Post: #1
Title: *** شـــوية هترشــــه ***
Author: الامين موسى البشاري
Date: 05-07-2012, 10:20 PM
المشـــــروع الحضاري
قالوا مهمد صاله جاء الى الخرطوم عند واحد قريبه
صاحبنا قعد كم يوم كدا مع قريبه
ثالث يوم قريب (مهمد) صاله قال ليهو ارح نفسحك
شوية ونوريكـ الخرطوم دي
اها طلعوا مع بعض ومهمد صاله
كل ما يشوف ليهو عماره سمحة يقول لقريبو
البتاعة دي حقت منو؟
قريب مهمد صاله زاتو ما ناقش ابو النوم
اها لما تغلبو ليك الاجابة يجاوب على سؤال مهمد صاله كما يلي
العماره دا اشتراهو صلاح ادريس
..
..
مهمد جنن ليك قريبو وكل شوية يسألو ليك
العمارة دا حقت منو؟
قريبو: دا اشتراهو صلاح ادريس ياخ
مهمد صاله لامن زهج من اجابات قريبو فكر كدا وقال لقريبو
مهمد صاله: صلاح ادريس دا ما كان يشتري المشروع الحضاري
ويريحنا ياخ 
|
Post: #2
Title: Re: *** شـــوية هترشــــه ***
Author: الامين موسى البشاري
Date: 05-07-2012, 10:34 PM
Parent: #1
عمرة وزوغه
صاحبنا سك ليك ناس الوكالات في السودان لغاية ما عمل تأشيرة العمرة
يوم السفر دا الحلة كلها شرفت في المطار
اها صاحبنا في امان وصل ليكـ جدة وعمل عمرتو
بعد ما لقى اولاد حلتو الما قصروا معاهو تب
صاحبنا قاعد في الشقة اسبوع اصلو ما مرق بره
مو خايف من الكشه بالكتير كدا يكون طلع الحوش ولا السطوح
جماعتو كل يوم اجيبوا ليهو كيس تمباكـ ماكن خلاص
طبعا ونسة اولاد حلتو كلها كانت البيكـ والمراعي وكورن فليكس
اها هو قايلهم بتكلموا انجليزي من التسطيح
الحاجة التي تكررت على مسامعه كل ما واحد ينزل البقالة
التاني يقوم يقول ليهو : اسمع جيب لي تايد معاكـ عليكـ الله
زولنا طبعا ماهو عارف التايد دا شنو
اها بعد اسبوع كدي قال النفتح خشمي مع الجماعة ديل ياخ
وفجأة كدا قال لاولاد حلتو: انتوا وحاة الله لقيتو التايد دا تضربوا فيهو ساااي
تاني ما بترجعوا الحلة
|
Post: #3
Title: Re: *** شـــوية هترشــــه ***
Author: الامين موسى البشاري
Date: 05-07-2012, 10:38 PM
Parent: #2
مسطول
قالو في مسطول طالع من الدكتور
وبعد ما طلع قعد يكلم نفســـه :
ضب في صحن؟ .. لا... لا
سحليه فى جك؟ .. لا... لا
قعونجه فى جردل؟ .. لا... لا
تمساح فى بانيو؟ .. لا.. لا
كــلــب في خور؟.. لا ... لا ...ياااااااااخ
رجع للدكتور تانى وســألو:
إنت يا دكتور قلت لي عندي شنو؟؟
..
..
..
..
..
..
..
..
..
..
