Post: #1
Title: منجم يتنبأ بهزيمة ثقيلة لمازيمبي ...
Author: منتصرمحمد زكى
Date: 05-08-2012, 07:29 PM
نعم
كذب المنجمون ولو صدقوا
لكن
هزيمة مازيمبي بأمدرمان وبعدد وافر من الأهداف
تعيد للكرة السودانية هيبتها ليست مستحيلة بل
هي أقرب إلى الواقع .
Quote: تنبأ الكاميروني روجر زامبوكي الملقب ب ( التنين )
بهزيمة كبيرة لمازيمبي أمام خصمه المريخ السوداني
في مباراة الإياب للأندية الأبطال بقوله: رأيت النسور
الجارحة تنقض على الغربان دون رحمة وترغمها على الفرار
سبق للتنين أن تنبأ بأحداث تحقق معظمها كوفاة مشاهير
القارة الأفريقية والكوارث الطبيعية وبعض نتائج مباريات
كأس الأمم الأفريقية. |
|
Post: #2
Title: Re: منجم يتنبأ بهزيمة ثقيلة لمازيمبي ...
Author: محمد حيدر المشرف
Date: 05-08-2012, 08:20 PM
Parent: #1
النسور الجارحه ديل أنحنا ؟!
..
على الاخوة المنجمين تحرى المصداقية يا منتصر
ههههههه ..
يسمع منهم ربنا ..
|
Post: #3
Title: Re: منجم يتنبأ بهزيمة ثقيلة لمازيمبي ...
Author: عادل نجيلة
Date: 05-08-2012, 08:41 PM
Parent: #2
والله يا منتصر إلا زولك ده يكون قاصد مباراة مابعد المريخ..
المريخ الشوفتو الليلة مع هلال بورتسودان وفاز 3ـ صفر بعد عرض جنائزي
ماأظنو يحصل على التعادل أمام مازمبي .. فريق بدون خطة .. لعب أناني بدون جماعية .. سكواها وكلتشى وموتيمبا كل واحد عايز يجيب قون لوحده..
المريخ الحالي نسخة مختلفة عن المريخ الذي عرفناه قوة وسرعة وإنقضاض على الخصصم .. منتصر تحياتي..
|
Post: #4
Title: Re: منجم يتنبأ بهزيمة ثقيلة لمازيمبي ...
Author: منتصرمحمد زكى
Date: 05-08-2012, 09:04 PM
Parent: #3
سلامات المشرف
Quote: النسور الجارحه ديل أنحنا ؟!
|
أيوا يا محمد بس عند اللزوم ما طوالي
وهنالك تجارب سابقة تؤكد ذلك ...
|
Post: #5
Title: Re: منجم يتنبأ بهزيمة ثقيلة لمازيمبي ...
Author: منتصرمحمد زكى
Date: 05-08-2012, 09:28 PM
Parent: #4
عادل نجيلة
وينك يا حبيب
Quote: المريخ الشوفتو الليلة مع هلال بورتسودان وفاز 3ـ صفر بعد عرض جنائزي
ماأظنو يحصل على التعادل أمام مازمبي .. فريق بدون خطة .. لعب أناني بدون جماعية .. سكواها وكلتشى وموتيمبا كل واحد عايز يجيب قون لوحده..
|
نعم شاهدت المباراة وأكثر ما أزعجني التدهور المستمر
لمستوى باسكال كثرة الأخطاء وعدم التركيز الذي لازمه في
المباريات الأخيرة .. كنا في أشد الحوجة لباسكال آخر فإذا
بنا نفقد باسكال الأصل .. الزول ده خلي بالك طقوهو عين (معيون)
ده ما لعبو البنعرفو .. رغم ذلك أنا متفاءل ولا أحكم على مستوى
الفريق من خلال مباراة محلية فالوضع سيختلف في المباريات التي طرفها
فريق أجنبي خاصة وأن هنالك ثأر أو قل ثأرين إذا أضفنا ثأر الهلال ...
|
Post: #6
Title: Re: منجم يتنبأ بهزيمة ثقيلة لمازيمبي ...
Author: Abdulrahman Gorashi
Date: 05-08-2012, 10:27 PM
Parent: #5
غلبكم للمازيمبي دا داير ليهو سيدنا سليمان عديل،
ممكن يكون صعب حبة علي عفريت الجن من ان ينقل عرش سبا في برهة،
يا أبوي المازيمبي ديل عفاريت الجن زاتهم.
|
Post: #7
Title: Re: منجم يتنبأ بهزيمة ثقيلة لمازيمبي ...
