إعتذار كبير لهشام هباني و عبدالمنعم عبدالله ....

اتهمت هشام هباني إنو بكتب بحساب عبدالمنعم عبدالله ... فتحت بوست الأتهام و أنا أظن إنو عندي ما يثبت ... و بعد مراجعة كلام كثير من المتداخلين اقتنعت اني ما عندي الدليل الكافي ...
إعتذار كبير لهشام و مثله لعبد المنعم عبدالله ... و للناس أجمعين ...

تشكر يا بروف

الكبير كبير يا امين
هكذا يكون الرجل ، ليتهم يا امين يفهمون مغزي هذا الاعتذار

السؤال الان .. أخلاقيا ... هل اطلب بكري بسحب البوست باعتبار إنو عنوانو مسئ ... ولا أخليه شاهدا علي علي خطئي ؟

يا أمين

دا درس كبير لهشام هبانى

وكان سيكون الدرس أعظم لو لم يتداخل حمور فى ذلك البوست وتركه يسير كما بدأ.

وعشان نشكر نفسنا باعتبارنا رهطك, برضو باﻹختلاف معاك فى بوست اﻹنتحال حسب القرائن نكون أعطينا درس لرهط هشام هبانى ( شكرا لنا جميعا)

الاخ امين لكي التحية وعرفناك اخ عزيز وصاحب
مبادي وأخلاق وهذه هي أخلاقك عدم التكبر
والرجوع للحق

Quote: السؤال الان .. أخلاقيا ... هل اطلب بكري بسحب البوست باعتبار إنو عنوانو مسئ ... ولا أخليه شاهدا علي علي خطئي ؟

`شكرا ياامين ...

وسؤالك اعلاه يكفى لتبيان عمق اعترافك بالخطا واعتذارك
عنه ...وليتقدم الناظر هبانى ليقبل الاعتذار ويعتذر عن
التجاوز الذى بدر منه فى البوست الاول موضوع الخلاف ...


واسسوا خلافكم على احترام الغير والبعد عن الشخصنة
ماامكن ...فكلاكما لديه مايقدمه ...

تحياتى وحباب ودبيت نظارة الحسانية والحسنات فى
هذا البوست ...

يا حلوين ... مافي زول جاوبني ... البوست نسحبو ولا نخليه ؟

يفضل الإعتذار (البوست ده) و يذهب الإتهام (سحب البوست في رأيي)

لأنو إحتمال ناس ما يقتنعوا بأنك كنت غلطان فعلا

و قد يكون تقييمهم للموضوع مختلف

شكرا أمين

Quote: السؤال الان .. أخلاقيا ... هل اطلب بكري بسحب البوست باعتبار إنو عنوانو مسئ ... ولا أخليه شاهدا علي علي خطئي ؟

سلآمات يا بروف.
خليهو أخي أمين.
خليهو خير شاهد ودليل علي كرم محتدك وجميل خصالك. خليهو شاهد علي سماحتك.
خليهو خير شاهد علي أنّ الذي بين الأخوان أكبر من أن يكون مهاترات عبر الأسافير.
خليهو مدرسة نتعلم منها كلما إحتدّ الخلآف بيننا، وخلوة نسكن إليها ونسترجع كلما
إستذلنا الشيطان.

للجميع سلآمي وتحياتي...

الأخوان ...
نصر
العوض
بلة
محمد المسلمي
محمد عبالرحمن
محمد قرشي
ود المدير
شكرا علي المؤازرة يا شباب ... القصة دي حارة جدا لكن الحق أحق أن يتبع ...
-----------
شايف القصة مدرنة في موضوع نخلي البوست ولا نسحبو ...
الراي الراي ... الغوث الغوث !!

البروف

أعتقد أن يبقى البوست بمداخلاته حتى نتعلم من أخطاءنا ونتبنى فضيلة الاعتذار.

Quote: البوست نسحبو ولا نخليه ؟

خليو شوية عشان صاحبو يكون عبرة لغيرة..هههههه
عارفا حارة يا خال لكن عارفك بتركز ليها

الاخ امين سلام
والله مشتاقين مالك خليت الطلة علينا
بقيت تملطش في نفسك براك
ما تسمع كلام المجاملات الفوق ده
قيمتك ماشة في هبوط اضطراري منذ الغوص حتي ولو اعتذرت
البباري الكيزان لا بسمع ولا بشوف
هسع دي غلطة تغلطا ( ضريبة الغوص لازم تدفعها )
( كلام لزوم التسخين امكن يفشك ويخفف عنك هول الفضيحة .. قال ايه قال الي مزبلة التاريخ )

هلا يانوتة
واقترح انك تسحب البوست (بتاع هباني ومنعم) واتمني ايضا يا نوتة ان لاتواصل في بوست الكركبة الاكبر التاني داااك
لانو الصراع فيهو مضيعة للزمن وكركبة لابتودي ولا بتجيب


-----------------------------------------------------
()
تاني بالله كربو شغلكم الاسفيري وما تخلونا ننفض الغبار عن المفكات والزرديات وننزل الملاعب ونطمبجها بعدما اعتزلنا الشغليانات بتاعة الكركبات الاسفيرية الشديدة المفاجئة دي
واشتغلنا رقاصين زينا وزي البشير [IMG]

-------------

ألبروف:

Quote: السؤال الان .. أخلاقيا ... هل اطلب بكري بسحب البوست باعتبار إنو عنوانو مسئ ... ولا أخليه شاهدا علي علي خطئي ؟

جنا المَدير:

Quote: خليهو أخي أمين. خليهو خير شاهد ودليل علي كرم محتدك وجميل خصالك. خليهو شاهد علي سماحتك. خليهو خير شاهد علي أنّ الذي بين الأخوان أكبر من أن يكون مهاترات عبر الأسافير. خليهو مدرسة نتعلم منها كلما إحتدّ الخلآف بيننا، وخلوة نسكن إليها ونسترجع كلما إستذلنا الشيطان.

الصادق أسماعين:

Quote: أعتقد أن يبقى البوست بمداخلاته حتى نتعلم من أخطاءنا ونتبنى فضيلة الاعتذار.

أضيفلهم أنا:
مُو البوست ده وَحّدو الما ينسحب..
أي بوست، وأياً كاتبو، يجب أن يبقى، حتى لا يَسْتسهل أعضاء المنبر كتابة ما يعن لهم، وبعد أن تقتل [أو تكاد] كلماتهم من وجهت إليهم، يطلبون سحبها..
في مَثل فيما معناهو:
بعد تَحَلب اللبن آب تقدر ترجّعو الشَطُر.
-
شكراً لي غلتتك يا أمين،
وشكر أكتر لي سؤالك، أن يُسحب البوست أم لا، ما مكنني أن أبدي رأيي عاليه..

