Post: #1
Title: 1000 ارتري قتلوا في هجليج كانوا يقاتلون الي جانب جيش الحكومه!
Author: Tragie Mustafa
Date: 04-29-2012, 06:58 PM
هكذا تقول مصادرنا
فيا ترى كم كانوا التشادين؟!
وكم كانوا....الماليين....وكم كانوا ناس النيجر؟!
|
Post: #2
Title: Re: 1000 ارتري قتلوا في هجليج كانوا يقاتلون الي جانب جيش الحكومه!
Author: بريمة محمد
Date: 04-29-2012, 07:10 PM
Parent: #1
تراجى
سلام ..
وبالطبع مصادرك تكون عارفه كم قتل من اليوغنديين والتنزانيين والكينين فى صف جيس الجنوب الغازى.
عارفه يا تراجى هجليج يبدو عليها حرب أقليمية وليس حرب بين دولتين ..
بريمة
|
Post: #4
Title: Re: 1000 ارتري قتلوا في هجليج كانوا يقاتلون الي جانب جيش الحكومه!
Author: هجو الأقرع
Date: 04-29-2012, 07:14 PM
Parent: #2
كلام اختنا ام حازم
فعلا العدد 999 يعنى
هى وضعت واحد بس زيادة
|
Post: #9
Title: Re: 1000 ارتري قتلوا في هجليج كانوا يقاتلون الي جانب جيش الحكومه!
Author: Tragie Mustafa
Date: 04-29-2012, 08:14 PM
Parent: #4
يا هجو وانت الصادق رقم 1000 تكون نسيته هو احد اسراكم بالجنوب!
Quote:
كلام اختنا ام حازم
فعلا العدد 999 يعنى
هى وضعت واحد بس زيادة |
الوليد العينه منططات داك قايلني ما عرفته؟!(هههههههههههههههههههههه)
انتو يا هجو....تمتعوا بدقاست الجنوبين الاطلقوا لكم الاسرى بلا تسجيل فيديو لهم
يوضح لهجاتهم عشان نوريكم العجب!!
|
Post: #5
Title: Re: 1000 ارتري قتلوا في هجليج كانوا يقاتلون الي جانب جيش الحكومه!
Author: Tragie Mustafa
Date: 04-29-2012, 07:15 PM
Parent: #2
بريمه
قلت لي الفيكم بدروا بيه:
Quote: تراجى
سلام ..
وبالطبع مصادرك تكون عارفه كم قتل من اليوغنديين والتنزانيين
والكينين فى صف جيش الجنوب الغازى.
عارفه يا تراجى هجليج يبدو عليها حرب أقليمية وليس حرب بين دولتين ..
بريمة |
دجال يا بريمه!!
انتو عارفين الرصعوكم حقيقه منو في هجليج!
اها الاسير الارتري ما شفته!!
|
Post: #3
Title: Re: 1000 ارتري قتلوا في هجليج كانوا يقاتلون الي جانب جيش الحكومه!
Author: احمد التجانى احمد
Date: 04-29-2012, 07:12 PM
Parent: #1
Quote: فيا ترى كم كانوا التشادين؟!
وكم كانوا....الماليين....وكم كانوا ناس النيجر؟! |
الكترابة
دى هجليج ولا هلسنكى , زعلانين عليها كل كيزان جنوب الصحراء ديل
ولو كيزانا وعدوهم ببترول هجليج دة الا يقسموه بالفنجان عليهم
غايتو بيكفى لتعبئية الولاعات حقتهم
|
Post: #6
Title: Re: 1000 ارتري قتلوا في هجليج كانوا يقاتلون الي جانب جيش الحكومه!
Author: jini
Date: 04-29-2012, 07:33 PM
Parent: #3
Quote: هكذا تقول مصادرنا
فيا ترى كم كانوا التشادين؟!
وكم كانوا....الماليين....وكم كانوا ناس النيجر؟! |
سقوهم محاية ولا بخرات!
معقول الكيزان ديل بقدروا يعملوا غسيل مخ عشان المرتزقة ديل يبقوا ليهم دروع بشرية!
بعدين انتى موش قلتى الحركة انسحبت كيف ديل ماتوا!
نيران صديقة!
جنى
|
Post: #12
Title: Re: 1000 ارتري قتلوا في هجليج كانوا يقاتلون الي جانب جيش الحكومه!
