العلاقة بين السخف وsocial intelligence والشخصية الاسفيرية والكتابة ..!

و(الثقافة السودانية )!











مجرد مباصرات !

"A person who is nice to you, but rude to the waiter, is not a nice person."

او كما قال !

Quote: العلاقة بين السخف وsocial intelligence والشخصية الاسفيرية والكتابة

Quote: A person who is nice to you, but rude to the waiter, is not a nice person.

او منبر سوق امدفسو كما قال اسامة الخواض

قبل شوية كنت بفكر في حاجة زي بعد دخلت عدة بوستات

لكن شفت البوست وكاتبه قلت كفاية كدا!

شكرا هيثم ، اتمني تواصل وتقول مالديك

كان في واحد من الظرفاء، بتاع طشمة و شراب
و ما بيصلي كلو كلو ..

أها يوم الله هداهو و جا صلاة الجمعة ..
لسوء الطالع خطبة الإمام كانت عن عقاب شارب الخمر

و الإمام كان متعود يعاين في إتجاه محدد بالجامع في كل خطبة
قوم يا صاحبنا حظك يوقعك في الحته دي بالذات !!

طبعا في نص الخطبة الزول قام بغضبة مضرية
و قال للإمام :" إنت ما تقول "فلان" عديل كده"
و طلع من نص الصلاة !!*


دحين يا هيثم ..
إنت ما تقول "...."** عديل كده

___________________________________________________
* True story
** إنت عارف و أنا عارف و الله عارف !!
( و لا عزاء للماعارفين)

Quote: طبعا في نص الخطبة الزول قام بغضبة مضرية و قال للإمام :" إنت ما تقول "فلان" عديل كده" و طلع من نص الصلاة !!*

برضو في واحد امام بتاع كلوا

اثناء الخطبة في واحد عارف عنه اي حاجة وشاركوا فيها

..كل ما الامام يقول كلمة يقوم صاحبو دا يقول هه كضاب

الامام اتضايق وقال في تلاتة بيدخلوا النار ضمان:

كاتل الروح والعاق بوالديه والـ######## القاعد هناك دا


نتونس لغاية مايجي هيثم...

محمد قرشي ..

Quote: كان في واحد من الظرفاء، بتاع طشمة و شراب و ما بيصلي كلو كلو .. أها يوم الله هداهو و جا صلاة الجمعة .. لسوء الطالع خطبة الإمام كانت عن عقاب شارب الخمر و الإمام كان متعود يعاين في إتجاه محدد بالجامع في كل خطبة قوم يا صاحبنا حظك يوقعك في الحته دي بالذات !! طبعا في نص الخطبة الزول قام بغضبة مضرية و قال للإمام :" إنت ما تقول "فلان" عديل كده" و طلع من نص الصلاة !!*

واحد في حلتنا من نفس المواصفات دي .. الصلاة التقول حالف عليها طلاق ..! غايتو جارو أنصار ستة مصر يهديهو .. قعد معاهو يقنعو ويقنعوا لحدي ما داك إقتنع بالليل ووعدو بكرة يمشي يصلي الصبح حاضر معاو وهو كان جادي فعلا .. مشوا الصلاة في أمانة الله وصلو وصاحبنا مطمن جدا .. لمن طلعوا سوا لقى شبشبو الوحيد والجديد إتسرق ..! إتلفت جاي وجاي ما لقاهو أنقر عمل شنو ..!!

سب دين للجامع وللصلاة ولعموم اهل القبلة وهتف ليهود بني قريظة وغايتو سوى عمائل اليوم داك ..!!

الزول دا لي يوم الليلة رافض يصلي أو يمشي الصلاة من الحادثة ديك واخدا سبب ورجع لي طشمتو وضلالو ..!!

Quote: كاتل الروح والعاق بوالديه والــ (...) القاعد هناك دا

Quote: سب دين للجامع وللصلاة ولعموم اهل القبلة وهتف ليهود بني قريظة وغايتو سوى عمائل اليوم داك ..!!

غايتو يا عبداللطيف و ناذر
الله يجازيكم* ..
مت من الضحك ..

لكن كان كدا ..
زولي دا قديس عديل
و كمان (أسلم و حسن إسلامه) آخر أيامه

و مادام الموضوع بايز و هيثم حيشاكلني حيشاكلني
هاكم حادثة تانية من نفس الزول

كان يوم راجع من الجرف و مبهدل شوية
قام شاف ليه سيد حمار شايل أزيار ببيعها من بره الحلة
فوقف سأله من تمنها ..
أها .. بتاع الحمار (إستزبلو) على قول المصريين
و قال ليه ما أظنك بتقدر تشتري ..

قام شالتو الهاشمية و طلع ليهو دقشة قروش و قال ليه نزل الأزيار دي كلها
و بعدها قال ليه كسرها !! و كان أبيت بكسرك إنت دا !!
و بعد الأزيار بقت حطام أداه القروش كلها و مشي خلاه منطط عيونه


أفتكر عندها علاقة من بعيد كده لعنوان البوست !!!

__________________________________________________________
* بالخير طبعا !!

Quote: قام شالتو الهاشمية و طلع ليهو دقشة قروش و قال ليه نزل الأزيار دي كلها و بعدها قال ليه كسرها !! و كان أبيت بكسرك إنت دا !! و بعد الأزيار بقت حطام أداه القروش كلها و مشي خلاه منطط عيونه

ود قرشي ، التهميش والاستبخاس ما سبب بلاوينا!

تقول مايكسر الازيار ...


انا غايتو غايزني هيثم دا...عشان كدا نقعد نتونس زي ماعايزين


مرة كدا(قصة حقيقية برضو) عمك كبير جا الجزارة

وجد الواقفين كلهم بيشتروا كميات ، عشرة كيلوا

كراع كاملة ، حاجات زي دي ..وصاحب الجزارة مهمش عمنا

ومتجاوزو مرة واحدة ...

قام عمك كورك فيهو : انت قايل نحنا ماعندنا قروش ول شنو؟!

والله القروش العندي انا ، بس الله يديني عمر اكملها بيهو!!

يازول الناس كلها رجعت ورا وجاء عمك قدام اول زول ...

الجزار قال لعمك : اها عايز شنو ؟!

عمك : جيب ربع كيلوا ...*

ـــــــــــــــــــ

* عمك كان سمع بكبسور كان اشتري تمن كيلوا ....


زولك ياقرشي بتاع الازيار مابعيد عن الsocial intelligence

عشان كدا كسر الازيار

Quote: انا غايتو غايزني هيثم دا...عشان كدا نقعد نتونس زي ماعايزين

بالمناسبة بقى إسمه (هيثم ساي)
و أنا بقيت (الدكتور محمد قرشي)

كان ما فهمتها شوف هنا
إعتذار كبير لهشام هباني و عبدالمنعم عبدالله ....

علشان كده أنا حأمسك في الجزئية دي

Quote: زولك ياقرشي بتاع الازيار مابعيد عن الsocial intelligence

علشان (هيثم ساي) ما يجي يتهمني بحرف البوست

أها وصلنا لياتو نكته !!

ههههههه جنس محن
يا حلوين سلامات -
عبد الطيف
القرشي
خليفة
الزوار !
شكرا لاثراء الخيط بما لذّ و طاب !!
و عشان ما تفتكروا انا ممكن اغير ليكم الموضوع هاكم دي انا زاتي اشارككم في الاستباحة :
قال ليك نفس الجامع المشي ليهو زول ناذر الخليفة ! الامام بعد ما اقامو الصلاة مسك ليك الناس استوو
اعتدلو ويتلفت يمين شمال ويرجع لي ورا .. قام المؤلفة قلبو بتاع ناذر كان واقف في اخر الصف لمن زهج قاليو ما تصلي يا شيخنا .
. انت داير تصلي ولا تشوت ليك فاول !!

و الاغرب من كدة نفس الامام جا يخطب يوم الجمعة و اكتشف انو نسي الكتاب البقرا منو -و بقت عليهو حالة الدكتور الكان بعالج من الكتاب و فجأة لقي الصفحة التالية مافي !
المهم فكر فكر - قام التفت للمصلين وقال لهم :

اسمعوا يا بشر منذ كم عااام وانا أخطب فيكم وأعظكم !؟

قالوا له -- منذ عشرون عااما يا مولانا

قال لهم -- عشرون عاما وانا اعظكم ولم تعملوا بحرف مما قلته لكم
-- ما فيش فايدة فيكم و مافيش خطبه النهاااارده -- ياللا ياللا أقم الصلاااااه !!




العنوان ملحوق ! وايه الدنيا غير لمة يوم جمعة !!
البوست بوستينا كلنا و العنوان عنوانا !!

وكامل تضامني مع القراء في محنة البحث عن العنوان !!

ياقرشي (سااااي) كدا

حرف الدال هنا ماعندو قيمة

الا استظراف ومجاملات ساي !

Quote: Quote: انا غايتو غايزني هيثم دا...عشان كدا نقعد نتونس زي ماعايزين بالمناسبة بقى إسمه (هيثم ساي) و أنا بقيت (الدكتور محمد قرشي) كان ما فهمتها شوف هنا إعتذار كبير لهشام هباني و عبدالمنعم عبدالله ....

لو ماكلامك دا ماكنت عارف انو هيثم عندو دال او ماعندو..

بعدين البوست الاشرت عليهو دا عندو علاقة بالبوست دا ذاتو

من ناحية قرف المنابر وبس ، وانا ندمت اني مريت عليهو..

كتير الواحد بلقي نفسو هنا زي الدخل المنبر اول مرة ...


علي العموم انا جيت هنا عشان افرق واشوف هيثم عايز يقول

شنو ، ولو هو شايف اننا حرفنا البوست بنطلع منو ويادار مادخلك شر



انت امسك في جزئية علي كيفك ، لكن انا ماعايز اتعب ذهني في اي

محل ...

Quote: أها وصلنا لياتو نكته !!

الفاتت كانت الاخيرة !

Quote: وكامل تضامني مع القراء في محنة البحث عن العنوان !!

كدا طمأنتنا ياهيثم ساااي !

عنوانك دا اهم زول في البوست دا !

بوست هابط ياخ

Quote: بوست هابط ياخ

'طارق يا عزيز -يدك معانا نرفعو شوية ياخ !
فالبوست تماما كما القدم !

لا تشمت بي الاعداء !!

Quote: ياقرشي (سااااي) كدا حرف الدال هنا ماعندو قيمة الا استظراف ومجاملات ساي !

و ده هو السياق بالضبط ..
أنا و هيثم أصحاب !!

و الحكاية كانت في البوست داك في سياق الهظار
دكترة شنو في الحر ده ..

- اعتراف اولي :
بالتاكيد الكلام عن العلاقة بين (الاربعة! )الخمسة حاجات ديل بتحتاج لشوية معرفة و تعريف المفاهيم والمفردات دي - لكن مباصراتي للاسف ح تعتمد علي الكتابة الاسفيرية المتعجلة والتاملية والمبنية علي التجربة والمشاهدات الشخصية ; اي غير نهائية اومؤسسة علي دراسة او تبصر مسؤول !

بخصوص مفردة السخف : ما بعني بيها التعريف القاموسي عن قلة العقل ! بل اقرب الي المفهوم الشائع العامي حسب فهمي- مزيج من ( rudeness و absurdity ! )=او بلغة الراندوك :(التبييض) !
السخف كقيمة اخلاقية سالبة تمارس خصما علي القيم الانسانية (السودانية) (الجميلة) كالعشم و جبر الخاطر و المجاملة الذكية !

ونواصل :

نقاط قادمة :
-استسهال وسهولة ممارسة السخف في الحوارات او الكتابة الاسفيرية -
- القيم الاخلاقية في التعامل مع الغريب او الضيف في الثقافة الاجتماعية الواقعية و اختلافها في الاسفير !
(يعني اذا افترضنا اكتر زول مسيخ او بمارس سخف باي معني في المنبر -الزول لو لاقاه في الحياة هل بمارس نفس السلوك حتي مع نفس الشخص !
-جدة الفضاء الاسفيري و وجودنا ككائنات اجتماعية تمارس الحضور في حقل كتابي زائف !
-

للتنويه (في غاية الاهمية ):
البوست من اجل الاستهلاك الاسفيري ساي و لا يتضمن اي دعوة اخلاقية او نحو ذلك

آه!.. قربت أقول يا ربي هو يوم القيامة ده بجي متين!
أخيرا دخلت في الموضوع .. شكرا
في حاجة سقطت بين (3) و (4) ولا أنا بس الما فاهمة؟

Quote: أخيرا دخلت في الموضوع .. شكرا

معليش يا رمانه
أمسحي لينا الهرجلة دي في وشنا ..

الراجل طاياب و مجامل
ما طردنا من بوستيه
و أخد معانا جبدة كمان !!

Quote: جدة الفضاء الاسفيري و وجودنا ككائنات اجتماعية تمارس الحضور في حقل كتابي زائف !

و المفارقة بين التفكير بالكتابة ..
و بين التفكير باللسان الطليق

و فقدان كامل ترسانة الـ non verbal communication*








__________________________________________
* ده ناهيك عن الشك المتأصل في الوجود الواقعي لينا نحن زاتنا هنا !!
أسي إنت البيثبت لي شنو إنك ما فولترون ؟!

يا دكتور ... عليك الله خلي ساي يخش في الموقع بعدين تعال بلو ...
و إنت كمان يا ساي الله يديك العافية خش سريع لانو شكلك ح تتبله ... ح تتبله !!

Quote: عنوانك دا اهم زول في البوست دا !

عزيزنا عبد اللطيف - سلامات وعساك طيب
شكرا للمؤازرة و الدعم الاسفيري المبكر









بالطبع لا يخفي علي (عزيزي القاريء!) انو الـ social intelligence يتوسط الجماعة ومحشور
حشرا دون اي مبرر اخلاقي-- (ممارسة سخف ذاتي !)

فاصل :


"(A polite enemy is just as difficult to discredit, as a rude friend is to protect )
:" .

او كما قال !

انا هنا أقرأ
و احاول فهم الاتجاهات ( و هي اجمالا مريبة)
و ارجو الا يكون الامر كما فهمت
فانا واحد ضد
مجموعة
معي اصدقاء و لكنهم اكثر حياء
من رذالة السفهاء

المهم يا هيثم طه
انا هنا الي ان يجيئك
السفهاء

و هم
و بعضهم اصدائك

مثل
عبد الوهاب علي الحاج
حيدر الزين
و الآخرين
ممن يشبهونهم
انا هنا
نحن هنا

الكاتب هنا
عضو اتحاد الكتاب السودانيين هنا
و ربما
الله نفسه هو هنا
لا احتمل التذاكي و احب المسافلة (مواجهة السافل بسفالته) هل عرفت؟

طه جعفر

ساجرب معك اسلوبهم
ما تكتبه هنا
ليس اكثر من ركاكة و كلام فارغ
هو في الحقيقة سفاهة
و كلام فارغ
ما تكتبه يا هيثم طه
انت و اصحابك
ليس اكثر من خراء
فانت تعاملت مع جريدة التيار
انت تكلمت مع الاذاغة
لقد قابلت التلفزيون
فانت مجرم
انت ايضا ملحد
لأنك تشتم الرسول
انت ########
و انت اهبل
لأنك
صاحب امين محمد سليمان


طه جعفر

Quote: ساجرب معك اسلوبهم ما تكتبه هنا ليس اكثر من ركاكة و كلام فارغ هو في الحقيقة سفاهة و كلام فارغ ما تكتبه يا هيثم طه انت و اصحابك ليس اكثر من خراء فانت تعاملت مع جريدة التيار انت تكلمت مع الاذاغة لقد قابلت التلفزيون فانت مجرم انت ايضا ملحد لأنك تشتم الرسول انت ######## و انت اهبل لأنك صاحب امين محمد سليمان طه جعفر

الاعزاء هيثم طه
وأمين محمد سليمان
انا احترمكما جدا

القصد من المساهمة توضيح اسلوب اعضاء هنا في التعامل معي
اكتب مثلا قصة قصيرة اكتبها ليقرأها الناس و يقدموا لي رأيا سيفيدني
يدخل عليك مثلا عبد الوهاب علي الحاج فيكتب كما في المثال
فقط انا اقدم الامثلة لتعرفوا فداحة ما يتم
فزت بجائزة في الادب بدلا عن كلمة مبروك التي نقولها احيانا لعريس مجرم
كتب الناس حولي كلاما سيظل الي ان يعتذروا عنه
هذا فقط مثال و لا اقصدكما و لا اقصد تدمير البوست و تسميم اجواءه
شوف مثلا نجاة محمود امين و طريقة كتابتها
و عند الرد عليها بما هو مناسب لما كتبت تقول ليك طه دا صعلوك و عوير!! هذا اذا لم تقل طه الدلااااها
هنا تختلط المعايير

دي يا هيثم اسمها قلة الادب و ليس عندي تجاهها الا صعلقة لا قبل لهم بها
لانني لست نبيا انا مجرد كاتب علي باب الله في مجد الكتابة و هذا طموح مشروع و مشروع جدا
لكنه هنا مستحيل مع امثال العسس و الججندرمة و كلاب المنابر و جراقيسه المسعورة

تخيل انك تفتح بوست بمزاج و يجيك واحد يكتب مثلما كتبت
هنا المفارقة
امشي شوف البوست بتاع القصة القصيرة " حدث لبنت النيل!"
شوف و تعال قولي رأيك شوف عبد الوهاب علي الحاج و امثاله ماذا يكتبون!!
الموضوع يا هيثم انا مرقت ليهو و داير اشوف حدو وين


طه جعفر

Quote: ساجرب معك اسلوبهم ما تكتبه هنا ليس اكثر من ركاكة و كلام فارغ هو في الحقيقة سفاهة و كلام فارغ ما تكتبه يا هيثم طه انت و اصحابك ليس اكثر من خراء فانت تعاملت مع جريدة التيار انت تكلمت مع الاذاغة لقد قابلت التلفزيون فانت مجرم انت ايضا ملحد لأنك تشتم الرسول انت ######## و انت اهبل لأنك صاحب امين محمد سليمان طه جعفر

الاعزاء هيثم طه
وأمين محمد سليمان
انا احترمكما جدا

القصد من المساهمة توضيح اسلوب اعضاء هنا في التعامل معي
اكتب مثلا قصة قصيرة اكتبها ليقرأها الناس و يقدموا لي رأيا سيفيدني
يدخل عليك مثلا عبد الوهاب علي الحاج فيكتب كما في المثال
فقط انا اقدم الامثلة لتعرفوا فداحة ما يتم
فزت بجائزة في الادب بدلا عن كلمة مبروك التي نقولها احيانا لعريس مجرم
كتب الناس حولي كلاما سيظل الي ان يعتذروا عنه
هذا فقط مثال و لا اقصدكما و لا اقصد تدمير البوست و تسميم اجواءه
شوف مثلا نجاة محمود امين و طريقة كتابتها
و عند الرد عليها بما هو مناسب لما كتبت تقول ليك طه دا صعلوك و عوير!! هذا اذا لم تقل طه الدلااااها
هنا تختلط المعايير

دي يا هيثم اسمها قلة الادب و ليس عندي تجاهها الا صعلقة لا قبل لهم بها
لانني لست نبيا انا مجرد كاتب علي باب الله في مجد الكتابة و هذا طموح مشروع و مشروع جدا
لكنه هنا مستحيل مع امثال العسس و الججندرمة و كلاب المنابر و جراقيسه المسعورة

تخيل انك تفتح بوست بمزاج و يجيك واحد يكتب مثلما كتبت
هنا المفارقة
امشي شوف البوست بتاع القصة القصيرة " حدث لبنت النيل!"
شوف و تعال قولي رأيك شوف عبد الوهاب علي الحاج و امثاله ماذا يكتبون!!
الموضوع يا هيثم انا مرقت ليهو و داير اشوف حدو وين


طه جعفر

رمانة يا عزيزة

Quote: قربت أقول يا ربي هو يوم القيامة ده بجي متين!

في البدء كانت القيامة ! ثم اتي سودانيز !

وبالتاكيد الخيط يحتاجك جدا !

Quote: و ارجو الا يكون الامر كما فهمت

الاخ طه - سلامات
حتما و بالتاكيد وقطعا الامر ليس كما فهمت !
لاني لم افهم -صادقا- باقي مداخلتك !
لذا لي ان أخلي مسؤوليتي من الرد علي الباقي !

و عموما يا عزيزي اتفهم اجواء الاحتقان والاصطفاف في المنبر - فقط استميحك عشم الفرنجة -الـ Benefit of the Doubt- لصالحي - بالطبع !
يا طه لي ما يكفيني من المشاكل في الارض والحياة فلماذا ابتغي وجهها هنا في السماء ايضا !

كن بخير

----


الاعزاء البروف والقرشي - علمنا بمروركم !!
وساتيكم لاحقا ان مد الله في اعماركما او نحو ذلك !

بوست ظريف جدا بيجمع كل الوان الطيف



استمر فيه... بعداك نجيك نناقش الموضوع الهام دا




تنشيبة

طه يتكلم عن البذاءة بالله ما بالجد بورد طالق ساي؟
الزول دا نموذج للسخف وعدم social intelligence

Quote: طه يتكلم عن البذاءة بالله ما بالجد بورد طالق ساي؟ الزول دا نموذج للسخف وعدم social intelligence

غلفاء!!
و شالت موسها و تطهر
و الكلام مقصود في اصله يا دكتورة و نعرف الكثير
لا نريد قوله!!!!!
لاننا نعرف

فاستطفلي علي طريقة اللبنانيين
حتي لا نذكر ما يعيب
فانت كما قلنا
فيا هيثم طه كلك نظر
عندك قلة الادب بتاعتها(في الكوتيشن) و الرد عليها

دا يا هيثم طه مثال
انا لست نبيا، اي صعلوك او مطلوقة عندنا ليهم الدواء

طه جعفر

ههههههههه - لا حولا
بالجد ما فهمت -
دا شنو يا اخ طه !!
يعني في ناس ح يجوا يقولوا لي الكلام دا وألاّ قاصدني انا زاتي !
يا عزيزي انا اصلا ما بديت كلامي !!

غايتو في حاجة غلط في حتة ما !
عموما شكلك عملت المشاركة التانية قبل ردي عليك




والله يا البروف بقيت شبهة في المنبر !
تاني ما تجي بجاي !!

Quote: و عموما يا عزيزي اتفهم اجواء الاحتقان والاصطفاف في المنبر - فقط استميحك عشم الفرنجة -الـ Benefit of the Doubt- لصالحي - بالطبع ! يا طه لي ما يكفيني من المشاكل في الارض والحياة فلماذا ابتغي وجهها هنا في السماء ايضا !

هيثم طه
عذرا اذا اسئت الفهم
و لكن لا يجبرني علي المر الا الامر

هذه جمهرة من السغهاء و بينهم تسعس السفيهة التي نعرف عنها كل شيء و لكنا نقتصضد
فيما نقول حفاظا علي بيت العنكبوت

طه جعفر

Quote: و شالت موسها و تطهر و الكلام مقصود في اصله يا دكتورة و نعرف الكثير لا نريد قوله!!!!! لاننا نعرف

يازول الابتزاز البتفتكر ممكن تمارسه علي دا ما بمشي معاي الحمدلله والشكر لله
محمودين ومشكرين كابر عن كابر لافينا البسكر ينطط بالبيوت ويدق مرتو ولا السمعته كعبة
سمعة ممتازة ومشهود لها في اي مكان ذهبنا له فهل هذا ينطبق عليك؟

مسموح لكل بكتابة كل ما تظن تعرفه عني
قال نعرف عنها الكثير قال..

والله انت تعرف عني طرف حاجة كنت كتبتها في لمحة بصر قبل سنين

ما تفتكرني ذي النسوان الحولك لا بتهدد لا وببتز والبيتو قزاز ما يفلق.

Quote: بينهم تسعس السفيهة التي نعرف عنها كل شيء و لكنا نقتصضد فيما نقول حفاظا علي بيت العنكبوت

بالجد زول مفلس وبتسقط حياتك على الاخرين...


عزيزي القارئ غضب هذا الشخص لانه لم تتم دعوته الى دعوة عشاء خاصة اقيمت على شرفي حين ذهبت الى عمان
طوالي زعل زعل شديد وجا دشا كلام وتهم بسرقة اموال الشعب واكاذيب


والان يصل دورة الشيوعي الامبيبة في القدح في سمعة النساء الفصيحات المصادمات
اسمع وكلم كل من لم يسمع انا غير قابلة للابتزازت الرخيصة.

Quote: بالتاكيد الكلام عن العلاقة بين (الاربعة! )الخمسة حاجات ديل بتحتاج لشوية معرفة و تعريف المفاهيم والمفردات دي هيثم

Sillyness: Exhibiting a lack of wisdom or good sense; lacking seriousness or responsibleness - the freedictionery.com.

Social intelligence: Describes the exclusively human capacity to effectively navigate and negotiate complex social relationships and environments (Ross Honeywill, Research Director, Social Intelligence Lab, cited in wikipedia).

Writing: the act of a person or a thing to write. Reference.com- I liked this particular one

Sudanese culture: is the evolved human/Sudanese capacity to classify and represent experiences with symbols, and to act imaginatively and creatively; and (2) the distinct ways that people living in Sudan/different parts of the world classified and represented their experiences, and acted creatively (Wikipedia.com) – I chose to go for an Anthropological view of culture, rather than many others.

سلامات يا هيثم و اتابع الموضوع باهتمام و ادي مساهمة غير مكتملة، و لا ادري قرب كلمة سخف من سيلي، او ثقافة من كلشر في ذهنك، لكن لقيتهم الاقرب في فهمي
ناقص تعريف الشخصية الاسفيرية :)

يا اخوانا يمين بالله القصة دي كلها استغلقت علي ظاهر باطن ... العجب دخيلة طه لإسمي ... ما فهمت ده نبذ ... شكر ... شكل ... ما فهمت تماما ...
الحاجة الأنا عارفها إنو ساي و دكتور القرشي أصحابي و البينا عامر بره و جوه و إنو دكتور القرشي و ساي أصحاب ... جيت شاغلتهم و مشيت علفت ... جيت من العليفة لقيت الدنيا مقلوبة ....
يا ساي ياخي... البوست بوستك ... أعدل الدنيا دي !!

دكتورة نجاة سلامات وان شاء الله طيبة

Quote: استمر فيه... بعداك نجيك نناقش الموضوع الهام دا

نقاش شنو بعد دا يا دكتورة !!
غايتو انا اعلنت حالة طواريء في البوست لمدة 24 ساعة !!
وبعدين عملنا اميرجنسي كول لوهبة عشان يجي يبلني زيادة !

لكن بصراحة بالغتي ياخ !
بدل تساعدينا شوية تقومي تسخني اللعب كدة من البداية !
بخصوص الناس ح تمر دون شجب او ادانة - بالجد ما عارف -بتخيل مهما الزول يعمل فيها مبدئي لكن شكلو تكرار نفس الحاجة بتعمل (desensitization ) للمباديء ذاتها لنفس الحدث ! - اضافة للسياق برضو بعلب دور - يعني انتي لامن جبتي سيرة طه اكيد متوقعة نفس السناريو المتكرر بينك و بينو -يلا هنا - شكلها الحاجات ممكن تفقد معناها -و خاصة في سياق المنبر !
ببقي الموضوع - منو الاساء في الاول - لا والله رد الاساءة كان اكبر من الاساءة -وداك كان عندو و ما عندو حق وباقي القصة
شكلو المسؤولية جماعية في السخف الجماعي القاعدين نمارسو
و عموما الادانة من اجل الادانة او اعلان البراءة ما صعبة -! حسع ممكن اقول و الله ادين
اسائتك و الهمز ليهو و ادين اكثر اسائته لك بتلك الطريقة -

لكن تعرفي البوست دا كان غريب من البداية ! لانو اصلا ما بديتو - !!
وحسع ما عرفت احجّز ولة اكتب ولة اعمل فيها ما شايف اي حاجة واواصل !

