Post: #1 Title: Merci Author: قيقراوي Date: 05-07-2012, 09:13 AM
Merci beaucoup François Hollande
فقد سكبت في عروقأيبست كثيراً من الفرح الجريء
-------
Merci beaucoup برضو لكل من سأل عن شخصي السمين
النحدثكم ضحى عاد ..
الما ببارك لي - كزول عندو احساس قوي جداً خالص اوي انو جذوره les françaises - فوز (أولاند) وصعود اليسار لسدة الحكم في فرنسا بعد انقطاع دام 17 سنة، وغورت (الكوز) الكريه (ساركوزي)، لا بيني لا بينو كلو كلو! وقديمن قيل: السترة و الفضيحة متباريات
والله مشتاقين يا شباب عارف اني بكون وحشتكم .. أي بعرف خيتي و خيوووو!
Post: #2 Title: Re: Merci Author: محمد عبد الماجد الصايم Date: 05-07-2012, 09:22 AM Parent: #1
Quote: هههههههههه غبت و جبت يا قيقرا لكن حمدالله ع السلامة يا عمك
الله يسلمك يا مان مشتاقين والله
-------
انا عندي اقتراح يا شباب .. نحن نتكلم بالعربي .. حفاظاً على نفسيات الناس الما ناقشة فرنسي زينا ؤ كدا مش احسن؟ اسي لو عاصم فقيري و وضاحة ورمانة وبقية الرهط الما ناقشة فرنسي دي انتحروا، بتحمل الذنب منو!؟ لخير كدا اللغة العربية هي المعتمدة في هذا البوست
صراحة فترت من المساسقة بين قوقل وهنا .. مافي زمن .. ولا نفسيات ذاتو ياشباب مرمي الله ما بترفع .. خلونا في ي ي ي ي عربينا دا .. عرب سااااااي!
الله يبارك فيك يا عاصم يا فردة مداخلتك التانية حرم قوقل ما فرز فوقاك حرف واااااحد ضحك حتى طارت سجارته .. الخدرا ورجعا لي في مسماها .. وهو يردد بمكر شديد وباتسامة صفراء ووجه باسم ذو نواجز: بضاعتكم درت اليكم
انقر ما نكرتها!؟ حلفت ليو قسم غليظ انها بتاعة واحد صاحبي مابضاعتي انا دا وجيت اضحك طول الشارع في عمك الغبيان القايلا حقتي دا!
Quote: الترجمة: إن شاء الله يسكك كـلـب زي الجابو طارق جبريل في الفيسبوكـ!
_ مآآآآكـ مؤؤلللم!
فعلاً مؤلم انت
انا قلت [الترجمة يا عممممممممممك] وضاحة دي عندها شنب!؟ قاصد ود الخليفة انا .. وضاحة يدوب بقت مؤلمة بي يتوبها الاخير دا!
ما خاتية عليك لمن وصفتك بي الـ"بيق ماوث"! تلفح ساي انت؟ بطل اللفحي و ختف المحافض دا!!
-------
بعدين اخوك ضليع في كل اللغات الحية و الميتة و الفي فراش الموت ذاتو .. الا لغة العيون دي ما شايلا .. قلنا ليكم بلكوها الـITـياب !! شفت الالم الامو بت اعم ابوهو!؟
Quote: صراحة فترت من المساسقة بين قوقل وهنا .. مافي زمن .. ولا نفسيات ذاتو ياشباب مرمي الله ما بترفع .. خلونا في ي ي ي ي عربينا دا .. عرب سااااااي!
الله يبارك فيك يا عاصم يا فردة مداخلتك التانية حرم قوقل ما فرز فوقاك حرف واااااحد ضحك حتى طارت سجارته .. الخدرا ورجعا لي في مسماها .. وهو يردد بمكر شديد وباتسامة صفراء ووجه باسم ذو نواجز: بضاعتكم درت اليكم
انقر ما نكرتها!؟ حلفت ليو قسم غليظ انها بتاعة واحد صاحبي مابضاعتي انا دا وجيت اضحك طول الشارع في عمك الغبيان القايلا حقتي دا!