____
الدكتور : عندك سرطان فى الحوض
|
Post: #4
Title: Re: *** شـــوية هترشــــه ***
Author: طارق جبريل
Date: 05-07-2012, 10:46 PM
Parent: #3
|
Post: #8
Title: Re: *** شـــوية هترشــــه ***
Author: الامين موسى البشاري
Date: 05-08-2012, 07:00 AM
Parent: #4
يضحكـ السمكـ
|
Post: #5
Title: Re: *** شـــوية هترشــــه ***
Author: الامين موسى البشاري
Date: 05-07-2012, 10:55 PM
Parent: #3
امام جامع دقه سريعة
ناس الحلة زهجانين ليكـ من امام الجامع جنس زهج
الامام ماسكهم ليكـ في كل صلاة البقرة آل عمران وهكذا
بطوّل ليهم في الصلاة
اها قاموا احتجوا للعمدة وقالوا ليهو: آآآآ العمدة ياخ زولك حمانا الشغل
نجي نصلي عنده يمرقنا من الصلاة بعد ساعة وساعتين
فدحين يا تغيروا لينا ولا كمان تاني ما بنصلي معاهو
العمدة : خلاص يا جماعة بشوف لكم اماماً تاني
..
..
العمدة فتش ليهو امام لامن عتر ليهو في واحد ما شاء الله
واتفق معاهو قال ليهو: تعال صلي بالناس دي 3 جمعات
كان ارتاحوا ليك بنعينك امام لجامع الحلة دي
الامام : عوجه مافي يا عمدة ابشر بالخير
جات الجمعة والحلة تتحدث عن الامام الجديد دا الجاي الحلة
امامنا صعد المنبر وسلم عليهم
المأذون رفع الاذان بين ترقب المصلين لسماع صوت الامام الجديد
قام الامام وقال ليهم : يا ايها الناس اتقوا النار التي وقودها الناس والحجارة
وشرح ليهم والاية في حكاية زي 3 دقائق ثم قال:
قوموا الى صلاتكم يرحمكم الله
آآآ زول والله ناس الحلة اتبسطوا جنس انبساطه
وشكروا العمدة وقالوا ليهو : بس ياهو دا امامنا من يوم الليلة دي
العمدة: آآآ ناس اصبروا عليكم الله انا اتفقت مع الزول يخطب فيكم
3 جمعات كان عجبكم خلاص
وكان ما عجبكم نشوف غيرو
ناس الحلة : آآآ زول من هسي دي عاجبنا
الامام جاهم الجمعة التانية واول ما صعد المنبر قال ليهم:
عارفين قصة سيدنا نوح؟
ناس الحلة : بلحيل عارفنها
الامام : طيب ماف داعي نكررها قوموا الى صلاتكم
|
Post: #6
Title: Re: *** شـــوية هترشــــه ***
Author: خالد المحرب
Date: 05-07-2012, 11:04 PM
Parent: #5
معجب جدا خلينى النصحى ود اليوش واجيك
|
Post: #14
Title: Re: *** شـــوية هترشــــه ***
Author: الامين موسى البشاري
Date: 05-08-2012, 02:26 PM
Parent: #6
| Quote: معجب جدا خلينى النصحى ود اليوش واجيك |
انت شفته حاجة التقيل جاي ورا
حبابكـ ألف يا شيخ العرب
|
Post: #7
Title: Re: *** شـــوية هترشــــه ***
Author: الامين موسى البشاري
Date: 05-07-2012, 11:06 PM
Parent: #5
Logic
عبد العزيز وعبد السلام كانوا قاعدين بي يشربوا في البتاع، في اللحظة دي جا حمل ماشي بجنبهم قاموا مسكوه ضبحوه صلحوا بيهو القعدة وبعد شوية نظر عبد العزيز للجلد والراس وسأل عبد السلام
عبد العزيز: إنت يا عبد السلام دحين دا مو حمل محمد أحمد؟
عبد السلام: أيوا ياهو داير بيهو شنو؟
عبد العزيز: لا حول ولا قوة، والله محمد أحمد دا حقو أصلو ما يخليه، غايتو مصيبة وقعت علينا
عبد السلام: حق شنو!، إنت كان مسكت خشمك دا وأنا مسكت خشمي بيعرفنا من وين؟
عبد العزيز: أنا بقصد الحساب يوم القيامة
عبد السلام: إنت يا عبد العزيز حساب يوم القيامة دا كيفنو؟
عبد العزيز: يوم القيامة يجيبوني ويجيبوك ويجيبو محمد أحمد ويجيبو الحمل،
عبد السلام: مقاطعاً، محمد أحمد بجيبو!
