بيت المال.. أشتباكات وبمبان وسط الحى ..

*كنت بالامس قد تداخلت مداخلات كثيرة فى بوست الاخ زهير
وكانت مداخلاتى متزنة ودعوت الى تصافى النفوس والتهدئة.
* أكتفيت بذكر السبب ( سبب المشكلة ) بصورة عامة دونما تفاصيل,
وكان ذلك حرصاً منى على أن يتم أحتواء المشكل من غير تحميل النزاع لحيران شيخ الامين.
* لم اذكر الاصابات التى كان ضحيتها بعض الشباب من الحى.
* لم أذكر بأن هناك امراءه (ام) تم ضربها من قبل حيران الشيخ.
* لم أذكر بان هناك أعيرة ناريه أطلقها بعض مريدى الشيخ من الامن والشرطة.
* لم اذكر ان توالت الهواتف منذ مداخلتى الاولى وكلها كانت تصب ضد الشيخ وجماعتة.
حاولت بقدر الامكان عدم صب الزيت على النار برغم أن شباب بيت المال مظلومون.

*حادثة الاعتداء على الصبى لم تكن الاولى وحدثت قبل قبل ذلك مشكلتان مع افراد مختلفين من
أبناء بيت المال . ضبط فيها الشباب نفسهم كثيراً .
* الاستفزازات من قبل الحيران زادت وفاقت حد التحمل.
وانتهاكات ضيفتنا لهم فى حينا كذلك.
* فى بيت المال العديد من الخلاوى والزوايا ولم يحدث بان تمادى أحد بل على العكس
خدمهم أهل الحى. ومنهم حيران الشيخ الريح السنهورى رحمة الله وارضاه.

* أهل الحى يعرفون جيداً أن الشرطه لن تكون محايده بل منحازه لجماعة الشيخ.
* أهل الحى عازمون على انهاء هذا النزاع بكل السبل القانونية المتاحة.
* تدخل اليوم الشيخ الصايم ديمة للتوسط ..ولكن...
* نحن نكن احتراما كثيراً للشيخ الصايم ديمة ونرجوا منه اقناع اتباع الشيخ .

الآن بعد أن تفاقمت الاوضاع أهل الحى يطالبون بوقف نشاط زاوية شيخ الامين فى بيت المال






حقناً للدماء

* اشتباكات اليوم بدأت قبل أكثر من ساعتين تم قطع الكهرباء عن المنطقة واعادوها بعد تسلل الحيران خارج الزاوية وسط الحى.
وتحت حماية البوليس.

Quote: الان انسحبت الشرطه من الحي وفتحت الطرقات بعد ساعات من الهرج والمرج والغاز المسيل للدموع ومطارده ابنا الحي بالهروات والسياط ماهو الحل؟ ولا الدم يصل الركب

Quote: الكلام النجيض... قفل زاوية شيخ الأمين بقرار قضائي ... فلنعمل من اجل ذلك ..

Quote: بكس الطاره الان واقف والبوليس شرد منو

Quote: يا محمد قصاد بيتكم مباشرة يعني مربوع حوش الدعيته وبالامس تم ضرب اشرف التيجاني الدعيته بالعصي من قبل حيران الشيخ الامين وتم اسعافو بالمستشفى وكانت هناك اصابات عديده

Quote: شباب ونساء بيت المال كلهم في الشارع حتي الاطفال

Quote: لامن استتب الان وليس هناك مشاكل ولكن كل ناس بيت المال عن بكرة ابيهم خارج منازلهم

مقتطفات من صفحة شباب بيت المال ونقل ما يحدث

الفاضل محمد المكي
تصرفت كولد بلد اصيل يحرص على الود و
الصداقه و العشره بين كل مكونات اهل الحي!
لكن واضح انه الجماعه كثروها على اهل الحي
وعلى الحكومه ان تفهم بان اهل بيت المال لن
يصموتوا ونحن معهم ضد البطش و القمع!

تراجى سلامات
اشكر وقفتك معنا واهلك ناس بيت المال اهلنا.


الشباب لا يزالون مع اتباع الطرق القانونية ووالسلمية لنقل الزاوية الى خارج الحى.

وان بقى فى شى تانى برضو بنقيف ليهو.. وبيت المال بيعرفوها كويس

Quote: لقد رايت ماحدث اليوم في حلتنا بونبمان وهراوات وضرب والكثير وصياح نساء واطفال واختناق وقطواعات الكهربا الحل في طرده ومن معه خارج الحي امشو الخلا اخرجو في ستي داهيه

Quote: فعلا دي فوضي والناس في غني عنها لانو الناس عندها ما يكفيها من المشاكل وما ناقصين دجل وشعوذة وخرافات ، هم أحرار لكن بعيد عن الحي وأهل الحي

Quote: ن يستتب الامن ما لم يتم تخليص اهل بيت المال من هذه الظاهرة و هذا الكيان من داخل الحي و نعتذر لاهلنا لعدم و جودنا معهم في هذه اللحظات و يا اسفي

مكى العزيز .........سلام
وقى الله بيت المال من كل شر وحفظها من كل مكروه
بيت المال انموزج رفيع للتعايش السلمى ومن الاحياء التى كسرت ساق القبيله
والتعصب بشتى انواعه جهوى واثنى وطائفى ودينى..
بيت المال فى ظاهرة هى الوحيدة فى العالم من نوعها ان كان لاحد مسيحييها خلوة
وهى ( خلوة بولس) خصص لهم غرفة كان يدفع راتب الفكى و حق عليقة حمار الفكى
ويكسى بعض المعسرين من طلابها..
كانت معقل الرفاق فى الحزب الشيوعى بقيادة المرحوم عبد الخالق محدوب
كانوا يطلقون عليها موسكو وفى نفس الوقت تضم السلده الختمية ولهم
مسجد مشهور كما لهم قصر الشريفة..
للسناهير فيها مزار وكان شيخ الريح محل احترام الناس .وجراب رأيهم وعراب مشورتهم...
كثير من الانصار يسكن بيت المال من بينهم صديقى دكتور صلاح بشرى
الطبيب الخاص لال المهدى..
بيت المال مقر السادة الدندراوية ولاتباع شيخ ميطى بيان ومنزلة وحولية وزكر..
بيت المال الاتحاديين والانصار والشيوعيين قدحهم واحد وقلوبهم بينها نفاجات مثل بيوتهم..
ناس الحجاز مدثر يحتلون مساحه فى بيت المال وفى قلوب اهلها..
ابعدوا هذا الهوس الدينى عن بيت المال ودعوها تصلى بلسان وتغنى بلسان مثلما كانت
ليس بين مسلمهم ومسيحيهم لحاء ..
محمد انا امدرمانى ولكن ليس من اهل بيت المال ولكن من اكثر الاحياء التى احب ، جل اهلها
اصدقائى واخوانى ..
ساذهب الى الموقع واسجل فلدى الكثير الذى اريد ان اكتب عن بيت المال فانا بيت مالى الهوى
وان كره الابروفييون،،،

العزيز ابومكى سلامات

الصعلقة دى تمت قبل كده مع رجل مسن فى جامع السيد المحجوب من قبل حيران الرجل دا
و تصدى لهم ابنا فريغ ازحف الاشاوس و هرولوا

و هم استمراوا الحاجة دى وو اصلوا فيها هناك حلان

الحل الاول==الكلام النجيض... قفل زاوية شيخ الأمين بقرار قضائي ... فلنعمل من اجل ذلك ==
والثانى الماليهو ثالث===و ارجوا ان لا يكون==لملمة ما لا يقل عن 1500 شاب من اشداء الحى
والذهاب الى هذه الزاوية من دون فوضة و باسلوب التهديد و الترهيب
اما ان تمارسوا شعائركم بادب دون المساس بحرمة الحى او تدك الزاويه دكا دكاااااااااااااااااااااا

حبيبنا ود الموج
سلامات
ناس ابوروف وناس بيت المال واحد ( ما عدا فى الكوره) زى ما عارف .
وهم أهل والله جيرانا فى الحله لحد الآن ما عارف قبايلهم شنو فى ما عدا من
يكون معروف باسم فلان الشايقى أو فلان الهدندوى والغريبة من يحمل اللقب بيكون
فرد واحد من البيت والبقيه لا؟؟؟
بيت المال لا زالت مثالا للتعايش السلمى والوحدة الوطنية وأذكر هناك منازل تتبع للكنيسة الانجلية
فى الحى وكانت بمثابة نُزُل واستراحة للاخوة الجنوبيين بخلاف من كانوا يسكنون فى الحى اصلاً
وكانت مسيرتهم فى الاحتفال بعيد الميلاد المجيد تبدأ من ميدان ( السهله) فى بيت المال وكنا نأتى لمشاهدة الطابور
ونسير خلفهم عندما كنا صغاراً.
كذلك حتى الاجانب من أصول غير سودانية , أحتواهم الحى وصاروا منا وحدث تزاوج ونشأث أسر جديدة بيت مالية خالصة.
وبيت المال وناسها الكلام عنهم بيطول ومرحب بيك فى صفحة بيت المال ( مجموعة عيون امدر بيت المال فى الفيس بوك)
ومجموعة نادى بيت المال الرياضى الثقافى الاجتماعى .

تسلم يا حبيب

..................................................
أرجو نقل تحياتى لآسرة المرحوم تركمان بالسعودية

ظاهره شيخ الامين ظاهره تدعونا ان نتامل ونقف عندها كثيرا


اجتذاب الشباب مدهش

كنت اعرف بان يوما كهذا سوف يحدث

بيت المال بكل الوعي الفكري والطبقي سوف تنتبه
ما زلت اذكر عندما قتل ابن عمنا عبدالرحيم في الجنوب وعرف الجميع بان شيخ حسن سوف يحضر لاتمام ما اسموه عرس الشهيد
فتراص الشباب لمنع الترابي من دخول الحي
ا
وقد كان لهم ما ارادوا
شكرا للشباب
وشكره محمد

تصوف؟

المستهبل ده متصوف؟

والنظام يحميه؟

اكيد بتاع امن.

Quote: تدك الزاويه دكا دكاااااااااااااااااااااا

نجيب ليك "ذم" السلفيين للجمال والبهجة والطرب وانشراح الصدور للذكر ...

انشالله بيت المال تبقى "تورابورا" ... وكت بتهدّوا زاوية زي دي ... دايرين تبنوا ساحة قصاص وصلب؟



حتى طراجي بقت تباري آراء الذين ضل سعيهم في الحياة الدنيا وهم يحسبون أنهم يحسنون صنعا ..

الَّذِينَ كَانَتْ أَعْيُنُهُمْ فِي غِطَاءٍ عَن ذِكْرِي وَكَانُوا لا يَسْتَطِيعُونَ سَمْعًا * أَفَحَسِبَ الَّذِينَ كَفَرُوا أَن يَتَّخِذُوا عِبَادِي مِن دُونِي أَوْلِيَاء إِنَّا أَعْتَدْنَا جَهَنَّمَ لِلْكَافِرِينَ نُزُلا * قُلْ هَلْ نُنَبِّئُكُمْ بِالأَخْسَرِينَ أَعْمَالا * الَّذِينَ ضَلَّ سَعْيُهُمْ فِي الْحَيَاةِ الدُّنْيَا وَهُمْ يَحْسَبُونَ أَنَّهُمْ يُحْسِنُونَ صُنْعًا * أُوْلَئِكَ الَّذِينَ كَفَرُوا بِآيَاتِ رَبِّهِمْ وَلِقَائِهِ فَحَبِطَتْ أَعْمَالُهُمْ فَلا نُقِيمُ لَهُمْ يَوْمَ الْقِيَامَةِ وَزْنًا (الكهف 101-105)


... المهم ... ®Tabaruk2012©

الأخ محمد المكي .. نداءاتك العاقلة مكان إحترام .. سرد يؤسس لفتح ابواب الحكمة وتغليب الحل السلمي
حرية حيران الشيخ (في دولة القانون) تنتهي حيث تبدأ حريات أهل الحي .. وبالقانون
اذا فقد القانون قدرته على ترسيم هذه الحدود .. فالسيادة للفوضى والبادئ أظلم!!
لن يكون حيران الشيخ سوى قوى مدنية مثل أهل الحي وان ظهروا بغير ذلك .. يحق لأي فرد الدفاع عن نفسه بكل الوسائل اذا ما فشلت الشرطة وضع حد لكل اسباب الفوضى المتوقعة..

تحية لحكماء بيت المال (مصب التنوع السوداني) الأصيل .. أنموذج الامتزاج والتعايش الجميل
كامل التضامن

محمد حلا

الحل الوحيد هو إغلاق هذه الزاويه
لاأعتقد أن هذا الرجل شيخ إطلاقاً
حضرت مناسبة عقد وكان المأذون هو شيخ الامين
الرجل لم يتلو أي آيه خلال العقد وكانت المراسم بها كثير من الاخطاء
الشيء الاغرب أن الرجل هو من (يجرتق) مريديه وحيرانه
لاحل في رايي سوى إغلاق هذه الزاويه نهائياً

Quote: الحل الوحيد هو إغلاق هذه الزاويه لاأعتقد أن هذا الرجل شيخ إطلاقاً حضرت مناسبة عقد وكان المأذون هو شيخ الامين الرجل لم يتلو أي آيه خلال العقد وكانت المراسم بها كثير من الاخطاء الشيء الاغرب أن الرجل هو من (يجرتق) مريديه وحيرانه لاحل في رايي سوى إغلاق هذه الزاويه نهائياً

انا اريتني لو كنت من بيت المال ...

عشان يدافعوا عني "محمد فرح" و "طراجي" الاتنين في خندق المركز والهامش والدول المجاورة ....




... المهم ... ®Tabaruk2012©

التحية الاحترام لكل المتداخلين
زبدة الخلاصة حتى أعود للجميع فرداً فرداً بالرد.

* سبق وا ذكرت ان بيت المال واحده من مراكز الصوفية والكثير من اهلها متصوفة و ماخدين الطريقة
عشان كده ما زول يزايد على الحته دى.
* وقمت وآخرون بدراسة الموضوع من الجانب الآخر. وفعلاً وجدنا الشيخ
يتعرض لحملة منظمة من قبل جهات سلفية وتكفيرية وذلك يحزننا .
* نحن أكثر وعياً ( شابات وشباب بيت المال) من أن يستخدمنا أحد
أو نكون أدآة لتنفيذ أجندة أىّ من كان.
* وكما أسلفنا , لسنا ضد شيخ الامين فى شخصه أو دينه ( دى حاجة بتخصه وهو حر)
يعملوا الهم عاوزينو بس ما على حساب حريتنا ورحتنا وسلامة السكان.
* ما زلنا نسعى لحلول السلمية وفى إطار القانون , ونحاول التهدئة وضبط النفس , مع جاهزينا لرد أى أعتداء آخر بما لا يحمد عقباه.
الشكر الجزيل للجميع.

نصب نفسه ناطقاً رسمياً باسم فيالق الحي .. فتأمل!

Quote: نصب نفسه ناطقاً رسمياً باسم فيالق الحي .. فتأمل!

مافيها اي حاجة يا ملاسي وللمعلومية هو يجهر بما يسر به معظم سكان الحي .

ناس بيت المال ما عندهم اي مشكلة مع شخص - في شخصو- بس ما يعمل مشكلة في الحي وقبل كدة حصلت مشكلة بين شباب الحي ومركز للامن المسمى بسط الامن الشامل تدخل العقلاء وحلوها . ايضا حدثت مشكلة بين مركز امن ومجموعة عساكر من المظلات برضو تدخل العقلاء وقالو ليهم حلو مشاكلكم بعيد عننا.
شيخ الامين كترها والناس صابرة عليه لانه يمثل طائفة صوفية - او هكذا يدعي- وبرضو الصبر ليه حدود. وزي ما قال عمنا صديق الموج بيت المال يمتزج فيها كل اطياف وشعوب السودان وهي وعاء مصغر لامدرمان فلذلك وجب احترام هذه الخاصية من جميع سكانها والعابرين.

منطقة شيخ الامين ..ود البنا ..وليست بيت المال ..

على ما اعتقد والله اعلم ..

ربنا يهدي النفوس ..