يا قيقا
مداخلتي التانية القاصدها فيها فقرة ليست فرنسي
دي يا عمك ألماني
وهي كالتالي:
Wo bist du gewesen Giga
Der Mond ist in unserer Nachbarschaft
Das ist süß Nachrichten
danke
أما الفقرة التي سبقتها والمداخلة التي سبقتهما هي فرنسية مية × المية وحاتك ما طالبني حليفة
لا شكر على واجب .. بس كان تقول جيرمان من الاول ياخي .. انت عارف انو (جيرمان) دي تصحيف لـ(فتح الرحمان)؟ الخواجات ديل لسانمم اغلف ساي .. نانو شنو؟ جدهم اسمو فتح الرحمن كما هو مثبت بالوثائق
-------
Quote: أما الفقرة التي سبقتها والمداخلة التي سبقتهما هي فرنسية مية × المية وحاتك ما طالبني حليفة
وقوقل على ذلك لشهيد ما بينا حلايف ياخي!
متأكد انك ما عاوز مني حليفة -برضو- على الزعم اعلاه برضو .. مش؟
رمانة مشتاقين يا اخية فاقدكم في غيبتي الطويلة القصيرة دي
Quote: كلام حلو.. بالنسبة لصاحبك فرانسوا ده..العبرة بالعمل لا باليسار
انا غايتو مستبشر خيييييييير عميم
اقلو فكانا من تخبط ساركوزي! رهن ارادة فرنسا (ديغول) لحلف الناتو و متلصق في ميركل زي الجرو كدا!! هل (التقشف) بس سياسة بتحل معضلة اقتصادية بجسامة الازمة الحالية؟ وأين التنمية
وحاتك الليلة نفسيات في السماء .. الناس مبسوطه وتبارك لي بعض تقول سقطو البشير!! ياخي الديموقراطية دي حلوة بشكل .... الناس استحمت وقشرت وبعد الغدا مشوا قالو ليه ما عاوزنك ف (ارحل) .. لا كاودا لا كادقلي... ولا زول يتكتح. ساركوزي سمم الاجواء .. وبعد الدور الاول شطح عديل كده!
هولاند لو ما حقق اية حاجة علي المستوى الاقتصادي .. فسيحقق الكثير على المستوى الاجتماعي وعلى مستوى العدالة والشفافية. ياخي ده عندو تيم كلهم بامكانيات رئيس جمهورية.
نبارك ليك ولي جيرانك زاتهم .. المافي شنو (:(:
اشفقت عليك من القوقله.
-------------------------- عدلت كلمة شطبوها .. مع اني ماقليت الادب ولا اية حاجه.
ودي من راسي ما من كراسي .. ومال ايه؟ اخوك خريج ("السدست" الوحدة العلمية الفرنسية بجامعة الخرطوم) ما ملاحظ الفرق في لغتي من الوهم و المواهيم الهنا ديل انت اسي!؟ دا فرق تعيين الوزارة من ابو عشرين*
جو ما بيل (جاك ماغتينو) .. جابيت أ باغي، لا بلاس دو لا كونتغسكاغب
تحسبوا لعب ول كيف؟ حظكم سمح ساي انو ما عندي كيبورد (فرنسي)
--------
* واحد من عربانا في ضهاري الجزيرة، متعلم لكن حظو كدقيق ساي، اها قريبو في وزارة الزراعة اتوسط ليو في شغلة كاتب في احدى مكاب المشروع .. بالطبع اقل من قدراتو المفتش مرة قرّظ تقريرو، بانو طول المكاتب الزارها مافيها تقرير زيو .. فصاح بمقولته التي سارت بها العربان .. ركبان و الماشين كداري ذااااتم: هي لكن يا سعادة المفتش، تعيين الوزارة وابو عشرين واااااحد!؟
حكاية السدست صحيحة والله .. لكن من كان هجرته من اجل امرأة، فهجرته لما هاجر اليه .. انتهت بشاكوش بعد دا .. لا نكاح و لا لغة ساي حتى ما طلعنا بيها من التجربة دي! ضياع قريشات ساي!
Post: #36 Title: Re: Merci Author: حمد عبد الغفار عمر Date: 05-07-2012, 07:32 PM Parent: #34
Quote: الشعب الفرنسي الفضل
ياخي مية مرة في البورد دا مش قالوا ما تلعبوا بأمثالنا الشعبية دي؟
مرحبتين بطلتك
Post: #37 Title: Re: Merci Author: محمد جمال الدين Date: 05-07-2012, 08:30 PM Parent: #36
قيقراوي ختيت ليك محاية في البوست التاني.. بالله أطبعها ثم بلها وأشرب مويتها واتوكل على الله عشان الحال يتصلح.. وبالمرة كلم لينا وضاحة دي تجي تفك الترجمة حقتها دي عشان نفهمها قالت شنو غير الرماد كال حماد ما فهمت شي :) --
وبالنسبة لاولاند أو هولاند إذا برضو حيضيع زمنه يسك في الحريم شيلوا الاشارب فكوا الحجاب أخلعه النقاب يبقى ما غير حاجة..
