مشاهدات وصور متنوعة من الخرطوم..

شارع الردمية بامبدة، الاستعدادات على قدم وساق لفصل الخريف .
عامل واحد فقط يعمل بكد واجتهاد.
التقطت تلك الصورة حوالى الساعة السابعة صباحا وانا متوجه للعمل.
عامل يستحق الثناء ومحلية تستحق الويل والثبور.


تصوير: ombadda

سواعد فتية واعمال هامشية. ونشر للامراض.
(جوار صينية أزهرى بامدرمان)





تصوير: ombadda

التطرف الدينى والهوس يجد اذان صاغية وتربة خصبة (الفقر المدقع والجهل).
احدهم ينشر افكاره بجوار مكتب يوستة امدرمان وهناك من ينصت باهتمام حتى هناك من جلس القرفصاء
واخر يتحسس لحيته ربما؟؟.






تصوير: ombadda

صور معبرة يا أمبدة. كل صورة تغني عن ألف كلمة. أرجو أن تجعل البوست يستمر وترفده من وقت لآخر بمثل هذه الصور.

زول المحلية دا بكون بجهز لخريف 2050

شكرا أسامة البلال على المرور.
لقطات عابرة بكاميرا الجوال التقطها وانشرها متى ما سمح الزمن، وسأواصل في هذا
البوست الى ما شاء الله.

يا امبدة .. سلامات
الصور معبرة
بس ممكن تدخلك في مشكلة مع اصحابها

الزول لمن يكون المين اوبجكت بتاع الصورة
ممكن جدا يرفع عليك دعوة قضائية

في زول ظهر عابر في صورة نشرتها التيار
دوخنا السبع دوخات حتن خلصنا منو

شكرا على ميرغنى على التنبيه.
فعلا نقطة فاتت على. وساحاولمراعاة ذلك مستقبلا.

التنقل بواسطة المواصلات العامة داخل الخرطوم عذاب ما بعده عذاب.
لقد صارت الخرطوم أكبر قرى السودان. الخرطوم عبارة عن قرية كبيرة تكاد
لا تجد أى مظاهر للتحضر للناس فى الشوارع ومكان العمل والمواصلات.
مثال بالامس وأنا ذاهب الى مشوار ركبت حافلة ولحظى فلقد كانت الحافلة جديدة ونظيفة
لم تكتمل فرحتى الا بعد انتبهت لاحد الركاب فى المقعد الخلفى يرفع قدمه وكأن الحافلة ملك لابيه
ورثها عن جده هههه. تصرفات اخرى ان يجلس بجوارك من يعبث بانفه بين فينة واخرى باصبعه بدون استعمال
منديل أو يتكلم بصوت عالى فى التلفون لفترة طويلة، يتكلم بل يصرخ وهو جالس بجوارك.


الصورة:



تصوير: ombadda

الخرطوم اونلاين

واصل
يا راقي .

تحياتي يا دكتور .

هلا بالصديق احمد محمد بشير.
كيف احوالك؟

وشكرا للتشجيع.

فى واحد علق على الصورة دى وقال: أصلو للهلالاب. ديل كُج..
كل مقاعد الحافلة المنكوبة فى حادث حركة تحمل شعار الهلال.






تصوير: ombadda

الحبيب ombadda ..
الصور دي فعلا معبرة لدرجة اني اكاد اجزم انك مصوراتي خطير ..
تعرف الجودة مش في الصور وبس وكمان في وقت اخذ الصور ..

واصل في توثيقك ..


............................................
انا جبت بنبري وجيت بي هناك ..

شكرا على الصور يا دكتور. متابعين معاك.

Like

واصل يا دوك

يا سلام يا دكتور
بوست لطيف
صورة الشاب الرافع رجلو في الحافلة دي مزعجة بشكل كبير
ولاحظ بجواره فتاة أو إمرأة يعني فيها عدم احترام بل وقلة ادب كمان

شكراً دكتور خلف الله .. واصل وما تنقطع
تحياتي

جميلة ومستحيلة.




تصوير: ombadda

Quote: التطرف الدينى والهوس يجد اذان صاغية وتربة خصبة (الفقر المدقع والجهل). احدهم ينشر افكاره بجوار مكتب يوستة امدرمان وهناك من ينصت باهتمام حتى هناك من جلس القرفصاء واخر يتحسس لحيته ربما؟؟.

الاخ ( ombadda ) اتمني لو وريتني الشخص ده كان بقول شنو من الافكار المتطرفة ؟؟؟؟

واصل يا دكتور على الصور المعبرة...

متابعين معاك...

صور معبرة وتتحدث عن نفسها ...

Quote: التطرف الدينى والهوس يجد اذان صاغية وتربة خصبة (الفقر المدقع والجهل). احدهم ينشر افكاره بجوار مكتب يوستة امدرمان وهناك من ينصت باهتمام حتى هناك من جلس القرفصاء واخر يتحسس لحيته ربما؟؟.

أخونا أمبدة

مش ممكن يكون المصور - وهو أنت - قاعد يصدر أحكام متحيزة؟!!

من يضمن لنا حياديتك؟!

هل سمعت ما يقول؟!!