يا عتيق .. سلامي ليك وللاسرة العتيقه بأبي روف
وما الفرق بين بيت المال وود البنا ؟
هل تعلم ان بيت البنا جغرافيا يقع في بيت المال ؟ وكذلك بيت الامين عمر الامين ( شيخ الامين ) يقع جغرافيا في بيت المال ولكنه في الحقيقة في ود البنا .. المنطقة اصلا متداخلة ونحن ايها الحبيب ضد تقسيم امدرمان فودالبنا هي بيت المال وابروف هي ودنوباوي وودنوباوي هي حي العمده هذه هي امدرمان .. نحن ضد تقسيم امدرمان وارجو ان نبتعد عن سياسة تقسيم البلاد وخاصة امدرمان فهي كلها واحد ومواطنها هو مواطن كل الاحياء العريقة واسرها كلها عريقة وكلهم اهل ونسايب
تحياتي لللاسرة

ولى الشرف..
...........................................................




بل تأمل أنت جيداً.. عشان ما تدخل فى حته ما بتقدر عليها

Quote: منطقة شيخ الامين ..ود البنا ..وليست بيت المال

هي اقرب لي دكاكين الطاهر وود البنا زاتها بيت المال - في رواية اخرى-ز

الحمدلله وكــــفي والصلاة علي المصطفي
الأخ محمد مكي محمد
التحايا لك ولضيوفك المتداخلين المهاترين منهم والجادين

أحـــترم سردك لما حدث ويحدث من وجهة نظرك دون المساس بالمعتقدات ودون أساءة لأي شخص كان وإن إختلفنا في الرواية.

فالقصة يا صديقي وكما تعلم بدأت بمشكلة بين أحد أبناء الحــــــــي وأحد الفقرا "واحد يس" أرجو منك أن يجيبك صادقا بالسبب الأساسي وليس رواية "كان بيعاينو لي دي" ...
يوم الجمعـــــة وبعد الذكر وكعادة بعض الفقرا مشو باكلوا طعمية ويشربوا بارد في دكاكين الطاهر ... فجاء صاحبنا دة وضرب واحد غدرا وبدأ الضرب وكسير العربات من جانب الشباب المتلمي لهذا الحدث وأستنجـــد كل فريق بناسه وكنا في حالة دفاع عن النفس لأنو الجماعـــة بيضربوا وبيجروا أو من بيضربوا من راس كم بيت قريب من الدكاكين....
عدد المصابين من الفقرا "ست وعشرين" أحدهم تطلب إجراء عمليتين له لتثبيت الشفاه واعلي الفك
عدد عربات الفقرا المكسرة "عشره عربات"

عدد المصابين من الحـــي "ثلاثة" أحدهم اصيب عندما اشتبك مع البوليس
عدد عربات الحي المكسرة واحــــدة

عدد البلاغات من الفقرا عشرين بأوامر قبضها "أمـــر سيدنا الشيخ بعدم تنفيذها" الا إن طرأ طأرئ
عدد البلاغات من الحي "ثلاثة"
ده من المستشفي والشرطـــة ويمكن التأكد بكل سهولة من الاتنين ما ده السودان عشرة ونسة مع بتاع الهدف ولا بيكون عندك قريبك بنضرب له بيضرب يجيب لك المعلومــــة

ما حاولنا نأذي أي شخص وكنا في حالة دفاع عن النفس


بعد ذلك الموضوع طلع عن كونه مشكلة بين شباب لساحــــة معركـــة كل جهة تحاول تتكسب من وراءها
فبالأمس وخلافا لما يذكــــر اتصل بعض العقلاء من الحــــي بالشرطة وجاءوا بهم والتقوا بسيدنا الشيخ بحضور نفر كريم من المشائخ وطلبوا منه الغاء الذكـــر ليوم أمس فرقض وقال لهم انه ذكــــر الله قلا هو و لا هم يستيعون ان يلغــوه ولكن أخبرهم إنه اكراما لحضورهم سيقلص الزمن المحـــدد للذكـــر لينتهي باكـــرا

يعني الشرطـــة الجابوها الحي العقلاء من الحـــي

عند حوالي الساعة العاشـــرة وعشرين مساء تسلل جزء محسوب علي الشياب من بعض الخرابات خلف الزاوية وألقوا بزجاج حارق "أو ملتوف ردئ الصنع" فهبت الشرطة والفقرا لتلك الناحــية ووجدنا في الخرابة عشرة زجاجات معدة للرماية
واشتبك البوليس مع الشباب بسوق الشجرة بعد ان القوا عليه الزجاجات الحارقـــة فرد بالبمبان
وحتي الساعة الواحـــدة ونصف صباحا كانو يحاولون مهاجمة الزاوية علي الرغم انه ما في اي شخص تعرض لهم ,,,,

ده حقيقة ما حدث باليومين السابقين اما رواية وامعتصماه فلا أساس لها من الصحــــة. فيوم الجمعة نفسه تشرفنا بزيارة الخليفة محجـــوب عبدالقادر عووضة خليفة السادة المراغنـــة وكان حديثه معسولا عن بر الوالدين "يا للصدفة".

عـــزيزي محمد كنا خلال ال22 سنة الماضية جيران واخوان واهـــل وحبان لسكان هذا الحــــي العتيـــق وسنظل دومـــا طالما ظل الإحتـــرام المتبادل.

اما الحـــديث عن إغلاق الزاوية أو ترحيـــلها نعتبره لحظة غضب إنتابت البعض فإننا باقون ما شاءالله.


تصيد جزء من متداخليك الفرصة ليصطادوا في الماء العكـــــر نقول لهم

وإِذا أَرادَ الله نَشْرَ فَضيلةٍ
طُويَتْ أَتاحَ لها لسانَ حَسُودِ
لولا اشْتِعالُ النار فيما جاوَرَتْ
ما كانَ يُعْرَفُ طِيبُ عَرفِ العود

وقال أبونا الشيخ عبدالله ودالعجـــوزصاحب هذه الزاويـــة
في إحدي قصائده
البيقـــول بعبرنـــا
بالضراع يشبرنـــا
بنفـتـــخر بالشيــخ

وحقيقي بنفتخر بسيدنا الشيخ الأمين

لك الود كلــه
وليـــد العجب

غايتو(الفقرا) ما عندكم يا وليد العجب:

Quote: يوم الجمعـــــة وبعد الذكر وكعادة بعض الفقرا مشو باكلوا طعمية و يشربوا بارد في دكاكين الطاهر

Quote: عدد المصابين من الفقرا "ست وعشرين" أحدهم تطلب إجراء عمليتين له لتثبيت الشفاه واعلي الفك عدد عربات الفقرا المكسرة "عشره عربات"

قادر الله قلت لي بقيتوا بتوع بارد وبعرباتكم؟!

وتقول لي يا تبارك ما نقيف مع ناس بيت المال؟!
ما ظاهر من لهم علاقه بالانقاذ؟ّ

شعب كله سفاي التراب من الغلاء وديل الفقرا بقكتحوا في البارد
وبعرباتهم كمان حليل الدارويش الزمان كانوا بيركبوا الحفلات مجانا لانه ماعندهم حق الحافه
وبيعفوهم الكماسره؟!

شفته دارويش ناس شيخ الامين؟!



طيب يا ملاسي وعشان ما تتشربك في ود المكي
ظاهر انه بينقل لينا ما يكتب في الفيس بوك
من عموم ابناء وبنات بيت المال!يبقى شنو الوصف ليه انه عين روحه
ناطق رسمي ولا مساخه معاك ان مسختك دي اصلا ما بتخليها؟!


يا وليد العجب
انحن عارفين شيخ ده بيتابع الانترنت عشان كده بتكون نافخ نفسك
وجاي تدافع عشان تكبر في عيونه او خلافه....قول للشيخ بتاعك ده
الكان بيزور كندا وساق اخته وزوجها فتح لهم شركه للتجاره!قول له
بالله.....لم حيارنك العاملين بلطجيه من ناس بيت المال وقول له
ده كتبته سودانيه كنديه....عارف البئر وغطائها!!

وهم انكم صالحين وعايزين تبيعوا المويه في حارة السقاين دي
شوفوا لها مكان آخرى غير عقولنا!

الصوفيه عملتوها اعمال وتجاره
وربحتم وبرطعتم و الناس ما لاقيه التاكله
اها كله سكتنا نبقى في برطشة الناس في احيائها
وهذه بيوتهم وبيوت اجدادهم وابائهم؟!ايعقل هذا يا الامين؟!

Quote: Author: Tragie Mustafa

الضـــــرب علـــي الميت حــــرام

عذراً جميع المتداخلين أن رديت على مداخلة ملاسى دون الترتيب وايضاً
لارد على مداخلة الاخ وليد العجب.

اخى الكريم وليد العجب
التحية والاحترام وبعد
*اتصل بى قبل قليل أحد الاخوة من حيران الشيخ
وذكر لى نفس روايتك.
* محاولة تحميل أهل الحى وزر ما حدث لن يحل المشكل . بل سيعقده أكثر.
*كما تعلم توجد حالة إستياء عامة من موضوع حيران شيخ الامين منذ فترة
ولم يكن سببها دينه او شخصه فالجميع احرار. وتكررت الحوادث والتجاوزات وكانت الاخيرة
ما قطعت شعرة معاوية.
* موضوع أن الشيخ وحيرانو تحت حماية الشرطه هذا معلوم. وما عندى مشكلة بس الشرطه
لا يجب أن تستفز أهل الحى ... الوكت ما بيفرقوا والمسألة ما بتفرق معانا كتير. واستخدم ثلاثة من
فقرا الشيخ الرصاص فى الهواء من اسلحتهم الشخصية وهم من منسوبى القوات النظامية
(أثنان يتبعون لجهاز الامن وواحد للشرطة)..

* نعلم أن شيخ الامين مستهدف من قبل جهات سلفية وتكفيرية وعبرنا عن أسفنا لهذا
ولكن ليس بسببنا وفى معترك غير معتركنا وباشخاص ليس منا. أرجوا أن لا تضعونا
و هؤلآء فى معسكر واحد.( ديك أعدائنا عديل).
* لم يستخدم أبناء بيت المال المولوتوف ( ردئ الصنع) كما ذكرت ,ولو
ارادوا لكان ( درجة أولى) . لا علم لنا بأى مولوتوف تم القاءه.
* لآهل الحى مطالب وقد عبروا عنها فى أوقات عديدة والكرة الآن فى ملعبكم
وهم ينتظرون حسن النية لاعادة بناء الثقة.
................................................................................
* قام احد مريدى الشيخ بإهانة الاعضاء فى القروب قبل ساعتين وتم
طرده ( الان اصبحت نسبة المطالبين بقفل الزاوية أكثر.)

تقبل السلام وفائق الاحترام

Quote: سبحان الله..الحته الاسي فيها ذكر شيخ الامين دي كانت زمان محل بتاع عرقي و بنقو وبيوت هواء..واسي بقت مناره للدين والعلم والادب والذكر..والله انتو عايشين في نعمه وما مدنها اي اهتمام..اسي عليكم الله دايرسن تجتمع عشان تقفلو الزاويه!!!! اول شي امشو قفلو محل البنقو الانتو كلكم عارفنو وين و طرمبات الخمر و بيوت الهاوي الفي الجي و تعالو قفلو زاويه الفيها الصلاه والعلم و عباده..شيخ الامين جزاه الله الف خير حول محله السكر الانتو و الكان اباكم زمان بيشربو فيه الى محل ذكر و صلاه و عباده..زمان الرايات البيضا تدل على بيت خمره والشيخ قلبها ليكم رايات خضرا تدل على محل ذكر..و شيخ الامين ده ولد بيت المال و ود البنا ولده فيها وكلكم يا ذمان لعبتو معاه او قريتو معاه او قابلتوه يعني عارفنو هو شنو...والزاويه بتاعتو دي ليها 20 سنه و داخله في ال21 ما حصل يوم بالغلط جابوه في زله او فضيحه او خالف الشريعه من ما قام و الى وقتنا الحالي و ماحصل اتاخر عليكم بي شي بي مالو وقف معاكم و بي نفسو وقف معاكم و بجاملكم في افراحكم و اتراحكم..بدل ما تقيفو معاه دايرين تكسروه....والمشكل كلكم واقفين امام بيوتكم و بتهتفو ما دايرين زاويه..لو صحي انتو رجال كنتو تجوه في حتته و تقولو ليه الكلام ده ما تحرشو اولادكم و تاجرو مرتزقه و يلمو في اولاد الناس و يجرحوهم و يكسرو عرباتهم..على اي حال ده راي والعندو راي تاني يقولو لي

نموذج لما كتبه (الفقير) مو احمد

Quote: قد ترعرعنا في هذا الحي مع الامين و ايمن اخوه و عبدالمجيد و الصادق و ياسين ادم و كل الاخوان بحلة الصابرين و حي صديق كنني و حي السوس خاصة و اكلنا و شربنا داخل بيت عمنا المرحوم عمر الامين و ايمن صديق و دفعة دراسة لا نختلف في من هم و هذه المنطقة كانت منذ القدم يسكنها اهل يتميزون بالطيبة أل كنني و أل المشرف و أل حاج ادم و أل عمر الامين و أل السناهير و أل سالم محمد سالم و ال عبدالماجد و أل عم عثمان والد عبد المجيد و أل ....... و يتوسطهم ميدان صديق كنني و تربطهم محبة و جيره و لكن كلامك : ( الحته الاسي فيها ذكر شيخ الامين دي كانت زمان محل بتاع عرقي و بنقو وبيوت هواء ) من اين اتيت بهذه المعلومة و هذا كلام لا صحة له اطلاقا فنحن نشهد بذلك بحكم تعايشنا في تلك المنطقة و لذلك نرجو منك بان ترسل رسالة موجبة و ليس سيئة في حق الحي و حق بيت المال و رآيك ملك لك و بيت المال ملك لنا جميعا فارجو مراجعة كلامك و تصحيحه لان ذلك لايرضي اهل الحي و الامين عمر الامين منهم فانت تصب الزيت على النار و رسالة اهل الحي هي وقف نشاط الزاوية و نقلها من داخل الحي لما تسببه من ازعاج لاهل الحي

ده واحد من الردود.

Quote: اسالو الجيل القبل جيلكم بوروكم..و"الازعاج" لو كان ذكر الله اذعاج نعمى الزعاج..وبالنسبه لي امور الدين انا بعديد منها خااالص,ورجالتكم او رجالت ناس بيت المال قستها بالحاصل لانو شفتا بعيني ما في زول وراني زي ما بقول المثل..ولو برضيكم الزاويه تتقفل و ترجع المنطقه زي عهدا الاول يا خسارة نخوتكم كسودانيين و مسلمين او مومنيين 6 hours ago · Like

وده نموذج تانى من نفس الشخص

Quote: ولا اريد من الجميع التحلي بالصبر والاستعانه بالله............. انت يا Moe Ahmed اتقي الله في نفسك اولاً فالاسلوب واضح جداً جداً ومن ما لايدع مجالاً للشك فهو اسلوب الطريقه المكروهه دي اتنين ما بتغالتو فيها مافي،،، بيت المال راجع وداير منك تستفيد من بيت المال اكتب على مرحك البحث قوقل فقط بيت وقبال ما يكمل لك حيجيب لك المال (سكر وبنقو ده ما عندنا) لكن ممكن يتواجد بعد دخول اشخاص ودخلاء على الحي انت ما من الحي ولا من امدرمان يبدو عليك من اولاد الرياض والعمارات(منعم الاظافر يعني). .......................................................................... اما بخصوص اهالي بيت المال ما رجال يا سيدي الفاضل ده زي ما قلت لك يبدو عليك (منعم الاظافر) ما حرد لك لانه شرطة العمليات هي زاته بقت في الاحلها من بيت المغبره ده ويوم امس ليس ببعيد (كل ربوع امدر تشهد ما محتاجه للزيك انو يفور دمها). .......................................................................... ام بخصوص ان اهالي بيت المال بتكلمو وبجعجعو من بعيد لانو خلوتك يا سيدي الفاضل اصبحت كمبنى رئاسة هيئة القوات المشتركة كدي تاني يا Moe Ahmed جرب واذكر من غير بوليس. .......................................................................... من المفترض ان تحمد الله ان الاهالي لم يستطيعو ان يصلو لامثالك في الزاوية فاريد منك ان تحمد الله على ذلك ففي ذلك محمده قال بنقو وعرقي قال. ....................................................................... رســـــــــــــــــاله الي الشيخ الامين اناشد من هذا المنبر الشيخ الجليل /الامين عمر ان ينظر ما يكتبه رعاياه على الشبكة تماماً كما ينظر ما يكتبه ابناء الحي ويشتكي ان كتاباتنا تقسو عليهو وتؤذية وهو يعي كلامي هذا جيداً ارجو ان ينظر ويضع مليون استفهام وخطوط تحت مقولة( البنقو وان بيت المال مافيها رجال)انا زاتي ما عارف الرجاله بقيسوها بمقياس رختر ولا بشنو ما عارف. ....................................................................... حسبي الله ونعم الوكيل فيكم حسبي الله فيكم والله انا يا اخواني ابناء (الحبيبه بيت المال) كتبت الكلام وانا في الرمق الاخير.وعليك الله اطلع من راسنا وما تفور دمنا.