Author: Tragie Mustafa
Date: 04-29-2012, 08:36 PM
Parent: #6
جني
عامل فيها ناسي سيادتك....انه....ناسي انه هجليج دي اتهزموا فيها مرتين ؟!
Quote: معقول الكيزان ديل بقدروا يعملوا غسيل مخ عشان المرتزقة ديل يبقوا ليهم دروع بشرية!
بعدين انتى موش قلتى الحركة انسحبت كيف ديل ماتوا!
نيران صديقة!
جنى |
هلجيج دي كان فيها دق شديد وناسك ديل....جروا ورجعوا....كم مره قاليهم؟!
اما استهبالك الانت كجلابي بعرفك سامعه وفايت اضانك.....
| Quote: سقوهم محاية ولا بخرات! |
لا يا استاذ سقوهم جوازات و جنسيات وتوطين!!
بعدين انت يا مستهبل عامل مع زمن السقايه ولا التبخير!!
في منتجوات حديثه موديل 2012 كدي اسال جلابتك ديل!!
ولعلمك معلومات زي دي بتجيني انا بالفرع الشرقاوي فيني فاهم!
يعني من اهلي ولحمي ودمي فاهم!
|
Post: #7
Title: Re: 1000 ارتري قتلوا في هجليج كانوا يقاتلون الي جانب جيش الحكومه!
Author: عبداللطيف خليل محمد على
Date: 04-29-2012, 07:36 PM
Parent: #1
( البلادة ) طبعاً واحدة من بلاوي السياسة ؛ تحديدا عندنا ..
فيا تراجي ( معرفة العدو ) و تقييمو بشكل سليم و عملي و علمي ( ثابت ) في السياسة و العسكرية .
في الاتنين مهم جدا ..
في الاول أهم من التاني و في التاني أهم من الأول .. ان شئت الدقة ..
مبرطعة هنا اليوم كلو ..
و عاملة فيها ( المرا سياسية ) جدا .. و ( حقوقية ) خالص .. و ( لاجئة ) ..
و فاتحة ليك ( معابر ) مع دول و منظمات و غيرو ..
و لسة ما عرفتي ( الكيزان ) كويس ..؟
خيبة كبيرة و الله ..
تانياً :
و تلك واحدة من بلاوينا (السياسية) : ادعاء المعرفة و ( الالمام الكامل ) ..
و ( الشفتنة ) الكاذبة ..
بل و المضللة .. في كل الأحيان ..
و تجربة ( هجليج ) المرة تحولت لعنصر قوة و كسب كبير جدا ..
و عضد و سند شعبي غير طبيعي .. جا للجماعة بلوشي كدا ..
لا حارنو لا دارنو ..
بسبب ( عنتريات ) كاذبة .. زي دي كدا ..
و الحقيقة ..
و التي ستظل حقيقة - أبينا أم رضينا -
أن هجليج حررتها سواعد كيزانية صرفة ..
و يمكن أن أكرر ذلك ألف مرة و مرة ..
بل :
خلقت منهم أبطال ..
و فيهم من لاك النار و خش لهبا من الأبيض الى أن وصل الى عمق هجليج ..
و البشير قال : رجاااااااااالة .. مد هذه الألف الى ان وصلت بهناك لجوبا ..
يمينا بالله لا أريتري .. و لا غيرو ..
ولا استعانوا حتي بصديق ..
و لا جار ..
و لا أقرب الأقربين ..
( بيناتن ) .. و هذه مفردة يعرفها ابناء تلك المنطقة ..
و لم يحصل العكس ..
حين استعانت الحركات ( الثورية ) بدول عرفت بـ ( تقنيات عسكرية ) ..
و لعلم كل القوى التي ترفع السلاح في وجه النظام ..
معلومة يعرفها القادة : أن الكيزان لا يعدمون من يموت في مثل هذه المعارك ..
و قلنا هنا اكثر من مرة :
أن قرار احتلال هجليج لخبط على السياسيين السودانيين ( أمورهم ) ..
اخماسهم و أسداسهم ..
و خسأ سليفا في النهاية ..
و شرب علقم الهزيمة المر ..
و هال عليه الكيزان التراب ..
على وجهه و على مشروعه و على تحديه ..
بل و حتى على حلفاءه .. البين منهم و الخفي .. البعيد و القريب ..
و قلنا هنا :
أن الكيزان يعرفون الجنوب أكثر من سيلفا .. بل و أكثر من الحركة الشعبية ..
بل اكثر بكثير من اغلب ابناء الجنوب ..