عبد العزيز: أيوا
عبد السلام: والحمل ذاتو بي يجيبوهو
!عبد العزيز: أيوا
عبد السلام: طيب الحساب في شنو، ما يسوق حملو و يمشي.
__
منقوووووووووووووله للامانة
|
Post: #9
Title: Re: *** شـــوية هترشــــه ***
Author: عبدالله ود البوش
Date: 05-08-2012, 07:29 AM
Parent: #7
أدروب ولدو مات في المستشفى مشى اجيب ليهو عربية اوديهو البلد
لقى ليهو هايس جنب المستشفى قاليهو مشوار كسلا ياخي
بتاع الهايس : نعل مافي عوجة يا عمك
.
.
.
.
.
أدروب : مافي اوجة الحمد لله شوية موت بس
|
Post: #12
Title: Re: *** شـــوية هترشــــه ***
Author: الامين موسى البشاري
Date: 05-08-2012, 10:56 AM
Parent: #9
Quote: أدروب ولدو مات في المستشفى مشى اجيب ليهو عربية اوديهو البلد
لقى ليهو هايس جنب المستشفى قاليهو مشوار كسلا ياخي
بتاع الهايس : نعل مافي عوجة يا عمك
.
.
.
.
.
أدروب : مافي اوجة الحمد لله شوية موت بس |
اتا جيت يا العشا باللبن
من زمان نفتش ليكـ وشركنا ليك بالبوست دا
تحياتي
|
Post: #10
Title: Re: *** شـــوية هترشــــه ***
Author: موسي الراجل
Date: 05-08-2012, 07:31 AM
Parent: #7
اللمين الليله مال عدوك ايابا
سلام
مشكور على التصبيحه
|
Post: #11
Title: Re: *** شـــوية هترشــــه ***
Author: أميرة فاروق عبد العال
Date: 05-08-2012, 07:46 AM
Parent: #10
غايتو الـ Logic دي مباااااالغة...
لوجك صاح...
تسلم يا بشاري على طاقة البهجة دي..
|
Post: #15
Title: Re: *** شـــوية هترشــــه ***
Author: الامين موسى البشاري
Date: 05-13-2012, 09:40 AM
Parent: #11
Quote: غايتو الـ Logic دي مباااااالغة...
لوجك صاح...
تسلم يا بشاري على طاقة البهجة دي.. |
أميرة يا أميرة
الراس موزون وبفكر صاح ياخ
ربنا يسعدكـ ويديكـ طاقات من الفرح المستمر
مشكورة على تشريف الهترشة دي
|
Post: #13
Title: Re: *** شـــوية هترشــــه ***
Author: الامين موسى البشاري
Date: 05-08-2012, 11:15 AM
Parent: #10
Quote: اللمين الليله مال عدوك ايابا
سلام
مشكور على التصبيحه |
عدوة عدوووووووووك يا موســى
قلنا نفكها شوية كرهنا الدوام والسياسة
وهاكـ دي على الماشـــي:
واحد من اخواتنا أهل العوض شغلوها مضيفة
أها في اول رحلة ليها وبعد ما طاروا بنص ساعة كدا
مشت للكابتن وقالت ليهو: أها بعد دا نغــرف العشاء للركاب
بالله شوف بتنا دي كريمة كيف؟
عايز تغرف غرف مش زي عشاء الطيارات داكـ
التقول شاحدينو منهم
تسلم يا ملكـ على المرور
|
Post: #16
Title: Re: *** شـــوية هترشــــه ***
Author: عماد حسين
Date: 05-13-2012, 11:30 AM
Parent: #13
| Quote: عبد السلام: طيب الحساب في شنو، ما يسوق حملو و يمشي. |
الأمين
الله يرضى عليك وعلى والديك
هترش زي ما داير..