وده رد آخر ولكم أن تحكموا .. مع العلم توجد ردود أخرى أتت كرد فعل وآثرت عدم نقلها

تحياتي محمد مكي والمتداخلين.

على أيامنا كان طريق أبونا الشيخ المكاشفي هو طريق الفقر والذل والإنكسار لله تعالى واحتمال الأذى من الخلق والزهد في الدنيا. وعلى أيامنا كان أهلنا ناس بيت المال أهل الود والكرم والأدب و والترحيب بالغريب، صغارهم قبل كبارهم.

ماذا حصل لطريق أبونا الشيخ المكاشفي؟
وماذا حصل لناس بيت المال؟

والله انا بقترح انو تتوفر لطراجي زيارة للسودان ... دون أن تتعرض لمضايقات أمنية من أي نوع ...

بس عشان تفهم (طعمية وبارد) في سياق الراهن اليومي المعاش في السودان وضواحيه ....

لأنو للأسف الجهل بمواكبة متغيرات الواقع ... ربما يؤدي إلى قطيعة بين المناضل وملح الهامش الذي يناضل من أجله ...

يا حليل زمن كانت المائدة السودانية يتصدّرها "الضلع" ويتذيّلها ملاح "ام شعيفة" ... الآن يتصدرها ما خف وزنه وغلا ثمنه ويتذيلها سندوتش الطعمية ...


... المهم ... ®Tabaruk2012©

تبارك الما شايل حاجه فى يده
سلامات بعدد الكرامات
مبروك الشافع
ياخى ما تخليك فى موضوع البوست ..
نراجى دى عليك الله امشى افتح ليك بوست و اعمل الدايروا هناك ..
برانا فايرين ..
يا تبارك ناس بيت المال ديل عندهم علاقة قوية بالصوفية منل قبل المهدي ما يتولد زاتو.
طبعاً الفهم السائد بانو بيت المال دى بناها المهدى وعمل فيها بيت المال فدى معلومة غلط.
ومع دخول التركية سكنوها التجار لانو السوق كان فيها.. قبل سوق امدرمان الحالى خاصة في ما
يتعلق بالصادر والوراد لامدرمان.خاصة من الجنوب ومن الشمالية. ( طبعاً عارف انو ما كان فى لوراى
والنقل عن طريق النيل كان الاوبشن لانو ممكن تشحن اكبر كمية باقل تكلفة. وبيت المال موقعها فى الوسط
بين الموردة وهى تحمل نفس اسمها وكانت الميناء.. الليلة لو سالت اى زول المورد بتشتهر بى شنو
حيقول السمك ..للاسف واذا قلت ليهو كانت ميناء العاصمة حيضك عليك. وبين أبوروف والتسمية هنا حديثة
بعد المهديه ولكن المنطقة اقدم بكثير جداً. ولو سألت اى زول ابورف بتشتهر بى شنو حيقول ليك
الطلح والشاف وورش الحديد طبعاً الكلام ده هسه بس من زمان كان بناء المراكب
وصيانتها وتجهيزيها قبل السفر بيتم فى ابوروف.
بيت المال كانت مجموعة من حلال صغيره اهمها سوق ام سويقة والزريبه والكداويه وبقية الاحياء اخذت
اسمها من اسماء ساكنيها الاوائل. وكل الاحياء موجوده بنفس الاسماء ما عدا حى واحد تمت ازالته وتعويض
سكانه فى الحاره الساته (السادسه) ومن اشهر سكانه( الخال) كما نحب ان نطلق عليه
فى بيت المال محمد احمد عوض رحمه الله.
وكان اسمه حى الخنادقة فى مكان زاوية شيخ الامين الآن.
يا خى سليت روحى

انتشار واسع لقوات الامن وقوات من الدفاع الشعبى لاعتقال شباب من الحى.
الاوضاع فى طريقها للتدهور ان لم تنسحب القوات الامنية من الحى.

الموقف فى غاية الاحتقان.. نتمنى ان لا تتصرف القوات الامنيه بحماقة وات مجرد
وجودها وانتشار سياراتها مستفز فى حد ذاته. ولن يكون فى استطاعة احد احتواء الموقف بعدها
اسحبوا القوات فوراً ولا تتعرضوا لاحد من السكان.

Quote: الشرطة والامن يدّعون عثورهم علي ملتوف واسلحة بيضاء وسلاح ناري في الخرابة خلف الزاوية

اعلاه ورد من بيت المال

هذه هى ذرعتهم الآن .. لاحظ نفس الكلام ورد فى حديث الاخ وليد العجب قبل ساعات. تكون نبوؤة الشيخ؟؟

Quote: Najmelden Abdelfatah‎ بيت المال تغلي كالمرجل شباب بيت المال يشعلون فتيل الثورة...عشرات الامنجية ينتشرون في احياء بيت المال...كتيبة من الدفاع الشعبي الجناح المسلح للحكومة تتمركز في اسطح بعض المنازل الموالية للمؤتمر الوطني

تفاصيل الحراك الجماهيرى موجودة بقروب بيت المال عيون امدر

Quote: حسب مصادر موثقة بدات المشكلة قبل عدة ايام حيث تم الاعتداء علي ولد عثمان صديق من قبل حوار شيخ الأمين ، تحركت بعد ذلك اسرة الحاج صديق بقيادة عبد المحمود وطالبت حوار الشيخ بتسليم المعتدي و امهلتهم مدة زمنية انتهت امس مساء. لم يستجب الشيخ وحواريه للطلب ومن ثم تحرك كل شباب الحي وبداء عراك عنيف شارك فيه حوالي ٤٠٠ شخص من المعسكرين مما استدعي جلب دفارين من قوات الاحتياط لفك الاشتباك . أصيب عدد كبير من أبناء الحي بإصابات مختلفة مما استدعي معالجتهم في المستشفي . تكررت اعتداءات حوار الشيخ علي اهل الحي مما يستدعي وقفة حازمة ضد الشيخ

هل هذه مجرد مشاجرة بين ابن عثمان صديق وأحد حيران شيخ الامين؟

ألا ترى لعب الأيادي الخفية خلف الموضوع؟

لو ذهب عثمان صديق او ابنه شاكياً للشيخ ما بدر من حواره لحسم الأمر في دقائق؛ ولكن، وفد من الأسرة؟ بقيادة عبدالمحمود؟ تطالب "بتسليم" الحوار؟ وتصدر تهديد محدد بمهلة؟ ماذا كنت ستفعل لو كنت مكان الشيخ؟ تقوم "بتسليم" الحوار لمجموعة كهذه؟ أين العقل يا ناس بيت المال؟

هنالك أيادي خفية تلعب وراء الكواليس ضد شيخ الامين وتريد تأليب أهل الحي ضده في مشاجرة بين شابين لا علاقة لشيخ الامين بها ... وضعوه في وضع حرج ... إما أن يدافع عن حواره أو أن يدافع عن وجوده ... هذا هو عمل السلفيين الذي أحرقوا به قبة الشيخ ادريس ود الارباب بالعيلفون والكنيسة الأسقفية الإنجيلية بالجريف واستهدفوا به سكان الكمبوهات في الجزيرة ويستهدفون به كل صوت يختلف مع هوسهم ووصايتهم الدينية ...

على سكان بيت المال أن يكونوا أكثر وعياً بهذه المؤامرة ولا تأخذهم العزة بالإثم ... فما هكذا نتعامل مع شجار بين شابين أياً كانت انتماءاتهما ... فالمكيدة المريضة في ابتزاز شعور سكان بيت المال وإلهاب نعرة حميتهم لكرامتهم واحترامهم وحيّهم واضحة ... تكفي الشائعة التي أطلقوها بأن سبب المعارك أن امرأة من الحي قالت لشيخ الامين انه تسبب في عصيان ابنيها لها ... والشائعة تقول أن أحد حيران شيخ الامين صفعها بسبب ما قالت ... تخيّلوا؟ أم تصفع أمام شيخ صوفي لأنها احتجت على أنه يعلم ابنيها ان يعصيانها .... هذه هي بالضبط نظرة السلفيين للصوفية ومحاولة تصويرها في الخيال الشعبي للعامة من الناس ...

دعني أقول لك هنا - وأنا أتكلم نيابةً عن شيخ الامين دون إذن منه ولن أرجع له في ذلك - واسمعها منّي جيداً ... لو أن أمّاً اشتكت لشيخ الامين تعصيته ابنيها لها لما قامت من مقامها إلاّ وهي راضية عن ابنيها ولو اضطر شيخ الامين لطردهما من الزاوية ... فليس في ثمة زاوية صوفية موطئ قدم لمن لا يسعى بالغالي والرخيص لكسب رضا الوالدين ... ولو اتضح أنها محقة وأنه فعلاً تسبب في عصيان الولدين على امهما لانفضّ سامر الزاوية واغلقها شيخ الامين بنفسه ولكان حتى الآن في خلوةٍ يطلب المغفرة من الله عز وجل على إثمٍ كتعصية الإبن على امه ... فالمبدأ الصوفي ان الوالدين إن جاهداك على أن تشرك بالله ألاّ تطعهما في ذلك ولكن تقل لهما قولاً كريما وتخفض لهما جناح الذل من الرحمة ولا تقل لهما أفٍّ ولا تنهرهما ... الأم البتطابق الأب ثلاثة مرات تصفع أمام شيخ الامين في الزاوية ولا تزال الزاوية قائمة؟ انتو يا ناس بتفكّروا كيف؟ والله لو حدث هذا لهدّ الزاوية شيخ الامين شخصياً ... ولكنها أكاذيب ومؤامرات السلفيين الوضـيعة ... وتوقهم لدفع الدولة نحو وصاية دينية واستبداد وقهر الآخر باسم الدين ...

لا للهوس الديني والمؤامرات الوضـيعة ... لا للإعتداء على زاوية شيخ الامين تحت أي مسوغ ...





... المهم ... ®Tabaruk2012©

بكرى ابوبكر سلام
ارفع لينا البوست دا عشان نشووف الفقرا العرباتم اخر موديل ديل

Quote: : يوم الجمعـــــة وبعد الذكر وكعادة بعض الفقرا مشو باكلوا طعمية و يشربوا بارد في دكاكين الطاهر

يا اخونا العجب الكلام دا ما صاح لان اولاد العز ديل (الفقرا) ما بياكلوا إلا فى الزاوية
ملح من بيت الشيخ و بشتغلوا تحت امرته و وووووووووو كثير ما عندنا بيهو شغله
مشكلتنا حاليا العسكر يخرج من الحى فى اسرع وقت لان ذلك سيشعلها لظى ديل اهلى
والحقارة ما برضوهافلتذهب الزاوية والامين وحيرانه و الحكومة التى تحميه
و التبقى بيت المال حرة ابية صامدة قوية و النار النار

محل الخرابة خلف الزاوية مافى واحد بقدر يصلها
لان البوليس محاصر المنطقة تماما الملتوف واسلحة بيضاء وسلاح ناري تابعا ليهم هم
ويريدون عمل شى ما وربنا يجيب العواقب سليمة

وبدأت بوادر الفرج ولكن!!!!!

سلام يا ود المكي و لعلك بخير ...
متابع بوستك ده من أولو و متحير تماما في الحاصل ده ... في شئ ما طبيعي أبدا هنا ... ياخي لو جبت أي من حيران الشيخ الكبار ( محمد هاشم ... وليد العجب ... أشرف اوشي ) ممكن يحلو الاشكالية دي مع أولاد الحلة ... خليك من شيخ الأمين ... و لو شيخ الأمين قال ليهم ما تدافعو عن رقبتكم ... كان يموتو ما بعملوها ... طاعة حيران شيخ الأمين ليهو ما شفتها في أي بشر لبشر ... في نفس الوقت بيت المال دي مثال لما كان يجب أن تكون عليه أحياء البلاد قاطبة ... ترابط و تالف يندر وجودو في أي حته تانيه و أولاد بيت المال ديل من ما الله خلقنا رجال و عندهم حرارة قلب و بيقفو مع بعض في الصاح و الغلط ...عشان كده المشكلة دي ما بتتحل بالقوة ... لا بوليس ... لا جن أحمر ...
السؤال المحيرني وين الجودية المفروض كان تحل الكلام ده قبل ما يستفحل و تعمل إتفاق مع الشيخ علي الحاجات المضايقة أهل الحي من وجود الحيران ... لانو الحيران لا بد يفهمو انهم ضيوف ... يجو يذكرو و يمشو ... و أنا أكاد أكون متاكد إنو أهل الحي ما عندهم مشكلة شخصية مع شيخ الأمين و حيرانو ... ح تكون حاجات بسيطة تراكمت و عملت إحتقان في قلوب الناس ... و لمن حصلت مشكلة صغيرة it exploded .....
مافي حل غير حل سلمي يرضي ناس الحي في الاساس ... و مما سمعتو عن شيخ الأمين و من معرفتي الشخصية لكتير من حيرانو ... الناس ديل عندهم قدر كبير من التسامح و كمية من العماقة ممكن تحل اشكاليات كبيرة خليه مشكلة بتاعت حدر لي و حدرت ليه ..
المسالة كلها مافيها أي منطق ...يبدو أن هنالك من ينفخ في كير الفتنة !!

والله يا وليد العجب ضحكتني
قلت لي: الحيران مشوا يشربوا بيبسي ويأكلوا طعمية؟! هاهاها
وكمان عندهم عشرين عربية؟! والله ديل حيران السرور هاهاها
والله صحي اللي قال: شيخ الأمين حيرانو جكسي ومحايتو بيبسي

وكامل التضامن مع أهلنا في بيت المال ضد الغرباء والدخلاء

يا تبارك ياخ ما عارقك ليه مصر على انك تقول لينا انتوا مغفلين بالبارد كده؟
ياخ ما فى زول حيستغفلنا او يستغلنا .. وكتبنا ان الموضوع فقط الآن انفجر والكير
الموضوع تدخل الامن والبوليس وديل بالذات نشوف العمى ولا نشوفهم وما بنجرى منهم
بالعكس .
ياخ الناس شابكننا شيوعيين شيوعيين وتجى انت الليله تطلعنا سلفيين ومغفلين سلفيين؟
يبدو انك ما ح تفهم ناس بيت المال كويس.. تأكد تماماً انو شيخ الامين وحيرانو لو تعرضو لاى
هجوم أو أذى من الجماعات التكفيرية أول من يقيف معاه حيكونا شباب بيت المال قبال حيرانو.
ولو كان فى اى منطقة تانيه غير بيت المال كان نالوا منو زمان.بس فى بيت المال فى زول بيجى من بره يقدر يهبشوا.

عموماً توجد بوادر للحل فى الافق .. ونحن نويد ابداء حسن النيه للوصول لحل سلمى و فى اطار عودة الحياة الطبيعية
للحى .
ما تبالغ ياخ !!!

الاخ محمد مكي وضيوفك الكرام ... سلام

ما اشار اليه الاخ تبارك فيه جزء من الحقيقه وهنالك بعض الفئات تصطاد في الماء العكر ...

اخي محمد المكي انا لست من اتباع شيخ الامين ولكن لدي اصدقاء من اتباع شيخ الامين اتيحت لي الفرصه اذهب هناك عدة مرات وان التقي الشيخ الامين ...

والله مهما كتبت سوف لن اوفيهم ولا اريد ان اذكر اسماء هولاء الاخوه نعم الاخلاق والاحترام والتعاون .. والله تربطني باحد اتباع شيخ الامين علاقة امتدت الي الاسريه فهو اخ بكل ماتحمل الكلمه من معني من ادب واخلاق وفهم راقي والله شهادتي فيه مجروحه ..