و لولا ( حسابات الكيزان ) السياسية : لو قيل للقوات التي دخلت هجليج (عنوة)
امرقوا في جوبا ..
لكانوا هناك قبل مغيب الجمعة ..
و ختي العلومة في اضانك و اديها للجنبك ..
خلاصة القول :
في مداخلة بعد ردك ..
|
Post: #8
Title: Re: 1000 ارتري قتلوا في هجليج كانوا يقاتلون الي جانب جيش الحكومه!
Author: Elawad
Date: 04-29-2012, 08:04 PM
Parent: #7
سلام يا تراجي
طيب دي ما حاجة كويسة نشكر عليها الحكومة و هي تتجه لترسيخ الوحدة الأفريقية و تحسم أدعياء العروبة في السودان. إريتريين و ماليين و تشاديين و نايجريين و عاشت الوحدة الأفريقية... بلا عرب بلا لمة.
|
Post: #10
Title: Re: 1000 ارتري قتلوا في هجليج كانوا يقاتلون الي جانب جيش الحكومه!
Author: حافظ انقابو
Date: 04-29-2012, 08:18 PM
Parent: #8
غايتو يا تراجي
حيرتينا معاك
يوم تقولي إنسحبو
ويوم تقولي ماتو ألف
طيب يا ستي إنسحبو وأقتنعنا
الالف أريتري ديل ماتو جوعا؟؟
أصلك يا أم حازم بتاعة بطبطة
لما إقتنعتي إنو ناس سلفا
إتضربوا وهربو .. دايرة تفنشي
الجيش السوداني بإنوا الحررو
هجليج أريتريين ..
قولي كلام يخش الدماغ
والتحية للقوات المسلحة السودانية
وتبا للكيزان ومؤسساتهم
مودتي
|
Post: #11
Title: Re: 1000 ارتري قتلوا في هجليج كانوا يقاتلون الي جانب جيش الحكومه!
Author: ABUHUSSEIN
Date: 04-29-2012, 08:25 PM
Parent: #10
إنتي عيانة ....
|
Post: #20
Title: Re: 1000 ارتري قتلوا في هجليج كانوا يقاتلون الي جانب جيش الحكومه!
Author: Tragie Mustafa
Date: 04-29-2012, 11:40 PM
Parent: #10
حافظ سلامات
قلت لي عايز كلام يخش الدماغ ياتو دماغ يا الحبيب؟!
العها دماغك...معليش ما شتيمه لكن انت لو عندك دماغ
ما بتقيف في المكانه الاخلاقيه و الفكريه الانت واقف
فيها دي من قضايا الظلم في السودان.
Quote:
غايتو يا تراجي
حيرتينا معاك
يوم تقولي إنسحبو
ويوم تقولي ماتو ألف
طيب يا ستي إنسحبو وأقتنعنا
الالف أريتري ديل ماتو جوعا؟؟
أصلك يا أم حازم بتاعة بطبطة
لما إقتنعتي إنو ناس سلفا
إتضربوا وهربو .. دايرة تفنشي
الجيش السوداني بإنوا الحررو
هجليج أريتريين ..
قولي كلام يخش الدماغ
والتحية للقوات المسلحة السودانية
وتبا للكيزان ومؤسساتهم
مودتي |
بعدين منو قال لك تراجي قالت حرروا ولا راحوا شمار في مرقه
المهم قالت شاركوا واترشوا؟! رش الويل زي ما اترش جيشكم جيش الهنا!!
فيا زول اقعد غش في روحك
لكن يا ريت تبقوا رجال بس وتقدر تطلعوا احصاءات حقيقيه لكل الخسائر البشريه التي تمت بحقكم؟!
|
Post: #13
Title: Re: 1000 ارتري قتلوا في هجليج كانوا يقاتلون الي جانب جيش الحكومه!
Author: Tragie Mustafa
Date: 04-29-2012, 08:51 PM
Parent: #8
العوض......
هلا....وين يا حبيب الوحده الافريقيه(هههههههههههههههههههه)
قول الكلام ده لزول ما عنده حديده!
دي الوحده بتاعت الجهاد الاسلامي !!
Quote:
سلام يا تراجي
طيب دي ما حاجة كويسة نشكر عليها الحكومة و هي تتجه لترسيخ الوحدة الأفريقية
و تحسم أدعياء العروبة في السودان. إريتريين و ماليين و تشاديين و نايجريين
و عاشت الوحدة الأفريقية... بلا عرب بلا لمة. |
الحاصل انه في الجهاد الاسلامي
عربك طلعه خوافين و الدارويش هم الافراقه المشتنجين!!
