ازمة دارفور التي ارضعت كلاب لهب

عجيب امركم يا نشطاء دارفور "الامريكان" السودانين , بعد ان سفسفتم ماشاء لكم اليانكي ان ترضعوا من وراء ازمة دارفور طوال سنوات وسنوات , ولهطتم ما شاءت لكم منظمات اليهود العالمية ان تلهطوا من وراء انسان دارفور المسكين ,الا انه ودون سابق تهيئة نجد ان روح احتقانكم وصلت الحلقوم ومسك كل واحدا منكم الطار لاخيه وترصدتم ببعضكم كل مرصد تخونون بعضكم البعض وتنشرون غسيلكم القذر علي الملا دون خجلة او حياء , ولكن لا اظن ان هناك غرابة في الامر فكما قال قدمائنا في امثالهم الدارجة : ان الشبع بيعمل "بعبعة" . اي يجعل الانسان يتجشأ , وهذا ما ظهر علي الملا هذه الايام وهو تجشؤكم النتن والذي يعكس ما طعمتموه من قذارة باسم انسان دارفور طوال سنوات , وللاسف جعلت الاشخاص الغير مناسبين في الاماكن غير المناسبة , وذلك كما اتضح للجميع من فضائحكم التي اخرجتموها علي الملا حينما اوضحتم لنا ان كل دائرة او شخصية من صناع القرار الغربي او الدولي لديها " قطيع " منكم يتخذهم مساعدين وبعض الاحيان "يايات " ينفق عليهم ويواليهم بالرعاية , لذا كانت المفاضلة بينكم هي ايكم الذي يستطيع ان يكون "حواري" لاكثر من دائرة او شخصية مهتمة او لها اجندتها الخاصة تجاه دارفور او السودان من الدوائر القذرة والمشبوهة , لذا ظللتم تاججون في مشكلة دارفور ومنذ وصولكم كقطيع الي تلك الدوائر تساهمون في استعار نارها وزيادة وقودها لكي تواصلون الرضاعة الخسـيسة والسفسفة الجبـانة.
عليه انتم الذين يتحملون وذر اشتعال واستعار هذه الحرب الطويلة انتم اول من يتحمل كل الدماء التي اريقت في دارفور , انتم اول من يتحمل كل البطون التي جاعت , كل الاجساد التي تشوهت , كل البيوت التي هدمت وكل الاطفال الذين يتموا وكل النساء اللائي ترملن وكل الزرع الذي خرب وكل المال الذي نهب وكل حياة افسدت في دارفور , والله ان انسان دارفور لسائلكم امام عزيز مقتدر عن كل ما ذكر وعن كل لقمة حرام دخلت بطونكم عبر انسان دارفور وقضيته التي تاجرتم بها من اجل مصالحكم الرخيصة والانتهازية القذرة
بل ليس انسان دارفور فقط , كل انسان السودان عاني ما عاني من تاجيج نار دارفور ضيق له في رزقه وفي امنه وفي صحته من خلف تلك القضية التي اوضحتم لنا بجلاء انكم من تقتاتون عليها وتعيشون علي اهداب اشتعالها واستعارها واصبحت هي كافلكم ومورد رزقكم الذي تفتحون به بيوتكم وتطعمون به اطفالكم

تعجبت من الذين يطالبوهم بالكف عن الخوض في الموضوع !! وعلي رأسهم بشاشا وحمور زيادة ؟
تعجبت حقيقة من مواقفهم ؟

كلام في السلك

قلت لي قالوا خلوها مستورة.

______

تحياتي ابومحمد.