غايتو !



تحياتي

Quote: و الكلام مقصود في اصله يا دكتورة و نعرف الكثير لا نريد قوله!!!!!

Quote: تسعس السفيهة التي نعرف عنها كل شيء و لكنا نقتصضد فيما نقول حفاظا علي بيت العنكبوت

للتوثسق والرصد لاساليب القذرة الت يتبعها المريض طه

طبعا حيمر عليها الناس دون اي شجب او رفض
حيث للبورد مكاييل مختلفة..

Quote: للتنويه (في غاية الاهمية ): البوست من اجل الاستهلاك الاسفيري ساي و لا يتضمن اي دعوة اخلاقية او نحو ذلك

دي ياها فرمالتك ..
أركز ولّ قول غاغ..
.
.
تخريج:ـ
العلاقة بين السخف والذكاء الاجتماعي إن صح فهمي..
ربما تماثلها حالة الذهن المستهبل ..
الذي يجهد طاقاته الفاعلة ليحرف ما هو معلوم بالضرورة بين الكافة..
فقط ليجلب قدرا من الراحة النفسية لذاته القلقة..
وأحيا كسب أو ما يظنه كذلك..
وهؤلاء فيما أظن لا يلتزمون الدقة ولايعيرون أي اهتمام بوعي وقدرات محيطهم الاجتماعي..
هذه الظاهرة قد لاتكون في معظم تجلياتها physically مرضية..
غير أن لمحيط النشئة والبيئة والحالة الاقتصادية دور لا ينكر..
دي مساهمة من غير متخصص..
.
ولكن للفائدة الحقيقية ممكن يجونا ناسSocial Psychology
.
.
أما إذا فهمي دا دقه العارضة اعفي لي ..

Quote: أما إذا فهمي دا دقه العارضة اعفي لي ..

عفو وين يا ملك ؟ العفو ده الناس خلتو زماااااان ... هسي بل بس !!
بعدين البوست ده سيدو ذاتو ما عارف موضوعو شنو ... بفتكر إنو كل الأطراف المتحاربة توجه سلاحها لصاحب البوست ... حكمة ربك ساحبين منو الدكتوراة قبل ساعات ...
بعدين شايف الموضوع جاب دكتورة رحاب ... غايتو ده بوست الموسم ...

افتكر يا دكتور هيثم - دكتور دي نكاية في البروف الذي يمنح و يقلع في الشهادات و لا دبلوما عليا ما برّاني بيها - المهم, يا دكتور هيثم افتكر لو رجعنا للنكات و قصص الأئمة مع المصلين أخير

الظاهر إنو د. هيثم حيطبع البوست دا
ويتوجه لأقرب سفارة غربية .. عشان يلحق حمور!!

وعمّكـ طه جعفر يدخل المبدعين في حتّة ضيقة!
والضيق يشمل عمكـ هيثم لتجاهله اللعبة الخشنة ضد د. بيان!!

Quote: افتكر لو رجعنا للنكات و قصص الأئمة مع المصلين أخير

أنا كده حاسس بالذنب !!

يعني لو كان جيت كبيت النقة الجميلة كلها من الأول
ما كان أخير من تديني الفرصة ألطف الجو بالنكت
لتصبح هي زاتها ما يمكن أن يصلح له البوست حاليا !!


تنويه هام :
هذا البوست ليس إنعكاسا لغيره
و لا علاقه له بمجمل ما يحدث من صراعات

مجرد خواطر قديمة لصديقي (هيثم ساي)
ممكن تأسس لغاندي إسفيري بيننا

أنا شخصيا إستفدت من كلام ساي العاوز يقوله ده
و الدليل ردي على عبداللطيف فوق

مبدأ أول :
- قبل أن تكتب إسفيريا .. إتخيل إنك بتتكلم مع الزول ده في الواقع وسط لمة ناس !!

أقول قولي هذا و أستغفر الله لي و لكم
قوموا إلى صراعاتكم يرحمكم الله
و خلوا ساي يكمل كلامه .. إذا بتريدوا (على عملات الشوام)

Quote: بفتكر إنو كل الأطراف المتحاربة توجه سلاحها لصاحب البوست

عارف الايامات دي سمك فاير يا بروف ..
قرببببت ..
مش تحصلو ـ تفوتو بى غادي..
أوعك تسألني منو..
عذبتونا ..
.
.
يا هيثم والله خايف عليك مصير الزول بتاع نكتة الأمام الكذاب الجابوها فوق دي.

الدكاترة الأصحاب والبروف:

تحياتي

ونستكم جميلة، كانت ممكن أن تكون فذلكة علمية لموضوع في غاية الأهمية للقراء، وبسبب أو آخر

عادة، كهرجلة السودانيين، أو مثل الفصل بلا ألفة، خرجتم من الموضوع، ودخلت عكس social intelligence

وإنما في ( بلادة شعب ضائع)، تفتقر حتي للثقافة المحلية مثل لفظة ( غلفـة) في صياغ مخاطبة أمرأة، ومثلها

في بلدنا أن تقول لإحدي النساء الكبار، قالت المره أو جات المره، فستسمع إجابة من نوع ( تتمرغ في

هـرارك)، وتكملتها ( إنت عرفت مراييتي من يين؟)، يلا يا دكاترة العود أحمد، إرجعوا للموضوع الحقيقي

وهو كواحد من أحدث التطبيقات الإجتماعية، وممارسته ترفع قدر صاحبها، وبالمناسبة من يمارس السخف هو

من أكثر الناس يتأذي عندما تمارس عليه تلك المعاملة، وقد جربت ذلك مع أحد معارفي، فقد كان رجلا سخيفا

بمعني الكلمة، وكان يظن أن ذلك صراحة وشفافية وشجاعة، فلما مارست عليه شيئا من بضاعته، ثار وخاصمني

مماإضطرني لبذل مجهود كيما أصالحه، فصار يتجنب أسلوبه السابق على الأقل معي أو أمامي.... إذا يا دكاترة

علمونا مما علمكم الله وبطلوا هرجلة......

سلام يا هيثم

بدأ البوست غريبا وسيعود غريبا كما بدأ فطوبى للغرباء

أخد ليك نطة كبيرة واستصحب معاك مداخلتك الأولى وبعض من مداخلات وثيقة الصلة

وواصل ياخ

دي أول فشة لي معاك

ــــــ

أسهل حاجة في المنبر دا، الجد ينقلب هظار والهظار يتقلب جد (تقُرأ عنف) في كسر من الثانية



التعديل لإزالة شبهة فتلة للبوست

كتر خيرك شديد يا دكتورة رحاب وان شاء الله يوم شكرك ما يجي !!
مداخلتك ح تساعدني شديد عشان انقذ ما يمكن انقاذه من الشواء الادمي الحاصل عليّ وعلي البوست !
تعرفي لوقدرنا نرجع الخيط للموضوع الاساسي ممكن يكون اعتق ممارسة للـsocial intelligence !!

Quote: Sillyness: Exhibiting a lack of wisdom or good sense; lacking seriousness or responsibleness - the freedictionery.com. Social intelligence: Describes the exclusively human capacity to effectively navigate and negotiate complex social relationships and environments (Ross Honeywill, Research Director, Social Intelligence Lab, cited in wikipedia). Writing: the act of a person or a thing to write. Reference.com- I liked this particular one Sudanese culture: is the evolved human/Sudanese capacity to classify and represent experiences with symbols, and to act imaginatively and creatively; and (2) the distinct ways that people living in Sudan/different parts of the world classified and represented their experiences, and acted creatively (Wikipedia.com) – I chose to go for an Anthropological view of culture, rather than many others][/QUOTE

بخصوص السخف : التعريف الانتي جبتيهو عجبني جدا و شكلو مناسب لنوع من انواع السخف - لكن يبدو لي المفردات في التعريف بتشير للاي كيو وسلبية المتساخف ومافيها اشارة للـ(offensive attitude) ! و الحتة دي محورية في كلامي و سبب اقحامي للـ(rudeness )-
والمشكلة ما بعرف انجليزي زي الناس -لكن قدر البعرفو بحاول احس بيهو !
عموما بالعربي البسيط كلامنا انو : فلان اتساخف عليّ و اتبايخ !
وصورة عامة الارقيومنت بتاع البوست قائم علي اساس انو تفكيرنا اومعظم الكلام البنقولو او (الثقافة الاجتماعية) فيهو مساحة كبيرة او ثغرة بتسمح لممارسة السخف -لمن يرغب !!
لانو غالبا في قيم انسانية جميلة زي العشم او جبر الخاطر و غيرها ما بتسمح للناس لممارسة السخف علي بعض !
و المشكلة انو القيم دي عشان تكون نافذة بين الناس غالبا بتحتاج المعرفة والتواصل الاجتماعي - يلا في العالم الجديد الاسفيري من السهل ممارسة السخف علي بعض ! باعتبار انو الفضاء الجديد داهم الناس -
والقيمة الاخلاقية المخزونة والوحيدة في التعامل مع الغريب في الواقع غالبا هو الاكرام ! وعشان كدة بفتكر غالبا (السوداني) ممكن يكون عندو مشكلة مع الغريب !(الغريب-اي كان - بمعني عدم وجود عرفة ) وممكن يكون مصاب بـ(dullness) !
وكلامي عن انو اصلا الكتير من تفكيرنا بيسمح ببمارسة السخف زي النكتة المنسوبة للرباطابي : جاء طالع من الحمام - قام التاني سالو استحميت ! قال ليهو لا -صبت فيني مطرة ! -قصدي التاني عارفو استحم لكن طريقة تفكيرو خلاهو عرضة لممارسة السخف - وهنا مثلا العشم او تطييب الخاطر ما كان موجود !


وللحديث بقية -لتوضيح اشكالية الذكاء الاجتماعي -كتكنيك للـ (interpersonal relation management ) و المشكلة الحصلت لامن مجموعة من السودانيين ما بعرفوا بعض ختوهم في فضاء و قالوا ليهو يلا اتعاملو مع بعض -و اشكالية (السوداني) والفشل في استدعاء القيم الاخلاقية للواقع للتعامل مع الغريب !
وممكن ناخد في نهاية الخيط -مسار البوست كسلوك جماعي لفهم عنوان البوست -!!

تقديري الاكيد ليك و لكل الاكارم الحضور

فاصل اعلاني :

في ظني في فكرة شائعة انو من اكبر معوقات الوجود او الحوار والكتابة في المنابر هي انتشار الاساءة -لكن عندي اكبر المعوقات هي ( السخف )-
اما شيوع فكرة انو الاساءات -مثل السب او الشتم والاساءة هي السبب في الاعاقة هو انو الحاجات دي كسلوك اخلاقي سالب -معروف من ثقافة الواقع لكن السخف ما معروف بالقدر الكافي !
وحتي التراتبية بتاعت الاساءات في معايير المنبر بتبقي مثلا جواز الاساءة الشخصية - لكن اساءة الاهل او العنصرية مثلا قد تعتبر من الدرجة الاولي ومستنكرة من الغالب !
لدرجة انو واحد ممكن يجي يقول ليك : ياخي اسئ ليهو و اشتمو زي ما عاوز لكن خلي الاهل بعيدين !! كأمر واقع لا بد منو !
اما موضوع السخف - عادي في معيار المنبر واحد ممكن يكون بمارس السخف علي اصولو - لكن يقولوا ليك : اصلا الزول دا ما قاعد يسئ او يشتم الناس !
قصدي السخف اقرب عشان يكون السلوك او البل الحميد !!

يستت

.....
وحتي ممكن يكون في زول كويس جدا مثلا في الواقع لكن بالمستوي المعياري الاسفيري ممكن يمارس سخف عالي دون الاحساس انو هو بمارس سلوك اخلاقي سالب ! واخلاقيا ممكن ما يحس باي ضير بالرغم من انو السخف ممكن يتسبب في ضرر نفسي بالغ للاخر و بل ممكن اسوأ من اثر الاساءة المباشرة !!
واصلا ليه الناس في الواقع اقروا انو الاساءة سلوك مستنكر ! ببساطة للضرر النفسي البحصل للاخر -وطبعا الكلام دا عندو علاقة باصل وفسلفة الاخلاق في المجتمع - و هل الفسلفة قائمة علي حماية الذات ام الاخر !! يعني (لا تسب اباه فيسب اباك ) ودا موضوع شائك - و الفكرة المفتاحية القائمة علي الجملة الاولي في بداية الخيط -فلسفة الاحسان للنادل والحبيب/ة !!

يلا بنفس القدر اذا السخف بماثل الاساءة المباشرة في الضرر -ليه ما مستنكر !! غالبا لانو في واقع
الثقافة الاجتماعية السودانية لسع السخف ما بنفس شدة الممارسة الاسفيرية للسخف لانو في الواقع المعرفة
و التواصل الاجتماعي و تطييب الخاطر ما قاعد يدي مساحة للممارسة !اضافة لفسلفة الاخلاق الاجتماعية
والقايمة علي الذات وليس الاخر !

بالتأكيد الفضاء الاسفيري كواقع جديد للناس و استجابة للتحديات لازم عشان يستمروا كانوا يعملوا توافق وعقد اجتماعي اخلاقي لتبرير الوجود و الحفاظ علي التماسك الاخلاقي ! بالموافقة علي الاساءة الشخصية صدر رحب وكذلك السخف !--و الا ما ح يكون في اسفير اصلا !

والنتيجة استمرار الناس الوافقت علي شروط العقد الاجتماعي الجديد و انسحاب الناس الاخرين الما وافقت !!

Quote: هي علاقة عكسية.. فكل ما كانت محصلة الذكاء الاجتماعي قليلة، كلما ارتفع معدل السخف.. (ونجض القارئ)

نجوان سلامات..
كويس تنبيهك للكم ..
يعني حسب كلامك دا البعد أو المستوى الحضاري في الجماعة..
يعول عليه في تقديرات الكمية ولَ مش كدا؟
على كده يبقى مصطلح الذكاء الاجتماعي صلتو وثيقة بمستوى الـ social sophistication..
.
.
قلت اديها دفرة لحد ما صاحب البوست ياخد نفسو.

فواصل :

Quote: و إنت كمان يا ساي الله يديك العافية خش سريع لانو شكلك ح تتبله ... ح تتبله !!

و لتعلم ايها البروف انني ما فتحت البوست الا رغبة مني لمنال البل !! ثم دراسة الحالة تماشيا مع العنوان !



----
العزيز الملك -
نسأل الله العافية و تمام العافية -و ما اجمل شمس الاستواء حين تكون مبلولا !

بالمناسبة لعامل الزمن و البل ممكن الردود تتاخر! - فياخي لو شايف في اي نقاط في الخيط محتاجة اضاءة او تعليق -
بالله واصل لاثراء الخيط لوجهات النظر المختلفة -و بالطبع الدعوة للجميع دون قيد او بل ! -
و تقريبا ما شرط التسلسل في الردود بالنسبة للقاريء !

--
دكتورة رحاب لسع عندي عودة لمداخلتك --


-

شكري للجميع فرد فردا لحين عودة -
ولمغرضي الشواء الادمي من امثال ودالصائم و البشري و نورة -ان شاء الله تكونوا زارعين في الخلا وما تتمنوا المطرة -

Quote: عارف الايامات دي سمك فاير يا بروف .. قرببببت .. مش تحصلو ـ تفوتو بى غادي.. أوعك تسألني منو.. عذبتونا ..

عصرت علي يا ملك والله ... ياخي القصة دي أنا إتحشرت فيها حشر ...و لمن غلط اعتذرت ... الباقي رد عدوان ...
----------
إنت يا ساي ... ما كان تقول كلامك ده من الأول ... يعني بعد ما قيامة البوست تقوم و العجاجات القديمة و الجديدة تلولي حتي تخش في الموضوع ؟
الموضوع عميق و بستحق البحث ... المشكلة في التوقيت ... المنبر كلو مشاكل و سخف ... كل زول ح يفتكرك بتتكلم عنو ...

الاعزاء
طه الملك
طه جعفر
حمد عبد الغفار
حماد الطاهر
حبيب نورة
ودالصائم
ودالبشري
ود جبريل
الخليفة ناذر
نجوان
رمانة
القرشي
البروف
عبد اللطيف
دكتورة نجاة
دكتورة رحاب
القراء

شكري الي حين عودة للتفاكر الجماعي مع المساهمات -
ونعدكم بان الخيط لم يبدا بعد !!
ومرحبا لعودتكم للمساهمة او التعليق علي مجريات الشوط الاول !
دون قيد او بل !

هيثم يا صديق
تعرف الواحد كان مستمتع بالبوست فجأة بقي ما فاهم شئ
عموما بنجي راجعين بعد لفة الراس دي تروح

( الدكاترة ) هيثم .... شوقنا وحبنا

كما توجس الدكتور ( صحي صحي ) ود عباس وكما قال البروف أمين أن ( توقيت ) البوست قد جعلنا نتريث لنرى مساره ونحدد ( نوعية ) مشاركاتنا.
البطء ( كى لا نقول التردد ) في طرح رؤية البوست الأساسية قد ( أرجحته ) بين الطرف الظريفة وبين ( الأشياء التانية الحامياني ).
ثم تأتينا رحاب خليفة بـ ( إنجليزيتها ) التي ( تعقد ) ناس ود البشرى الذين بدأت جامعة الخرطوم ( التعريب ) في دفعتهم
وشكراً لـ الرزينة دوماً نجوان في محاولتها إعادة البوست لمساره..... ( مساره الذي عرفناه بعد سل روح كاد أن يؤدي لـ بل )
ومع ذلك

متابعين

وإن وجدنا فرقة مع حملة الشهادات العليا الذين إكتظ بهم البوست سوف نرمي ( درابة درابتين )

و يتذكر المرء كتب البرمجة العصبية - موضة العصر -
أو كتاب (دع القلق و ابدأ الحياة) إن كنت من الديناصورات* !

فحين يأتي الأمر للذكاء العاطفي/الإجتماعي ..
يكتشف المرء أن مقولة العباقرة البلهاء** صادقة لحد مزعج
فكما يعلمنا علم النفس فأغلب الإضطرابات النفسية
ماهي إلا صورة متطرفة لنزعات عادية تعشعش فينا كلنا
و الفرق بين الـ(دبرسه) و الإكتئاب لو تعلمون قريب !!

و الذكاء .. ذاك الذي يقاس بالإختبارات المشهورة
لا يماثل ما تقيسه أوراق رورشاخ*** العجيبة
رغم أننا لا سوانا من نجلس بنفس طاولة الإختبار !!

يبدو أن بداخل كل منا عدة ذوات ..
المنطقي/الذكي/المفكر
و العاطفي/الحساس أو الوغد
و غيرهم كثر
و ما الإتساق الذي نظنه بفخر (أنا) التي تتكلم
إلا خطوة في طريق يقود لأقرب (صينية)
إن توافرت الظروف الموضوعية !!

هل لهذا علاقة بتوزع الوظائف العصبية في الدماغ
و ما هو منتشر من ثقافة نصف الدماغ الأيسر و الأيمن (المحاسب و الفنان تباعا)
ربما .. و لكن في مقام البوح عن مكنون الذات
تتوارى (نقة) العلم الكثيرة/المملة !!


أنا عاوز أقول شنو ؟؟
من أين لي بذكاء إجتماعي لأعرف كيف أكتب ببيان لا يتجاوز لازمة الحديث****
و اللغة التي تطورت للتواصل الحميم communication وجها لوجه
تخون ذاتها حين تصبح الكتابة بالنقر على شاشة لامعة هي غاية منتهى الإفصاح
هل الفصاحة تحتاج لما نقرأه بين سطور العيون المحدقة فيك ؟؟ ربما ..

كويس ..
فشلت في أن أقول شيئا !!
و يقيني إن كنت يا من تسمع حروفي الإسفيرية هذه
جالسا ترمقني لتكمل بصوتي ما سبق و عرفته من كل لغة جسدي*****
يقيني أنني كنت ربما قادرا على تطويع الحوار الحي لمبتغى الفصاحة
بدلا عن هذه الخطرفات التي لا تغني شيئا !!
.
.
.
.
.
.
.
.
.
.
.
.
.
.
.
.
بس !!

______________________________
* هل يذكر أحد معي كتاب ديل كارينجي هذا !!
** قدرة عقلية جبارة في أمر أكاديمي و سذاجة الأطفال فيما عداها (كمثال autistic genius)
*** نوع من الإختبارات النفسية الشائقة للإضطرابات النفسية
http://en.wikipedia.org/wiki/Rorschach_test
****
اللغة كائن من قصور التاريخ
و تفشي لإنحسار البيان
حتى لازمة الحديث
(محسن خالد)
المصادر مهمة مع وجود البروف هنا
***** body language
non-verbal communication
etc

العزيز الملك طه سلامات

Quote: ا.لعلاقة بين السخف والذكاء الاجتماعي إن صح فهمي.. ربما تماثلها حالة الذهن المستهبل .. الذي يجهد طاقاته الفاعلة ليحرف ما هو معلوم بالضرورة بين الكافة.. فقط ليجلب قدرا من الراحة النفسية لذاته القلقة.. وأحيا كسب أو ما يظنه كذلك. وهؤلاء فيما أظن لا يلتزمون الدقة ولايعيرون أي اهتمام بوعي وقدرات محيطهم الاجتماعي.. هذه الظاهرة قد لاتكون في معظم تجلياتها physically مرضية.. غير أن لمحيط النشئة والبيئة والحالة الاقتصادية دور لا ينكر.. .دي مساهمة من غير متخصص.

تعرف يا الملك شكلو طريقة صياغتي غير دقيقة للعنوان لمقصدي !
ما كان قصدي معرفة العلاقة مثلا بين السخيف و معدل الذكاء الاجتماعي الاقل ! علي شاكلة الدراسات زي العلاقة بين الغباء و التعصب
علي العكس انا ضد الدراسات الزي دي -لانها -في نظري- بتساعد علي jumping to quick judgment ! و بساعد علي استسهال التنميط
يعني مثلا الزول يمشي يقرأ مقال عن السخف و الذكاء الاجتماعي ويجي ينمط الناس - ديل كدة وداك كدة - ! بالطريقة دي غالبا العلم بتم استخدامو لحسم صراعات ايدولجية او مصالح - و في النهاية ما شايف فايدة
و ربما الفقرة الاولي من كلامك بغض النظر عن اتفاقي اواختلافي معاها بتتوافق الي حد ما مع العنوان المقصود -
الفقرة التانية شكلو مقدمة قد تؤدي الي التنميط و كان من الطبيعي نهاياتو تتوافق او تنتهي بكلام العزيزة نجوان

عموما مقصدي من البوست ما تحديد الناس البتمارس السخف او تنميطهم او التجريم انما موضعة و محاولة لفهم السخف كتفكير او سلوك في واقع اسفيري يحتاج الي ذكاء اجتماعي مختلف عن الواقع الحقيقي -واي زول ممكن لو الشروط اتوجدت يمارس سخف بدون التنميط بانو سخيف !
و ايضا من مقصد الخيط ترْك المجال مفتوحا لاثارة التفكير دون احكام نهائية



تقديري -







بخصوص انك ما متخصص ياخي انا زاتي زيك - لكن نظريتي في الحتة دي ما انو فقط المختصصين يتكلمو !
ا بدا ! في تقديري اي زول عندو حق يتكلم لكن مع التأكيد انو البقولو هو ما يليه من معرفة !




التعديل :عشان خاطر ودالبشري !!

Quote: محاولة لفهم السخف كتفكير او سلوك في واقع اسفيري يحتاج الي ذكاء اجتماعي مختلف عن الواقع الحقيقي

دا شرح مهم يا د. هيثم واعتقد د. قرشي رمى بياضه وطالبتو بالمزيد قبال اقرأ مداخلتك الفوق..
بس اسمح لي اقيف عند كلامك دا..

Quote: يعني مثلا الزول يمشي يقرأ مقال عن السخف و الذكاء الاجتماعي ويجي ينمط الناس - ديل كدة وداك كدة - ! بالطريقة دي غالبا العلم بتم استخدامو لحسم صراعات ايدولجية او مصالح

مع احترامي استخدام العلم لحسم الصراعات أيا كانت ..
أو لتحقيق مصلحة أيا كانت..
دا من صلب غاياتو..
لإنو استخدام العلم في الغالب الأعم يعتبر وسيلة حضارية..
مع احترامي اعتقد الممارس للسخف بكون بعيد عن العلمية وسلوكه لا يوصف كذلك..
إذ أن مجرد وجود مسحة علمية في الوقائع تنفي عنها توصيفة السخف.
.
.
دا معناتو ( البل ) على قول البروف ممكن برضو يكون علمي..
ولّ رأيك شنو؟

Quote: من أين لي بذكاء إجتماعي لأعرف كيف أكتب ببيان لا يتجاوز لازمة الحديث**** و اللغة التي تطورت للتواصل الحميم communication وجها لوجه تخون ذاتها حين تصبح الكتابة بالنقر على شاشة لامعة هي غاية منتهى الإفصاح هل الفصاحة تحتاج لما نقرأه بين سطور العيون المحدقة فيك ؟؟ ربما .. **** body language

..I think ya Dr. Qureshi this is one of the most necessary points
.. In the exploration frame of the imagined idea of the Post
بس كمان بفتكر الحفر لازم يصل روافد الجذع التكويني للمجتمع..
باعتباره المدرسة التكوينية لشخصياتنا..
يللا أدفر مع صاحبك دا وما تبخل علينا..
.
.
على كده باين في طريقك ترجع للدكتور حقه المهمبت ؟

يا هندسة نقطة نظام هنا
البتعقّد من الإنجليزي داك حموودي - هو شهادة عربية بيوور - أنا بتعقّد من المداخلات الطويلة المحشية البتزيد عن تمانية تسعة اسطر و بتكون بالبولد
بالمناسبة دي الله يطرا قيقراوي بالخير
معقول يغيب عن بوست زي دا

Quote: ونستكم جميلة، كانت ممكن أن تكون فذلكة علمية لموضوع في غاية الأهمية للقراء، وبسبب أو آخر عادة، كهرجلة السودانيين، أو مثل الفصل بلا ألفة، خرجتم من الموضوع، ودخلت عكس social intelligence وإنما في ( بلادة شعب ضائع)، تفتقر حتي للثقافة المحلية مثل لفظة ( غلفـة) في صياغ مخاطبة أمرأة، ومثلها في بلدنا أن تقول لإحدي النساء الكبار، قالت المره أو جات المره، فستسمع إجابة من نوع ( تتمرغ في هـرارك)، وتكملتها ( إنت عرفت مراييتي من يين؟)، يلا يا دكاترة العود أحمد، إرجعوا للموضوع الحقيقي وهو كواحد من أحدث التطبيقات الإجتماعية، وممارسته ترفع قدر صاحبها، وبالمناسبة من يمارس السخف هو من أكثر الناس يتأذي عندما تمارس عليه تلك المعاملة، وقد جربت ذلك مع أحد معارفي، فقد كان رجلا سخيفا بمعني الكلمة، وكان يظن أن ذلك صراحة وشفافية وشجاعة، فلما مارست عليه شيئا من بضاعته، ثار وخاصمني مماإضطرني لبذل مجهود كيما أصالحه، فصار يتجنب أسلوبه السابق على الأقل معي أو أمامي.... إذا يا دكاترة علمونا مما علمكم الله وبطلوا هرجلة......