بس حاول الابتعاد عن النكات التي تمس أصول الدين
زي قصة الحمل الفوق دي
الله يرضى علينا وعليك
تحياتي
|
Post: #17
Title: Re: *** شـــوية هترشــــه ***
Author: عبدالله ود البوش
Date: 05-13-2012, 02:36 PM
Parent: #16
جزاك الله خير يا شيخ عماد حسين
كلامو صاح يا البشاري هترش زي ما تهرش لكن بعيد بعيد من الامور الدينية
أقبل النصيحة وقول لشيخ عماد بارك الله فيك بدون أئ كاني ماني
.
.
اها هاك الهترشة دي :
Logic
الولد اهلو رسلوهو ألمانيا يقرأ طب قرا سنة اولى وتانية وغلبتو قراية الطب الصعبة
قام غير فلسفة
كمل الاربعة سنة ... قالن كم ؟ ستة ورجع البلد
الزول مو زول حلول الزغرت ضربن والشربات دور وبكرة الضبيحة وملاح اللحم وملاح الرز والسلات
الجنا مو دكتور
اها بعد الجماعة اتفرقوا ابوهو شال معاهو كباية ليمون ومشا عليهو
ختاها قدامو وقال ليهو اها يا ولدي بتشتغل في اسبتالية الخرتوم ولا بتكون في الرد بجاي
قام الجنا قاليهو يا يابا انا ما قريت طب
قريت شنو يا البخيت بالله ؟
قريت فلسفة
فلفسة دي شنو كمان يا كافي البلا كمان الفلفسة بقروها ؟
الفلسفة دي يابا هي علم المنطق
يعني بعلم المنطق دا الزول يقنع ائ زول تاني بالمنطق خاصة في السياسة
يعني مثلا القدامنا دي مش كباية ليمون واحدة انا بعلم المنطق ممكن اقنعك بانها كبايتين
طوالي ابوهو شال الكباية من قدامو وفوووو كتحا
وقال ليهو خلاس اشرب التانية ات
|
Post: #23
Title: Re: *** شـــوية هترشــــه ***
Author: عماد حسين
Date: 05-14-2012, 09:44 AM
Parent: #17
Quote: جزاك الله خير يا شيخ عماد حسين
كلامو صاح يا البشاري هترش زي ما تهرش لكن بعيد بعيد من الامور الدينية
أقبل النصيحة وقول لشيخ عماد بارك الله فيك بدون أئ كاني ماني |
تسلم يا ود البوش
الله يجزيك خير
أهــأ... هترشوا بعافيتكم
|
Post: #26
Title: Re: *** شـــوية هترشــــه ***
Author: عبدالله ود البوش
Date: 05-14-2012, 10:02 AM
Parent: #23
| Quote: أهــأ... هترشوا بعافيتكم |
اصلو ما بنخليك تمش فاضي يا شيخ عماد
كنا في الحلة بنهترش زي كدي وكان بيننا اخونا جبريل دفع الله ( بتعرفو - انصاري سنة )
نكتة من هنا ونكتة من هناك وكلها نكات ممجوعة وقديمة لم تتجاوز ضحكاتها باب الديوان
انعدل جبريل دفع الله وقال نكاتكن دي كلها قديمة انقول ليكم النكتة الجديدة دي
واحد صحى نص الليل شاف حرامي في البيت طوالي ضرب الكوراك حرااااامي حرااااامي
يا ناس حرااااامي حرااااامي
جاره انصاري سنة رفع راسو بالحيطة وقاليهو اذا استعنت فاستعن بالله
فضحكنا كان لم نضحك من قبل
مسك دقنو وطلع وقال دي الفتها اسع في قعدتي دي
|
Post: #18
Title: Re: *** شـــوية هترشــــه ***
Author: الامين موسى البشاري
Date: 05-13-2012, 03:57 PM
Parent: #16
Quote: الأمين
الله يرضى عليك وعلى والديك
هترش زي ما داير..