-
شُغُل ضحكونجيه (*):
أين قيقا من هذي [الوليمه]؟


-
(*) الصايم، بتاع الرياض، الباقاتنلو إسمارت وبت الجنيد في تولاتو!






.
.
.
المرّه دي ما مِتأكد:
مطرطش ساكت، ولّا بي زيادة دبْوره!!

Quote: يا حلوين ... مافي زول جاوبني ... البوست نسحبو ولا نخليه ؟

الأخ أمين مرحبا

مش مدخلة نفسي مع الحلوين بس طالما السؤال مطروح....
خلي التسرع .. أما السحب فالأفضل تستشير فيه المعنيين (هشام "والقرين" عبد المنعم) هم أحق بالرأي
شكرا

سلامات امين -
بالرغم من انو انت شايف حسع المهم مصير بوست الاتهام - لكن انا مشكلتي عن الجدوي الحقيقي للاعتذار -
بالنسبة لسؤالك و (الجانب الاخلاقي ) شخصيا ما شايف فيهوجانب اخلاقي محدد - الا كلام الناس المحتمل انو ليه يحذف وداير يدس اخطاؤه -؟ و كل مرة ممكن حسب مناكفات المنبر يعملوا كوت و يحاكموك بيهو - كدعوة حق اريد بها حق او باطل -!
عموما من رأيي انك تحذف البوست عادي - و في النهاية -في تقديري -دي غلطتك و انت لك الخيار الكامل ليكون متاحا او غير متاح -وانت وحدك لك الحق و المسؤولية عن تاريخك حسب فهمي
وكلامي دا مبني علي اساس انو الثقافة بتاعت المنبر حتي لو ممكن نحترمها عرفيا لكن غير مؤهلة ادبيا اواخلاقيا عشان تحدد لينا خياراتنا في الكتابة

---
لكن انا بالجد بهمني جدوي الاعتذار - بالرغم من انو شكلو مافي خيار غير الاعتذار - لكن هل الضرر النفسي الوقع علي هباني و منعم ممكن ينتهي بمجرد كلمات ؟ ما ظنيت -- لكن برضو ما عندي حل منطقي --
و شايف اقتراح عبد الكريم الي حد كبير معقول عمليا حول التوقف ما امكن من البوست التاني بتاع هباني - لانو في غمرة المناكفات الاسفيرية بغض النظر عن المخطي اوالمصيب لكن غالبا الجميع خسران -
ولو هباني شكلو في الوقت الحالي صعب الصلح لكن منعم بالذات تحاول تتصل بيهو شخصيا لو في طريقة وتاخد العفو منو

اما ثقافة و ادبيات المنبر وكلام الناس عن خطأك ما بتساوي شئ في نظري مقارنة بمقدار الظلم والضرر الوقع علي الاخوان هباني ومنعم - و بمعني اخر انا ما شايف حسع المشكلة عنك و عن مداراة الخطأ بقدر التفكير حول الضحايا

تحياتي





----
ولو هباني اشترط لقبول الاعتذار عدم التعرض له بالبل لمدة لا تقل عن تلاتة سنين حقو ترضي غصبا
عنك !!
ومنعم تعترف ليهو بالمعرفة الناكرة انت !!

أمين أنت رجل محترم
إستفتي قلبك وافعل ما بدا لك.
تابعت جانبا من الخيط الذي فتحه هباني وصدمت . أعرف هشام وأظن أنني أعرف كيف تكون أخطاؤه.
هي حسبما أعرف بالضبط من النوع الذي أوغر صدرك وجعل حمور زيادة يخرج عن طوره
لم أكن أحب أن أرى ما قاله هشام ولا ما رد عليه به حمور ..فهشام أخطأ وحمور غالى
لكم جميعا مودتي

انتة البل البليناهو لرهط نجلاء سيد تحمد وبخاري مشى وين؟!

شفته يا امين كيف بتختفي الادله بمنبر بكري؟!

بالمناسبه في بوست ثاني عايزاك بس تطلع عليه حتى لو ما علقته

امشي شوف بوست المكاشفي الخضر و الكلام عن سيد الشهداء واول مقتحم للخنادق بهجليج!

حتلقى حاجه غريبه.....

اولا عندي ثلاثه مدخلات اختفوا زي مداخلاتي هنا الاكيد اطلعته عليها!

انا هينه متعوده انه ببل الجلابه ديل وبكري بيستر على البل!

الا امشي شوف مداخله لامين صديق وهذا طبيب محترم بيتداخل بقله لكنه بيدي في التنك!!

تلقى بكري عدلها وسحبها وظاهره كانه امين العدلها!

وامين ده لا يوم سحب لا يوم عدل.....برص كلامه زي الرصاص وبيمشي!

هو انت سويت شنو عشان تعتذر عنه .. الواحد ما ينوم والا شنو

المهم لو غلطان اعتذر طوالي بطل الجرجرة ...



ـــــــ
يا حبيب من رائي البوست تخليهو زي ماهو .. وكلم بكري بالله مايقعد يحذف المداخلات
وياريت لو انه تاني مافي بوست سيدو يتبل فيهو يجري لبكري يحذفه
مفروض القانون يقول لا لحذف بوستات البل


خالتو تراجي

Quote: تلقى بكري عدلها وسحبها وظاهره كانه امين العدلها! وامين ده لا يوم سحب لا يوم عدل.....برص كلامه زي الرصاص وبيمشي!

انتي امين دا سألتيهو وقال ليك كدة والا بتتجني على بكري سااي؟!!

لو ما امين اكد كلامك دا او جبتي دليل يلزمك اعتذار واضح لبكري ابوبكر تأسياً مع
الثقافة العاوز يكرسها صاحب البوست دا لأمثالكم من البجم





....

