Post: #1
Title: ال ك ل ب المذبوح الذى تم العثور عليه باحد جزارات مايو .( صورة )
Author: ابراهيم بقال سراج
Date: 04-28-2012, 03:45 PM
حسبي الله ونعم الوكيل راح الضمير الانساني واصبح الحصول علي المال بأي وسيلة ممكنة
سبحان الله
مصدر الصورة نقلا من صفحة الزميلة الصحفية راحيل ابراهيم
|
Post: #2
Title: Re: ال ك ل ب المذبوح الذى تم العثور عليه باحد جزارات مايو .( صورة )
Author: ابراهيم بقال سراج
Date: 04-28-2012, 03:52 PM
Parent: #1
الخرطوم : القبض على جزار قام بذبح «######»
04-21-2012 06:43 AM
: مي علي آدم
ألقت شرطة حي النصر جنوب الخرطوم أمس القبض على جزار داخل راكوبة بمنطقة انقولا بمايو أثناء محاولته عرض لحم «######» للبيع. وتلقت الشرطة بلاغاً من مواطن بأنه شاهد الجزار أثناء قيامه بذبح *** وتقطيعه وتجميع لحمه في شكل أكوام بغرض بيعه للمواطنين بالمنطقة، حيث تحركت قوة من شرطة اليرموك فور تلقيها البلاغ وألقت القبض على الجزار وبحوزته لحم ال###### المذبوح ، واقتادته إلى قسم الشرطة وقامت بفتح بلاغ في مواجهته بتهمة عرض أطعمة محرمة للمواطنين، وباشرت التحقيق معه توطئة لتقديمه للمحاكمة وتم وضع لحم ال###### كمعروضات في البلاغ.
آخر لحظة
|
Post: #3
Title: Re: ال ك ل ب المذبوح الذى تم العثور عليه باحد جزارات مايو .( صورة )
Author: ابراهيم بقال سراج
Date: 04-28-2012, 03:56 PM
Parent: #2
النيابة ترسل عينات من ال ك ل ب المذبوح للمعامل الجنائية
04-24-2012 06:39 AM
الخرطوم: مسرة :
أرسلت النيابة العامة بحي النصر بالخرطوم جنوب عينات من لحم «ال######» الذي وجد مذبوحاً مؤخراً ومعروض للبيع داخل إحدى الجزارات بمنطقة مايو لدائرة المعامل الجنائية للفحص والتأكد من نوعية اللحم إذا كانت تنتمي لنوعية لحم «ك ل ب» أم لا.
ويذكر أن شرطة حي النصر عثرت على *** مذبوح ومعروض للبيع بإحدى الجزارات بسوق «6» بمايو، حيث تم القبض على المتهم الذي قام بذبح ال###### وسلخه وتم اقتياده لقسم الشرطة، ودون في مواجهته بلاغ، كما تم تحريز ال###### وتم وضعه كمعروضات في البلاغ وأرسلت عينات من لحمه لدائرة المعامل الجنائية للتأكد والفحص من نوعية اللحم، ومن ثم مواصلة إجراءات البلاغ وإحالته للمحكمة.
آخر لحظة
|
Post: #4
Title: Re: ال ك ل ب المذبوح الذى تم العثور عليه باحد جزارات مايو .( صورة )
Author: الزبير صالح الزبير
Date: 04-28-2012, 04:55 PM
Parent: #3
| Quote: وتلقت الشرطة بلاغاً من مواطن بأنه شاهد الجزار أثناء قيامه بذبح *** وتقطيعه وتجميع لحمه في شكل أكوام بغرض بيعه للمواطنين بالمنطقة، |
يا اخ ابراهيم الصورة بتظهرة كاملا والخبر يقول تقطيعة وجعله أكواما ايهما الصحيح؟
|
Post: #5
Title: Re: ال ك ل ب المذبوح الذى تم العثور عليه باحد جزارات مايو .( صورة )
Author: ناذر محمد الخليفة
Date: 04-28-2012, 06:46 PM
Parent: #4
الزبير إنت الظاهر عليك ما بتشوف قناة ناشيونال جيوقرافيك شانيل ..!