بس حاول الابتعاد عن النكات التي تمس أصول الدين
زي قصة الحمل الفوق دي
الله يرضى علينا وعليك
تحياتي |
جزاكـ الله خير يا شيخ عماد
دحين القال الكلام دا عبد السلام ولا أنا يا عماد؟
شاكرين مرورك والله يهدي عبد السلام ياخ 
|
Post: #19
Title: Re: *** شـــوية هترشــــه ***
Author: الامين موسى البشاري
Date: 05-13-2012, 04:13 PM
Parent: #18
بايركس
قالوا في واحدة بايركس لامن بهناكـ
قطرها فات وغنايها مات
اها عندها واحدة صاحبتها في مدني اصغر منها برضو بايركس
قاموا خطبوها وخلاص عايزين يعملوا عرسها
قامت عزمت ليكـ بايركستنا دي القاعدة في الخرتوم
يلا يا زول قامت صاحبتنا مشت عديييل للسوق الشعبي
وقطعت التذكرة عشان تمشي مدني تحضر عرس صاحبتها
اتحركت الحافلة وفي الطريق كده اخدتها ليكـ نومة صغيرووووونه
ومع النومة دي والعقل الباطني حقها الكل همه انها تعرس
قامت حلمت ليكـ إنها خطبوها
والعريس جاب قولة خير الما خمج
والبنوت يزغردن سااااي وحددوا معاد العقد والعرس
وعيييييييييييييييييييييييييييك فيلم طويل
لغاية ما وصلت انوا الليلة خلاص يوم العقد
المعازيم حضروا وناس الحلة وخلاص عايزين يبدأوا مراسم العقد
وبس في اللحظة سمعت ليكـ
ضاااااااااخ طراااااااخ طااااااااااخ
صاحبتنا قامت مخلوعة من النومة وبدون ما تشعر قالت للزول الجنبها:
البايركس : أها عقدوا 
الراكب الجنبها : لا والله طرشـــق
...
...
..
..
__
طبعا الزول بقصــد انو اللستكـ طرشــق
وصاحبتنا فاكره طاااخ دي صوت الجبخانة بتاعة العقد
والله صحي
|
Post: #20
Title: Re: *** شـــوية هترشــــه ***
Author: قرشى محمد عبدون
Date: 05-13-2012, 04:34 PM
Parent: #18
الأمين ..كيفك ياخى ..ربنا قال
ولا يؤاخذكم الله باللغو فى إيمانكم
بعد المداخلة دى اتوقع بوستيك دا يكون فيهو كمية من الفتاوى والتفسيرات لوول
عندى صحبى ابوه الله يرحمو كان من ناس التكفير والهجرة..ولدو الصغير اشتغل فى الشرطة الشعبية
كان مسميه جند الطاغوت..الليلة تبقى جند طاغوت مع نكتة (اللوجيك) دا
وطبعا صحبى ذاتو كان مجننو ..كل يوم يجيه ويقول يا ابنى ما تدخل الإسلام
المهم ارجى الراجيك
واصل يا حبيب وبالله كتر لينا من ناس مهمد صاله دا بالذات
|
Post: #21
Title: Re: *** شـــوية هترشــــه ***
Author: قرشى محمد عبدون
Date: 05-13-2012, 04:39 PM
Parent: #20
للضمان وكدا
انا ما مسؤول من تفسير الآية
|
Post: #22
Title: Re: *** شـــوية هترشــــه ***
Author: الامين موسى البشاري
Date: 05-14-2012, 09:34 AM
Parent: #20
Quote: بعد المداخلة دى اتوقع بوستيك دا يكون فيهو كمية من الفتاوى والتفسيرات لوول
عندى صحبى ابوه الله يرحمو كان من ناس التكفير والهجرة..ولدو الصغير اشتغل فى الشرطة الشعبية
كان مسميه جند الطاغوت..الليلة تبقى جند طاغوت مع نكتة (اللوجيك) دا |
يا قرشـــي ما تحرش باللاي ياخ
أما بالنسبة لناس الفتاوي ديل فسيبكـ منهم
حدهم معاي تشغل ليكـ كمنجتين وعود بشتتوا من البوست دا