غايتو ياناس البورد خوتكم خوة جريوات
_________________________
سيناريو محتمل بناء على تجربة شخصية

في سنة من السنوات كنت آدمن في سودانيزاونلاين آدمن دي ياجماعة بتديك صلاحيات أكتر من العضوية العادية (ستيتمنت) ..منها مثلا حذف بوست وتغيير باصوورد ووقف حساب
من ضمن الصلاحيات تعديل المداخلات
ممكن ببساطة تعدل مداخلة شخص آخر
لكن وللحق بكري من أول التحذيرات بيقول ليك ماتعدل أي مداخلة لاي شخص ومهما كان السبب:
على حسب البوست الاتفتح الصباح والكابتشر واضح إنه هشام هباني عدل في مداخلة عبدالمنعم ..
ودا تحليل على حسب فهمي المتواضع:
(1) لهشام هباني صلاحية آدمن...ماتنخلعوا لما كنت آدمن قربت تجيني الدهشة من الادمنز التانين الماممكن إنك تتخيلهم في موقع زي دا
(2) هشام وبالخاصية المتفردة بتاعة الادمن عدل في مداخلة عبدالمنعم... - مستعجل كان- ..
(3) حاجتين ممكن تثبت الكلام دا الاولى زول واحد مرة قصدوهو في خدمة قريبة من كدا قال قولته المشهورة (رودا مردة هي رودا مردة) والتانية هشام هباني شخصيا يوضح سبب ظهور إسمه في تعديل مداخلة شخص آخر.ماعدا ذلك وأعني به ما إزدحم به البوست الاخر من تكهنات وتبريرات لاتعدو ان تكون فتاوى شخصية يؤجروا عليها وغير ملزمة.
(4) من الليلة ولي قدام عبدالمنعم ماهيظهر تاني دورو إنتهى..إتحرق..سيد اللبن مابيحب المشاكل أو أي سبب أخر.
(5) أمينو إنت ليه الناس دي شايلة منك قدر دا... الغريبة كل من دخل البوست دا امن على غلطك من غير مايتعب نفسه لايجاد سبب منطقي لتعديل هشام عند عبد المنعم .
(6) رأي شخصي أقيف براك لو متأكد إنك صاح سبب إحترامي شخصيا ليك و..إعجابي إنك حقاني ..حتى لو موضوعك مابوافق عليهو ولا بيعجبني ولا ممكن أقيف معاهو لكن بكون متأكدة إنك عندك سبب وجيه لدفاعك عن وجهة نظرك.
(7) لزوار البوست والمشاركين مامهم إعتذار أمين وإنسحابه من إتهام زميله وبس المهم أيضا وبالاوي Hisham's integrity والا بماذا تبرر وجود إسم شخص في مداخلة شخص آخر....




--------------
أمينو بالله لابد أن تنظر بعين الرضا و الاعتبار لمداخلتي لانني خصيتك بالمداخلة اليومية الوحيدة في بوستك بالرغم من إني محوشاهم لبوست السكري لغاية ما أفضى ليهو


تحليل الاخ قرشي في بوست العوض سليم مية المية ماعدا حتة هشام شال باصوورد عبدالمنعم لانه ببساطة انت كادمن ممكن تغير باصوورد زول وتمنعه من الدخول لكن ماممكن تغيره مؤقتا يعني تكتب باسمه وترجعوا ليهو تاني لانك ماهتكونو عارفو كان شنو -بيظهر ليك في شكل نجوم- هشام هباني مسح المداخلة لانه ماعاوزة بالطريقة الكانت بيها يمكن يكون كاتبها هو وممكن زول تاني سبب إضافتي دي عشان أقول ليكم لا بكري حيبرد بطن زول ولا هشام هباني حيجي يعترف عشان كدا عنوان مداخلتي كان رودا مردة هي رودا مردة وصراحة ماعاوزة اتذكر وأنكت مواجع من غير داعي ...أما للبيقول إنه عادي الاعضاء القدام عندهم اكتر من نيكنيم بذكرهم إنه هباني ما من الناس القدام وهو جديد نسبيا

الأمين
بالأول خلينا نبلّك انت ذاتك، موضوع :"عدل بواسطة" في الإرشيف بتلقى بوست كبير يتكلّم عنه، فلو عملت يور هوم وورك، كان وفرت على نفسك زمن البوستين، ووفرت زمنا نحن القراء الأعزاء؛)
على كلٍ، بقاء البوست الأصلي في رأيِّ يبقى على ماهو عليه مع إضافة المداخلة الأولى والرابط من بوست الإعتذار إليه. ولكن إن رآى هباني ومنعم في بقائه ضرراً، إذاً عليك بمخاطبة بكري لسحبه..
___
وبالمناسبة وصلت صفحة كم في الكتاب الأخضر ؛)

كتبت تراجي:

Quote: تلقى بكري عدلها وسحبها وظاهره كانه امين العدلها! وامين ده لا يوم سحب لا يوم عدل.....برص كلامه زي الرصاص وبيمشي!

أولا: بهذا تقرر أنه قد تمت ترقيتك من صهيونية عنصرية إلى صوفية "حلاّجية" تعتقد أن الشيخ لايخطئ أبدا ولايعتريه سهو ولا غلط !!
ثانيا: نوجّه للسيدة أم حازم سؤالا بريئا-للإنصاف فقط- هدفه إنصاف المتهم/ بكري أبوبكر : ماالدليل على اتهامك لبكري ؟ هل الدليل هو من شاكلة:

Quote: تلقى بكري عدلها

؟! طبعا "تلقى" دي-بالدارجة السودانية-بت عم "أظن" !!!و"إن بعض الظن إثم"
إذن "هاتوا برهانكم إن كنتم صادقين"- full stop

يا امين خلي مداخلة راوية دي قدام عيونك
ومازلت مصرا علي حضور بكري للافادة؟

شكلك إستعجلت يا صاحب

هاك قول واحد :-

Re: تعالو شوفو معي حلفا القديمة قبل الهجرة

و كمان هنا :-

Re: هشام هباني..لك اعتذاري..عبد العظيم احمد

و دي صورة للمداخلة :-


.

إبقى كدا عبدالمنعم خارج دائرة الإتهام

و هو من يستحق الإعتذار و ليس هشام هباني

و يبقى السؤال المهم :-

هل هشام هباني كان آدمن في الفترة دي ...؟؟؟؟؟؟؟؟

لو هشام عندو الشجاعة اللي بتبجح بيها إجاوب و إلا فالسؤال موجه للريس ...

يا نوتة

حيث انه ما فى اعمق منك فى البورد دة الا انا
لذلك اضانك ما تديها لزول سواى
ومع انى ما عارف الغلطة شنو الهببتها وبتعتذر عشانها لعبد المنعم المنكور وهشام ود ال هبانى
لكن الغلطة البعرفها انك تفتح بوست زى دة وتدى فرصة لناس تراجى ينظروا ويملونا فقر
احسن حاجة تسويها يا نوتة تجيب اخوك جمبك يرعاك وياخد باله منك ولا تجى جمبى
اكان بتدور الجوار

ياريس .. بخصوص هشام هباني !!