يا سلااام يا عزيزي حمد الطاهر
بصراحة اي سطر بستاهل مداخلة براها بس خايف من ود البشري !
عموما ما عندي رد معين لمداخلتك الممكن اتفق اواختلف في نقاط لكن اعلنتك كاتبي المفضل في ممارسة الـsocial intelligence !
تصدق يا حمد لحداثتي النسبية في البورد كل يوم بصادف ناس و بصراحة ما لاحظت اسمك
غايتو بعد دا بترصد مداخلاتك

شكرا شكرا ويا ريت لو لقيت زمن تجي تزورنا

فعلا يا هيثم في ناس كدة لما يقعد قدام الكيبورد بعتبر نفسه ابوزيد الهلالي والغريبة هسي الزول الجاي
يكورك الاسمه طه ده اصلا ما حصل دخلت معاه الا مرة واحدة واستنكرت مصدر لخبر فقام يحاول هرشي وتخويفي
يبدو انه عنده اسقاط من الماضي عني فقال فرصة اسب الزول ده ؟! بالجد يا طه اتمني معرفة ردك علي في اول مداخلة لي معك منذ انضمامي للمنبر ؟
وبعد ذلك لكل حادثة حديث

سلامات هيثم
من تعريفاتك وكلامك يبدو إنك بتقصد بالسخف "المساخة"
أكد لي في الأول الفهم ده.. عشان ما استطرد وأكون أوف بوينت
لك شكري

المسلمي ازيك و ان شاء الله طيب
بالغت ياخ ! حسع كلامك دا مش دعوة صريحة للمنازلة ! و البوست المسكين ح يدفع الفاتورة ! , و اعادة لتاريح البوست والبل !

Quote: فقام يحاول هرشي وتخويفي يبدو انه عنده اسقاط من الماضي عني فقال فرصة اسب الزول ده

عموما يا عزيزي اصلا مقصد البوست في فكرة السخف ما المقصود الـ(cyberbullying ) و الـ(Cyberharassment) و ان كان بيشمل بصورة عامة !
و عادي حسع من شواهد المنبر في ناس عندهم اعداء اسفيريين اشد ضراوة من الاعداء الحقيقيين في الواقع -و ممكن واحد يكون مكرس حياتو و احساسو الحقيقي من اجل عدو اسفيري لاشافو ولا ح يشوفو !!
في ردي علي بعض المشاركات كنت داير اناقش عن فكرة الـ(cyberbullying ) لكن سرعت المعدل !
السخف كتفكير و سلوك المقصود في الخيط بيشمل حتي زول يتساخف عليك و ما حاسي اصلا و ممكن يكون صاحبك !

تقديري و كن بخير
-


---






لي عودة حتما للرد علي كل المساهمين حتي لصاحب الايقونتين نورة !

و اللهم انّا نعيذ بك من البل و البلوي والسايبربولينق !

رمانة سلامات

Quote: من تعريفاتك وكلامك يبدو إنك بتقصد بالسخف "المساخة" أكد لي في الأول الفهم ده.. عشان ما استطرد وأكون أوف بوينت

سؤالك صعب جدا ! لكن حتي لو انتي فهمتيها بالطريقة دي برضو ما مشكلة ! و ممكن تناقشي حتي بتعريفاتك الخاصة !
بالنسبة لي السياق مهم لتحديد السخف و الننسنس ! وعشان كدة شايف الكلام عنو بدون الـsocial intelligence والقيم الاخلاقية للثقافة ما عندو معني !
وعموما شايف من الصعوبة التمييز ين الصفاقة و السخف والسماجة و المساخة و السفاهة واللؤم والعبط و كل الكاتيقوري المشابه بدون النظر الي السياق و (الاي كيو) الممارس معا ! يعني ممكن واحد يكون داير يتساخف لكن (الاي كيو) بتاعو ما مساعدو والنتيجة تتحول الي سماجة وهكذا !

و بصورة عامة كلامنا حول (التفكير و السياق والمعني المستولد ! ) و ممكن الحاجة تكون ما سخف في حد زاتها لكن داخل سياق معين يتحول الي سخف و هكذا
وبصورة اكثر عموما السخف ممكن يكون وصف لتفسير ظاهرة كاملة وليس سلوك شخصي بحت !

--
و لامن ذكرت النكتة المنسوبة للرباطابي لامن سألو زول استحميت و قال ليهو لا ! صبت فيني مطرة - ما كان قصدي المساخة بتاعت الزول و انما توضيح انو في طريقة تفكيرنا كـ(سودانيين ) في مساحة تسمح لممارسة السخف او المساخة او اللؤم لمن يرغب !(غياب العشم و طيب الخاطر) !
والنقطة دي كانت محاولة حفرية لمعرفة الثغرة في طريقة (تفكيرنا ) وليس للاشارة للحادثة ذاتها !

تحياتي




ما عارف لو فهمتي حاجة من كلامي عليك الله قولي لي !!

يا هيثم طه ياخ البوست بتاعك ده بيشبة بروفايلك

انا لله

حليل صديقى قيقا

__________________________
سلام يا هيثم
فى سخف ممجوج ..بتعرفوا؟؟؟
صدق انا مرات فى البورد ده بشوفوا ماشى بكرعينوا عديل كده لما اتعوذ بالله

بعدين اقوم اقعد زى زولك و راسى بين ايدينى واقول "ان لله فى خلقة شئون" يا عملات ابوى الله يرحمه
واقعد اتفكر فى اختلاف زوايا الشوف يعنى انا فى ناس فى البورد ده انا بشوف مواضيعهم وطريقة كتابتهم
عبارة عن سخف ممجوج
وفى نفس الوقت الناس ديل بفتكروا انهم اصحاب قضية و عميقين
ياخ دى لفة صينية تدوش

تلكسات الي حين العودة :

Quote: يا دكتور هيثم افتكر لو رجعنا للنكات و قصص الأئمة مع المصلين أخير

انت تعال يا ودالبشري ابدأ وعارفني ما عندي مشكلة و بواصل معاك !!

Quote: والضيق يشمل عمكـ هيثم لتجاهله اللعبة الخشنة ضد د. بيان!!

يتجاهل هو و يشنف في تجاهل الاخرين ! فتأمل !
التجاهل احسن من التشجيع بتاعك دا !!

Quote: أسهل حاجة في المنبر دا، الجد ينقلب هظار والهظار يتقلب جد (تقُرأ عنف) في كسر من الثانية

ي
حمد يا عزيز غايتو شفت الهظار بتقلب جد (عنف ) لكن ما شفت العكس !

Quote: الموضوع عميق و بستحق البحث ... المشكلة في التوقيت ... المنبر كلو مشاكل

يا بروف بتفق معاك في حتة التوقيت ! بس انت وريني متين المشاكل ممكن تنتهي في المنبر !
حسع اطالب بسحب البوست ! ما فات شئ - لسع ما بديتو !!
يبدو لي ائمة الجوامع دعوا علي البوست !

اهلا هيثم والشباب المتداخلين:



لو فهمت صح..

فى مواضيع لمن ادخل اقراها بأحتار ....
فى طرح عبقرى وثرى جدا...وفى ردود لنفس الطرح (غاوية) تبخيس كل قيمة او ربما تبخيس لشخصية الكاتب...وهنا تنتابنى حمى وقشعريرة الحيرة....اكثر واكثر.... فيا ترى هل فعلا هنالك من يستحق كل هذا الكم الهائل من مهاترات الكلام ######فه من اجل لا شيئ؟؟؟
هل تبخيس الاخرين يعظم قيمتنا فى نظر الاخرين او فى حسبان انفسنا؟؟

مرات... بأحاول اعرف وافهم او القى اجابة لسؤال...الناس البتستعمل كلمات (سوقيه) لتنعت بها الاخرين فى المواضيع "المكتوبة" هل هم بنفس مستوى الرداءة (وعذرا) للكلمة ...لكن بالفعل هنالك اسلوب متفشي فى الاساءة المكتوبة بغض النظر وتناسي ان الكلمة المكتوبة دليل بين وباق ضد من يتفوه بها...ضد احترامه لنفسه ومكانته وبالطبع واجب احترام حرية الاخرين ....
هل الحياة خارج منظومة النت تسير بالناس بنفس المستوى؟؟؟ أكاد اشك فى ذلك لاننى لم اقابل بعد ولا اتمنى ان تصل لاذنى تلك السخافات...
والبزعل انو اى فكرة بتخالف رأى شخص ما ...تثير زوابع غضبته التى تنسيه أداب الحوار ومغزاه....والحرب تثور من كلمة ...ولكنها لا تنزوى بكلمة!!

خلقنا الله متساويين ,,,ولكن هنالك اختلافات بينة بين البشر...مستوى الثقافة والتعليم ...اندماج الفهم المعنوى والبيئى مع التحصيل العلمى ...نختلف ولكن مثلا.... هل مستوى المعرفة المختلف يمنح الاخرين حق او ميزة ضدى؟؟ هل من يتحدثون لغات اكثر مما نتحدثه يميزهم مما يمنحهم الحق فى اظهار ما لا املكه؟؟
بعضنا(نحن) يخطئ حتى فى اللغة الام... ولكن لا يعنى ذلك أننا لا نفهم او اننا ننتمى لعالم أخر....






أحسب ان احترام الاخر هو فضيلة انسانية بحتة...

لو طلع الكلام القلتو برة الموضوع حأزعل انا ما انت ,,,وحينها قد أأسف على الازعاج

تحياتى

عاطف عمر يا حبيب الخيط بيتشرف بمتابعتك ياخ
و بعدين القرشي دا ما يضللك ساي -نحن اولاد كنبة واحدة في الكلية !
بس بعد التخرج هو سلك درب البنسلين و انا سلكت درب الاربعين زاهدا !
-
يا رندا بالرغم من انو كلامك في صميم الخيط لكن البوست دا هو الوحيد بين اقرانه الما ممكن اي موضوع يكون برة !!

-
المسلمي بوعدك بالاسهاب في الـ cyber-bulling وcyberstalking (البلطجة او الشبيحة او الفتونة الاسفيرية ) اصبر لي بس !

-
دكتورة رحاب خسمتك بالذي ركز الارض انك تلقي ترجمة مناسبة للـ(السخف الممجوج ) !انسي تعربفات الفرنجة التعبانين ديل !

-
ثم وين حيدر المشرف في الحفل دا ! اتلومت ومعاك ناس تانين و الله !!
-

المجمر سهام : بروفايل شنو ! اصبري لي ح اعمل ليكم فيديو و تلفزة لاحداث البوست !
بالمناسبة تابعت كلامك في TED Xkhartoum و كنتي في كامل بهائك السوشل انتلجنسي !
ينصر دينك و دين جينات المجمر كلهم !
دا داير ليهو بوست براهو !
-
صديقنا الجاك في غربته يقول انو المنبر هو المكان الوحيد في العالم الممكن تقول فيهو اي حاجة عدا موضوع البوست !
و انا بتحداهو و بقول ليهو اي كلام في الخيط عندو علاقة بالموضوع !

Quote: المجمر سهام : بروفايل شنو ! اصبري لي ح اعمل ليكم فيديو و تلفزة لاحداث البوست ! بالمناسبة تابعت كلامك في TED Xkhartoum و كنتي في كامل بهائك السوشل الانتلجنسي ! ينصر دينك و دين جينات المجمر كلهم ! دا داير ليهو بوست براهو !

ااااى بلاهى يا هيثم و ماتنسى تعلق اسمى فى عنوان البوست نفسى ابقى مشهورة...
وانا زاتى ناوية افتح لى بوست بسخف ممجوج يساعدنى علي كده
يدك معانا بلاهى

Quote: و المفارقة بين التفكير بالكتابة .. و بين التفكير باللسان الطليق و فقدان كامل ترسانة الـ non verbal communication*

القرشي شكرا علي اللمحة ! و كلامك ذو صله شديدة بمبحث الخيط
التفكير بالكتابة اكيد بكون فيهو (editing) للكلام (في الراس !)و استدعاء كامل للذاكرة الواعية ! اي ممارسة (خطاب-discourse) من حذف و شطب و غيرو(في الراس برضو !).
في حالة التفكير بالكلام - بكون تداعي شبه حر واقرب للشخص ولذاتو الغير واعية ( more authentic and honest ,other than being real ! )
وتصدق مرات بتخيل انو الكتابة يالدارجي(نفس طريقة تفكير الكلام العادي ) بتكون اقرب للكلام و بالتالي اقرب للشخص
اضافة لاشارتك المهمة في اختلاف التفكير لكن الكتابة المقصودة تحديدا في العنوان ما عملية الـ(writing) او الـ(writings) بتاعت الكاتب
زي في الصحافة الورقية او كتاب او رواية -و انما الكتابة داخل الحوارات في الاسفير
لانو في ظني في (psychological bond ) عميق بين الكاتب و المكتوب ! وقاعد تحصل (self-actualization ) لدرجة انو
الواحد بجي بشوف روحو في الكتابة و رد الناس ليهو و كدة !
و افترض في واحد عندو مقال في الصحافة قام هو او واحد تاني جابو او المنبر - المقال في حد زاتو ما بعتبرو كتابة
اسفيرية لكن حضور الكاتب نفسو للحوار مع الناس كشخصبة اسفيرية بتبقي هنا المقصود - و بالتأكيد في الكتابة الورقية
بكون في (editing )اعلي من حالة الكتابة الاسفيرية لدرجة انو ممكن تمثل اشواقو و اهدافو اكتر من روحو!

و نواصل رغم وعورة المشوار !




-
يا المجمر في طلبي نسيت اقول لرحاب الترجمة عشان تكون عميقة و تفي الغرض لازم تستصحب الالم المصاحب عندك !

Quote: صدق انا مرات فى البورد ده بشوفوا ماشى بكرعينوا عديل كده لما اتعوذ بالله بعدين اقوم اقعد زى زولك و راسى بين ايدينى واقول "ان لله فى خلقة شئون" يا عملات ابوى الله يرحمه واقعد اتفكر فى اختلاف زوايا الشوف يعنى انا فى ناس فى البورد ده انا بشوف مواضيعهم وطريقة كتابتهم عبارة عن سخف ممجوج وفى نفس الوقت الناس ديل بفتكروا انهم اصحاب قضية و عميقين

يا آل المجمر مالك ياخي دايرة تحرفي البوست !
موضوعنا ما عندو علاقة بالسياسة ياخ و انما بالسخف في حياتنا !
وعموما السخف او البلطجة الاسفيرية او الذكاء الاجتماعي و باقي الشلة ما عندها دين ولا رب !
لكن ما دام جبتي سيرة البحر و لازم اجاملك -ياخي في سخف اكتر من انو رئيسنا يرقص عشرين سنة بلا تعب او صالح !
قلنا القتل و السرقة والعنصرية من شيم القياصرة ودي المحرية فيهو ! لكن رئيس يرقص قدر دا يطرشني في الافلام المصرية ما شفتو !
سخف منقول علي الهواء و مرات مسجل و مرات في بيت بكا واشلاء الجثث و مرات في فرح - دا شنو دا ! و بعمل اجتماعات متين !!
و بالجد ما عارف هل بالصدفة الرئيس طلع بحب الرقيص ولو الحكاية تجليات لفلسفة دولة بتحب (الرقص علي جراح الاخرين ) من ايام عرس الشهيد كأسخف اختراع في تاريخ البشرية !

ياخي الناس زاتها شكلها حصل ليها تبلد من كترة السخف في حياتنا و بقت ما حاسة !
تقولي شنو تقولي منو !



يبدو ان الكون كله اصبح يضج بالسخف و لولا بعض اطفال في عامهم الثاني و طريقتهم العبثية العميقة
للتعامل مع سخف الحياة لما اصبحت للحياة قيمة !

غايتو البوست دا مساحة لبث الشكوى وممارسة المشاجنة بطريقة مقعرة تساعد فى تقصير انعكاس نور الرؤية ليسقط قبل شبكية المعرفة المحجوبة بLENS تكاثفت عليها لواعج الكتراكت..

أها الكلام حقى دا بقع فى ياتو كاتوغرى؟

مع العلم الكلام دا منقول من بنك جنب اللوزتين!!

يا هيثم توصيف rudeness وما يعتبر تصرف rude في الثقافة السودانية يطول شرحه ... وممكن أنا ذاتي أو إنت نختلف مع الثقافة السودانية في توصيفاتها تلك... وعلى كل حال تحديد a rude behavior ده شيء بيختلف من ثقافة لثقافة ..
أنا حاسة إني لسه ما فاهمة قصدك بكلمة سخف. لكن عموماأنا فهمت من كلامك إنك بتقصد المساخة - حتى من غير النكتة - وقد لا تكون ولأنك أستبعدت معاني أخري من المقصد والمساخة طبعا في ثقافتنا السودانية تعتبر خصلة غير محمودة.
بس أولا خليني أختلف معاك تماما في اعتبار المساخة " أكبر معوقات الوجود او الحوار والكتابة في المنابر".
الشتم والسب والاساءة أساسا مرفوض تماما في الواقع وفي الاسافير وقبوله أو احتسابه كمعوق ثانوي للوجود والحوار في رأيي شي غريب والأغرب منه إنك تقدم عليه المساخة كمعوق. الاساءة والشتم "والبلطجة" ونشر الاكاذيب ومطاردة الاشخاص للاختلاف في الرأي أو الاتجاه السياسي بصورة "لايوقة- مافي أنسب من الكلمة" كلها معوقات أساسية للاستفادة من الكتابة والقراءة ومتابعة المنابر.
أنا أعرِف ليك المساخة بفهمي أنا من البيئة الـ نشأت فيها وقد يختلف الفهم عند الناس:
المساخة هي الكلام الصريح بدون مراعاة لمشاعر الناس بقصد عمل صدمة للآخر لتحقيق هدف أو مقصد معين للقائل (وقد تكون بدون وعي كامل بمترتبات الكلام) - وقد تكون طبع، يعني خلقة الله. وبرضو الناس بتختلف حول ما يعتبر مساخة من قول ، أو تصرف.
أنا ما شايفة المساخة كلها مظهر سلبي بل في بعض الأحيان والمواقف بتكون تصرف تستدعيه الضرورة ..
وأهم حاجة إنه الانسان يستخدمها بطريقة موزونة، وفقط عند اللزوم وأفضل مثال هو عند الرغبة الملحة "لتثبيت أو وقف" كلام أو تصرف ما نفعت معاه كل مهارات "المتماسخ" في الذكاء الاجتماعي (إن وجدت)...
نحن في ثقافتنا السودانية ما عندنا حاجة اسمها المجاملة الذكية على حد علمي..الناس في السودان كلامهم خالي من التجميل والتلطيف والرتوش والمجاملات الذكية عكس شعوب تانية (العربية بالتحديد). وإذا ما عايزين نقول كلام شين بنسكت... صعب علينا جدا توصيل المعنى الشين "حسب الثقافة" بدون جرح مشاعر او قلة احترام بسبب عدم الاعتياد..
والمساخة البقصدها ما ليها اي صلة بعدم الاحترام المطلق او بالسب والشتيمة والبذاءة
ليه ساهل السخف والتمادي فيه في المنابر؟ عشان الواحد عارف إنه ما ح يلاقي الشخص التاني في الحياة في الغالب .. هو مجهول "أو غير حقيقي" ومراعاة المشاعر تبقى – في نظر الشخص المسيخ - ما عندها محل هنا..
وقد يكون أن "البعض" بيتعامل مع الكلام المكتوب ككلام مكتوب بس... يعني السخف خاص بالكلام المكتوب مش مقصود بيه الشخص نفسه وبالتالي لو زاد حبتين ما مشكلة...
أنا برضو ما عارفة كلامي لحد هنا واضح ومترابط وداخل موضوع البوست ولا لا
لكن لحد هنا أتوقف لطول المداخلة ...
----

الكلمة البين 3 و4 هي شخصية الانسان في حياته "الواقعية" بعيدا عن شاشة الكمبيوتر

Quote: I gradually came to believe that this ability to "get along with people" represents a kind of "intelligence" in itself, quite apart from the usual "IQ" intelligence that academics, psychologists and educators have studied so diligently

.

Quote: A simple description of SI is: the ability to get along well with others and to get them to cooperate with you

Quote: Quote: يعني مثلا الزول يمشي يقرأ مقال عن السخف و الذكاء الاجتماعي ويجي ينمط الناس - ديل كدة وداك كدة - ! بالطريقة دي غالبا العلم بتم استخدامو لحسم صراعات ايدولجية او مصالح مع احترامي استخدام العلم لحسم الصراعات أيا كانت .. أو لتحقيق مصلحة أيا كانت.. دا من صلب غاياتو.. لإنو استخدام العلم في الغالب الأعم يعتبر وسيلة حضارية.. مع احترامي اعتقد الممارس للسخف بكون بعيد عن العلمية وسلوكه لا يوصف كذلك.

بالتاكيد يا الملك (العلم) هدفو الاساسي حل مشاكل الانسان عموما -و بالذات تصحيح التصورات زي لجاليلو و نيوتن و غيرهم
بس اشارتي (للعلم) بالذات نتائج ابحاث العلوم الاجتماعية - مثلا في دراسة طلعت قبل فترة عن علاقة التعصب و الايدلوجيا مع معدل الذكاء
و تقوم الناس تستخدم النتيجة دي للتنميط و يعمموا علي اي واحد في الصراعات الايدلوجية و المصالح
و التنميط -في نظري -ابتذال و اختزال للتجربة الانسانية المعقدة وعدم مراعاة للسياقات المختلفة

لو لقيت زمن ممكن تشوف الرابط دا للاساتذة احمد امين وخالد الكودي(كان عامل نفس البوست ) و مساهمتي في الخيط وسبب اعتراضي لتطبيقات الدراسات الزي دي
دراسة حديثة تثبت ان حاملي الافكار اليمينية أقل ذكاء من اليساريين



-
---


مالك وقفت دفراتك ياخ !!
ما زال ليل البوست طفلا يحبو !

Quote: أحسب ان احترام الاخر هو فضيلة انسانية بحتة...

سلام يا رندا
مواضيع الاحترام والاعتذار ديل في نظري مسائل معقدة بدون النظر الي مفهوم الذات او النفس ومفهوم الاخر داخل الثقافة و التربية
مثلا الاحترام بيعني شنو لزول اصلا ببحث عن احترام الذات باسترجاع الكرامة ! زول سب للتاني- و بحثا عن الاحترام ح يقوم يسئ زيادة لانو لو ما رد الاساءة بافضل منها ! ممكن يفتكر انو هو فقد احترامو ! فلسفة زي دي كيف يقولوا ليهو احترم نفسك و يفهمها كيف !
عموما الموضوع عندي ما دعوة لمثل فاضلة او قيم اخلاقية عالية عشان الناس ببساطة تلتزم و انما اعادة لفسلفة
الاخلاق و تعريف الذات و الاخر داخل الثقافة
بل العكس تماما بتخيل انو مشكلة فلسفة الاخلاق عندنا انها اخلاق ايدلوجبة ( مٌثٌل اي ما يجب ان بكون ) و معظم القيم
الاخلاقية الاجتماعية الكانت بتحكم مجتمعنا زي (العيب) بفتكرها قيم نشأت في سياق اجتماعي -اقتصادي-ثقافي محدد و
لامن اتغيرت السياقات دي بقت القيم ما عندها معني او مفعول اخلاقي !
يعني قبل تلاتين سنة لو واحد كبير في الحلة قال لاتنين بيتشاكلو (عيب الكلام دا ) تقريبا انتهي الكلام -والشكلة تقيف غالبا
واذا افترضنا جدلا انو في الواقع مفهوم (الكبير) كقيمة اخلاقية لسع عندو شوية بريق كيف الناس في
الاسفير تعرف الكبير من الصغير !
و عموما اختلاف سياق الزمن شكلو اثّر علي القيم الاخلاقية التانية و مضمونها الاخلاقي يتغير زي الشكر
-الاعتذار -العشم -رد الاعتبار والجميل .
مثلا الشكر يتحول الي (كسير تلج !) او الي عكسو (نكران و تبخيس) -الاعتذار الي النكران النهائي
للخطأ او لعكسو (هزيمة وتنازل) و هكذا
وفي ظني الناس لامن تكون في القيم الكبيرة زي الحزن والفرح ما قادرة تمارسها زي الناس تعرفي انو الثقافة افسلت !

معظم الناس مثلا لامن يجوا يعزوا زول في قريبو مات في حادث حركة -قبل ما يكملوا الفاتحة بسألوا عن تفاصيل الحادث -
لامن الشمار يبقي مفارقة اكتر من وجع الزول خلاص تاني فضل شنو !
وفي عرس قبل ما يباركوا بسألوا من العشاء والبيبسي او ما شابه حسب الثقافات !

الموضوع شكلو جاط وبقي ما بتنفع فيهو الدعوات الصالحات !

Quote: بس اشارتي (للعلم) بالذات نتائج ابحاث العلوم الاجتماعية

في دي مؤكد ليك حق ..
لإنو النتائج في الدراسات الاجتماعية..
ليست ذات مصداقية علمية دقيقة ومنضبطة كما الحال في العلوم الطبيعية..
لذا فإن فرص استغلالها بطرق سالبة وارد كما تفضلت ..
.
.
مشكور على اللينك والدراسة العجيبة الاشار ليها

Quote: Despite their important implications for interpersonal behaviors and relations, cognitive abilities have been largely ignored as explanations of prejudice

الدراسة دي باين لي اعتمدت على حقيقة ثابتة هي التمايز بين البشر في قدرتهم على الادراك ..
وهذه حقيقة ازلية لايستثني منها مجتمع..
بس الجديد إنهم ربطو بين القدرة على الادراك وظاهرة التحيز أو التعصب ..
بمعنى اصحاب القدرات الادراكية الضعيفة بكونوا أكثر قابلية للسقوط في فخ التحيز و التعصب ..
ودا لإنو قدرتهم الذاتية أو ضعف ذاكرتهم من الطفوله يأهلهم للنتيجة دي ..
على حد زعمهم..
ذاكرة الطفولة دي ذكرتني سيرة عالم الطبيعة صاحب نظرية النسبية سبحان الله!
ماعايز احرف البوست ولكن
يبقى السوآل الأهم صرف النظر عن نتائج الدرراسة ..
هل يوجد بين البشر معيار ثابت لتقدير ماهو خطأ أوصواب؟
على كل القبول بالآخر يعني التعايش ولا يعنى التخلي عن قناعتي.

Quote: وعموما شايف من الصعوبة التمييز ين الصفاقة و السخف والسماجة و المساخة و السفاهة واللؤم والعبط و كل الكاتيقوري المشابه بدون النظر الي السياق

كنا ماشين كويس ... لكن كده يا حبيب تشابه علينا البقر ...
موضوع التعريف - ال Definition - مهم جدا ...
مثلا العبط ... صاحبه can't help it ... ولا أظن موضوع البوست يشمله ...

Quote: يبدو أن بداخل كل منا عدة ذوات .. المنطقي/الذكي/المفكر و العاطفي/الحساس أو الوغد و غيرهم كثر و ما الإتساق الذي نظنه بفخر (أنا) التي تتكلم إلا خطوة في طريق يقود لأقرب (صينية) إن توافرت الظروف الموضوعية !!