مش لمن الطيارة تقع يقوموا المحققين بيجمعوا بقاياها ويعيدوا تركيبا عشان يعرفوا وقعت ليه ؟!!
أها ال###### دا نفس الشي ..! الجماعة أعادوا تركيبو وخياطتو عشان يميطوا اللثام عن تفاصيل الجريمة ..!
عليك الله رايك شنو في يميطوا اللثام دي ..! اخوك مش فقري ..!!
بس يتخايل لي فشلوا في إعادة تركيب أعضاء ال###### التناسلية ..! ما أظنها بالشكل دا ..!
يا بقال الصورة دي لي ###### تاني غير ###### مايو .. على الأغلب دي صورة ###### صيني أو كوري قبل ما يحشوهو مكرونة ..!
غايتو نسأل الله السلامة ..!!
|
Post: #6
Title: Re: ال ك ل ب المذبوح الذى تم العثور عليه باحد جزارات مايو .( صورة )
Author: ناصر البطل
Date: 04-28-2012, 09:30 PM
Parent: #5
ناذر مداخلتك دى ماله كلها مشفره
حسن ملافظك ياخ و ساعدنا بالاسلوب
شين
|
Post: #7
Title: Re: ال ك ل ب المذبوح الذى تم العثور عليه باحد جزارات مايو .( صورة )
Author: ناذر محمد الخليفة
Date: 04-29-2012, 03:07 PM
Parent: #6
كيفك يا بطل .. وينك ومشتاقين !!!
الليلة ناس الدار ركبوا الموجة ولطشوا نفس الصورة دي ونشروها في الجريدة مع الخبر .. الغريبة الخبر بيقول اللحم ضبطوهو مكوم والصورة فوق لي ###### كامل ..!!
يعني يكونوا صوروهو قبل ما يفلقوهو ولا شنو ؟!!
|
Post: #8
Title: Re: ال ك ل ب المذبوح الذى تم العثور عليه باحد جزارات مايو .( صورة )
Author: معاوية عبيد الصائم
Date: 04-29-2012, 03:13 PM
Parent: #7
Quote: يعني يكونوا صوروهو قبل ما يفلقوهو ولا شنو ؟!!
|
يانازر عيييييييييييييك
ال###### ده صناعة المانية تجميع سودانى
يعنى بتفكك وبتركب عاااادى ..يعنى بعد ما قبضوا ال######
مقطع ..تانى قاموا عملوا ليهو تجميع ...لزوم الاعلام وكده
هسى امشى السوق المركزى ..ممكن تشترى ارنب مقطع
وتقول ليهم عايزو مجمع .....وكمان معاهو ربطة برسيم
انت اصلا ما بتواكب يا نازر..واكب ياخ كرهتنا (التجميع)
|
Post: #9
Title: Re: ال ك ل ب المذبوح الذى تم العثور عليه باحد جزارات مايو .( صورة )
Author: الزبير صالح الزبير
Date: 04-29-2012, 03:40 PM
Parent: #8
| Quote: الجماعة أعادوا تركيبو وخياطتو عشان يميطوا اللثام عن تفاصيل الجريمة ..! |
يا ناذر يخيطوة هو الشي دة كليب ولا بنطلون
|
Post: #10
Title: Re: ال ك ل ب المذبوح الذى تم العثور عليه باحد جزارات مايو .( صورة )
Author: وضاحة
Date: 04-29-2012, 03:56 PM
Parent: #9
غايتوا يا ناذر
بطنى طمت وحرمان على لحمة تانى فى السودان تدخل فمى
حالتى كنت ناوية لما اجى فى الاجازة اعزمك واعزم شلة سودانيز فى قندهار
وادفع ليكم كلكم واقد ليك عينك البخيلة دى علشان بتتلصق فينا ساى وتقول جعلى
اوريك كيف الجعليين بكرموا الناس
خسارة والله السودان وصل مرحلة زى دى
|
Post: #11
Title: Re: ال ك ل ب المذبوح الذى تم العثور عليه باحد جزارات مايو .( صورة )
Author: Gaafar Ismail
Date: 04-29-2012, 04:39 PM
Parent: #10
الفلبينيون والكوريون يأكلون لحم الكلاب وعادي جدا في مطامعهم ويعتبر من الوجبات اللذيذة.