يبدو إن إستئناف ودالبشرى طلع valid afterall
!!!!!!!!!!!!!!!!!!!!!!!!!!!!!!!!!!!!!!!

Quote: آدمِن؟؟ يعنى العمدة طلع نسيب الحكومة!!! لاعزاء للبروف ..

يا بروف .. ياخى الحكاية بقت آخر جهجهة ...
إختلط علينا الأمر بين البوست الأصلى البوست المنبثق منه ..
والبوست المنبثق من البوست البوست المنبثق من البوست الأصلى!!!
والواحد بقى ما عارف عبد المنعم من العمدة ...
المهم ... ينولك ثواب ممكن بالله تشوف الأمِن يوحد لينا البوستات دى..

هههه ألحق يا ياسر طيفور و مد رجليك صاحبك مزنوق يستخير الناس اسحب و لا ما اسحب

سلام للجميع ....
يا اخوانا في عجلة من أمري لكن عندي نقاط بسيطة عايز أوضحها و تعليقات سريعة علي بعض ما كتب هنا :
- الحاصل هنا اني أتهمت شخص/أشخاص بشئ ظنا اني أملك الدليل القاطع و طلع دليلي ما قاطع لذا وجب الأعتذار لكن ده ما عندو علاقة بالحاصل مع هشام ... الحاصل مع هشام بسيط بساطة إعتذاري هنا ... هشام إستمرأ إبتزاز الناس بالنضال و بقي يقدم الإستدعاء تلو الإستدعاء لمخالفنو و لو كان الخلاف ما سياسي أصلا ... حتي البوست ال triggered الكلام ده كلو هشام فتحو لي لخلاف في بوست تاني ....
إبتزاز الناس بالنضال عمل لا يقل وضاعة عن أعمال من يدعي هشام معارضتهم ... عشان كده الموضوع بهناك ما بقيف ... يستمر البل لحدي ما المسالة دي تقيف ...
- مسالة سحب البوست التاني أم لا .. تماما زي ما قالت الأخت رمانة الكلمة فيها مفروض تكون لاصحاب الشأن ... لكني كنت أعلم إنو هشام ما ح يخش هنا .. و حقيقة ما حصل إعتذرت بفتح بوست ولا في زول فتح لي بوست بوست إعتذار قبل كده عشان كده ما عرفت الصاح شنو فحبيت أسمع نصايح الناس و ال sense بتاع كلامهم ... منطق معظم أراء الناس القالو البوست ما ينسحب طغي علي المنطق المعاكس .. عليه البوست التاني يقعد و لن اطلب بسحبه ..
- يا كريم المسالة ما (مضيعة للزمن وكركبة لابتودي ولا بتجيب ) ... والله لو عارف زمني ممحوق كيف و الأيامات دي single dad ما عندي دقيقة لهشام ... لكن القضية ما شخصية معاو ... قصة مبدأ و هل يحق لزول إنو يعين نفسو الناطق الرسمي باسم النضال ... يا فلان إنت عملت شنو و كان قلت ليه زح لي من الدرب يستدعيك ببوست ... كان ما إتاكدت إنو المسالة دي وقفت تماما ... أنا ما بقيف ...
- هيثم طه ... سالت( هل الضرر النفسي الوقع علي هباني و منعم ممكن ينتهي بمجرد كلمات ؟ ) و جاوبت : ( ما ظنيت ) ... طيب .. أنا جيت اعتذرت لخطأ أنا أعلم إنو عندو مبرراتو علي الأقل بالنسبة لي ... و إعتذار ما تم في المدينة الفاضلة ... تم في بورد يتهم فيه الناس بلا دليل و يشتمو فيه بلا سبب ... تم بدون طلب من أي زول و بعلم إنو بكرة ح يجو يستخدمو ضدك ... فما عارف مفروض أعمل شنو لرفع الضرر الأتسببت فيهو ... لو عارف اديني خبر و أعدك لو لقيتو منطقي بطبقو ... ده من ناحية ... من ناحية تانية إذا إنت جيت تتكلم عن الضرر النفسي الوقع علي هباني و أنا already اعتذرت ليه .... ليه ما جيت اتكلمت مع هباني في الضرر النفسي الوقع علي الناس الهشام بستجوبهم و بتهمهم بلا دليل ... و بدخل أسرهم في نضالو المزعوم ... إنتقاء جزئية بسيطة من الحاصل الكبير حتي لو الراي فيها سليم ... ما فيهو عدالة أصلا ... زي أختنا رمانة تجي تقول لي ( ما تتسرع ) و ده كلام سليم ... أنا إتسرعت ... و جيت اعتذرت ... فهل إعتذر الطرف التاني عن ما قام به ؟ العدالة تقتضي إنو لو الزول دخل خشمو في قضية يتكلم عنها من كل الأطراف ...
- يا جادات لاني بعتذر لمن اغلط و لانك بتكتب زي كلامك ده ... أنا أمين محمد سليمان و إنت صلاح جادات !!
- شكرا يا راوية علي هذه الاضاءة و الكلام فيها منطقي جدا ...
- يا أبو حسين ... شكوكي كتيرة جدا كانت و ما زالت و في أشياء أخري علي علاقة بالامر ... لكن طالما ما عندي دليل واضح و مانع يثبت ما قلت اعتذرت طائعا مختارا .
- محمد القرشي ... منحك الدكتوراة و سحبها من هيثم .. بقت مسالة وقت ليس إلا !!

Quote: يبدو إن إستئناف ودالبشرى طلع valid afterall !!!!!!!!!!!!!!!!!!!!!!!!!!!!!!!!!!!!!!!

العزيز د. محمد قرشي

- لقد تم حذف البوست الأصلي
- ولقد تم إيقاف خاصية (الرد) في بوست العوض

فلم أجد مكاناً آخراً لأرد عليك غير هنا بما له من علاقة بالبوست المحذوف

أُؤكد لك بأن هباني لم يكُن آدمن في يوم من الأيام ... فليأتي بكرى أبوبكر بما يُنفي كلامي هذا

* ياخي هباني من أكثر الناس الذين تم إيقافهم في هذا المنبر !