وتعليق أخونا محمد قرشى أعلاه يقودنا لموضوع ال Triggers
فبعضهم وبغير أى "social intelligence " يكتب ما لا يطاق ...
وهنا تتوافر الظروف الموضوعية التى أشار اليها الاخ محمد ...

والتى عبر عنها أخونا البروف ب "رد العدوان" فى حركة
إستباقية حتى لا يكون أحد العينات المختبرية ..

Quote: الموضوع عميق و بستحق البحث ... المشكلة في التوقيت ... المنبر كلو مشاكل و سخف ...كل زول ح يفتكرك بتتكلم عنو ..

الان فهمت الان فهمت !! (اسدل الستار يا حيدر !)
احكي ليك قصة البوست يا بروف عشان تعرف غرابة الحياة والكتابة و المنبر والصدف !
و بالرغم من انو قدر ما حاولت اعرف انفعال الاخ طه و غلبني لكن بعد كلامك دا لقيت ليهو العذر الكامل -
وهل تصدق بالله العظيم يا بروف عندي عادة خوف من الكتابة وجدواها مش في المنبر- اصلا في الحياة ! عموما بعد ما
كتبت العنوان -قلت يا زول خليك جادي !
متين ح تعرّف العنوان و متين ح تتكلم عن العلاقة وهل اصلا عندك معرفة كافية للموضوع و الاجواء عموما محتقنة -قلت اخلي البوست يمشي الارشيف و لو ربنا رفع لي قدم الكتابة ح اكتب !
المهم وانا في دوامة الاحباط و التردد جيت لقيت العزيز عبد اللطيف كاتب كلمات بسيطة لكن في غاية اللطف - وقلت الله العظيم في خاطر العشم الجميل حقو الزول يواصل حتي لو ما عندي اي كلام اقولو - لقناعتي انو (العشم ) كاجمل قيمة انسانية في الحياة لا يجوز الخذلان -
و الاغرب من كدة -مصداقا لقولك - في لحظة معينة لامن قريت مداخلة كتبتها بيدي ! حسيت انو ممكن يكون المقصود انا زاتي لاني قاعد اشارك في الحاصل في المنبر عادي !!
اما فكرة التنميط او تحديد زول او القصد - العكس تماما - حتي في ردي علي مداخلة الملك الاولي اصراري كان انو لو في (معرفة) بتملكّك (judgement ) فقط دي غالبا معرفة ايدلوجية و ذات مصالح !


---



المهم لو في زول اتضرر من البوست عبد اللطيف بيتحمل المسؤولية مناصفة معي !!
----


الاعزاء بلة والفنان امير و رمانة والملك لي عودة لمداخلاتكم اذا مد الله في عمر البوست والمنبر والكي بورد !!

Quote: السودانية في توصيفاتها تلك... وعلى كل حال تحديد a rude behavior ده شيء بيختلف من ثقافة لثقافة .. أنا حاسة إني لسه ما فاهمة قصدك بكلمة سخف. لكن عموماأنا فهمت من كلامك إنك بتقصد المساخة - حتى من غير النكتة - وقد لا تكون ولأنك أستبعدت معاني أخري من المقصد والمساخة طبعا في ثقافتنا السودانية تعتبر خصلة غير محمودة. بس أولا خليني أختلف معاك تماما في اعتبار المساخة كبر معوقات الوجود او الحوار والكتابة في المنابر أ". الشتم والسب والاساءة أساسا مرفوض تماما في الواقع وفي الاسافير وقبوله أو احتسابه كمعوق ثانوي للوجود والحوار في رأيي شي غريب والأغرب منه إنك تقدم عليه المساخة كمعوق. الاساءة والشتم "والبلطجة" ونشر الاكاذيب ومطاردة الاشخاص للاختلاف في الرأي أو الاتجاه السياسي بصورة "لايوقة- مافي أنسب من الكلمة" كلها معوقات أساسية للاستفادة من الكتابة والقراءة ومتابعة المنابر

رمانة مداخلتك احتوت علي نقاط كتيرة جدا و اي فقرة جديرة بالنقاش او التوضيح و ح احاول كل مرة اقتطع جزء -
بخصوص اصراري علي ادخال (rudeness) او (الوقاحة) في تعربف السخف (nonsense) هو مفهوم (الاذي) - فكرة السخف عندي ما بتقيف في انو الزول بس ما بلقي معني اوالـ (good sense) علي (حد تعبير دكتورة رحاب) -لكن شابف عدم وجود (المعني) بيسبب اذي و ضرر نفسي !
و في النهاية الحاجات دي بتحكمها السياقات او القيم الاخلاقية للثقافة والظروف المحيطة و التجربة الانسانية للفرد
عموما مهما نختلف او نتفق في مفهوم السخف - بيظل هو المفهوم المحبب جدا الي قلبي لتفسير ما يحدث في الكون و ليس في المنبر فقط !!
--

اختلافك معايي في كلامي انو (السخف والاذي والضرر النفسي الناتج عنو من اكبر معوقات الوجود او الحوار والكتابة في المنابر) -(معليش عملت برافريزين لكلامي الاول للشرح !)
ما مشكلة اختلاف وجهات النظر و زوايا الشوف ودي حاجة طبيعية -
بخصوص اختلاف وجهات النظر مثلا في واحد ممكن يفتكر انو الكيزان الاعضاء من اكبر معوقات الكتابة و كمان بطالب بتنظيف المكان منهم - و ممكن اكون شايف انوالسخف الحاصل دا ما عندو اي علاقة بالكيزان الاعضاء ! و انما بسلوكنا كسودانيين عموما ! و حتي لو المنبر كان خالي من الكيزان كان ممكن يكون الوضع زيما هو - و حتي احجام بعض الكتاب الكبار ممكن الكيزان اصلا ما عندهم يد ! وبل شايف انو التفكير انو الكيزان هم السبب ممكن يعمينا عن الاسباب الحقيقية عن سلوكنا و تفكيرنا ( الفقرة دي دا ما عندها علاقة بكلامك بس لتوضيح كيف وجهات ممكن تكون مختلفة واي زول عندو مبرر )
-
بخصوص المطاردات و البلطجة الاسفيرية الحاصلة تحت اي مسمي (كالنضال او اختلاف الراي ) -بالرغم من انو دا ما موضوع البوست نهائي
ممكن في ناس يختاروا اعداؤهم الاسفيريين بعناية فائقة و ما عندها اي علاقة باختلاف الراي ! و (يبيّضوا) بيهم ويكرهوا عيشتهم في الحياة عديل مش في الاسفير بس ! ممكن تكون المطاردة بدون اي كلمة اساءة واضحة !
و غالبا الناس بتاكلها في حنانها و بتمشي بنفسيات مريرة ! و ما بقدروا يقولوا شيء لانو السخف او (المساخة علي قولك ) ما قيمة اخلاقية سالبة معروفة
للتنديد والشجب بتعربفنا للاساءة - ودا كلامي عن خطورة السخف كمعوق للوجود !




...........غايتو !

يرفع لحين عودة ...

سلام هيثم..
الحاصل في المنبر لا يرتبط بظرف معين او فئة محددة.. وانما يعكس ثقـــافة عامة.. سلم منها قلة قليلة..
اتفق مع رمانة في ندرة الدبلوماسية واللباقة عندنا.. واضيف انها صارت اقل مع مرور الزمن وتعاقب الاجيال..

لو لاحظت في صور ناسنا القديمة.. تجد في وجوهم صفاء جميل لا تخطئه العين..
ناس الزمن دة تصرف كتير من المال والجهد لتمليس سحناتهم لكن لا نتيجة تماثل بهاء ناس زمان دون مساحيق .. لا ساونا ولا فوتوشوب..
والسر اعتقد في هدوء الدواخل.. التهذيب .. والاحساس بالآخرين..

يا هيثم خلينى من ال absurdity
فهذا معنى السخف بلسان عربى مبين
كتر خير قوقل

Quote: سخف . : 1 - رقة العيش . 2 - ضعف العقل ورقته . المعجم: الرائد - [ ابحث في المعنى ] سخف . : 1 - مصدر سخف . 2 - ضعف العقل ورقته . المعجم: الرائد - [ ابحث في المعنى ] سخف يسخف : سخفا ######افة ######فة . : 1 - كان ضعيف العقل رقيقه . 2 - الشيء : كان رقيقا ضعيفا . 3 - العقل : ضعف . المعجم: الرائد - [ ابحث في المعنى ] سخف تسخيفا . : 1 - ه : جعله سخيفا . 2 - ه : نسبه إلى السخف . 3 - هـالجوع أو نحوه : أضعفه . المعجم: الرائد - [ ابحث في المعنى ] سَخُفَ : سَخُفَ الشيءُ _ ُ سُخْفًا ، وسُخْفَةً ، ######افة : رَقَّ وضعُف . يقال : سَخُفَ الثوب : رَقّ نَسْجُه ، وسَخُفَ العقْلُ : ضعُف . فهو سَخِيفٌ ، وهي سخيفة . يقال : رأيٌ سَخِيفٌ ، وثوبٌ سخيف . المعجم: المعجم الوسيط - [ ابحث في المعنى ] سخف : س خ ف : السُّخْفُ بوزن القفل رقة العقل وبابه طرب فهو سَخِيفٌ المعجم: مختار الصحاح - [ ابحث في المعنى ] سخَّفَ يُسخِّف ، تسخيفًا ، فهو مُسخِّف ، والمفعول مُسخَّف ( للمتعدِّي ) : • سخَّف الرَّجلُ كان سخيفًا . • سخَّف الكِبَرُ عقلَه : أضعفه . • سخَّف رأيَ فلان : نسبه إلى السُّخْف . المعجم: اللغة العربية المعاصر - [ ابحث في المعنى ] سُخْف : مصدر سخُفَ . المعجم: اللغة العربية المعاصر - [ ابحث في المعنى ] سخُفَ يَسخُف ، سَخافَةً وسُخْفًا ، فهو سَخِيف :

• سخُف الشَّخصُ سمِج ، ضعُف عقلُه " سخُف عقلُه فسخُفت آراؤُه ، - سخُف سلوكه : صار غير مقبول لطيشه وحمقه " .
• سخُف الشَّيءُ : رقّ وضعُف " سخُف الثوبُ : رقّ نسجُه " .
المعجم: اللغة العربية المعاصر - [ ابحث في المعنى ]
سخف - سَخَّفَ :
[ س خ ف ] . ( فعل : رباعي متعد ) . سَخَّفَ ، يُسَخِّفُ ، مصدر تَسْخِيفٌ .
1 . " سَخَّفَهُ أمَامَ الجُمْهُورِ " : جَعَلَهُ سَخِيفاً ، تَافِهاً .
2 . " سَخَّفَهُ الجُوعُ " : أَضْعَفَهُ .
[Quote/]

اعتقد فى سودانيز دى بهمنا الاتنين الملونات ديل
تياب الناس ما شفناها

وبعدين يا رمانه المساخة ما معناها السخف
رغم ان تشترك فى مع السخف فى حته الاحراج وكده وهى اصلا ما حبابها
بالمعنى السودانى الكلام المسيخ هو انك تقول كلامك دون لباقة و دون تطعيم
وفى الغالب بيكون كلامك حقيقة يعنى بتقول الحقيقة طااااخ
والحقيقة دى معروفة عند الجميع لكن ماااا بذكروها و لا بيواجهو بيها صاحبها الغالبن بيكون عارفها
والمساخة احيانا تكون رد لكلام يعنى ما بداية كلام
والمساخة عندنا ممكن تكون مضحكة و قاعدين فى السودان نحكى و نسمع نكاتها

لكن السخف امره مختلف وانى رأيي التعريف الفوق ده فعلا بيوصف الحاله الهنا دى
السخف فيهو اذية نفسية مقصودة لنفسها فيها حقيقة والا ما فيها

يا هيثم

Quote: بخصوص اختلاف وجهات النظر مثلا في واحد ممكن يفتكر انو الكيزان الاعضاء من اكبر معوقات الكتابة و كمان بطالب بتنظيف المكان منهم - و ممكن اكون شايف انوالسخف الحاصل دا ما عندو اي علاقة بالكيزان الاعضاء ! و انما بسلوكنا كسودانيين عموما ! و حتي لو المنبر كان خالي من الكيزان كان ممكن يكون الوضع زيما هو - و حتي احجام بعض الكتاب الكبار ممكن الكيزان اصلا ما عندهم يد ! وبل شايف انو التفكير انو الكيزان هم السبب ممكن يعمينا عن الاسباب الحقيقية عن سلوكنا و تفكيرنا ( الفقرة دي دا ما عندها علاقة بكلامك بس لتوضيح كيف وجهات ممكن تكون مختلفة واي زول عندو مبرر )

اتفق معك تماما
تصدق
____________________________________________________
ياهيثم ساى اها شوف معنى ممجوج عشان تعرف نحن ما بوصف بوستاتنا ساى
لوووووول عاد

Quote: لممجوج هو الماء الذي تحركه في فمك ثم تمجه . أي تخرجه . وقول ممجوج أي مستكره ومستقبح. يعني :مثله في الأقوال ، مثل الماء الذي حرك في الفم ثم تفل. لأنه كلام تمجه الأسماع . قال الشاعر: كل له جارة يحمي خفارتها ... والماء سيان ممجوج ومشروب.

سخيف ممجوج = مسيخ وممصمص
سهام، أنا بحاول ألقى المعنى البقصده هيثم.. أظني لسه ما لقيته..
السخافة والثقالة والدغالة والبياخة والمساخة وحتى السماجة... كلهم أفراد عيلة واحدة..

Quote: سهام، أنا بحاول ألقى المعنى البقصده هيثم.. أظني لسه ما لقيته..

يا رمانه هيثم ده بقى ساى من هين

_________________________________
لكن الحق يقال البتقول عليه ساى خاف الله فى

عليه اعدى القراءة يا رمانه

Quote: يا رمانه هيثم ده بقى ساى من هين

ههههههه
ياخي ضحكت حتي بدت نواجذ البورد ! وانا اصلا ما كنت تميت ضحكة تعريف السخف الممجوج !!
يجازي الكان السبب في (ساي) !!
منك لله يا عاطف عمر !!
---
قلتي لي الماء سيان ممجوج و مشروب !!
النبي وريني الشاعر دا منو !! بالغ لكن مع البورد !!
---
في النهاية محاولاتك لتحريف البوست بمساعدة قوقل ح تبوء بالفشل !!
و ح نواصل و لسع ما كملنا تعريف العنوان زاتو !!
--





نجوان مرحب بيك و ممكن تواصلي في كتابة انطباعاتك -البوست استعدل شوية ولا ندري القادم !

Quote: غايتو البوست دا مساحة لبث الشكوى وممارسة المشاجنةبطريقة مقعرة تساعد فى تقصير انعكاس نور الرؤية ليسقط قبل شبكية المعرفة المحجوبة بLENS تكاثفت عليها لواعج الكتراكت.. أها الكلام حقى دا بقع فى ياتو كاتوغرى؟

تعال شاجن يا بلة موسي لو عندك اي شجون !
ولك الامان من كل بل !

Quote: تعرف الواحد كان مستمتع بالبوست فجأة بقي ما فاهم شئ

فاروق يا عزيز - ياخي امتع شيء انك تكون مافاهم - تعال ان شاء جيب ليك نكتة عن امام
--

Quote: Quote: وعموما شايف من الصعوبة التمييز ين الصفاقة و السخف والسماجة و المساخة و السفاهة واللؤم والعبط و كل الكاتيقوري المشابه بدون النظر الي السياق و (الاي كيو) الممارس معا !1- يعني ممكن واحد يكون داير يتساخف لكن (الاي كيو) بتاعو ما مساعدو والنتيجة تتحول الي سماجة وهكذا ! كنا ماشين كويس ... لكن كده يا حبيب تشابه علينا البقر ... موضوع التعريف - ال Definition - مهم جدا ... مثلا العبط ... صاحبه can't help it ... ولا أظن موضوع البوست يشمله

امير الفنان ازيك -
معليش الجزء الملون زدتو ليك من النص الاصلي ! (لتسهيل التوضيح )
عموما كلامي ما انو الحاجات دي كلها حاجة واحدة او البوست بشملهم - و انما- بتكملة الفقرة -الحاجات قريبة لبعض بس !
و انو (السياق والاي كيو) ممكن يغيروا النتيجة النهائية بالنسبة للمتلقي -
مثال تاني : واحد داير يتساخف لكن الاي كيو بتاعو ضعيف شوية ! النتيجة ممكن تكون عبط و ليس سخف !
مثال تالت: واحد داير يعمل حريف لكن تعبان -النتيجة ممكن تكون سماجة ! و هكذا
و بصورة عامة المقصود بتعريفي ما السخف الفردي و انما سخف السياق والواقع ككل ! وعشان كدة ربطت السخف
بالذكاء الاجتماعي وليس بالاي كيو الفردي !

ما مشكلة التعريف - تعال بتعريفك و ادفر معانا البوست ياخ !!

Quote: الكلمة البين 3 و4 هي شخصية الانسان في حياته "الواقعية" بعيدا عن شاشة الكمبيوتر

كويس سؤالك يا رمانة بديني مساحة اشرح قصدي من باقي العنوان !
في كلام كتير حول الشخصية الاسفيرية و الشخصية الواقعية و تطابقهم - و مرات بنسمع انو والله لاقيت
الزول داك في الواقع و بختلف تماما عن الاسفير
للخروج من مازق التطابق ممكن اقول ان الاسفيرية امتداد او تجلي للشخصية الحقيقية - طيب ليه الاختلاف !؟
ببساطة لانو الاسفير كفضاء بيختلف عن فضاء الواقع - ولامن جابو زول و ختوهو في سياق محدد بيتصرف بسلوك محدد -
و ممكن يكوّن بالوجود و الممارسة نوع من التلاؤم مع الواقع الجديد -
مثلا الواقع الاسفيري -مثال المنبر- اكثر عنفا من واقعنا العنيف زاتو ! وفي الواقع الجديد دا ح يكوّن صفات او سلوك للتواجد والبقاء
(زي تخانة الجلد - العدوان ورد العدوان وغيرها ) و ممكن الشخصية او النسخة الاسفيرية تتغير و تكتسب ادبيات الواقع الجديد -
والعنف اسبابو كتيرة منها الحرية الجديدة و عدم وجود قانون او سلطة شبية بالواقع -الاحساس بالامان من المعتدي عليه !
يعني ممكن انبذ و اسئ براحتي زول قاعد في امريكا و انا قاعد في السودان - لكن لو هو كان قاعد في حلتنا ممكن الاوز شوية
لانو ممكن يجي ياخد حقو باليد او يقاطعني اجتماعيا ! عموما اسباب العنف كتيرة ومعقدة و منها الواقع السياسي والاقتصادي -
و مشكلة الشخصية الاسفيرية المتخيلة و الـ(imagined) حقت الزول الواحد تتعدد بالنسبة للاخرين -! و بعتمد علي
مقدرات الزول التاني في الـ (judgement) ! و شخصيتك الاسفيرية-الحقيقية المتخيلة عندي ممكن
تختلف عن شخصيتك عند زول تاني ؟
و من الطبيعي تخيلاتنا عن الشخصية الحقيقية تكون مختلفة عن الشخصية الاسفيرية -لانو ثقافتنا
قائمة علي الـ(judgement) السريع -ولانو في الواقع الحقيقي زاتو نحن غالبا شخصيات ما حقيقية ! لانو محكومين بثقافة (مُثُل) و بنحاول نتصرف علي اساس (ما يجب ان يكون) وليس (علي ما هو عليه حقيقة -خوفا من حكم المجتمع ) و ممكن واحد يعاشر التاني 10 سنين و يجي يكتشف انو ما كان بعرفو ! و نتساءل ببراءة (والله ما كنت متخيلو ح يتصرف كدة ) لامن الواحد يتصرف بالطريقة النحن ما متخيلينها !

و ختاما لتعقيد الشخصية الحقيقية من الطبيعي تتعقد تجليلتها في النسخة الاسفيرية البتمارس الحضور الاجتماعي عن طريق الكتابة فقط
ولهشاشة الشخصية الواقعية في طبيعة تكوينها لامن جات في واقع اكثر حرية و غير محكوم باخلاقيات الواقع (الزائف!)كان من الطبيعي تتفضح و تبقي اكثر (حقيقية!!) و تمارس السخف كيفما اتفق !
و بمعني آخر :برغم سطحية الكتابة لتوصبل الفكرة الاساسية للزول في التواصل ورغم محدودية المشاركين في الاسفير لكن بعتبر انو الاسفير فضح (الشخصية السودانية )!
و دي مناسبة سعيدة انو الناس بمجهود بسيط ممكن يعرفوا -بس من المنبر دا !- ليه السودان عامل كدة خمسين سنة !
ومش خلال ال10 سنين من عمر المنبر من بوست واحد بس !ان شاء الله بوست الفنانة القالوا البتبحث عن حاجة كدة !





قربنا نخلص من العنوان !
حقو نبدأ الكلام عن العلاقة بيناتهم

Quote: و ختاما لتعقيد الشخصية الحقيقية من الطبيعي تتعقد تجليلتها في النسخة الاسفيرية البتمارس الحضور الاجتماعي عن طريق الكتابة فقط ولهشاشة الشخصية الواقعية في طبيعة تكوينها لامن جات في واقع اكثر حرية و غير محكوم باخلاقيات الواقع (الزائف!)كان من الطبيعي تتفضح و تبقي اكثر (حقيقية!!) و تمارس السخف كيفما اتفق ! و بمعني آخر :برغم سطحية الكتابة لتوصبل الفكرة الاساسية للزول في التواصل ورغم محدودية المشاركين في الاسفير لكن بعتبر انو الاسفير فضح (الشخصية السودانية )!

أخيرا شرحت مدخلك للبوست ..!!

Quote: "A person who is nice to you, but rude to the waiter, is not a nice person."

الرائع الصديق دكتور هيثم (رغم أنف أمين و قرشي hahahahaa)

سأعلق فقط علي ال intelligence ...

هناك مقولة أحبها جدا....وتنطبق علي هذا التجمع الإسفيري ....قالها رينية ديشكارتاش...

Nothing is more fairly distributed than intelligence/ common sense: no one thinks he needs more than he already has
"

وبالعربي كدة

"لايوجد شئ موزع بالتساوي مثل المنطق/الذكاء...فكل إنسان يعتقد أن لدية مايكفي"

وياعزيزي و علي ذلك قس...ليس فقط في البورد ولكن في السودان عموما....

Quote: دكتورة رحاب خسمتك بالذي ركز الارض انك تلقي ترجمة مناسبة للـ(السخف الممجوج ) !انسي تعربفات الفرنجة التعبانين ديل ! Haytham

سلامات يا هيثم، و اسفة للغيبة
مافي شي مخلي الفرنجة ديل فايتتنا غير الدقة دي, و لا اتفق معاك انهم تعبانين في قصة التعريف دي، و كمان في استنادهم للعلم كما شرح استاذنا الملك في فهم المجتمعات.
و بالمناسبة معظم النواحي التعرضت ليها في محاولة وصول لتعريف شامل و مبني علي فهم مجتمعنا السوداني لكلمة سخيف، يسعها تعريف كلمة سيللي دي
و بالرغم من كده انا لم جبت تعريف لكلمة silly ختيت ديسكليمر انه سخف في فهمي توازي كلمة سيلي دي

انا ما بعرف ممجوج بصراحة و استمتعت بقراية تعريف سهام و حاولت زي رمانة دي قدر ما اقدر افهم انت قاصد شنو بالسخف عموما
اسي بتعاريفك الفوق ديل يا هيثم، انا خايفة ارد بما ارتضية لنفسي في الرد تقوم تقول علي انت و بعض سكان سودانيز سخيفة

فادونا امان الله بالاول :)



هيثم الصديق، ضحكت لمن قريت كلامك، و اوافق عليه جملة و تفصيلا و مش علي السودان بس، في دنيتنا دي كلها اظنه حاصل



ــــــــــ
رحاب حاف ساكت الطف في معيتكم في سودانيز
يا عاطف و الله ليك وحشة، و نجوان و دكتورة نجاة، و بروف امين و استاذنا الملك و ناس كتار
طبعا دي برضك نوع من انواع السخف في تعريف البعض، انه الزول يلاقي ناس كتار كاتبة في بوست و يقوم يخص بالسلام ناس معينة.

Quote: بيظل هو المفهوم المحبب جدا الي قلبي لتفسير ما يحدث في الكون و ليس في المنبر فقط !!

د.هيثم والربع
طيب التحايا
السيرورة يحكمها قانون الطبيعة ( الناموس )، و المجتمع المدني ( العقل ) المرجو له ادارتها محكوم بالمرحلة التاريخية التي تخضع لقانون الطبيعة أيضا في اكتسابه للمعارف والخبرات أو في قدرته على ممارستها تحقيقا ، ( الفكر الجمهوري ) ( الشيوعية ) وهو كما يتبدّى لنا كثيرا عاجز عن الادارة تماما بل مشلول فهو يميل بالجملة لصالح النفس الامارة أو ما تعارفنا على تسميته بالطبع المجبول( الفكر الاخواني ) ( الرأسمالية ) حتى يقرعه قارع ، وانتاج هذا القارع جدلية ثقيلة ما عايز أدخل فيها لكن أقول ليك أرسم ليك دائرة واقعد لف فيها لمن تلقى كل شئ صاح فتكون بشر الحافي أو تلقى كل شئ غلط وتطلع عبدالله القصيمي .
على فكرة ال absurdity دي بتنشأ في الذهن مقترنة بثقافة الفكر الديني اللي ورثتها البشرية من سحيق الاماد لكن لو استبعدتها وحاولت تكتشف قوانين الكون وتبدأ منها كواقع حا تلقى الحكاية مختلفة تماما عجبك عجبك ما عجبك أصعد الى قمة افرست ..............................!.وش ضاحك ما بعرف اعملو .
شكرا وآسف لإزعاجك .

أبو حمـــــــــــــــــــــــد

عن محاولة فهم تعريف السخف:

في تعريفاتك المتعددة و المفيدة تعرضت مرات لمسببات التصرف، و مرات لما يترتب عليه التصرف و مرات اخري لنية المتصرف، اذا كان يقصد ام لا يقصد، و في فهمي المحدود للكلمة بالعربي، في شوية تناقض في استعراضك لمفهومك عن السخف، ناقشوك فيه الاخوان و الاخوات، اخص بالذكر علي سبيل المثال، لا الحصر، رمانة و الملك, و لكن قد يكون القصور في فهمي لما كتبت.

اوضح نقطتي عن عدم وضوح معني ثابت للسخف في التعريفات السابقة باستعراض اقتباسات من محاولات شرحك لكلمة سخف، وبالمرة ارد علي بعض النقاط الفي اعتقادي مهمة

Quote: بخصوص مفردة السخف : ما بعني بيها التعريف القاموسي عن قلة العقل ! بل اقرب الي المفهوم الشائع العامي حسب فهمي- مزيج من ( rudeness و absurdity ! )=او بلغة الراندوك :(التبييض) ! السخف كقيمة اخلاقية سالبة تمارس خصما علي القيم الانسانية (السودانية) (الجميلة) كالعشم و جبر الخاطر و المجاملة الذكية ! Haytham

توجد علاقة وثيقة بين قلة الذكاء/العقل، و ما بالضرورة الذكاء ده يقصد بيه الذكاء بتاع الاي كيو فقط كما اسلفت انت، و لكن ما اكتشف مؤخرا انواع الذكاء التسعة الاخري كالاجتماعي و العاطفي و و و
مثلا قلة الذكاء في اللبس مثلا، قد يراها البعض كسخف او وقاحة، و قس علي ذلك انواع الذكاء الاخري التسعة المعروفة للان، و بالطبع يمكن تقسيمها بصور اخري و ادق.

