Post: #1
Title: تشرب شنو يا أستاذ؟ محلبية لو سمحت!
Author: طه جعفر
Date: 05-07-2012, 11:55 PM
Parent: #0
تم اعتقالهما
كانت المعاملة راقية جدا في مكتب جهاز الامن علي عكس ما هو معروف
ونسة ، ضحكك واسئلة عن الشغل و الاهل.
سأل ضابط الامن أحد المعتقلين قائلاً تشرب شنو يا أستاذ؟
فاجاب الاول ببسي لو سمحت
جلب الكمندان زجاجة الببسي
شربها المعتقل ، تحت اصرار الضابط ....يا أخي أشرب
شرب المعتقل الزجاجة.
طلب منه ضابط الامن الجلوس عليها
ثم تحول للمعتقل الثاني قائلاً
تشرب شنو يا استاذ؟
رد المعتقل الثاني
محلبية يا استاذ!
تم تأليف العديد من النكات حول رموز النظام و الاجهزة الامنية و نكات كثيرة جدا عن الاسلاميين.
المتداخون مدعوون للاسهام بنكتة حول
رموز النظام
الجهزة الامنية
و الاسلاميين عموما.
التحليل و الكلام عن النكات سيكون لاحقا
طه جعفر
|
Post: #2
Title: Re: تشرب شنو يا أستاذ؟ محلبية لو سمحت!
Author: طه جعفر
Date: 05-08-2012, 00:06 AM
Parent: #1
طولبت مجموعة من رجال الامن السودانين بالاشتراك مع
عناصر من الموساد
سافاك
و السي أي أيه
في غابة للاتيان بقرد من فصيلة محددة
عاد رجال المخابرات من الاجهزة غير السودانية سريعا و معهم القرد المحدد في كل
تأخر عناصر جهاز الامن السوداني كثيرا
فذهبت فرق المخابرات الاجنبية تبحث عنهم
فوجودهم ممسكين بثعلب و جميعهم منهمكون في ضربه و كانوا يقولون للثلعب المسكين
قول انا قرد
|
Post: #3
Title: Re: تشرب شنو يا أستاذ؟ محلبية لو سمحت!
Author: محمد الكامل عبد الحليم
Date: 05-08-2012, 08:53 AM
Parent: #2
تحية...
الاجهزة التي جاء ذكرها تخدم شعوبها بتامين الظهر وابطال المهددات...اما لدينا فالبندقية مصوبة و الملاحقة والحجر او السجن لمن يخالف الرائ حسب المشروع الحضاري المزعوم وما حمل عليه...
عندما يصبح الزمن خاليا من الدهشة تصبح النكتة وسيلة من وسائل تزييف الواقع يا تري ام تغييره؟
لك الاحترام...
|
Post: #6
Title: Re: تشرب شنو يا أستاذ؟ محلبية لو سمحت!
Author: طه جعفر
Date: 05-18-2012, 01:17 AM
Parent: #3
Quote: عندما يصبح الزمن خاليا من الدهشة تصبح النكتة وسيلة من وسائل تزييف الواقع يا تري ام تغييره؟
|
الاستاذ محمد الكامل
اعتذر غن التأخير في التعقيب علي مساهمتكم
لكم الشكر
اعتقد ان النكتة من هذا النوع هي تعبير عن السخرية من النظام القائم، النكتة
تمتاز بالذكاء و الدقة
عندما تسخر الناس من النظام القائم يكون ذلك مؤشرا علي ان دعاية النظام و اعلامه قد بلغتا مرحلة
مزعجة من الاملال و التضليل و ان الناس قد تجاوزت ذلك. لكن بلا شك انا لا اعتقد ان النكتة من وسائل تزييف الواقع او احد ادوات تغييره. لكنها باختصار تعكس جزء من مزاج الشعب ضد النظام.
طه جعفر
|
Post: #4
Title: Re: تشرب شنو يا أستاذ؟ محلبية لو سمحت!
Author: طه جعفر
Date: 05-18-2012, 01:07 AM
Parent: #2
واحد طشمنجي ، تعبان جدا من ناس الشرطة، في يوم اوقفه رجال شرطة المرور
لم يكن معه لا رخصة قيادة و لا شهادة بحث للعربية او اثبات شخصية
قال له شرطي المرور : يا ابن العم امشي يا اخي
استغرب الطشمنجي جدا و قال لرجل الشرطة : ليه سمحت لي امشي بعد الشكر و المجاملات طبعا
رد الشرطي بالقول لانو الايام دي اسبوع المرور
سأله الطشمنجي : انت طيب اسبوع النظام العام متين؟
|
Post: #5
Title: Re: تشرب شنو يا أستاذ؟ محلبية لو سمحت!
Author: طه جعفر
Date: 05-18-2012, 01:11 AM
Parent: #4
اتنين بتاعين شربة قرفانين جدا من الحكومة
قال الاول :انت الحيوان دا (عمر البشير) ما سلم نفسي لمحكمة الجنايات الدولية ليه؟
رد الثاني :الحيوان دا قال السودان ما مشترك فيها
قال الاول و طيب ما نحنا كل يوم جاريننا لمحكمة النظام العام انحنا مشتركين فيها ؟
|
Post: #7
Title: Re: تشرب شنو يا أستاذ؟ محلبية لو سمحت!
Author: طه جعفر
Date: 05-19-2012, 06:09 AM
Parent: #5
شجرة
|
|