انه بسم الله وانه من الأخطبوط العظيم طال عمرو

قررت أنا طلحة عبدالله الأخطبوط العظيم طال عمرو وبعد الملاحقات والتلميحات
المتشككة في قدراتي الخرافية في قراءة الأحداث وفلفلة المعطيات المتوافرة
وإستخلاص زبدتها كنتيجة نهائية وتقديمها في شكل وردة للقراء والمعجبين من لدن
ود الفكي وجرجير وغيرهما بما يجعل الخشوم تنفتح عن آخرها حتي لتري الأضراس الورانية
بسبب الدهشة من هذه المقدرات الأسطورية في سبر ما خفي وغاب عن العقول البسيطة قررت:
1/ أن لا أتنبأ بخصوص الأمور البسيطة والتى يمكن لأي كشي مشي أن يفتي فيها كمباريات
الهلال والمريخ في المنافسات المحلية والخارجية بإستثناء مبارياتهما في الأدوار المتقدمة
من دور الثمانية وإتا ماشي لى فوق إن حصل .
2/ في حال تكاثرت الطلبات وتضاعفت الرجاءات من المعجبين كما يحدث حاليا من ناس ود الفكي
وجرجير وغيرهما وإن بديا أنهما يتحديان الأخطبوط العظيم فأنه لا مانع من النزول إلى حيث
التواضع الجميل والادلاء ببعض ما لدينا باختصار دون الخوض في التفاصيل شريطة أن يكون ذلك
بعد أن يتم الإعتراف الواضح بمقدراتنا التى لا تجاري ولا تباري كأن يفتح بوست جماعي يشارك
فيه كل المعجبين ويكون مخصصا للمدح والثناء ومبايعتنا كاخطبوط مهول لا قبل لناس قريعتي راحت
بنا.
وشكرا
صدر هذا تحت توقيعنا في تاريخه
الاخطبوط الرهيب طال عمرو

الأخطبوط المبجل طال عمرك


ماتحرمنا من جمال جياتك يابول ياخ

وعندك اتنين لوح تلج على حسابنا

Quote: الأخطبوط المبجل طال عمرك ماتحرمنا من جمال جياتك

سنري ما يمكن إنجازه ونقرر في هذا الشأن.

تشكيك شنو يا ابو الشباب
دا يقين عديل كدا .... ما عندك حاجة
منظراتي وصدقت معاه ليس إلاّ

قال تحت توقيعي قال , قوم لف

Quote: قال تحت توقيعي قال

قلنا توقيعنا وليس توقيعي يا هذا

ألأخ/طلحة أنت رجل موسوعة رياضية ومحلل جيد...ما زى ناس قريعتى راحت .أهم شىء فى التحليل أن تكون عندك رؤية ومعطيات تعتمد عليها.

أدينا المفيد..وأتمنى أن لا أكون من المزعجبن...تقديرى وإحترامى.

العبد الفقير لله إسماعيل عباس السلام عليكم
أنه وبتاريخه إستلمنا مكتوبكم وسينظر ويفاد


.......................

Quote: ألأخ/طلحة أنت رجل موسوعة رياضية ومحلل جيد...ما زى ناس قريعتى راحت

بطريقتك دي يا إسماعيل بتعمل ليك جلطة لى زول زولين في المنبر دا ههههههه

يا عمران والله ما عندك خوة, صاحبك اسماعيل دا محموم لمن قعد يهدرب، الحقه بدرب ولا شوف اقرب مستوصف يختو لوح تلج فوق راسه عشان الحمى دي تنزل‏!‏ محلل وموسوعة؟ يا زول زولك دا ودي ل‏(فكي‏)‏
يا طويل العمر سيبك من مجاملات سمعة دا وخش في المفيد ونستسمحك جرجير وانا ان تنزل لمستوانا (معليش عصرنا عليك‏)‏ وان تتكرم علينا بتنبؤ بنتيجة المباراتين، بس بحذرك انا جلت كالعادة زي ما قال ود البشرى والله الا ترحل من المنبر دا‏!‏
صدر تحت توقيع قصير العمر وود البشرى

Quote: بس بحذرك انا جلت كالعادة

هداك الله يا هذا فالأخطبوط العظيم طال عمرو له بهذا المنبر تاريخ موسوم
بالتنبؤات التى تحققت بحذافيرها دون نقصان (راجع سفر الأخطبوط من أرشيف المنبر)
وعليه صحح الخطأ فيما أوردته من تجنيات على فخامتنا ومن ثم قدم فروض الولاء والطاعة
وبعدها فربما (أقول ربما) نتعطف عليك بالنظر في طلبك.
انتهى.

والله يا سليمان عندي عمي لما ما يكون داير يتكلم معاك في موضوع يجليك تجلية اسات وشياب بس، انا كنت مفتكرو فريد من نوعو لمن قابلتني يا طويل العمر
جرجير ياخي ماتشوف الزول دا والله بكتب من موباي اصابعي فترن

حبينا طلحــة ..