Please refer to the theory of multiple intelligences by Howard Gardner, which you probably may have came across



عثمان عبد القادر، معاك جدا انه السخف يعتمد علي محيطنا، و الدين يلعب دور كبير جدا, كنت اتمني ان توضح بامثلة، اذا وقتك و مزاجك سمح

هيثم يا عزيز اشرقت الانوار ياخ !

Quote: هناك مقولة أحبها جدا....قالها رينية ديشكارتاش... Nothing is more fairly distributed than intelligence/ common sense: no one thinks he needs more than he already has

ياخي عمك رينيه حقار حقارة ! دا انتهي من اي شئ !! ههه
وبما انو المقولة محببة ليك --تلقائيا بيعني انك حقار
-
وعموما شكلو كلامو دا ممكن نمطوا و نقول: بصورة عامة نظرة الشخص لذاتو لازم تكون في ابهي الصور ! والا ما ح يحتمل روحو !
و لو في واحد عاين لروحو زيما بما يعاين للتانين الهو بكرههم ممكن ينتحر !
ولو حس في زول تاني احسن منو غالبا مكانيزمات الدفاع (زي الحسد ) بتشتغل لتعويض الفاقد !!


غايتو رينه اتلوم مع المنبر !

ولك من التحايا أجملها يا دكتور....

موضوع الحسد كدفاع غريزي بحتاج منك لبوست جديد لأنة دة موضوع جد مهم....عجبتني جدا تصوراتك لية كدفاع عن حب النفس الأمارة بالسؤ....

أحنا هنا وكسودانيين عموما دايما ولازم تكون صاح....وما كدة بس غيرك ما صاح....أما موضوع عنزة ولو طارت فحدث و لا حرج....

تعرف الواحد ممكن يحلل معاك الشخصية الإسفيرية والسودانية منها علي وجة الخصوص....ويكتب وينتقد وينظر كما....المافي شنو علي قول الحبيب قيقا....لكن في حاجة واحدة في رأي إنعدامها هو الجايب البلاوي الفوق دي كلها الذكرتها في عنوانك....وهي THE TOLERANCE....

وعدم وجودة بجيب السغالة والسخف وغيرة.....

Quote: 1-مافي شي مخلي الفرنجة ديل فايتتنا غير الدقة دي, و لا اتفق معاك انهم تعبانين في قصة التعريف دي

مرحب بالعودة يا رحاب
كلامي عن انو الفرنجة تعبانين في التعربف قصدت انو بعد سهام جابت فكرة "السخف الممجوج" انو الموضوع
اكبر من التعاريف و حالتنا صعبة !
و اكيد ما كنت جادي في الكلام عنهم ! و المشكلة حسع ما انو وضحت قصدي -!
لكن ساءلت روحي عن معني "المزاح" و هل محاولة ايجاد "المفارقة" في ثقافتنا ما بتم الا بالتحلل الاخلاقي من تبعيات الكلام
ومعلومة زي(الفرنجة تعبانين ) ممكن تخش الـ (mainstream popular culture) زي الحكاوي و المفاهيم
الغير دقيقة الحايمة .
شكلي طلعت من موضوع البوست لكن غايتو عدم اتفاقك (الجادي ) مع كلامي (الغير جادي) خلاني افكر في
حاجات كتيرة و عن المسؤولية الاخلاقية للكتابة -
تسلمي ياخي علي اثارة التفكير و اللطف النبيل المصاحب لكلامك
---


--
يا هيثم واصل بدون رينيه !

Quote: 1--توجد علاقة وثيقة بين قلة الذكاء/العقل، و ما بالضرورة الذكاء ده يقصد بيه الذكاء بتاع الاي كيو فقط كما اسلفت انت 2-في تعريفاتك المتعددة و المفيدة تعرضت مرات لمسببات التصرف، و مرات لما يترتب عليه التصرف و مرات اخري لنية المتصرف، اذا كان يقصد ام لا يقصد، و في فهمي المحدود للكلمة بالعربي، في شوية تناقض في استعراضك لمفهومك عن السخف،

فعلا لاحظت انو انا استخدمت بالخطأ الاي كيو بدل مفهوم العقل -و السخف مرتبط بالعقل اكثر من الاي كيو
بخصوص تعريفي للسخف ما قصدت اجيب تعريف جديد ولا عندي راي في التعريفات الموجودة
-بس كنت بفتش لمفهوم او مفردة جامعة لتفسير البحدث في البورد ! مفردة شبه محايدة من السياسة والدين وما بتساعد علي الـ (polarization) و التنميط الحاصل (ولو من بعض المداخلات خفت انو مناقشة السخف ممكن تنمط ناس -من ضمنها البوست زاتو !!)
و تصدقي لامن رمانة بذكاء قالت بتفتش للمعني الانا بقصدو عرفت انو ورطتي و تناقضاتي بقت مكشوفة !
لكن عملت فيها ما شايف كلامها -غتاتة مني بس !
و لو كنت عارف المفهوم الجابتو سهام (" سَخَّفَهُ أمَامَ الجُمْهُورِ " : جَعَلَهُ سَخِيفاً ، تَافِهاً .) ما كنت عملت اللفة الطويلة دي !!
و دي الفكرة القاصدها الي حد كبير !!
لانو جزء من السخف القاصدو هو استخدام الذكاء و العقل للتسخيف والاذي بالاخرين !! ودا سبب محاولاتي احيانا
لابعاد قلة العقل والذكاء عن مفهوم السخف !! حتي لو جنيت علي التعريفات !!

تسلمي و راجينك برضو لحسم الموضوع دا !!
--
شكرا للاشارة multiple intelligences by Howard Gardner وح احاول اتطرق ليهو لاحقا
يمكن تحميل الكتاب من هنا
The Theory of Multiple Intelligences

Quote: على فكرة ال absurdity دي بتنشأ في الذهن مقترنة بثقافة الفكر الديني اللي ورثتها البشرية من سحيق الاماد لكن لو استبعدتها وحاولت تكتشف قوانين الكون وتبدأ منها كواقع حا تلقى الحكاية مختلفة تماما

الاكرم ابواحمد عثمان مرحب بيك
اذا فهمت كلامك صح - انا بالكون قصدت الارض و الحياة فيما يلي الانسان - اما الكون(the universe) فعكس الاتنين - شايفو موسيقي موزونة و الشيء الوحيد المشاتر وخارب الرصة هو الانسان !
بخصوص الفقرة الفوق -في ظني -الاشكال في الذهن و ليس الفكر الديني او اي فكر اخر و قابلية الذهن دا للورثة واستعدادو للاabsurdity ! و بل شايف اذا ببساطة حملنا الفكر الديني مسؤلية الـabsurdity ممكن نكون بنقاتل في العدو الخطأ ! و اذا افترضنا انو ممكن نعتبر القرن العشرين نسبيا متحررا من تصورات الفكر الديني القديم - في تقديري القرن دا من اسخف القرون الـ مرّت علي البشرية !
عندي الانسان هو الانسان - --و تغيير الذهن (واعني العقل وليس المعقول ) هو الممكن يغير تمثّلو للفكر الشايلو

ممكن تورينا امثلة زي ما طلبت رحاب - ربما افهم اكتر قصدك


تحياتي


---


البروف شكرا للتواضع لتكبدك المشاق لرفع البوست !!

Quote: وهل تصدق بالله العظيم يا بروف عندي عادة خوف من الكتابة وجدواها مش في المنبر- اصلا في الحياة !

لا لا لا ...

في منابر في حتات تانية حاجة ماتخلص ابدا ..

لكن في المنبر دا ياهيثم اتفق معك احيانا..

Quote: كتبت العنوان -قلت يا زول خليك جادي ! متين ح تعرّف العنوان و متين ح تتكلم عن العلاقة وهل اصلا عندك معرفة كافية للموضوع و الاجواء عموما محتقنة -قلت اخلي البوست يمشي الارشيف و لو ربنا رفع لي قدم الكتابة ح اكتب ! المهم وانا في دوامة الاحباط و التردد جيت لقيت العزيز عبد اللطيف كاتب كلمات بسيطة لكن في غاية اللطف - وقلت الله العظيم في خاطر العشم الجميل حقو الزول يواصل حتي لو ما عندي اي كلام اقولو - لقناعتي انو (العشم ) كاجمل قيمة انسانية في الحياة لا يجوز الخذلان -

ياسلام عليك ياخ !

حرم شفت العنوان العجيب داك وقلت هيثم عندو كلمات مهمة الا نشوف اخرتا!

وبالفعل لما تابعت -فيما بعد لقيتو بوست مفيد للغاية وفيهو استراحة

وفيهو مرآة عاكسة لذواتنا في التقارير السرية التي تكتبها بلسان كل منا

زي الاغنية الجميلة الكل زول بيلقي فيها روحه زمان ، اقصد زمن الحب الحقيقي!

كدي ياهيثم اسمع النكتة دي واحكم :


في جماعة قاعدين مع بعض ، مطلوب من كل واحد يجيب تشبيه

اي تشبيه والسلام !

الاول قال ياسلام بالله دي كديسة ول نمر

التاني قال دا فار ول ارنب ..

وهكذا ، لغاية ماواحد في ايدو كباية شاي ، مالقي

حاجة يقولا ، قام قال بالله دا شاي ولّ حمار


انت كتبت الكلام الجميل دا :

Quote: و في النهاية الحاجات دي بتحكمها السياقات او القيم الاخلاقية للثقافة والظروف المحيطة و التجربة الانسانية للفرد عموما مهما نختلف او نتفق في مفهوم السخف - بيظل هو المفهوم المحبب جدا الي قلبي لتفسير ما يحدث في الكون و ليس في المنبر فقط !!

كرعمائة حاجة وعلوم وفروع علوم وظواهر وغيرو ماعندها تعريف ليوم الليلة ، بس بقت علي السخف براهو !

عشان كدا ارحم لينا السياقات !



افرض لقيتو تعريف ، ح يقدم شنو ؟ من السخف البحث عن تعريف للسخف

والتركيز علي المفردة دليل علي انو نحن مصابين بفوبيا السخف وماعارفين

نفسنا ، زي ماقال هيثم كل الحياة سخف (اضيف : عبط وقرف ولامعني وعشوائية بحته)

ماعايز اضرب امثلة تدخلني في السخف الممجوج ! بس من العجيب ان سهام المجمر{

وهي ليست صاحبة (المصطلح)] هي ذاتا دخلت السخف الممجوج بعد يوم واحد بس

من اطلاق هذا (المصطلح) المثير للجدل في هذا البوست


اي زول بجي اول يوم للمنبر علي فطرته في الكتابة الابداعية

لكن ناس المنبر هم البيدخلوا كل زول في سخفه الممجوج الخاص

به ، ويبقي متخصص في ناحيته ...

ممكن تعاين لاسم الكاتب وبراك تعرف لمحه عن سخفه الجديد

داخل ممجوجيته الاصيلة ....


نبقي لجنس التبخيس دا ...


غايتو!

أهــا ...! :)

د .هيثم والربع
تحية موصولة

Quote: و تغيير الذهن (واعني العقل وليس المعقول ) هو الممكن يغير تمثّلو للفكر الشايلو

هذه الجزئية التي قلنا عنها آنفاً يتحكم فيها الناموس وأهلنا الكبار يعبرون عنها بقولهم ( الما بهدي الكريم تعبان ) والمحزن هو توهمنا إمكانية التغيير فالعقل على عدالة توزيعه وقسمته كما قال رينيه ديكارت فهو ليست منتج جاهز للتشغيل بالضغط على الزر ولكنه مادّة خام كما قال جون ديوي ( استعداد للتعلم ) يتم تشطيبها في مصانع صينية ، كورية ، هندية ، عربية ، أوروبية ، أمريكية ، في قصور وأكواخ وفي المجارير وقارعة الطريق .......الخ ، وهنا يظهر عدم العدالة في القسمة فكل منتج لا يشبه الآخر وهو إذا ما نسب لنفسه والإمكانيات التي صنعته لا يعيبه شئ غير أننا نطالبه بأداء نفس المهام والتفوق فيها، (المجتمع المدني مقابل الطبيعة - هوبز) لنصنع level point أخلاق تنادت بها الأديان والمصلحين من هذا الشتات وتباين إمكانيات التصنيع والطبخ ، وآليّات التغيير كلها بيد الناموس والإنسان نفسه أحد أهم آليّاته يستخدمه لتحقيق السيرورة حرباً أو سلماً ودون أي اعتبارات ، كما يمارس علينا الناموس وهماً مغرياً بأن نثمِّن ما ينتجه وكأننا نحن الفاعلون فنطأطئ الرؤوس احتراماً لآينشتاين ومارادونا وبيكاسو ثم بيتهوفن وشكسبير لمعطى لا ناقة لهم فيه ولاجمل ، وعلى الجانب الآخر تبخيس واحتقار وحرب ضروس على الفقير والأسود والغبي والأمي والعاطل عن المواهب كحالتي ( ماتعبدون من دونه الا أسماء سميتموها أنتم وآباؤكم ما أنزل الله بها من سلطان .....) فهي معايير أوهمنا الناموس بقبولها لآنه اوجد فينا بذرة هذا القبول وتواطأنا عليها ، ومع علمنا بحقيقتها نفجع بعجزنا التام في تمثل هذه المعرفة سلوكاً في الواقع بأن لا نضيق بأنماط السلوك المختلفة المطبوخة في مصانع مختلفة كما طالبنا الصوفيّة، وهذه مأساة الإنسان وبؤسه كما أشار بول ريكور فنحن نخطئ فيها وبها ونكرر أخطاءنا منذ فجر التاريخ وتلك مسخرة على وصف ماركس، والمضحك المبكي أن أهم آليّات التغيير هو تطابق الفكر والشعور الذي لا يحقق إلا بالتجربة العمليّة ، ولماذا لا يتطابق هذا الفكر والشعور !!!؟ لأن الناموس وهبنا نقل المعرفة وتعليمها ولكنه جعل من المستحيل علينا نقل الشعور من تجربة أحدنا إلى الآخر أو من جيل للذي يليه !!!؟ هذا هو الناموس وبؤس الإنسان الذي أعدّت له ناراً تسلخ جلده !! لا وإيه!؟ تبدل هذه الجلود كلما نضجت ! في شنو !!؟ ونحن نتمثل هذه الإدانة في أخلاقنا الممارسة كل حين شفت المسخرة !!!!؟ ندين وندين كما أُدِنّا ، ندين القبح حتى لو لم نعترف نظريّاً بذلك وندين الفقر والجهل والجلافة والمساخة على قول أختنا رمانة، وأحياناً حتى المرض !!!!؟ .

أبو حمــــــــــــــــــــــــــــــــد
نقصت حمد ولدي ده

Quote: أهــا ...!

دي في السياق ول خارجو ؟!

Quote: الكتابة -لا لا لا في منابر في حتات تانية حاجة ماتخلص ابدا .--لكن في المنبر دا ياهيثم اتفق معك احيانا. --.2-افرض لقيتو تعريف ، ح يقدم شنو ؟ من السخف البحث عن تعريف للسخف والتركيز علي المفردة دليل علي انو نحن مصابين بفوبيا السخف وماعارفين

عبد اللطبف وينك ياخ !
بخصوص الكتابة صدقني انا ما شايف في فرق عموما بغض النظر هنا او هناك -ولو في كتابة مفيدة او (thought provoking) بتبقي مفيدة في اي حتة
و ما شرط- في نظري -الزول يحكم علي قيمة الكتابة من ردود الافعال المرئية -لانو في قارئ ذكي او (audience) صامت- بتخيل انو نحن ما قاعدين نختو في بالنا - يعني مثلا البتكتبو انت ما بتعرف بالضبط قراهو منو و أثرو شنو علي القارئ - ودا مبحث طويل !
وفي تقديري اذا الزول بفتكر عندو كتابة مفيدة حقو يكتبها في اي حتة ان شاء الله يقروها عشرة انفار !

Quote: --.2-افرض لقيتو تعريف ،ح يقدم شنو ؟ من السخف البحث عن تعريف للسخف والتركيز علي المفردة دليل علي انو نحن مصابين بفوبيا السخف وماعارفين

اتخيل انا متوقع واحد يجي يقول و يسأل : ح يقدم شنو ! لكن المشكلة في تقديري مافي السؤال ! المشكلة في طريقة تفكيرنا و الواحد لامن يجي يكتب ما بقول رأيو ! لانو غالبا ما بنحتمل رأي آخر غير رأيو ! قصدي الزول ما بقول : انا شايف لو لقيتوا التعريف برضو مافي فايدة !
وبل بفتكر طريقة التعبير عن التصور الخاص ممكن يخلي مساحة للاخر عشان هو يعبر برضو
لكن لانو غالبا طريقة تفكيرنا انطباعية و ليس (critical mind ) ممكن يتأثر باخر انطباع و ينسي تفاصيل المشوار !
وكتير بدل التعبير عن الراي الشخصي دائما السؤال قاعد يكون موجه للاخرين في شكل استجواب استنكاري!

اضافة في حاجة مهمة بفتكرها في النقاشات عموما و هي الـ (energizing) و ابسطها هي اعطاء الـ(credit) للحاجات في اليد حسع او
البتحصل اثناء البحث عن شئ مفقود ! وحتي لو ما لقينا !
و بصورة عامة بفتكر اي عملية نقدية لو ما بدت باعطاء الـ(credit) للموجود ممكن يكون (toxic) !

ختاما لو ربك هون ح نفتح لينا خيط عن جذور التفكير الايدولوجي في تفكيرنا و يعني شنو (رأيك و رأيي ) و كيف التصور الخاص ال في ذهننا بنعتبرو هو الحقيقة و الـ(reality) ! في حين انو الفكرة دي في راسنا و ممكن تكون ما عندها اي علاقة بالواقع خارج الذهن !



ما عارف حسيت اني عصرت عليك شديد
لامن تجي تعمل رد العدوان بحاول اشرح اكتر مقصدي !
لانو دي هي مشكلتي الاساسبة في الحياة !

Quote: لامن تجي تعمل رد العدوان بحاول اشرح اكتر مقصدي ! لانو دي هي مشكلتي الاساسبة في الحياة !

كلام سليم ، لانو النقاش بيستمر في وجود الراي الاخر...وعجبتني رد العدوان دي !

Quote: اتخيل انا متوقع واحد يجي يقول و يسأل : ح يقدم شنو !

ياهيثم ساااي ، كلامي عن عدم جدوي التعريفات وذكرت ليك مجالات العلوم..

كم مرة في المنبر دا ضربت مثل بتعريف الطاقة في حين البشر مستفيدين منها

رغم ان تعريفها غير كافي ...وماهو الالكترون والضوء والمركبات العضوية

ممكن برضو نمشي مع العلوم الاجتماعية ...

Quote: لكن المشكلة في تقديري مافي السؤال ! المشكلة في طريقة تفكيرنا و الواحد لامن يجي يكتب ما بقول رأيو ! لانو غالبا ما بنحتمل رأي آخر غير رأيو ! قصدي الزول ما بقول : انا شايف لو لقيتوا التعريف برضو مافي فايدة ! وبل بفتكر طريقة التعبير عن التصور الخاص ممكن يخلي مساحة للاخر عشان هو يعبر برضو لكن لانو غالبا طريقة تفكيرنا انطباعية و ليس (critical mind ) ممكن يتأثر باخر انطباع و ينسي تفاصيل المشوار ! وكتير بدل التعبير عن الراي الشخصي دائما السؤال قاعد يكون موجه للاخرين في شكل استجواب استنكاري! اضافة في حاجة مهمة بفتكرها في النقاشات عموما و هي الـ (energizing) و ابسطها هي اعطاء الـ(credit) للحاجات في اليد حسع او البتحصل اثناء البحث عن شئ مفقود ! وحتي لو ما لقينا ! و بصورة عامة بفتكر اي عملية نقدية لو ما بدت باعطاء الـ(credit) للموجود ممكن يكون (toxic) ! ختاما لو ربك هون ح نفتح لينا خيط عن جذور التفكير الايدولوجي في تفكيرنا و يعني شنو (رأيك و رأيي ) و كيف التصور الخاص ال في ذهننا بنعتبرو هو الحقيقة و الـ(reality) ! في حين انو الفكرة دي في راسنا و ممكن تكون ما عندها اي علاقة بالواقع خارج الذهن !

انت هنا ماقاعد تتكلم كلام علمي عن اهمية التعريف او عدمه ، انما تتكلم عن

اهمية الممارسة الديمقراطية في المنبر واهمية تقبل الاخر ، ممكن تشوف كلامي

سلب لحرية الاخر بدعوي طرح مفهوم علمي ، غايتو انا ركزت علي الجانب المعمول

به في العلوم الطبيعية وانت امسك جانب العلوم الاجتماعية وتحديدا طريقة

التعامل في المنبر ...


بعدين انت ماشايف انا متفق معاك في حكاية اخذ المعني من السياق دي لييييه

حالتي عملتها ليك بالبولد الاحمر التقيل !



يلا رد العدوان!

Quote: سخفه الممجوج

سلامات للجميع

اى زول يجيب الكلام ده تانى بقاضيهو عديل
فى قانون بتاع ملكية فكرية و كده
اما لو غمت لى حقى فى يدى
بسكت طوالى

Quote: اى زول يجيب الكلام ده تانى بقاضيهو عديل فى قانون بتاع ملكية فكرية و كده اما لو غمت لى حقى فى يدى بسكت طوالى

هنا في المنبر ماقلنا حاجة، المصطلح خاص بيك

لكن عمنا قوقل مقاسمك فيهو ، مع اخرين !


تاني القضية في شنو ياسهام !

Quote: رهنا في المنبر ماقلنا حاجة، المصطلح خاص بيك لكن عمنا قوقل مقاسمك فيهو ، مع اخرين ! تاني القضية في شنو ياسهام !

سلام يا عبداللطيف
مجاجة منى سااااااى


بعدين عمنا قوقل واخرين
ما لصقو سخف و ممجوج مع بعض
الرجاء يا عبداللطيف بطل حسادة فى نحتى للمصطلح

الاكرم ابواحمد عثمان شكرا للعودة و التوضيح
و بالتأكيد مهما يكون الكلام عن السخف و الذكاء الاجتماعي في المنبر كحالة -لكن بفتكر اي كلام بجي من امتدادات النقاش ممكن يوسع نظرتنا للموضوع المطروح - و ممكن يسهل اكتشاف مزالق حديث الذات عن ذاتو ! لانو نحن جزء من الحاصل و من الصعب نكون موضوعيين في الحديث عن شئ قاعدين نمارسو !

شكرا للمعونة الخارجية !
------
العزيزة نجوان بتفق معاك في انو (الحاصل في المنبر لا يرتبط بظرف معين او فئة محددة.. وانما يعكس ثقـــافة عامة.
. سلم منها قلة قليلة..) و دا سبب اختياري لمفردة من الثقافة الاجتماعية المشتركة كمجاولة لايجاد تفسير !
واهو بنحاول مع بعض نفهم --- يمكن .....!!

----
يا عبد اللطيف رد العدوان بتاعك مالو مسالم كدة !!

بفتكر اتصالحنا كدة
حسع كدة حاول لو في طريقة فتش لينا العلاقة بين النسخة الاسفيرية والحقيقية مع الكتابة !
عفيناك من الكلام عن السخف (حافه و ممجوجه !) اها قصرنا معاك !
---


يا سهام لو في غمضة حقو تكون للتعريف الجبتيهو يا قول عبد اللطيف
انا شاكي انو الشاعر هو رينيه زاتو !!

--

انتو البروف مش كان بقول جايي وألا انا سمعت غلط !

Quote: انتو البروف مش كان بقول جايي وألا انا سمعت غلط !

والله يا ساي كل يوم أقول الليلة اكتب في بوستك ده .. حاسي عندي كلام كتير فيهو رغم اني ما عارفو شنو ذاتو ... لكن عندي
مشكلتين :
الاولي إني ما عندي وقت الأيام دي و علي قلة وقتي في البورد ... مخصصو لرد العدوان ...
التانية إنو ما لاقي لي مساكات لبوستك ده ... يمين بالله لحدي هسي ما عارف الموضوع شنو هنا .... فحا أقوم اختار كوتات و أعلق عليها .....








-------------------
الغريبة في حتات كتيرة أديتني احساس انك أقرب لدكتور من ساي !!

Quote: الغريبة في حتات كتيرة أديتني احساس انك أقرب لدكتور من ساي !! Amin

و دي حاجة كويسة و لا حاجة كعبة يا بروف?








ـــــــــــــ
لو سمحت رد لينا بالحتة الما فيها الحديدة :)

Quote: الغريبة في حتات كتيرة أديتني احساس انك أقرب لدكتور من ساي !!

يا هيثم لا يغرنّك ما يقول ... فإنه يستعد لهجوم مضاد ..
------
بالمناسبة يمكن إستخدام أعلاه كحالة إنصرافية ممجوجة كمثال ..

Quote: افتكر يا دكتور هيثم - دكتور دي نكاية في البروف الذي يمنح و يقلع في الشهادات و لا دبلوما عليا ما برّاني بيها - المهم, يا دكتور هيثم افتكر لو رجعنا للنكات و قصص الأئمة مع المصلين أخير

يا البشرى ... أنا ما بريتك بدرجة علمية لانك مفروض تكون قاعد معاي بتنعم علي الناس بالدرجات دي ذاتها
---------------------
بخصوص السخف و الكلمات المشابهة لكلمة سخف ... و كمية التعريفات كان علمية كان ما إتفق عليه الناس ... المسالة دي و إن صحت كل هذه التعريفات أم لم تصح فلا تعني أي شئ ما لم يكون الناس متفقين تماما في نظرتهم للامور و ده طبعا مستحيل ... الشايفو أنا سخف مثلا ... ساي ممكن يكون شايفو ما سخف شديد و دكتورة رحاب ممكن ما تكون شايفه سخف أصلا ... بينما خالتو سهام ممكن تكون شايفه عماقة عديل كده ... و هكذا ...
إختلاف الناس في مفاهيما و إختلاف زوايا شوف الحاجات بخلو أراء الناس في السخف دايما مختلفة حتي لو إتفقو علي تعريفو ...
---------------------
في كم كوت و كم جزء في البوست ده تطرق لحاجات في البورد و علقو علي بوستات بعينها ...
واحدة من مشاكل هذا المكان ... إنو في كتير من الأحيان الناس بتعلق علي جزيئة معينة في قضية لصالح أحد الأطراف ...الجزئية دي و التعليق ده قد يكون صحيح تماما ... لكن لانو المعلق ما عارف خلفية الموضوع و ما كان متابع الفلم ده بدأ كيف ...كلامو ممكن يكون off تماما ...
حقو الناس ما تحشر خشمها في قضية ما، ما لم تكون عارفه كل الخلفيات و داخله كل الأفلام العلي علاقة بالفلم العايز تعلق عليهو !!
---------------------

Quote: أنا عاوز أقول شنو ؟؟ من أين لي بذكاء إجتماعي لأعرف كيف أكتب ببيان لا يتجاوز لازمة الحديث**** و اللغة التي تطورت للتواصل الحميم communication وجها لوجه تخون ذاتها حين تصبح الكتابة بالنقر على شاشة لامعة هي غاية منتهى الإفصاح هل الفصاحة تحتاج لما نقرأه بين سطور العيون المحدقة فيك ؟؟ ربما ..