Author: هاشم محمد الحسن عبدالله
Date: 05-09-2012, 07:55 AM
Parent: #6
الاخ الصفوة منتصر زكى، تحياتى ، ياأخ من خشمكم ولرب السماء، كل شىء بأمره ممكن، والله أحلم بفوز المريخ ، فمنذ الهزيمة فى الكنغو والرشاشات كرهونا العيشة، أن شاء الله يفوز الاولاد ويفرحونا، وياأخى عادل نجيلة نعم هناك تراجع فى لعب المريخ لكن مبارة زيمبى بطولة بحالها وأعتقد ان الاولاد سيقدمون أقصى مالديهم ، ربنا يوفقهم، مودتى .
|
Post: #8
Title: Re: منجم يتنبأ بهزيمة ثقيلة لمازيمبي ...
Author: EMU إيمو
Date: 05-09-2012, 08:08 AM
Parent: #7
Quote: بقوله: رأيت النسور
الجارحة تنقض على الغربان دون رحمة وترغمها على الفرار |
يا عمك
مفسّر الأحلام يقول: هذا يعني حصب الملعب بالطوب الأحمر
وحيحصل دشمان بين الجماهير والغربان وتقوم النسور(الشرطة السودانية)
بتعطير الجو بالدخان
|
Post: #9
Title: Re: منجم يتنبأ بهزيمة ثقيلة لمازيمبي ...
Author: أبوعبيدة محمد الأمين
Date: 05-09-2012, 08:17 AM
Parent: #8
حبيبنا الصفوة منتصر
ياليت المريخ يكون منتصر
لكن ياحبيب كان لمريخ أمس ده أقطع دراعي كان يسوي حاجة، ياخ معقول فريق ماقادر ينقل كورة ممرحلة ومنسابة من الدفاع للوسط ثم الهجوم مع هلال بورسودان عاوز يجي ينافس ويقصي ناس مازيمبي؟ الشوط الأول كله تطفيش للكورة من دفاع المريخ لمنطقة دفاع البحارة المتخندقين مع سرعة ارتداد الكورة مرة تانية وعجز الوسط المتقدم للمريخ عن فتح اللعب ومن ثم إمداد الهجوم الذي كان حسنته كليتشي فهو اللاعب الوحيد في المريخ الذي يلعب بغيرة وقلب حاااار أما ساكواها فأكثر لاعب سلبي في المريخ ومحظوظ مع إنه قناااااص ماهر. آخر خبر بلة جابر إستحق نجومية المباراة بالمجهود الوافر الذي بذله هجوماً مع الإتزام الدفاعي.
قال منجم قال
|
Post: #10
Title: Re: منجم يتنبأ بهزيمة ثقيلة لمازيمبي ...
Author: عادل نجيلة
Date: 05-09-2012, 08:24 AM
Parent: #9
Quote: يا عمك
مفسّر الأحلام يقول: هذا يعني حصب الملعب بالطوب الأحمر
وحيحصل دشمان بين الجماهير والغربان وتقوم النسور(الشرطة السودانية)
بتعطير الجو بالدخان |
يا إيمو يا حاقد ... شرقتني ياخ,,,
قرررررررررررررررررقر
|
Post: #11
Title: Re: منجم يتنبأ بهزيمة ثقيلة لمازيمبي ...
Author: خالد عبد الله محمود
Date: 05-09-2012, 08:37 AM
Parent: #10
ذكرتني واحد أتصل أول أمس علي برنامج ( بين إتنين ) في إذاعة يو أف أم و كان يوم مباراة الهلال و الأهلي في كأس الملك و قال إنو حلم إنو الهلال فائز 3/1 و إنو الموضوع ده أكيد لإنو أحلامو كلها بتتحقق و قوووم يا الأهلي أغلب الهلال واحد صفر ... حلقة أمس من نفس البرنامج كانت كلها عبارة عن شماتة في الزول ده ....
شكلو الموضوع ده حيتكرر في المنبر قريييييييب
|
Post: #12
Title: Re: منجم يتنبأ بهزيمة ثقيلة لمازيمبي ...
Author: محمد فرح
Date: 05-09-2012, 08:47 AM
Parent: #11
ياريت والله
محتاجين إنتصار زي ده شديد
|
Post: #13
Title: Re: منجم يتنبأ بهزيمة ثقيلة لمازيمبي ...