Quote: وبالنسبة لاولاند أو هولاند إذا برضو حيضيع زمنه يسك في الحريم شيلوا الاشارب فكوا الحجاب أخلعه النقاب يبقى ما غير حاجة..
Donnez-lui une chance, ô grenade
عارفك سغافتك انقليزي:
Give him a chance, oh grenade
شوفي عمك قوقل قلبنا لي شنو؟
إعطائها فرصة، يا قنبلة يدوية والله بديتا -من العربي للفرنسي- كدا:
اعطيه فرصة يا رمانة..
لكن ماذا نفعل للكيزان؟ عسكروا حتى مخ عمك قوقل افسدوا الحياة على وجه هذا الكوكب تماماً (ربنا ما يحرمنا منهم، اها كان غاروا في ستين الف داهية تاني نلصق جنس الكبب والكفاوي دي في منو!؟)
------
بالمناسبة فرانسوا اولاند تنطق (اولون) .. مافي خيرات يعني دي لغة يا بتي .. ما على كيفنا
table تحكاي الانقليزية رسماً وفي الفرنسية تفارقها نطق -في الحقيقة حدك الباء بس- تنطق تاب وبماسبة الباء و وبس و بسة دي .. الكديسة بالفرنسي لا شا CHATTE
في جملة مفيدة:
la chatte assis sur la table
تنطق : لا شا اي سوغ لا تاب
الكديسة تجلس فوق الطاولة
ما مفيدة اسي دي؟
(مفيدة لي انا دا القاشر عليكم انتو الما ناقشين فرنسي ديل)
اسي الملك سي محمد السادس همسلف كان لقى هجرة -غير شرعية ذاتو- باقي ليك بياباها!؟ اها ساركوزي كان برحلو جماعي -مع انو ساركوزي ذاتو نصف فرنصي (فغط)، ابوه مجري- لكن تسمعوا يتكلم عن الفرنسيين كدا تستغرب في عدم خجلتو في دس عنصريتو النتنة و تمييزو ضد العرب و الافارقة و المسلمين!! ليه ما رحل هو ومعاه بقية الفرنسيين من اصول اوربية، واولهم زوجتو اعارضة الازياء الايطالية!!!
بركة الغار في ستين الف داهية! عبث بقيم العلمانية و الحداثة كلها .. وكاد ان يغتّس حجر فرنسا ذات الدستور العلماني الصريح!
-------
ليق في فرنسا اتسلف .. ولا درجة اولى في كل دول الفرانكفونية
انت ما قلنا ليك عاذرنك انحنا .. اتكلمي عربي ساي .. (العرب) يتكلموا عربي ساي .. لا يكلف الله نفساً الا وسعها! الفرنسي دا صعب .. خاصة على الصعايدة .. الزييك كدا!
--------
اللمين اخوي الاصغر قال تاني لمن نجيهم زيارة "وجن" ما نجيبا معنا .. قال: اصلو ما لايمنها انحنا!!
طبعاً هي عندها عزيمة ماركسية -على قول حسين خوجلي- لاحداث خراب شامل .. في زمن قياسي اديها ساعة واحدة بس تكون حولت البيت الى ساحة معركة .. تكون كسرت كم فازة .. ودفقت الاكل في السجادة ... و عييييييك!
Quote: اللمين اخوي الاصغر قال تاني لمن نجيهم زيارة "وجن" ما نجيبا معنا .. قال: اصلو ما لايمنها انحنا!!
طبعاً هي عندها عزيمة ماركسية -على قول حسين خوجلي- لاحداث خراب شامل .. في زمن قياسي اديها ساعة واحدة بس تكون حولت البيت الى ساحة معركة .. تكون كسرت كم فازة .. ودفقت الاكل في السجادة ... و عييييييك!