اها ما لاحظته عمك الطيب مصطفى بلع لسانه مع (العبيد)لاحقا!!
|
Post: #14
Title: Re: 1000 ارتري قتلوا في هجليج كانوا يقاتلون الي جانب جيش الحكومه!
Author: Tragie Mustafa
Date: 04-29-2012, 09:29 PM
Parent: #13
هلا....هلا....بالمفكرين الاذكياء....هلا باولاد ستالين ولينين....وعبد الظنبار
Quote:
( البلادة ) طبعاً واحدة من بلاوي السياسة ؛ تحديدا عندنا ..
فيا تراجي ( معرفة العدو ) و تقييمو بشكل سليم و عملي و علمي ( ثابت ) في السياسة و العسكرية .
في الاتنين مهم جدا ..
في الاول أهم من التاني و في التاني أهم من الأول .. ان شئت الدقة ..
|
بطل قلة ادب اولا.
وفكر ايها المنتفخ الاوادج نحن بنكتب لمنو؟!
يا دلاهة يا الما مبرطع هنا.....في رسائل نحن
بنكتبها لحكومتك دي العامل فيها انت معارض ليها!
نحن ما بنكتب لك انت يا المقطع الفهم و السياسيه!
وكتابه شفته زي الثلاث سطور الفيكتهم في البوست ديل وصلوا رساله قويه للمستهبلين هؤلاء.
نحن في شغل نفساني محدد بنشتغله مع الناس ديل!
ويجيوا الزيكم ديل يصوتوا الفيلم بوهم الفهم!!
هذا اولا من المرأه ############ه المبرطعه هنا حسب لغتك!
ثانيا:
عدو شنو وبطيخ شنو؟! دلاهاتك ديل نحن عارفين قوتهم كويس.....وضعفهم كمان
بس فات عليك منو قال لك انا مسؤله من كل رودو افعال المعارضين
ولا السياسين ولا طبظاتهم؟!
هل وافقت انا على دخول هجيلج؟!
ولا اقول لك هل دخلت انا اصلا هجيلج؟! عشان تسالني؟!
انا شخصيا ما دخلته ممكن تتقول لي لا لم تدخلي ولكلنك باركتي دخولهم!
ودي برضها قضيه ثانيه....الحاصل كله انه بنحاول
(just try to put our self in other people shoses) وهذا كل ما هنالك!
فهمته حاجه؟! يا الما بليد؟!
انا لم ادخل ولكني احاول ان افهم و افسر رؤى الذين دخلوا لانه صوتهم مغيب هنا.
فهمته حاجه ولا لسه نشرح؟!
Quote:
مبرطعة هنا اليوم كلو ..
و عاملة فيها ( المرا سياسية ) جدا .. و ( حقوقية ) خالص .. و ( لاجئة ) ..
و فاتحة ليك ( معابر ) مع دول و منظمات و غيرو ..
و لسة ما عرفتي ( الكيزان ) كويس ..؟
خيبة كبيرة و الله ..
|
انت المانعك من البرطعه شنو ولا منو؟!
ما تبرطع وتعلم المساكين الزينا ديل كيف يفهموا الكيزان؟!
نحن الكيزان فاهمهنم من عام 1983 واضفنا الي جانب فهمنا للكيزان فهمنا لما يسمى باالجلابه!! ودي مؤسسه غير ملموسه ولكنها محسوسه!
ودي فهم صعب قاسي على امثالك فهمه!!
Quote: تانياً :
و تلك واحدة من بلاوينا (السياسية) : ادعاء المعرفة و ( الالمام الكامل ) ..
و ( الشفتنة ) الكاذبة ..
بل و المضللة .. في كل الأحيان ..
و تجربة ( هجليج ) المرة تحولت لعنصر قوة و كسب كبير جدا ..
و عضد و سند شعبي غير طبيعي .. جا للجماعة بلوشي كدا ..
لا حارنو لا دارنو ..
بسبب ( عنتريات ) كاذبة .. زي دي كدا .. |
شوف يا مسكين هجليج....دي الدخلتها فيهم(الكيزان + الجلابه) ما بتطلع!
وانت ما تتوهم انك تعرفه عن هجيلج لا يعادل ربع راس جبل الجليد! وقع لك؟!