Author: خالد
Date: 05-09-2012, 09:03 AM
Parent: #12
كبشروا سااي عشان ما نبقي زي بتاعين البيانات!
|
Post: #14
Title: Re: منجم يتنبأ بهزيمة ثقيلة لمازيمبي ...
Author: منتصرمحمد زكى
Date: 05-09-2012, 05:05 PM
Parent: #13
Quote: غلبكم للمازيمبي دا داير ليهو سيدنا سليمان عديل،
|
أبدا يا عبدالرحمن ما للدرجة ياخ
يظل مازيمبي فريق كرة قدم مهما علا شأنه
وأي فريق له نقاط ضعف ومرحلة إنتكاسة ودونك برشلونة
فقط نحتاج لعزيمة وإصرار على النصر ...
هل تعلم أن مازيمبي مارس الحرب النفسية على فرقة المريخ
منذ وصولها لوممباشي لأنه كان يخشى المريخ وحدوث مفاجأة
من خلال تجربة يتيمة له مع المريخ .. لكنه فوجئ بأن المريخ
كان أكثر خشية منه ...
|
Post: #15
Title: Re: منجم يتنبأ بهزيمة ثقيلة لمازيمبي ...
Author: وليد محمد المبارك
Date: 05-09-2012, 05:17 PM
Parent: #14
Quote: غلبكم للمازيمبي دا داير ليهو سيدنا سليمان عديل،
|
|
Post: #17
Title: Re: منجم يتنبأ بهزيمة ثقيلة لمازيمبي ...
Author: Abdulrahman Gorashi
Date: 05-09-2012, 05:24 PM
Parent: #14
Quote: .
Quote: غلبكم للمازيمبي دا داير ليهو سيدنا سليمان عديل،
أبدا يا عبدالرحمن ما للدرجة ياخ
يظل مازيمبي فريق كرة قدم مهما علا شأنه
وأي فريق له نقاط ضعف ومرحلة إنتكاسة ودونك برشلونة
فقط نحتاج لعزيمة وإصرار على النصر ...
هل تعلم أن مازيمبي مارس الحرب النفسية على فرقة المريخ
منذ وصولها لوممباشي لأنه كان يخشى المريخ وحدوث مفاجأة
من خلال تجربة يتيمة له مع المريخ .. لكنه فوجئ بأن المريخ
كان أكثر خشية منه ... |
الحبيب المنتصر دوما،
يا اخي مكنة انو المازيمبي دا مارس معاكم حرب نفسية دي ما جابية تمنها، أنتو بتقولو عندكم لعيبة محترفة ، شنو يعني حرب نفسية؟ عليك الله اعلام مزمل دا خلينا منو،
تأني حاجة انو المازيمبي فوجي بان المريخ اكثر خشية ، دي يفهموها كيف؟!!! غلبكم 2/0 للمعلومة 2/0 ليست بي الهزيمة الساهلة، اين الخشية اذن؟؟؟
يا اخي فريقك متواضع جداً جداً مقارنة بفريق المازيمبي ولا يقوي علي هزيمة الغربان داخل او خارج الارض،
ومسائل عاملونا بوحشية وعملو لينا دي ما داخلة راسي،
|
Post: #21
Title: Re: منجم يتنبأ بهزيمة ثقيلة لمازيمبي ...
Author: منتصرمحمد زكى
Date: 05-09-2012, 09:03 PM
Parent: #12
محمد فرح
Quote: ياريت والله
محتاجين إنتصار زي ده شديد |
بإذن الله ...
|
Post: #20
Title: Re: منجم يتنبأ بهزيمة ثقيلة لمازيمبي ...
Author: منتصرمحمد زكى
Date: 05-09-2012, 08:53 PM
Parent: #11
خالد عبدالله
| Quote: شكلو الموضوع ده حيتكرر في المنبر قريييييييب |
ياخي فال الله ولا فالك
ندعم كل مايقود إلى إنتصار يفرح الجمهور الرياضي
|
Post: #19
Title: Re: منجم يتنبأ بهزيمة ثقيلة لمازيمبي ...