Quote: body language non-verbal communication etc

شوف بالله كلام دكتور القرشي ده عميق كيف ؟
ياخي أنا كان ما عاينت للزول في عيونو جوه ما بفهم أي شئ ... و مرات كتيرة جدا بعاين و ما بفهم !!
لمن بقيت اكتب هنا - و كانت أول مرة اشترك في منتديات - واجهتني مشكلة ال body language القالها الدكتور دي لكن شوية شوية الزول بدرب نفسو و يعمل ليه قرون استشعار يتحسس بيها عماقة الناس البناضم فيها دي ... و كل ما تزيد المداخلات تتضح الصورة ... لحد ما تصل مرحلة تنعدم فيها الحوجة ل body language حقت الواقع لانك بتكون خلقت ليك body language إسفيرية تعاين بيها للزول في عيونو و تبقي ليك زي الواقع مرات تفهم و مرات ما تفهم ....
ياخي هنا في ناس .. بقراهم بالاحساس ساي ... حتي لمن يخونهم التعبير بكون عارف قصدهم شنو !!
--------------------
كلام خالتو سهام العميق ده بصب في نفس إتجاة كلامي الفوق ده :

Quote: صدق انا مرات فى البورد ده بشوفوا ماشى بكرعينوا عديل كده لما اتعوذ بالله بعدين اقوم اقعد زى زولك و راسى بين ايدينى واقول "ان لله فى خلقة شئون" يا عملات ابوى الله يرحمه واقعد اتفكر فى اختلاف زوايا الشوف يعنى انا فى ناس فى البورد ده انا بشوف مواضيعهم وطريقة كتابتهم عبارة عن سخف ممجوج وفى نفس الوقت الناس ديل بفتكروا انهم اصحاب قضية و عميقين

------------------

Quote: ورغم محدودية المشاركين في الاسفير لكن بعتبر انو الاسفير فضح (الشخصية السودانية )!

والله يا ساي ما في حاجة في الزايلة دي استغلقت علي قدر (الشخصية السودانية ) البتتكلم عنها دي ... تلقي السودانيين كافراد من أحسن ما يكون ... و كمجموع من أتفه ما يكون !! و علي كل المستويات ... نحن شعب فاشل بمعني الكلمة و الكلام ده علي كل المستويات ... ما إتلم سودانيان و إلا و كان الفشل ثالثهما !!
ياخي أمة من سنة 56 ماشة بخطي ثابتة نحو الفشل و كل جيل أتفه من القبلو و كل يوم أسوأ من القبلو ... مافي حزب سياسي سوداني ما إنقسم و إنشطر و تكاثر كالاميبا ... مافي فريق كورة أو فرقة فنية ساي عندها إنجاز حقيقي ... عشان كده لحدي الليلة نحن غرقانين في الماضي ... لحدي الليلة غنانا المفضل الحقيبة و أحسن لاعب علي قاقرين و كمال عبدالوهاب و ما متفقين علي سياسي واحد ... هسي كسودانيين .... نحن كلنا متفقين علي منو ؟ لا أحد ....
نحن ما ممكن نتفق علي حد أدني من أي حاجة و لا ممكن نحترم اننا مختلفين في رؤانا ... و من لم يكن معنا فهو إبليس ذات نفسو ... و من كان معنا و بقي ما معنا فده أخير منو إبليس ذات نفسو .... عشان كده السودان الشقيق و الشعب السوداني الشقيق ده إلي زوال و قررريب ما بعيد ...
----------------

Quote: و دي حاجة كويسة و لا حاجة كعبة يا بروف?

يا رحاب - بدون دكتورة - و دي ما لانك قلتي ينادوك بدون لقبك العلمي ...لكن لانو لقبك العلمي ده ما أنعمت ليك بيه أنا و بالتالي ما عندو أي قيمة !!
الخواجة قدس الله سره يقول (Don't think of yourself as an ugly person, think of yourself as a beautiful monkey ) فالاجابة علي سؤالك ده دي بتعتمد علي شوفك إنت لساي و أداءو هنا : هل هو ugly person ولا beautiful monkey
---------------

Quote: يا هيثم لا يغرنّك ما يقول ... فإنه يستعد لهجوم مضاد ..

يا عم أمير ... ساي ده في لستة الامنيين من بلنا ...
------------------------
و للحديث بقية !!

Quote: يمين بالله لحدي هسي ما عارف الموضوع شنو هنا

كلام معقول.. ترددت في طرحه..
اعتقد يا هيثم انه ده كان مشروع خيط مختلف -او بحث اسفيري :-)
لكنه ضاع في منعطفات التعريفات وزحمة المتغيرات..

قد تكون انت نفسك بتفكر بصوت عالي خلاله.. ودي حاجة ما بالضرورة تكون كعبة..
لكن عدم وضوح الرؤية رغم الاستفاضة لم يساعد.. بل ادى لتفاقم الconfusion
فساهم المتداخلون حسب تخمينهم.. او اكتفوا بتناول الموضوع بالقطاعي ..
والمحصلة -في تقديري- مشوار لأميال دون بوصلة..
(معليش على التركيز على النصف الفارغ من الكوب)




_____
كيفك يا رحاب.. بركة بالشوفة يا بنية..

Quote: قد تكون انت نفسك بتفكر بصوت عالي خلاله.. ودي حاجة ما بالضرورة تكون كعبة.. لكن عدم وضوح الرؤية رغم الاستفاضة لم يساعد.. بل ادى لتفاقم الconfusion فساهم المتداخلون حسب تخمينهم.. او اكتفوا بتناول الموضوع بالقطاعي

تصدقي يا نجوان انا ما شايف الموضوع كان بحث عن التعريف نهائي ! حتي لو ظاهريا الموضوع شكلو كدة !
الكلام كان مقاربة لتعربف الحاصل في المنبر و شايف اي زول جاب تعريف كان بناقش بطريقة او باخري عن رؤيتو للحاصل !
و حتي الكلام البسيط عن البلطجة الاسفيرية والمطاردات (cyberbulling ) كان انعكاس لتعريفات السخف !
حسع عليك الله شوفي متعة (السخف الممجوج ) !!
و عموما الخيط ما بحث عشان الناس تعمل تعريفات و في النهاية تطلع بخلاصات و توصيات
لسيد الحوش و لجان منبثقة للمتابعة
اثناء الونسة اي زول بطلع بنصيبو حسب الطلب !و ممكن يكون في زول يطلع بفايدة و تانين يفتكر انو مافي فايدة !!و هكذا
و في النهاية لطبيعة الاسفير دائما البوستات بغض النظر انها مفيدة او في مناكفات حادة الناس بتتعب و بتقيف !

و لو عندك اضافة ممكن تزيدي

---

Quote: يا رحاب - بدون دكتورة - و دي ما لانك قلتي ينادوك بدون لقبك العلمي ...لكن لانو لقبك العلمي ده ما أنعمت ليك بيه أنا و بالتالي ما عندو أي قيمة !!

ويا بروف انت قايل رحاب حردت الدكترة ليه !؟ ما عشان نص البورد بسببك بقوا دكاترة و ح يجي يوم الناس ما ح
تعرف الدكتوارة الاسفيرية من غيرها!
و حردة رحاب حركة استباقية ذكية عشان بعدين واحد ما يسألها عن مصدر الدكتوراة !
انت قايل براك العميق في البلد دي !!

سلام هيثم وزوار البوست
بغض النظر عن الاختلاف أو الاتفاق في تعريف السخف بين كاتب البوست والمتداخلين الواضح أن هيثم بفتكر إنه السخف الممارس في المنتديات يعطل الاستفادة منها ويدفع للهروب منها... ورغم اتفاقنا السابق (هيثم وأنا) على أننا مختلفين في أنه المعوق الأساسي شنو في الوجود والحوار والكتابة في المنتديات لكن طالما هيثم بقصد حدوث الأذى متلازما مع السخف فأنا – رضي هيثم أم لم يرضى – بعيد كلامي إنه السخف الحقيقي المعوق لكل الحاجات دي هو الاساءة للاشخاص والشتيمة والمطاردة التي لا تنقطع واهدار الوقت والمجهود في إثبات إنه الشخص التاني ده سيء وابن لذين لمن غلط... للاسف ده الهدف الأساسي من الكتابة بالنسبة لناس كتار هنا .. ومش تبادل الرأي أو انتقاده بصورة مبنية على العقل والمنطق .. أو كتابة حاجة تفيد أو طلب الافادة...
أنا مرات كتيرة بشوف البورد بيتم التعامل معاه كساحة كبيرة دانية للعدوان التعويضي... يعني أنا أجي شايلة معاي احباطاتي في الدنيا كلها .. وأقعد زي الصقر.. أفتش لي صيدة وأول ما ألقاها أنقض عليها وأصب فيها كل الاحباط الجواي أو .. على الأقل الفيه النصيب...
المشكلة مش في كده وبس... يعني زمان "زمنَا" كنت أنا رمانة وانت يا هيثم نقول "مهموم" - اعتمادا على صورة البروفايل...
تقوم تجي "رمانة" تآخد حقوقها الدنيوية في الانتقام والعدوان ورد العدوان والرايح ليها كله من الاسم المستعار "مهموم" ... ونتفرق كـ رمانة ومهموم بكدمات أو بدون .. لكن هسه الضرر بقى فرصته أكبر لانه مصادره أكتر وفاتحة لشهية العدوان التعويضي خالص ..كيف؟ يعني أنا عرفت إنه أمين محمد سليمان ده ولد محمد سليمان ناس أم درمان الما بغبوني.. يلا بقت في فرصة أنيشه وانتشه من أكتر من حتة طالما عندي خلفية عنه "كشخصية حقيقية معروفة لدي" و/أو عن أفراد اسرته، يعني الموضوع ما عاد هو رأيي في كلام كتبه في بوست معين في موضوع معين....وهنا أنا ما أذيته واسرته ومعارفه وجيرانه واصحابه وبس.. أنا ضريت العالم العايز يستخدم ويستفيد من البورد كما ينبغي له أن يستخدم ضيعت وقتهم، أجبرتهم على العزوف عن المشاركة في الموضوع المطروح وأحتمال أذيتهم نفسيا ومعنويا..!!... يعني نسفت معنى التواصل الايجابي للمنتديات من أساسه.. الباقي شنو تاني للسخف ..!

هسه أنا عايزة أدخل في الكلام عما يسمى بالشخصية الاسفيرية وعلاقتها بالشخصية في الواقع لكن قبل كده في حاجة غريبة "سخيفة" تانية الآي كيو بتاعي ما مساعدني عشان أستوعبها....
يعني أنا ممكن أكون بعرف ود خالة البشير وود عمه الـ اتربى معاه في نفس الحوش... وعلاقتي بيه سمن على عسل لدرجة أنه إمكن نخطب بته ...مثلا يعني... مع أني عارفاه قلبا وقالبا مع البشير حتى لو ما جبنا السيرة أبدا .. بعدين أجي أدخل البورد ألقى زيد من الناس من مناصري الحكومة ألقاه فاتح بوست عن صورة معبرة وجميلة لطفل رغم الألم إبتسم إبتسامة irresitible في وش الكاميرا.. موضوع البوست كله ما ليه صلة من قريب أو بعيد بالسياسة ولا البشير....تهيج جواي رغباتي في العدوان التعويضي.. ابدأ الطش فيه لما ربنا يغفر ليه وأندمه على البوست وعلى كل يوم عاشه في حياته لأنه ما بستحق الحياة دي أصلا ولا مفروض يتجرأ إنه يدعى شوفة الجمال في شي ... ياخ لو ما سخف بس، ما في فرص تانية (في بوستات تانية) أمارس فيه كل ما أوتي لي من سادية... المشكلة وين يعني؟ والطعن في ضل الفيل فايدته شنو؟ مش ياهو ده السخف ذاته؟ وقريب البشير ده ما أدنى وأقرب لو في فايدة في طعن ضل الفيل أصلا..!
(المثال ده افتراضى وإن تشابه موضوعه ووقائعه مع بوست ما)
دقيقة، جاية تاني....

يا آمة سودانيز ..
أخوكم جاى متأخر ومافى حيل للقراية ..
دحين المشكلة بين منو ومنو ؟!

الشخصية الاسفيرية دي شخصية "غير مكتملة وبالتالي غير حقيقية" وبالتالي ليس من الحكمة أن يتعامل القاريء (الراسم) لها معها كشخصية مطابقة للشخص البكتب باسمها والحكم علي الشخص على أساسها...(ابتسامة بسنون) ...
يعني كونه أكتب رأيي عن جدوى خفاض البنات ما بضرورة يعني صحة الحكم علي إني متخلفة بالضرورة وكل آرائي ح تكون متخلفة ولا العكس صحيح... وده بيعني أنه الناس الــ بتستبسل في مطاردة الشخصيات الاسفيرية ديل مضيعين زمنهم في الفاضي...!
مثلا يا هيثم أنا هسه لو سألوني عنك ممكن أكتب عنك ثلاثة سطور في وصف شخصيتك..(ده زي كتاب عند آخرين) مع أني ما بعرفك نهائيا وبكون قريت ليك مداخلات محدودة جدا في مواضيع محددة لا تكفي أني أقدر أعرف انت منو في الواقع بس أنا باخد انطباع أولي بعد مداخلتين تلاتة وبتم الباقي براي...واحتمال في حتة كده (في مداخلة ما ) تشبه لي انسان معين والقصة دي تساعدني على بناء الشخصية المتوهمة دي...
المشكلة انه الواحد يصدق توهمه ده ويندفع في التعامل مع العضو الآخر "في المنبر وربما خارجه" بناء على هذا الوهم..
بديهي إنه الرأي المكتوب بعبر عن الشخص الكاتب ويعكس شي منه لكنه لا يقول كل شي ولا يكفي للحكم القاطع على انسان ولذلك أنا بفضل أتعامل مع الكلام المكتوب والحكم عليه (إن استدعى الأمر) بعيدا عن الحكم على الشخصية نفسها أو إدعاء معرفتي بيها...
وده بديني حرية كبيرة في المشاركة بدون أي مشكلة في أي بوست (أي موضوع ) كاتبه أي زول زي ما يعجبني بدون حساسية أو تحيز مع أو ضد.. وده بذكرني بوست كتبته زمان (لقيته قريب ده وأنا بفتش في الارشيف) بعنوان: اختلاف الود لا يفسد للرأي قضية، يعني أشارك وأتفق وأختلف مع أي حد غض النظر عن "تصنيفه البوردي" شنو ..أو كم مرة اختلفت معاه واتشاكلت معاه ... الفكرة في الموضوع والرأي وبس...
------
وفي موضوع آخر لا صلة له أو ربما له صلة.. ياخ أنا قلت رأي في موضوع معين سنة 1900 .. اليوم قلت رأي مختلف في نفس الموضوع... المشكلة وين يعني؟ غيرت رأيي ياخ.. التغيير سنة الحياة ودليل على أنه مخي شغال...ضروري الناس تجي ساكاني بالقلته زمان ومية سكين يختوها في رقبتي...؟ وكل صاحب سكين يقول لي إلا تقري وتعترفي إنك كنت سنة 1900 غلط... ياخ لكن ما لو كنت شايفة نفسي غلط وقتها ما كنت قلته ولو في تايم مشين ورجعت لزمان ممكن أحتفظ بنفس الرأي الزمان... !!! بس ده ما رأيي هسه.. غيرته أنا حرة... ثم هو في النهاية رأي يقبل الصحة والخطأ .. والتغيير.... ولا شنو؟ وبهذه المناسبة لا يفوتني أن أذكر أن بعض آرائي قابلة للتغيير إذا لقيت أفضل منها.. دي واحدة من فوائد التواصل... وهذا للمعلومية وشكرا

يا هيثم ما تقول طنّشت مسالة النكات لكن قدر ما فتّشت و نحت الذاكرة في ما يخص نكات الأئمة ما لقيت غير نكات يا عنصرية يا قليلة ادب فما في داعي
اها نرجع لموضوع البوست - حيث لا موضوع محدد هنا - عليه انا عايز اجيب موضوعي براي, قد يكون على علاقة بجزء من العنوان في الحتة بتاعة الشخصية السايبرية
موضوعي هو الصفات السايبرية البتطلق عمال على بطال بدون اي مسوّغ أو حتى معرفة شخصية
لما اجي اقول الشريف فلان المناضل علاّن النبيل الماجد الرهيب البتاع فرتكان
على اي اساس ؟ كتابته الهني دي , او على الأصح الصورة الراسمها للمشاهدين
لاحظ لا توجد معرفة شخصية او حقيقية او حتى سماعية بين من اطلق الصفة او اللقب و بين صاحبها
هل تكفي حروف على كيبورد خلف يوزرنيم غالبا ما يكون وهمي لأحكام و تقييم بالجسامة دي؟
بدون ذكر امثلة لكن اهو الدنيا دي بتورّي
كم مرّة هنا اكتشفنا خطل أحكامنا و تقييمنا لآخرين و الحكمة كشقتهم نفس كيبورداتن الرسموا بيها الصورة الزاهية

كلامي دا شكلوا مكرر و زي التقول كتبتو قبل كدا صم وير ما متذكر وين
عموما ما مشكلة اهو زيادة خير ما بتضر, المرة الجاية نجي لقصة التناقض و الحكام الاخلاقية البالقطّاعي

Quote: اها نرجع لموضوع البوست - حيث لا موضوع محدد هنا عليه انا عايز اجيب موضوعي براي قد يكون على علاقة بجزء من العنوان في الحتة بتاعة الشخصية السايبرية

بالضبط كدة يا ود البشري
فكرة البوست ببساطة انو اي زول يحكي عن فكرتو او تجربتو و تفسيرو عن التجربة - او ممكن يعمل كوت لاي كلام و يعمل عليهو اضاءة >
سيمبل آز ذات !

-
بالنسبة للـ نكات انت قول رقم النكتة و نحن نتم الباقي بالوشوش !
----

رمانة شكرا للمساهمة و اتمني المواصلة

-
الفنان امير ياخي البوست يستنصر بشدة لقفشاتك !
-

Quote: دحين المشكلة بين منو ومنو ؟!

بين الناس و بين سخائف مختلفة !!
انت معانا ولة مع الخيانة !
--
ياخي عفيناك من اي شئ يا مشرف - انسي الفات كلو ! انت احكي لينا عن مسيرتك وتأملاتك الاسفيرية !

سلام.

Quote: يعني أنا ممكن أكون بعرف ود خالة البشير وود عمه الـ اتربى معاه في نفس الحوش... وعلاقتي بيه سمن على عسل لدرجة أنه إمكن نخطب بته ...مثلا يعني... مع أني عارفاه قلبا وقالبا مع البشير حتى لو ما جبنا السيرة أبدا .. بعدين أجي أدخل البورد ألقى زيد من الناس من مناصري الحكومة ألقاه فاتح بوست عن صورة معبرة وجميلة لطفل رغم الألم إبتسم إبتسامة irresitible في وش الكاميرا.. موضوع البوست كله ما ليه صلة من قريب أو بعيد بالسياسة ولا البشير....تهيج جواي رغباتي في العدوان التعويضي.. ابدأ الطش فيه لما ربنا يغفر ليه وأندمه على البوست وعلى كل يوم عاشه في حياته لأنه ما بستحق الحياة دي أصلا ولا مفروض يتجرأ إنه يدعى شوفة الجمال في شي ... ياخ لو ما سخف بس، ما في فرص تانية (في بوستات تانية) أمارس فيه كل ما أوتي لي من سادية... المشكلة وين يعني؟ والطعن في ضل الفيل فايدته شنو؟ مش ياهو ده السخف ذاته؟ وقريب البشير ده ما أدنى وأقرب لو في فايدة في طعن ضل الفيل أصلا..! (المثال ده افتراضى وإن تشابه موضوعه ووقائعه مع بوست ما) دقيقة، جاية تاني....

سلامات يا رمانة .. انا برضو الاى كيو ما ساعدنى افهم كلامك ده
احسن حاجة تجيبى لينا ما تشابه منه

Quote: وفي موضوع آخر لا صلة له أو ربما له صلة.. ياخ أنا قلت رأي في موضوع معين سنة 1900 .. اليوم قلت رأي مختلف في نفس الموضوع... المشكلة وين يعني؟ غيرت رأيي ياخ.. التغيير سنة الحياة ودليل على أنه مخي شغال...ضروري الناس تجي ساكاني بالقلته زمان ومية سكين يختوها في رقبتي...؟ وكل صاحب سكين يقول لي إلا تقري وتعترفي إنك كنت سنة 1900 غلط... ياخ لكن ما لو كنت شايفة نفسي غلط وقتها ما كنت قلته ولو في تايم مشين ورجعت لزمان ممكن أحتفظ بنفس الرأي الزمان... !!! بس ده ما رأيي هسه.. غيرته أنا حرة... ثم هو في النهاية رأي يقبل الصحة والخطأ .. والتغيير.... ولا شنو؟ وبهذه المناسبة لا يفوتني أن أذكر أن بعض آرائي قابلة للتغيير إذا لقيت أفضل منها.. دي واحدة من فوائد التواصل... وهذا للمعلومية وشكرا

دى ثقافة سائدة فى السودان .. السودانيين لسبب بيندهشوا للتغيير فى الشخصية
واحيانا يصل حد التطرف ان يكون مسبة
يعنى مثلا ممكن يحصل تغيير مادى فى حياتك يعنى تبقى عندك قروش كتيرة
حتى ولو كان من الحرام على مستوى علاقاتك اللاجتماعية القديمة زول بيهبشك والا يقول ليك مالك ده جبتو من وين
والا حرام مافى ...لسه يجوك يباركو ليك السمح و يباكوك ويا كلو اكلك
ما بتغير ده الا تتبوبر عليهم
طوالى يلصقوا ليك البعرفونا ما يحضرونا و يا حليل برمة الفسيخ والا طبلية الصعوط
وتانى الروب ما بتحلك

دى مش مفارقة
اها الشخصية الاسفيرية ياها مارقة من رحم الثقافة دى


اها ده بسوقنى لكلام قد يشبة فى مضمونه ما ازعجك فى ما تشابة منه
الناس الكتابين و الوقفو من الكتابه
ما قادرين يفهموا انو مافى طريقة يتكتب غير البتكتب ده

وانو ديل نحن السودانين اولاد ثقافتنا
ولن يتغير ده الا نجيب الدالة كاملة (سرقتها من ابوبكر صالح)
وما قادرين يعرفوا انو كتابتهم هى مسئوليتهم
فى خدمتنا نحن الساى ديل (بالذات هيثم)


سلامات يا محمد حيدر المشرف

Quote: يا آمة سودانيز .. أخوكم جاى متأخر ومافى حيل للقراية .. دحين المشكلة بين منو ومنو ؟!

مافى اى شى اخوى انا ما تقلق
بس شوية سخف كدى بنعمل ليهو مداخلتين فى اليوم
وان شاءالله نقوم نصيحيييين

بوست جميل يا دكتور هيثم والبروف ودكتور قرشي ودكتورة رحاب ورمانة وسهام .عندي تأملات في السخف والمساخة وغيرها لكن قبل دا كله وكنت متابع من الأول تعالوا نخلي طه بالأول يعتذر لنجاة ونجاة تقبل العذر وتقبل لأنها جات داخلة البوست مشحونة بغضب سابق من طه وابتدرت المداخلة معاه بهجوم عليه بما تحمله ضده من بوستات سابقة .لكن ليه يعتذر طه لأنه رد رد عنيف للغاية وخرمجوا البوست سوا .أنا اطالب طه جعفر بان يعتذر بكلمة واحدة
إني اعتذر
وأقول لنجاة تقبل الاعتذار بكلمة واحدة
اقبل الإعتذار.
لو علمنا عنعنة وبدينا تاريخ المشاحنات بين الطرفين سنرجع لتاريخ طويل .
تعرفو أنا في هذا المنبر احبذ أهل الخلافات الفكرية أن يتناقشوا بمستوى تكون فيه المهاترات إلى حد الصفر لكن يمكن أن تكون هناك سخرية .السخرية ليست سخفاً. لكن المهاترات أعلى من السخف .السخف في تعريف الدكتورة رحاب له كما عند الفرنجة الsillyness لا يصل حد الشتم عند السودانيين إلا عندما يستل السودانيون منه صفة ويلصقونها بالمخاطب كان تقول له أنت سخيف .هنا ترتفع درجة المشاحنات درجة شوية اكبر مما لو قلت لي زول هذاالكلام سخف. السوداني جنو وجن تلصق الحاجة بيهو.
المساخة يا رمانة ممكن تضحك سمعتو قصة انصاري السنة السلم عليهو جارو في المسجد مباشرة بعد أن انتهت الركعة الأخيرة .رفض يسلم على جارو وقال ليهو لا دي ما في السنّة
الجار اخد ليهو صنة وقام رد
- ومساختك دي في السنّة في؟
المساخة يمكن استنكارها.الكلام المسيخ يمكن تعريفه لجهة نقصان الفكاهة فيه.الشاي المسيخ والعصير المسيخ لجهة نقص الحلاة والسكر .فيما يتعلق بنقص الحلاة عندي قصة قديمة ضمن مجموعتي الاولى احكيها لكم
هنا:

نملة السكر
عاشت قبيلة من النمل قرب نمولي، كانت قبيلة من نمل السكر، ونمل
السكر كما نعلم قبيل حلو ومسالم.
وهكذا حدث أن تعرفت نملة على نامل متنمل الأطراف . تعارفا ومن
خلال دوران الحياة وعنفوانها تحابا، ثم أصبح ذلك الفتى النملي بعلاً مرتقباً
للنملة الصغيرة.
وذات يوم اكتشف ذلك البعل المرتقب « مساخة » النملة الصغيرة ونمل
السكر لا يجامل في طعم بناته الفاتنات. وعندما أخبر نامل القبيلة بالأمر
نصحوه بأن يغمسها في حوض به سائل حلو، فغمسها فيه فخرجت منه
دائخة بلا سكر تفوح منها رائحة البن.
وأخبر القبيلة بعدم الجدوى فنصحته بأن يحقنها بمضاد الانسولين ولكن
ذلك كذلك لم يجلب نفعاً. وهكذا فكر الزوج المرتقب وفكر؛ ثم قرر أن يصبح
زوجاً غير مرتقب وأخبر النملة الحائرة بقراره فقالت له حانقة:
- سكر.
ثم نبست لنفسها:
- هل كان ذلك القمئ يرغب في الزواج مني أم من السكر؟
وارتاحت النملة البديعة لاكتشافها دواخل البعل المرتقب حتى شعرت
بالسكر يجري في أحشائها مقام الدم ولم تخبر بأفراحها الداخلية أحداً.
لكنها طفقت تمني نفسها بأجنحة وشراسة تطير بها كالنمل اللاذع نحو
منابع العسل

العزيز بشرى الفاضل تحياتى

ياخ والله كونك تجيب اسمى دى يخلينى اهجر المكان ده
ب بروفه و ساهيه ودكتوره و رمانتة
الى الفور اول

بس خايفة يلحقونى صديقى قيقا

___________________________

Quote: لا يصل الشتم عند السودانيين إلا عندما يستل السودانيون منه صفة ويلصقونها بالمخاطب كان تقول له أنت سخيف هنا ترتفع درجة المشاحنات درجة شوية اكبر مما لو قلت للي زول هذاالكلام سخف. السوداني جنو وجن تلصق الحاجة بيهو.

