Post: #1 Title: والله مشتاقين ... Author: السيد المسلمي Date: 04-30-2012, 07:26 PM
الواحد ماعارف يبدأ من وين ولا من وين .. وقبل أي حاجة نسأل الله الرحمة والمغفرة لأخينا وشقيقنا وجرحنا الذي لن يندمل .. دكتور مجدي أحمد الشيخ .. رحمه الله وغفر له بقدر ما أعطاه من نقاء سريرة وطيب معشر وجميل إحسان .
Post: #2 Title: Re: والله مشتاقين ... Author: السيد المسلمي Date: 04-30-2012, 07:35 PM Parent: #1
كما وأعزي كل من فقد عزيز لديه في هذه الدنيا الفانية .. وأعتذر منهم إن جاءت متأخرة جداً ..
Post: #3 Title: Re: والله مشتاقين ... Author: ASHRAF MUSTAFA Date: 04-30-2012, 07:43 PM Parent: #2
السيد المسلمي نورت البورض والله والله العظيم مشتاقين وشفت بوست بسأل عنك قبل كم يوم لمن قلت ادخله ما لقيته كيف ياخ انت بتتنسي؟ في زياراتي السابقة للسودان كنت دائما تقابلني احسن مقابلة والله الواحد فقدك ومشتهي يشوفك ياخ عساك بخير ووووووووووووين مختفي كده؟
Post: #4 Title: Re: والله مشتاقين ... Author: السيد المسلمي Date: 04-30-2012, 07:46 PM Parent: #2
والله ياجماعة ( 1) الكراع ما بتغلي عليكم لكن مشاغل الدنيا بقت كتيرة .. الواحد يمشي الشغل سبعة ويجي تسعة .. والجمعة علي بركتها بقت ممحوقة بتروح ما بين سوق الخضار والجزارة ... بالإضافة الي إنو إمام الجامع ( الجنبنا ) بطلع للخطبة الساعة إتنين وبنزل تلاتة ونص :):) نرجع البيوت نتمم ونجيهو راجعين سيع قبل العصر يفوت علينا .
Post: #7 Title: Re: والله مشتاقين ... Author: السيد المسلمي Date: 04-30-2012, 08:05 PM Parent: #4
Quote: المقصود بالجماعة كل أعضاء هذا المكان الفسيح
وأخص بالذكر : الخال أمين محمد سليمان .. إبن أخ العم أحمد سليمان ( رحمه الله ) والهالك حيدر الزين .. عاشق الأمهراء والتقرنجي وأسمراء وحاجات لا داعي لذكرها (..) والفايز ود القاضي إبن الشرق الأصيل وشيخ العرب محمد عمر الفكي .. بس عيبو بشجع الوصيف :) وودالصايم ... ود البشري والعم وهبة . . . ـــــ يا أبتفة .. بالله قوم لف
Post: #9 Title: Re: والله مشتاقين ... Author: السيد المسلمي Date: 04-30-2012, 08:15 PM Parent: #7
أشرف ياحبيبنا .. الله يجبر بي خاطرك ياخ .. عساك بالف خير يامك
ــــ أبوحسين ... يازول إن شالله تكون كورتك إتصلحت شوية .. أو علي الأقل اكون بتم المباراة للنهاية ( ...) كااااااكـــــ