينيك
يا جنابو طول بالك .. ويا سعادتك البلد كلها مستحملة حاجات كتيرة
كلام ذي دا ما يجي من امثالك ... سيظل المريخ حبنا وعشقنا وبيتنا
وخيرها في غيرها |
حمزاوي مسكاقمي ابوننقان تو
خايف يصيبك مكروه وانت جاري ورا السراب اللسمو مريخ دا
طالما احنا اصلا مغتربين لينا سنين
ليه ما نتخلى عن المريخ والهلال ونشجع برشلونة
على الاقل الواحد يعيش منتشي
بدل المرض والكآبة التي تلازمان الكرة في السودان
|
Post: #18
Title: Re: يامريخ صحي اتغيرت انت خلاص !! اذن هذا فراق بيني وبينك ...
Author: abuguta
Date: 05-13-2012, 09:05 AM
Parent: #15
والله ياجنابو جننتنى,,,,
سال الحضور سيف مساوى ليه شت الكورة كدا
قال زى سيرجو راموس
انتو كتلكم غراب شايل الكاس دا 5 مرات
وهو بطل هذا العام
لكن نحن اخرجنا
فريق جمعية تعاونية متل فرق الحوارى
عمروا ما صعد لابطال
ياصديقى دا حزن نبيل ومخرج للشعب من المحنة الكبرى
سال خارج الايطار ...هل هنال علاقة بين الكورة والسياسة
|
Post: #22
Title: Re: يامريخ صحي اتغيرت انت خلاص !! اذن هذا فراق بيني وبينك ...
Author: omer osman
Date: 05-13-2012, 09:25 AM
Parent: #18
Quote: ياصديقى دا حزن نبيل ومخرج للشعب من المحنة الكبرى
سال خارج الايطار ...هل هنال علاقة بين الكورة والسياسة |
بالحيل في وسؤالك منطقي شديد ..
العلاقة وثيقة ووثيقة جداً والمريخ تحديداً
منذ ان وطئت السياسية بوابة ناديه لم يكسب عافية ...
|
Post: #23
Title: Re: يامريخ صحي اتغيرت انت خلاص !! اذن هذا فراق بيني وبينك ...
Author: معاوية محمد الحسن
Date: 05-13-2012, 12:41 PM
Parent: #22
جنابو
تحياتي
المريخ لم يخرجه فريق عادي
المريخ أخرجه مازيمبي ثالث اندية العالم فى أخر بطولة جرت فى ابوظبي
مازيمبي فاز على الرجي بالستة وعلى الهلال داخل ملعبه بالخمسة وتاهل لملاقاة المريخ بعد ان فاز على فريق زامبي بالستة علما بان زامبيا هى بطلة افريقيا مؤخراً
العزاء فى اننا خرجنا على يد ثالث العالم وبطل سابق ومرشح للفوز بهذه البطولة
اين نحن من حاج حسن عثمان الذى قال احب المريخ مهزوماًاكثر من حبه فائزا لانه سيكون لى وحدي
هؤن عيك عزيزي فالمريخ كم أسعدنا بالبطولات المقفلة وبالكوؤس الجوية
نعم المربخ يحتاج لتعديل فى صفوفه وتنظيم فى ادارته ولكن لا نتخلي عنه
عد لمريخك ياعمر وعسي فى الكنفدرالية خير
|
|