والله صحي ()
بالمناسبة دي أنديكـ واحدة على الطاير كدا:
عندنا صاحبنا في الجامعة نوع البخلط البنت 18 ساعة داكـ
أنا المحيرني بقولوا في شنو ما عارف؟
المهم يوم من الايام خالط الجكسوية بتاعته في الجخانين البين
كلية الهندسة المعمار ومكتب السكرتير الاكاديمي (جامعة الخرطوم)
المهم كانوا قاعدين في حته ميتة شديد والحركة فيها ضعيفة جداًفي الامسيات
أها واحد من ناس الأمر بالمعروف والنهي عن المنكر ديل لمه ليكـ فيهم
وشبكهم ليكـ : يا اخوان ما اجتمع رجل وامرأة الا وكان الشيطان ثالثهما
صاحبنا دا زعل زعل شديد وقال ليهو :
يا زول أمشــي عليكـ الله
نحن قاعدين هنا لينا زي 6 ساعات ما شفنا لينا شيطان
الا بعد جيت أنت
|
Post: #25
Title: Re: *** شـــوية هترشــــه ***
Author: عماد حسين
Date: 05-14-2012, 09:55 AM
Parent: #22
Quote: عندنا صاحبنا في الجامعة نوع البخلط البنت 18 ساعة داكـ
أنا المحيرني بقولوا في شنو ما عارف؟
المهم يوم من الايام خالط الجكسوية بتاعته في الجخانين البين
كلية الهندسة المعمار ومكتب السكرتير الاكاديمي (جامعة الخرطوم)
المهم كانوا قاعدين في حته ميتة شديد والحركة فيها ضعيفة جداًفي الامسيات
أها واحد من ناس الأمر بالمعروف والنهي عن المنكر ديل لمه ليكـ فيهم
وشبكهم ليكـ : يا اخوان ما اجتمع رجل وامرأة الا وكان الشيطان ثالثهما
صاحبنا دا زعل زعل شديد وقال ليهو :
يا زول أمشــي عليكـ الله
نحن قاعدين هنا لينا زي 6 ساعات ما شفنا لينا شيطان
الا بعد جيت أنت |
أهــا,,, هاك دي يا الامين
من صاحبك الشيخ محمد مصطفى عبدالقادر
مرة في ركن حلقة علمية في الجامعة، دخل عليهو واحد، وقال ليهو:
يا شيخنا؛ كيف تقول ما خلا رجل بامرأة إلا وكان الشيطان ثالثهما؟! أنا هسع أخلط عادي، وأقعد
مع أي بنية 3 ساعات وبراااااااااااااانا وما قاعد أشعر بي أي حاجة
قام شيخ محمد مصطفى قال ليهو:
لكين الرسول صلى الله عليه وسلم قال: (ما خلا رجل).. فاهم يا أخونا رجل رجل... يعني
الحديث ده مقصود بيهو الرجال، مش أي زول :)
|
Post: #28
Title: Re: *** شـــوية هترشــــه ***
Author: الامين موسى البشاري
Date: 05-14-2012, 03:32 PM
Parent: #25
Quote: هــا,,, هاك دي يا الامين
من صاحبك الشيخ محمد مصطفى عبدالقادر |
كااااااااااااااااك
شيخ عماد دخل معانا في مود الهترشة
عارف يا شيخ عماد اقعد بارينا كدا لغاية ما تبقى مهترشاتي كبير
كان معانا واحد في الجامعة انصار سنة كاااااااارب
ويلا شبكنا ليكـ البنات متبرجات وانتوا البتعملوا فيهم دا حرام
الخلط ما كويس ........ لغاية ما وجع لينا راسنا
قمنا قلنا ليهو ياخ انت بدل تقعد تقول في كلامكـ دا
أمشي انصح البنات ديل
وانت لو ما اتكلمت مع الواحدة كيف توصل دعوتكـ دي
المهم بعد جدل اقتنع بكلامنا واقترحنا عليهو
يمسكـ واحدة يخلطها ويدعوها للتحجب
صاحبنا الفكرة عجبتو شديد وبدأ بواحدة وقام عزمها ليكـ ليمون بيزنس