Author: منتصرمحمد زكى
Date: 05-09-2012, 08:44 PM
Parent: #9
الصفوة أبو عبيدة
| Quote: لكن ياحبيب كان لمريخ أمس ده أقطع دراعي كان يسوي حاجة، ياخ معقول فريق ماقادر ينقل كورة ممرحلة ومنسابة من الدفاع للوسط ثم الهجوم مع هلال بورسودان عاوز يجي ينافس ويقصي ناس مازيمبي؟ |
يا أبوعبيدة قول بسم الله وخت الرحمن في قلبك أولادنا عندهم تجليات مابتظهر إلا عند الضرورة
مازيمبي فريق مكتمل ويمتاز لاعبيه بمهارات عالية لكنه لا يخلو من ثغرات
وهذه مهمة ريكاردو ...
|
Post: #16
Title: Re: منجم يتنبأ بهزيمة ثقيلة لمازيمبي ...
Author: منتصرمحمد زكى
Date: 05-09-2012, 05:18 PM
Parent: #7
سلامات هاشم محمد الحسن
| Quote: ياأخ من خشمكم ولرب السماء، كل شىء بأمره ممكن، والله أحلم بفوز المريخ ، |
بإذن الله يا هاشم المهمة ليست مستحيلة كما يتصور البعض
أضعف الإيمان الخروج بنتيجة تجعل مازيمبي يتعلم درسا ويعلم أن تخطي الفرق
السودانية في مقبل المنافسات لن يكون مجرد نزهة بل يجب
أن يعمل له ألف حساب ...
|
Post: #18
Title: Re: منجم يتنبأ بهزيمة ثقيلة لمازيمبي ...
Author: منتصرمحمد زكى
Date: 05-09-2012, 07:03 PM
Parent: #16
إيمو
Quote: مفسّر الأحلام يقول: هذا يعني حصب الملعب بالطوب الأحمر
وحيحصل دشمان بين الجماهير والغربان وتقوم النسور(الشرطة السودانية)
بتعطير الجو بالدخان |
ياخي فال الله ولا فالك ...
|
Post: #22
Title: Re: منجم يتنبأ بهزيمة ثقيلة لمازيمبي ...
Author: عبد الرازق سعيد
Date: 05-10-2012, 07:41 AM
Parent: #18
Quote: سبق للتنين أن تنبأ بأحداث تحقق معظمها كوفاة مشاهير
القارة الأفريقية والكوارث الطبيعية وبعض نتائج مباريات
كأس الأمم الأفريقية. |
زامبوكي ما قال حاجة بخصوص مباراة الشلف والهلال
وإلا أعتبرها مباراة تحصيل حاصل ولا تحتاج للتنبؤ
بي زامبوكي أو أمبيكي إن شاء الله المريخ إلى دوري المجموعات
|
Post: #23
Title: Re: منجم يتنبأ بهزيمة ثقيلة لمازيمبي ...
Author: منتصرمحمد زكى
Date: 05-10-2012, 09:56 AM
Parent: #22
| Quote: كبشروا سااي عشان ما نبقي زي بتاعين البيانات! |
ده كلام صاح للتوثيق وكدا
شكرا خالد على التنبيه بس بعدين ما تدسوا الكبشرة ...
|
Post: #24
Title: Re: منجم يتنبأ بهزيمة ثقيلة لمازيمبي ...
Author: شهاب الفاتح عثمان
Date: 05-10-2012, 11:18 AM
Parent: #23
حباب طلتكم
هي الرياضة وهو المريخ العزم والجسارة,
نتيجة الذهاب غير ايجتبية ,
ونخن سنجتهد للانتصار جمهور وفريق
ونسائل الواحد الاحد التوفيق ..
انتصار رائع باذن الله ..
______________________________________________________
ليتهم يعلمون ان عمر اللحظـه في بعـدك يا خـرطـوم سنين طـوال
د شهـاب الفاتح ـ كوالالمبـور
|
Post: #25
Title: Re: منجم يتنبأ بهزيمة ثقيلة لمازيمبي ...
Author: منتصرمحمد زكى
Date: 05-10-2012, 05:42 PM
Parent: #24
عبدالرازق سعيد
| Quote: بي زامبوكي أو أمبيكي إن شاء الله المريخ إلى دوري المجموعات |
بالظبط كده ...
|
Post: #26
Title: Re: منجم يتنبأ بهزيمة ثقيلة لمازيمبي ...
Author: Mohamed Foto7li
Date: 05-10-2012, 06:31 PM
Parent: #25
منتصر يا خوي جابني السلام
|
Post: #27
Title: Re: منجم يتنبأ بهزيمة ثقيلة لمازيمبي ...