انا الان في اشد الحزن لما يجري هناك ولا اريد ان اكون ناصحا لابناء بيت المال او حيران شيح الامين لكن المستفيد من هذا الصراع جهة واحده ..

مفترض ان تحل القضيه في اطار بيت المال وشيخ الامين والجوديه فقط وانا متاكد اذا حكمت اي حكم فستجد الترحيب عند شيخ الامين ..

اعتقد المهم عند حيران واتباع شيخ الامين هي الزاويه والشيخ نفسه وليست المكان .. يعني اذا انتقلت الزاويه مستقبلا الي مكان اخر فسيذهب اليها الحيران ويقيمون اذكارهم هناك ...

شكري وتقديري...

الاخوين الاكرمين
أمين محمد سليمان واسامة خليفه
(حسب اسبقية التداخل)
بعد الشكر الجزيل
لكما التحايا الطيبات

اسمحا لى برد موحد , حيث جوهر مداخلتيكما هو نفسه وعلىّ ان اوضح الآتى:

* منذ الجمعة حيث انفجرت المشكلة بدأنا فى دراسة وتحليل كل العوامل الخارجية
وعما إذا كان لها تأثير فى نفخ الشرارة او تحاول استغلال بعض الشباب أو ما الى ذلك.
* بعمل research وتجميع بيانات من الحى وتحليل وتصنيف بمساعدة شباب من الحى
اثق فيهم كل الثقة , لم اجد ما يبرر وجود اتجاهات سلفية او تكفيريه لها علاقة بالمشكل
من قريب أو بعيد.
* المشكل أجتماعى وكل اسباب الخلاف بين حيران الشيخ واولاد بيت المال وليس له
جذور دينية اومعتقدية أو خلافه. قد توجد بعض الاصوات المتشنجة من بعض الشباب الشابات
ولكن هذا رد فعل آنى ويمكننا احتوائه ولن يمثل مشكله الآن أو فى المستقبل.
* تأكدا باننا فى إطار الوصول لحل سلمى للخلاف.
اشكر اهتمامكا واطمئنكما أن لا مخافة فى استغلالنا من قبل أى جهة كانت ومن يريد
ان يصطاد فى الماء العكر, ليس فى بركتنا .
* آمل أن تسمعا ما يسركما قريباً .
كل الود والاحترام

مجرد تساولات لكاتب البوست هذه الزاوية موجودة في هذه المنطقة لها أكثر من 15 عاماً ما الذي أشعل الخلافات بعد كل هذه السنين انتظر توضيح منك .

Quote: ياخ الناس شابكننا شيوعيين شيوعيين وتجى انت الليله تطلعنا سلفيين ومغفلين سلفيين؟ يبدو انك ما ح تفهم ناس بيت المال كويس.. تأكد تماماً انو شيخ الامين وحيرانو لو تعرضو لاى

الأخ محمد مكي

حاول تطرح قضيتك باحترام وبدون سب وتنقيص للسلفيين

شايفك قاعد تربط بين السلفيين والتكفيريين، وهذه مزاوجة خبيثة أو لنقل: مزاوجة جاهلة

بيت المال دي فيها بعض السلفيين، فهل حصل أنكم تأذيتم منهم؟!!

السلفيين يعملون في أماكن مفتوحة، لا رقص ولا اختلاط ولا مخالفات شرعية

رغم انكم تطرحون نفسكم كاصحاب حق، إلا أن هذا الحق لا يمنحك أي غطاء أو شرعية لبث هذه الترهات عن السلفيين

الحمدلله أن السلفيين لم يسبق أن تم اتهامهم بمثل هذه الفوضى التي تحدث الآن في حي بيت المال

كل ما جري اطلاقه من اتهامات تجاه السلفيين، أصبح مطلقوه في النهاية مجرد أبواق ليس لها غير الصياح الذي لا يسنده دليل

شوف معركتك ضد الحكومة او ضد شيخ الامين وأدرها بعيداً عن السلفيين

ياخى اولاً السلام عليكم ..
ما كتيره علينا مش كده؟
كان بديت بيها .. ما علينا..
*الزاويه ليها اكتر من كده ووجودها هناك ده السبب فى استمرارها.
* اسباب الخلاف انو حيران الشيخ الهو مننا وبنعتبرهم ضيوفنا , استباحوا المسالة اكثر من اللازم
وكان لابد يجى يوم تنفجر فيهو الاحداث.
* بعض الحيران بيمارسوا استفزازات عينة المنطقة دى انقذناها وبيصفوا بيوت اهلنا على انها
كانت اندايات ! خلاف الازعاج المتواصل وقفل الشوراع بالعربات وصفها بطريقة عشوائية امام بيوت
التاس.وتعالم بتعالى شديد مع ابناء الحى والاستفزاز بلغة الزارعنا غيرالله يجى يقلعنا وادبيات الانقاذ الفارغة دى.
توجد ايضاً احداث متفرقة واحتكاكات بين الحيران والشباب .
ولعلمك الشباب ديل فاض بيهم

كتب صاحب البوست

Quote: وادبيات الانقاذ الفارغة دى.

انتو مشكلتكم مع ناس شيخ الأمين عاملين هرج في بيت المال ولا حاجة سياسيه

عماد حسين

Quote: حاول تطرح قضيتك باحترام وبدون سب وتنقيص للسلفيين

وين انا سبيت السلفيين او اى من كان؟

كتب تبارك

Quote: هذا هو عمل السلفيين

!!!!!!!!!!!!!!!!!!!
!

عشان ما نطلع من موضوع البوست ردود اخيرة
الرشيد انت ما عندك موضوع وما فاضيين ليك امشى شوف ليك بوست تانى
عماد حسين .. للمره الاولى والاخيره ..لا تحاول استفزازنا ونعتنا بما ليس فينا .ردنا كان مخصص لشخصص محدد وفى صياغ محدد
ولن اخوض تفاصيله معك.
انا لا ارجو ولا اطلب ..بل أحذر
وليس مرحباً بك فى هذا البوست ان لم تتخلص من اللغة التى تخاطبنا بها
والسلام ختام

Quote: وين انا سبيت السلفيين او اى من كان؟

أليست هذه المزاوجة الخبيثة تمثل اساءة

وشوف كمان.. قاعد تكتب وتربط بين السلفيين والتكفيريين على نحو منتظم، يوحي بأن القضية عندك من الثوابت

ده مش كلامك:

Quote: وفعلاً وجدنا الشيخ يتعرض لحملة منظمة من قبل جهات سلفية وتكفيرية وذلك يحزننا .

Quote: نعلم أن شيخ الامين مستهدف من قبل جهات سلفية وتكفيرية وعبرنا عن أسفنا لهذا ولكن ليس بسببنا وفى معترك غير معتركنا وباشخاص ليس منا. أرجوا أن لا تضعونا و هؤلآء فى معسكر واحد.( ديك أعدائنا عديل).

Quote: لم اجد ما يبرر وجود اتجاهات سلفية او تكفيريه لها علاقة بالمشكل من قريب أو بعيد.

شنو وجه الربط بين السلفيين والتكفيريين؟!!

وبعدين.. أين هي الحملات السلفية (المنظمة)؟

ممكن تطلعنا على احصاءات تبين أن هناك (بروجيكت سلفي) مخصوص عشان شيخ الامين؟!!

كم عدد الردود عليه؟

كم عدد المحاضرات في شأنه؟

كم كتاباً جرى اصداره بخصوصه؟

ولّ ده نظام طق حنك ونفخ في الفاضي ساي، ودايرين تظهرو أنفسكم دعاة حريات وبتاع

Quote: عماد حسين .. للمره الاولى والاخيره ..لا تحاول استفزازنا ونعتنا بما ليس فينا .ردنا كان مخصص لشخصص محدد وفى صياغ محدد ولن اخوض تفاصيله معك. انا لا ارجو ولا اطلب ..بل أحذر وليس مرحباً بك فى هذا البوست ان لم تتخلص من اللغة التى تخاطبنا بها والسلام ختام

ومنو القال ليك أنا منتظر ترحيب منك يا محمد مكي؟!!

قال شنو: احذر

خلاص يا مجلس الأمن :)

تحذيرك ده أمشي بيهو لناس شيخ الأمين هناك

شابكنا سلفيين وتكفيريين!!!! وتريد مني السكوت على هذه المزاوجة خبيثة الغرض؟!

النصيحة دي أولى بيها انت... أعرض قضيتك، بس دون ازدراء الآخرين

بخلاف كدة، أنت تدفع غيرك ليسمعوك ما لا تحب

عرج بي على كرري وتوخى يمينك

وفي أطراف مقابر البكري أحني جبينك

حلق في سما أم درمان ومتع عينك

وسلم لي على الدايماً بيسأل وينك
صلاح احمد ابراهيم

تحياتي لامدرمان واهل امدرمان وتراب امدرمان
اولا يا اخواني الكرام لاتنسوا أن شيخ الامين من ابناء المنطقة ( ود البنا ) وأنا اعرفه منذ صغره وهو ابن الاستاذ عمر الامين رحمة الله عليه الذي كان رئيسا لنادي الزهره
ثانيا ان خلوته هذه هي في بيته وهو من البيوت العريقة في ودالبنا
وثالثا ان كثيرا جدا من اتباعه هم من حي بيت المال وابوروف وود نوباوي والاحياء المجاورة
رأي المتواضع أن تقوم لجنه من ابناء الحي لمناقشة هذا الامر معه ومع ابناء الحي الذين هم في صفه لمناقشة الامر وتحميل المخطيء المسؤلية كامله ووجود الحلول لهذا الامر بالعقل وليس بالاندفاع والعاطفة

مرحب بيك اخ سيف المساعى جارية الان وإن شاء الله سنتوصل للحل قريباً.
ولك التحايا.
...........................................................

عماد حسين
* لما نقول الهلال والمريخ هل نخلط بينهما؟
لا ذنب لنا فى ما تفهم ولا تفهم .
*موضوع بحثنا لاهمك ولن نطلعك عليه.
* لن نكرر احذر مره أخرى...

Quote: * لن نكرر احذر مره أخرى...

هههههههههههههههه

حتى لو كررت 100000000000000000000000 مرة

شنو الناتج العملي بعد استكمالك لكل فرص التحذير؟!!

الناتج مجرد طق كيبورد لا أكثر :)

Quote: عماد حسين * لما نقول الهلال والمريخ هل نخلط بينهما؟ لا ذنب لنا فى ما تفهم ولا تفهم . *موضوع بحثنا لاهمك ولن نطلعك عليه. * لن نكرر احذر مره أخرى...

العطف بين الهلال والمريخ يقتضي التلازم والاشتراك في خصلة

وكذلك أداة العطف المستخدمة في المزاوجة بين (السلفية والتكفير) هي تفعل نفس الشيء

انت تعرف تماماً مغزى الربط بيت السلفية والتكفير ووضعهم بموازاة ومحاذاة

القصد في النهاية هو ايجاد رابط

في البداية خانك ادراكك لحقائق الأمور

وبعدها خانتك شجاعتك في استمرار عملك بلوازم المزاوجة الخبيثة

ردك عبارة عن هروب ليس إلا

الغريبة... نفس الصورة تعبر عن حالتك الراهنة

لوك الصبر....
......................................

نرجع لموضوع البوست

في رايي الشخصي إنو شيخ الأمين يسيء لتاريخ الصوفية في السودان
ماأعلمه أن الرجل غير مقبول لدى كثيرين من شيوخ الصوفيه الأجلاء بل إنه ممنوع من دخول كثير من مساجدهم
وكلي ثقة أن أبناء بيت المال سيتمكنون من كنس هذه الزاوية من حيهم العريق

مؤونة عشرة أعوام من الود لكل أبناء بيت المال

الاخوة الكرام محمد مكي وعماد حسين
التحية الصادقة
نحن في امدرمان يد واحده منذ ان نشأنا وكلكم يعلم هذا ولو اختلفنا فكريا فهذا من جمال امدرمان تنوعها الفكري .. ارجو الا يقود الحديث واختلاف الرأي او ايا منا اذا خانة التعبير في شيء ان يكون الاخر له بالمرصاد فكلنا نخطأ فارجو من اخي عماد حسين الا يذهب عميقا فيما قاله الاخ محمد مكي كما ارجو من الاخ محمد مكي ان يوضح بأنه حقيقة لا يربط بين السلفية والتكفيرية كما أن الموضوع واضح نرجو عدم الخروج منه حتى لا ندخل في مشادة كلاميه عن الفكر السلفي او التكفيري
واعود لك اخي عماد حسين لقد اوضحت وجهت نظرك وقد استمعنا ايضا للاخ محمد مكي .. ارجو شكرا قفل اي موضوع جانبي ليس له علاقة بالبوست
مع اكيد الشكر والود للجميع

اخى سيف لك التحية مجدداً
لاتهتم له كثيراً فقد جاء بما جاء بنية مبيتة ولن يعفى الله عما سلف
انظر اخى لتاريخى هنا طوال الست سنوات الاخيرة
هل اسأت لأحد أو حتى تهاترت مع احد ؟ لست كبيراً
وانت عارف انحنا ما بنهبش زول لكن بيصل يهبشنا
ما بيحلنا منو الا الله.
آسف إن اصابك قبح..امسحوا لينا انحنا وبنرد حقك لغاية عندك
تحياتى

الاصل في الموضوع أن يُحل بمبادرات يقوم بها العقلاء في بيت المال وهم كٌثر، ولكن لو تجاوز الموضوع إطار هذه المبادرات ودخل في منحنيات تانية فبدون شك أن سكان بيت المال سيخسرون قضيتهم أيآ كان نوعها، ان أقرأ الموضوع كالاتي: شيخ الأمين مهما إختلف الناس حول تصوفه وزهده ...الخ، فهو يمثل واجهه للصوفية في بيت المال، الحيكومة لديها علاقة ود متصل مع الصوفية تستند على مصالحها في الأساس، يعني مثلا الحيكومة تفكر كالاتي، ياخ شيخ الامين ده لو إحتجنا ليهو في إنتخابات أو إستنفار أو مسيرة أو دعم ...الخ، ممكن بي تلفون منو يجيب لينا المئات، ناس بيت المال ديل ما بالساهل نوديهم ونجيبهم على كيفنا(وفي الذاكرة إنو بيت المال حي عريق ويسكنه مخضرمون وناس على درجة من التمدن)، طيب إذا دعت الحاجة لتدخل الحكومة، فبدون شك سترجح كفة شيخ الأمين على كفة اهالي المنطق، لشنو...؟ لأنو بإختصار منطق الربح والخسارة هو الذى يحرك الإنقاذ...

الكل يصطاد في المياه العكرة ...

خصوصاً ... بعد اتساع الهوة بين إسلام السلفيين الوصائي المعتمد على علم الظاهر لبناء الهوية السياسية للإسلام ... وإسلام الصوفيين الليبرالي المعتمد على علم الباطن لبناء الهوية الروحية للإسلام ...

حتى حكومة الإنقاذ الوطني ... ستكون الخيارات بالنسبة لها صعبة في نزاع بين أهالي أي حي سوداني وزاوية صوفية فيه ....

ابقوا واعيين .... وقلنا ضحايا مؤامرة يا ود المكي ... ليس جهلاً أو خوفاً من لفظة "مغفلين" ... لاكين انتو ناس بيت المال بتكونوا عارفين انو غلطة الشاطر بى ألف ... عشان كدا ما بيقولوا عليكم مغفلين ... بعدين انتو اجدر من غيركم في تصحيح الوضع وإخراج العناصر السيئة من الحي .. أو من التأثير في الحي ....




... المهم .....

اخى خالد
سلامات
كما اوضحنا من قبل ان الخلاف اسيابه اجتماعيه وبعيده عن الدين والسياسة
دخلنا الان مرحلة التهدئه وتصلنا لارضية حوار مشتركة
ةسنصل قريباً لحل سلمى يرضاه الجميع.
لك كل الشكر

الاسف الشديد تجددت الاشتباكات مرة أخرى عل حدود الحى
فى منطقة ود البنا وناحية جامع البله ( يتبع جغرافياً لأبوروف) . فى حوالى التاسعه والنصف
وما تزال الاشتباكات عنيقة جداً حتى اللحظة.
الشرطة استخدمت نوعاً من الغاز الخانق أكثر منه مسيلاً للدموع
ونجم عن ذلك حالات اختناق فى المنازل.
أنباء عن أصابة أحد الشباب باصاب وصفت بالخطيرة.