Quote: و الحقيقة ..
و التي ستظل حقيقة - أبينا أم رضينا -
أن هجليج حررتها سواعد كيزانية صرفة ..
و يمكن أن أكرر ذلك ألف مرة و مرة ..
بل :
خلقت منهم أبطال ..
و فيهم من لاك النار و خش لهبا من الأبيض الى أن وصل الى عمق هجليج ..
و البشير قال : رجاااااااااالة .. مد هذه الألف الى ان وصلت بهناك لجوبا ..
يمينا بالله لا أريتري .. و لا غيرو ..
ولا استعانوا حتي بصديق ..
و لا جار ..
و لا أقرب الأقربين ..
( بيناتن ) .. و هذه مفردة يعرفها ابناء تلك المنطقة .. |
يمينك دي امشي شوف لك صوم ثلاثه ايام صومه لانه هذا تحديدا انا بقولوا لك وبيوت العزاء
للشباب الماتوا واغلبهم من (قبائل كرن السبعه) نحن عارفنها واهلنا مشوا عزوهم!!
كلام عبيط زي كلامك ده تقولوا لسلفاكير او تغش بيه خواجا ممكن لكن انا بنت الشرق و الغرب
لا تستطيع ان تحلف لي يمين في ناس عارف اسمائهم حتى!!
امشي صوم صيامك يا زول بلا لهب لا بلطيخ احمر معاك.يا احمر ودرويش!
Quote: و لم يحصل العكس ..
حين استعانت الحركات ( الثورية ) بدول عرفت بـ ( تقنيات عسكرية ) ..
و لعلم كل القوى التي ترفع السلاح في وجه النظام ..
معلومة يعرفها القادة : |
صوم صيامك واصلا نحن لما نحب نلعب ( بوليتكا) بنعرف نلعبها مع منو
ومش مع داوريش ما يعرف ب(القوى السياسيه)
نحن بنلعب مع الكيزان راس! شفته عمك هجو الاقرع ده مما يجي جاري اعرف هبشناهم في الغريق!!
Quote: و قلنا هنا اكثر من مرة :
أن قرار احتلال هجليج لخبط على السياسيين السودانيين ( أمورهم ) .. |
(هههههههههههههههههههههههههههههههههههههههه)
السياسين السودانين ديل منو يطرشني كان سمعت بيهم؟! العلهم تنابلة الصبيان في الخرطوم؟!
يا حبيب ديل زمانهم فات وغنائهم مات!
يا اخي بتبالغ انت ذاتك قال سياسين وفي الخرطوم كمان؟!
يعلهم ديل البسببهم الكيزان قعدوا فوق راسنا فوق العقدين؟!
Quote: اخماسهم و أسداسهم ..
و خسأ سليفا في النهاية ..
و شرب علقم الهزيمة المر ..
و هال عليه الكيزان التراب ..
على وجهه و على مشروعه و على تحديه ..
بل و حتى على حلفاءه .. البين منهم و الخفي .. البعيد و القريب .. |
على فكره اقتباس زي العباطه الكتبتها دي بيضحك عليك خلق الله
الا اذا كنت تتوهم اننا اغبياء مثل من يشتري صحف الخرطوم!!
Quote: و قلنا هنا :
أن الكيزان يعرفون الجنوب أكثر من سيلفا .. بل و أكثر من الحركة الشعبية ..
بل اكثر بكثير من اغلب ابناء الجنوب .. |
ممكن اتفق معاك في جزئيه من كلامك ده
الكيزان يعرفون الجنوب اكثر من كل احزاب الشمال السابقه
اما بقية الكلام فهو مجرد لغو!
Quote: و لولا ( حسابات الكيزان ) السياسية :
لو قيل للقوات التي دخلت هجليج (عنوة)
امرقوا في جوبا ..
لكانوا هناك قبل مغيب الجمعة .. |
انت كدي قبال الفصاحه دي كدي اقدر اكتب منو هم القوات الدخلت هجليج
ولعلمك لالتزمات سياسيه انا برضو ما بكتب كل البعرفه
بس عايزه اشوف نوع برطعتك دي آخرتها شنو؟!
مني هي القوات التي تتحدث عنها انت؟!
Quote: و ختي العلومة في اضانك و اديها للجنبك ..