وعلي بكرى أبوبكر تفسير الحاجات الغريبة هذه ؟
ياخي ما علاقة هباني بمداخلة (فيصل محمد خليل) والتي تتحدث عن (حلفا القديمة)؟

اعتذارك هنا قد يفيد ..نحسن الظن ببعضنا برضو فهم ...طالما اعتذرت فبقاء اصبخ لا حيا يرجى ولا ميت فينسى أو كلحم أثخن لا أنضج فأكل ولا ترك نيئاً فينتفع به .

هلا وغلا

وكر علي يا النوتة يا عشا البايتات بقيت تنسي الناس

اكيد كلو من الرجل الابيض المتوسط

منعم دا ولدنا

في هندسة ودخل معاك الجامعة في سنة واحدة ويفصلكم شارع واحد في امدر الحبيبة

منعم (كبش) KIBSH

وليس كباشي كما قال الممسوخ ابو كدودك

من بيت المال غادر الي لندن مع ناس عبدالحكيم ومحمد الفاتح يونس (شلف) ومحمد شمو

هههههههههههههه


بكون زعلان منك اتقالعتو في جكساية في المين الرود

وموكد ان الجليد سيذوب سريعا بينكم

اخونا الكبير هشام هباني

النوتة دا ولدنا وصاحب نادر ابو كدوك وراشد فاروق هباني والواثق تبيرة

يعني منك ليك

نرجو ان يقفل المحضر في تاريخه بحضور وكيل نيابة الجيزة

ودعونا نتفرغ للمازيمبي والشلف وسيمبا وانتر كلوب


اقول قولي هذا واستغفر الله لي ولكم

يقبل اعتذاره وتسحب منه البروفيه والاستاذية ويقعد في المنبر زيو وزي ابوحسين - زول ساى -

العزيز / عاطف

Quote: وعلي بكرى أبوبكر تفسير الحاجات الغريبة هذه ؟ ياخي ما علاقة هباني بمداخلة (فيصل محمد خليل) والتي تتحدث عن (حلفا القديمة)؟

دي مداخلة فيصل



و دي نهايتها ..



و لا أجد سببا منطقيا للتعديل هنا
إلا أن هشام قد أراد إيراد رابط بوسته المذكور بشكل صحيح و عجز عن ذلك !!
و لا يمكن هذا سوى بأن يكون آدمن في تلك الفترة أو له صلاحية لفعل ذلك
ببساطة لأن البوست كله لا يوجد فيه تعديل بإسم هشام هباني إلا هذه المداخلة فقط !!!
حتى عندما بحثت بقوقل عن هذا التعديل تحديدا لم يمنتج لي سوى هذا البوست !!

و بما أنو سيد الحوش حذف البوست
معناها النقاش في الجزئية دي إنتهى !!

بس لازم نثبت إن شكوك أمين كان لها ما يبررها after all
بغض النظر عن كون هشام آدمن و لا لأ
فتعديلات هشام دي كلها مستحيل تكون مجرد دقسه بتاعة إقتباس
و الدفاع ده هو السبب الوحيد اللي خلى الناس يلوموا أمين على تسرعه

عموما ..
ما عندي شيء شخصي مع هشام و لا أي طرف تاني
صحيح بثق بأمين و بتحليلاته و بثق بمصداقيته
لكن النقة الكتيرة اليومين الفاتوا ديل بيوصلوا منطقيا
لأن أمين stumbled upon حاجة غريبة ما مفسره
و كان عنده حق يبني عليها قناعته مع بقية البيانات الظرفية
(قبال معرفة علاقته بعبدالمنعم في المداخلة الفاتت)

أطيب التحايا




أميننا الذي نحب

Quote: محمد القرشي ... منحك الدكتوراة و سحبها من هيثم .. بقت مسالة وقت ليس إلا !!

زحلقوا زحلقوا ياخ !!
أنا من زمان حاسده ..
هو زاتو ما دكتور حقيقي زيي
شخصية إسفيرية ساي

والأغرب كمان يا د. محمد قرشي

أن المداخلة التي نزلت بإسم فيصل محمد خليل تخص (هشام هباني) ... راجع اللغة المكتوبة بها المداخلة ...

لأول مرة أقرأ المداخلة كاملة !


فهل سيكون (فيصل محمد خليل) ... هو (هشام هباني)؟

المختصر المفيد يا دكتور ..... (التفسير عند بكرى أبوبكر)

هههه وغد !!

Quote: ليه ما جيت اتكلمت مع هباني في الضرر النفسي الوقع علي الناس الهشام بستجوبهم و بتهمهم بلا دليل

يا امين-في ظني - كلامك دا كان ممكن يكون منطقي في البوست الاصلي ! لكن هنا شايفو ما (relevant) نهائي !
هناك كان في مشكلة انبثقت عنها مشكلة !! عشان كدة الزول لو بس علق علي زول واحد ببقي ما (فير) ودي مشكلة كتيرين مننا وخاصة لتاثير المعرفة او الثقة اوالمصالح لكن هنا في البوست دا في مشكلة واحدة بس ! و اي زول لو جا بلاّك انت براك شايف ما عندو مشكلة ! علي الاقل علي مستوي الـ(consistency ) الزائف و الظاهري !
كلامي دا بركاكتو لكن عميق عليك شوية ما بقدر اشرحو اكتر من كدة !! - عموما ممكن تستعين بالقرشي !!
بصراحة كلامي عن الاعتذار كان من النوع الانت بتقولو (express myself in public !! ) يلا المنطقي(لاحقا !) انك تقول لي احتفظ مشاعرك !! يا لاني قلت في باقي المشاركة ديك (انو مافي خيار اومنطق غير الاعتذار) حقو ما اقول اضلا وكت مافي بديل عندي !

وحتي كلامي عن تخفيف البل بهناك ما بمنطق الناس خلاص اتساوت ! لا لا- اصلا انا شايف مافي علاقة بين خطأك هنا و الاساءات الهناك من هباني وتابعه بغير احسان حمور !!
هنا حتي لو الخطأ فادح لكن كان مبني علي ظن معين (يجبّه الاعتذار !! كخطأ انساني عادي)-واما هناك سبق الاصرار والترصد بالمطاعنة !(لا يجبه الاعتذار الا مع التوبة النصوح !) --!
لكن طلبي كان مجرد عشم بسيط لتخفيف حدة الاجواء والاحتقان ! علي الاقل هدنة ! عشان الاخطاء المتبادلة ما تأثر في تعويض وزيادة البل الحاصل ! بس !

