Post: #1
Title: هيبة يا المريخ.. بلاش مازيمبي.. بلاش بتيخ!!
Author: الامين موسى البشاري
Date: 04-28-2012, 07:41 PM
هيبة يا المريخ .... هيبة يا المريخ
رافع راسنا دوماً لا تخشى مقارعة الكبار
و لأنكـ كبير فهم يخشون مقارعتكـ
يكفي أن اسمكـ مسجل بأحرف من نور في سجلات
الاتحاد الافريقي كأول نادي ســوداني يجلب العز والفخار لوطنه
نهواك في كل الاحوال
|
Post: #2
Title: Re: هيبة يا المريخ.. بلاش مازيمبي.. بلاش بتيخ!!
Author: الامين موسى البشاري
Date: 04-28-2012, 07:45 PM
Parent: #1
دعواتنا تسابق امنياتنا
بتحقيق نتيجة جيدة تمهد لكـ الطريق الى دور الثمانية
المبارة من شوطين شوط هناكـ
وشوط هنا في القلعة الحمراء وسط الانصار
يتقدمهم الجنيد قائد فرقة مشجعي المريخ
بالتوفيق
|
Post: #3
Title: Re: هيبة يا المريخ.. بلاش مازيمبي.. بلاش بتيخ!!
Author: أيمن دياب
Date: 04-28-2012, 07:49 PM
Parent: #1
هههههههههه
يازول أركز وبطل الهضربة..
بكرة أوع تقفل جوالك بعد الساعة سبعة..
|
Post: #4
Title: Re: هيبة يا المريخ.. بلاش مازيمبي.. بلاش بتيخ!!
Author: حافظ انقابو
Date: 04-28-2012, 07:58 PM
Parent: #3
يا زول ما تهضرب
شكلك حلمت بالضرب
بالله دي حالة دي
وكمان بتسمع ندى القلعة؟؟؟
منك لله يا مازيمبي
ول أبا إستغفر
|
Post: #5
Title: Re: هيبة يا المريخ.. بلاش مازيمبي.. بلاش بتيخ!!
Author: د.محمد حسن
Date: 04-28-2012, 08:04 PM
Parent: #4
مسطول بشكي لي دكتور ، قال ليه: أنا
كل ماأنوم بشوف كدايس بتلعب كوره
الدكتور قال ليه خﻼص ماتنوم تاني
قال ليه: مابقدر بكره مباراة النهائي
|
Post: #6
Title: Re: هيبة يا المريخ.. بلاش مازيمبي.. بلاش بتيخ!!
Author: Dr.Elsadig Abdalla
Date: 04-28-2012, 08:07 PM
Parent: #4
سلامات يا بشاري
جماعتك ديل بعد ما أخدو الخمسه بالهنا والشفا قايلين كل الناس طير زيهم مكن يتاكل لحمو ..هيهات ...
|
Post: #7
Title: Re: هيبة يا المريخ.. بلاش مازيمبي.. بلاش بتيخ!!
Author: عبداللطيف حسن علي
Date: 04-28-2012, 09:23 PM
Parent: #6
الغلبتا بتها جات تأدب ...
عارفين تيمهم دا حمام ميت حتي لو مع شلوفة الجنائزي
تحياتي ياصفوة
ناس مازمبي عارفين في ايداهو تاني قاعد
كان اديكو ول ساكواها ول كلتشي
بس ريكو يقفل ورا كويس !
|
Post: #8
Title: Re: هيبة يا المريخ.. بلاش مازيمبي.. بلاش بتيخ!!
Author: محمد البشرى الخضر
Date: 04-28-2012, 09:26 PM
Parent: #6
نكون واقعيين يا الأمين و تعتبروا كورة مازمبي استعداد للكونفيدرالية
شوف الأتيام الفي الكونفيدرالية السنة حمام ميت كيف :
أنبي X سي او باماكو
اسيك ابيدجان X مكناس
رويال ليوباردز X النادي الافريقي
واري ولفز X بلاك ليوباردز
سيمبا X الاهلي شندي
هارتلاند X ايه سي ليوباردز
انتركلوب X الامل
وداد كازابلانكا X ريال باماكو
غايتو كان ختيتو انتركلوب دا ما بتجيكم عوجة تاني ههههههههههه
|
Post: #9
Title: Re: هيبة يا المريخ.. بلاش مازيمبي.. بلاش بتيخ!!