معظم الشباب المشارك فى احداث اليوم من الجانب الاخر للظلط
مع وجدود شباب الحى على طرفه الساخن ولن يتدخلوا الا اذا ما طالت
الاحداث داخل الحى.
على الشرطه عدم دخول بيت المال ونقل المعركة اليها زللصبر حدود

ننوه باننا كنا قد توصلنا وشيخ الامين الى اتفاق مبدئى وكان سيتوج فى بقبول الاطراف نهائياً خلال
اليومين القادمين.

للاسف انتقلت الى داخل الحى ..
قوات كبيره وعربات تاتشر طلقات نارية
طيب خليتوا منو فى هجليج؟

محمد مكي سلامات

هذه احداث مؤسفة نتمنى من الجانبين حلها سلميا
في يد شيخ الامين تقع اغلب المبادرة في حل الاشكال وتطييب الخواطر
وعليه الا يعتمد على دعم وحماية الشرطة له

الاخ عماد حسين انت غلطان على الاخ محمد
حرف الواو وكلمة أو التي استخدمهما الاخ محمد لا تعني المطابقة وانما تعني الاضافة
يعني هو لو عايز يطابق كان بيقول السلفيين التكفيريين او السلفيين / التكفيريين
ولكن قال السالفيين والتكفيرين ؛ وقال السلفيين أو التكفيريين ؛ مما يعني انو عارف الفرق بينهم جيدا


بعدين ليس كل السلفيين تكفيريين حقيقة ؛ ولكن كل التكفيريين سلفيين
والتكفيريين خرجوا من بين صفوفكم وهذا ثابت

ليس فقط كل التكفيريين سلفيين ...

إنما كل السلفيين تكفيريين ... بعضهم يتلاعب بالألفاظ ويتحذلق حتى لا تلتصق به تهمة "تكفيري" ...

لكنهم في النهاية ... كلهم تكفيريين ... ومحمد مكي لم يجانبه الصواب حين كتب "السلفيين والتكفيريين" ..

كان الأولى أن يكتب "السلفيين/التكفيريين" أو "السلفيين أو التكفيريين" ...

من وجهة نظري الخاصة ... "السلفيين" وحدها تكفي ... للإشارة للوصائية وتحوير وظيفة الدين وقمع الآخر ... حتى لو أنكر "التكفيريين" ذلك ...




... المهم ... ®Tabaruk2012©

Quote: عشان ما نطلع من موضوع البوست ردود اخيرة الرشيد انت ما عندك موضوع وما فاضيين ليك امشى شوف ليك بوست تانى

ما عندي موضوع لاني بسال ماهو سبب المشكلة ألان مع العلم أن الزاوية لها أكتر من 20 سنة

طيب ياخى مادام انت عارف انو ليها اكتر من عشرين سنة
سأ لت نفسك استمرت الوقت كلو ليه؟ وهل كانت ح تستمر 20 يوم حتى,
لو كانت فى منطقة غير بيت المال؟
للمره التانية ابدأ بالسلام , على الاقل ده أدب الصوفية.
أهو المتعنجهين الزيك ديل البيفورا دمنا يخلونا نطلع من طورنا.
السبب ذكرناه 100 مرة

Quote: طيب ياخى مادام انت عارف انو ليها اكتر من عشرين سنة سأ لت نفسك استمرت الوقت كلو ليه؟ وهل كانت ح تستمر 20 يوم حتى, لو كانت فى منطقة غير بيت المال؟ للمره التانية ابدأ بالسلام , على الاقل ده أدب الصوفية. أهو المتعنجهين الزيك ديل البيفورا دمنا يخلونا نطلع من طورنا. السبب ذكرناه 100 مرة

استمرت كل هذا الوقت لانو شيخ الأمين ومريديه طوال هذا الزمن لم يرى منهم أهل الحي الذي هو واحد منهم أي ضرر . أما اذا أنت تصدق أو تحاول تصدق وتحاول تقنعنا هنا أن سبب المشكلة أنو مريدي شيخ الأمين يتعاملوا بستعلا وبعملو في زحام في الحلة . فهل كان من الأجدر تكوين لجنة تلتقي بي شيخ الأمين وانا واثق كان حلاها لكم في اللحظة اذا كان أساسا توجد بعض الممارسات . هون على نفسك يا حبيب وما تطلع من طورك وبالمناسبة أنا ما من الصوفيين ( المتعنجهين ) لكن أنا أحد الناس الذي ينظر للوضع من موضع الحياد وعشان ما تفور دمك سلااام .

Quote: الشيخ الامين يخص (الدار) بالاحداث المثيرة بين انصاره ومواطني بيت المال بتاريخ 9-6-1433 هـ الموضوع: اخبار الاولى كتب: عثمان جقود في تفاصيل جديدة لما وقع من احداث بمنطقة امدرمان بحي بيت المال امس بين ابناء المنطقة الواحدة وبعض حيران خلوة العارف بالله الشيخ الامين ود عمر شيخ الطريقة المكاشفية ، كشف الشيخ الامين عمر التفاصيل الكاملة واوضح الحقائق لما لحق من اضرار اصا الجميع من حيران الزاوية وابناء المنطقة الواحدة وقد ذكر الشيخ الامين بان الحادث اخذ حيزاً اكبر مما كان عليه وانه بسيط جداً بحيث انه حدث بين ابناء المنطقة الواحدة وانهم يعتبرون انفسهم كأسرة واحدة. وحول التفاصيل التي صاحبت الحدث قال بأن الخلاف عادي جداً وبسيط ولكن هناك من روج له وكان غرضهم خلق فجوة بين ابناء المنطقة الواحدة وانهم في الزاوية قادرون علي جمع الشمل وطي صفحة الخلاف وان الاسباب التي اندلع من خلالها هذا الخلاف البسيط والذي اصيب فيه عدد 20 شخصاً جراء الهجوم الذي شنه البعض علي بعض الحيران وذلك بعد ان اقدم احد الشباب علي مغازلة احدي بنات الزاوية وعندها تم حل الخلاف ولكن هناك بعض اصدقاء هذا الشاب استطاعوا ان يثيروا حفيظة الاخرين وسارع هؤلاء الشباب من منطقة بيت المال علي احداث هذه الخلافات وقاموا بالصعود فوق المنازل المجاورة للزاوية وعملوا علي رمي الذين يوجدون في الزاوية بالطوب كما قاموا بتحطيم بعض عربات الحيران الذين كانوا في تلك اللحظة في الزاوية مما احدث اصابات لعدد 20 شخصاً من الحيران بعد ان تم ضربهم بالطوب ولكن المشكلة في ذاتها بسيطة جداً جداً ويمكن احتواؤها ولكن هناك من روج لاثارة الفتنة بين ابناء المنطقة الواحدة وكان القصد هو اغلاق هذه الزاوية التي امتد امدها الي عشرين عاماً وهذا هو اصل الخلاف.

كذب الشيخ ولو صدق ------ ام كذبت الدار للوقوف مع الشيخ وحيرانه

السبب---- الحيران قامو بضرب ام اتت الى الزاوية عشان تتفاهم مع الشيخ
حول ابنها عاد دى تسموها شنو؟

Quote: السبب---- الحيران قامو بضرب ام اتت الى الزاوية عشان تتفاهم مع الشيخ حول ابنها عاد دى تسموها شنو؟

الموضوع دا انا رادي فيهو في صدر البوست نيابة عن الشيخ ...

عشان ما يجي واحد ابشع من الدار زيك كدا يفتحو ...

الغريبة يا هاشم انا امبارح القريبة دي قلت ليك ارجع اقرا مداخلتي دي براحة ...

تجي تاني يوم تغلط الغلطة الحذروك منها في اضانك ...

يعني اكتر من اكتب ليك في العام ... واضرب ليك في تلفونك وانبهك تقرا المكتوب .... تاني إلا اجيك بالدرب ....


... المهم ... ®Tabaruk2012©

هاشم دبس سلام

الحل وطالما الموضوع ده اتكرر
فالحل هو اغلاق هذه الخلوة بتاعت شيخ طرب ده
سواء بالقانون او رجاله عديللللل

Quote: هاشم دبس سلام الحل وطالما الموضوع ده اتكرر فالحل هو اغلاق هذه الخلوة بتاعت شيخ طرب ده سواء بالقانون او رجاله عديللللل

قال ليهو الله الخلقك انت عارفو .... لاكين كلامك دا كايس مشاكل بس ...

ياخي داير تقفّل زاوية شيخ طرب عشان تخت بدلها شنو؟

قلنا ليكم انشالله بيت المال دي تبقى "تورابورا" ... ومحل الزاوية اعملوا "ساحة رجم وصلب وقصاص" ...

عشان تبرّدوا حشا السلفيين الحارقو الطرب ... ياخي تغيّب الطرب من بيت المال؟ عشان تبقى عيون ام در لى خميس مشيط؟



... المهم ... ®Tabaruk2012©

انا ما افهم المداخلات دي بتتكرر ليه ... عفواً للتكرار ...


... المهم ... ®Tabaruk2012©

تانى يا تبارك؟
ياخ تورابورا دى فى بيت المال مافى
ولا ح تسمع عنها فى بيت المال فى خلال ال200 سنة الجاية.
هاشم كلامو صاح والحادثة وقعت يا تبارك
وبعد اعتذر الشيخ اول امس بالليل تم سحب البلاغ المفتوح
فى وقائع كتيره ما ذكرنا وسميناها مجملاً تجاوزات مجازاً.
احداث امس اخذت منعطف خطير
بالامس تم الاعتداء على احد الشباب من اولاد ودالبنا من ناحية ابوروف
بسكين وحالته حرجة . وقوات الامن اقتحمت بيت المال بحقد وتشفى غريب
وكانه رد على احداث اليوم القبلة بعد طردهم الشباب من الحى.
شى بكاسى وشى مكافحة شغب وشى تاتشرات وشى دفاع شعبى
وشى بملابس مدنيه مع كلاشنكوف.
الناس ديل رايحه ليهم هجليج تانية وبكره تسمع نفرة المجاهدين للجهاد ضد ناس بيت المال
على العموم المسالة كبرت وتطورت الآن شباب ابوروف انضموا لشباب بيت المال
كان شعار امس بيت المل حره والعسكر يطلع بره
بيت الما ل و ابوروف بيت المال وابوروف ( الواو هنا ماو المعيه للما بيفهم الفوق داك)
وعموماً نحاول بقدر الامكان التهدئه ( تعبنا من السهر كل يوم وقروشنا كملت فى التلفونات )
بس موضوع العساكر فى الحلة ده ما فيهو تفاوض
وغير مسؤولين عن سلامة اى شخص بملابس مدنية يحمل سلاح داخل الحى .
وكلما كان استعراض القوة اكبر كان مقاومته اعنف.
مساك الله بالخير

الاخ محمد مكي
تحياتي .. ارجو ذكر الاحداث بالتواريخ والزمن حتى نستطيع ان نتابع الاحداث بالنسبة لنا نحن الذين خارج السودان كما ارجو ايضا ذكر اسماء المصابين في الحي حتى تصلنا المعلومة كاملة
لك كل الود وشكرا على المعلومات

Quote: الناس ديل رايحه ليهم هجليج تانية وبكره تسمع نفرة المجاهدين للجهاد ضد ناس بيت المال على العموم المسالة كبرت وتطورت الآن شباب ابوروف انضموا لشباب بيت المال كان شعار امس بيت المل حره والعسكر يطلع بره

يعني ياود المكي لازم تدفع رسوم العبور للمنبر
اسع الجاب السياسة شنو ،،، العسكر طلبتوه عشان يحمي الارواح
وحتى لو ما طلبتوه من حقه ان يتدخل حتى لا يصبح كل شخص جلاد وحاكم ويقلع القانون بيده
ويطلع في راس البيوت ويرمي الناس بالملتوف
لو ناسك ديل اتوحدوا فليتوحدوا على الانضباط وسلوك درب القانون واحترام النظام العام
التحريض على الحاجات الزي دي بترتد سهامه على الجميع
وهذه الاحياء وغيرها من احياء السودان عرفت بالمساكنة وطيب المعشر
فلماذا تريدنا ان نتوحد على الفوضى والانفلات ؟

سلام ورحمة من الله تعم الجميع ,و
شئ غريب ,,
ومحير ,,
لم نسمع بها من قبل في أحياء السودان كلها ,
بل هذه الزوايا في كل الاحياء تكون هي ومشائخها احد آليات حل النزاعات في الحي بل اكثرها فعالية ,,
== على شيخ الأمين كشيخ صوفي تقع المسؤلية الاولى في حل هذا الأشكال وتسويته , لان هذه هي
سيرة الزهاد ومشائخ الصوفية , فما باله من سلطة روحية على أتباعه ان يبعدهم عن اي محاولة أحتكاك
بالشباب , وان يجلس مع وجهاء الحي وان تطرح كل الأشكالات التى تضايق اهل الحي ,
وغــالبا ما هي من الأشكاليات البسيط التى تحتاج لكل هذه الاشكالية ,واغلبها
من نوعية ,,
1/ قفل الطرق في ليالى الذكر , بعربات الاتباع
2/ استمرار حلقات الذكر لوقت متأخر مع ارتفاع اصوات المايكرفونات
3/ حركة المريدين والاتباع في دخولهم وخروجهم من الزاوية

تدخل الحكومة لن يزيد الوضع الا تأزما ,,,

جنب الله البلاد الفتن ما ظهر منها وما بطن ,

شكري للاستاذ ود المكي ,, لطرحها المتوازن وعمله لحل الاشكال بعيدا عن العنتريات والشو الذي تعودناه في سودانيز اون لاين

انتو تمشوا تفتحوا بلاغ ... لامن البوليس يجي تقولوا دا بوليس شيخ الامين؟

بعدين بلّغ المرأة اعتذاري الشخصي بالله عليك ...

رغم انو انا ما مصدّق القصة ... ولو كنت مكان شيخ الامين بمشي ليها في بيتها واعتذر ليها ... فالجنة تحت اقدام الامهات ... وأياً كان الخلط الذي حدث ... فاعتذر لينا ليها ... حتى لا تتبع الشائعات وتكون فاهمة الصوفية بالقلبة ... زي دي ما بينهروها من مؤامرات السلفيين ... زي دي بيعتذروا ليها حتى لو هي الغلطانة ...

و تورابورا بتاعتكم دي ... التنفعكم ... يعني شاب انطعن في ابروف ... بقيتو القاضي والجلاد وماشين تعاقبوا شيخ الامين ...




... المهم ... ®Tabaruk2012©

العزيز تبارك

Quote: انتو تمشوا تفتحوا بلاغ ... لامن البوليس يجي تقولوا دا بوليس شيخ الامين؟

فتح البلاغ شيئ واستدعاء البوليس شيئ تاني .
يا عزيزي البوليس جاء لحماية الامين (بدون شيخ ) والجماعة المعاه وبعدين عدد كبير من الجماعة المعاه ضباط في الامن والبوليس وانت افهمها براك. امس كانت اسوأ ليلة لأنو البمبان دخل البيوت واثر على كثير من المرضى (في ناس عندها ازمة - ربو - وفي ناس كبار ما عندهم اي ذنب وزيادة على كدة البوليس والناس اللابسين مدني بي اسلحة روعوا السكان وارهبوهم ودي حاجة غير مقبولة على الاطلاق البوليس جا مبييت النية للتنكيل بابناء الحي.
الآن اصبح اغلاق الزاوية امر حتمي .اما البسأل من ان انو الحصل شنو والزاوية ليها اكتر من 15 سنة حقو يعرف انو الصبر ليهو حدود.