Author: منتصرمحمد زكى
Date: 05-10-2012, 06:59 PM
Parent: #26
الصفوة شهاب الفاتح
Quote: حباب طلتكم
هي الرياضة وهو المريخ العزم والجسارة,
|
الإصرار والعزيمة والثقة بالنفس مفتاح النصر
بإذن الله سيخرج الزعيم بنتيجة ترضي جماهيره ...
|
Post: #28
Title: Re: منجم يتنبأ بهزيمة ثقيلة لمازيمبي ...
Author: منتصرمحمد زكى
Date: 05-10-2012, 08:01 PM
Parent: #27
محمد فوتو
| Quote: منتصر يا خوي جابني السلام |
حبابك محمد أخوي
حتى لو ما جابك السلام ...
|
Post: #29
Title: Re: منجم يتنبأ بهزيمة ثقيلة لمازيمبي ...
Author: منتصرمحمد زكى
Date: 05-11-2012, 01:15 PM
Parent: #28
نتمنى ألا يتخوف البرازيلي ريكاردو
ويلعب بثلاث مهاجمين منذ البداية فليس
أمامه خيار آخر ...
|
Post: #30
Title: Re: منجم يتنبأ بهزيمة ثقيلة لمازيمبي ...
Author: عادل نجيلة
Date: 05-12-2012, 04:34 AM
Parent: #29
العزيز منتصر .. أود أن أحيطك بسر قبل مباراة مازمبي عن مصدر موثوق
به من نادي المريخ ومتواجد بالسودان .. وأكد لي المصدر بأن الصراع بين جمال الوالي ومجموعة عصام الحاج قد بلغ قمته وهو السبب الأساسي لتدني عروض المريخ الأخيرة خاصة بعدما رفضت مجموعة عصام الحاج لجمال الوالي أن يصرف ماليآ على الفريق وذكروا لجمال الوالي أن يدفع فقط مرتب المدرب ومساعده وأن يتم تصريف اللاعبين من دخل المباريات والذي تأثر بعملية التلفزة حتى أن إدارة نادي المريخ قد عجزت من دفع 6 مباريات من مجموع 7 مباريات وهو مبلغ 500 جنيه عن المباراة الواحدة .. وبرز إتجاه قوي لإدارة نادي المريخ جناح عصام الحاج بعدم الإستمرار في بطولة الأندية الإفريقية والإستعداد لخوض غمار الكونفدرالية لأسباب كثيرة أهمها قوة الأندية المتأهلة وإرتفاع تكلفة السفر للمرحلة القادمة للأندية المتأهلة وهذا يعني ببساطة هو أن لايتأهل المريخ في مباراة مازمبي يوم السبت غدآ .. يلا نتابع!
|
Post: #31
Title: Re:
Author: waleed nayel
Date: 05-12-2012, 04:49 AM
Parent: #30
| Quote: منجم يتنبأ بهزيمة ثقيلة لمازيمبي ... |
|
Post: #32
Title: Re:
Author: Abdlaziz Eisa
Date: 05-12-2012, 05:19 AM
Parent: #31
سلامات منتصر
لا تحتاج لمنجم
المريخ سيعبر مازيمبي
تحياتي
|
Post: #33
Title: Re:
Author: حمزاوي
Date: 05-12-2012, 06:33 AM
Parent: #32
Quote: سبق للتنين أن تنبأ بأحداث تحقق معظمها كوفاة مشاهير
القارة الأفريقية والكوارث الطبيعية وبعض نتائج مباريات
كأس الأمم الأفريقية |
انا خايف ناس موسى الزومة والباشا يسكروها ليه فوق رأسو ويطلعوه كضاب
|
Post: #34
Title: Re:
Author: ابراهيم محمد الحسن
Date: 05-12-2012, 07:01 AM
Parent: #33
الله يستر المنجم ده ما يكون قسطنطين بتاع خليل ،،
لأنه كان السبب في الخمسة الشهيرة الفي الزريبة ،،
الله يستر ..
من قسطنطين
|
Post: #35
Title: Re:
Author: Nasruddin Al Basheer
Date: 05-12-2012, 07:34 AM
Parent: #34
سلام للجميع
أشك في ان هناك أي منجم تنبا بهزيمة ثقيلة لمازمبي..