حسب علمي.. دي حلقة أنصار السنة جوار البوستة أم درمان

ناس بيطلعوا ويقتطعوا من أزمنتهم ليتكلموا لوجه الله، ويبصروا الناس بأمور دينهم

في الخرطوم بحري لدينا حلقة مثلها، حتى الآن وهي تعمل منذ 50 سنة!!!

جزى الله السلفيين خيراً وهم يخرجون لوعظ البعيدين عن المساجد، وهدى الله المصوراتي

Quote: الاخ ( ombadda ) اتمني لو وريتني الشخص ده كان بقول شنو من الافكار المتطرفة ؟؟؟؟

لن يستطيع يا مدثر

هي التصورات المسبقة

غايتو الدعوة السلفية فرضت نفسها ولله الحمد

وبإذن الله، لن تضيرها التصورات المسبقة أو الحنق الذي يسكن في نفوس البعض

Quote: Re: أ¢â‚¬â€چط·آ·ط¢آ®ط·آ·ط¢آ±ط·آ·ط¢آ·ط·آ¸ط«â€ ط·آ¸أ¢â‚¬آ¦..

معذرة ..

الاعزاء:

هشام كمال عبادي : ساواصل التوثيق. وشكرا للاطراء وان كنت لا استحقه فما انا الا هاو.

Elawad : شكرا لمرورك

ياسر مكاوي : شكرا للايك يا دكتور

الشفيع وراق عبد الرحمن : شكرا للمرور يا باشمهندس

محمد البشرى الخضر: اهلا ود البشرى. بخصوص الشاب وتعليقك على الصورة.
المرأة التى بجوار الشاب هى والدته. لو كانت خطيبته او حبيبته لكان
تأدب قليلا فى جلسته. ملاحظة اخرى وهى انعدام -لحد ما- ظاهرة معاكسة
البنات والنساء فى المواصلات العامة. العنصر النسائى يركبن المواصلات ويجلسن فى
أى مكان شاغر بلا تردد فكلهن ثقة بانهن فى مأمن. هذا بعكس الدول الاخرى القريبة مثل مصر.
السودان لسة بخير وخير كتير بسبب الاخلاق الفاضلة للكثيرين.
محمد عبدالله مختار : شكرا للمرور وابقى متابع معنا
مدثر صديق : سلامات. الرجل واقف فى حر قائظ وفى منتصف السوق ليقول هذا حلال وهذا حرام. أى هوس هذا.
sharif Nasirladeen: شكرا للمرور. وابقى متابع معنا
عبدالله السفاح : شكرا للمرور والاطراء
عماد حسين : اهلا عماد. بالتأكيد لست محايد. والمنبر لطرح الاراء. وأنا اتقبل وجهة نظرك برغم اختلافى معك.
بمعنى تعليقك على الصورة (الدعوة السلفية تجد القبول والرضا) هو راى مخالف لى وانت
طرحته فى نفس البوست. يعنى كدة الجكاية منتهية ولا داعى لتحويل البوست الى جدل فكرى او دينى.
واى صورة ترى بان لديك فيها تعليق مخالف يمكنك الدخول فى البوست ونسخ الصورة ووضع تعليقك
الجديد تحت او فوق الصورة. ولا ضير فى ذلك.

الخرطوم بالليل.
عالم اخر وأناس اخرون يعيشون حياتهم وكانهم خارج السودان.
ذهبت لحفل زواج بصالة مغلقة مكيفة. وهناك سألت كم تكلفة حجز القاعة؟
(حجز القاعة حوالى الساعتين. اى حفلة غنائية فى الخرطوم تنتهى فى الساعة الحادية عشر.
جاءتنى الاجابة من ابن اختى الذى لم يتجاوز العشرين من عمره بان الحجز ب 10 مليون.
بلعت ريقى. قاطعه شقيقه الاكبر بان المبلغ بالضبط 11مليون.
تقنيات التصوير عالية حيث متابعة العريس والعروس من الكوافير حتى وصولهم ببث لقطات حية
عن طريق شاشات عرض داخل القاعة. جاءتنى الاجابة ايضا بلا تردد بان تكلفة التصوير 3 مليون
ونصف المليون. بلعت ريقى مرة اخرى وتناولت عشائى وخرجت وان اتمتم (بعد دة الا الحور العين).



فى الطريق:



امام القاعة المغلقة المكيفة:




ابناء اخواتى . نصف الحاضر وكل المستقبل:



تصوير: ombadda

بوست معبر وجميل ,

صورة راكب الحافلة الرافع رجله خير مثال ان لدينا تعليم بلا تربية !,
هنا انعدام للذوق العام واحترام الاخر !

و لقطة الخريف والعامل المجتهد الواحد كتاب كامل عن سوء ادارة والموارد وتدويرها ..

تحياتي وواصل ياخي

______________________________________________________
ليتهم يعلمون ان عمر اللحظـه في بعـدك يا خـرطـوم سنين طـوال
د شهـاب الفاتح ـ كوالالمبـور

Quote: تحياتي وواصل ياخي

هلا دكتور شهاب. وسعيد بمتابعتك للبوست من تلك الاقاصى البعيدة.