خلاصة القول :
في مداخلة بعد ردك .. |
لعلمك
انت يبدو احد من وصفتهم انهم صاروا منبهرين بالنصر الانقاذي
و العايزه اقوله لك انت وكل معارفك واصدقائك تنتمى لمنطقه واحده في السودان
لعلمك انت من لا يعرف ال 80% من شعب السودان كانت
بتقول شنو ولا زالت عن(جرسة الجلابه وجراقيسهم في هجليج)!
وبرجع لاحقا.....
|
Post: #15
Title: Re: 1000 ارتري قتلوا في هجليج كانوا يقاتلون الي جانب جيش الحكومه!
Author: صلاح غريبة
Date: 04-29-2012, 09:35 PM
Parent: #14
انا غبت كم يوم علشان احقق من العدد
فاتضح ان العدد 1001
نامل من الاخت تراجي فتح بوست جديد بالعدد الجديد
|
Post: #16
Title: Re: 1000 ارتري قتلوا في هجليج كانوا يقاتلون الي جانب جيش الحكومه!
Author: بدر الدين اسحاق احمد
Date: 04-29-2012, 09:44 PM
Parent: #14
Quote: نحن في شغل نفساني محدد بنشتغله مع الناس ديل!
|
الاستاذة الكريمة والاخت الفاضلة تراجى ( ام حازم )
رجاء بما أن الموضوع جاب ليهو حرب نفسية ودكاترة نفسيين
وطه بعشر والتجانى الماحى ومحايات وعروق وكاتب ومكنوب
للتكرم بالعلم أنا من يوم الليلة دا فارقت الجماعة ودا طرفى منهم
وربنا يولى من يصلح
|
Post: #17
Title: Re: 1000 ارتري قتلوا في هجليج كانوا يقاتلون الي جانب جيش الحكومه!
Author: Tragie Mustafa
Date: 04-29-2012, 10:59 PM
Parent: #16
بدر الدين اسحاق بتاع مطاعنات النساء انت فاكر انا ناسيه تعليقك القذر اياهو؟!
بقينا في الاستاذه الكريمه و الاخت الفاضله؟!
وحياتك استاذه وكريمه واخت فاضله غصبا عنك وعن انقاذك!
هذا اولا:
Quote:
| Quote: نحن في شغل نفساني محدد بنشتغله مع الناس ديل! |
الاستاذة الكريمة والاخت الفاضلة تراجى ( ام حازم )
رجاء بما أن الموضوع جاب ليهو حرب نفسية ودكاترة نفسيين
وطه بعشر والتجانى الماحى ومحايات وعروق وكاتب ومكنوب
للتكرم بالعلم أنا من يوم الليلة دا فارقت الجماعة ودا طرفى منهم
وربنا يولى من يصلح |
(هههههههههههههههههههههههههههههههه)
اما (الفقرا) الباركين تحتهم ناسك و القتلوا د.جون قرنق ويستعدون الآن لقتل سفاكير
وروضوا اوباما وبلعوا رايس لسانها و..و...الخ! و الصرفوا عليهم أغلب اموال البترول
عارف ديل بقلبوا عليهم قريب....كلمهم بس ناسك ديل واهم اغلبهم قاعيدن معاط بيطالعوا!
قول لهم بيقلبوا لما صلاح قوش يرجع يكثر المحلبيه للبشير اقصد(الكتابه) عشان يرجعه!
ويكون وقتها ابو رياله برضو مسلط الفكي بتاعه على البشير عشان ما يشيله من وزير دفاع!
و....و.....شفتوا وقتها(الجن) ذاته يقولو لكم حيرتوا ابونا!!
اها
انت كبير السجاده التجانيه بنيجريا ما عارفه قال شنو؟!
ولا بتاع المغرب المشرى ليه البشير ايام عامل بيرضي وداد مش يفتش للولاده؟!
ولا الناس البيركبوهم طيارت للاهاي عشان يرشوا قدام مكاتب المحكمه الجنائيه؟!
دي فكرنا ما عارفنهم!!
اها لعلمك انا بكبت لهم كل ده لاني الاكثر اطلاعا على مجتمعات الجلابه!
وهم بيبلغوني بانفسهم قصص وبالاسماء عارفنها؟!
الركب مش لاهاي ورقم السفريه وكابتن الرحله؟!
فيا حبيب باعشر وديتوا ليه الغلابه الطحنتوهم!
وحسبو ما قصرتوا مع نصف الشعب الله يرحمه بقى متردد على عيادته!
اها انت كلم شيخ علي
قول ليه تراجي قالت لك في واحد مغربي
متخصص في علاج السرطان كدي طله!