عموما ياخي انت بتاع مصائب بتغلب الداتا بيز المزعوم !!
لكن برضو احسن من حمور بتاع اغنية عقد الجلاد - الجمرة البتحرق البتاعة ديك !!

ختاما --بلّك لي بل ناشف ساي لانو انا ما قاعد اخاف من زول في البورد الا من وهبة

Quote: هههه ألحق يا ياسر طيفور و مد رجليك صاحبك مزنوق يستخير الناس اسحب و لا ما اسحب

يا الصادق صاحبي الضلالي ده ما بيسمّع الكلام؛ نصحتهوووووووووووو، يا عملات حسن الترابي ؛):
قلت ليهو القِربة القاعد تبِل الناس بيها دي ما تشيلها في ضهرّك، لأنّ القِربة وإن كانت بحالة جيدة، فهي "بتنِز" وبتبِلّك، يقوم الضلالي يشيل القِربة في ضهرو وكمان يجري بيها عشان يلحق المبلول ما ينشف؛ والمبلول رجاهو متحصِّن بالكتاب الأخضر على شاطيء النهر الصناعي العظيم ؛)

البروف

أعتقد أن يبقى البوست بمداخلاته حتى نتعلم من أخطاءنا ونتبنى فضيلة الاعتذار.

Quote: Thanks Ya habib there are no admin in the board beside me... regards bakri

أيها الرهط

الريس بيقول ليكم بعربية فصيحة

الآدمن هو الآدمن

انت عارف يا خال

مفروض برضو تفتح بوست كبير تعتزر لنفسك

لانك اساسا غلطت في حق نفسك لمن دخلت في مناقرات ما شبهك :)

*

البوست داك يا زول اسحبو ساااااكت طالما انت فكيت اخرك هنا فهذا يجب ما قبله


سلاماتنا للجميع

Quote: عموما ممكن تستعين بالقرشي !!

دي زوغه منو ساي !!
ما عميق و لا حاجه

خلاص بقى شيل منو الدكترة بعد كده*










بالنسبة للناس اللي لسه بتتشاور في سحب البوست
قطع بكري أبوبكر كل المداولات بسحب البوست !!

__________________________________________
* تم تحييدي بالرشوة

تحيات طيبات للاخوان
الصادق إسماعيل
حلبلب
طرطشة
أسامة عبدالجليل
ياسر طيفور الوهم
ابوحسين
عماد موسي
أبو مكاوي
ضرار
أمير عثمان
الحلاوي
أحمد عثمان

---------------
يا خلي ... عبدالمنعم عبدالله ده كبش ود بيت المال( الكداوية ) ؟! إنا لله ياخي !!
و شنو شابكني أستاز عمر و أستاز ساتي ... ما يقول لي أنا كبش ... و كبش مالو يجي ينبذني بلا سبب و يسكني من بوست لبوست ... كده إنت حيرتني زيادة يا وليد ...
نادر جاء قال لي الزول ده لقبو كباشي ... ما عرفت كباشي دي .. لكن عرفت إنو في بني أدم اسمو عبدالمنعم بشهادة ود أبكدوك ... و نادر أب كدوك لو قال صدق و ده السبب الأساسي الخلاني أفتح البوست ده !!
-----------
يا تيجا .. فتحت البوست عشان اقدر انوم بالليل !
-----------

Quote: لكن النقة الكتيرة اليومين الفاتوا ديل بيوصلوا منطقيا لأن أمين stumbled upon حاجة غريبة ما مفسره و كان عنده حق يبني عليها قناعته مع بقية البيانات الظرفية (قبال معرفة علاقته بعبدالمنعم في المداخلة الفاتت)

That's exactly what happened
------------
ود القاضي يا وهم ... يا زول إنت ما مفروض ما تقعد معانا هنا ذاتو بعد ما سحبو منك الجنسية

يا أمين

دا كلو من حمور

بعدين ياخى زاتو خال مابجلد ود اختو دا زاتو بنخت تحتو خطين..

البوست الأصلى كان ماشى باسطة
بالذات بعد ما هبانى رمى آخر دوشكا عندو وكان منتظر أنها تفجر صلعة أمين
فتلقفها حمور وفتفتت صلعتو
فجاء هبانى وحاول يواصل فتفتة فى حمور باعتبار السنارة غمزت..

لكن يا أمين (ما عارف انت شاعر بالحكاية دى ول لا) انت رجعت العصر لعصارتو تانى
خسوسا اللازمة التحت الخط بتاعة لجان شعبية ياهبانى؟

فانا بشوف حقو تودى حمور محكمة النظام العام وخليهم يدوه رخصة جديدة فى التداخل الشرعى فى الحالات الغير شرعية ومايقبض أية صارقيلة يجدعوها ليهو.

البروف أبو أحمد يا حبيب

لا أرى داعي لسحب البوست ( فلستوب )

لكن ليس هذا غرضي من التداخل وما لهذا أتيت

ما أتيت حقاً له هو هذا السؤال الذي حيرني

في أى فرع من العلوم ( السودانيزأونلاينية ) قد منحت هيثم طه درجة الدكتوراة ؟؟؟

إن كنت قد منحتها له في ( التنظير الدائري ) فأشهد أنك قد ظلمته
فالرجل يستحق ( 360 ) دكتوراة بمعدل دكتوراة لكل درجة من درجات الدائرة
والحال هكذا
فأنا أرشحه ( جاداً ) لعضوية حزب الأمة - إن لم يكن هو كذلك - للحيثيات التالية
- هو المرشح الأكثر حظوظاً لخلافة سيدي المنظر الدائري الأكبر الصادق المهدي ... بيد أنني أخاف أن يعجل ظهور ( الدكاترة ) هيثم طه بأفول نجم سيدي الصادق فتلك لعمري ( شحنات متشابهة ) محكوم عليها بالتنافر حسب قوانين الفيزياء
- سوف يجد إرثاً كبيراً يمكن أن يبني عليه أو ( يهدمه ) إن أراد فقد حدثنا سيدي ( الثاني ) الدكتور منصور بن خالد أن سيدي ( الأول ) الصادق المهدي قد حطم الأرقام القياسية في التنظير فعقد أبان تواجده في القاهرة ( ثلاث مؤتمرات صحفية عالمية ) في يوم واحد... أى والله ثلاث مؤتمرات صحفية عالمية في يوم واحد .