Author: الامين موسى البشاري
Date: 04-29-2012, 06:44 AM
Parent: #8
مريخ السودان يكمل العدة والعتاد لمفاجأة الغربان في اصعب امتحان !!!
Quote:
يبحث المريخ عن تعزيز فرصه في الترقي لدور مجموعات دوري أبطال أفريقيا عندما يواجه مازيمبي الكنغولي عصر اليوم بلوممباشي معقل الفرقة الثرية في جولة الذهاب ولن تكون مهمة الأحمر سهلة في مواجهة الطموح الكبير لمازيمبي الذي يملك الخبرة والإمكانات الكبيرة ولا يدخر جهدا في سبيل الحصول على بطاقة الترشح التي تقود رأسا لدور المجموعات وغادرت بعثة المريخ في توقيت مناسب قبل خمسة أيام من موعد المباراة ورغم الصعوبات البلغة والمتاريس التي وضعها الكنغولي في طريق الفرقة الحمراء إلا أن الروح المعنوية تبدو عالية والرغبة كبيرة في الترقي نحو دور الثمانية وسعي البرازيلي ريكاردو لشحذ الهمة وتخفيف الضغط على اللاعبين من خلال الحديث المتواصل معهم ومطالبته بالتركيز .
وأدي الفريق تدريبه الأساسي والختامي للمباراة أمس وأمس الأول وسط إهتمام كبير من قبل الجهاز الفني ونجوم الفريق ورسم أسلوبه الذي سيخوض به وحدد البرازيلي ريكاردو عناصره التي سيدفع بها في مباراة اليوم وأختبر جاهزيتها في التدريبات الماضية وركز ريكاردو على عناصر بعينها ستجد حظها في المشاركة وتتكون من أكرم الهادي سليم في حراسة المرمي ، باسكال سيرجي واوا أحمد عبد الله ضفر متوسطا دفاع ، بله جابر وموسى الزومه على الأطراف ، سعيد مصطفي ، وأحمد الباشا ونصر الدين الشغيل في محور الإرتكاز ، سكواها و كليتشي أوسونوا ، في المقدمة الهجومية .وتعتبر التشكيلة التي ستخوض مباراة اليوم هي المباراة هي المثالية في غياب نجم الدين عبد الله .بينما يملك ريكاردو على مقاعد البدلاء مجموعة متميزة في مختلف وظائف الملعب .وأعرب البرازيلي ريكاردو عن ثقته في تقديم نجومه لمباراة متميزة معترفا بالصعوبات التي سيواجهها فريقه لكون الكنغولي يملك الخبرة والإمكانات والرغبة في التقدم بعيدا في البطولة بعد أن خطف اللقب قبل موسمين ولكن ريكاردو عاد وأكد أن فريقه يملك الرغبة والطموح أيضا عبر إقصاء مازيمبي ورأي أن تخطي الكنغولي الخطير يعزز الثقة ويؤكد أن الأحمر صعب المراس وقادر على الظفر باللقب مبينا أنهم يفكرون في الوقت الحالي في تقديم مباراة جيدة والخروج بنتيجة جيدة تسهل من المهمة وعلى الجانب الآخر أعترف نجم المريخ الدولي نصر الدين الشغيل بصعوبة مباراة فريقه أمام مازيمبي الكنغولي مشيرا إلى أن الكنغولي صعب المراس وشرس ويملك الطموح الكبير ويدخل لاعبوه المباريات وعينهم دائما على اللقب ولكنه عاد وأكد أن فريقه قادر على تقديم مباراة بطولية لافتا للإمكانات والخبرة الكبيرة لنجوم فريقه مبينا أن المريخ دائما قادر على قلب الطاولة وتقديم الأفضل في اللحظات الصعبة والحاسمة وأعتبر الشغيل أن الحرب النفسية التي يتعرض لها الفريق عادية وتحدث دائما مع كل الأندية مشيرا إلى أن فريقه إعتاد تماما على كل المواقف وتفادي الصعوبات مؤكدا قدرتهم على تقديم مباراة بطولية تليق بالمريخ وتأريخه متمنيا أن يوفق زملائه في تجاوز مطب مازيمبي وإحراجه على أرضه ووسط جمهوره.