ناس بوركينا فاسو المشى ليهم آخير ما شاطرين بالحيل
كدي خلي يجرب ده يمكن ينفعه اصلا نتمنى ان نجده حيا لما نرجع للخرطوم
قول ليه انت من الناس البتمنى حوارهم لماذا فعلوا بنا هذا؟!
|
Post: #18
Title: Re: 1000 ارتري قتلوا في هجليج كانوا يقاتلون الي جانب جيش الحكومه!
Author: بدر الدين اسحاق احمد
Date: 04-29-2012, 11:23 PM
Parent: #17
حسى كدا الله يسألك يا تراجى إنتى قاعدة تنسى ولا شنو
تذكرى أخر مرة تكلمتى فيها معاى كانت عن شنو
ما عن الجماعة اياهم
ولا نسيتى
( اياك تنكرينى حطب كما تعودتى )
يطاعنو ليك شنو مع الصهاينة حقينك ديل
وكمان اقول ليك متأكد جدا أنو مافى زول بيجئ خاشى بوستاتك
بينظر الى إنك إمراة بيرشك من طرف
حليلك يا النائمة على كرعينك
يطاعنو ليك شنو فوقو
_______
اها سحبنا الاخت الكريمة والفاضلة والاستاذة وابدلنها بـ
طنط فرنسـا
ولا احسن ماما امريكا
ولا ابله اسرائيل
|
Post: #19
Title: Re: 1000 ارتري قتلوا في هجليج كانوا يقاتلون الي جانب جيش الحكومه!
Author: اساسي
Date: 04-29-2012, 11:40 PM
Parent: #18
Quote: الكترابة
دى هجليج ولا هلسنكى , زعلانين عليها كل كيزان جنوب الصحراء ديل
ولو كيزانا وعدوهم ببترول هجليج دة الا يقسموه بالفنجان عليهم
غايتو بيكفى لتعبئية الولاعات حقتهم |
والله بالغتي يا تراجي ياخ تعليق احمد دا الز تعليق في البوست تجليهو وتعملي ما شايفاهو ما احترمتي احمد والله
هاهاهاهاهاهاي علي الدين ضحكت بضمير الليلة يا ابو حميد
ـــــــــــــــــ
يا تراجي انت ومحمد سليمان بعد كنتو فاردين اجنحتكم وتكادوا تتقافزوا من الفرح والبهجة ايام احتلال هجليج , بدأت عليكم الان مظاهر المسكنة او ادعائها ,ولعب دور الضحية من اول وجديد او كما اسلفنا الدور البتجيدوهو وبتبتزوا بيهو الغربيين عموما , المهم شايفكم شغالين انت ومحمد سليمان في تهيئة الجو العام الايام دي لما هو متوقع حسب المواقف الغربية البدت تسيغ نفسها بعد تحرير هجليج لكن نبشر الناس المتوقعين منكم حاجة انهم لو زرعوا قطن كان طرح ليهم طواقي وعمم ولا ان يرجوا من ورائكم رجاء
|
Post: #21
Title: Re: 1000 ارتري قتلوا في هجليج كانوا يقاتلون الي جانب جيش الحكومه!
Author: عبداللطيف خليل محمد على
Date: 04-30-2012, 07:55 AM
Parent: #19
تراجي :
يا كركعوبة انت ..
كنت عارف انو ردك حيكون كدا ..
لكن برضو ما مشكلة ..
( متعودة ) ..
بس احلى شي :
Quote: ولعلمك لالتزمات سياسيه انا برضو ما بكتب كل البعرفه
|
هاهاهاهاها ..
اموت انا في ( الالتزام السياسي ) و ( كل البنعرفو ) ..
المعرفة .. ما عندكم !!
تعرفي ( أبو النوم ) ؟
سؤال تاني :
حارة الشطة و لا أحلى الـ 1000 أريتري ؟
ردي بموضوعية لو سمحتي !!
تخ :
( قرقر) أس 1000 .
|
Post: #22
Title: Re: 1000 ارتري قتلوا في هجليج كانوا يقاتلون الي جانب جيش الحكومه!
Author: العوض المسلمي
Date: 04-30-2012, 08:35 AM
Parent: #21
يا تراجي سلام عليك
يعني حكومتنا حافظت علينا وخافت اننا نموت فخسرت قروش في زمن الدولار الغالي ده واجرت مرتزقة عشان يحاربوا بدلنا !