هذا نوع من الحرب النفسية التي يود المريخ أن يمارسها
على فريق مازيمبي وبدأت في المطار حيث مارست جمارك المطار
نوعاً من الحرب النفسية لبعثة مازيمبي وقضت البعثة أكثر
من ثلاث ساعات في التفتيش على أمتعة البعثة وتنبهت إدارة
البعثة لهذا المخطط ورفضت النزول في الفندق المخصص لها
واستأجرت بفندق كانون التي وفرت بصات مريحة للبعثة الأمر
الذي أغضب بعض جماهير المريخ وهاجمت فندق كانون وذكروا
أكاذيب وإشاعات مخجلة عن السودانيات العاملات بفندق كانون،
مع ان الفندق لم يفعل سوى واجبه تجاه نزلائه وهو غير مملوك
لنادي المريخ حتى ينفذ مخططات المريخ..
المريخ لا يثق في لاعبيه لذلك اتجه للحرب النفسية اظنه يريد
أن يذبح فريق مازيمبي بعيداً عن أعين الكاف فاعتذرت قناة
الشروق عن نقل المباراة ربما لإعادة سيناريو سيمبا الشهير..
وأنقل لكم فيما يلي نموذج للحمى التي اجتاحت المريخاب،
وهو مقترح يتمنى صاحبه تنفيذه حتى يتحقق النصر على مازيمبي..
رجاءاً أقرأوا هذا المقترح الساذج المضحك..
فيض الأماني
هي ليست فكرة واحدة إنما ست أفكار ومن الممكن اضافة أفكار ورؤى أخرى لها على حسب ما
يرى الآخرين اتمنى من إدارة المريخ تنفيذها يوم مباراة السبت!
الفكرة الأولى :
في اطفاء الإنارة يوم مباراة السبت مع مازمبي مرتين!
أولاً : عند دخول لاعبي مازمبي للاستاد يجب اطفاء الإنارة فوراً لمن دقيقة أو دقيقتين
يصاحب اطفاء الإنارة صياح جماهير بأصوات مخيفة جداً ( كأصوات الغابة ) !
وفي هذه اللحظات ارجو من جماهير المريخ المتواجدة في الاستاد عدم اشعال نيران إنما يكون
الاستاد كله سواد كااااالح مع استصحاب الاصوات التي ذكرتها أعلاه .... هذا له أثر نفسي يؤثر
تأثيرا سلبياًعلى أداء لاعبي مازمبي وربما يستمر هذا الشعور حتى مضي مدة من عمر المباراة!
ويمكن ان نكرره عند دخولهم في بداية الشوط الثاني أيضاً.
ثانياً : عند دخول لاعبي المريخ للاستاد أيضاً يتم اطفاء الإنارة ويصاحب اطفاء الإنارة
هذا اشعال نيران من قبل جماهير المريخ في كل ارجاء الاستاد كما يجب علينا استصحاب اناشيد
بالمايكرفون من عينه " دخلوها وصقيرها حااااام " لإلهاب وادخال الحماس في لاعبي المريخ ...
ومن الممكن أن يتكرر ذات المشهد والسيناريو عند دخولهم للملعب في بداية الشوط الثاني.
الفكرة الثانية :
كما ارجو أن تجلب إدارة المريخ مجموعة من قوات الصاقعة بزي مدني عادي جدا وعند دخول لاعبي
مازمبي للاستاد تلتهم قوات الصاقعة مجموعة من الحيوانات نية بسلخها وأكلها أمام لاعبي مازمبي
وأن يكون منظر الدماء كثيرة تسيل من أيدي قوات الصاقعة .. هذا المنظر له أثر سلبي جداً على
لاعبي مازمبي وربما يرهقهم كثيراً ويحتاجون لوقت كبير حتى يدخلوا في جو المباراة .
الفكرة الثالثة :
ليلة اليوم الجمعه محاولة احداث اصوات مزعجة بقدر الامكان بجوار الفندق الذي تقيم فيه بعثه
مازمبي بحيث لا يستطيعون النوم كما هو معتاد حتى لو كان هذا الازعاج لمدة ساعة او ساعتين المهم
عدم تركهم ينامون النومة التي اعتادوها أي بمعني انقاص ساعات نومهم ليلة المباراة هذا له تأثير
ما بعده تأثير على الأداء في الملعب ومثبت علمياً.