الشروق تواصل مساعيها لنقل المباراة
كعادتها دائما سعت قناة الشروق الفضائية لنقل مباراة المريخ أمام مازيمبي الكنغولي عصر اليوم وأجتهد موفد القناة هشام في مهمته وينتظر أن تكلل مساعيه بالنجاح ويصل لإتفاق يقضي بنقل المباراة على أن تنقل مباراة الإياب بالقلعة الحمراء وتنتظر جماهير المريخ متابعة النقل الحي للمباراة على غرار مباراة الفريق أمام بلاتنويم على ملعب روفارو بهراري وعلى الجانب الآخر أكمل وفد الإذاعة السودانية كافة الترتيبات لنقل المباراة على الهواء مباشرة ودرجت الإذاعة على نقل مباريات القمة وبقية مشاركات الأندية المختلفة في البطولة السودانية .
|
|
Post: #10
Title: Re: هيبة يا المريخ.. بلاش مازيمبي.. بلاش بتيخ!!
Author: صديق عيسى صالح
Date: 04-29-2012, 06:58 AM
Parent: #8
الله يمرقنا من الغربان السود خاصه مع دفاعنا اللى فيه امثال موسى الزومه
|
Post: #11
Title: Re: هيبة يا المريخ.. بلاش مازيمبي.. بلاش بتيخ!!
Author: abas
Date: 04-29-2012, 07:12 AM
Parent: #10
الرجفيبه والكبكبه يا البشاري ما بتحلكم
الليله يوم الرش
واحد قال تيمنا حمام يعني البشبشه بشبشت الحمام الميت عديل مش
سبحان الله الجمل ما بيشوف عوجة رقبتو تيم فيه موسي الزومه الفضل فيه شنو
|
Post: #12
Title: Re: هيبة يا المريخ.. بلاش مازيمبي.. بلاش بتيخ!!
Author: حمزاوي
Date: 04-29-2012, 07:14 AM
Parent: #10
هيبة يا المريخ
هيبة يا النجمة
منصورين باذن الله
|
Post: #13
Title: Re: هيبة يا المريخ.. بلاش مازيمبي.. بلاش بتيخ!!
Author: الامين موسى البشاري
Date: 04-29-2012, 07:34 AM
Parent: #12
المريخ فريق كبير .. والصفوة لا تخشى الكبار
ولذلكـ فهو لا يخشــى مقارعة الكبار
عودنا المريخ الثبات في المباريات الكبيرة
ودائماً المريخ يقدم أحلى عروضه خارج الديار
الهلالاب ومن حيث لا يحتسبون أعطوا لاعبينا دافعاً كبيراً
بجانب دوافعهم الشخصية الكبيرة وروح المريخ الموجودة فيهم
لأنهم منتظرين كي يشمتوا في المريخ
بعد أن اذلهم مازيمبي داخل المقبرة بخماسية ولا أروع
دعوات الصفوة تلاحقكم لكي تكتبوا التاريخ من جديد
منصورين باذن الله لتحقيق نتيجة ايجابية تعينهم في مباراة العودة
|
Post: #14
Title: Re: هيبة يا المريخ.. بلاش مازيمبي.. بلاش بتيخ!!
Author: معتصم محمد صالح
Date: 04-29-2012, 07:56 AM
Parent: #13
تحياتي يا بشاري والنصر لنا
وبلاش مازمبي بلاش بطيخ
نحنا النجمة في القمة واسالوا عننا التاريخ
عجب .. سكواها سواها وكلتشي عندو طبيخ
بكرة قريبة كان الله حيانا ويصبح مازمبي بالع سيخ
|
Post: #15
Title: Re: هيبة يا المريخ.. بلاش مازيمبي.. بلاش بتيخ!!
Author: الامين موسى البشاري
Date: 04-29-2012, 08:09 AM
Parent: #13
Quote: هههههههههه
يازول أركز وبطل الهضربة..
