كرسي النائب الأوّل "طه" في مجلس الولايات ما هي دلالته الرمزية؟ - صورة

أن يجلس البشير وبدلته "مزرزرة" مقفولة بالأزرار أو يقف وبدلته مفتوحة أن يجلس وزير صناعة في أوّل الكرسي وجسده مسترخي على ظهر الكرسي وكأنّه يريد أن ينام عليه أو أخر ربطة عنقة ليست في محلها فهذه كلها أخطأ اتيكيت يقع فيها الكثير من السودانيين

سواء كان وزير أو خفير , طبيب أو نقيب

لكن أن يجلس النائب الأول لرئيس دولة السودان على كرسي (ميد إن شاينا) ويحدثنا منه عن الوطنية والحدود والسيادة والرياضة وحقوق السودان فهذا ما لم أفهمه

فما هي الدلالة الرمزية لجلوس النائب الأوّل على كرسي يصوّر التنين ؟؟؟(غض النظر عن حرمة التصوير من غيره)

فإلى ماذا يرمي من جلوسه على ذلك الكرسي المفرد؟؟؟

وما هي ثقافة التنين في فلوكلورنا السوداني؟؟

كان "طه" يتحدّث ويتحدّث وأنا احملق في الكرسي وادقق النظر في تراسيمه وتصاويره

ولم أفهم مغزى أن يكون كرسي النائب الأوّل في اجتماع مجلس الولايات (الســـــــوداني)

وجدت هذه الصورة بموقع قناة الشروق وقمت بعمل تكبير وتفتيح حتى تظهر المعالم واضحة قدر الإمكان

وهذا هو عرش التنين الذي كان يجلس عليه النائب الأوّل لرئيس جمهورية السودان

وليقرأ معنا "طه" ومن مده أو اقنعه بهذا العرش النص التسويقي لكرسي عرش التنين الصيني

Quote: Suzhou Office Furniture: Michael still has to follow the trend of society, constantly meet customer needs. This high chair and noble, solemn ideas, the most attractive is the back top shape: two dragons facing while in the middle is a pearl, a great taste of Dragons. This concept comes from the emperors of the Throne, the dragon has been given since ancient times is a noble, dignified and good fortune, the ancient imperial dragon pattern often used in decorative objects or clothes, to show the noble identity. This section chair is tailored for the company's leadership, so that the office is more solemn, domineering.

المصـــــدر

إن كان للصين تاريخ تعتز به و"تسوّقه"

فنحن لنا تاريخ لا يقل عن تاريخهم ومجداً لا يقل عن مجدهم وحضارة لا تقل عن حضارتهم

قد حكم أجدادنا مصر، ووصلت جيوشهم حدود سوريا وفلسطين والأردن،

فكيف لرجل دولة أن يجلس على عرش يرمز لتاريخ دولة أجنبية؟

أن أراد أن يتفرّد بشكل كرسيه عن الآخرين ولم يرى شيئاً في التصاوير

فله أن يصنع كرسي يمثّل عرش بعانخي أو ترهاقا أو غيرهما من الرموز السودانية

وحينها قد لا يكون هنالك أي حرج إن هو صنع ذلك الكرسي في "الصين"

بوست بيض زي صاحبه وفوق دا بايركس
ينم عن فراغ جمجمة كاتبه من أي مخ او مخيخ يفكر به
ذلكـ النائب الذي تمجده هو احد لصوص السلطة
وهو الرأس المدبره لاغتيال حسني مباركـ
وكل الخبث والخبائث التي ألمت بالسودان كان هو السبب فيها
يقعد في كرسي ولا بمبر نحن مالنا ومالو ياخ
بلا يخمهم ويسقط حجرهم كلهم
..
..
زمان في البرليم كان عندنا دكتور اسمه صديق
درسنا فيزياء كهربية
وهو من انصار السنة اول ما يخش القاعة GLT تاني ما بعاين تحت
وكانت البنات يوجهن اليه الاسئلة فلا ينظر اليهن
وطبعاً هن قاصدات كدا
المهم السؤال الما بعجبو وعشان يختصر الموضوع
يكتفي بهذا الرد: أما ســـؤالكـ بليد أقعدي
أها دا لو سمع سؤالكـ دا ما عارف ح يقول شنو
والله صحي ()
..
..


___
الرجاء من الاعضاء ابقاء هذا الخيط الرفييييييييييييييييييييييييييييع عالياً
جاملوا اخوكم فرانكلي دا ياخ
اول مرة يكتب ليهو بوست من راسو الفاضي دا
والله لا يضيع اجر من رفع البوست
يلا هيلا هوب فوووووووووووووووق

يا مرحباً بهناي بتاعة الهناية ديك "مسكينة"

Quote: يا مرحباً بهناي بتاعة الهناية ديك "مسكينة"

ديكـ ولا جــدادة ؟

استاذ كمال فرانكلي
تحايا نواااضر
سؤالك دا توجهه للسادة مجلس الولايات
وليس الاستاذ علي عثمان
فهو مجرد ضيف مدعو ذهب لتلاوة بيانه وتنويرهم


إت قالو ليك/م كان مشى بي كرسيه!!!!