يا أميننا

Quote: في أى فرع من العلوم ( السودانيزأونلاينية ) قد منحت هيثم طه درجة الدكتوراة ؟؟؟ إن كنت قد منحتها له في ( التنظير الدائري ) فأشهد أنك قد ظلمته فالرجل يستحق ( 360 ) دكتوراة بمعدل دكتوراة لكل درجة من درجات الدائرة

أها بعد كلام حبيبنا عاطف ده
و بعد تأمينك على الكلام العملي بتاعي

Quote: That's exactly what happened

بالذات إنو كان بالإنجليزي ..

فأنا شايف إنك تسارع بسحب الدكتوارة
أو على الأقل تمنحني ليها على عجل*

أنا مجهز البالطو بتاع التخريج من مدة
______________________________________
* نظرا لوجود مساومات من الدكتور السابق لتغيير مسار البل !!

يا دوك ... هباني قاعد ساي لا منطق لا حجة و كان عايز البوست يكون شتائم و تضيع القضية و يتخارج يمشي ... حمور اداهو فرقة و أنا ذاتي جيت أديتو فرقة باتهمي ليهو ... ده كلو انتهي ... و العصر البودي مصر و ( قيل ليبيا ) راجع قريب كان الله هون ... الحاجة الأنا متاكد منها إنو بعد ما القصة دي كلها تروق ... هشام تاني لن يجرؤ علي إبتزاز أحد بموضوع النضال ...

--------------
يا عاطف ياخي والله بالغت مع هيثم و معاي أنا ذاتي ... قريت مداخلتك و بتكلم مع مديري في التلفون ... ما قدرت أكتم الضحكة ... فكيتها ليه في وشو لمن اتحير ...
عصرت علي هيثم شديد يا عاطف ... و إن كان كلامك ده أنا قلتو ليه قبل كده ...

--------------
يا ود القرشي ... ما قلنا ليك مسالة وقت بس ... و زي مداخلات أبوامين الفوق دي بتسرع الوقت ده جدا !!

Quote: يا ود القرشي ... ما قلنا ليك مسالة وقت بس ... و زي مداخلات أبوامين الفوق دي بتسرع الوقت ده جدا !!

غايتو أنا عرفت أسي مشغول طوالي مع الرجل الأبيض ليه
يبدو إنك قاعد تطبق في طريقتو معاك كل ما تطلب علاوة

Quote: لكن ليس هذا غرضي من التداخل وما لهذا أتيت

هههههههههه
شفت يا عاطف غرضك ومحاولاتك المستميتة لـ(بلي)ـ لتغيير موضوع البوست لتخفيف البل الحاصل لصاحبك البروف مكشوفة ومرصودة !!
واصطياد القرشي في الماء العكر اكثر رصدا !!
وبعدين البروف زاتو عمك القاضي سحب منو كل الالقاب و الاهلية للمنح !










عرفت يا وهبة لي انا عند حق لامن اخاف منك !!
يجازي الكان السبب !!
تعرف شكلو حبيبنا عاطف كان من الحضور خلال الخمسة دقائق ديك و لطش فكرة البل !!

Quote: قريت مداخلتك و بتكلم مع مديري في التلفون ... ما قدرت أكتم الضحكة

ههههههههههه يا بروف والله انا لحد حسع بضحك !!
ياخي صاحبك وصاف وصف !
انا قلت عاطف دا بكون من ضحايا مداخلاتي الطويلة وناس (ظني وتقديري وباقي الشلة!!) و كاتم الغيظة وجا فكاها !!
بس الضحكني اكترانو انا عارف انو ممكن اتبل من اي زول في سودانيزام بل دا بسبب مداخلاتي الخمج ! لكن عاطف دا انا مكون عنو فكرة زول مسالم جدا !!
طلع شرير شديد !!
ياخي كترة ما صاحبك ( مد رجليه في البل كما لم يفعل ابوحنيفة من قبل!) حس(جاد!) انو ممكن يساهم في اقتراحات مستقبلية ! عشان ملاسي بعدين يتم باقي البل والبرمجة !!

وبعدين اكتشفت انو انا اكتر زول مسكين في المنبر ما دام عاطف(المسالم-الشرير لاحقا ! ) اتجدع فيني قدر دا !!
كويس يا عاطف بلم فيك مطرف وبجيب معاي وهبة !!




---


بالمناسبة عملت شنو في الاعتذار !!

Quote: هههه وغد !! Quote: ليه ما جيت اتكلمت مع هباني في الضرر النفسي الوقع علي الناس الهشام بستجوبهم و بتهمهم بلا دليل يا امين-في ظني - كلامك دا كان ممكن يكون منطقي في البوست الاصلي ! لكن هنا شايفو ما (relevant) نهائي ! هناك كان في مشكلة انبثقت عنها مشكلة !! عشان كدة الزول لو بس علق علي زول واحد ببقي ما (فير) ودي مشكلة كتيرين مننا وخاصة لتاثير المعرفة او الثقة اوالمصالح لكن هنا في البوست دا في مشكلة واحدة بس ! و اي زول لو جا بلاّك انت براك شايف ما عندو مشكلة ! علي الاقل علي مستوي الـ(consistency ) الزائف و الظاهري ! كلامي دا بركاكتو لكن عميق عليك شوية ما بقدر اشرحو اكتر من كدة !! - عموما ممكن تستعين بالقرشي !! بصراحة كلامي عن الاعتذار كان من النوع الانت بتقولو (express myself in public !! ) يلا المنطقي(لاحقا !) انك تقول لي احتفظ مشاعرك !! يا لاني قلت في باقي المشاركة ديك (انو مافي خيار اومنطق غير الاعتذار) حقو ما اقول اضلا وكت مافي بديل عندي ! وحتي كلامي عن تخفيف البل بهناك ما بمنطق الناس خلاص اتساوت ! لا لا- اصلا انا شايف مافي علاقة بين خطأك هنا و الاساءات الهناك من هباني وتابعه بغير احسان حمور !! هنا حتي لو الخطأ فادح لكن كان مبني علي ظن معين (يجبّه الاعتذار !! كخطأ انساني عادي)-واما هناك سبق الاصرار والترصد بالمطاعنة !(لا يجبه الاعتذار الا مع التوبة النصوح !) --! لكن طلبي كان مجرد عشم بسيط لتخفيف حدة الاجواء والاحتقان ! علي الاقل هدنة ! عشان الاخطاء المتبادلة ما تأثر في تعويض وزيادة البل الحاصل ! بس ! عموما ياخي انت بتاع مصائب بتغلب الداتا بيز المزعوم !! لكن برضو احسن من حمور بتاع اغنية عقد الجلاد - الجمرة البتحرق البتاعة ديك !! ختاما --بلّك لي بل ناشف ساي لانو انا ما قاعد اخاف من زول في البورد الا من وهبة

هيثم قدس الله سره سليل ارباب العقائد
ياامين المحبة في ...... الا ضل ماظنيت
لم تترك لنا الا الظنون محفوفة بالمحبة وبقينا رقراق ... لا ضل لأ شمس !!!!!!!!!!!!