ربما الجزار عنده زبائن من الفلبينيين والكوريين المنتشرين حاليا في السودان ـ واعتقد لولا أنهم المعنون بذلك ال###### المذبوح لما تجرأ الجزار بعرضه على عينك يا تاجر.
|
Post: #12
Title: Re: ال ك ل ب المذبوح الذى تم العثور عليه باحد جزارات مايو .( صورة )
Author: ناذر محمد الخليفة
Date: 04-29-2012, 08:56 PM
Parent: #11
هلا معاوية الصائم ..
Quote: يانازر عيييييييييييييك
ال###### ده صناعة المانية تجميع سودانى
يعنى بتفكك وبتركب عاااادى ..يعنى بعد ما قبضوا ال######
مقطع ..تانى قاموا عملوا ليهو تجميع ...لزوم الاعلام وكده
هسى امشى السوق المركزى ..ممكن تشترى ارنب مقطع
وتقول ليهم عايزو مجمع .....وكمان معاهو ربطة برسيم
انت اصلا ما بتواكب يا نازر..واكب ياخ كرهتنا (التجميع) |
المشكلة ما في التجميع والتركيب .. المشكلة في اللفينشنق بعد التجميع .. لا حظ الصورة الفوق ..!!
نحن السودانيين ما بنهتم بالإخراج النهائي .. متذكر الطيارة البدون طيار جابو صورتها وفيها قطعة أثر اللحام واضح فيها
..!!
الزبير ..
| Quote: يا ناذر يخيطوة هو الشي دة كليب ولا بنطلون |
بيني وبينك العلم إتطور شوية . الجماعة شكلهم ما خيطوهو ..
دبسوهو أو كبسنوهو (يعني بي كباسين) ..!!
Quote: بطنى طمت وحرمان على لحمة تانى فى السودان تدخل فمى
حالتى كنت ناوية لما اجى فى الاجازة اعزمك واعزم شلة سودانيز فى قندهار
وادفع ليكم كلكم واقد ليك عينك البخيلة دى علشان بتتلصق فينا ساى وتقول جعلى
اوريك كيف الجعليين بكرموا الناس
|
وضاحة بطلي الزواغة ..!!
عليك علي نمشي قندهار مع بعض ونختار خروف حي أقرصو ليك أخليهو يقول باااع باااع عشان تتتأكدي دا خروف ما ك لب متنكر ...! وقدام عيونا يجي الضباح يضبحوا ويقشروا ويفرتقوا ونستلموا منو طازج ونمشي لي زكية تحمروا ..!
بلا بطني طمت بلا بطيخ معاك ..
|
Post: #13
Title: Re: ال ك ل ب المذبوح الذى تم العثور عليه باحد جزارات مايو .( صورة )
Author: الزبير صالح الزبير
Date: 04-29-2012, 09:15 PM
Parent: #12
| Quote: بس يتخايل لي فشلوا في إعادة تركيب أعضاء ال###### التناسلية ..! ما أظنها بالشكل دا ..! |
ما بتظن ولا متأكد طريقة كلامك دة بياكد انك خبير
امرق النصيحة ما فيها شي
|
Post: #14
Title: Re: ال ك ل ب المذبوح الذى تم العثور عليه باحد جزارات مايو .( صورة )
Author: الزبير صالح الزبير
Date: 04-29-2012, 09:24 PM
Parent: #13
أنتو يا جماعة مسعوليين من الخير صاحب البوست فك كًً---لبة دة هنا ومشي وين
|
|