بكرة أوع تقفل جوالك بعد الساعة سبعة.. |
ابو اليمن المريخ سوف يخيب ظنكم باذن الله
وليس من الذين يقفلون جوالاتهم مفتوح 24/7
****
حافظ انقابو
علي اليمين أنت ألذ زول راااجل تحفة عديل كدا
| Quote: وكمان بتسمع ندى القلعة؟؟؟ |
مووووووووووبالغة طبعاً قلت لي ندى القلعة
أصلي ما بسألكـ ولا بناقشكـ يا قولات حبوبة
لوووووووووووووول
حافظ دا جماعة ودوهو الضل داكـ
**
محمد حسن
Quote: مسطول بشكي لي دكتور ، قال ليه: أنا
كل ماأنوم بشوف كدايس بتلعب كوره
الدكتور قال ليه خلاص ماتنوم تاني
قال ليه: مابقدر بكره مباراة النهائي |
**
Quote: سلامات يا بشاري
جماعتك ديل بعد ما أخدو الخمسه بالهنا والشفا قايلين كل الناس طير زيهم مكن يتاكل لحمو ..هيهات ... |
ههههههههههههههه ديل ضايقين يدو يا صفوة
وعشان كدا راجين الشماتة
تصدق مهتمين بكورة المريخ أكثر من اهتمامهم بمباراتهم
|
Post: #16
Title: Re: هيبة يا المريخ.. بلاش مازيمبي.. بلاش بتيخ!!
Author: الامين موسى البشاري
Date: 04-29-2012, 11:37 AM
Parent: #15
Quote: الغلبتا بتها جات تأدب ...
عارفين تيمهم دا حمام ميت حتي لو مع شلوفة الجنائزي
تحياتي ياصفوة |
بس ياها يا عبد اللطيف
بالتوفيق للاحمر الوهاج
**
| Quote: غايتو كان ختيتو انتركلوب دا ما بتجيكم عوجة تاني ههههههههههه |
انت شوف ناسكم احسن ليكـ
اصلا ما ح تكون نتيجة المريخ اسوأ مما حدث للهلال
**
| Quote: الله يمرقنا من الغربان السود خاصه مع دفاعنا اللى فيه امثال موسى الزومه |
يا ول ابا ياخ وانا بقول عليك راقي كدا ليه
بالتوفيق للاولاد
والنعام اطرده جيهة جاااري
**
Quote: الرجفيبه والكبكبه يا البشاري ما بتحلكم
الليله يوم الرش |
ما علينا الا الانتظار
غايتو الدخلها فيكم مازيمبي ما بتمرق بالساهل يا عبس
**
Quote: تحياتي يا بشاري والنصر لنا
وبلاش مازمبي بلاش بطيخ
نحنا النجمة في القمة واسالوا عننا التاريخ
عجب .. سكواها سواها وكلتشي عندو طبيخ
بكرة قريبة كان الله حيانا ويصبح مازمبي بالع سيخ |
وبالطول بالعرض مريخنا يهز الارض
من اراد البطولات عليه مواجهة الكبار والتغلب عليهم
شكرا يا نيستا يا صفوة
**
Quote: هيبة يا المريخ
هيبة يا النجمة
منصورين باذن الله |
شدو الهمه والمريخ دوماً في القمة
منصورين باذن الله
|
Post: #17
Title: Re: هيبة يا المريخ.. بلاش مازيمبي.. بلاش بتيخ!!
Author: مها عبد الله
Date: 04-29-2012, 11:52 AM
Parent: #16
Quote: نحنا النجمة في القمة واسالوا عننا التاريخ
عجب .. سكواها سواها وكلتشي عندو طبيخ
بكرة قريبة كان الله حيانا ويصبح مازمبي بالع سيخ |
منصورين بإذن الله
تسلم يا البشاري
|
Post: #18
Title: Re: هيبة يا المريخ.. بلاش مازيمبي.. بلاش بتيخ!!
Author: اسامه خليفه
Date: 04-29-2012, 01:01 PM
Parent: #17
سلام يا بشاري..