ايميل من أحد الأخوان ... يبدو إنو من بيت شباب المال

Quote: السلام عليكو اخونا امين امبارح 1-5-2012 اقتحمت الشرطة وجهاز الامن منطنقة بيت المال كلها وركز مع كلها دى يعنى الناس القريبة من الزاوية والبعيدة و الشرطة تحديدا قامت بترويع وضرب واهانات بالغة من طرف لاى زول قاعد فى الشارع العارف والماعارف وقامت باعتقال عدد كبير ,من الشباب من شارع اب روف ساااااااااااااااااى , واعتقال كلمة دلع وانت عارف الشرطة بترفع كيف, ولحدى اللحظة الناس مارجعت , الشرطة سلمت بعض الشباب لجهاز الامن وديل لم يرجعوا حتى الان الساعة 11 من يوم 2 مايو , الشرطة ارتكبت جرائم امبارح والموضوع ده ماعندو علاقة بشيخ الامين ولا زفت لانو الناس الاترفعت دى بعيدة عن الزاوية واقرب للبحر من سوق الشجرة. بس لتوضيح الحقائق عشان البوست بتاع محمد مكى مايضيع فى السلفيين والشيوعيين وشيخ اللمين قال السلفيين والشيوعيين دايرين يطلعوهو من الحلة!! معليش للمكابسة الساى دى

والله لحدي هذه اللحظة ما قادر أصدق إنو الموضوع ده أبي يتحله بالتي هي أحسن ....

اخونا الفاضل امين
الايميل الوصلك ده هو فعلاً الخلاصة الانا أشرت فوق
بان مشكلتنا مع شيخ الامين انتهت والزاوية اتقفلت.
دلوقت بقت مع ناس البوليس والامن .. امس حدث اقتحام عسكرى
عديل لبيت المال .. بالرغم من انو الشباب تصدوا ليهم على قدر ما يقدروا
ومافى زول كان مستعد للحاجة دى. بس المسالة عندنا حقنا
والبوليس والامن لازم يفهم انو بيت المال دى بره الخريطه بتاعتهم
وحذرناهم من التصعيد لو تكررت ما حتنهى على كده.
والشباب بعد داك ما حيهمهم لو عاوزين يجربوا حرب الشوارع ما فى مشكلة.
من زمان كان فى كراهية بين النظام ممثل فى السلطات الامنية وناس بيت المال
المسألة الآن تحولن لعدواه وتار.
يقيفوا عند حدهم ما يدخلوا بيت المال ..

تحياتى

Quote: اليوم وعلي حسب المعلومه الوصلتني من مصدر موثوق تم ايقاف احد ضباط الشرطه وبرتبه كبيره ومن التابعيين للشيخ واحالته للتحقيق لانه تصرف تصرف شخصي واحضر قوات شرطة من ولاية الخرطوم من دون علم السلطات !.؟؟بالله شوفوا ده كلام؟؟

اهو يا تبارك . اتفضل شوف بنفسك

مزيدا من الايميلات يا محمد مكى ...

Quote: ستاذنا امين اليوم الساعة 10 بالليل رجع الشباب المعتقلين مافى مشكلة ابدا فى نشر الميل وموضوع شيخ اللمين محمد مكى بكون عندو ابديت اكتر منى تدخل الشرطة الاهبل ح يكون عندو رد فعل مضاد ما عارف ح يكون شكلو كيف. موضوع الايدى الخفية ده مأظن يكون فى، بس فى بعض الشباب من الحى الموضوع مؤثر فيهو شديد والاهانات ماقادرين يبلعوها عشان كدة رد الفعل بكون اكبر ده بالنسبة ل شباب الحى ، لك الود والشكر

Quote: Message flagged Wednesday, May 2, 2012 3:58 PM معليش اخونا امين الشباب السلفيين فى الحى ما شوية والموضوع بعنيهم كشباب فى الحى لكن هل تصدق انهم لم يتدخلو فى المنازعة ابدا فقط عشان ما يشوشوا على موقف اهل الحى لانو عارفين الناس مما الصوفية (او مدعين التصوف) يتهبشوا الجوعارين يشبكوك الوهابية والجن الكلكى كلامى ده انا متأكد منو تماما وخلى محمد مكى يقول ليك دمت طيبا وسلامنا لى محمد مكى لانو بكتب بكل شفافية

الايميل التاني ده شكلو ليك يا تبارك ...
يا محمد مكي ... عندي ليك سؤال ياخي : حسب العارفو إنت ... الموضوع ده ما إتحل سلميا ليه ؟

كدى الناس توسع الافق و تشوف ناس الامن و العسكر و الدفاع الشعبى و الملكية المسلحين
بدافعو عن الشيخ واتباعو بضراوة لماذا؟؟؟؟؟؟؟؟
يا ربى يكون والى لكوكب المريخ مثلا
ولا بلطجية ( مبركنين) parking
وبصرفوا عليهم و واجب حمايتم.
ربنا يكضب الشينة

و نرجوا من ناس الامن و العسكر و الدفاع الشعبى و الملكية المسلحين
اعملوا كما كنت و الامور بتهداء

جريدة الصحافة

Quote: قضايا أطرافها حيران شيخ الأمين وشباب الحي .. (بـيـت المـال) لـيالي إختلاط الذكر بالـدم... أم درمان: عباس محمد إبراهيم: وكأن مياه النيل الازرق سريعة الجريان حملت معها من على جنباته المطلة على جنائن الجريف غرب الوارفة غضب النفوس، لتلقي بها على ضفاف نهر النيل شرقي حي بيت المال الامدرماني، لكنها تحولت الى مواجهات هذه المرة بين شباب الحي العريق ومريدي شيخ الطريقة العركية المكاشفية التي تتخذ من الحي مقرا لها منذ عقدين من الزمان،أسبوع فقط هو المدة الفاصلة بين مواجهات الجريف التي استهدفت الكنيسة الانجيلية المشايخية، ومواجهات الحي العريق. اذن المواجهتان احدى طرفيهما هو مقار تخص مجموعات دينية، متابعاتنا كشفت عن ان دوافع الامر في كليهما متضاربة والمسببات التي وقفت خلف عود ثقابهما يلفها الغموض، ان استبعدنا عقل المؤامرة والتدبير المسبق فواجب التحذير وضرورة التحرك السريع لاحتواء الازمة هو مايجب ان نطالب به وبالصوت العالي. جمعة الشرارة نملك ثلاث روايات يتمسك من قاموا بنقلها انها هي من أشعلت نار المواجهات بين المريدين والشباب بالحي ، الرؤيات الثلاث انحصرت في الاعتداء من قبل مريدي الشيخ على امرإة ابنائها من مرتادي الذكر وانصار الطريقة المكاشفية شكت من تمردهم وعصيانهم لامرها، هناك من يصمم على ان عود الثقاب اشعله عراك نشب بين احد المريدين وشاب من ابناء الحي، لكن قد تجد من يقول انه من المشاركين في الاحداث بعد ان اصيبت احدى النسوة بحجر قام بقذفه احد انصار الطريقة، بين كل تلك الروايات تبقى حقيقة من اشعل نار المواجهة غائبة، ومبعثرة مثل خيوط البخور الندي الذي يلف المكان «الصحافة» في ساعة متأخرة من ليل الجمعة انتقلت الى موقع الحدث، بامدرمان حي ود البنا، والجانب الشمالي لحي بيت المال العريق، وقتها كانت المواجهات في اولها ولا احد يتوقع ان ينحدر مسارها الى صورة اعنف في اليوم التالي وعشية اليوم الذي يليه، فامدرمان التي قصدناها عبر شارع ابوروف الجديد او شارع النيل امدرمان كما يسميه ابناء العاصمة الوطنية مؤخراً لم تكن مختلفة عن ذي قبل، شوارعها هادئة كما عرفناها والفناها في هذه الاوقات، فامدرمان يسكنها الصمت كلما توغل الليل في جسدها ليتنفس نيلها دون رقيب، لا ضوضاء او حركة عالية فالمدينة التي تجاوز عمرها المائة سبعة وعشرين عاماً لاتعرف السهر، يمكن ان تعيد الامر الى شيخوخة اصابتها لكن عنفوان شبابها واسهامهم في الحياة بمختلف ضروبها يدفعك للتراجع سريعا، في ليلتنا تلك التي كنا نتوقع ان نجد فيها المنطقة تغلي كالمرجل تمسكت بعادتها وحتى الشارع الفرعي المؤدي لمقار زاوية الطريقة القادرية ومنزلة شيخها الامين كما هو، حركة قليلة بخطىً سريعة من المواطنين بين محلات الطعام في سوق الشجرة، اذن لاشئ ينذر بان المدينة الكهلة تفجر فيها حدث سيقلق مضاجعها ويحرك اركانها لايام طوال، عندما اقتربنا من مدخل زاوية الشيخ الامين في تلك الليلة لم يخطر على البال ان ليالي الايام القادمات هي موعد سوف تسيل فيه الدماء، رغم ان حركة من يمشون فوق المكان كانت تشير الى ان هناك شئ غير طبيعي قد وقع، اعداد متفرقة من الشباب كانت متجمهرة،تحدثنا الى احد شباب الحي يدعي محمد عبدالرحمن»بودي» قال لـ»الصحافة» اخبرنا بانه شاهد عيان لماحدث وتابع المنطقة شهدت عراكاً ومشاجرات عنيفة بين مريدي الشيخ وشباب الحي بعد ان اقدم احد المريدين بضرب واحدة من النسوة تقطن الحي وزاد هذا الزجاج المتناثر يخص بعض السيارات التي تم تحطيمها، لكن في ذات المكان يقول آخر يدعى مهند احمد وهو من اتباع الطريقة ان المشاجرة لا تقف خلف اسبابها امرأة وتابع هو شجار بين احد الفقراء وشاب من الحي، هذا ماكان في ساعات متأخرة من ليل الجمعة التي انطلقت فيها شرارات المواجهات ومعها روايتان مختلفتان، لكن مواجهة الجمعة لم تنتهِ هناك لتنفجر مرة اخرى ليل الاحد ومساء الاثنين التي كانت اقل حدة غير ان الثلاثة ايام التي خلت حصيلة المصابين حتى ليل أمس الاول فيها كانت 36 شخصاً موزعة بين الطرفين، مريدو الشيخ دونوا 28 بلاغاً تتعلق بالاذى الجسيم في مضابط شرطة امدرمان شمال، هذا ما قاله الشيخ الامين لـ»الصحافة» في مقابلة قبل ان يلفت الى انه طالب بعدم المضي فيها الى التقاضي حتى يبقى باب الوصول الى حلول وتراضي بين المجموعتين مشرعا، ،في الطرف الآخر هناك اخبرونا شباب المنطقة عن وجود عشرة مصابين من بينهم من تم نقلهم الى المستشفى، لكن جميع الاصابات التي لحقت بالطرفين لم تكن خطيرة بجانب آخرين اوقفتهم الشرطة قبل ان تخلي سبيلهم. المواجهة الدامية ليل الاحد هو موعد ثابت للذكر بزاوية الشيخ الامين كما اخبرنا بذلك مرتادو الذكر ومريدو الطريقة وعدد من ابناء الحي، فالرجل له اتباع من ابناء الحي لكن اغلب اتباعه يأتون من مناطق خارجية، لنعود ليوم الاحد الماضي الذي لم يكن كمن سبقوه في السنوات الماضية بل الاسابيع التي جرت، ما ان تقف على مطلع شارع الشجرة المتفرع من شارع ابوروف شرقا او وددرو غربا، يمكن ان تقول بلا تردد ان هذه الليلة لن تمضي هادئة، اعداد كبيرة من المريدين يرتدون مرقوعة باللون الاخضر والاحمر تشبه في تفصيلتها الجلباب الذي اشتهرت به طائفة الانصار، في الجانب الآخر حشود من شباب الحي تمركزوا جميعهم في الاتجاه الجنوبي للزاوية، الشرطة شكلت حضورا لافتا وضربت سياجاً امنياً على كل المداخل المؤدية لمكان الذكر، ناقلات الجنود ودوريات الشرطة والعمليات كانت موزعة بكثافة، يقودهم ضابط برتبة عقيد وهناك اعداد من الضباط برتبة الملازم، اذن هناك ما يجب التحسب اليه، مرافقي عندما تجاوزت الساعة العاشرة بعشر دقائق وحينها المريدون يملأهم حماس الذكر يتاأرجحون في حلبته وشيخهم يلوح بعصاء ويطوف بين المريدين قال لي لن تحدث مواجهات، وافقته الرأي وكدنا ان نغادر، لكن لم تمضِ سوى دقائق انفجر فتيل العنف، هناك عبوة ملتوف تم رميها داخل منزل الشيخ وارتفعت بعدها هتافات «الشعب يريد اسقاط شيخ الامين» واطلقت الشرطة الغاز المسيل للدموع، قبل ان تقوم بتوقيف عدد من الشباب و تحرك المريدون الى داخل الزاوية سريعا وفيهم من غادر المكان لتتحول المواجهة بين الشرطة والشباب داخل ازقة الحي الامدرماني العريق. غداة ليلة عنوانها الدم نهار الاثنين تجولنا داخل المنطقة كان برفقتي الزميلتين» هند رمضان وهويدا المكي» والتقينا عدداً من الشباب فيها توقفنا داخل زاوية الشيخ الامين وتحدثنا الى من وجدناهم هناك، كنا نسعى لمقابلة الشيخ نفسه، لكن من استقبلونا طلبوا منا الانتظار او العودة في وقت لاحق مساء، فالشيخ حسب قولهم لم يدخل للنوم منذ ليلة البارحة التي شهدت مواجهات عنيفة ، فضلا الذهاب على ان نعود في المساء وهو ماتم وسنتعرض لها لاحقا، لكن نهار الحي الدامي الذي تجولنا فيه كان يختلف عن ليلته التي خلفت من المصابين عدداً يفوق الثلاثين، ووضعت مسار الازمة في منحى متصاعد لا يمكن الوقوف امامه ان لم يتم التحرك الآن وسريعا، يقول (أي) التقيناه امام زاوية الشيخ ان شباب الحي لازالوا متربصين بالمريدين والفقراء ، واتهم جهات بترتيبهم لكنه لم يسمها واشار الى ان الجهات التي تؤلبهم ضد الذكر والشيخ الآن تقوم بالاجتماع بهم لتحرضهم، غادرنا محدثي وتوغلنا داخل الحي شوارعه الداخلية يصعب حركة العربة فوقها فالحجارة موزعة في كل مكان هي مخلفات ليلة كانت حامية ا########س، هناك حواجز من الحجار الضخمة احد الصبية كان يرافقنا ليدلنا على عدد من الشباب ممن شاركوا في المواجهات قال انها صنعت حتى تعيق حركة الشرطة وتؤخر المطارده، من حديثه ظننا قبل ان نلتقي بالشباب ونتحدث لهم بانهم مجموعة مرتبة ومنظمة وتعمل لهدف وتقف خلفها جهات بعينها كما اتهمها طرف النزاع لكن ظنوننا واتهاماتهم يبدو انها لم تكن في مكانها، فمن تحدثنا اليهم امام مساكنهم التي تقع بالشارع الثاني للزاوية، هم عبارة عن شباب لا يحركهم سوى الغضب والاحساس بالغبن كما اجمعوا في حديثهم لـ»الصحافة» وتمسكوا برواية التعدي على امرأة وضربها لكن بينهم من لا يجزم بان سبب تفجر الاوضاع هو الاعتداء الذي تم على احد نساء الحي، ويتفق مع الرواية التي تقول ان الشعلة سببها عراك بين احد الشباب والمريدين تطور واتخذ هذا المنحى لكن لا ينفي تعرض إمرأة اخرى للاصابة بحجر ويضيف محدثي تم اصابتها بحجر في وجهها عندما ارادت ان تصل الى بناتها داخل الزاوية بعد تفجر الاوضاع لكن (ع/ب) قال لـ»الصحافة» جازما ان هناك إمرإة تم ضربها بالسوط من احد المريدين وهي سبب تفجر الاوضاع وتابع الآن هناك خلط بسبب تلاحق الاحداث فهناك امراتان احداهن ضربت من قبل فقير بواسطة سوط عنج بعد ان اشتكت من عصيان ابنائها وتمسكهم بالمجئ للزاوية، واخرى اصيبت بحجر لكن من اشعل عود ثقاب الازمة هو الاعتداء الاول على المرأة بالسوط من احد المريدين وهو ما اثار حفيظة الشاب بجانب حديث بعض الشباب عن استفزازات سابقة قالوا انهم تغاضوا عنها كثيرا وشكوا من تحركات مريدي الشيخ داخل الحي دون التفاتة للقاطنين وتسببهم في الازعاج وقالوا ان مطالبهم هي ان يأتوا باحترام ويخرجوا باحترام لكن التعدي والضرب يعني ان لا يأتوا الحي مرة اخرى. حسنا.. فالمواجهات بين انصار شيخ الامين وشباب بيت المال لم تنتهِ وفتيل ازمتها لم يجد له احد نازعاً بعد، فالخلاف حول اسباب الازمة هو احد العقبات هذا ما قاله محمد بابكر الذي قال انه يتابع الامر منذ اشتعال الشرارة الاولى، وكشفت جولتنا داخل الحي العريق أمس وأمس الاول عن آثار المواجهات التي حدثت ووقفنا على تهشيم وتحطيم زجاج احد البيوت ويقول شباب الحي ان من اقدموا على ذلك هم مريدو انصار الطريقة ومريدو الشيخ، لكن في المقابل هناك اتهامات ايضا من جانب المريدين تتعلق بتهشيم زجاج سياراتهم وتحطيم طال هياكلها. الا ان التحركات المتسارعة التي تعمل لاطفاء ما اشتعل من نيران بالمنطقة يمكن ان تأخذ بيدها الى بر الامان، وهي بالطبع بدأت مساعيه منذ ليلة الاثنين التي شهدت تحرشات هنا وهناك بين شباب الحي ومريدي الشيخ ،وتابعت «الصحافة» لقاء جمع الشيخ الامين وعدداً من شباب الحي وكباره يتقدمهم مستشار رئيس الجمهورية دكتور الصادق الهادي المهدي الذي كشف في حديث مع «الصحافة» عن ان تحركاتهم تأتي لضرورة احتواء الامر واضاف « الطرفان اهل وكلهم من ابناء المنطقة ولا شك ان فتيل الازمة بينهم يمكن نزعه والذهاب خلف الاحداث برمتها» وتأتي تحركات الرجل بعيدا عن دوره السياسي والتنفيذي بالدولة فهو احد ابناء المنطقة. هذا ما قاله الشيخ كان لابد من مقابلة الشيخ الامين عمر الامين لاستجلاء بعض الحقائق ، فالرجل الذي تجاوز العقد الرابع بسبع سنوات، قرر ان يلتقينا مساء الاثنين بدلا من ساعات نهاره هذا ما افادنا به احد مرافقيه الذي تحدثنا معه من داخل مباني الزاوية الفارهة، عدنا الى مقار الصحيفة لنعود في المساء ونجلس الى الشيخ الامين، اربع ساعات هي المدة التي قضيناها داخل مضيفته، تحدثنا حول الاحداث ووجهنا له العديد من الاسئلة والاتهامات، لكن قبلها رصدنا تحركات واسعة من شخصيات مختلفة بجانب نقاشات بينه وعدد من مشائخ الطرق الصوفية بالطبع تطرقت للامر لكنها ايضا تحدثت عن امور اخرى لا تعني الامر الذي نتقصى حوله في شئ لكنها جعلت ابواب ضفاف اخرى يمكن طرقها مشرعة امامنا، اما في مايخص مسار الاحداث واسبابها فالشيخ الامين يرى ان الازمة التي انفجرت ولازالت تداعياتها مستمرة ونيرانها لم تخمد بعد ان من اشعلوها جهات ترمي وتريد من خلفها خلق فجوة بين ابناء المنطقة الواحدة لكنه شدد على انهم في الزاوية قادرون على جمع الشمل وطي صفحة الخلاف وان الاسباب التي اندلع من خلالها هذا الخلاف البسيط والذي قطع بانه عراك بين اثنين من الشباب احدهم من مريديه وآخر من ابناء الحي، وكذب اي حديث عن ضرب امرأة واضاف ان الخلاف تفجر بعد ان اقدم احد الشباب على مغازلة احدى بنات الزاوية وعندها تم حل الخلاف ولكن والحديث للشيخ الامين _هناك بعض اصدقاء هذا الشاب استطاعوا ان يثيروا حفيظة الآخرين وسارع هؤلاء الشباب من منطقة بيت المال على احداث هذه الخلافات وقاموا بالصعود فوق المنازل المجاورة للزاوية وعملوا على رمي الذين يوجدون في الزاوية بالطوب كما قاموا بتحطيم بعض عربات الحيران الذين كانوا في تلك اللحظة في الزاوية مما خلف 28 مصاباً بين الحيران بعد ان تم ضربهم بالطوب، وتابع المشكلة في ذاتها بسيطة جداً ويمكن احتواؤها ولكن هناك من روج لاثارة الفتنة بين ابناء المنطقة الواحدة وكان القصد هو اغلاق هذه الزاوية التي امتد امدها الى عشرين عاماً وهذا هو اصل الخلاف، هذا ما قاله الشيخ الامين الذي غادرناه لحظة دخول وفد يسعى للوصول الى شواطئ آمنة تخرج المنطقة من ليالي لم تعتادها لكنها كانت دامية وستبقى في ذاكرتها الى ايامها السابقات. هناك العديد من التساؤلات لابد من الوقوف عندها فالروايات الثلاث ومطالب شباب الحي بجانب تدخل اللجنة الشعبية وعقدها هدنة وتسوية كانت مرضية للطرفين لكنها لم تصمد لتنفجر بعدها الاوضاع هي ما سنأتي اليه قبل ذلك ، يمكننا التوقف عند ما قاله الشيخ الامين عمر الامين لـ»الصحافة» في مقابلتها التي امتدت لساعتين اوقفناها مرتين فقط ولسببين الاول عندما دارت اشتباكات في فناء الزاوية واحتواها الشيخ بنفسه طرفها شباب الحي والمريدون ومرة اخرى لاستبدال شريط الكاسيت داخل المسجل، لكن من هم من يتهمهم شيخ الامين بالوقوف خلف الاحداث وهل يعمل الشيخ لمحاربة الشيوعية بالمنطقة ولماذا لم يلتحق بالدراسة في موسكو ومتى سيغلق هذه الزاوية ويوقف فيها الذكر؟ كل هذا نطالعه غداً .