الفكرة الرابعة:
محاولة ارهاق لاعبي مازمبي بقدر الامكان قبل حضورهم للاستاد في يوم السبت وكما هو معلوم بان هذه
الأيام درجات الحرارة عالية جداً فيا حبذا لو تم اخراجهم مبكراً من الفندق إلى الاستاد حوالي الساعة
الثانية أو الثالثة ظهراً ونتعذر بأن الطريق للاستاد به زحمة ومكتظ فلابد من خروجكم من الفندق للاستاد
مبكراً حتى تصلوا للملعب في الوقت المحدد ويجب علينا تعمد إطالة الرحلة للاستاد بحيث يقلل ذلك من
اللياقة البدنية والذهنية للاعبي مازمبي ويؤثر ذلك عليهم تأثيراً سلبياً خاصة في شوط المباراة الثاني .
الفكرة الخامسة:
محاولة عدم دخول مشجعي مازمبي الذين وفدوا مع الفريق وإن تعذر ذلك فيجب محاولة عدم دخول الغالبية
منهم ... هذا له أثر نفسي أيضاً .
الفكرة السادسة : بث إشاعات متعدده بأن هنالك عرافين من عدة دول قد ذكروا بان مازمبي سينال هزيمة
قاسية من المريخ السوداني غدا!.
ارجو تنفيذ ذلك بدقة متناهية .... وهي حرب نفسية مشروعة وقد تفيدنا كثيراً.
مع التحية ،،،
|
Post: #36
Title: Re:
Author: منتصرمحمد زكى
Date: 05-12-2012, 08:13 AM
Parent: #35
العزيز عادل نجيلة
Quote: أود أن أحيطك بسر قبل مباراة مازمبي عن مصدر موثوق
به من نادي المريخ ومتواجد بالسودان .. وأكد لي المصدر بأن الصراع بين جمال الوالي ومجموعة عصام الحاج قد بلغ قمته وهو السبب الأساسي لتدني عروض المريخ الأخيرة خاصة بعدما رفضت مجموعة عصام الحاج لجمال الوالي أن يصرف ماليآ على الفريق وذكروا لجمال الوالي أن يدفع فقط مرتب المدرب ومساعده وأن يتم تصريف اللاعبين من دخل المباريات والذي تأثر بعملية التلفزة حتى أن إدارة نادي المريخ قد عجزت من دفع 6 مباريات من مجموع 7 مباريات وهو مبلغ 500 جنيه عن المباراة الواحدة .. وبرز إتجاه قوي لإدارة نادي المريخ جناح عصام الحاج بعدم الإستمرار في بطولة الأندية الإفريقية والإستعداد لخوض غمار الكونفدرالية لأسباب كثيرة أهمها قوة الأندية المتأهلة وإرتفاع تكلفة السفر للمرحلة القادمة للأندية المتأهلة وهذا يعني ببساطة هو أن لايتأهل المريخ في مباراة مازمبي يوم السبت غدآ .. يلا نتابع! |
ما يميزنا عن الهلال أن خلافاتنا الداخلية إن وجدت
لا تطفو إلى السطح .. بعدين مجموعة عصام الحاج رفضها
غير مبرر ( دافعاها من جيبها ) ..
تأهل المريخ يحدده أداء الفريق داخل المستطيل الأخضر
ومساندة جماهير الصفوة له .. لا جمال الوالي ولا مين الحاج ومجموعته ...
عادل
مصدرك ده شكلو غواصة
|
Post: #37
Title: Re:
Author: منتصرمحمد زكى
Date: 05-12-2012, 08:23 AM
Parent: #36
عبدالعزيز عيسى
Quote: لا تحتاج لمنجم
المريخ سيعبر مازيمبي |
بإذن واحد أحد ياعبدالعزيز ...
|
Post: #38
Title: Re:
Author: منتصرمحمد زكى
Date: 05-12-2012, 08:39 AM
Parent: #37
وليد نايل
شكرا الرسالة وصلت ...
|
Post: #39
Title: Re:
Author: منتصرمحمد زكى
Date: 05-12-2012, 08:48 AM
Parent: #38
وليد محمد المبارك
لا تستغرب فمازيمبي صنعته هزيمتهم المذلة
وكان الترجي ضحيته الثانية فأصابه الغرور .. غرور من لا يحفل بالتاريخ ...
|
Post: #40
Title: Re:
Author: منتصرمحمد زكى
Date: 05-12-2012, 09:47 AM
Parent: #39
حمزاوي
| Quote: انا خايف ناس موسى الزومة والباشا يسكروها ليه فوق رأسو ويطلعوه كضاب |
...