لمن نعمل تدريب ادارى للمدراء عن جيفينج فيد باك
اول حاجة بنقول ليهم كلامك ده
اتكلم عن التقرير ما عن فلان العمل التقرير
الايجابى الصقو للشخص والسلبى الصقو فى التقرير

عشان المتلقى يقدر يتعامل بموضوعية
وتقدر تجيبو معاك فى خط الانجاز
و يمرق من مكتبك مرتاح و بيديها نمرة 4
مش خلف

اما هنا فى ناس هدفهم بيكون انك تديها خلف
و بى 4
ما تقول لى كيف يعنى ؟؟ لانى ما عارفة
بس ياما شوفت ناس سايقين كده فى المكان ده

Quote: بوست جميل يا دكتور هيثم والبروف ودكتور قرشي ودكتورة رحاب ورمانة وسهام .عندي تأملات في السخف والمساخة وغيرها لكن قبل دا كله وكنت متابع من الأول تعالوا نخلي طه بالأول يعتذر لنجاة ونجاة تقبل العذر وتقبل لأنها جات داخلة البوست مشحونة بغضب سابق من طه وابتدرت المداخلة معاه بهجوم عليه بما تحمله ضده من بوستات سابقة .لكن ليه يعتذر طه لأنه رد رد عنيف للغاية وخرمجوا البوست سوا .أنا اطالب طه جعفر بان يعتذر بكلمة واحدة إني اعتذر وأقول لنجاة تقبل الاعتذار بكلمة واحدة اقبل الإعتذار. Dr Bushra

اثني الاقتراح و اعتذر بدوري عن عدم المبادرة للمساهمة في حل
سلامات يا دكتور بشري

سلامات يا دكتور هيثم
الحكاية ما سخف او مساخة وبس وما في المنبر دا بس بل في كل تاريخ السجالات السسودانية والعالمية ل

كن كدي نقصر كلامنا في المنبر دا بس نجد فيه هذا النوع من المشاعر :
تمني الزوال
الكراهية والبغض hate
النفور
الحقد
الحسد
تمركز الذات
النرجسية
التجاهل
التغاضي

عدم الاستلطاف
عدم التسامح
السخف
المساخة
التحزب
الشللية
الاستخفاف
___
الاستلطاف
المودة
الحب
وبما ان المشاعر الانسانية استدقت على مر العصور حسب وعي واستنارة الأفراد في مختلف دول العالم فمن المحزن أن بعض المشاعر لازالت في معقلها الغليظ (كراهية، حقد ،عنصرية، حسد) لدى البعض في هذا المنبر وفي السودان وفي العالم لكن قلنا نقصر كلامنا على المنبر والسبب في نظري لا يقتصر على المستوى الثقافي والمعرفي وحده لكن يجب الرجوع لماقالته الدكتورة رحاب في الدراسات الحديثة عالمياً عن معنى الذكاء وأنواعه.
العلماء يتنافسون لكن تنشا بينهم مناظرات لا سجالات ففي السجال شيء من حظ النفس وفي المناظرة لا شيء سوى الندية والهدف الحصول على نتيجة تكون محصلة المناظرة بينما نتيجة السجال مصرع أحد الطرفين.

Quote: ... ياخ لكن ما لو كنت شايفة نفسي غلط وقتها ما كنت قلته ولو في تايم مشين ورجعت لزمان ممكن أحتفظ بنفس الرأي الزمان... !!!

Quote: اتكلم عن التقرير ما عن فلان العمل التقرير الايجابى الصقو للشخص والسلبى الصقو فى التقرير

دي يارمانة ياها القضيّة المركباني القصبة ومسببة لي صداع مستمر لم تشفه الأديان ولا فلاسفة العلوم الانسانية فالخطأ الممارس تصاحبه مشاعر معينة وكذلك الصواب الممارس فمن السهل أن تنقل الخطأ النظري والصواب النظري ( المعرفة ) لأبنك ، لتلامذتك ، للاجيال التي تليك أو المتدربة لديك على قول سهام ، لكن يستعصي عليك نقل الشعور المصاحب بل يستحيل، والذي غالباً مايكون هو الآليّة اللازمة لممارسة الخطأ والصواب ( وده شغل الناموس) عشان كده الأجيال المتعاقبة في سيرورتها ترتكب نفس الأخطاء المرتبطة بالخلق المجبول ولا فرق في ذلك بيننا وبين الحيوات الأخرى والعقل ليست هو القائد وإنما هو الآليّة التي تخدم الطبع المجبول، ومنها ما يخص الأنانيّة وحب الذات ، المال ، النساء ، القوة والسّلطة .......الخ حتى احتجاجنا هنا على السخف يؤطره هذا الطبع لذلك أستشهدت بمقولة ماركس ( أن يعيد التاريخ نفسه مرات فتلك مسخرة ) وهي العبثية بعينها فلو رجعتي لمداخلاتي الفوق ديل ووجدت منطقة الدائرة فارسمي ليك واحدة برضو واقعدي لفي في الجدليّة بتاعتها فيا طلعتي رابعة العدوية والا الشنّاقة بتاعة عهد القذافي .
طيب التحايا لكم جميعاً

أبو حمـــــــــــــــــــــــــــــــــــــــــــــــد

مرحب بالحضور - العائدين بطعم الجمال و الطلات الجديدة للخيط
الانيق جيمي - عذرا شاهدت بعضا من محاولة الشواء الادمي في الخيط الثاني - لاحقا نلتقي هناك !
-
العزيز الدكتور البشري نوّرت شارع الخيط - شكرا لك و للنمل المسكر !
لي عودة لاجقا بالتفصيل واوقفتني عبارتك العميقة - ربما كنت ابحث عنها !
(لا يصل الشتم عند السودانيين إلا عندما يستل السودانيون منه صفة ويلصقونها بالمخاطب) !!

حتي يحين موعد اللقاء نسترح مع الجميل ابوعركي في رائعة درويش (المنافي الواسعة ) (

كبرت مراسيم الوداع
والموت مرحلة بدأناها
وضاع الموت
ضاع
في ضجة الميلاد
فامتي
من الوادي إلى سبب الرحيل
جسدا على الأوتار يركض
كالغزال المستحيل.

تحياتي للجميع


--
للذين قد لا يحبون ابوعركي لهم الاحتفاظ بحق عدم الاستماع !!

Quote: كن كدي نقصر كلامنا في المنبر دا بس نجد فيه هذا النوع من المشاعر :تمني الزوال /الكراهية /والبغض/ hate /النفور /الحقد/ الحسد /تمركز الذات النرجسية / التجاهل التغاضي/ عدم الاستلطاف/ عدم التسامح /السخف /المساخة/ التحزب /الشللية /الاستخفاف ___ الاستلطاف/ المودة/ الحب

الاستاذ بشري شكرا لاثراء الخيط
من الطبيعي انو الطبائع في المنبر تكون جزء او تجليات لواقع معين -لكن المثير بالنسبة لي اثر الاسفير علي سلوك الناس
قاعد اتخيل انو خلال العشرين السنة الفاتت حصلت تغيرات كتيرة و متسارعة في العالم وبالطبع السودان اخد
نصيبو من التغيرات دي- اضافة للواقع السياسي و الاقتصادي المزري -وحصلت اهتزازات عنيفة لفلسفة الاخلاق
لكن في الاسفير مثلا في عاملين خطيرين و مؤثرين دخلوا و هما الذاكرة(documentation) والفراجة اوالـ(audience !) في آن واحد
في الواقع الحقيقي ممكن تكون في اساءة لكن الزول ممكن ينسي اذا الناس الحواليك نسوا او غايبين
لصعوبة الـتوثيق - وعفا الله عما سلف !
لكن في الفضاء الجديد دا مع استحضار العاملين (الذاكرة/ audience) + الخطأ الغير
مغفور(الكبشرة ) ! اتوقع حوجة لتمثّل او تعريف كل الطبائع !
الذاكرة المشحونة بالعنف من الطبيعي تلقي معادل كالسخف للتواؤم و التعويض زائدا تخانة الاحساس لتلقي الضربات
و بتخيل مع زيادة معدل الاتهامات خاصة في الشئوون السياسية او حدة الصراعات الايدلوجية -المناعة الانسب من اجل البقاء هي تزويد الجلد والاحساس بالتخانة من اجل البقاء ! و النتيجة الطبيعية للظلم هي ارجاع الظلم باك للجميع ! لدرجة يصبح السخف و الاذي مصدر مهم من مصادر الـ (fun) !

و الله اعلم !

Quote: لدرجة يصبح السخف و الاذي مصدر مهم من مصادر الـ (fun) !

هيك بتحسس انا

تحياتي لجميع الحضور والزوار
متابعينكم كلما دخلنا البورد... شكرا للجميع
جاية بعدين... بس رسالة سريعة لمحمد حيدر المشرف..
قريت مداخلة ليك في بوست القصة القصيرة للاستاذ بشرى
بالله عليك أكتب المداخلة السخيفة الاتكلمت عنها هناك
أثرت فضولي ... حابة أقراها:)
سلام..

Quote: Quote: : لدرجة يصبح السخف و الاذي مصدر مهم من مصادر الـ (fun) ! هيك بتحسس انا

اتحسسي ياخي !واتحسسي ايمانك معاك !
--
تعرفي يا المجمر انتي قايلة مداخلاتي طويلة ليه ! و مرات اقعد اشرح في الفكرة لدرجة الاسهاب !
والبروف بشاكلني طوالي بقول لي حاول اعمل مداخلاتك قصيرة عشان (نفس) الاسفير قصير !
لكن ما قادر اتجاوز الخوف من انو الفكرة ممكن تصل الناس كيف -! ؟
وبوازن بين انو احسن اضحي بود البشري وما يقرا مداخلتي ! ولة اخلي الزول يشرح كلامي براهو و يفهمو بطريقتو !
بقوم بختار الاولي !
في الحالة التانية -بصورة عامة - الزول بجي غالبا شايل حاجاتو ومشاكلو الخاصة(الفكرية -السياسية -) و بقرا بيها الكلام !
وقاعد اتخيل الذكاء المصاحب لاختصار المداخلات قد لا تخلو من قلة الـ(care ) بالاخرين !!








و اتخيلي شطبت فقرة كاملة لتوضيح قصدي من العبارة ديك - لكن قلت ادي مساحة ليك تجي بحاجاتك !!

حسع السؤال البطرح نفسو اضافة لموضوع اللوتري -هل انتي جيتي باي حاجات خاصة قريتي
بيها الجملة

الاخ عثمان أبوحمد
لك التحية
تعرف أنا لما قريت مداخلاتك طلعت بفهم بس استبعدته ورميت المشكلة على الاي كيو بتاعي
كأنك بتقول اننا مسيرين ولا نملك لا ارادة ولا اختيار.. وكل شيء في حياتنا مخطط ومسطر ونحن بس بنفذ
عليك الله قول لي إنه فهمي صاح عشان ما أحس بأني غبية...! :)

رمانة... إيه الخيانة دي!.

نحن عندنا "حرب داحس والغبراء" بهناك وإنت قاعدة هنا تتنزهي في الحدائق الوريفة دي.


---
بوست رائع... عندما تضع الحرب أوزارها ربما أحتفلنا هنا "اعتبرو الصالة دي من هسه محجوزة للمهرجان" : )

انت اقعد لف ودور كدا لمن الدكاكين تقفل ويصبح كاتبي المفضل أساسي










الواحد في حال كونو زول لطيف لازم يسلم على الناس الفوق ازيكم يا حلوين

الدكتور بشري سلامات

Quote: (لا يصل الشتم عند السودانيين إلا عندما يستل السودانيون منه صفة ويلصقونها بالمخاطب) !!

في ظني يمكن هذه المقولة-في فسلفة الاخلاق- ان تكون سارية المفعول في الواقع الحقيقي (مثلا الاعراض عن الجاهلين !)
ولكن ماذا عن الاسفير - ؟ اتخيل ان هناك بعض الناس يمكنهم الاحتفاظ بالقيم الاخلاقية الواقعية و لكن يبدو لي لكثرة
الاساءات التي لا يمكن النجاة منها استحدث الكثيرون فلسفة اخلاقية جديدة وهي رد الاساءة او الشتيمة بمثلها او احسن منها !
و ربما لهذه الفلسفة منطقها بفكرة الردع !
و مثلا عندما يتعرض شخص لاساءة يظن ان لديه المبرر الاخلاقي لاستخدام اقذع المفردات لرد الكرامة الاسفيرية !
و هو غالبا لا يستخدم تلك المفردات او الشتائم في الواقع ! وبل اتخيل ان بعض الناس مارسوا الشتائم بالطريقة
المعروفة للمرة الاولي في حياتهم علي ظهر الاسافير و ذلك لتعرضهم للمرة الاولي كذلك !
و هل نتعامل بان النسخة السفيرية منسلة من تلك الصفة- في حين نظيرتها الحقيقية لنفس الشخص غير منسلة (حسب عبارتك)

ام تلك العبارة اصبحت غير سارية حتي في الواقع !؟
و خاصة مع الفوضي الاخلاقية التي تعاني منها الواقع لتضارب و صراع تلات نظم اخلاقية ( القيم الاجتماعية الموروثة التي
كانت جزء من تماسك المجتمع و تعبير للحاجة الحقيقة + القيم الدينية المستحدثة + قيم الواقع الاقتصادي السياسي الجديد ) !
مجرد مثال لتضارب قيمة معينة في سياق صراع النظم : (المجاملة او المواجبة ) في مناسبة عرس (حفلة )

وكيف نحل هذه المعادلات مع الواقع الجديد لايجاد فلسفة اخلاقية جديدة لانقاذ ما يمكن انقاذه !

غايتو !

----

رمانة ما ظنيت المشرف اليومين ديل شغال بتطييب الخواطر !!
-
مورتي لطفك ما بنأباهو لكن الفيك اتعرفت

Quote: كأنك بتقول اننا مسيرين ولا نملك لا ارادة ولا اختيار.. وكل شيء في حياتنا مخطط ومسطر ونحن بس بنفذ عليك الله قول لي إنه فهمي صاح عشان ما أحس بأني غبية...! :)

العزيزة / رمانة :
تحيّة موصولة غير ممنونة
نعم أنا أقول بالتسيير وأن البشر خاضعون لقانون الطبيعة مثلهم كما الكائنات الأخرى غير أنهم يتمتعون بصفة القابليّة للتّعلم ( العقل ) الأمر الذي كان سبباّ في وهم التخيير مما حدا بي للضغط على التحديّات التي واجهته وثبت فشله في مواجهتها مع أننا نعتبر ذلك تميزاً على بقية الكائنات وإليك مقتبسات مما كتبت آنفاً أتمنى إعادة قراءتها باستحضار هذه الإشكالات للتطبيق العملي وليست التفهٌّم والمعرفة النظرية :

Quote: السيرورة يحكمها قانون الطبيعة ( الناموس )، و المجتمع المدني ( العقل ) المرجو له ادارتها محكوم بالمرحلة التاريخية التي تخضع لقانون الطبيعة أيضا في اكتسابه للمعارف والخبرات أو في قدرته على ممارستها تحقيقا ، ( الفكر الجمهوري ) ( الشيوعية ) وهو كما يتبدّى لنا كثيرا عاجز عن الادارة تماما بل مشلول فهو يميل بالجملة لصالح النفس الامارة أو ما تعارفنا على تسميته بالطبع المجبول( الفكر الاخواني ) ( الرأسمالية ) حتى يقرعه قارع،

Quote: عشان كده الأجيال المتعاقبة في سيرورتها ترتكب نفس الأخطاء المرتبطة بالخلق المجبول ولا فرق في ذلك بيننا وبين الحيوات الأخرى والعقل ليست هو القائد وإنما هو الآليّة التي تخدم الطبع المجبول، ومنها ما يخص الأنانيّة وحب الذات ، المال ، النساء ، القوة والسّلطة .......الخ حتى احتجاجنا هنا على السخف يؤطره هذا الطبع

Quote: ومع علمنا بحقيقتها نفجع بعجزنا التام في تمثل هذه المعرفة سلوكاً في الواقع بأن لا نضيق بأنماط السلوك المختلفة المطبوخة في مصانع مختلفة كما طالبنا الصوفيّة، وهذه مأساة الإنسان وبؤسه كما أشار بول ريكور فنحن نخطئ فيها وبها ونكرر أخطاءنا منذ فجر التاريخ وتلك مسخرة على وصف ماركس،

العزيز / هيثم
طيب التحايا والود

Quote: و خاصة مع الفوضي الاخلاقية التي تعاني منها الواقع لتضارب و صراع تلات نظم اخلاقية ( القيم الاجتماعية الموروثة التي كانت جزء من تماسك المجتمع و تعبير للحاجة الحقيقة + القيم الدينية المستحدثة + قيم الواقع الاقتصادي السياسي الجديد ) ! مجرد مثال لتضارب قيمة معينة في سياق صراع النظم : (المجاملة او المواجبة ) في مناسبة عرس (حفلة ) وكيف نحل هذه المعادلات مع الواقع الجديد لايجاد فلسفة اخلاقية جديدة لانقاذ ما يمكن انقاذه ! غايتو !

كل الذي طرحته في ردك على الأخ بشرى الفاضل وختمته بالسؤال عن الحل لا يخرج عن هاتين فانظر ماذا انت فاعل ؟
1 – الأخلاق تشكلها الظروف ، والظرو ف هذه حدوته وجدليّة لن تجد لها رأس خيط تمسكه وستصاب بالدوار والأستاذ محمود أحكم هذه الجدليّة بمقولة في منتهى الروعة ، يقول : ( المجتمع الصالح أفضل وسيلة لإنتاج الفرد الصالح )، عشان كده قلنا ليك ( إما أن تطلع بشر الحافي أو عبدالله القصيمي ) ، ولست أدري إن كنت تعرف الأخير أم لا ؟ وعلى العموم هو كاتب سعودي تم نفيه عن السعودية في الخمسينات وألف ما يقارب 35 كتاب على رأس قائمتها ( هذا الكون ما ضميره !؟ ) و ( يكذبون حتى يروا الإله جميلاً ) ومن هذين العنوانين تستطيع التخمين .
2 – الدفع هو الآليّة الفاعلة لانتاج الأخلاق الممارسة التي شكلتها الظروف ( معطى ) وقد ورد في تيموس هيجل كما ورد في القرآن، والدفع يقوم على مبدأ الصِّراع والمناجزة ( معطى لم يتم تجاوزه بالفكر والمعرفة ) لتحقيق توازن القوة المطلوب لإنتزاع الإعتراف والحقوق من الطرف الآخر علماً أن الأديان عموماً طالبت بسقف من الأخلاق إلى تاريخه نعتبره ضربا من الطوباوية والميثولوجيا ( من صفعك على خدك الأيمن فأدر له الأيسر ) ( يؤثرون على أنفسهم ولوكان بهم خصاصة ) ولا يغيب عن فطنتك أن القوة هي التي سطرت تاريخ البشرية ورسمت خط سيرورتها كما أنها هي من تخدم النفس الأمارة في كسب المال والحصول على المرأة ..........الخ ، والنتيجة الأخلاقية الحتمية هي السعي للحصول على هذه القوة وممارستها وهو أمر يعتبر من هذا المنطلق حقاً أخلاقيّاً للجميع ، فالناموس جعل الدفع وسيلة لإشباع ما أودعه فينا من غرائز ( التيموس و.......الخ ) ويكون بذلك الصراع أيضاً أخلاقاً حتميّة ( والله خلقكم وما تعملون ) يعني سوانا وسوى لينا سلوكنا العوّة في شنو !!!؟.......
أقول ليك حلّّها إنت أنا فترت وما تنسى مثالك المصغّر لما يدور في هذا المنبر حيث يقل الدفع فتبرز الأخلاق الظرفيّة القابلة للمارسة وليست تلك التي فلقوا أدمغتنا بها في المدارس والمساجد ، و تستطيع ملاحظة أن هذه الشتائم تقل بين أبناء الدفعة الذين يعرفون بعضهم بعضاً والمتواجدون في مدينة واحدة تجمعهم المناسبات والزيارات .
أبو حمـــــــــــــــــــــــــــــد

هل هيثم طه غواصة ؟!
سؤال ستجيب عنه الأيام !!










---------------
شعب قزم يقوده أقزام !!

واحدة ليك يا رمانة وواحدة للزول الساي امين !
هو زاتو براهو ما بستاهلها - يقسمها مع جادات !










---
العزيز ابوحمد شكرا لاثراء الخيط و لي عودة لتحديد موقفي من اقتراحيْنك !

رمانه سلام ..
اذكر انى إحتفظت بها ..
سابحث عنها ..
فالم اجدها .. ساكتبها من جديد
"معين السخف وافر جدا و .. معطاء والحمدلله"

Quote: "معين السخف وافر جدا و .. معطاء والحمدلله"

الأخ الكريم / المشرف

طيب التحايا
أيام ما كانت السينما لها طعم ورائحة ولون متعت نفسي بمشاهدة the great scape وكان أحد أهم أبطاله الميامين stief mcqueen الذي مارس بعض الإزعاج لضباط المعسكر النازي فعاقبوه بحبس تحت الأرض وكانت الزنزانة لا تسمح بالوقوف فهي على ارتفاع قامة الرجل وهو جالس ، أدخل الى الزنزانة وهو يرتدي في يده اليسرى قفاز إلتقاط كرة البيسبول ، جلس على أرض الزنزانة عليه علامات الرضا وهو يقذف بكرة البيسبول على الجدار المقابل ويتلقفها بكفه الأيسر بمرح وكأن معاناته من الحبس لا تؤثر على سعادته ، كان أحد ضباط الحلفاء قد سبقه الى الزنزانة وقد بلغ به القهر مداه فنظر بكره الى ستيف ماكوين وقال له لماذا انت مرح هكذا!!؟ وما الذي يعجبك هنا !! ؟ . فرد عليه : وما الذي أجنيه من النكد ؟ هل سيخرجني من هنا ؟ قال : لا . رد عليه إذن لماذا لا أستمتع بوقتي بدل أن أقضيه في النكد والشعور بالقهر والعذاب !!.
كيف ترى هذه الفلسفة ؟ ممكن تخارج الواحد من الabsurdity!!؟

أبو حمـــــــــــــد
والله نسيت التحية فعدت وكتبتها !!.

غايتو يا هيثم طه العملتها في البورد ده – ايدد اند فاسيليتيتد باي – سهام المجمر تاني ما بتطلع منو أبدا...
شايفة العالم كله بقى يفتي في السخف ما بين فرحان به وزعلان منه...
كان تسجل كلمة سخف ومشتقاتها عند بكري لحفظ الحقوق ...
هسه أنا ذاتي قاعدة أفكر أفتح لي بوست سخيف... ما دام الاخ أبو حمد قال الدنيا دي أسخف سخفها إنه نحن ما عندنا فيها خيارات.. والجنة والنار ذاتها ما خيارنا... (غض النظر عن رأي الجمهوريين المشوش "بكسر الواو" في الحتة دي) ... فلنختار السخف وإن شاء الله ما حدش حوش..
----
شنو يا ود المشرف..!
أما حال الحول على المعلقة لتعلقها في أستار البوست ؟؟ وبعدين إنت مختفي مالك؟

Quote: كل الذي طرحته في ردك على الأخ بشرى الفاضل وختمته بالسؤال عن الحل لا يخرج عن هاتين فانظر ماذا انت فاعل ؟

سلام العزيز ابواحمد تسلم علي الصبر "الجمهوري" !
ما عارف لكن حسيت انو الخيارين قريبين من بعض (عن دور الظروف)- مافي طريقة لخيار تالت براهو !

تعال جادعنا في البوست متي ما سمح ليك الوكت
وبصورة عامة تساؤلاتي عن ظروف الاسفير في تكوين حالة اقرب لمفهوم الـ(disinhibition ) -والدراسات الحديثة البتربط او تفسر سلوك الناس بالمفهوم دا في عالم الاسفير
"(Disinhibition is a process, of whatever aetiology, which results in an individual having a reduced capacity to edit or manage their immediate impulsive response to a situation")
و
(A disinhibited individual experiencing disinhibition may not be able to disguise some of their emotional responses, sometimes at the expense of sensitivity, politeness, or social appropriateness)
والزول الـ(disinhibited) بقول او بعمل اي شئ دون مراعاة لاثر الكلام علي نفسو او علي الاخرين , والمشكلة انو شكلو حالتنا دي (disinhibition ) مقصودة من اجل الاذي و ليس لموت الاحساس !
والحالة دي كحالة طبية نفسية للافراد شكلها انتقلت - والمجتمع الاسفيري بقي اقرب للمجتمع الـ(disinhibited) !

والله اعلم !

تحياتي

يا ود البشرى انا قاعد
بس مازوم في الزمن ..
ما قدار اقرأ كل ما كتب .. وخايف اكتب و اقع في المحظور

Quote: بخصوص السخف : التعريف الانتي جبتيهو عجبني جدا و شكلو مناسب لنوع من انواع السخف - لكن يبدو لي المفردات في التعريف بتشير للاي كيو وسلبية المتساخف ومافيها اشارة للـ(offensive attitude) ! و الحتة دي محورية في كلامي و سبب اقحامي للـ(rudeness )- والمشكلة ما بعرف انجليزي زي الناس -لكن قدر البعرفو بحاول احس بيهو ! عموما بالعربي البسيط كلامنا انو : فلان اتساخف عليّ و اتبايخ ! وصورة عامة الارقيومنت بتاع البوست قائم علي اساس انو تفكيرنا اومعظم الكلام البنقولو او (الثقافة الاجتماعية) فيهو مساحة كبيرة او ثغرة بتسمح لممارسة السخف -لمن يرغب !! لانو غالبا في قيم انسانية جميلة زي العشم او جبر الخاطر و غيرها ما بتسمح للناس لممارسة السخف علي بعض ! و المشكلة انو القيم دي عشان تكون نافذة بين الناس غالبا بتحتاج المعرفة والتواصل الاجتماعي - يلا في العالم الجديد الاسفيري من السهل ممارسة السخف علي بعض ! باعتبار انو الفضاء الجديد داهم الناس - والقيمة الاخلاقية المخزونة والوحيدة في التعامل مع الغريب في الواقع غالبا هو الاكرام ! وعشان كدة بفتكر غالبا (السوداني) ممكن يكون عندو مشكلة مع الغريب !(الغريب-اي كان - بمعني عدم وجود عرفة ) وممكن يكون مصاب بـ(dullness) ! وكلامي عن انو اصلا الكتير من تفكيرنا بيسمح ببمارسة السخف زي النكتة المنسوبة للرباطابي : جاء طالع من الحمام - قام التاني سالو استحميت ! قال ليهو لا -صبت فيني مطرة ! -قصدي التاني عارفو استحم لكن طريقة تفكيرو خلاهو عرضة لممارسة السخف - وهنا مثلا العشم او تطييب الخاطر ما كان موجود !

خلوني اول حاجة -كزول ثقافتو فرنسي*- اسجل اعتراض على استخدام لغة اجنبية في نقاش محلي جداً جدن .. وغارق في المحلية.
في منبر انقليزي -بنفس اسم مطعم الباشا دا- بالمناسبة يا د.هيثم و د.رحاب

انا مع من قال انو ميل الحال الاسفيري، مصدرو ميل حال الواقع اصلاً .. ولن يستوي الظل!
المشكلة هنا تقرأ على ظلال الـE.Q و دي مشكلة تواصل .. واللغة شرط حاسم فيها .. مش بس نمط التفكير

للاسف لغتنا -ما العربية عموماً، بل(المحكية)- فقيرة جداً عاطفياً، مقارنة بجيرانا المصريين و الشوام
كدي عددوا مفردات الاحترام، والعواطف الايجابية في اللغات المحكية ليهم وقارنوها بينا؟
لن تتعدى السنغل ديغيت قصاد الجوز ليهم!