المصدر
http://www.alsahafa.sd/details.php?articleid=45078

Quote: يا محمد مكي ... عندي ليك سؤال ياخي : حسب العارفو إنت ... الموضوع ده ما إتحل سلميا ليه ؟

ممكن اجاوب يا امين؟
لأنو بي صراحة الامين والجماعة المعاه مفتكرين انو الحي ده حقهم ملكهم يعني والناس الساكنيين فيهو ديل دخلاء. ولأنو ناس الحلة حسو انو الناس دي بتتعامل معاهم بترفع واستعلاء . ولأنو الناس المع الامين المنتسبين لقوات الشرطة والامن او ايا كانت مسمياتها دايرين يأدبو ناس الحلة ويسكتوهم عشان تاني ما يفتحو خشمهم نهائي لأي تصرف يصدر من الامين وجماعته . يا امين الموضوع لمن يبقا على ( نحن حا نكسر عينكم بالقوة ) افتكر ده ما ممكن اي واحد من بيت المال بقبلو .
ملاحظة صغيرة : كمية الاساءات الجات من الامين وجماعتو لاهل بيت ما هينة حقوا بدل يحاولو يخوفو ناس الحلة (ويكسرو عينهم زي ما بقولو) يعتذرو اعتذار اصيل ونابع من القلب موش على شاكلة ( لو مات اي زول ولا اتعوق ورونا بس دايرين كم و نحن بندفع) .
الناس دي بالجد ما بتعرف بيت المال,
لك الود
اسامة

Quote: كشفت الحكومة عن إلقاء القبض على (13) من عناصر الحركة الشعبية قطاع الشمال والحزب الشيوعي ومجموعة (قرفنا) ومنسوبين لأحزاب معارضة، يسعون من خلال مخطط تخريبي لتدمير المنشآت الخدمية للمواطنين، بحسب اتهامات معتمد محلية أم درمان الفريق شرطة أحمد إمام التهامي، الذي كشف عن مجهودات الحكومة في احتواء الأزمة التي نشبت بين مريدي شيخ الطريقة القادرية المكاشفية، الأمين عمر الأمين، ومواطنين في أحياء بيت المال وود البنا وودأرو وأبوروف . وقال المعتمد : أهل أمدرمان تربطهم روابط اجتماعية قوية وتعاونوا مع الأجهزة الأمنية في الكشف عن مخطط تخريبي لتدمير بعض المنشآت الخدمية مثل (أمية الكهرباء) بسوق الشجرة، ليخلقوا واقعاً جديداً من خلال إثارة الاضطرابات ، وأشاد بيقظة المواطنين في التصدي للمخطط التخريبي . وأشار المعتمد الى أن الأجهزة الأمنية ألقت القبض على عناصر من خارج أمدرمان يسعون لخلق الفتنة وتحريض الشباب، ويجري التحقيق معهم بدقة للكشف عن الملابسات. وأضاف التهامي : نحن نعتبر هذه العناصر متمردة وتدعم جيشاً اجنبياً في حربه ضد السودان - في إشارة منه للجيش الشعبي بالجنوب - وتم القبض عليهم وهم ينتمون للحركة قطاع الشمال وعناصر لأحزاب معارضة غير وطنية ومجموعة (قرفنا) والشيوعيين، يسعون الى تخريب خدمات المواطنين، وهم يخربون كالمتمردين وسنعاملهم وفقاً لذلك. ونوه المعتمد الى سيطرة الأجهزة الأمنية على الأوضاع بأحياء أم درمان، وقال : هم لايعلمون أن أهل أمدرمان لم يسمحوا لخليل - زعيم حركة العدل والمساواة الراحل - بأن يمكث في أم درمان، التي يتميز أهلها بهذه الروابط الاجتماعية القوية.

ديل اسمهم الجيش الالكترونى للدفاع عن السودان

يبدو ان النظام عاوز يعمل مشكلة معانا.
ما فى مشكلة.. يتحملوا المواجهات ..
فى مارس 1985 اول الاحياء التى خرجت على نظام نميرى كانت بيت المال وابوروف ثم ودنوباوى وودارو ومكى والمورده وبانت والعبالسية.


لسة بنحذر من التصعيد

امين ح ارجع ليك بعدين زز عندى اضافة صغيره على كلام اسمه

يا محمد مكي الناس قايلة ناس بيت المال بياكلو من الكلام الخارم بارم ده؟
بالجد الموضوع ده قلق بيهم .
متابعينك يا مان

Quote: ممكن اجاوب يا امين؟ لأنو بي صراحة الامين والجماعة المعاه مفتكرين انو الحي ده حقهم ملكهم يعني والناس الساكنيين فيهو ديل دخلاء. ولأنو ناس الحلة حسو انو الناس دي بتتعامل معاهم بترفع واستعلاء . ولأنو الناس المع الامين المنتسبين لقوات الشرطة والامن او ايا كانت مسمياتها دايرين يأدبو ناس الحلة ويسكتوهم عشان تاني ما يفتحو خشمهم نهائي لأي تصرف يصدر من الامين وجماعته . يا امين الموضوع لمن يبقا على ( نحن حا نكسر عينكم بالقوة ) افتكر ده ما ممكن اي واحد من بيت المال بقبلو . ملاحظة صغيرة : كمية الاساءات الجات من الامين وجماعتو لاهل بيت ما هينة حقوا بدل يحاولو يخوفو ناس الحلة (ويكسرو عينهم زي ما بقولو) يعتذرو اعتذار اصيل ونابع من القلب موش على شاكلة ( لو مات اي زول ولا اتعوق ورونا بس دايرين كم و نحن بندفع) . الناس دي بالجد ما بتعرف بيت المال, لك الود

شكرا يا أسامة و كتر خيرك علي الرد الضافي ... و كلامك ده إن صح معناتها مش الناس دي ما بتعرف بيت المال و بس ...معناتها ما بتعرف صالحها ذاتو !!
شنو البخليني أخش في مشاكل مع أهل الحي أنا الأنا بذكر فيهو ؟!
يا أسامة أنا بعرف حيران كبار من حيران شيخ الأمين و من مدة طويلة ... و بسمع عن شيخ الأمين الكتير ... أخلتف معاهم ظاهرا و باطنا ... لكن احقاقا للحق الناس ديل لا بتاعين مشاكل ولا ممكن يقولو كلام زي ده و بتكلم هنا عن شيخ الأمين و كبار الحيران ... و العارفو و متاكد منو إنو لو جات مرة لشيخ الأمين اشتكت ولدها بديها الولد في يدها ... أقول هذا الكلام و أنا اختلف معاهم و مع أفكارهم لاخر حد .... و عندي نقاشات طويلة مع شباب من حلتنا دخلو مع شيخ الأمين ... و كوني من ابوروف و بعرف بيت المال و ناس بيت المال ... مافي زول نصيح بعادي الناس دي و شيخ الأمين ده من ود البنا ... يعني ما زول جاء الحلة ماجر و قعد ... هو ذاتو بدخل في مسمي أولاد بيت المال ...
تفسيري الخاص - و أقول هذا الكلام و ليس لدي أي معلومات سوي ما ورد في هذا البوست - إنو في مشاكل صغيرة صغيرة من نوع زحمة العربات أيام الذكر ... إزعاج بالميكروفونات ... حاجات زي دي تراكمت لسنين عددا ... و مع أول إحتكاك ( كان موضوع الحيران البشربو ببيبسي الذكرو أخونا وليد العجب ... كان موضوع المرة الجات تشتكي اولادها و فلقوها ) إنفجر الأمر و لحدي هنا عندي الموضوع مفهوم ... الما مفهوم تصاعد الأحداث بالصورة العجيبة دي ... وين شيخ الأمين و مرتضي البنا و محمد هاشم و وين كبارات ناس بيت المال ؟ الناس دي ليه ما إتلمت عشان تشوف حل سلمي للقضية دي ...
الحاصل ده ما في مصلحة شيخ الأمين و حيرانو تماما ... كلو ما الأمور تزداد سوء ... كلما أصر أهل الحي علي تحويل الزاوية من هذا المكان ... و كان ما نجحو المرة دي .. ح يقعدو يحاولو لحدي ما ينجحو !!!

السخف و قلة الأدب بتاعت البوليس و فهمهم إنو أي حاجة بتتحل بالقوة ده الح يجيب أجلهم إن شاء الله :
ايميل أخر من أحد الأخوان :

Quote: Message flagged Thursday, May 3, 2012 10:30 AM الأستاذ أمين السلام عليكم أنا من أولاد أبوروف-سوق الشجره و موجود في امريكا. أمس أتصلت بي ناس البيت و هذا ما حدث. ناس البوليس و مكافحه الشغب كانوا عاملين ارهاب لي ناس الحله بدخلوا الحله بي عرباتهم بسرعه جنونيه و ما عاملين حساب لي اي زول صغير كان ام كبير. بعد ما حركاتم دي استفزت شباب الحله بداء شباب الحله يفلفوهم بالحجار من داخل البيوت و بعد داك بداء العساكر في اطلاق البمبان عشوائيا. البمبان دخل للناس في بيوتهم. حا أحكي ليك بس الحصل لي ناس بيتنا لأني صراحه ما عارف الحصل للناس التانيه شنو. حبوبتي اللي هي عمرها حوالي 75 سنه و ليست بصحه جيده أغمي عليها و كادت تفارق الحياه لولا لطف الله ووجود ابنها الدكتور في البيت. خالي وقع ليهو بمبان في صدرو و هو جوه البيت. أتنين من اولاد خيلاني الصغار قربوا يموتوا من الاختناق لانهم عندهم ازمه لولا الله لطف و قدر. المشكله يا أستاذ أمين انو ناس البوليس ديل ما عندهم أي أخلاق مهنيه عشان اتعاملوا مع الناس بصوره كويسه و دي المشكله الكبيره. يعني بدل ما الشرطه تهدي النفوس و تطفي النار هم بالعكس بزيدوا النار اشتعالا. انا البهمني بس انو الناس الفي بيوتهم ما يكونوا عايشين في رعب من العمايل بتاعت ناس البوليس دي ياخي لأنوا في أطفال و ناس كبيره في السن و عيانين لازم ناس الشرطه ديل يفرقوا شويه و ما يكون شغلهم عشواءي كده. شكرا يا أستاذ و جزاك الله خير

ده كلام السلطات والعساكر










و دهى تعليقات مختاره , تنادى بضربنا بيد من حديد واعدامنا وقطع رؤوسنا..
هسه نضحك ولانبكى

Quote: إنو في مشاكل صغيرة صغيرة من نوع زحمة العربات أيام الذكر ... إزعاج بالميكروفونات ... حاجات زي دي تراكمت لسنين عددا

