كوستا شكرآ لفتح بوست ذي دا وبالجد خبر يفرّح الزول للمفارقات العجيبة قبل يومين فقط من حرق الكنيسة كنت بتكلم مع مجموعة من الشباب المسلمين في الشمال عن ترتيباتنا لإكمال بناء الكنيسة في شرق الإستوائية في الأيام الجاية والمعروف إنو كان بديناها قبل سنتين ولكن وقفنا لظروف كتيرة أهماها المادية الكنيسة كان بادر بيها البطل السوداني الأمريكي لوبيز لومونق حامل العلم الأمريكي في أولمبياد بكين كنت فتحت بوست قبل فترة بعنوان مسلمين من الشمال يساهمون في بناء كنيسة بجنوب السودان في الزمن داك كان الإنفصال لسه وما كان في كنيسة محروقة ولا في كراهية دينية حايمة عشان كدا كان لقينا تأيد ودعم قوي جدآ من كل البيؤمنوا بقيم التسامح قبل الحادث المؤسف بتاع الجريف كنت مفكر أفتح بوست تاني وأناشد فيه الراغبين للتطوع في إكمال بناء الكنيسة الأيام الجاية (رغم إستقلال الجنوب) لكن بالجد الواحد خاف عديل من المشاعر السلبية المؤججة الأيام دي تجاه كل ما يخص الجنوب! هسي لقيت بوستيك دا وما تتخيل فرحت قدر شنو وقلت بس خلاص نلصّق فيه الموضوع بتاعي دا لأنو ذو صِلة ذي ما بقولوا! هاك دا فيديو لشخصي الضعيف والبطل الأولمبي لوبيز لومونق
بحاول إترجمو وأنزلو تاني خالص تقديري وإحترامي وبالتوفيق إنشاءالله في إنجاح اليوم وبالمرة ياخي وصّل لينا الموضوع دا معاك.. شكرآ رضوان داؤد
Post: #3 Title: Re: السودانيون بواشنطون (مسيحيون و مسلمون و أقباط) يجتمعون-الأحد 29/4 Author: ايمان بدر الدين Date: 04-28-2012, 03:57 AM Parent: #2
شكرا كستاوى على افتراع هدا البوست المهم
نحن فى امس الحوجة للتكاتف والوحدة كسودانيين
الاقباط وكل المسيجيين السودانيين لهم منا كل الحب والود والاحترام
اما احترام الديانات فضرورة وواجب نؤثم ان لم نقم به
مجددا لك شكرنا وفعلا البوست ملبى لاحتياجات المرحلة ومفرح للكثيريين
الأخ رضوان داؤد salam Please أرسل لي رقم تلفونك في الخاص meanwhile فكر في مشروغ ضخم لبناء جامع و كنيسة متجاورتان في مدينة جوبا-- جيلكم هو النحنا معتمدين عليه في حمل راية التغيير
شكرا للفيديو و سوف أحمل وصيتك و تقديمها في الإجتماع
أبقى عافية
كوستاوي
Post: #5 Title: Re: السودانيون بواشنطون (مسيحيون و مسلمون و أقباط) يجتمعون-الأحد 29/4 Author: Rudwan Dawod Date: 04-29-2012, 02:29 AM Parent: #4
up
Post: #6 Title: Re: السودانيون بواشنطون (مسيحيون و مسلمون و أقباط) يجتمعون-الأحد 29/4 Author: موسى أحمد مروح Date: 04-29-2012, 06:41 AM Parent: #1
التحية للجميع على هذه الشمعة. سنسعى جاهدين لحضور هذا اللقاء المهم.
Post: #7 Title: Re: السودانيون بواشنطون (مسيحيون و مسلمون و أقباط) يجتمعون-الأحد 29/4 Author: Tragie Mustafa Date: 04-29-2012, 07:10 AM Parent: #6
كستاوي سلامات
مش غريبه انه تختاروا نفس اليوم الهو فيه تظاهره تم الاعداد لها منذ زمن بعيد؟!
غدا هنالك تظاهره امام البيت الابيض...فهل لم تسمعوا بها؟!
طيب نجي لعنوانك....
Quote: السودانيون بواشنطون (مسيحيون و مسلمون و أقباط) يجتمعون-الأحد 29/4
اولا مسيحين دي فعلا كانت كافيه ولا تحتاج ان تحدد اعراقهم لانه الاقباط هم مسيحي مصر الارسوذكس!
طيب يبقى مسيحين الاولى دي عنيت بيها منو؟!اها لو اصلها كده كنت تلونها من الاول
وتقول لقاء مع المسيحين باعراقهم و الوانهم....لانك لو عنيت المسيحين المصرين يبقى مفروض
تحدد برضو المسيحين السودانين من غير الاصول المصريه!!
او تلجأ للوصف الطائفي لهم
وبالتالي تذكرهم جميعا:
1) السودانين المسيحين الانجلين
2) السودانين المسيحين الكاثوليك
3)السودانين المسيحين البروتسانت
و....الخ
اها افضل من هذا لو اكتفيت بالقول سنجل مسلمين ومسيحين!.....فقط! وكفى الله المؤمنين شر القتال!!
المهم عنوانك فيلم هندي وغير دقيق!
الشيء الثاني اتمنى توصل صوتي انه هؤلاء عنصرين عرقين قبال يكونون متشنجين دينين
لانهم لم يتجرأوا بمس كنائس الاقباط ولن يفعلوا...لكن كانت لهم الجرأه بمس كنائس الجنوبين و النوبه! وعلى ذكر النوبه اتمنى انه النوبه المسيحين يكونوا متحكرين بشكل اصيل يومها
فهم اكثر الفئات المتضرره.
لانه الجنوبين فرتقوا....
ثانيا: الاقباط المصرين محمين عرقيا....
ثالثا هم من تدور حروب التطهير العرقي بارضهم.
كذلك اتمنى ان تذكروا قصة القديس بطرس مقيل
الذي هو معتقل بعد تم اختطافه من كادوقلي وتم تعذيبه بشكل مروع ولم يطلع سراحه لليوم!
Post: #8 Title: Re: السودانيون بواشنطون (مسيحيون و مسلمون و أقباط) يجتمعون-الأحد 29/4 Author: Tragie Mustafa Date: 04-29-2012, 04:55 PM Parent: #7
Quote: DARFUR/SUDAN RALLY at LAFAYETTE PARK SUNDAY April 29, 2012 1:30-3:30 PM What: Join the Darfur Interfaith Network (DIN), United To End Genocide and concerned citizens for our third annual Hope for Darfur/Justice in Sudan Rally, to call attention to the continuing plight of innocent citizens in Darfur, Abyei, Nuba Mtns, Blue Nile, Beja and Nubia and the need for justice and peace in all Sudan. Where: The march will start at the Metropolitan AME Church, 1518 M Street, N.W., and proceed to the White House at Lafayette Park. In case of inclement weather, the rally will remain at Metropolitan AME Church. WHY: To shine a spotlight on the continuing violence in many target regions of Sudan to let them know they are not alone or forgotten. Also, to raise money for a new kitchen for a school in Turalie, South Sudan so they will continue to qualify to receive food from the World Food Program which would provide for a daily nutritious meal for the students, probably their only meal of the day. PLEASE JOIN US AT THE RALLY! Visit www.hope4darfurrally.org for registration, speakers, and updates on musical performances Photo credit: Tom Prichard with Sudan Sunrise Photo credit: Anne Wagner with STAND CA Nuba - Two children