كضبن كاااااضب وجن دي ما عارفا طالعة لي منو ذاتو!؟ وعد -حبيبة ألبي - ممكن غايتو
تصدقي انو اخوك كان ما بعرفوهو موجود ول مافي ذاتو! الذ حاجة (فادي) ما يتفتح الباب الا يرافق الخارج .. حبوبتو كانت معانا، ومشفرين اسمو لـ(سمير) لزوم الفككان ؤ كدا اها مرة عاوزة تنزل تجيب ليها كسرة، سألت انتو (سمير) وين؟ جاتا صرخة النصر من ركن قصي انتبذه (سمير) وهو يردد بنشوة نصر: انا هنا!!
ميخسي بوكو ما تفقد عزيز ان شاء الله وما تخاف على اخوك .. في دبيب بتجيو عوجة!؟
Quote: يعني لو ساركوزي كان فاز كنا حانشوفك بعد سنيين
وانت السادق كان خمسة سنوات حسوم ما شفتني تاني سئمنا ملل الملل و النحل اليمينية دي ياخ نرحل انحنا من الكوكب دا ول كيف؟
-----
اكتر ما عجبني في سقوط ساركوزي انو بي كدا طلع هو ############ الوحيد في الجمهورية الفرنسية الخامسة الما جددوا ليو! كان نفسي اكون في (خطاب الشكر) بتاعو عشان افقعا ليو في وشو : وييييييييييو!
فرانسوا ميترا قعد فترتين من ابو 7 جاك شيراك جربوا فيو الحلاقة للفترة الرئاسية ابو 5 وجمع 12 الكيشة دا مفتكر انو بتبني خطاب اليمين المتطرف (لوبين) ح يكسب الـ18% ودا مؤشر كان مقلق جداً لكن نجح فرانسو (متر و 68 سنت "تقريبا) AKA اولاند في كسب كل اليسار و انتزاع حتى اصوات اليمين المتطرف!!
الزميلة* سهام .. كيفك و كيف كيفك يا صديقة والله مسكين الشوق ذاتو .. لو زي شوقك؟
اما بعد .. ما دار محور سؤالكم عنه:
Quote: وضاحة دى فى مداخلة كده قالت كان شنو كده قوقل التراب كال حماد
بعد الحمد لله و الصلاة على من لا نبي بعده .. يسرني .. بل و يشرفني ان اقول:
وضاحة دي مخلّية .. بعيد عنك ناقشة ابو النوم في الفرنسي ما تشتغلي بهضربتا دي!
ما (تراب) .. رمااااااااد زي ما قال حمد اعلاه انا بتهما بتشويه امثالنا .. السودانية ما الفرنسية!
وبمناسبة (حمد و قوله و المقالات و القوالات السودانية) دي عندي احتجاج رسمي في شكل بوست اطالب بتغيير الاستيتص بتاع المثل (القالو حمد) -سيد اللسم ما حمد عبد الغفار صاحبي دا- لـ(مثل سري) وضمه فوراً للكوشرثيا وتسليم عهدته و متعلقاته لشيخي محسن خالد!!
صدر تحت توقيعي و ختمي فيلد مارشال قيقاراعي .. قائد قوات حلف شمال الضهرة (نيدو) الاقليمي بمطعم الباشا وما جاوره من المطاعم الشعبية بضهاري النت و حلاله. باحث -بارتتايمر - في التراث السوداني
البوست غالباً ح يكون بعنوان (تايتنك .. النسخة سودانية)
Quote: بالمناسبة فرانسوا اولاند تنطق (اولون) .. مافي خيرات يعني دي لغة يا بتي .. ما على كيفنا
يعني العالم العربي كله يقول عيدي أمين وكوفي عنان والقذافي يقول بركة حسين اوباما بس لما جات علي أنا بقيت غلط... وبعدين عامل لي فيها فرنساوي يعني..! هاك أقرأ النطق بتاع الاسم (French pronunciation: [fʁɑ̃swa ɔlɑ̃d]; يعني ادعاءك غلط.. بعدين بالمناسبة أنا درست فرنسي في المدرسة وواصلت بعد المدرسة تقولي شنو وتقولي منو..؟! بس طبعا في عقدين ونيف أو إمكن حصلوا ثلاثة عقود بيني وبين الزمن داك وعارفة إنه مع وجود حرف الـ (e) في نهاية الكلمة ينطق الحرف القبلها أما إن لم يوجد فما بظهر في النطق والراجل في نهاية اسمه في (e) يعني الـ D تنطق ... شفت كيف.. خليك أنت في فرنسي وضاحة بتاع التراب كال حماد ده :) ---
Quote: وهو غير شغل المحايات دي شنو الطرطرش قيا راوي دا يا رمانة
عيدروس.. محايتي أنا غير ياخ ... ديك كانت لتفريج الكرب خاصة المادية منها أما الطرطشة دي لو عالجناها حنفقد قيقراوي .. ولا شنو؟
مرحب بعودتك يا قيقا , رغم لياقتك و رطانتك البتفهما أحيانآ براك لكن لونك كان مفقود بالجد
فوز هولاند و نتائج انتخابات اليونان مؤشر قوى على عمق الأزمه , بعض الناس بيتكلمو عن أزمة الديمقراطيه و بيحذرو من احتمال عودة الفاشيه
هولاند لو عاوز و لا ما عاوز ما حيقدر يغير كتير في الحاجات المهمه بالفعل , لأن القصه ما عاد حلها في بلد واحد ممكن ... ده بافتراض توفر الاراده السياسيه ...