الله معاك في توقعاتك











أبومصطفى

والبت مــرح بتقول ليك فليكن شعارك الطشــت ياعمـــو
















أبومصطفى

يا ابو مصطفى
الطشت دا يستحمى فيهو ولا يبلعو؟
كيا سليمان انت خت لينا تنبؤ ، ولا الهدهد لسه ماجاء راجع؟

Quote: يا عمران والله ما عندك خوة, صاحبك اسماعيل دا محموم لمن قعد يهدرب، الحقه بدرب ولا شوف اقرب مستوصف يختو لوح تلج فوق راسه عشان الحمى دي تنزل‏!‏ محلل وموسوعة؟ يا زول زولك دا ودي ل‏(فكي‏)‏

أها يا طلحة ده واحد من الجماعة....محمد عمر الفكى لك التحية.

تحياتى وتقديرى.

عبثا يحاول المتربصون من الحاشية جرناللخوض في ماهو دون مستوانا
ولكن هيهات هيهات .
قالها ثم سكت عن الكلام الغير مباح ونام حتي الصباح .

خلي ( يضقِل ) بيكم انت واسماعيل
انت ما صدقت معاكـ يا ود الفكي كاااام مرة لامن فكرنا نعمل ليكـ ( قُبَة)
القبة التقوم ليكـ في سرج عجلتكـ إن شاء الله








_____________________________
هلال مريخ شنو ؟ والله بعد المشفر البنشوف فيهو ده ما أظن إيديني ديل يصفقن لي (باص) لاعب من عندنا
قوم لف يا ود الفكي

يا سمعة
الليلة اخطبوطكم دا اذرعته دي بنقطعها ليهو فوق راسو، يا سمعة انت ما عارف كلمة موسوعة دي حارقاني كيف؟ ود البشرى داك بعدها نهائي ما ظهر اتفقدوا يمكن جاته كوما.

يا عمران
ياخي عليك الله تاني ما تقول لي لف، ما عارف كبرنا ولا الحاصل شنو؟ راسي خف، شكلو داير عمرة كاملة، فاللفة بتتعبني
من امس بالليل جاتني خوفة من كورة الليلة بالنسبة للمريخ اما انتو فانا هسي قاعد افتش في فرق الكونفدرالية اشوف البقرعكم منو بهناك

الأخ الكريم طلحة تحية طيبة

{إِنَّهُ مِن سُلَيْمَانَ وَإِنَّهُ بِسْمِ اللَّهِ الرَّحْمَنِ الرَّحِيمِ }النمل30

ليتك يا أخي ضربت مثلا بغير هذه الآية الكريمة

فما علاقة بسم الله بالتنجيم والكهانة وهي أمور يرفضها الشرع الكريم

Quote: وعندك اتنين لوح تلج على حسابنا

ممكن الواحد يتبرع معاك بي شاكوش؟؟





لزوم التكسير وكدى

محمد جلال الدين يا حبيب أرفع شوية من البنزين ياخ
أتوقع فوز أو خسارة الفريق الفلاني بناء على مقاييس علمية ومعطيات راهنة
فأين الكهانة في هذا يا هذا ؟
ود الفكي ما عندك طريقة إلا تبايع الأخطبوط العظيم طال عمرو وإنت صاغر مسكين.
محمد الشيخ يا ملك أقنع المكابرين ديل بأداء فروض الطاعة والولاء فربما تنازل
الأخطبوط وأدلي بدلوه في مباراتي المريخ والهلال المقبلتين .

محمد جلال الدين يا حبيب أرفع شوية من البنزين ياخ
أتوقع فوز أو خسارة الفريق الفلاني بناء على مقاييس علمية ومعطيات راهنة
فأين الكهانة في هذا يا هذا ؟
ود الفكي ما عندك طريقة إلا تبايع الأخطبوط العظيم طال عمرو وإنت صاغر مسكين.
محمد الشيخ يا ملك أقنع المكابرين ديل بأداء فروض الطاعة والولاء فربما تنازل
الأخطبوط وأدلي بدلوه في مباراتي المريخ والهلال المقبلتين .

Quote: ود الفكي ما عندك طريقة إلا تبايع الأخطبوط العظيم طال عمرو وإنت صاغر مسكين.

هي لاكن نبقى حيران كدا ساكت من دون كرامة؟ كدي اتبين لنا في الكورتين ديل وبعدين بنشوف!!!!
اخر مرة اطلب منك توقع يا طويل العمر لانه الكورتين باقي ليهم ساعات بس وانت لسه في اللولوة والزوغان ودا ما من مصلحتك قدام معجبينك زي ناس اسماعيل عباس "والله سمعة دا راجل طيب خلاص"
ادنا التوقع ايها المتمزمغ كما قال ود الباوقة دون علم منى بمعناها

يا جماعة لو في زول لاقى طويل العمر دا يقول له ود الفكي منتظرك في السهلة دي؟ قال يراودني قال يا ود البشرى