اساسي سلامات و عساك طيب ياخ

Quote: عجيب امركم يا نشطاء دارفور "الامريكان" السودانين , بعد ان سفسفتم ماشاء لكم اليانكي ان ترضعوا من وراء ازمة دارفور طوال سنوات وسنوات , ولهطتم ما شاءت لكم منظمات اليهود العالمية ان تلهطوا من وراء انسان دارفور المسكين

ياخي شايف كلامك فيهو تعميم مبالغ فيهو و ظلم لتاس كتار جدا !
من زاوية اولي حتي لو افترضنا بصحة الكلام انو في ناس ضربوا قروش عادي ممكن الناس تتكلم عنهم لكن تحميل مئات الناشطين بجريرة كم شخص -شايفو حرام ياخ !
الزاوية التانية الموضوع في نظري ما عندو علاقة (بابناء دارفور) او الجلابة او الهامش او اي تصنيف تنمبيطي ظالم -السلوك دا لو اتوجد عند اي زول ما شرط لانو هو جلابي او من دارفور او كدة بقدر ما هو ممكن يكون سلوك عام بتاع سودانيين - يعني حسع لو المناصير عندهم قضية وفي كم نفر تاجروا بالقضية و اكلو قروش ما ممكن نقول المناصير انتهازيين و ضربوا القروش !

و سوأة طريقة تفكير الكتابة الزي دي دي عندي ما بتختلف عن طريقة تراجي او بشاشا التنميطي لاي سلوك فردي !
يعني في النهاية ح نبقي علي انو هو سرق لانو من دارفور و داك عمل كدة بس لانو جلابي وهكذا
ما ممكن نظرتنا للسلوك الانساني و تفسيرنا ليهو يكون المبرر او السبب اصلو او قبيلتو او ثقافتو -!
انت قايل النازية ليه اكعب من العنصرية !


ما ممكن ياخ يا اساسي !!



تحياتي

تسلم يا هيثم طه ياخ

Quote: عليه انتم الذين يتحملون وذر اشتعال واستعار هذه الحرب الطويلة انتم اول من يتحمل كل الدماء التي اريقت في دارفور , انتم اول من يتحمل كل البطون التي جاعت , كل الاجساد التي تشوهت , كل البيوت التي هدمت وكل الاطفال الذين يتموا وكل النساء اللائي ترملن وكل الزرع الذي خرب وكل المال الذي نهب وكل حياة افسدت في دارفور

دا بي الضبط منطق معاوية حين بلغه الحديث عن ان عمار تقتله الفئة الباغية فقال "هم من قتلوه لانهم اخرجوه للقتال.
يا اساسى الكلام دا جارح شديد ومن وصفتهم بكلاب لهب فيهم من نعرف ويسوئنا وصفهم بالكلاب وحتى لو ما بنعرفم
ما صاح ياخ نوصف البني ادميين بي الكلاب.

أساسي هذا .. دعوه .. غهو موتور ... بل هو مجرم يديه ملطخة بدماء أبرياء .....

ما نراها الآن من كلماته التي تقيأها .. ليست سوي عقدة الذنب ....... و يحاول في جـبـن الإستدارة و تلبيس التهمة لناشطي دارفور ....
بالله يا أساسي ... ماذا تبقت من الكبائر و أبشع الجرائم لم يرتكبها نظامك الذي سارت بسيرته الفظيعة الركبان ...

بيان بالعمل وامثلة حية تمشى بيننا
السفسة عند الكيزان
قصور وحسابات في الداخل والخارج وبجميع العملات ومثنى وثلاث ورباع

سلام يا اساسي ..
لا تتعجب يا اخي.
انا ببساطة لا اتفق مع مقدماتك التي سردتها بتاعة انو الناشطين سافين و هم سبب أزمة دارفور .. الخ
لذلك من الطبيعي ان لا يسرني تراشق لفظي وقوالات بينهم.
من يخطئ في أي معسكر واي مكان يجب ان يحاسب .. وفي العمل العام يجب ان يفضح على الملأ ..
لكن الفضح على الملأ ما بيكون بالشكل و الهرجي فتختلط القوالة بالحقيقة و الواقعة بالظن.
في كل الذي كتب كان كلام مكي و هشام عثمان متوازن ( رغم انو هشام زاتو قرص على عبد المجيد ) لكن دون اتهامات. وقائع محدده ظاهرة تبرئ ساحتيهما. العندو عليها اعتراض يجي بذات المنطق يكتب و يفند.
لكن اللعلعه تؤدي لانو كلهم كعبين و كلهم مستهبلين و هديل دقو الطار لبعض زي ما انت قلت.
فيا سيدي بما انو انا مقتنع انو دارفور فيها قضية وانو الناشطين ديل حتى لو اختلفت مع بعضهم فيها لكنهم بيعملو العليهم وما يستطيعون لخدمة القضية دي ما حاقبل دق الطار ده منهم.
عشان كده نصحت انهم يحلو قوالاتم بيناتم. اذا عندهم جرائم ماسكنها على زول بالجد يجو يقولوها.
وكلامي ده ما عنهم براهم.
باكر لو الشيوعيين اتشاكلو في اختيار السكرتير العام وجو يدقو الطار لبعض كده برضو حاقول ليهم امشو المركز العام اتفاهمو ما تجو تتشاكلو فوق راسنا ( في المنابر العامة )