والله يا شيخ عماد بعد شهر صاحبنا جدع كل البناطلين القصار ديكـ
وحلق اللحية وبقى يسمع مصطفى سيد احمد في كافتيريا اقتصاد
وعيييييييييييييييييييييكـ بقى خلاط مولينكس عدييييييييل كدا
اها اعمل حسابكـ ما تبارينا شديد ....... والله صحي ()
Quote: قام شيخ محمد مصطفى قال ليهو:
لكين الرسول صلى الله عليه وسلم قال: (ما خلا رجل).. فاهم يا أخونا رجل رجل... يعني
الحديث ده مقصود بيهو الرجال، مش أي زول :) |
هههههههههه ذكرتني حكاية أهلنا أهل العوض
قاموا جاءوا الى الخرطوم
وأول ما وصلوا قابلوا ليهم حنكوش من حناكيش الخرطوم ديكـ
المهم قعد يضحكـ في منظرهم طبعا المنظر عجيب
الجلابية سبعة يوم ما غسلوها والعمة زي الجبنة المضفرة ... الخ الخ
اهل العوض زعلوا زعل شديد من ضحكـ الحنكوش دا وقالوا ليهو:
اهل العوض: هوووووي يا جنا ها مالكـ بتضحكـ؟
علي بالطلاق إن أنت مستعربنا نحن مستخنثنك
حبابك 1000 يا عمدة ياخ
|
Post: #24
Title: Re: *** شـــوية هترشــــه ***
Author: عماد حسين
Date: 05-14-2012, 09:48 AM
Parent: #18
| Quote: جزاكـ الله خير يا شيخ عماد |
وجزاك الله خيراً يا الأمين
Quote: دحين القال الكلام دا عبد السلام ولا أنا يا عماد؟
شاكرين مرورك والله يهدي عبد السلام ياخ |
أنا عارف عبدالسلام ده مسخوت ومسنوح
عشان كدة خليك اخير عليهو يا الامين
| Quote: شاكرين مرورك والله يهدي عبد السلام ياخ |
ويهديني ويهديك يا الامين
|
Post: #27
Title: Re: *** شـــوية هترشــــه ***
Author: رشا احمد
Date: 05-14-2012, 03:06 PM
Parent: #24
Quote: عندنا صاحبنا في الجامعة نوع البخلط البنت 18 ساعة داكـ
أنا المحيرني بقولوا في شنو ما عارف؟
المهم يوم من الايام خالط الجكسوية بتاعته في الجخانين البين
كلية الهندسة المعمار ومكتب السكرتير الاكاديمي (جامعة الخرطوم)
المهم كانوا قاعدين في حته ميتة شديد والحركة فيها ضعيفة جداًفي الامسيات
أها واحد من ناس الأمر بالمعروف والنهي عن المنكر ديل لمه ليكـ فيهم
وشبكهم ليكـ : يا اخوان ما اجتمع رجل وامرأة الا وكان الشيطان ثالثهما
صاحبنا دا زعل زعل شديد وقال ليهو :
يا زول أمشــي عليكـ الله
نحن قاعدين هنا لينا زي 6 ساعات ما شفنا لينا شيطان
الا بعد جيت أنت |
الأمين المريخابي ... دي بالغت فيها لكن ^__^
|
Post: #29
Title: Re: *** شـــوية هترشــــه ***
Author: الامين موسى البشاري
Date: 05-16-2012, 11:14 AM
Parent: #27
| Quote: الأمين المريخابي ... دي بالغت فيها لكن ^__^ |
رشا بالغ الشيطان الجاهم دا
الجماعة قاعدين 6 ساعات في أمان الله
لغاية ما ظهر ليهم أخونا دا
|
Post: #30
Title: Re: *** شـــوية هترشــــه ***
Author: Abdlaziz Eisa
Date: 05-16-2012, 02:22 PM
Parent: #29
Quote:
ولد صغير شاف شطور امو قاليها : يمة ديل شنو ؟؟؟
قالت ليهو: ديل بالونات
قال ليها: حقات الشغالة اكبر من حقاتك
قالت ليهو: ياولد شفتهن وين؟
قال ليها: شفت ابوي بينفخ فيهن
|
ازييك يا الصفوي...