كسر الله المفكر .. اعمل حسابك بعد اتصورت مع حاتم اليائس .. باقي ليك كم شهر بس .. ما بحول عليك الحول
Quote: مرحب بعودتك يا قيقا , رغم لياقتك و رطانتك البتفهما أحيانآ براك لكن لونك كان مفقود بالجد
دا مدح ام قدح اسي؟ انتو الشويعيين ديل اصلو ما بتبطلوا طبعتكم الشينة دي .. عاوز تغتال شخصيتي الضعفية دي عشان مرقت منكم مش؟ لوووووووب
كان ليكم .. شخصية مافي ذاتو .. عشان الاغتيالات دي ما عملتها كلو كلو ذاتو!
بالجد:
Quote: فوز هولاند و نتائج انتخابات اليونان مؤشر قوى على عمق الأزمه , بعض الناس بيتكلمو عن أزمة الديمقراطيه و بيحذرو من احتمال عودة الفاشيه
تعرف يا عصام انا شخصياً بكفيني بشارات ثورة الاصابع البنفسجية .. ازددت ايماناً بانو الديموقراطية قادر على معالجة ازماتا وتجاوزها .. فوز اولاند في فرنسا، و التفاف اليسار العريض حوله وتماماً اعاد آمال عريضة. اتخيل نجاح ساركوزي في كسب اليمين المتطرف الـ18%، كان الكارثة ح يكون حجمها قدر شنو؟
Quote: هولاند لو عاوز و لا ما عاوز ما حيقدر يغير كتير في الحاجات المهمه بالفعل , لأن القصه ما عاد حلها في بلد واحد ممكن ... ده بافتراض توفر الاراده السياسيه ...
اتفق معاك ويجب ان لا يطلق العنان للآمال وتبقى بعرض الخيال! مافي زول عندو عصى سحرية لكن اولاند سيحدث فرقاً أكيد.
------
انت اهل الكهف (اقرا الحزب الشيوعي الفرنسي) جابوا كم!؟
Quote: وعارفة إنه مع وجود حرف الـ (e) في نهاية الكلمة ينطق الحرف القبلها أما إن لم يوجد فما بظهر في النطق والراجل في نهاية اسمه في (e) يعني الـ D تنطق ...
بتتنطق .. انت قايلاني ما عارف .. لكن بتنطق شنو؟ تعرفي دي ما ح يلاحظ الفرق الا زول دارس لغة فرنسية، او فرنسي اصلي زيي كدا عشان كدا عملت تخفيضات للوهم الهنا ديل .. المافي شنو!؟ نحن طيبين و هم يحننوا ابليس همسلف!
دفعتنا في (السدست) كان زميل البورض سامر حسن عثمان AKA سامر ؤسمان هنا .. واميرة كرار الله يرحما الـ(بخوفسيغ) تعبان يشرح لينا الفرق في النطق بين الـ(u) و الـ(e) .. بعد زي ستين ساعة ضوئية من تكرار (ؤ) للـ(u) & (ؤ) زيها للـ(e) .. اتلفت لسامر قلت ليو : الفرق شنو يعني اسي!؟ عليك امان الله اللتنين انا بسمعن ليك زي الـ(ؤ) او (او بشاشا) كما اشتهرت في مطعم الباشا دا!