والله كتر خيرها وبنشكرها علي هذه اللفتة البارعة ،
ومعليش يا تراجي كلامك لبدرالدين عشان يقولو لشيخ علي فيه شماتة والمرض مافيه شماتة فانتبهي اختي الكريمة لهذه الامور
ونسال الله الشفاء لشيخ علي ولجميع المرضي ...
______
اها انت كلم شيخ علي
قول ليه تراجي قالت لك في واحد مغربي
متخصص في علاج السرطان كدي طله!
|
Post: #24
Title: Re: 1000 ارتري قتلوا في هجليج كانوا يقاتلون الي جانب جيش الحكومه!
Author: ناذر محمد الخليفة
Date: 04-30-2012, 09:03 AM
Parent: #22
!!!!!!!!
| Quote: Re: 1000 ارتري قتلوا في هجليج كانوا يقاتلون الي جانب جيش الحكومه! |
نفسي اعرف الجزئية دي لطشتيها من ياتو بوست وجيتي جارية عملتي بيها بوست منفصل .!!
قدر ما فتشت في المنبر دا غلبني ..! وطبعا أكيد ويستحيل تكوني أجتهدتي براكي وعملتيهو..!
بقيتي تلطشي من منابر تانية عشان ما أعرفك ولا شنو ؟؟!
نسأل الله السلامة ..!!
|
Post: #26
Title: Re: 1000 ارتري قتلوا في هجليج كانوا يقاتلون الي جانب جيش الحكومه!
Author: Frankly
Date: 04-30-2012, 09:24 AM
Parent: #24
Quote: نفسي اعرف الجزئية دي لطشتيها من ياتو بوست وجيتي جارية عملتي بيها بوست منفصل .!!
قدر ما فتشت في المنبر دا غلبني ..! وطبعا أكيد ويستحيل تكوني أجتهدتي براكي وعملتيهو..!
بقيتي تلطشي من منابر تانية عشان ما أعرفك ولا شنو ؟؟!
نسأل الله السلامة ..!! |
ههههههههههههههههههههههه
بالله يا ناذر انت برضو ناقش الحكاية دي
الموضوع بتاع تدوير البوستات (recycling) أنا نقشتها زماااااااان وجريت شريط
كنت قايل نفسي براي الكاشف الموضوع دا
لكن يا ناذر لازم نعترف "التدوير" دا مرّات بطلّع بوستات أقوى من الأصل والشمار الفيها زايد شوية لكن بيسبك الطبخة
ألذ حاجة بهارات "الفقرة" و"السحرة" دي طعمها حاجة تانية خالص
ههههههههههههههههههه
|
Post: #23
Title: Re: 1000 ارتري قتلوا في هجليج كانوا يقاتلون الي جانب جيش الحكومه!
Author: محمد كابيلا
Date: 04-30-2012, 08:44 AM
Parent: #1
تراجى ..
تحياتى .
ديل لو أرفقتى مع هذا البوست صور
حــ يقولوا الصور دى فى رواندا دا
دا ما هجليج ؟
|
Post: #25
Title: Re: 1000 ارتري قتلوا في هجليج كانوا يقاتلون الي جانب جيش الحكومه!
Author: Abdlaziz Eisa
Date: 04-30-2012, 09:13 AM
Parent: #23
Quote:
تعرفي ( أبو النوم ) ؟
سؤال تاني :
حارة الشطة و لا أحلى الـ 1000 أريتري ؟
ردي بموضوعية لو سمحتي !!
|
الرد بموضوعية!!!!!!!!!!!!!!!!!!!!
|
Post: #27
Title: Re: 1000 ارتري قتلوا في هجليج كانوا يقاتلون الي جانب جيش الحكومه!
Author: عبداللطيف خليل محمد على
Date: 05-03-2012, 09:34 AM
Parent: #25
في حد بالله شاف ليو 1000 اريتري ميتين جوا ماشين بجاي ؟
|
Post: #28
Title: Re: 1000 ارتري قتلوا في هجليج كانوا يقاتلون الي جانب جيش الحكومه!
Author: ابراهيم تون
Date: 05-03-2012, 10:46 AM
Parent: #27
يا اخوانا يا حباينا يا حلويييييييييييييين
ايها المتداخلون ايها الشرفاء
صدقو الاخت تراجى انها لا تنطق كذبا
فعلا كل ما ذكر صحيح 100%
جوطى جوطى يا اخت تراجى
|
|