لا تخاف الخور بعيد جدا الايام دي!!
|
Post: #31
Title: Re: *** شـــوية هترشــــه ***
Author: الامين موسى البشاري
Date: 05-16-2012, 03:32 PM
Parent: #30
Quote: ازييك يا الصفوي...
لا تخاف الخور بعيد جدا الايام دي!! |
عبد العزيز عيسى يا صفوة
حبابكـ ياخ والواقعة من السماء بحملها الخوووووووور
وهاكـ دي :
واحد مرتو حملت خارج الرحم
مشوا للدكتور قال ليهم : الحمل بتاع المرا دي خارج الرحم
الزوجة: يكون دا منكـ أنت؟
الزوج: لالالالالالالالا والله أبداً .. كلو منكـ أنت دي
كل ما أقول ليكـ نولع النور تقولي لي بخجل
تحاياي يا صفوة
|
Post: #32
Title: Re: *** شـــوية هترشــــه ***
Author: الشفيع وراق عبد الرحمن
Date: 05-16-2012, 08:53 PM
Parent: #31
احم
|
Post: #33
Title: Re: *** شـــوية هترشــــه ***
Author: الامين موسى البشاري
Date: 05-17-2012, 12:45 PM
Parent: #32
مالكـ بتحم حم يا الشفيع
شكرا للعبور
|
Post: #34
Title: Re: *** شـــوية هترشــــه ***
Author: Abdlaziz Eisa
Date: 05-17-2012, 04:42 PM
Parent: #33
Quote:
عبد العزيز عيسى يا صفوة
حبابكـ ياخ والواقعة من السماء بحملها الخوووووووور
|
حبيبنا الصفوي ود البشاري
سلام
واحد مرتو شينة جدا جيرانهم عزابة
,
قالت ليهو لازم تعلى الحيطة دى من العزابة
,
قال ليها شافوووك
قالت ليهو لالا
قال ليها خلاص لما يشوفوك
براهم بيعلوهااااااااااااااااااااااااااا
.........................................................
واحد سلفي مراته معذباهو شديد:
دائما بيقرأ الدعاء ده قبل دخول المنزل:
"اللهم انى أسألك الثبات عند السؤال".
|
Post: #35
Title: Re: *** شـــوية هترشــــه ***
Author: محمد عمر الفكي
Date: 05-19-2012, 07:15 AM
Parent: #34
هاك دي يا المدير
فنان كبير "متوفى" الله يرحمو كان قدام بيتو في كوم رملة، نص الليل يقوم ينبطح في الرملة ويضرب سيجارته، يوم مرق لقى ناس السواري متبطحين في الرملة ، سلمو عليهو وشبكوه ازيك يا استاذ وما ادراك، الزول دخل البيت وقعد شوية وقال النمرق اشوف الناس دي اتخارجت ولا لسه، مرق لقاهم قاعدين ، رجع تاني واخد قعدة ومرق برضو لقاهم قاعدين، عاين فيهم ودخل البيت تاني وجاهم مارق شايل جردل وكوريق، قال لهم "يا جماعة عن اذنكم دايرين ندخل الرملة دي جوة"
|
Post: #36
Title: Re: *** شـــوية هترشــــه ***
Author: الامين موسى البشاري
Date: 05-19-2012, 09:39 AM
Parent: #35
| Quote: عاين فيهم ودخل البيت تاني وجاهم مارق شايل جردل وكوريق، قال لهم "يا جماعة عن اذنكم دايرين ندخل الرملة دي جوة" |
|
|