الحصل ده يا اساسي جزء لا يتجزأ من مشاكل السودان السياسية ..
ما ممكن نختلف لأننا ما بندور بعض .. احنا لازم مختلفين عشان انت خــاين و عمـيل و ماسوني و بتاكل بقدونس.
ودي كارثة كبرى.

الدباب اساسي

ينقط لسانك ولسان كل الانقاذين هنا.....

واحد مجنون كتب ما كتب....منو قال لك دليل؟!

وبعدين تعال بلا استهبال معاك....انتو الجلابه لغفة معارضتكم منظمات المجتمع المدني!!

ولغفة حكوماتكم...لاحظ كل حكوماتكم....خزانة شعبنا...وكمان فاكر روحك بتهز في زول شعره بادعاءتك؟!

فاكرنا ما متابعين بوستاتكم كلها؟!



كونه فلان وعلان شغالين عن الكفيل فلان واتشاكلوا ما معنها الكفيل الاتلطشت امواله ولا شنو؟!


تعال شوف ناسك البطفحوا بال 80 الف دولار ناس الباقر العفيف وباسم دارفور وعايز تتكلم؟!


ولسه بجيك بهدؤ.....

مؤسف جداً أن يقفل أو يحذف بكري أبوبكر بوستات العمل العام

Quote: وبعدين تعال بلا استهبال معاك....انتو الجلابه لغفة معارضتكم منظمات المجتمع المدني!!

يا تراجي صلي على النبي وقولي بسم الله

اولاً اساسي دا ما جلابي دا من عنديكم عديل كدا يعني لو انتي هامش فهو هامش الهامش زاتوووو
بعدين لما تقولي ليهو انتو الجلابة كلنا بندخل في قائمة الجلببة بعدين زمان قلنا ياناس
عدلوا في الخطاب الجمعي من خلال نظرتكم للجلابويين , يعني ياتراجي لما تختيني في مركب واحد
مع اساسي وهو الدباب (ولم نشهد عنه دبووبية البتة فهو منقنق وسمين وامين وحايم في جدة من
بعد التخرج وقبل استلام الشهادة اذن نحتاج الى خطاب فكري حقيقي يجمع ولا يفرق وعندما تولع
النار نار الوطن يجب ان نكون ممسكين بمفاتيح الاغلاق بإحكام لكافة ابواب الفتن ما خفي وماظهر.




.................................................................................حجر.

كلامي كان واضح جدا يا هيثم طه والمعز وحمور وطراجي حينما كتبت "عجيب امركم يا نشطاء دارفور "الامريكان" السودانين " وهي عبارة تشمل كل السودانين بجميع سحناتهم الذين ينشطون في مسالة دارفور , لم اعتقد لوهلة ان البعض قد يتعامل مع العبارة بعنصرية اللهم الا اذا جاء الشخص محتشدا بذهنية معينة او كما كتبت يا هيثم طه
المهم كلامي دا يجمع اي ناشط امريكي سوداني دارفور يعتاش علي تاجيج نار دارفور ليتدفأ بتك النار ويعيش عليها

ساعود باذن الله لمداخلة حمور محاورا , وايضا مداخلة الرفاعي متندرا , ومداخلة محمد سليمان مقرعا , ومداخلة تراجي متهكما