تحياتي أختي ميادة

Quote: سؤالك دا توجهه للسادة مجلس الولايات وليس الاستاذ علي عثمان فهو مجرد ضيف مدعو ذهب لتلاوة بيانه وتنويرهم إت قالو ليك/م كان مشى بي كرسيه!!!!

كلامك هذا منقصة في حق علي عثمان محمد طه

فالرجل ليس طرطور يجلس محل أن يؤشّر له بالجلوس

والكرسي ليس به رسم خفي بل هو تصاوير واضحة جداً

"طه" رجل دولة ورجل الدولة يجب أن يكون قدر المسؤولية

والمسؤولية الوطنية أهم تكليف يتولاه

لا يمكن لـ"طه وغير "طه" أن يجلس على ذلك الكرسي من غير أن ينظر إليه.

ومع ذلك سؤالي موجه للجميع جالس ومُجالس ...

ومن أعد غرفة الإجتماع لهم

طريقة سلق البيض


لا تستغربوا.....كثيراً ربما من بساطة سلق البيض لا ينتبه الناس إلى طريقة تحضيره
لو تعودنا عليها سنتحصل على بيض من غير شقوق و لا زيادة في الطبخ الذي ينتج عنه تغيير اللون الأصفر
للبيض حتى يصبح متماسك وصلب
عند سلق البيض يجب استخدام وعاء مطلي أو مغطي من الداخل بالستانلس ستيل
المقادير:
____
- 4-5 بيضات
- ماء بارد
- وعاء او حلة مطلية الاستانلس استيل
- خل
- ملح
- كرسي تنين

الطريقة:
______
نبدأ بوضع الماء البارد مُضاف إليه ملح( أو قليل من الخل)
ثم يُوضع البيض بحرص بحيث لا يصطدم بالقاع ويتسبب بعمل شرخ في القشرة
ثم يُوضع علي نار متوسطة حتى يبدأ في الغليان ثم تخفض الحرارة مباشرة.
وتستغرق هذه العملية حوالي 15 دقيقة فإذا بدأ في الغليان قبل هذه المدة
فتُخفض الحرارة ويترك باقي المدة حتى تمام النضوج
في الفترة دي ممكن وتقعد في كرسي التنين دا تنتظره
ثم يُوضع في حمام ماء مثلج مباشرةً قبل تقشيره (البارد لتسهيل التقشير).
لكن في حال وجود شروخ في البيضة عليكِ بتغليفها بورق الألمونيوم
ثم قم بإسقاطها في الماء وهو يغلي حتي تسلق سريعاً ولا يتسرب الماء بداخلها .

و بالهناء و الشفاء ...لمحبين البيض المسلوق
وكرسي التنين الممدود

نجي الان للصور











وفي الاخير لازم تقعد في كرسي التنين دا وتأكل البيض
مطرح ما يســري يمري ياخ
نذرا علي كل يوم الصباح ارفع ليكـ البوست دا
وحدي معاهو الارشفة حتى تتمكن من ايصال فكرتكـ
وحتى تتيقن يقين راسخ انكـ بسهولة ممكن تترصد ليكـ اي زول
في البورد دا وتخلي الما يشتري يتفرج فيهو
يلا استحمل والبادي اظلم ...........

______
منقووووووووول بتصرف

Quote: فهو مجرد ضيف مدعو ذهب لتلاوة بيانه وتنويرهم إت قالو ليك/م كان مشى بي كرسيه!!!!

ميادة ....... تحياتي

تقولي شنو بس الفهم قسم ياخ
سعودي زي عينة فرانكلي دا مرة شافني لابس بنطلون جينز
فقام قال لي: ليش تلبس لبس الكفار؟
فقمت رديت عليهو: أنت من رأسكـ وحتى أخمص قدميكـ
لا بس لبس كفار ... ما هو الشئ الذي صنع في السعودية؟
فهسي النائب الأول دا برضو مفروض بمشي أقرب مصنع نسيج
ويفصل ليهو جلابية دمورية من النوع الممتاز ومركوب جنينة أصلي
عشان برضو يخلي لبس الكفار دا
...
...

__
بالنســـبة للكرســـي يا أصلي حصل فيهو شــنو؟

لمزيد من النقاش وكشف الغموض عن سر كرسي النائب الاول
وبدلة السيد الرئيس

تحياتى اخى فرانكلى ،،

فعلا ملاحظة جيدة ... وعندما شاهدت الخبر فى التلفزيون طرحت نفس الاسئلة ... ولكن يبدو ان الصين اجتاحت كل شى فى السودان ابتداء من الجلسات الرئاسية والى اقل شى يمكن ان يخطر على البال.. نحن السودانيين ناس الله ساى ... كرسى بتنين كرسى بصليب كرسى بنجمة ما مهم المهم بس تكون القعدة مريحة ... غايتو انا لو محل النائب الاول وبمجرد ما اللاحظ انه الكرسى مختلف ومميز مفروض ما اقعد عليهو ده غير التنين ذو المدلول الذى اشرت اليه ... لكن يبدو ان هموم اولياء امورنا الكبيرة لاتجعل لهم سعة لمثل هذه الامور التى ربما يرونها صغيرة وليست فارقة ...

تحياتى لك اخى فرانكلى وفعلا ملاحظة تستحق ان نشيد بها ..