-------
انا قلت ليك مشتاقين؟
Quote: عيدروس.. محايتي أنا غير ياخ ... ديك كانت لتفريج الكرب خاصة المادية منها أما الطرطشة دي لو عالجناها حنفقد قيقراوي .. ولا شنو؟
لووووووووب
دي (فلاكة) ساجورا قوي جداً .. ما شغل فقرا دا دي ما يفكها الا ثورة بالدرب العدييييل داك او اقلو مزيداً من انتصارات اليسار وتقدم الاشتراكيين في العالم الكئيب دا
Quote: يا عزيزي انا (محاسب) ما (مهندس) زي عيدروس دا! ------ بي بركة الحبشي - رد الله اغترابه عن البورد- تحول وصف (مهندس) دي لإساة يا اندروس .. حيرتوني في دقنوسي دا .. نمشي تقنبوا تكوركوا لينا .. نجيكم تقنبوا تكوركوا!!
هاهاهاها ... بهجه ياخ ..لكن ما بقدر أرد بهناك هسه ألصق ليك البوست داك بتاع منو ما عارفو القال (كرهتونا يا مهندسين)
________________________
نكورك !!! ..دي قولا لي زول ما عارف قيقاراك و قعاقيراك
Quote: سيسيل دوفلو وزيرة المساواة بين المناطق والسكن سيسيل دوفلو، 37 عاما، زعيمة "حزب الخضر"، تدخل الحكومة بعد اتفاق تم بين حزبها و"الحزب الاشتراكي" قبل الدورة الأولى من الانتخابات الرئاسية. عينت وزيرة المساواة بين المناطق والسكن.
Quote: وكانت سيسيل ديفلو (37 عاما) من حزب الخضر، هى الوحيدة التى ارتدت لباسا "عمليا شبابيا" فيما لم يألوا أى من الوزراء الآخرين البالغ عددهم 34 وزيرا، منهم 17 وزيرة جهدا فى أن يظهروا بصورة أنيقة فى أول اجتماع مع الرئيس الفرنسى الجديد فرانسوا هولاند.
وواجهت الوزيرة الشابة سلسلة من الانتقادات، وتتواصل منذ الأربعاء الماضى، خاصة عبر مواقع التواصل الاجتماعى "فيس بوك" و"تويتر" حيث قالت نادين مورانو التى كانت وزيرة حتى تولى اليسار السلطة هذا الأسبوع "أنا أتحدث بصورة شخصية فعندما تكون ممثل للشعب الفرنسى يجب عليك أن تفرق بين ملابس اجتماع مجلس الوزراء وملابس عطلة نهاية الأسبوع"، فيما علقت فاليرى بيكريس وزيرة الموازنة والمتحدثة باسم الحكومة السابقة بقولها "ارتداء الجينز فى مجلس الوزراء يعطى انطباعا بعدم احترام مؤسسات الدولة".
وقال نيكولا دومناك، كبير الكتاب بصحيفة "لا ماريان" الفرنسية، إن "ارتداء الوزيرة للبنطلون الجينز فى الاجتماع الوزارى الأول صدمنى، وينبغى أن تدرك أنها لم تعد زعيمة لحزب الخضر، ولكنها الآن وزيرة مكلفة، ويتعين عليها أن تتحلى بالأناقة الفرنسية".
كما دعا البعض عبر تغريداتهم الساخرة على "تويتر" إلى أن يشمل "ميثاق الأخلاقيات" الذى وقع عليه وزراء حكومة جون كلود أيرولت فى أول اجتماع لهم أيضا بندا متعلقا بقواعد السلوك والمظهر. وبينما تتواصل سلسلة الانتقادات لديفلو، إلا أن وزيرة الصحة روزلين باشلو دافعت عن زميلتها، حيث علقت عبر تغريدة على موقع "تويتر" قائلة "بصراحة إذا كان البنطلون الجينز الذى ارتدته ديفلو صنع فى فرنسا، فقد أحسنت صنعا بارتدائه فى اجتماع مجلس الوزراء".
ولكن يبدو أن سيسيل ديفلو الوزيرة الوحيدة التى تصل لحضور الاجتماعات وتغادر باستخدام المواصلات العامة تريد أن تكون "وزيرة عادية" فى حكومة الرئيس الفرنسى الجديد فرانسوا هولاند الذى يقول أنه يريد أن يكون زعيما "عاديا" بعد سنوات من النمط الأكثر بهرجة خلال ولاية الرئيس الفرنسى السابق نيكولا ساركوزى.
