السودان الوطن - الهامل - ما قد كان... و ما سيكون !!!

تستحضرني قصة من زمن الابتدائي انة

حاول الثعلب ان يجد طريقة لافتراس طائر يدعي (ابو مركوب ) . وجدة في يوم عاصف علي الشاطي

ففكر في افتراسة و لكنة كبير الحجم . اقترب منة و سلم كيف حالك ( حق الله بق الله )

الثعلب - انتا يا ابومركوب لو هبت الريح بشمالك اين تخبيء راسك ؟

ابومركوب :- اتوجة ناحية اليمين

الثعلب :- و أن هب من ناحية اليمين ؟

ابومركوب :- اتوحهه ناحية الشمال

الثعلب :- و ان هب من امامك اين تتوجهه ؟

ابو مركوب :- اتوجهه الي خلفي

الثعلب :- و ان هب عليك من جميع النواحي ماذا تفعل ؟

ابومركوب :- اخبئة تحت جناحي

الثعلب :- اهااا دي كيف يعني تخبئة تحت جناحك يا ابو مركوب اصلوا ما بتجي ّ!!

ابومركوب :- بتجي و الله و كان داير بوريك كيف !

الثعلب :- وريني طيب

ابو مركوب ادخل راسة تحت جناجية و في تلك اللحظة هجم علية الثعلب في عنقة و افترسة :

-----

هسي الثعلب قاعد يخلخل ما بين اسنانة و يتجشاء









حكينا القصة دي لييييية



عشان نعرف هملت ابومركوب العداها كلها غلاط مع ثعلب

كالح ما اراه امامي من تشظي و تشفي و ( هملة ) لمن ننتظر منهم الفرج

لي وطن يجمع ما تبقي .

غايتو ان كانت سودانيز اون لاين معيار لما قد تؤول علية الامور في السودان

( الترابة في خشمكم ) .


ما هذا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وحل اكبر جرار لن يخرج سياسيونا منة

اريد ان اعرف في اي وق و تحت اي ظرف كتب شاعر الشعب هذه الابيات

كرهت تفاهة الثوار
وكت يبقى النضال قعدة
كرهت قصائد الحفلات
عن "الثورة" وعن "الجبهة
كرهت معارك الأحقاد
تحيل اسم البلد لعبة
كرهت تطاول الأولاد
و الساقطين من النقاد
*************
أموت يا وطنى
بى خنجر مكايد الحاشية والطاغية
ولا الشايلين اسم ثوار
وهم عصبة المافيا
أقوم يا وطنى من جرحى
وأشوف بى رؤية العافية
جروحك فى المزاد للبيع
واسمك فى خشوم لاهية

في واحد فرنسي قااعد في اديس ابابا خبير في الشئون الافريقية

قال في مقال في النيويورك تايمز

السودان دة ما عندو حل غير يساعدوه يدخل في حرب اهلية ( الضعيف يقع و السمين يقيف )

الزول دة بيفتكر انو كدة احسن و الحاجات حا تبقي كويسة .


( و الله صحي ) كما قال البشاري



-----------------------


كرهت معارك الأحقاد
تحيل اسم البلد لعبة
كرهت تطاول الأولاد
و الساقطين من النقاد

الناس تلقاها من منو و لا من منو

المسحوقين الناس العيشه دين مجرورة و تجر ديل

نحاصرهم بخذعبلات من كيبورداتنا و عنتريات انترنتية

و نهددهم في رواكيبهم تلك . و يرقص علي اشلائهم البشير

تودو وشكم منهم وييين !!



قلت ليهو و قال لي بالنسبة لهم ترف سخيف كالذي يضحك في المقابر

------------------

أموت يا وطنى
بى خنجر مكايد الحاشية والطاغية
ولا الشايلين اسم ثوار
وهم عصبة المافيا

تبا لكم بالانجليزي


كرهتونا السودان