الاخ امين
شكرا على ادراجك رد على تعقيبي . شفت موضوع الميكرفونات ده بالذات حاجة غريبة . شفت مسجد السيد المحجوب الفاتح في حوش الرعد ( فريق ازحف اللهو فريقنا انا ودبز ده ) المسجد ده عندو مكرفونات ومنذ افتتاحه وانا بقول الكلام ده لأنو جدي ربنا يرحمو ويحسن اليه كان متابع خطوات البناء بحكمه خليفة السيد محمد عثمان في امدرمان ومن سكان الحي المهم منذ افتتاح المسجد مكرفوناتو سنينة وفي واحد من الخلفاء ربنا يرحمو عاجبو صوتو اها كل مرة بفتح المكرفون الخارجي على الرغم من انو جدي ربنا يرحمو اتفق مع الخلفاء باستعمال المكرفون الداخلي فقط. الموضوع ده ما عجب واحد من الجيران ربنا يديه الصحة والعافية وهو سلفي لكن ما ارهابي - باشمهندس عصام كسلا- فكان كل مرة بلفت نظر الخلفاء للموضوع ده والخلفاء طوالي بعد ما يبدو المولد يستعملو المكرفون الداخلي ولو نسو ممكن في اي لحظة اي واحد يتذكر يقفل المكرفون الخارجي طوالي بعملها . موضوع بسيط وما داير اي لولوة. ناس الامين ديل نحن بعيدين منهم والله يا امين بنسعمهم زي قدام بيتنا وما قلنا اي شئ لكن والله مرات كدة ايام الامتحانات الموضوع بالجد مزعج الواحد وداير ليهو غرفة مصفحة عشان ما يسمع الصوت واقول ليك حاجة والله مرات انا بكون جنب البحر ولا في الملازمين وبرضو بسمعه. ياخ نحنا الطرق الصوفية دي ما عندنا معاهااي مشكلة والامين دة زاتو ما عندنا معاهو مشكلة لكن بس يلم اولادو ديل عليهو وبدل ما يعايرونا بي كلام ما بعرف جابوهو من وين زي( دي كانت بيوت دعارة وبيوت عرقي واسي نحنا بنذكر فيها الله ده جزاتنا) . المفروض يشكرونا على حسن الضيافة طوال الخمستاشر سنة صابرين على ازعاجهم وزحمة الحلة . اما البوليس ده فما في مشكلة حا يتعبو وفي النهاية حا يمشو كومندانيتهم . لكن بعد ما يعرفو انو الله حق ، لأنو بالتحديد ناس سوق الشجرة اللعب معاهم خطر معروفين من زمان مشاكلهم بحلوها بطريقة بعرفوها براهم .

كفيت ووفيت يا اسامة
يا امين موضوعنا مع شيخ الامين يعتبر منتهى .. لكن شوف الحبهات الجديده البيفتحهوا دى
اول امس كان ناقص الطيران والمدفعية .. تقولى إدلب وحماة.
اولاد حلتكم ما قصروا وجاهزين معانا فى اى لحظة.
للمره المليون ما دايريين وجود عسكرى فى الحلة اذا حصل وكرروها فى اى لحظة
بعد ده يلوموا نفسهم

سلام اخي محمد مكي
نشكرك علي فتح هذا البوست
ونشكر طرحك الذي كان متذنا جدا
ونشكر نقلك لحقائق الوضع الميداني
بكل امانة وصدق
لدرجة قد تجعل بعض او غالبية من ابناء بيت المال او انا
تري انك صرت متملق للنظام
ولعلي اعلم اخي سر تملقك الا وهو خوفك علي
تلك البقعة الخالدة
عيون ام در
من بطش الثور او الثيران علي بيوتنا
عن اناس فقراء لا حول لهم ولا قوة
لا يملكون رزق يوم واحد دولار
ورغم ذلك يضحكون ويزهبو للسرير فينامون
وهناك في تلكم الطبقة الفاسدة الحاكمة
يملكون الملايين وهم متجهمون الوجوه عابثين
ويدفعون عشرات الدولارات لينامون

بس كل ما كتبت فوق هو تفاعل مع الحدث كابن لبيت المال
وان كنت في كل الفات صامت وما ذلك الا بفعل الشديد القوي
الا وهو ان يكون بين القوم شخص رشيد

بس عندي نصيحتين من زول بسيط
الاولي للشيخ الامين
وهو الامين عمر الامين
وانا كنت دفعتك ل ٦ سنوات بالابتدائى
عبد المنعم عبداله
وقابلتك وكنت متواصل معك قبل سفرك للسعودية والدراسة
ولعبت معاك بلي في ذاك الزمن التليد حين
نبني فتهدمها الرياح فلا نضج او نثور
وكتر خيرك سالت عني عدة اخوان في اسفارك
وانا زرت مقامك الفاضل عند رجوعي وكان ايمن قائد الاسطول
لم اجد كراسة لاسجل زيارة شخصي سموءك
فالنصيحة شكلك ما باركت للانقاز سمايتهم
وختوك عبرة لمن لا يعتبر ويريدو تاديب اخربن بس شيخ امين
الثمن مدفوع من رصيدك
وناذل بحساب الانقاز
والا
كيف الشفيف المهزب شيخ الامين
ذاك الفتي الجميل ان يكون عاقا
لاهل الحي
ابناء فريقه
ما ذاك الفتي كان او سيكون شيخ امين
انااثق ان شيخ الامين لمحايتو ببسيه
زول من الزمن الجميل
ولا يمكن ان يركب هذه المركب الغرقانة
ده زول انا بغامر بمعرفتي بيه
بيرعي حقوق الجار لي اللا٣٠
بس سيوف كلاب الانقاز ربما تكون مسلطة عن رقبته

ورسالتي نمرة ٢
انتو يا اهل الانقاز ناس حقراء جدا في نظري انا ده بس
فكيتو كثيرا من قياداتكم ومريديكم عكس الهواء
فكيف ضحيتم بالرائد يونس
وبعده العشرات
واليوم تضعون شيخ الامين رهينة لكم
ان حميتوه بعولاقكم فعمره هو عمكرم
وان تركتوه تكونو ضحيتو كما ضحيتم بالامس بالرائد يونس
فاي خيارات تركت لك شيخ الامين
وان كان ما ادعاه هذا الذنديق المعتمد
فادعوك بالحزر الامين واهل بيت المال
وسيرتد درس محمود الكزاب درس المعتمد حقيقة
ليس السنة القادمة قد تكون الشهر البعد الجاي
وشكرا
وعزرا لكل من وجد مشقة في قراءة خطابي
فهو اطول مشاركة لي بهذ المنبر
ودمتم[/B]

موقف السلفيين يا امين ...

بيبدا من "حيرانو جكسي ومحايتو بيبسي" ... ومروراً بتعليقات مثل "هو دا الذكر كدا؟" ... و "ادعياء الصوفية" ... و "هو دا الدين كدا؟" ... و "شيوخ الصوفية انكروه" ... وما إلى ذلك من اشكال الوصاية الدينية على الآخر ... وإطلاق الأحكام العقائدية على مسلّمات الآخر - والتي ليست من الإسلام - لترسم إطار للصوفيين ليكونوا عليه إرضاءًا لهذا التفكير الوصائي ... فالسلفية تغلغلت في أفكار الناس مسبقاً ... والتآمر السلفي على الصوفية لم يبدأ بشيخ الامين ... بل بدأ بتنميط صورة الشيخ الصوفي عموماً باعتباره شاذ عن الدين بدرجة من الدرجات ... ودجّال ومشعوذ بصورة أو بأخرى ... والإختلاف بين الشيوخ اختلاف درجة تديّن - حسب وجهة النظر الوصائية للتديّن - ولكنهم يشتركون في الشذوذ على "المشهور عند العلماء" والدجل والشعوذة ...

بالنسبة لسكان حي بيت المال ... هم كانوا دائماً موضوع النزاع في الحرب بين السلفية والصوفية (دون أن يكونوا طرفاً في النزاع) كأي حي آخر من أحياء العالم الإسلامي الذي يتنازعه التأرجح بين الصوفية والسلفية .... وعادةً الناس لا ترصد مصادر الأفكار بدقة ... لذا لم ينتبه أحد أن الهجمة على شيخ الامين في أصلها هجمة سلفية ... تطلق أحكام وصائية على دينه وطريقته وتصفها بالإزعاج والزحام والاستعلاء وكل ما تبديه عين السخط من توافه الأمور .... زول داير يستعلى عليك ويكسر عينك بالقوة؛ المتصوف ليها شنو؟

نحن نعلم أنهم يريدون أن يطفؤوا نور الله بأفواههم ... ويأبى الله إلا ليتم نوره ولو كره الكافرون ... لذا لدينا الثقة في خروج شيخ الامين نقي الطرف من هذه الأزمة ... وأن ابناء حي بيت المال سيكونوا أفضل وأكثر وعياً بعدها ... فخروج هذه الأفكار المسمومة للعلن يساعد في التخلص منها ...



... المهم ... ®Tabaruk2012©

الاخ محمد مكي

تحية طيبة

ادوني فرصة في لم شمل الناس

اتصلت بعدة جهات من المشائخ وهم في طريقهم لشيخ الامين


وعايز لو امكن تلفون زول قريب من شيخ الامين

======================================================
الزول البكتب باسم مو ده اصبح معروف للناس وهو من ابناء بيت البيت للاسف

سوف يقدم اسمه في الوقت المناسب حتي يكون عظة للاخرين

السلام عليكم
ولكم في خلوة بولس عظة يا اولئ الانقاذ
تحكي الاسطورة القديمة عن حي بيت المال
فى زمن الخليفة عبدالله التعايشي
انه كان من سكان الحي رجل قبطي يدعي بولس
وانه كانت له بنت جميلة
وتقول الاسطورة ان بعض مخبري وعسعس الخليفة الفاسدين في
ذاك الزمن الغابر قد خططو مكيدة ضد ابن بيت المال بولس
وكان هدفهم منها تزويج الرئيس او الخليفة
بنت بولس التي اشتهرت بجمالها
وذلك بعد الاسلمة القسرية
وقد وشوه عند الخليفة بانه يسكن بحي بيت المال
من لا يدين بدين الخليفة
وعلم حكماء وشيوخ بيت المال بالمخطط الخبيث
وعملوا لافشال المخطط لا نكاية في الخليفة
بل لحسن معشر اسرة ال بولس
ونصحو ابن الحي بولس بادعاء الاسلام وفتح خلوة
وقد فعل وارتد كيد العسعس الخبيث الي صدورهم
وخاب رجائهم بتزويج الرئيس وفتق النسيج الاجتماعي
الذي كان سائدا منذ ذاك الزمن الغابر
وظلت اثار خلوة بولس واسرته موجودة الي الان شاهدا
علي قدرة الاديان علي التعايش
وعلي وعي وحكمة ابناء امدرمان
وشاهدا علي فشل موامرات العسعس وارابيب السلطة
في تدمير النسيج الاجتماعي الذي تميزت به امدرمان
فما بال عسعس الانقاذ ومخبريهم الفاسدين اليوم
يحيكون الموامرات ضد حي بيت المال واهل حي بيت المال
ونقول لهم ستفشلون انشاء الله
فالمكر السيي يحيق باهله
وسترتد سهامكم الي صدوركم
انشاء الله
وشكرا

بعد أذن الجميع عن عدم الرد الآن..

فقط أقول أن الوضع محتقن جداً ويوشك على الانفجار
اعداد كبيره من القوات الامنية تحاصر المنطقة المحيطة بالزاوية..
والنوبه دورت قبل شوية , تحدياً لآهل بيت المال.
بالرغم من اننا التزمنا بالتهدئة والزمنا اباء الحى بها.

وللصير حدود

بعد كده ما عندنا اى كلام للشباب و ما حنفدر نقول ليهم اى حاجه والموضوع خرج من يدنا.
ربنا يجيب العواقب سليمة

مظاهر استعراض القوة لحماية الشيخ
بيت المال تحت الاحتلال.
انتظرونا

صور تبين حجم القوات التي تحاصر بيت المال

المجتمعات التي تعزل بين الرجال والنساء هي مجتمعات تعاني أزمات عميقة،،تصل الي مرحلة التهديد بوجودها
فمثل هذه المجتمعات ينتشر فيها
اللواط (ا ل لو اط) (الشذوذ الجنسي)
إنتشار الرذيلة والزنا في الخفاء
التشتت الذهني والميل الي التخلف
الشك(حيث يشك الرجل في أخيه ولا يؤمنه علي زوجته)
التفكك الأسري وإرتفاع حالات الطلاق
وكلها أمراض غير موجوده في السودان،،مجتمع الحيشان
فأمدرمان،مثلاً، بأحياءها الكثيرة هي أحياء حيشان،،يحافظ الشاب علي بنت جيرانه وكأنها أخته
مناسبات الأفراح يتم فيها الإختلاط ايجابياً لتبادل الأفراح،،وهي دائما مناسبات يتعرف فيها الشبان علي الشابات بغرض الزواج

الإختلاط في حلقات الذكر هو شئ عادي وجميل،،بجمال نوايا القلوب وصفاءها
هذا هو مجتمعنا الجميل الراقي،،

شيخ الأمين قدم إنموذج جديد للتصوف والعلاقة بين الجنسين،،واستوعب فئات من الشباب (ميسوري الحال في أغلب الأحيان) في إطار إجتماعي ديني
إنساني،،وهي تجربة رائدة وفيها الكثير من الجرأة الإيجابية

لابد من اي تجربة جديدة ان تعتريها الأخطاء والصعوبات،،،لكنني أدعو أن تتم معالجة الأمر بهدوء ولو أمكن أن يحل الأمر ودياً ويواصل شيخ الأمين في مسيده أفضل
والا يمكن أن يرحل شيخ الأمين الي مكان آخر يمارس فيه شعائره
لا تنسوا ان الشباب والشابات يأتون الي شيخ الأمين بمحض إرادتهم،،وعلينا إحترام هذه الرغبة من أجيال المستقبل

مع الشكر
وحفظ الله بلادنا من كل سوء

بسم الله الرحمن الرحيم
الابن الكبير
و الاخ الصغير
محمد مكى محمد
و الاخوة الاعزاء سكان امدرمان رمانة الميزان لعموم اهل السودان و خاصة بيت المال و ود البنا و سوق الشجرة { عاصمة الامام }
اللذين يسمعون الكلام و يتبعون احسنه
تحية الاديان فى التوراة والانجيل و الزبور و القران { السلام }
الحاصل شنو اليس فيكم رجلا رشيد
الخبث و الدهاء و التامر و الاصطياد فى الماء العكرة .. و جر الانعام الى الزرائب و السلاخانات ..و اخيرا الحقد و الحسد { وليس اخير }
هل ينطلى عليكم { الدخيل الجديد } وانتم ازكى الناس و احلاهم لسانا و ارجحهم عقلا و اكثرهم عدلا .. تكرمون العديم و تسامحون اللئيم ..مترابطين كالبنيان المرصوص .. تعلمون الناس الوحدة و الترابط و السماحة فى الاخلاق و الثقافة و السياسة و الفنون و الرياضة و الحضارة ..
ماذا دهاكم .. هل انتم غافلون عما يجرى حولكم .. الحضارة و التكنلوجيا و الحداثة و التجديد .. ممكن و مباح و متاح .. الا الاصالة و الجزور و العادات التقلليد..هى التى تميزالشعوب عن بعضها .. واذا ذهبت ذهبوا ..
المشاكل و الاحداث التى تابعتها اخيرا ماهى الا امتحان لمدى قوتكم و ترابطكم ..
ارجو منكم تلقين من يريد بكم شرا و تشريدا و تفرقة درسا فى الحكمة و الوعى و التصافى و التصالح
و فيكم العقلاء و الاصفياء و ابونا الشيخ الامين واحد منهم ..
لان الغضب اذا تسرب حرقكم جميعا ..و ذهبت ريحكم و هذا ما يريده اعدائكم .. فاحزروهم
{ يريدون ان يطفاوا نورالله بافوههم ويابى الله ان يتم نوره ولو كره الكافرون } صدق الله العظيم
فارجو مخلصا قفل هذا الباب لانه يذيد النار اشتعالا كما يريد { البعض } و انها لا تعمى الابصار و لكنها تعمى القلوب التى فى الصدور