بالتوفيق للمريخ وكل الفرق السودانيه اليوم ...
|
Post: #19
Title: Re: هيبة يا المريخ.. بلاش مازيمبي.. بلاش بتيخ!!
Author: محمد عمر الفكي
Date: 04-29-2012, 01:09 PM
Parent: #18
هلا هلالي يا الحلمان
3 او 4 ولاقيني بعد نهايتها
قلت لي موسى الزومة لاعب؟ الله يستر من الخماسية
صراحة يالامين عندي احساس 3/ صفر لشنو ما عارف في حين انه الهلال قد يفوز 2 صفر او تلاتة واحد
|
Post: #21
Title: Re: هيبة يا المريخ.. بلاش مازيمبي.. بلاش بتيخ!!
Author: tmbis
Date: 04-29-2012, 01:28 PM
Parent: #19
Quote: رافع راسنا دوماً لا تخشى مقارعة الكبار
و لأنكـ كبير فهم يخشون مقارعتكـ
يكفي أن اسمكـ مسجل بأحرف من نور في سجلات |
...
..
نحن في المريخ نهوى .. مهما شنو كدا ما عارف .. أو نحو ذلك ,,
|
Post: #25
Title: Re: هيبة يا المريخ.. بلاش مازيمبي.. بلاش بتيخ!!
Author: الامين موسى البشاري
Date: 05-02-2012, 03:57 PM
Parent: #19
| Quote: صراحة يالامين عندي احساس 3/ صفر لشنو ما عارف في حين انه الهلال قد يفوز 2 صفر او تلاتة واحد |
الاقتباس دا للتاريخ عشان لو اتلوترته ما تنكرنا بعدين :)
|
Post: #20
Title: Re: هيبة يا المريخ.. بلاش مازيمبي.. بلاش بتيخ!!
Author: حبيب نورة
Date: 04-29-2012, 01:27 PM
Parent: #18
أردم يا بشاري ولا تأخذكم به شفقة الرشاشات ديل
|
Post: #22
Title: Re: هيبة يا المريخ.. بلاش مازيمبي.. بلاش بتيخ!!
Author: tmbis
Date: 04-29-2012, 02:58 PM
Parent: #20
واحد الله
|
Post: #23
Title: Re: هيبة يا المريخ.. بلاش مازيمبي.. بلاش بتيخ!!
Author: Abdlaziz Eisa
Date: 04-29-2012, 03:37 PM
Parent: #22
البشاري يا صفوي
سلامات
منتصرون باذن الله
ولا نامت أعين الصفراب
|
Post: #24
Title: Re: هيبة يا المريخ.. بلاش مازيمبي.. بلاش بتيخ!!
Author: الامين موسى البشاري
Date: 04-29-2012, 05:13 PM
Parent: #17
Quote: منصورين بإذن الله
تسلم يا البشاري |
مها يا صفوة تسلمي
وقد خيب الاولاد آمال الهلالاب
***
Quote: سلام يا بشاري..
بالتوفيق للمريخ وكل الفرق السودانيه اليوم ... |
ود الخليفة تحياتي
هذا هو المريخ والنتيجة يمكن تعويضها
***
Quote: هلا هلالي يا الحلمان
3 او 4 ولاقيني بعد نهايتها
قلت لي موسى الزومة لاعب؟ الله يستر من الخماسية
صراحة يالامين عندي احساس 3/ صفر لشنو ما عارف في حين انه الهلال قد يفوز 2 صفر او تلاتة واحد |
قلت لي ثلاثة شنو؟
يا الفكي أبو حمامة طايرة
كورتكـ فكت بصراحة
***
| Quote: نحن في المريخ نهوى .. مهما شنو كدا ما عارف .. أو نحو ذلك , |
يا دكتورة الحقي لينا الزول دا بحبوب الدغت ياخ
نحن في المريخ أخوة نعشق النجم ونهوى
نتيجة ما بطالة خيبت آمالكم والمريخ قادر على التعويض باذن الله
اخوان دحدوح العملوها مع الترجي والبنزرتي زمان
قادرون على ذلكـ بلو راسكم انتم
**
| Quote: أردم يا بشاري ولا تأخذكم به شفقة الرشاشات ديل |
قصدكـ الفته كاااااااااااااااااااااااااااك
**
Quote: البشاري يا صفوي
سلامات
منتصرون باذن الله
ولا نامت أعين الصفراب |
اخو العريس يا صفوة
منتصرين باذن الله ولنا لقاء في القلعة الحمراء
ستهتز الارض تحت اقدامهم
|
Post: #26
Title: Re: هيبة يا المريخ.. بلاش مازيمبي.. بلاش بتيخ!!