|
Post: #41
Title: Re:
Author: منتصرمحمد زكى
Date: 05-12-2012, 10:33 AM
Parent: #40
إبراهيم محمد الحسن
Quote: الله يستر المنجم ده ما يكون قسطنطين بتاع خليل ،،
لأنه كان السبب في الخمسة الشهيرة الفي الزريبة ،،
|
لا إطمئن ده ساير على خطى ( نوسترا داموس ) كبير المنجمين ...
|
Post: #42
Title: Re:
Author: منتصرمحمد زكى
Date: 05-12-2012, 11:46 AM
Parent: #35
نصر الدين البشير
| Quote: .... وهي حرب نفسية مشروعة وقد تفيدنا كثيراً. |
طيب مالو .. الحرب خدعة .. ونحن نخوض حربا رياضية مع مازيمبي وين المشكلة؟
Quote: أشك في ان هناك أي منجم تنبا بهزيمة ثقيلة لمازمبي..
هذا نوع من الحرب النفسية التي يود المريخ أن يمارسها
على فريق مازيمبي وبدأت في المطار حيث مارست جمارك المطار
نوعاً من الحرب النفسية لبعثة مازيمبي وقضت البعثة أكثر
من ثلاث ساعات في التفتيش على أمتعة البعثة |
ما الذي يمنعنا من المعاملة بالمثل ؟
من اليوم يجب أن تكون المعاملة بالمثل ديدننا مع كل الفرق
التي لا تحترم ضيوفها .. ما أغراهم على التمادي بالإستخفاف بنا سوى
تحاشينا معاملتهم بالمثل .. والبادي أظلم .
Quote: فيض الأماني
هي ليست فكرة واحدة إنما ست أفكار ومن الممكن اضافة أفكار ورؤى أخرى لها على حسب ما
يرى الآخرين اتمنى من إدارة المريخ تنفيذها يوم مباراة السبت! |
أفكار منجورة لكن ما بطالة لو أمكن تنفيذ بعضها ...
|
Post: #43
Title: Re:
Author: عادل نجيلة
Date: 05-12-2012, 08:26 PM
Parent: #42
Quote: العزيز منتصر .. أود أن أحيطك بسر قبل مباراة مازمبي عن مصدر موثوق
به من نادي المريخ ومتواجد بالسودان .. وأكد لي المصدر بأن الصراع بين جمال الوالي ومجموعة عصام الحاج قد بلغ قمته وهو السبب الأساسي لتدني عروض المريخ الأخيرة خاصة بعدما رفضت مجموعة عصام الحاج لجمال الوالي أن يصرف ماليآ على الفريق وذكروا لجمال الوالي أن يدفع فقط مرتب المدرب ومساعده وأن يتم تصريف اللاعبين من دخل المباريات والذي تأثر بعملية التلفزة حتى أن إدارة نادي المريخ قد عجزت من دفع 6 مباريات من مجموع 7 مباريات وهو مبلغ 500 جنيه عن المباراة الواحدة .. وبرز إتجاه قوي لإدارة نادي المريخ جناح عصام الحاج بعدم الإستمرار في بطولة الأندية الإفريقية والإستعداد لخوض غمار الكونفدرالية لأسباب كثيرة أهمها قوة الأندية المتأهلة وإرتفاع تكلفة السفر للمرحلة القادمة للأندية المتأهلة وهذا يعني ببساطة هو أن لايتأهل المريخ في مباراة مازمبي يوم السبت غدآ .. يلا نتابع! |
يا عزيزي منتصر أنا لا أطلق الحديث على عواهنه .. هاهي الأحداث تؤكد صحة ما كتبته أمس بداخل الكود .. خروج المريخ من بطولة الأندية الأبطال خططت له مجموعة عصام الحاج وهذه خيانة للمريخ كنادي وجماهيره .. أرجو أن تتخذ إدارة المريخ الموقف الصحيح ضد هذه المجموعة .. الفيدرالية ليست سهلة إيضآ ولن يحقق المريخ فيها أية نجاحات إذا إستمر الصراع على هذا المنوال.
|
Post: #44
Title: Re:
Author: فتحي الصديق
Date: 05-12-2012, 11:17 PM
Parent: #43
كنا عارفين انو المنجم دا فشوش ..
منتصر ازيك
|
|