غربة نيوز
------
كيزان في كل مكان!! نرحل انحنا نخلي ليكم الكوكب دا ول كيف!؟ كرهتونا (البنطلون) ذاااتو .. ياخي اللبس دا حاجة شخصية .. ديل شنو الفارغين ديل!!! خليكم عميغين و ناقشوا تخفيض راتب الرئيس بـ30% ول عميانين من الخير انتو!؟
العالم عايش ازمة حقيقية .. و(حكومة الشعب الاشتراكي) زي ما سماها المغرضين تملك رؤى واقعية .. وقامت بخطوات عملية من قولة تيييييييت .. لكن (الكيزان) ما قادرين يشوفوا غير (بنطلون)!!؟؟
Quote: الما ببارك لي - كزول عندو احساس قوي جداً خالص اوي انو جذوره les françaises - فوز (أولاند) وصعود اليسار لسدة الحكم في فرنسا بعد انقطاع دام 17 سنة، وغورت (الكوز) الكريه (ساركوزي)، لا بيني لا بينو كلو كلو!
الكنيسة الكاثوليكية دي في حلتنا يا بتي .. دي الفيها الكمبوني (ما بين التجارية و الشعبية، ومدرسة التجاني المتوسطة بالقديم "نادي الضباط حالياً") اظنك تقصدي الكنيسة الانجيلية (القديس مار جرجس) او نحو ذلك .. بعد السرايات ودي برضو جمبنا
قيقراوي سلامات الوزيرة الـ بالجينز .. هي هدفها شنو بالضبط من وجهة نظرك؟ تلبس قطني؟ ولا بس تلبس كما شاءت؟
وفي شأن آخر: إنت ناسك ديل فاتحين الدراسة لطلبة الليسانس الأجانب ولا بس طلبة الدراسات العليا؟ لأني سمعت إنه الحكومة الفرنسية ما بتسمح لجميع الطلاب – بمعنى جميع الجنسيات - بالتقديم للجامعات إلا لطلبة الدراسات العليا.. السؤال بمناسبة إنك عامل فيها تفهم في كل ما هو فرنسي...
Quote: السؤال بمناسبة إنك عامل فيها تفهم في كل ما هو فرنسي...
وهل في ذلك شك!؟
-------
الله يرحم صديقنا النذير السيد .. سنة 1998 ايام كأس العالم في فرنسا .. كنا ساكين الفيزا الاوربية اسمو شنو كدا شين ما بعرف غايتو .. ممكن تقول (قبيحة) المافي شنو هو؟ (دا بنظامLa chatte, qui n'a pas trouvé de lait) والمعنى واااضح
انت سغافتك انقليزي مش؟
اها The cat, who found no milk
المهم يا ستي .. اخوك قنع تب من الكفار ديل، لكن النذير رحيمو الله ما قنع .. لمن حفى كنا عاوزنها كاس عالم وزوغة .. الا حرنت تب
المرحوم بيأس كدا قال لي : هو ذاتو الواحد كان مفروض يكون فرنسي عديييل كدا .. اقل شيء مصري!
القنبلة اليدوية فهمناها الكات دي الـدخلها في الموضوع شنو ؟؟ ___
الشينقن يا قيقراوي.. الله يشنقلهم من جمل أعور الفرنسيين ديل... ياخ ديل أسخف خلق الله .. ما خاتين عليهم الانجليز..أنا زمان كنت مفصومة بيهم لكن طلعوا ناس متخلفين زينا ساكت..(يعني دول عالم ثالث) النوع البشغلوا مزاجهم مش بشغلوا مخهم... انساهم.. لو كنت زغت في فرنسا هسه كان بقيت اوروبي عالم ثالث ...
Quote: القنبلة اليدوية فهمناها الكات دي الـدخلها في الموضوع شنو ؟؟
الـCAT دي شهادة عديييل Certified Accounting Technician نانو شنو هو!؟
لكن صراحة من نوع امتحن CFC واحصل على شهادتين مجاناً ..المافي شنو!؟
اخوك عندو
---------
Quote: ياخ ديل أسخف خلق الله .. ما خاتين عليهم الانجليز..أنا زمان كنت مفصومة بيهم لكن طلعوا ناس متخلفين زينا ساكت..(يعني دول عالم ثالث) النوع البشغلوا مزاجهم مش بشغلوا مخهم... انساهم.. لو كنت زغت في فرنسا هسه كان بقيت اوروبي عالم ثالث ...