Author: الامين موسى البشاري
Date: 05-12-2012, 09:33 AM
Parent: #24
اليوم معركة العبور بلاش مازيمبي بلاش بتيخ
منتصرين باذن الله
|
Post: #27
Title: Re: هيبة يا المريخ.. بلاش مازيمبي.. بلاش بتيخ!!
Author: الامين موسى البشاري
Date: 05-12-2012, 04:17 PM
Parent: #26
Quote:
تتقاطر جموع الرياضيين وعشاق كرة القدم بصفة خاصة صوب استاد المريخ وذلك لمتابعة ومشاهدة المباراة المصيرية والحاسمة والأخيرة بين مريخ السودان ومازيمبي الكنغولي في المواجهة الثانية والاخيرة لهما في بطولة افريقيا للاندية ابطال الدوري، والتي ستحدد الصاعد منهما لدور الثمانية.
وتحظى هذه المباراة بأهمية خاصة من بين كافة الجولات الاخرى في البطولة، خصوصاً وان احد طرفيها هو بطل افريقيا والذي تم ابعاده من النسخة السابقة، وهو مازيمبي صاحب الاسم الكبير والشهرة الواسعة في القارة، اضافة لذلك فان الطرف الأساسي فيها هو مريخ السودان الذي سيلعب بأرضه ووسط جمهوره.
٭ الأحمر أكمل اعداده لمواجهة اليوم بأدائه لتدريبات متواصلة ولعب مباراتين في الدوري الممتاز أمام كل من النسور وهلال بورتسودان، واختتم استعداداته بتدريب أداه امس الجمعة شارك فيه اللاعبون المرشحون لاداء المباراة وحرص خلاله المدير الفني للفريق على توجيه اللاعبين لتنفيذ العديد من الجوانب المهمة أبرزها سرعة الايقاع، الجماعية، التصويب من خارج المنطقة، الرجوع للوراء في حالة فقدان الكرة، والضغط على حاملها ومهاجمة الخصم عن طريق طرفي الجنب والتعامل السليم مع العكسيات وانتهاج اللعب بمبدأ اللمسة الواحدة دون ادنى تعطيل او المراوغة بالكرة وقد جاء التنفيذ من اللاعبين جيدا، الشيء الذي جعل كابتن ابراهومة يصرح بارتياحه واطمئنانه.
٭ ومن واقع التدريبات فمن المنتظر ان يخوض المريخ مباراة اليوم بتشكيلة تضم كلا من أكرم الهادي، باسكال، ضفر (سعيد السعودي)، موسى الزومة، بلة جابر، نصر الدين الشغيل، الباشا، موتيابا، ساكواها، كلتشي (اديكو). ويذكر ان فريق المريخ قد انتظم في معسكر مقفول بفندق كورال (الهيلتون سابقا) عقب وصول الفريق من بورتسودان. وكان رئيس مجلس الادارة وعدد من الاعضاء قد شهدوا مران امس الاول وسجلوا زيارة لمعسكر الفريق أمس وقد خاطب الاستاذ جمال الوالي اللاعبين والجهاز الفني مطالبا اياهم باسعاد جماهيرهم وتقديم اداء مقنع والصعود بفريقهم للمرحلة المقبلة. وأكد على ثقته فيهم، ناقلا اليهم رغبة انصار المريخ برؤية فريقهم ضمن فرق دور الثمانية.
|
|
Post: #28
Title: Re: هيبة يا المريخ.. بلاش مازيمبي.. بلاش بتيخ!!
Author: Nasruddin Al Basheer
Date: 05-12-2012, 08:34 PM
Parent: #27
هاردلك يا اللمين
مازيمبي نجا من هزيمة ثقيلةزز
خيرها في غيرها
|
|