إعلان واحد : تم سحب دكتوراة هيثم طه و أصبح اسمه المعتمد (هيثم ساي) !!
إعلان اتنين : تم الانعام علي محمد قرشي عباس بالدكتوراة و أصبح اسمه المعتمد (الدكتور محمد قرشي عباس) ...
----------------
محجوب يا حبيبنا نصك الفوق ده استغلق علي ... لكن للضمان كده لو جايب كلام ( هيثم ساي) موافقة عليهو ... العليفة بامباز المعرفة ذاتها بنشيلها منك !!

سلام اخوتي

Quote: هلا وغلا وكر علي يا النوتة يا عشا البايتات بقيت تنسي الناس اكيد كلو من الرجل الابيض المتوسط منعم دا ولدنا في هندسة ودخل معاك الجامعة في سنة واحدة ويفصلكم شارع واحد في امدر الحبيبة منعم (كبش) KIBSH وليس كباشي كما قال الممسوخ ابو كدودك من بيت المال غادر الي لندن مع ناس عبدالحكيم ومحمد الفاتح يونس (شلف) ومحمد شمو هههههههههههههه بكون زعلان منك اتقالعتو في جكساية في المين الرود وموكد ان الجليد سيذوب سريعا بينكم اخونا الكبير هشام هباني النوتة دا ولدنا وصاحب نادر ابو كدوك وراشد فاروق هباني والواثق تبيرة يعني منك ليك نرجو ان يقفل المحضر في تاريخه بحضور وكيل نيابة الجيزة ودعونا نتفرغ للمازيمبي والشلف وسيمبا وانتر كلوب اقول قولي هذا واستغفر الله لي ولكم

وليد القرود تب كمل النضم
وسلام لكل الحلوين اصدقاءك واخوانا

Quote: [B]يا خلي ... عبدالمنعم عبدالله ده كبش ود بيت المال( الكداوية ) ؟! إنا لله ياخي !! و شنو شابكني أستاز عمر و أستاز ساتي ... ما يقول لي أنا كبش ... و كبش مالو يجي ينبذني بلا سبب و يسكني من بوست لبوست ... كده إنت حيرتني زيادة يا وليد ... نادر جاء قال لي الزول ده لقبو كباشي ... ما عرفت كباشي دي .. لكن عرفت إنو في بني أدم اسمو عبدالمنعم بشهادة ود أبكدوك ... و نادر أب كدوك لو قال صدق و ده السبب

استاز امين
عفو وعافية
لم ولن اغلط عليك
فانت تمثل انسان من الذمن الجميل
وعند محاولتي مكاتبتبتك هنا
وجدت جدران من الترابلة والمطارزية
وحيط من الفريق الاخر
فكيف ان اتواصل معك
وحولك هذه الغابات الاسمنتية السميكة
بث هيثم طه ده ما بعرفو زول كويس
وود هباني ده زول بعتبرو عندو مبداء
بقيف معاه في اي حتة بتتعلق بالمبدئيئة
واخي امين سلام
ليس بيننا الا كل ود
بس معركتك مع ود هباني اتمني ان توسع صدرك
فلو شاركنا فيها وسوف نشارك
لن تكون الا بدافع الوطنية التي سكنت ضلوعنا
ولكن اخي امين لم ولن تكون خصما عن تلك الايام الجميلة
وشكرا اخي نادر ووليد
ودمتم

عبد المنعم يا أخوي ... إنت كبش ود الكداوية قريب عبدالحكيم و جمال الجثة ولا زول تاني ؟!!

Quote: إعلان واحد : تم سحب دكتوراة هيثم طه و أصبح اسمه المعتمد (هيثم ساي) !! إعلان اتنين : تم الانعام علي محمد قرشي عباس بالدكتوراة و أصبح اسمه المعتمد (الدكتور محمد قرشي عباس) ...

مارشات ..
موسيقى تصويرية ..

نعلن بدء تقبل التهاني و التبريكات و حتى إشعار آخر ..

و حفظا أوفر لـ ه(يثم ساي) في درب الإجتهاد من جديد





_____________________________________________________________________
* نسخة لسيد الحوش لتغيير إسم المستخدم لكل من :
هيثم طه
محمد قرشي عباس

كبيييير يا بروف

يا خلي شكلك كبرته و بقيت تنسى زي حبيبنا نوتة...

منعم لقبو كباشي وإسم الدلع كبش.....

الله ينعل الغربة و الكبر...

.............

نوتة يا حبيب يا هو منعم ذاتو ود الكداوية دفعتك و حبيبك.....

Quote: و حفظا أوفر لـ ه(يثم ساي) في درب الإجتهاد من جديد

يا دكتور ... و شايفو ما ضيع وقت و فتح ليه بوست عنوانو عميق غايتو لكن لسه ما خشيتو ... ( ساي ) عميق و موهوب لكن كلام عاطف عمر ده حقو ما يدي الوا طة ...
----------
كبير الله يا كونت ...

---------------

Quote: نوتة يا حبيب يا هو منعم ذاتو ود الكداوية دفعتك و حبيبك.....

يا نادر ... ياخي كلامكم ده حيرني و زاد لي شكوكي زيادة ...
منعم كبش ود حلتي ( أولاد بيت المال معظمهم قرو الأبتدائي في ابوروف الأبتدائية و الأهليه المتوسطة ) و علاقتنا قوية جدا و كبش ده بالذات أخو و صديق و ما شفتو لي كم و عشرين سنة ... شنو البخلي يجي يسكني بالبوستات و يشبكني كلاب السرة و ناس التيار كانو بدفعو ليك كم و إنو أنا مؤيد للحكومة و كلام كلو ما راكب عدلو ...
فيا عبدالمنعم عبدالله ياخي جاوبني علي سؤالي الفوق ده بالله : (إنت كبش ود الكداوية قريب عبدالحكيم و جمال الجثة ولا زول تاني ؟!! ) !!