السودان من افضل الاماكن للعيش فيه. مهما بلغ ضنك العيش فيه
وساءت الاحوال. وكلمة السر: ناس السودان وطيبتهم ونقاء سريرتهم.
هواء نقى غير ملوث، اناس على سجيتهم والقائمة تطول.



اماكن لا أبدلها ببيفرلى هيلز. هههه

من شباك غرفتى بالنهار:






من نفس الشباك ليلا، وضوء القمر يتسلل الى غرفتى:

Quote: مدثر صديق : سلامات. الرجل واقف فى حر قائظ وفى منتصف السوق ليقول هذا حلال وهذا حرام. أى هوس هذا.

طيب وين الهوس هنا؟!!

علاقة الشمس والسخانة بالهوس شنو؟!

زمان برضو المشركين استنكروا على النبي عليه الصلاة والسلام أن يمشي في
السوق ويدعو الناس للدين:

(وَقَالُوا مَالِ هَذَا الرَّسُولِ يَأْكُلُ الطَّعَامَ وَيَمْشِي فِي الْأَسْوَاقِ لَوْلَا أُنْزِلَ إِلَيْهِ
مَلَكٌ فَيَكُونَ مَعَهُ نَذِيرًا * أَوْ يُلْقَى إِلَيْهِ كَنْزٌ أَوْ تَكُونُ لَهُ جَنَّةٌ يَأْكُلُ مِنْهَا
وَقَالَ الظَّالِمُونَ إِنْ تَتَّبِعُونَ إِلَّا رَجُلًا مَسْحُورًا)

أهـا.. شغل النبي ده برضو داخل في الهوس؟!!

Quote: عماد حسين : اهلا عماد. بالتأكيد لست محايد. والمنبر لطرح الاراء. وأنا اتقبل وجهة نظرك برغم اختلافى معك. بمعنى تعليقك على الصورة (الدعوة السلفية تجد القبول والرضا) هو راى مخالف لى وانت طرحته فى نفس البوست. يعنى كدة الجكاية منتهية ولا داعى لتحويل البوست الى جدل فكرى او دينى. واى صورة ترى بان لديك فيها تعليق مخالف يمكنك الدخول فى البوست ونسخ الصورة ووضع تعليقك الجديد تحت او فوق الصورة. ولا ضير فى ذلك.

انت أصلاً لو ما داير الجدل يا أمبدة... لماذا لم تعلق بأنك وجدت شخص يدعو
في السوق في النهار الحاااااااااااار، وتسكت على كدة؟!!

لماذا وصم الغير بالهوس، وهم في حالة دعوة وتبليغ وتعليم للناس؟!

وبعد كدة داير تتجنب الجدل الفكري!!!

سبحان الله دايرين تفلقوا على كيفكم، والناس تنضرب وتمشي تحت ليها لصقة وتسكت؟!!!

هدانا الله وإياك

شكرا دكتور

واصل قيمة البوست ليس في الصور فقط

بل معايشة اجواء الصورة مهما كانت


تحياتي

خالد العطا: ممتن لك مرورك.
عماد حسين: شكرا للمرور

ناس ماشة وين ولا جاية من وين ..الله يعام.
القاسم المشترك: وجوه يكسوها اليأس والاحباط والرهق.
ربنا ارفع عنا البلاء وارحمنا.



تصوير: ombadda

الطقس اليوم فى الخرطوم ربيعى ضبابى أو بمعنى اخر ترابى غبارى هههه.
الاتربة والغبار العالق فى الجو ساعد لحد ما فى تخفيف حرارة الشمس وحجب أشعتها الملتهبة.
لطفك بعبادك يا الله.


الصورة التقطتها ظهر هذا اليوم


تصوير: ombadda

أبنوسية من دولة جنوب السودان معذبة التوب عذاب.
الجنوبيات لديهن ذوق راقى فى اختيار الالوان واللبس.
حتى فى التوب تفوقن على الشماليات. لاحظوا الالوان الهادئة والتناغم.




تصوير: ombadda

Ombadda


سلامات

ناس ام بدة ديل ومناطق اخرى فى السودان شبيها لها لو ما ربنا والشمس كان انقرضوا زمااااان لكن الله رحيم بعبادة

انا زرت المنطقة دى قمت بزيارة لى الشيخ احمد ود الشيخ الصائم ديمة والسبب روية فى النوم شوفتها

وانا عمرى ما بعرف عن الشيوخ بتاعن السودان ديل ولا سمعت باسم الشيخ دفع الله الصائم

بسبب الروية وايراد اسم الشيخ الصائم ديمة فى النوم اصريت على اهلى ان يودونى ليها

وقد حصل وكانت دهشتى كبيرة عن المنطقة والناس الفيها والمعاناه

الله يكون فى عون اهل السودان

التحايا يا دكتور

فكرة جميلة وصور ناطقة

واصل في الصور وواصل في توجيه البوست للغرض الأساسي

مع التحايا والتقدير

وضاحة:
سلام وشكرا للمرور.



بروف الوليد
متشكر على مرورك.

---
والى لقاء..

----The End-----