لو قلت لزميلة بورد هنا [حبيبة ألبي] .. ول [تأبري ألبي] لنصبوا لك اعواد المشناق، واقاموا عليك الحد!




اكتفي بهذا القدر كعربون دخول .. لمن نكمل قراية



--------

* انت قايلنا ما عندنا لغات ول شنو؟
غير الفرنسية و الراندوق .. اجيد قليلون من العربية كمان
بس خايف احبط (الساي) الزيك ديل .. يقوموا ينتحروا!

بس الانقليزي دا صراحة ما معانا ..
اسي لو ما اعترافك الموثق اعلاه دا، زمان انا الغبيان دا حاسبك خواجة عديييل كدا!
غايتو انا لو توفر لي قدرو علي بالحلال لأخت الدال قدام قيقا و اصحفا لـ(دقيقة) عديل كدا
المافي شنو تاني؟

دقيقية .. دقيقة نخاف عليهو

Quote: هسه أنا ذاتي قاعدة أفكر أفتح لي بوست سخيف... ما دام الاخ أبو حمد قال الدنيا دي أسخف سخفها إنه نحن ما عندنا فيها خيارات.. والجنة والنار ذاتها ما خيارنا...

هجمتيني في صمة خشمي أنا الفقرة الأخيرة دي ما قلتها لكن لو عايزاني أقولها ما عندي مانع .... وش ضاحك ما بعرف القاهو وين .

العقل فوق يا رمانة سميناه الإستعداد للتعلم والحمد لله ما قصر أبدا في تعلم الرياضيات والطب والفلك والكيمياء والفيزياء الكمومية والحاجة العرفها في المجالات دي لا يخطئ فيها أبدا وإذا أخطأ مرة ثم عرف الصواب لا يكرر هذا الخطأ ثانية ، فلماذا لم يتعلم الإبتعاد عن السخف وظل يكرره منذ أن خلق الله الانسان مع إنو علموه ليهو كثير جدا وبشهادتك أعلاه حول البوستات الانطلقت !!!؟ دي جوابه بعشرة ريالات ، وبالمرة كده لو قلتي لي ناس الجبهة ديل بخلونا لي الله ويرفعوا وصايتم عننا متين نرفع المكافأة لمئة ريال وانشاء الله ما حد حوش على قولك !!؟

لك طيب التحايا والود .

أبو حمـــــــــــــــــد

يا رمانة ما ظنيت الحاصل عندو علاقة بالبوست !
و بتخيل مرات الشخصية الاسفيرية (cyber personality) و لامن الـ (virtual identity ) تغلب علي الهوية الحقيقية بتاعت الزول -الاسفير ببقي المرجع لاحاسيس وافكار الشخص - والاعداء الاسفيرين مثلا ممكن يكونوا اكثر غيظا و تأثيرا علي الذات من الاعداء الحقيقيين !
و تبقي المواضيع او البوستات مستولدة من الاسفير زاتو و ممكن الزول يكون ما شايف حاجة في الواقع الا بعيون الاسفير !-حتي لو في واحد جاب موضوع من عندو او من الواقع -برضو بعض الناس ممكن يقروا الموضوع من خلفية الاسفير و صراعاتو - و حتي موضوع كبير زي "هجليج" ممكن يكون عند ناس مشكلة اسفيرية اكتر من كونها مشكلة حقيقية !

ولو في واحد اتساخف او اتشاكل مع الزول - الواحد ممكن يكون شايلة الغبينة و ماشي بيها في البوستات لحد ما ياخد حقو !
عموما شكلو مع تعمق الهوية الاسفيرية للشخص - المعيار المؤثر جواهو لتحديد رؤيتنا للانسان و الخطأ والصواب ببقي اخلاقيات وادبيات الاسفير!

غايتو ......!

البوست يرحب بقيقا !

Quote: سخيف ممجوج = مسيخ وممصمص سهام، أنا بحاول ألقى المعنى البقصده هيثم.. أظني لسه ما لقيته.. السخافة والثقالة والدغالة والبياخة والمساخة وحتى السماجة... كلهم أفراد عيلة واحدة..

ما عارف لكن قدر القريتو و المحاولات اليائسة لتعريف (سخيف) بفهم البوست دا ما لقيت اقرب من (كلام ناشف) ..

طبيعي ما دام بنتكلم عن تفاعل عبر وسيط الكتروني، تكون اللغة حضور تام (كلام) ..
و الصفة (ناشف) دي، الما منها فكاكا ابداً .. دي الشعب السوداني (الشغيغ) دا راضعا عديييل كدا!

المصطفى ود سيد احمد قال ليها :

جرّحنا عتابك يا باكية ..
عاوزنا نغني غنا الافراح!؟
ما الغنوة* الناشفة لبن ضرعك ...

اللخ اللخ





--------

* ممكن تقراها (الكلمة) و لا تثريب عليك

تأسيساً على قصة الظل و العود الاعوج ..

جادع يحي فضل الله مصطفى بـ:

قول للبنية الخايفة من نار الحروف
تحرق بويتات الفريق
قول ليها ما تتخوفي
دي النسمة بتجيب الأمل
والأمل يصبح رفيق
والاصلو في الجوف إندفن
لا بتنسي .... لا بنمحي
لا بنتهي منو الحريق ..يا ضُلنا
والفينا من آهات اليمة
في حكاوينا القديمة
لا رحل عن عيونا
لا بتغشاهم الهزيمة


اما انك ساي صحيح، و غارق في السائية .. انت خايف من شنو يا هيثم في كلمة كتلت ليها زول!؟

ثم ثانياً داير تغيرنا كف نف بضربة لازب ساااي كدا!؟
بامارة شنو!؟

Quote: العقل فوق يا رمانة سميناه الإستعداد للتعلم والحمد لله ما قصر أبدا في تعلم الرياضيات والطب والفلك والكيمياء والفيزياء الكمومية والحاجة العرفها في المجالات دي لا يخطئ فيها أبدا وإذا أخطأ مرة ثم عرف الصواب لا يكرر هذا الخطأ ثانية ، فلماذا لم يتعلم الإبتعاد عن السخف وظل يكرره منذ أن خلق الله الانسان مع إنو علموه ليهو كثير جدا

Quote: ثم ثانياً داير تغيرنا كف نف بضربة لازب ساااي كدا!؟ بامارة شنو!؟

أخي د. هيثم
سأل الأخ / فتح الرحمن بسؤال داهم وعليكم أنتم والمشرف ومحمد القرشي ورحاب أن تجدوا لنا الجواب الشافي للمعضلة أعلاه وما شابهها مما ذكرنا سابقاً في هذا الخيط وقد عرفتم من أمر البايولوجي وأنوتومييّه وفيسيولجييّه الذي أفرز سايكلوجييّه ، فغيروا لنا في الأول ينصلح حال الأخير فتنزعون ما في صدورنا من غلٍّ فنصبح إخواناً على سررٍ متقابلين ، ولكن عليكم إصطحاب فكرة أنه قد تنشأ آثار جانبيّة من هذه المعالجة كأن يتوقف النمو الحضاري للبشريّة تماماً فعلى حدِّ علمي الراهن أن النفس الأمارة ( الطبع المجبول ) هي التي تقوم به وتصنعه .
أرجو ألا أكون قد صعبتها !!؟
أجمل التحايا والود لكم جميعاً .

أبو حمـــــــــــــــــــــــــــــــــد

Quote: أخي د. هيثم سأل الأخ / فتح الرحمن بسؤال داهم وعليكم أنتم والمشرف ومحمد القرشي ورحاب أن تجدوا لنا الجواب الشافي للمعضلة أعلاه وما شابهها مما ذكرنا سابقاً في هذا الخيط وقد عرفتم من أمر البايولوجي وأنوتومييّه وفيسيولجييّه الذي أفرز سايكلوجييّه ، فغيروا لنا في الأول ينصلح حال الأخير فتنزعون ما في صدورنا من غلٍّ فنصبح إخواناً على سررٍ متقابلين ، ولكن عليكم إصطحاب فكرة أنه قد تنشأ آثار جانبيّة من هذه المعالجة كأن يتوقف النمو الحضاري للبشريّة تماماً فعلى حدِّ علمي الراهن أن النفس الأمارة ( الطبع المجبول ) هي التي تقوم به وتصنعه . أرجو ألا أكون قد صعبتها !!؟ أجمل التحايا والود لكم جميعاً . أبو حمـــــــــــــــــــــــــــــــــد

سلام و سلام يا ابا احمد و يا سلام ياخي!

الشباب هنا و د.بشرى الفاضل همسلف وقعوا في خطأ كوني بطلب اعتذار طه، والزام د.نجاة بالقبول!
دا حرق المراحل البقولوا عليه .. او في روايته السودانية (باركوها) وتغطية النار بالرماد ..

دا صراع لازم يأخد دورتو كاملة، عشان ينتهي لنهايته المنطقية (اقرأ الجدلية).
المطايبات لن تجدي فتيلاً مع (الناموس).

الله محبة وخلق الكون من طينة المحبة .. وسيصل ليها حتماً..
لكن عبر طريق صاعد، شائك، ووعر جداً .. بتراجعاته المؤقت.
قد لا نكون جزء منه، او نكون مجرد سلمة في صعود البشرية دي .. يجب الا نحزن!
بل نستمتع باداء دورنا دا بفرح كامل، هل يأبق الانسان من ملك ربه .. اللخ اللخ

يجب ان نسلم بحكمة الخالق في دي ..

[وَإِذْ قَالَ رَبُّكَ لِلْمَلائِكَةِ إِنِّي جَاعِلٌ فِي الأَرْضِ خَلِيفَةً قَالُوا أَتَجْعَلُ فِيهَا مَنْ يُفْسِدُ فِيهَا وَيَسْفِكُ الدِّمَاءَ وَنَحْنُ نُسَبِّحُ بِحَمْدِكَ وَنُقَدِّسُ لَكَ قَالَ إِنِّي أَعْلَمُ مَا لا تَعْلَمُونَ]

عيبوا لي ستنا (رابعة العدوية)
المافي شنو!؟

اطعنوا في فيل (المزاج السوداني) الحاد جداً دا .. وسيستقيم الظل الممدود* عنه اتوماتيكلي
ول شنو!؟






-----

* الحقوق محفوظة لصاحب (ظل ممدود بمزاج مائل) الصديق عصام عيسى رجب
الغريبة رغم اننا مازلنا-رغم فقدنا لامتياز مليون ميل مربع كأرض- نتمتع باننا 40 مليون ميل ومزاج .. تلتقي كلها في الحدة، وتضخم الذات، وادمان الفشل!

بسلطة الكتابة الممنوحة لي اعلنكم جيل انتقالي فااااشل!

قصة حقيقية ..

اتنين اصحابن لينا مرة اتشاكلو، كحلقة من سلسلة تشاكس تاريخي بينهم .. وصل حدود بغيضة جداً
قرروا انهم يتطالعو (دبة الجبهة) وهي منطقة طرفية في حدود مدينة كوستي ..
وقد فعلوا ..
انقروا ما رجعوا في نهاية اليوم اصحاب .. ومتعانقين
والله صحي!

اجمل ما رووا: انهم كانوا بعملو (تايم أوت) بين الجولة و الجولة ..
بطلبها واحدة و التاني بوافق ..
ويقوموا يتخابتوا بعدها .. حتى طلب تايم اوت جديد..
برااااااهم اقتنعوا انو الصراع اكمل دورتو .. وآن له ان ينتهي!

انتهى

Quote: خلوني اول حاجة -كزول ثقافتو فرنسي*- اسجل اعتراض على استخدام لغة اجنبية في نقاش محلي جداً جدن .. وغارق في المحلية. في منبر انقليزي -بنفس اسم مطعم الباشا دا- بالمناسبة يا د.هيثم و د.رحاب Gega

قيقراوي ازيك
قايلاك بتهظر ياخ بالاول، لكن تاني لقيتك كاتبها في بوست حيدر الزين
اموت و اعرف الخلي تعريفاتي في بوست مؤسسة الجلابة في السودان الجبتهم انت ما لغة اجنبية و تعريفاتي في بوست هيثم لغة اجنبية شنو؟ ما الياهم الاتنين بانجليزي الله الواحد ده :)
http://www.sudaneseonline.com/cgi-bin/sdb/2bb...msg=1325048103&rn=75
الياهو نفس البنبر، و نفس مطعم الباشا و نفس النقاش المحلي و حكمة الله، نفففس الرحاب الكاتبة الاتنين!
يا قول الحبشي* ربنا يطراه بالخير، ما هو المعيار؟

*ياخ انتو الزول ده ما جنبكم في السعودية الكبيرة دي؟ مافي زول عارفه ماله يا فتحي؟

كرد جادي عن تساؤلك المشروع ده لماذا الكتابة بالانجليزي في منبر عربي:
b'coz I can :)


ـــــــــــــــــــــــــ
عثمان عبد القادر يا كريم، مداخلاتك عن التسيير و التخيير فيهن نقاش ممتع و محفز للتفكير و دي من المواضيع الكنت اتمني لو فتحو ليها بوست براها، لاهميتها، و كترة التنظير فيها، لكن فاهمة مدخلك ليها في البوست ده و الرابط، باذن الله راجعة لمداخلتك الاخيرة دي

عذرا لعدم الانتظام في النقاش و الردود عموما في البوست يا هيثم..

Quote: كرد جادي عن تساؤلك المشروع ده لماذا الكتابة بالانجليزي في منبر عربي: b'coz I can :)

ما دا سبب اعتراضي ذااااتو!!
لو انتو اصريتو على استخدام (الاتو) و انا كتبت بالفرنسي ود. بشرى كتب بالروسي بالمناسبة هي كان ونص و خمسة بط آي دونط، اها لو كل من (كان) كتب بي وط هي/شي (كان) البفهم منو؟
عايرة و ادوها سوط .. هو بلغة واحدة عندنا مشكلة في التواصل .. وهي ما نحن فيه هنا في متاهة هيثم دي!

سم سانين لو لاحظتي الاعتراضين مختلفات .. انا في بوست حيدر شمعة تحترق لتنير طريق الآخرين
المافي شنو!؟

نحن طيبين .. وهم -الوهم ديلاك- حالتم تحنن الكافر!









--------

الحبشي بالحيل معانا بجاي ..
زمان كنت متواصل معاو .. لكن فقدت رقمو .. وما اظن ود القاضي الغتيت يديني ليو
لكن سمعت انو ح يرجع قريب .. الظاهر عندو بعض المشغوليات اكاديمية ول عملية ما عارف

تحياتي يا دكترة
ومشتاقين و الله




.
صراحة الفلهمة دي مرهقة جداً
انا ما كان اكتب بالفرنسي و البنتحر ينتحر !

قيقا يا صديق سلامات ياخ --الشوق بحر و المودة قدر ! --
تعرف يا داب كنا كملنا المقصود بالعنوان ! وحقو عينة من المداخلات تتعرض للتحليل و كدة لكن اهو تعرف المعايش جبارة
والبوست كان محتاج ليك بشدة في بدايتو مع الفوضوييين ناس القرشي !
غايتو عليك الله تعال جادع لو لقيت فرقة او رغبة و اعتبر البوست بوستك
و اشكر مجددا كل المساهمين في الخيط - ويمكن نواصل فيهو تاني -مين عارف !
و حتي نعود نهدي ليكم صاحب الصوت الطروب الجيلي الصافي (ولمن لا يحبون المديح فعليهم "بالكتابة الاسفيرية " فان لهم فيها وجاء !)


---
العزيز ابواحمد ما زال للحديث بقية
رحاب ياخي البوست تحت رعايتك--- و لك ان تكتبي ما تشائين
انتو سهام وين اختفت مع سلسلة "يا"!

شكراً يا فردة على المثال النااااصع على الكلام الناشف

Quote: والبوست كان محتاج ليك بشدة في بدايتو مع الفوضوييين ناس القرشي !

اسي في ي ي ي ذمتكم دا ترحيب دا!؟

كرفست مشاعري كلو كلو ياخي!
انا جاي بوستك دا وطارح نفسي جاك دريدا راسو عديييل .. تحسبني مع جماعة مسرح العبث
اها دا عنف بني كجة غير القانوني ذااااتو!
راعوا نفسيات الناس ياخي!
اسي لو انتحرت على وهمتي وهودبتك لي دي














------

انتو ليه نحنا -كشعب وامة- بنحب الكضب
ليه بنقول (مشتاقين) .. يعني القائل ومعاو منو تاني المتلبسين بجرم (الشوق) دا!؟
وهل (الشوق) بل (الحب) ذات نفسو فيها مضامين سالبة محتاجة كل الغتغتة دي!؟
خففوا الحمولات يرحمكم الله

مرة صديقاص لينا قالها لصديقتن لينا -مستنيرة تحمد ربها .. رتينة بس!- برواية قيقاراوي البطالب بيها اعلاه : بصيغة مفرد .. انسان يخاطب اخيه الانسان (مشتاق ليك) هكذا
قالت ليو : اجي!

فرد بحزم وثبات يليقين:
تجي وين!؟
خليك لابدة في ي ي محلك!!

تحبوا الكضب و الكلام الناشف .. بس (بكسر الباء) .. وتبادروا بيهو سريعييييين في الكلام الشين!
قهوتكم مرة .. وكلامك مررررررررر!

هذا و انا برضو مشتاق ليك يا صديقي .. وفقدناك (دي متأكد منها .. لكن صراحة الشوق بتكلم عن نفسي بس .. انت اعداءك كتاااار هنا ياخ!)

ههههههه
والله يا قيقا ما عارف بالغت انت في التفسير ولة بالغت انا في العبارة !!
تعرف من اصعب الحاجات عندي التبرير او تصحيح (judgement ) بتاع زول اخر عني !
مش لانو مرهق و الزول بكون محتاج يحلف عشان يقول والله ما كنت قاصد كدة -و انما لانو (judgement ) بكون فيهو غالبا الطرفين ووقد يكون الاخر بكون شايل حاجة من عندو قرا بيها كلام الاخر -و كدة المعني النهائي بنكون في انتاجو نحن الاتنين !!و شايف
من الصعب تصحيح الوضع !!
لكن اسمح لي احاول ولو مرة اشرح ليك انو المعني الوصل ليك ما خطر ببالي نهائي !!
اولا: المعني الوصل ليك فيهو عنف و سخف مبالغ فيهو و مافي حاجة بتخليني امارسو ضدك !!اضافة بالجد يا قيقا الصورة المرسومة عنك في بالي
انك مهما اختلفت مع زول ما قاعد تستخدم اي نوع من انواع العنف المنبري ! طيب شنو البخليني اكون عنيف معاك قدر دا ياخ !!
و الحاجة التانية انا لامن ذكرت القرشي و هو من اقرب الاصدقاء الحقيقيين من الواقع والاسفير و قرنت بيهو الفوضوية اكيد ما قاصد حاجة كعبة !
اضافة قصدي من حوجة البوست في بداياتو انو ياخي القرشي و ناذر و عبداللطيف و انا معاهم قعدنا نحكي نكات - و انا فقدت الكنترول علي الخيط
و لو انت كنت موجود كنت ح اطالب واقول يا قيقا عليك الله شوف الناس ديل بعملوا في شنو ! وتعال شاكلهم لي ! بس اتخيل
والحاجة الرابعة ياخي انا اتبيلت و ادقيت في البوست دا دق العيش و بتخيل لي ما مارست اي عنف او كلام ناشف ضد المعنيين -لانو انا ماخد الحكاية كلها بمنظور محتلف ---
والحاجة الخامسة هل تتخيل انا وقفت من الكتابة لظروف شخصية و لقيتك رجعت المنبر و سجلت حضور في البوست و كنت حاسي انو ياخ لازم ارحب بيك و ارد عليك و ما اخلي البوست يمشي الارشيف و انا مديون ليك برد - و عموما حاولت اضغط علي نفسي لوفاء الدين و ربما للسبب دا كنت فاقد السنس بتاع انو كلامي ممكن يصلك كيف
الحاجة السادسة : تعرف من السياق العام من المشاركة بتاعتي اصلا ما ممكن المعني الوصلك يكون المقصود ! ياخي انا بحنثك عشان تواصل عسي و لعل انتهي من ظروفي و اجي اتابع معاك !!

فياخي يا قيقا بتبالغ ياخ
معقول ياخي --
عموما عارف المشاعر بعدما تتكرفس صعب ترجع لوضعها الاول
لكن لو انت اقتنعت بتبريراتي وانو النشاف الانت قريت يهو كلامي اصلا ما ورد
بخاطري - حقو اكون طالبك اعتذار

اقول ليك حاجة نهائية ودايرك تصدقني : انا عندي عادة كدة انو بخاف علي ناس معينين من العنف المنبري الـ ممكن يمارس ضدهم لانهم ناس انقياء جدا
في نظري -من ضمن الناس ديل انت و المشرف -- !! تتخيل !

دا شنو يا هيثم

تعال هنا اعترف سريع انك ما قريت مداخلتي الفاتت .. احسن ليك!

ياخي انا حاولت اعمل اجد المفردة البتدي المعنى المقصود بـ ( السخف ) دي هنا عندكم
اها ربك رب الخير الهمن (كلام ناشف) كمعادل موضوعي للمقصود بالسخف
اقول ليك قولة انا شخصياً بتحسس عديل كدا من الكلمة دي .. وشايف في استئناس وتدجين ليها في ارض البل دي .. تصدق انو كلمة (بل) بلغة الراندوق كلمة بذيئة تماماً!
وعادي ممكن اي زول يلصقا لي اي زول!
للحظة دي شعرة جلدي بت###### منها والله .

فانت الاخدت الامور اوفر .. يبدو انك كمان شعرة جلدك بت###### من (كلام ناشف) دي









------

لوووووووب

لقيتك حساس محمد حساس عديل كدا

دي برضو واحدة من مشاكل الميسكومنكيشن ..
ياخي مليت ليك المداخلة كلها وشوش خدرا!
تفتكر كنت عاوز اطول بيها المداخلة ساااي؟
ليه .. القصة بالمتر هي!؟

هيثم طه أزيك .. متابعين البوست و الله .. لكن ما عندنا قدرة كتابية عشان ندلي بدلونا ... وانت و الشباب ما قصرتوا

الفكرة في الأول كانت ما واضحة شديد لكن هسه على الأقل لونها بمبي ناصع ^__^

ومستمتعين بالبوست و المداخلات بتاعت الشباب أجمعين ..



------------------------------------------------

الجابني هسه مداخلة الشوق حقت قيقا المجنون دا .....

Quote: انتو ليه نحنا -كشعب وامة- بنحب الكضب ليه بنقول (مشتاقين) .. يعني القائل ومعاو منو تاني المتلبسين بجرم (الشوق) دا!؟ وهل (الشوق) بل (الحب) ذات نفسو فيها مضامين سالبة محتاجة كل الغتغتة دي!؟ خففوا الحمولات يرحمكم الله مرة صديقاص لينا قالها لصديقتن لينا -مستنيرة تحمد ربها .. رتينة بس!- برواية قيقاراوي البطالب بيها اعلاه : بصيغة مفرد .. انسان يخاطب اخيه الانسان (مشتاق ليك) هكذا قالت ليو : اجي! فرد بحزم وثبات يليقين: تجي وين!؟ خليك لابدة في ي ي محلك!! تحبوا الكضب و الكلام الناشف .. بس (بكسر الباء) .. وتبادروا بيهو سريعييييين في الكلام الشين! قهوتكم مرة .. وكلامك مررررررررر! هذا و انا برضو مشتاق ليك يا صديقي .. وفقدناك (دي متأكد منها .. لكن صراحة الشوق بتكلم عن نفسي بس .. انت اعداءك كتاااار هنا ياخ!

م ج ن و ن رسمي

Quote: الفكرة في الأول كانت ما واضحة شديد لكن هسه على الأقل لونها بمبي ناصع ^__^

رشا إزيك ياخ
ياخي بالغتي البوست في الصفحة التالتة و علي مشارف الأرشفة تقولي ما واضح !! ههه
ياخ أنساك من العنوان المفذلك دا ! دي جرجرة مني ساكت !!
فكرة البوست بسيطة جدا ! بس أنا ما قادر أقولها مباشرة
طيب أحاول أقول ليك حسع :
تقريبا كل المتداخلين إتفقوا إنّو في المنبر في "أذي" و "ضرر نفسي " قاعد يمارس بشراسة غير معهودة في الواقع الاجتماعي الحقيقي
والتعريفات دي كلها من الأعضاء كانت محاولة لتعريف "الأذي" دا !
"أذي " ما عندو "دين" ! ممكن يجيك من "الشمال واليمين" وكل الاتجاهات , من "مثقفين" من "عاديين" ,حتي من الأصدقاء احيانا !
يعني ممكن تخشي بوست وتقولي رأيك و يكون ما عجب زول ممكن تطلعي "مبلولة" زي الترتيب !!
يعني الزول ممكن يسمع في روحوا "اذي" او اساءة او شتيمة عمرو ما سمعها او اتعرض ليها الا في المنبر !
إذن الموضوع مستفحل و ظاهرة متفشية في"التقافة والادبيات المنبرية" ككل و قبل ما نستنكر زاتو حقو نحاول نعرف ليه الحاصل حاصل كدة !

في شنو !؟

بس !
أها اللون بقي كيف حسع !
---

يا قيقا بتبالغ ياخ !
خليتني أفضح روحي ساكت !!

Quote: خليتني أفضح روحي ساكت !!

الأخ العزيز عثمان عبدالقادر ..
تحية طيبة

أتواجد الآن فى "حبس إنفرادى" وما كان بيدى إلا كرة "تنس" أقذفها على جدار ذلك البوست المعنون بإسمى فى الصفحة الأولى ..
فأعلم يا عزيزي ..
أن السخف "حالة" بأكثر من كونه "كلمة" ..
وقد يفاجئك بمعانى لم تدر على خلدك مطلقاً .. ولا بخلد أجعص قاموس
لأن - ربما - إستقبال الحالة مختلف جدا بين الناس ..
كما يختلف من يرتكبونها إختلافا كبيرا فيما بينهم ..
غير أن معايشته ممكنة ..
تقذف كرة التنس الصفراء الباهته على الجدار .. فترتد عليك بآلية رد الفعل الثابت و .. الممل
الا أنك لو لم تقذفها, فلن ترتد .. وذلك أكثر مللا
وهكذا تعايش الحالة بأن تقذفها على الجدار الوحيد, فترتد هلى الأرض ومن ثم تستقر فى يدك من جديد ..
تقذف عنك حالة السخف لترتد اليك سخفا من جديد ..
وفى ذلك فعل مقاومة وإحتجاج وإبداع حالة من الحركة فى الضد من السكون الذى صممت من اجله الزنزانة بحيث لا تحتملك الا ساكنا ..
بيد ان "الفكرة" اكثر ملائمة للمقاومة من "كرة التنس"
أو على الاقل لا يحدها الجدار الناهض امامها سخفاً لا ينتهى ..
تقذف "الفكرة" نحو "معناها" فتدركه ثم لا تعود ..
نعم ..
الفكرة أكثر ملائمة لمقاومة حالة السخف الإسفيري ..
أو هكذا تعلمت ..

تحياتى ..